كاتب الموضوع :
#الكريستال#
المنتدى :
القصص المكتمله من وحي قلم الاعضاء
رد: كنا فمتى نعود ؟
السلام عليكم صباحكم خير ولحقنا عليكم قبل الختام الحمدلله ♥♥♥
شوق كبير لكم ولكريس وابطال الروايه
ونبدأ بالتعليق طبعاً انا من زمان انقطعت وفاتتني بارتات كثير بس بعلق على الاحداث العالقه برأسي بشكل عام ..
نوق وجلوي
طبعاً ذولي الاثنين ماستغرب اني انقطعت ورجعت وهم حياتهم ماستقرت لا نفس حطت يدي فعلاً نوق شخصيه ضايعه تايهه ماتعرف وش تبي متقلبه كل يوم برأي 😔! للاسف هذا اللي ظهرت فيه وتصرفها الغبي فعلاً لما وقفت لجلوي لايظهر الحقيقه فعلاً غبي !
وماندمت فعلاً اني اسسست جيش جلوي من البدايه وكنت من أنصاره. ههههههه لان لو كان كلهم اخطأو بالماضي والحاضر الا ان جلوي كان واضح وعارفين من البدايه وش كان هدفه وش يبي !
بالنهايه اتوقع موت حسنا ف هذا اللي كان باين لي من بداية مرضها ان النهاية بتكون كذا خاصه ان حسنا من البدايات كانت تغار من نوق ومن حبها لجلوي واضح لو استمر وجودها من غير الطبيعي ان حسنا بترضى بحياتها مع نوق خاصه انها كانت الإذن اللي تسمع لجلوي وتحسره وتوجده على نوق وحبه لها !
عكس الجازي اللي كانت عارفه انها مأمنها خوف من ناحية جلوي !
متعب وشيماء الثنائي اللي استولو على قلبي وخطفوه بعد حماسي لنوق وجلوي اللي خربوه ولا مره فرحو قلبي فيه الا مايتحفونا كل بارت بهوشه شكل ههههههه !!
عجبنا تسلسل الاحداث وتطور علاقتهم من الخوف إلى الإحساس بالامان بوجود هالمتعب ♥😩!
يعني ياشيما لوماحبيتي متعب بعد كل اللي سواه تصيرين بدون قلب
شال العائله وأمك وخواتك وتحمل الهم مع هم المرض الرجوله تتحدث عن متعب ♥
اتوقع الاقتباس الثاني كانو مقصودين فيه واكيد متعب ماراح يرضى بوجود فيصل بعد موقفه السيء مع زوجته !
ناديه وعواد
يعني زياده على خبال نوق وجلوي ناقصني خبالكم عوّاد للاسف خيبت ظني من البدايه توقعنا لك حضور قوي وتحكم بالاحداث بس انسحبت خذلتهم وخذ الضوو منك متعب القلب 💓هههه
ناديه يعني كنتي تشوفين الهروب حل ! ردت فعل عوّاد متذبذبه بالبدايه تسلط عليها ثم مرض واستسلم لرضاها طيب اثبت على رأيك اذا كنت مقتنع انها غلطت بالهروب ياأبني:)!
ناديه هربتي وجبتي للولد المرض من كثر الخوف عليك واخرتها تزعلين وتتبجحين واتوقع انك تطلبين الطلاق بعد من الاقتباس الاخير 😒! تأخذين عوّاد بذنب امه افصلي بين حياتك وأم عوّاد ما أنتي رضيتي فيه وعارفه موقف امه من ناحيتك !
عهد &وعد&فارس&مشعل
اتوقع خروج حمد من الاحداث بحياة عهد ودخول قوي لفارس خاصه ان حمد ماراح يكون بذاك الإصرار عليها لما يعرف الرفض عكس مشعل اللي اصر على راعية المزيونه ههههه بس طريقة الاقناع عاد شلون ممكن الجد يكون الوسيط واكيد مشعل بيجيب ضمانات قويه تقوي موقفه لاكن الخوف لما ينكشف كل شي وسوايا ام جلوي بتوافق ام نوق تعطي بنتها الثانيه لهالعايله بوجود امهم !
ام جلوي & نوره
النهايه قربت لكم وكل ظالم يأخذ جزاه 🙆🏼!
ياماخططتو ودبرتو على ظهر هالمساكين
بس اتوقع ينكشف السر الدفين بحقدكم على ام. نوق وسعيكم لتدمير حياتها وحياة بناتها !!
بادي و رحمه
ذولي عاد مالحقت على أحداثهم من البدايه وقريتها كلها ورا بعض عجبني تحكم بادي وصبره عليها ورحمته خاصه انها تمر بظروف الفقد والفقد مر وموجع وأفضل شي سواه جاب لها اخوها تربيه عندها وهو بنفس الوقت يكسب اجر هاليتيم وأخته ♥
بتار والنوري
عاد انا ذولي توقعت زعل النوري يطططول وقلت بس قامت القيامه عليك ياولد !
بس سنعتها ام نوق ورجعتها واتوقع ذي كانت الطريقه الوحيده لعوده مقنعه لشخصيه مثل شخصية نوير لان لو سكتو لها وخلوها على كيفها كان اوهو مارجعت ومرمطت بهالبتار !
بس اكثر شي ماكنت اتوقعه من بتار الضرب !؟
مشهد الضرب كان مؤلم وخاصه انه يحبها بس عاد صدق طلعته من طوره بس الضرب ابد ابد انا ضده لان المراءه مهما سوت ماهي بهيمه تتعامل معها بالضرب المهم هذا هم تراضو ورجعو النوري حتى هي ماعاد عرفت كيف تتصرف بتار عرف يكسب قلبها وحبها لدرجة الزعل والضيق ماقدرت تتحكم فيه ورضت بهالبساطه نقدر نقول بتار عجنها بيدينه وعدل عوج شخصيتها ولا فالبدايه كنّا نقول من يصبر على شخصيه حساسه وعصبيخ مثل النوري المهم الله يهني سعيد ب سعيده 😹♥
كريس نحبك والله ♥
أجمل من يكتب روايه والله حزينه اني وصلت على الختام 😔
وفرحت اني لحقت عليكم قبل تغلق الأبواب وتنتهي ايام قضيناها من انتظار وتشويق وتوقعات وصولات وجولات كانت هنا ♥..
يبقى للابداع الروائي كاتبه اسمها كريس سطرت اروع الذكريات هنا ♥
بانتظارك بإذن الله في لحظات الختام
اعذرينا عاد على قصورنا في الردود ف مهما نكتب نعجز نضاهي جمال ماتكتبين ♥♥♥
|
18-01-18, 07:58 AM
)
جديد مواضيع قسم القصص المكتمله من وحي قلم الاعضاء
العرض العادي
