كاتب الموضوع :
#الكريستال#
المنتدى :
القصص المكتمله من وحي قلم الاعضاء
رد: كنا فمتى نعود ؟
بداية
"هذا ماكان ينقصه .. لا عز الله طاح ولا أحد سمى عليه"
ايوة والله طحت من جهه وعد ومن جهه السالفة ترند طحت ولا أحد سمى عليك الحين راح تروح فيها من جهه شهرتك بسناب وراح يطلع سوالف على هالعنز ومن جهه انتقام وعد والله سرك مقطوع في حوش هالغنم ع قولك 😂 وبعدين خرعت جلوي انه انخرش خرشه وش كبرها ع موضوع م يستاهل مو مصيبة كبيرة لكن من جهه مشعل عارف وش كبرها
بادي ورحمه صار مثل أهلها من نظرتهم أنها مريضة والحين ايش سواء بدل م يحتويها هرب عنها أنت اقحمت نفسك في هالزواج وانت عارف كل شي وايش تتهمك فيه ما موجع قلبي كثر حال رحمه لا أهل وحتى زوج يهتم ويعاملها كإنسانه أتمنى أن الدكتور إياد يخلي بادي يستعجل في زيارته وليت بادي يقول لأهله عن مرضها اكيد الجدة م راح تقصر لأنه راح تحتويها وفوقها هي زوجه ولد ولدها واعز حفيد عندها ليتهم يحتوينها عشان تمر فترة العلاج ع خير كذا م راح تمشي حياتهم ولا راح تتقبل العلاج دام هذا التشتت بحياتها لازم زوجها يقف معها
نوير حيل يوجع كسر القوة وأكثر الألم انه من كان أقرب قريب واللي وعد انه يده م توجعك هو أكثر شي موجعها ضربه لها والأثر اللي راح يبقى يذكرها في اللي صار مهما تناست .. الحين تعرف الحقيقة ونشوف وش رده فعلها وتعرف ايش سوى لها نادر عشان تعيش مع زوج يناسبها مو شايب .. الحين عرفنا من وين ندخل ع نوير عشان نقنعها في رجوعها لبتار هالمشاعر اللي تحسها تجاه بس شويه وقت وتهدى الأمور ويتلحلح بتار ويعتذر لها لحد م يطيح اللي برأسها وتوته يا توته وخلصت الحتوته بسسسس تهقون كذا مع كريس لا لا م أصدق والله لازم العجوز تصحى وتسوي لنا اكشن بس هانت راحت كثير من المصايب م اتوقع بقى شي أكبر من اللي راح
أم نوق صح أنها قهرتني في رده فعلها لنوير لكن تبقى أم والله يرجع بناتها مثل م كانوا قلب ويد وحده .. ونورة انتظروا أبو طارق بس يجي اتوقع ذاك اليوم نوره تموت بحسرتها لأن اتوقع راح يطلع حلال أبو نادر وخطط أخته له بالقطيعة ويمكن بعد أم جلوي لخذها نسخ من أوراق زوجها يعني ذاك اليوم موت الأشرار هههه متأثرة من قناة سبيس تون*
متعب وشيما يا حبي لهم ع م صار لهم إلا أن حياتهم بنوها صح طوبه طوبه مع بعض مو مثل بتار ونوير اللي بتار في الأساس أسس حياتها وحبه لنوير من قبل ومن جته ومع حياتها القصيرة معه الا انها بدت تبني بيتها معه طوبه طوبه وبدت تكن له مشاعر خاصه إلا انهدم اللي بينهم باللحظة المهم نرجع لشيما إيه يا متعب بنتنا لا تخبي عليها شي صراحة تطورت شيما بشكل كبير والا آخر سؤال متعب لها متى تجهزين لزواجنا والله موقف شيما لا يحسد عليه
*
عواد صدق أنها عمته نورة انتقم شر انتقام ومن تحت لتحت الحين جاء وقت الحق وكلن يأخذ حقه عالي ولده انظلموا والحين جاء الدور على الظالم يأخذ عقابه والحين بس باقي ع أبو فراس يضرب ضربته ويأكلها إبراهيم اييي هذا زوجك اللي شادة الظهر فيه يأم عواد وش استفدتي من حاولتي تهدمين بيت ولدك الحين الدنيا دوارة وبيتك يبي ينهدم .. الحين اذا م كلم متعب جدة وعياله عن أمور نوير فعواد راح يروح لخاله ويكنسل الروحه للقصيم كم يوم وبعده يروح لهم ولكن السؤال هنا م اتوقع كان ناوي يأخذ نادية لا معه اذا راح لخاله ولا للقصيم شكله* راح يخليها عند أهلها عشان ترتاح هي من خباله وياليت يخليها لأن خلاص تكه وتنفجر فيه نادية ولا بعد يسأل تبي عشاء*خير إن شاء الله انت م فطرتها حتى تعشيها وعلى قولهم من سأل م عطى .. وكذا نوم نادية هو من الأحداث الأخيرة تهرب لنوم عشان م تفكر والا حااااامل وحده منهم عاد م أتخيل عواد اذا عرف انه نادية حامل تهقون ايش يسوي وخصوصا انه كبير يتمنى طفل والله مدري شلون رده فعله اتوقع يطير من الفرحة
وعد والله تستاهلين خرعتك ع مزيونك والله يعين ابن الحلال عليك والله راح يطير عقله وإن شاء الله مره وحده يطلعك من باله ولا يفكر يتزوجك لانها والله ظليمه له
نوق وجلوي ووووه يا نوق لا تمدحين مشعل قدام جلوي حرام ذبحتي الرجال وبعدين جلوي وقف مع وعد ونوق مع مشعل وكلن له وجهه نظر في الموضوع وكلهم ع حق يلا الحين حلوها وياليت وعد ترضى في العوض ولا تكبرها .. وبعدين وش كبركم صدمتوا الجدة والله تناقرون عندها عيب ههههههه وبعدين لا تزعل يا جلوي ترى اخوك وقف معها وقفه والحين جاء وقت رد الدين .. وبعدين رياضه يا جلوي سبحان الله الأحوال انقلبت من بعد م كانت عصلا صارت سمين وانت بعد انقلب الحال وعلى قولها سمنه عافية ولا سمنه مرض يعني تدقك في الحكي .. سبحان الله من دخلت بيت عمها حست بالضيقة وكانت في محلها الشيطان نورة قدامها اخخخخخخ والله ودي انتقم منها شر انتقام عاد الله الله يا كريس خلي عجوزك تنطلق عليها لا تقصر فيها أبد أبد أبد اما الخبله أم جلوي شين وقواه عين ولا كأنها سوت شي لا هي ولا نورة في أم نوق وبناتها ولا كأنهم غلطوا أجل تبي تسلم عليكم .. وبعدين تعايرينها لانها عقيم ولا كن انتي السبب انبهي لا تشوفين ربي أنعم عليك*ترى اللي يعطي هو اللي يأخذ الله يكفيك شر لسانك يا ام جلوي واتوقع عقابك اذا عرفوا عيالك الحقيقة هم من يتخلوا عنك وبعدين وش ذنب الطفل بينكم والله كسر خاطري .. وبعدين نشوف مين ينتصر في النهاية ونشوف نهايتكم الشنيعة .. أما نورة أبد م تتوب بعد تبي تحذفها وفعلا انجحت حسبي الله عليك حتى فرحتنا في حملها م اكتملت آه يا فرحتك يام نوق ويا خواتها وآخرها جلوي وهي يارب يتمم هالحمل مجرد التفكير انه يموت وتموت الفرحة معه بحد ذاتها توجع كيف لو فكرت بعد هالسنين والانتظار هالحمل كيف يكون شعور الفقد على نوق وجلوي خاصه فقد موجع الأكيد هي طيحتها قوية وبعد ع وراء مره طيحة قوية ويمكن اذا ثبت هالطفل ثباته مو كثير انا أحاول بكل قوه ان ما نفقد هالجنين وإن شاء الله كذالك وتعرف أم جلوي اللي تعايرها بعدم الإنجاب كيف حامل
اتصال أبو طارق على متعب وكأنه طوق النجاة وعسى تسير الأمور بخير على الأقل اذا م حضر أبو طارق أهم شي الوصية توصل لأن أخاف يصير له شي قبل يوصل أخاف منك كريس بس أهم شي الحق يبان وأما سبب طلبه انه يجمع أمه وأبو عبدالله وإخوانه وبناتها عشان حلالهن وفوقها عشان اللي صار في الماضي ومن سبب فيه يعني نورة وأم جلوي ترحمن ع أنفسكن
.
.
.
بارت روعة وانتظر المزيد الله يبارك لك في وقتك وجهدك يارب ويوفقك ويسهل لك أمورك تسلمين كريس وشوفي اليوم الأربعاء ونزلت التعليق فيه عجيييب والله أجل المره الجاية الاثنين ينزل 😂😂😂😂😅
|
13-11-17, 01:57 AM
جديد مواضيع قسم القصص المكتمله من وحي قلم الاعضاء
العرض العادي
