أحسن مافي هذا الجزء ارتحنا من نوير وكآبتها سبحان الله اي مقطع لها يعطيك كمية طاقة سلبية فضيعة .. الغريب لنا كم جزء واحنا نطارد ورى رضا نوير ولسة باقي كمان ينذل بتار أكثر عن الشيخة انا مدري من بداية القصة وشخصية نوير مليانة اخطاء فضيعة ماني شايفة لو جزء بسيط بس حوار مع نفسها تعترف بأخطائها لا مجرد ذكر لتضحياتها وبطولاتها اذا كان فعلا هذي هي شخصية نوير انها البطلة المطلقة للقصة ليه ترسمون شخصيتها بهذي الطريقة والمفترض أننا جميعا نسلم ان نوير شخصية ملائكية ونقعد نتباكى على لطمياتها ومظلوميتها .
هذا الجزء رحمت بادي وهو شوية وينجن من شخصية رحمة واضح إنها قاعدة تمثل على أهله الطيبة ولسة جمرة الانتقام متقدة في صدرها عموما هذا خبز يديك يابادي وتحمل اختيارك الاهوج .
الموقف الأخير موتني ضحك اجل شوشة هيا واقفة وتوها صاحية من النوم وشافها عريس الهنا ههههههههههههه أحلى شوفة والله .
كريستال كلمة حق احيييك وبقوة على انتظامك باليوم وبالساعة انت مثال نادر على الالتزام مع القارىء الله يسعدك يارب

يعطيك العافية كاتبتنا الجميلة بارت رائع


احلى مافي البارت انه ارتحنا من نوير وغثاها ونفسيتها

بادي ورحمة

بسم الله وربي حتى انا تفاجئت معهم وش السالفة كيف صارت
فاهمة وتعرف تتكلم وتحاور وتستغل الموقف ولا تخطط بعد تكسبهم
لصفها مارحمت الا بادي مسيكين اما موقف نوق لما دقت عليها ام متعب
مت ضحك ربي يسعدك وهذا العشم في ام متعب راعية مواقف


جلوي وحسنا ونوق

وأخيراً تلحلح جلوي وأصر عليها لازم يخلونها تتعلاج
ولازم يستخدم جميع الاساليب معها يكفي وقفتها معه
وعشرتها الطيبة له إذا استبعدنا موقفها من نوق لانها ماتنلام
استغربت تحليل جلوي انه متأكد ان نوق خذت الاوراق انا اتوقع انه
امه هي اللي خذت الاوراق من غرفتهم ونوق عطت ابوها اوراق ثانيه
ماتخص الارض او انها كذبت وماعطت ابوها اوراق بس ماتبي تكذب ابوها
او انها تدري ان امه ماخذه الاوراق وماتبي تكسره


حمد ومشعل

صراحة عجبني كلام ام حمد منطقي وحمد مع الخيل ياشقرا
اي احد يقوله خذ هاذي قال قدام ماعنده شخصية حتى باختيار
شريكة حياته ومشعل من جده يفكر فيها ام عنز
ماعندها عقل ياناس وربي انه خساره عليها هو يستاهل بنت
أدب وذوق وشخصية وجمال والاهم من ذا كله تحبه



مساعد وهيا

هههههه مادري مو جاية تركب الصورة ببالي ياليت توصفين لنا اشكالهم
وأن شاءالله يكون لام مساعد دور قوي في حياة ام نوق وبناتها وتكون لهم عون



متعب وشيما

احلى ثنائي ياليت تتعمقين في وصفهم لمشاعرهم واشكالهم
ردات فعلهم اكثر مرات مافهم ليه هو تعلق فيها كذا وحبها
وهو اللي كان رافضها بقوة


بتار

قطع قلبي وربي ماتستاهل نوير هذا وهي ماعطتك ريق حلو اجل
وش بتسوي لو انها كانت مدلعتك ومغرقتك في العسل وربي
انك خسارة فيها يارب مايرجعون لبعض وتعوضينه ياكريس ببنت حلوة وعقل
ومنطق وأسلوب وتحبه وتدلعه وتوريه الحياة الزوجية كيف حلوة بدون هم وغثا
وساوس ومرض



مادري البارتات صارت قصيرة ولا من الحماس مانحس بطولها
ربي يحرم ايدينك عن النار ياجميل