هههههه
البت دي فعلا معندهاش سالفة
قال شرطي أكمل دراستي وعمي عواد هو اللي يساعدني قال
هو انتي يا ماما طلبتي تكمليها قبل كده وقال لك لا؟
المهم يعني أم نوق اتفقت مع كثير من القراء ان تحسين موقفها كان في جية العرب
ويكفينا تملل متعب من كلامها العار
نوق ويعجبني فيها انها بتقلب كوميدي لما تتزنق
بس هتفضل كوميدي كده لما تواجه جلوي
بادي ، لا ماكنتش متوقعة منه كده أبدا
طلع ناشف مش خرع زي ما كنت فاكرة
رحمة دي طبعا تنضم لقائمة البطلات السخيفات عن جدارة

وانا كمان بحترم وجهه نظرك بس انا عندي قناعه ان نوير لها شخصيه قياديه بحكم انها كانت تعمل وكانت مسؤوله عن البيت واخواتها مع نوق التي معروف انها ليست بقوه نوير وكان الجميع يلجا لنوير وياخذ رايها بامورهم اي كانت هي المسؤوله عن الجميع ولما تزوجت من الشيخ بتار او لما وجدت نفسها متزوجه من رجل ذا نسب وجاه ومال وشخصيه متميزه غير انه متعلم تعليم عالي وهي البائعه البسيطه التي لم تكمل تعليمها بالرغم من تفوقها واذا لاحظتي انه كان حلمها ان تتزوج رجل عادي لايمت لبتار بصله وحتى باحد البارتات حسينا انها شعرت بالنقص بسبب انها لم تكمل تعليمها لذلك اول شى فكرت به لما حصلت المشكله وقررت تركه ان تكمل تعليمها وهذا شى تحترم عليه نوير واخواتها كل واحده عبدالله سببلهم عقده ولاننسى هجر العائله لهم لذلك شخصياتهم ونفسياتهم ليست سويه فنوير يمكن لما تكمل دراستها تتحسن نفسيتها وتتغلب على عقدتها ونوق لما يصبح لديها اولاد اكيد نفسيتها ستتغير كما نلاحظ انها من وقت ماحملت صارت منفتحه اكثر رغم بقاء الغباء فيها اما شيما فاعتقد ان متعب استطاع ان يجعلها تتغلب على خوفها ووعد اكيد مشعل سيجعلها تعوف العنز هذا اذا ما جعلته هو يربي معها هههههه اما من ناحيه ان نوير تريد رجل لايعرف ماضي عائلتها الاسود فهذا حقها رغم انه صعب بوجود نوره التي لن تسكت عن ابلاغ اي عريس يتقدم لبنات عيد الله عن ماضيهم عمه الشر ربي يخلصنا منها وسعدت جدا بمناقشتك وبوجه نظرك وريي يسعدك ويسعد الكريستال الي جمعتنا

فعلا شخصيتها قيادية والظروف اجبرتها تصير كذا لكن بنظري مو مثل م قلتي صح تمنت زوج عادي وبسيط مو عشان تتحكم لا م كان حتى حلمها زوج له منصب ومال وشخصية م تمنت زوج بسيط إلا من شافت الحياة مع بتار من مشاكل وش كثرها وفوقها الماضي وعمتها من جهه وبعده حبه لها اللي م تدري متى تعلق فيها يعني كله غموض في غموض وفوقها أغراضها اللي معه وكلامه عن اخوها الوضع كله محير عندها اشوف م تمنت زوج بسيط إلا من شافت الحياة الصعبة معه مو عشان تتحكم فيه .. أما سالفة تكميل تعليمها الأكيد أن كلام بتار وخواته وفوقها موقفها مع خواتها الأخير كلها لها دور في فكرة تكمله تعليمها

وفعلا عبدلله عقد بناته في عقده كبيرة وهذا فتره حصادتها يمكن نوق ونوير أكثر م تعقدوا منه وحتى شيما لكن مو مثلهم أبد

ويسعدك يارب ويسعد الجميع والله يجمعنا في يوم لا ظل إلا ظله في أعلى الجنان يارب العالمين

تعليقاتكم عن نوير كلهم بوجهه نظري منطقيه وصحيحه اشوف ان نوير تعيش التناقض تبي كذ وتبي كذ اذا رضت وتغاضت راح تخسر كرامتها واذا اصرت على الفرقا تخسر قلبها وحياتها اللي تمنى تعيشها وتحلم فيها مع بتار اصعب موقف وامنيه للبنت انها تتمنى زوج لا يشبه ابوها ولا اخوها زوج بعيد عنهم العقده اللي سببها لهم عبدالله ماتتخطى وتنتهي بموته او زواجها بزوج افضل مهما طال الزمن ماراح ترتاح لرجل دام راحتها عند ابوها انعدمت اقل موقف يذكرها بماضي امها وحياتها عند ابوها الرحمه لبنات عبدالله ان أمهن ام نوق قويه وصاحبه قرار اسهل حياة لبنت قويه مثل نوير عاشت حياتها يكون زوج لا يعرفها ماضيهم زوج تقدر تقول عنده انا بنت ابوي عزني وامي قوتني واخوي يشاركني حياته ماتكون بيوم موقف ضعف لانها قويه وأصعب حياة لبنت قويه مثلها تكون واقفه موقف الند كل حياتها مع زوجها تكون بقرار ياأسود او ابيض مافيه خيارات تعيش بدون عفويه لكل فعل رده فعل قليل بالواقع اللي تعيش بسلام بدون منغصات

بســـم الله الرحمن الرحيم
الله يسعدكم بكل مايرضيكم .. بجد يجد التعليقات واصله للمرحله إلي أنتظر تعليقاتكم بشوق ..
الربابه .. وش هالنور ماشاء الله .. والله أقرى تعليقتس وأضحك ..
لامارا : ياخيه أشتقنا والله .. ومن طوّل الغيبات جاب الغنايم
بنات لايفوتكم تعليقها .. كتبت عن أشياء محوريه .. جوهريه أبصراحه
عبيرك .. وكل من ناقشها بخصوص نوير .. جميلين أنتم بتحليلاتكم ..
جارة القمر : ههههه .. ياحبيبتي أنتي .. إي والله في توقع صحيح .. يكفي رد الشموس .. المؤيد للي تقولينه .. برافو عليتس ..
للجميع .. شكرا من قلب كريس لقلوبكم ..
.
.
.
أحم أحم .. جيت وجايبه المسابقه معي .. طبعا مثل ماقلت بالسناب .. المطلوب بالمسابقه .. تخمين الشخصيات الصحيحه .. وردكم خلاص يحسب لكم .. مره وحده الإجابه موب تعطوني كم إجابه وأنا أختار .. لا لا لا .. ترا عجوزي النذله صاحيه ومفتحه عيونها عليكم .. والجائزة أرسل البارت بدري .. لكل وحده تخمّن الشخصيه الصحيحه .. هينا بالمنتدى الإجابات .. وهالله هالله لا أوصي إلي يوصلها البارت .. أنها تصير نذله بالتعليق .. ههههههههه ..
وهذا الأقتباس ..
.
.
.

ترفع يدها وصوتها إلي يهتز من الخوف .. يصرخ من فاجعة مايصير
" هذي النار إلي شبيتها وش يخمدها .. تبي تاخذنا يم أمورن المشي تحتها يبي يذبحنا ويذبح رجالنا وعيالنا .. !! "
يندفع ثاير
" هذي الأمور إلي تشوفينها نار .. عهدن تم على كبارهم ولزوم يتم مثل ما أنتهى على صغارهم .. "
تنطق بحرقه
" تجرها يمي .. وتبي تسكنها رهينه وتشعل في بيتي نار الحرب والثار ! "
يقاطعها بقوة وجبروت
" رهينتن لن الأمر بيننا تسان تسذا .. ووالله .. ثم والله يا نارن أنتسوينا فيها.. وتسان نهايته عهدن يشهد عليه من شهد ... بيتم على شكله "
ترفع أيديها حتى تضربهم في بعض والفاجعه لا زالت تسكن ملامحها
" الأرض ماهيب أرضك .. ولا توزن الأمر على ميزان الأولين حنا ذا الحين تحت ظل آل سعود .. مستامنين أنفسنا وأهلنا والقانون موجود .. وماتقوله إنتهى زمانه "
صرخ بصوته
" والعهد إلي تخبرينه ونخبره كلنا وأنقال لنا .. أنا سنين وأنا أنتظر يجيني واحدن منهم كاسرن ما شهدوا عليه الكل ! وسكتنا عنه لجل ماينعاد الأمر من جديد دام أنهم بعيدين ومشتتين "

ألم رهيب راح يحتوي صدرها .. تحرك يدها برجفه
" الحكومه لا تلتفت عليك يا مجنون .. هو أنت تبي تمنع الخلق لا تلفي يم هالديار .. ملتزم بأمرن كتمناه بصدورنا ولا عاد له من طاري ! "

لحظات ويقاطع كلامهم .. صرخته بالحوش .. أنتفض من مكانه من وصل له هالصوت وأدرك صاحبه حتى يتحرك يركض طالع من المجلس .. يدفع خطواته صوب باب المدخل .. وأول ما طلع .. ماكان يفصل عن هالواقف قباله غير خطوات .. تقلصت فجأه حتى يجره مع ثوبه بقوة
.. الجنون يتفجّر داخله بشكل أعمى .. تغرق ملامحه فيه ..
" وبعدين معك أنت .. ماتتوب .. تعتقد إننا مانقدر عليك وعلى عقليتك الخايسه .. طلعها ولاّ والله .. والله لا أروح أبلغ عليك ويجرونك من بيتك مثل الكلب ! "
وبكل قوة
" جيتني بالأوله متهجم وسكت لنك خسيس تغافلتني عند حلالي لكن هالحين طلعت من يدك "
صرخ فيه وهو يهزه
" طلعها أقووول .. طلعها "
" ماتطلع وأنتم كاسرين العهد .. "
رجع يصرخ
" الله ياخذ عهودكم ومواثيقكم .. طلعها أقووول .. طللللللعها "

" المواثيق والعهود ياولد ماتروح وهي تسري فينا مسرى الدم .. وحافظت على ديارنا وأهلنا بالأوله .. وهالحين شين نذكره للفخر والتباهي .. وماصار متروكن للعرافين بالحقوق .. "

يندفع صوتها الحاد وهي تدخل من باب الشارع بعجله .. ومن شافتها ..الواقفه عند الباب بخرعه ... تحركت بعدم تصديق تنزل تمشي بعجله .. ترفع أيديها حتى من وصلت لها .. مسكت يدها بقوة .. تنطق
" وينتس وأنا زاهمه عليتس من الظهر .. خابرتن هالأمر من الأوله "
" ولني خابرته جايتن عندكم .. بعد مافضحتوا أنفسكم بسواد الوجه من جديد .. "
يلف بعصبيه ..وحواجبه تقترب من بعضها بحده .. عيونه تضيق من هالغضب الأسود العايش في ملامحه .. وهو مايعرف من هالواقفه قباله .. يرفع يده بصوت حاد
" موب كل شوي طالع لي أحد يعلمني بشي جديد .. ولا علي منكم أنا .. ومن مايسري في دمكم ياحرمه .. تطلعونها وأتوكل "
صرخ بتهديد
" ولاّ والله .. والله موب أبلغ الشرطه وبس .. أقدم بلاغ رسمي للداخليه في رجالكم ينسحبون واحد واحد .. وعلي وعلى أعدائي .. "
رفعت صوتها
" تسحب دمك ولحمك "
ثار أكثر
" دمي ولحمي وين .. ! .. وين .. نضحك على أنفسنا .. "
هزت راسها بثقه
" دمك ولحمك رضيت ولا ضربت براسك عرض الجدار "
قعد يضرب أيديه في بعض .. يضحك بذهول من مايسمع .. لحظات كتم ضحكته وهو ينفض يده
" كلامي موب مع الحريم ! "
قالها وهو يستدير .. يسمع شهقه أنفجرت من شفاة وحده منهن .. لحظات ويتمايل من أستقرت أصابعها على يده .. تجره بقوة وبعنف
" أنت تعرف من تحتسي معه .. تعرفها ! "

يحرك راسه لورا .. من أنطقت بحده
" أنت ماحدن قالك إنه أنت مشروطن عليك الزواج من وحدتن يختارونها لو أن ماصار زمان كسره أحدن من طرفكم ! "
.
.
.
كــــــــــــــــــــــــــــــــــــت