صبآح / مسآء الخير 💓

نبدا التعليق بتسلسل الاحداث من بارت 63 إلى آخر بارت 💜

موقف خطف نادية حسيت جاسر كلب بوليسي والله الحين على كثر الحريم ويا كثر الشبه إلا أنه عرفها خوف نادية هو اللي دله عليها وأكيد بعد عرف شكلها حسبي الله ونعم الوكيل فيه وعسى اشوف خاتمته خاتمه شنيعه مثل نورة يا قادر يا كريم ومعهم أم جلوي .. عاد الله أكبر يا جاسر أجل عواد م فيه نخوه رجال عسى يعلمك المراجل انت تعد نفسك من الرجال والله كبيره .. وفوقها أخته م سلمت منه وهي تحت التراب أعوذ بالله منه وبعدين وش مشكلتك بس ذرية فاسده حسسني انهم عيال حرام أعوذ بالله منه والله ودي أدق خشمه بتراب يارب يارب أني اشوفه يمردغ تمردغ وأهم شي عواد لا يقصر فيه وبعد فارس ابيهم يطلعون عيونه مالت عليه*

"بتار بصوت رجولي أرتفع : جعل مجلسك عامر بضيوفه .. بدون ما تقولي لي زيارتن خاصه لك قريبه بإذن الله ومعي من مجلس الطيب من يشهد له القاصي والداني"

هنا زيارة لبتار لمتعب خص نص الأكيد أنها اعتذار بتار لمتعب بطريقته لأن أمور نوير انحلت م بقى إلا متعب يعتذر ع م بدر منه أو قصده خطبه مساعد لهيا لأن واضح مساعد قال اللي بقلبه لبتار

كلام شيما لنوير قالت اللي بخاطرها لها وتذكرها بعد انك قادرة توقفين قبال الكل وترفضين وانا اقول قلبك يالنوري يقول شي وعقلك شي ثاني م أصعب الاختيار بينهم

وبعده استلمها متعب والله صراحة أحسنت الظن في نوير طلعت من تحت لتحت ومثل م قال متعب خليك واضحه وضوح النقا لأن التذاكي مع بتار يعني الهلاك*

قرت عينك بتار برجوع نوير استقباله لها* عمق مشاعر وفرحته كانت كبيرة وفي المقابل هي كانت جامده ظاهريا أما قلبها يرفرف في وجوده

هههههههه أما رحمه وعشاها معلبات والمصيبة التقديم كان مأساة أجل علبه التونه في علبتها الواضح أنها م تعرف في الطبخ شي زين اذا عرفت تشرب ماء وأما المطبخ حكاية ثانية والشيخة نوق م قصرت سنعت المكان ليتها تسنع حياتها اللي من جرف إلى دحديره

أما بادي ليش كذا ع رحمه والله صايره جربوع جايه تركض لك من الخوف هههههههه وبعده جت نورة وعطتها رحمه بوجهها نورة القشرا ههههه والله كنت خايفة ع رحمه من نورة بس طلع العكس وفوقها أخذت رحمه حقها من بادي من قالت لنورة بادي قال احسن احسن ليش تهددها وهي لا حول ولا قوه وبعد في اخوها معليش تصير وحش عليك أما نورة حكاية ثانية الله ووصلك لأبوك وامك وبعد جلوي يتبلى عليها هذه صدق مصدقه نفسها انها بريئة إلا والله انك إبليس

حبيت إستقبالهم لأم جهيمان مكانتها كبيرة عندهم من صغيرهم لكبيرهم

أخيرا بتار ونوير في بيتهم الحين كل واحد يأخذ حقه ولا يقصر .. بتار معترف بغلطته وهنا يسهل كل شي وليت يحطون النقط ع الحروف عشان حياتهم تمشي صح على قوله بتار الأمور لا تتسع بينا وحنا نقدر نلمها .. من قالت نوير عندك بلبس ما يناسب قناعتي هنا انا ارتحت فعلا متعب أخذ دور م يناسبني أبد .. ونوير محتارة بين عقلها وقبلها .. حضور بتار يهز قلبها مهما أنكرت أنها تقدر ع الفراق بالعكس راح تفكر تعدل حياتها معه* .. وفرحه بتار برجوعها ومشاعره لها كبيرة وليت تستوعب نوير انه فعلا شاريها لكن يبغى لها وقت عشان تصدق لأن حياه أمها واختفت أثرت فيها كثير وفوقها صدمتها فيه

نادية وتعبها مالومها من الرعب اللي شافته ولا اتوقع أنها حامل .. أما جاسر م همه إلا المواثيق والعهود زمان وراح وفوقها العهد مكسور من دخل للديرة اللي م أدري مين تقصد فيه لأن والله ناسيه بس يمكن جاسر من تهجم عليهم وأخذ نادية المهم جاسر يحسب كل شي راح يمشي ع هواه م درى أنها تغيرت .. وجاسر ذابحه هالبتار لو ع كيفه كان ذبحه شيخته م تمشي ع هواه يحسب كل شي يجي بالقوة

وأخيرا وضحت الحقيقة لبتار أن م سواه جاسر واخذه لنادية م كان إلا عهد قديم ..* الورقة اللي في اسم غازي هي راح تحكم بينهم وفيها الحقيقة اللي اخفوها ياليت تطلع ولا تكون مع أحد خايفة أن أحد أخذها ولا استبعد عن أم بتار تسويها أن تخفي الورقة عشان أنها م تبي هالنسب وأنه ولد عمهم عالي .. حقيقة صراحة صادمة طلع عالي منهم وفيهم وجاسر رافع خشمه وطالع سب فيهم وهو عارف نسبهم عجيب والله .. أم بتار كانت عارفها بكل شي وساكته م نصرت بنت أختها*

مكالمة نادية لاخوها يا عمري عليها قسم انه خالها كسرها جعله للكسر .. أم شويمان داخله بشرها اعجبني رد نوير عليها خير إن شاء الله كيف تطلع نفسها من السالفة وهي زوجه بتار ونادية زوجه عمها

هههههههه ضحكت من فهاوة نوير من بتار يسألها وهي تسأل نادية .. وكملتها رد سعده ههههههههه صرتي مكشوفه يا نوير لهم .. موقف نوير من تركض عشان تشوف بتار من المواقف اللي راح تبقى بذاكرتي ابدعتي كريس

هههههه ضحكت من وصف نوق لبادي أجل انه زي عيون البس البريئة والله م عرفتي له ومالوم رحمه من خايفة منه .. معاذ وريان فيهم هبال وكاانهم م ذاقوا أكل من سنين

رد نوق لحسنا م تبي المشاكل يقولون ابعد عن الشر وغنيله .. متأكده من نوق لو يصير لحسنا شي هي أول من يهتم في عبدالله سمي أبوها وهي قلبها طيب .. أخيرا اللقاء المنتظر جلوي ونوق هي مو فاضيه تخطط لبيتها وانت خربت عليها الخطط نوق تغيرت وتفكر بنفسها أولا وأخيرا .. طبعا جلوي ونوق مدري متى يرتاحون لازم توم وجيري تقوم الحرب الكلاميه بينهم وبعدين الغلط راكبك يا جلوي وفوقها كأنك م تعرف نوق وتستخف فيها ترى هو اللي يقهر مو هي وعلى قوله نوق اونس القهر لأن نوق شافت أشياء كثيرة وسنين مقهورة هو من عرف الحقيقة ثار كذا الحياة يوم لك ويوم عليك

وأخيرا حضور فارس المدمر ليته كسر ضلوع جاسر .. وحضور الجدة كان في وقته وصدمه فارس في اللي قالته لا تعليق والله مالومه أجل فيه عهود مدرى عنها ويزوجونه بعد .. أما جاسر انقلب السحر ع الساحر م خطط له م حصل

ع قوله أم نوق لا حياء ولا مستحى الحين أمهم تقول لهن عن الخطبه وهن م خلن عيب م قالنه ولا الومهن لكن وجيهم مغسولة ههههههه ولا وعد تتحسر تبي واحد زي بتار م لحظتهم م قالت زي متعب ولا خلاص انخرشت منه هههههههه ومشيه المخطوبة شي ثاني وبعدين بإذن الله تغيرين رأيك فيها يا وعد والله هو اللي متعلق فيك مدري ع ايش لكن القلب وما يهوى وتراك انتي الخسرانه اذا رفضتي نشوف ضمانه لها ونشوف الأحداث وش يصير فيها

عصافير الحب متعب وشيما خوفها عليه وحبه لها .. كلمه متعب من يقول "يابوي" اعترف لك اني حبيتها عمق مشاعرها لها عجيب يحظ شيما فيه

سبحان الله نعمل معروف وما يعتبر معروف بعد هو الضمير الإنسان الحي رزقه الله في وظيفة .. وانهياره م كان متوقع أبد يكون له وظيفة بعد م يأس من حاله ومرضه الله م ينسى عبادة*

انهيار نوير بشوفه عمها والله مالومها من كانت تشوفه قوي الحين طايح م يقدر يقول كلمتين ع بعض .. عاد حركة نوير مع بتار شي ثاني ع قوله بتار شويه تقدير .. وش اللي واثق فيه بتار في امره مع نوير تحمست اعرف والله لان فيها ترتيب مكان وقت مدري عندي سالفة ولا لا يا ذلك عسى اشوفه ع خير

ههههه والله م يطلع عيون نورة إلا رحمه أجل بادي عنده فلوس محد قالك اطبخي .. م اقول إلا يعين بادي ع سوالفه رحمه في دقيقة أعطته كل اللي تبي تقوله رأسه راح يوجعه منها هههه .. حبيت احتواء بادي لرحمه يعني قال كلمه مالها داعي وحس ع نفسه وراح يتعذر .. أخيرا اعترفت رحمه انه مو قاتل أهلها واخوها راح يكون البلسم ع بعد فقد أهلها

فارس وصدمته من الحقيقة طلع منهم وفيهم وفوقها قرار هالزواج اللي م كانت ع البال .. وتجي نادية تصدمه عواد مصيبة بنسبه لها والله العظيم ان حالتهم صعبه عواد ونادية يعني هذا نهاية حبهم لبعض كذا يصير عواد من جهه ونادية من جهه ثانية اتوقع كلهم م قصروا في بعض كل واحد يجرح بطريقته لمتى لمتى م طفشوا أبد عاد صدق هم اللي يبي لهم جلسه طويله عريضة وانا مالوم نادية بصدها عن عواد هو م قصر وهي قلبها م قصرت فيه لكل فعل ردة فعل

خططت أم جهيمان صح* ضربت عصفورين في حجر واحد اختارت غادة لأنها مستحيل توافق ع فارس وفوقها بتار وهي شهدوا لها عن فارس وأنه كفو يعني كذا تبعد فارس عن هالزواج وتخلي غادة تشيل من بالها بتار .. م اقول إلا يا حظ عهد في فارس وراح عليك يا غادة رجال قول وفعل

فضفضة متعب لعواد وخوفه ان شيما تخليه م درى ان قلبها تعلق فيه وخوفه من المرض لا يتمكن منه ولا يقدر يعيش حياته ولا يهتم في الامانه اللي برقبته*.. وندم عواد ع تركه لبنات أخوه م يفيد الندم م عليك إلا تعدل علاقتك فيه قبل فعلا يفوت الفوت*

أم جلوي ونورة جعل كيدكن في نحركن الحين اميره صابها الخوف منكن والله م ارحم إلا هالصغيرة اللي تورطت بشي مو قده بدل م تعيش حياتها عاشت الرعب والخوف .. لكن م عليه يومكم قريب قريب وهذا اللي مطمن قلبي اشوف فيكن يوم بإذن الله .. انا قايله مو عارف لنورة إلا رحمه أجل هذا بيتي انتي لك بيتك وعيالك وفوقها استفزازها لها صب بقلبها الرعب وجعل حتى كوابسها رعب وفيها أم نوق وبناتها عشان صدق م ترتاح لا بنومتها ولا بقومتها .. عاد بادي جاء بوقته والا كان رحمه راحت فيها من نورة وبادي م قصر في عمته في كلامه لها لأن فعلا نورة لو محد يوقفها عند حدها تتمادى وهي فعلا م يهمها شي من تحت لتحت علومها .. ياربي من رحمه شكل نهاية بادي ع يدها مت ضحك ع رد فعل كل واحد منهم هي هربت منه وهو مسك الباب وهج هههههههه هذا شلون حياتهم راح تصير اكشن والله خاصه بادي متعود ع الهدوء جت له وحده الهدوء بعيد عنها

غادة ارجع وأقول ضيعتي رجال كلن يحلم فيه راح عليك

نادية وصدمتها من حقيقة نسبهم وكيف أبوها فعلا تناسى وهم اللي صاروا بوجه المدفع والله قويه الحقيقة عليهم سنين وسنين يعايرونهم في نسبهم وفعله أمهم وآخر شي تطلع الحقيقة وأن أمهم وابوهم نسبهم واحد الحين من يوريني وجهه أم عواد غثتنا أم نسب نادية م يشرفها وفعل أمها يلا تعالي شوفي نسبها الحين

التم المنحوس ع خايب الرجا بالضبط هذا حال نوق ورحمه يعني جد ع م قالت نوق انا ابي من يسنعني ثم اسنعك ونوق ورحمه قلوبهم طيبة ورحمه لقت من ترتاح له وهي نوق علومها كلها عند نوق بس اقولك لا تاخذين النصيحة منها هي خليها تسنع حالها مع جلوي

وأخيرا نفذ متعب م خطط له وهو قرار شيما للاستمرار معه أو الانفصال حبيت كلامه لها عمق مشاعره وحبه عظيم "انتي عندي تكفيني عن هالوجع وانا متأكد ان وجهك احتاجه كل لحظة" حبيت حبيت حبه وكلامه لها بطريقته .. يعجبني متعب يفكر ويبني حياته ع أساس قوي ومتين

وأخيرا لهذه اللحظة اللي نبيها من زمان فضيحة نورة وام جلوي أخيرا .. عاد أم نوق م قدرت تصبر خلاص بنتها وتعدل حالها مع زوجها والحين وقت نورة وشرها يا جايكن يوم اقشر*.. والحين راح يجون منصور وابوة عشان يعرفون السالفة وعقابكم عسير بإذن الله .. ولكن يبقى السؤال حقد نورة وكرها لهم ايش دافعه يعني فعلا يوم عن يوم يكبر حقدها لحد م وصل أنها تتهم شيما بشرفها ونوير تهدم بيتها والأهم نوق من ظلموها يعني كل هذا ايش دافعه عرفت أمها تكره أم نوق لانها احسن منها لكن تبقى دوافع غيرها وعاد أم جلوي اللي وصلت فيها ولدها خربت بيته هي اللي ودي اعرف ليش تسوي كذا يمكن من أحد أسبابها حب جلوي لنوق واهتمامه فيها بس اتوقع بعد تكره أم نوق نفسها ودي اعرف أسباب الكره اللي يكننه لام نوق وبناتها .. والله أن منصور راح ينهد حيله ويكبر كم سنه بعد م يعرف علومه زوجته سنين وهي معه وتمثل عليه وهي إبليس ومين اللي تأذى بنات أخوه واحبهن له نوق ونوير .. عاد أبو عبدالله الله يعينه ع الحقيقة بنته وكذا علومها مع زوجه ولده وبناتها م اقول إلا ربي يقويه ع الحقيقة لأن تهد جبال هي من خططت وحرضت عبدالله ومين اكلها زوجته وبناته وليت الأذى خلص بالعكس زاد

وتسأل رحمه نوق نورة كانت ماذيتك مره ؟! كثير وكثير يا رحمه انا حسيت بشعور نوق من سمعت سؤالها وجع كبير ذاقته من نورة حسبي الله عليها هي وأم جلوي اشوف فيكم يوم* .. فرحه نوق في هدية مشعل يالله كبيرة

أخيرا أخو رحمه صار عندها انهياره وكلامها قمه الفقد والوجع أكثر م اوجعني من قالت اصير لك خدامه بس أخوي عندي الله لا يحرمها من أخوها لأن هو قوتها وسندها وعسى اعمامها م يطري عليهم طاري وياخذونه بس اللي مطمني أن عنده جده واخت وهم أحق في الحضانه

تناقضات نوير بين العقل والقلب وخوفها من بتار والحياه معه تخاف تعطي وتنصدم مثل م قلت اللي عاشته وشافته في حياه نوق وامها هو الحاجز اللي بينها وبين بتار ولكذا نبغي الجلسه بينهم تجي بسرعة عشان كل واحد يقول اللي يبي ويفضفض وأهم شي حياتهم ييأسسونها صح وعلى الصراحة .. نوير في حضور بتار ترتبك اصلا بتار عارف م بقلبها هو اللي يعلمها كيف تبوح في مشاعرها له .. للقاء نوير في خوات بتار واعتذارهم لها ع قول نوير فعل اخوي وجاهيه بتار وحضور الجدة يكفي .. مكالمة نوق لاختها أخيرا الحطب طاح بينهم

للقاء نادية بعواد وكلامها له جدا منقهره منه حتى حالته الصحية م أثرت فيها أو تكابر لأن هالاثنين عندهم مكابره وكبرياء يا كافي .. وكلام فارس عن ممدوح وانهياره والله فعلا عيال عالي هم اللي أكلوها بين نسب ابوهم و فعل أمهم عاد ممدوح لو ينهار هو أكثر واحد كافح عشان النسب ويزوج خواته بما يناسب لهم عشان محد يعايرهم فعلا أن انهياره وصدمته كبيرة .. ردت فعل نادية من شافت ترحيب عواد بنات أخوه وحنانه لهم اذا م خاب ظني أنها م عرفت في سواه نورة بشيما والا كان عذرت حنانه واهتمامه فيهم وحتى تحتاج اهتمام وحب منه يعني م الومها لو تزعل عسى تتعدل أوضاعهم .. أما سالفة سوات عواد في وعد من كب عليها السائل الأبيض وع وع بس وياليت من بعد كلامه تكره طاري الغنم .. اعتذار عواد لشيما خص نص اوجعني والله يعني ما شاء الله كريس عيشتيتي كل موقف وردت فعل .. أما سؤال فارس عن عهد كلن ع همه سرى هههههه .. أما وعد من قالت لعهد كلام فارس عنها لا مكان ولا وقت مناسب م عندها صبر أبد والا حركتها من قالت شوفي فارس يسارك ههههههه نذله والله

أميرة وعزلتها من بعد اللي صار حبيت حركه نوق تشغلها في المشروع عشان تطلع من العزلة اللي فيها

أما حاله توم وجيري نوق وجلوي م أذكر جلسوا مع بعض إلا وجابوا العيد من جهه جلوي يبي يقول الحقيقة عشان نوق م تتهمه بشي ماله دخل فيه يبي الحقيقة عشان يرتاح وترتاح هي وعلى قوله عشان بنته يكون كبير بعينها وانا اقول جعل ربي يرزقكم في تؤامي بنت ولد .. حضور منصور لمعرفه الحقيقة حقيقة موجعه والله موقفهم وردت فعلهم كأني عايشه معهم نوق وانهيارها وجلوي وجرحه من الحقيقة ومنصور عشره سنين وسنين آخرها هذا حقيقتها

مشعل ايش ضمانه لوعد مستحيل مادي والحين راح يروح للقصيم عشان يشوف أمره ويقدم ضمانه لكن م اقول إلا الله يعينه ع حقيقة أمه هو أكثر واحد راح ينصدم رايح يخطب أخت من تأذت أمه منها**

وعد وعد أبد م تتوب الحين جايه تقول معزومه عند جيارنا يعني م يكفي روحتها آخر الليل وتجي الحين تطلب منه وفوقها ترادد وتقول وش دخل اختهم في اخوانها أبد مو خايفة على نفسها بس والله عرف لها متعب من كلمها عن مشعل م شاف إلا غبرتها هههههه

وعلى طاري الغبار ذكرتيني من كم سنه من جاء لنا غبار سبحان الله كان الجو كاتم شوي إلا وهب الغبار*علينا فجأة وأذكر كان العجاج يتغير لونه سبحان الله*.. عاد متعب هي وين وهو وين هي خايفة ع أهلها ومن الغبار وهو يسأل شرايك في الغرفة البنت مستحيه منك وداخله غرفتك وانت تسأل لو م هو غبار كان م دخلت ولا شافتها .. ما شاء الله متعب وشيما عندهم طريقة تعبير غير غير يعني الحين شيما تقول انت قدر م فيه أبلغ من تعبيرها حبيت حبيت موقفهم قلوب قلوب .. والحين وافق ع الوظيفة الله يعدل حالهم .. واتوقع راح تتغير مخططات متعب بزواجه بعد م ترجع أم نوق لرياض خاصه الحين مع وظيفته خلاص راح نحتفل في بنات أم نوق مع بعض عرس الموسم وعرف برأس كريس موال غير اللي نبي ننتظر ونشوف

ولا نورة لا بقلبها رحمه ولا شي الحين تقول مالها داعي يجلس هنا وليد خليه عند عمانه والله حسستني أنه هي اللي تهتم فيه وتدفع من جيبها وبالعكس أجر أم عبدالله كبير يتيم وتأخذ الأجر عليه وعند أخته مو عند أحد غريب .. كانت رحمه تعرف أنه بريء ولا له ذنب في موتهم ومع ذلك سوت أشياء كثيرة بس عشان يبعد عنها لكن م حصل اللي تبيه .. والحين تبي نوق تدرس مدري ايش اقول إلا يطيب قلبها م عرفتها إلا من كم يوم وتبيه تتعلم وتساعدها

سماجه معاذ وريان يا صبر بادي عليهم تالي هالليل

جاسر عقله طار من شاف الأمور م جت ع هواه الحين من صدقه متهجم ع فارس في بيت بتار يا كبرها والله وعسى اذا تمت الأمور مثل م قال بتار ينقطع شره لأن الحين واضح حاقد ع بتار حقد الله يكفيه شره

منصور وحاله من بعد م ربط الأمور في بعضها لكن يحتاج يعرف ليش سوت كذا سواء في ولدها ونوق أتمنى بس اعرف سبب حقدها ويحس بالذنب أن زوجته اذاها وصل للبنات أخوه وهو م كان يعرف وجعه كبير .. وإذا ساعدت عبدالله في الأوراق بعد لها مساعدات ثانية غريب نسخها للأوراق زوجها

والحين أم جلوي مو مخليه نوق تنبسط في هديه مشعل حسبي الله عليك مو مالي عينك شي الل التراب لكن يومك قريب .. ومشعل خليه يختار م يبي لأنه لو انتظرك م انتي مواقفه ع وعد

وأخيرا صاحب الوصية حضر أبو طارق بيكون العون لهم مع متعب وبتار في الحقيقة .. ومن كلامه عن عبدالله فيه من الطيب وساعده كثير وش يخفي عبدالله خلف قسوته وفعوله .. وفيصل يمكن الحسنه نورة الوحيده ساعدت فيصل في الفلوس اللي أعطته وهو راح يبحث عن أبو طارق يبي الحقيقه لعل أهله يسامحونه ويغفرون له فعلته اللي كانت من خطط أمه

ارسم السيناريو اللي متوقع حضور فارس ومساعد ومشعل للخطبه الله أعلم يبدون يتكلمون فيها أو لا لكن بعده حضور أبو طارق وفيصل وبعده حضور أبو عبدلله ومنصور وهنا ينقلب المكان من مكان خطبه لمكان الحقيقة المٌره

والله كنت اتمنى أنزل التعليق بدري لكن م ربي كتب .. يعطيك العافية كريس والصمت في حرم الجمال جمالا .. ورغم اني ابي اشوف النهاية لكن م ابي الرواية تخلص .. انتي اول كاتبة اقرأ لها من البداية لحد النهاية هذا شي أعتز فيه والله