صراحة البارت هذا برعاية متعب والله برد خاطري صدق انك بياض وجه
نوير اول مرة تكسر خاطري كذا اتوقع بعد هالسالفة ام نوف وبناتها يرجعون للرياض عشان يبعدون نوير من بتار
نورة وام جلوي احسهم بيخورونها مرة ثانية وبيسوون مشكلة
عواد توقعاتي بيروح لنوير وبيستسمح منهم كلهم وبترجع علاقته معهم زي اول

ينصر دينك حبيبي متعب 💞💞 اييه هذا الوصي ولا بلاش المفروض والله هو اللي يصير الشيخ مهب الثور بتاروه
لا تفوتها للي ما يتسماش بتاروه خله يعرف ان الله حق

السلام عليكم ..قررت ينزل تعليقي في هاليوم كملنا سنة في الرواية 😻
بسم الله نبدأ تعليق من بارت 52

بداية في موقف نوق ومتعب وقراره المفاجئ لها رجعتها لجلوي والله عرف لها متعب .. أما متعب وشيما انا والله مع نوق اتوقع قبل تخلص شهور الجيره إلا هم متزوجين قول وفعل صح اتوقع متعب مستحيل يتهور لكن م نعلم وش في القلب وصدق يا نوق عندكم بس مغمي عليها وعنده بس تبتسم صدق تطور في شخصيتها .. كثر م اضحكني تهديد نوق لمتعب ليش شايفته صغير يتهدد لا بعد في أمه

"صعب عليهم يعرفون أنها عشان تتجرأ تحب .. تجاوزت حواجز قايمه في ذاتها .. كم تشجعت وجاهدت .. تشعل النور .. تضئ هالعتمه بداخلها .. وقدرت .. لكن هي محاوله .. وحده .. أشعلت فيها شمعة حبه بالخفا حتى فجأه تنطفي .. ويرجع الظلام سيد بداخلها.. يرفض نصيبها من الفرح والحب والحلم"

فعلا في شخصيات صعب عليها التغيير ومثل نوير عاشت عمرها عشان أهلها وكيف تقدر تساعدهم في يوم م فكرت اتوقع بنفسها ولا حلمت في الحب وحتى الفرح استكثرته ع نفسها لكن نهاية تضحيتها لاخواتها ومن اول موقف صار لهم نسوا كل م سوته لهم وفرته نكران الجميل جد بشع وخاصه من القريب وزين انهن عرفن غلطهن

الحوار بين أم نوق ونوير بداية م شفتها عطتها كف وتبيها بعده تتكلم أحيانا الكبرياء أكبر وأقوى من أي اعتراف حتى لو غلطانه وموقف نوير مو غلطانه لكن هي موضع اتهام وأنها المخطيه وطبعا كل الادله ضدها مو من صالحها أبد

*"تكفين أنا بعد أدعي إن الله يخليني نشبه للي أمي بتخليني عطيه له"

صراحة متحمسه لمستقبل وعد عاد مدري هو مع مشعل أو مع غيره بس اتوقع أنها راح يطير عقل اللي يأخذها يا ناس أبد م يناسب شخصيتها أنها تتزوج عاد لو مع مشعل أحس راح يكره هالزواج كله ويحسف انه سعى له

خبر حمل نوق م تمنيت أن متعب يقول تمنيت انه بينها وبين جلوي لكن متعب م اتوقع يضمن نوق تتكلم قال اختصرها وأقول أما رده فعله يالله بعد هالسنين حلمه وحلمها يتحقق وش قد هي سعادتك يا جلوي ومن قبلها نوق يكفي أن شفنا نفسيتها وشخصيتها تغيرت بشكل كبير والحين يا نوق جاك الأصل شمي على كيفك بلا مخده بلا هم لكن نشوف الحين كيف تستعد وتقول له خبر الحمل اللي هو عارفه ونشوف هو وش يخطط عليه لأن شكل الشايب مو هين


صراحة انتظر متى م تنكشف كل الحقائق والماضي ذيك الساعة اشوف خوات بتار اشوف كيف تصير وجيهم ومعهم بنت عمهن غادة عاد غادة منغبنه أن الجدة رفض الزواج ع نوير وهي نتمناه الواحد م يأخذ إلا نصيبه لكن طيب غصب تبيه والحين كلام خوات بتار نشوف من يضحك بالاخير ذاك الوقت اتشمت فيكن وبعدين من زين الوضع من يرسلن الفطور اتوقع محد له نفس يأكل عشان ترسلين .. وأنتِ يا شيخة حصني نفسك وأهلك مو من العين لا من الفضيحة .. ونشوف بنت عبدالله تعلم كل واحد مقامه وانتظر ذاااك اليوم اللي ينكشف في الحقيقة واتوقع بتار يسعى عشان يرجع له نوير لو الشيخة تروح منه

"بنتي أنهانت في بيتك .. وكل حريم الديره سمعوا ماحصل .. جاين تقولي أمرن بيهون .. بنتي ماتنهان وأسكت يابن جهيمان تسمع ولا لا"*

تعرفون ذيك الضحكة الشريرة الشامتة ايييه هذه بشوف وجهه أبو غادة اذا عرف وش سوت بنته اهانت الضيف في بيتها والا م ينطبق عليها هالعرف البالي .. أجل اسكت وابلع الموس بس لانها في بيتي لاااا والله لرد عليها بس مصيبة نوير وغادة م خلوها بس كلام لا مد يد بعد مدري وش اقول صراحة

"بو غاده بتهديد : أنا سويت فيك سوايا ماحدن يجحدها .. سلمّتك الشيخه والمفروض أنها تروح للي من صلبي"

ما شاء الله طلعت معطيه أنتَ الشيخة وش هو من سبب عشان يعطي ولد أخوه الشيخة عن عياله وبعدين م كان الشيخ هو أبو بتار مفروض تروح ولده مو أخوه عاد مدري عن أعراف قبيلتهم المهم عندي فضول ليش هو م أخذها الشيخة أبو غادة أو ليش م اعطاها عياله إلا إذا كلهم اتفقوا أن بتار ياخذها


"ومن يهينها .. بنت عبدالله .. هو أنا ما أعرف من هي بنت عبدالله ومن أبوها ووش فعوله ..هذي تتقاوى وترفع عينها على أنها تهين بنت الشيخ ناجي"

صح أن عبدالله م فيه خير لكن ولد عبدالله فعوله هي الشاهدة عليه نشوف ذاك اليوم اللي تظهر فيه الحقيقة وتعرف من هي بنت عبدالله من تصير بنتك م تسوى ريال من سمعتها اللي راح تنذكر في المجالس وذاك الوقت م ينفع حتى رفعه الخشم والشيخة م تنفع عاد الله واعلم أنها تنقلب الايه وتصير هي تعتذر وتترجى متعب انه م يفضح بنته والله سيناريو يبرد القلب خلاص يا كريس اعتمديه عندك انا م راح يوديني في داهيه عند كريس إلا أحلامي الورديه هههههههههههههههه

اما جاسر من زين علومك عاد قال يتزوج بنت عمه وهذا اللي يبيه الأب وبنته بس مو حاصل لكن حاامض ع بوزكم وزين ان الجدة وقفت بوجيهم كلهم يستاهلون والله م جاهم وبعدين جاسر ما شاء الله وش دخله في السالفة اتوقع انك تقرب لبتار مو لبنت عمه عشان تأخذ حقها عجب والله كله عشان الانتقام* .. يا بتار راح تدفع ثمن موافقتك لو أنك مجبور ع هالزواج راح تطلع نوير عيونك

"الجده بقوة رجعت تضرب عصاها بالأرض مصدره صوت : أسمعوني عاد .. بنتي نوير ماتجي عليها طبينه .. وتسان الأمر يدخل فيه نسب الشيوخ .. فنسبها .. هو نسبي وبيننا دمن ما تخبيه هروجكم"

اييييه تعيش تعيش الجدة اذا تشوفون بنت عبدالله ولا شي فنسبها من نسب الجدة وبعدين لأحد يغتر بنفسه ترى كلنا مخلوقين من طين
*
"الجده : أخس وأعقب .. أخس وأعقب يابن رميثان .. تسان فيك خير هذا ولدك البتسر ( البكر) متزوجن بنت شيخ آل خلف .. وهو رجالن فعوله كلن يذكرها بالطيب .. ما تزوجه وأختار له أنا أطيب بنات العرب .. منهن بنت وليدي"

هنا ضحك شامته في جاسر اللي تبيه م حصل والله الجدة قصفته قصف سداسي ههههههههه

" ناجي وصوته أرتفع قهر : ومن يرد كرامة بنتي* الجده : أعتذارن لحد بيتك ياناجي وأمهلنا أسبوع ثم أترك النار تخمد وتروّح دمار .. ووليدي متمسكن في بنت عبداالله وماله مع وحده غيرها حياة .. شل بنت عبدالله من راسك ياناجي .." أندفع صوتها الحاد " توحيني أنت "

اييييه يالجدة والبنت واعتذرت لكن وش فعلهم ع هذا الاعتذار الله وكيلك بغت تذبحها والحين راح توقف الجدة معها


"الجده حركت راسها : لا أرفعهم .. وأكسرها يمي .. أكسرها وحط على راسها بنت عمك .. أنت يوم وافقت تحسب أنها بتقعد عندك .. والله لو إنها تفكر بس وترضى أنا من باخذها من بيتك وأردها لبيت أمها"

ارفع لك قبعة الإحترام والعرفان وبعدين ابشرك م يحتاج هي راح تروح عنه ولا التقت وراها وبعدين يا بتار وام نوق فوق غلطكم تغلطون زيادة

اما ناااادية حكاية ثانية أكثر م صدمني في شخصيتها الضعف ابدا م توقعت أنها ضعيفة توقعت أنها شخصية قوية من وافقت على عواد وهي عارفة م بينهم من فوارق أولها نسبها صح انه م فيه فرق إلا بالتقوى لكن هي عاشت مع أمها وابوها وعرفت الفرق وكلام الناس تجي الحين من طاح الفاس برأس تقول الحياة بينا مستحيلة يا شيخة متأخر حيل ولا ألوم عواد من رده فعله وصدمته وبعدين آخر شي طلعت سامعه كل شي وأنها متخبيه تحت الكنبه كان طلعتي من سمعتي صوتهم خليتهم يضربون اخماس بسداس وبعدين أنتِ عارفه أمه وعارفه اخوك خلاص عيشوا حياتكم مثل م تبون مو مثل م يبون

" قسم بالله عاجزة .. كل مانويت أنطق بالحقيقه وأصرخ فيها .. أحس بطعم الذل في فمي .. الأحساس والشي إلي أحس فيه .. يتجاوز حدود قدرتي .. مرت علي مواقف قدرت أقول فيها مابصدري .. دون ما أخاف من أحد .. أو أحسب حساب تفكيرهم .. لكن هالحين ماراح أواجهم .. كثر مابواجه نفسي .. أأشر عليها .. أقولها راسي براس ناقه .. راسي براس حيوان .. وهم تسذبوا من البدايه وأخفوا هالحقيقه لأنها ذل فوق ذل .. أكسر قوتي بنفسي .. أكسرها"

م عليه يا نوير اليوم تحسين انك منذله لكن بكرة توضح الحقيقة وارفعي رأس وعليك منهم سبحان الله نورة كل م فتحت باب لأم نوق وبناتها تبي تكسرهم م تدري أنها ترفعهم فعلتها في شيماء تزوجت احسن الرجال والحين نوير بداية أعطت الإشارة للبتار وجاء وتتم الزواج وبعدين لنوير تبيها تكسرها وأنها برأس ناقه وبكل الحالتين م كسرتهم الحين بدل م يعترف بتار للحقيقة لنوير بس يضطر يعترف في مجلس أبوها قدام الكل والله ان بتار مقبل ع ايام عصيبة الله يعطيه القوة والصبر وينصره والله رحمته

أما خوات نوير خير ان شاء بدل م يقفن مع اختهن في مصيبتها استلمنها وطلعن اللي بقلبهن يعني بدل م تهدنها تفهمن منها السالفة والله مستغربه منهم كلهم لها كم سنة نوير معهم م يعرفن شخصيتها اذا هي تشوفن عيوبها كثير انتن وش م فيكن عيوب ودي صراحة أدعي دعوة عليهن تبرد القلب جد اذا انا م وقفت مع اختي في مصيبتها متى أقف معها ليش ع طول انتي غلطانه أبد مثل امهم وبتار ع طول انتي الغلطانة يالنوير وبعد م يقولن اللي بقلبهم يبون يعرفون الحقيقة اييه خير إن شاء الله بعد م اكلتوني وكل علم في تبون تعرفون الحقيقة بعيدة عليكم .. ومن قررت تبتعد عن بتار أرجعت له اخخخخ بس والمصيبة أمها من قالت انتي اكبرهن لا والله ع طول انتي وبناتك انكرتم جميلها ناكرين العشرة والله مدري مين كان يصرف عليكم وهي أخذت دور الرجل في حياتكم* .. أما ردت فعل نوير من شافت نظر بتار ع الجرح اللي فيها ولكمه اللي اعطته اييه والله يستاهل الحين تجرح وتبي تداوي الجرح بالشيخ ابسطها اعتذر ع الكف وأهم شي ع كلام السم وبعده تعال عالج الجرح


أما نورة فعلا مسويه مسرحية وش كبرها عاد نشوف نهايتها راح تضحك أو تبكي من النهاية وهي فعلا مقبله ع أيام راح تبكي صدق اللهم لا شماته وبعدين ليش م طلبت من أخوه عبدالعزيز مو هو بنفس مستواها في الخطط والا تعرف أن مو ملتف يمها وأنه م تهمه ولا الناس وكلامهم لكن مسكت منصور لانها عارفته حنون*

"عواد بنبرة تفجّرت شر : أنا أنسان أبقعد بالرياض .. أحط رجل على رجل و أتفرج في الروس الكبار تتقاتل عشان الفلوس .. عاد لو تعرف وش لقيت على أبراهيم من أمور .. يعجبوني عاد الناس إلي يمثلون علينا الدين وشرف المهنه ومصداقيتها والفساد ماعاد به محل في قلوبهم

فارس أخذ نفس نطق بحيره : .. ممدوح ماعاد من علاقه بيني وبينه غير إن إسم أبونا واحد .. لكن أنت أنتبه في حال دمّرت أبراهيم .. أنت بتهدم بيت أمك وعايلتها .. هذا زوجها وجدك وأخوانك مرتبطين معه .. أنا مع إنا نعطيه درس لكن ضد تصرفك أنت بالذات بالأمر لأنك عمرك مانويت لشخص شر وسلم .. إلا تدمره على الأخير"

أكتشفت بعواد جانب الشر فعلا إبراهيم وصله لقصاه والحين جاء دور الانتقام وصادقة فارس أكثر م راح يتضرر إخوانه مدري لوين راح يوصل عواد معهم وسبحان الله دارت الأيام ونكشف فساد إبراهيم الله أكبر عليك وانت وزجتك حاطين دوبكم ودوب عواد وزجته مو بنت حسب ونسب وانت الله واعلم وش عندك من بلاوي والله طحت بيد عواد طيحة م بعده قومه الله لا يبلانا صراحة عواد ناوي ع مذلتهن ذله يبيهم يترجونه يستر عليهم عرف يلعبها صح

*
" مدري يادكتور .. أحسها أقوى مني وأنا ضعيفن على باب الله ! "
بو إياد بنبره هاديه .. : صدقني تمثّل عليك
بادي طالعه وبإندفاع يهزه الخوف : حلفت للمره المليون إنها بتذبحني .. هددتني لو تم زواجها بتستعجل موتي"

صراحة وضعك خرج يا بادي والله مشفقتن عليك وهل فعلا تمثل عليه إذا صدق فهي نجحت وبجدارة في تخويفه وتخويفنا ع ولدنا

أم مساعد هل نيتها في الزيارة مجرد تعرف عليهم وفيها بالها موال وأنها تخطب لولدها لكن سبب اعتذارها ع فعلا تعبت أو شي ثاني اتوقع أنها سمعت وشافت م صار في بيت نوير نشوف وش يصير بعدين


"يكفيه بنات أخوه إلي أبعدتهم المسافات عنهم ولا قدر بخطوة وحده يتحرك عشانها هي .. عشانها .. وبكل بساطه .. بكل جحود ودناءه منها .. تقرر ترمي كل شي بوجهه وترحل .. تسافر لبرا .. وهو كان على وشك يفقد عقله من خوفه لا يكون أعترضها ضعيف نفس أو سافل"

ربما ضره نافعه يعني اعترف انه تنازل ع وصاية بنات أخوه عشانها الحين يصحى قلبك وعقلك ناحية بنات أخوك لكن هي وش سوت اول مطب تخلت عنه صدق خله بين عقله وجنون شعره مرره باردة ع الأقل تدق ع فارس تتكلم مو تخليهم كذا تايهين

" ما أسمح لك .. ماراح أسمح لك .. ماتشوف نفسك .. وأمك .. وأختك .. ماتشوف نفسك أنت .. إلي مابان فيك خير من ربتك .. ولا حتى لبنات أخوك"

انا مدري انا انصدم ولا عواد والا كلنا أولها هجت وبعدها طلبت الطلاق والحين هذا كلامها والله العظيم أنها مسختها حيل ترى كنت أحب نادية الحين شكلي بكرها وبعدين هذا كلام ينقال يا شين الواحد إذا فقد عقله وقام يقط كلام ماله داعي .. يعني جد كانت تبي تسوي فضيحة لعواد لا صارت ولا استوت أتخيل موقفه قدام أهله من حارب كل شي عشان يتتم زواجه فيها وآخر شي تدوس عليه انا مصدومة منها

الحين عارفين ليش مشعل يبي يروح القصيم لكن حمد وش موقعه واتوقع آخر شي كلهم افلسوا ههههههه وبعدين يا مشعل رميت ع ريان كلام والحين تفقده عجيب والله

*"جلوي وهو يصد عنهم نطق بقهر : مسعود .. رايحن يم الشرطه ومسوي لي أستدعاء ومتهمني إني معتدي على أخته .. وزياده هو وياها اليوم رايحين للمحكمه ورافعين علي قضية نفقه .. على أساس أني تارك منصور ولا أصرف عليه"

اووه والله كنت حاسه أنها م راح تعديها ع خير الجازي لكن سالفة الاعتداء نبلعها هو صدق مكفخها لكن سالفة النفقة هذا اللي م دخل الرأس عاد هي تحسب دخول المحاكم سهل الحين يصير كل شي واضح سواء كان تعهد أو قيمه النفقة كم لتوقع كل شي يصير لصالح جلوي لأنه م راح تلوي ذراعه تحسب أنها تبي تأخذ من فلوس وش كثرها بالعكس اشوف الموضوع ضدها من دخلت المحاكم وانا م اعرف بسوالف هذا لكن اتوقع

" حركت عيوني إلا وعد واقفه عند الباب تسن أحد مصفّقها وشوشتها يارب رحمتك واقفه .. هو الواحد لا زعل وبتسى لزوم عليه يجي تسذا ! أختي هذا خلاص بصمة بالعشره يا بتخلينا مجانين معها ولا حدها تاخذ لها واحدن نفس عجينتها .. تخيلوا أخذت لها واحدن رزين وشخصيه .. والله لا يعيف حياته كلها .. ياعمري عليه تعاطفت معه وأنا ماعرفه"

والله يا نوق اني متعاطفة مع بقوة انا أتخيل انه مشعل أبو الكشخة يأخذ وعد ترى والله يخب عليها رجال رعي حلال منها تمسك حلاله معه وتحافظ عليه ومنها تلقى اللي يناسبها أما مشعل لا لا لا مستحيل ظلم له

"نطقت يقال أني أرقّع الوضع " أسمع بس لا تروح تسذا وتقطع .. ع الأقل عطني خبر "** فز واقف .. صار يتحرك جاي يمي .. متعمد يلصق فيني وأنا قلبي قام يطق طبول نفس حركته أول ماشفته .. خير وش جاه .. يحسبني مغناطيس " ماتبيني أحدد موعد روحتي ورجعتي بعد ! "

والله يا نوق أن هالاوحام لعب فيك لعب والله اضحك عليها يا شيخة اعترفي وريحي رأسك وعشان تاخذي راحتك ولا يصير موقفك بايخ من هالاوحام



" الله يخليك خذني من هالمكان .. ليش تبون تذبحوني ليش وش مسويه أنا من ذنب .. وش مسويه .. ليش .. ليش تجيبني لهالمكان .. والله ما أتحمل .. إلي قاعده أحس فيه شي فوق طاقتي .. حرام عليك .. حرام عليك .. أبعدني عن المكان تسان باقي بيننا شي .. أرحمني ..أرحمني يابتار .. أرحمني وأبعدني .. الله يخليك الله يخليك "
كانت الفكره ياخذها لنياقه عند سعة الصدر مهيأ لها المكان .. يقعدون في مكان بعيد عن الكل ..يرتب هالفوضى بينه وبينها .. يشرح كل ماسواه يعتذر عن هالأذيه إلي والله ماقصدها .. ولا كان يدري عنها .. حتى يتفاجأ بأنهيارها إلي أدخل براسه الشكوك .. منفجره بالأسى"

أكثر م جرح نوير من شافت سبب زواجها منه قدامها م درى بتار يحسب انه يبي يصلح الأمور بينهم ويعتذر لكن اختار المكان الخطأ واخلها تنهار ولا قدر يتكلم ويشرح ويعتذر*

" مستحيل بكاها خوف من النياق .. حرك يده حتى يفتح أزارير ثوبه يبحث عن هوا يسحبه لصدره .. معقوله عرفت عن ماصار قبل .. معقوله !! بس مستحيل تعرف من مين .. من راح يتجرأ يقول ماحصل قبل لا ينطقه هو .. ويصارحها .. ولا كان في وقت لهالحقيقه حتى تنقال بظروف حفله"

أم نوق وبتار ع كثر م لمحت نوير لهم عن سبل اللي صار إلا أنهم م فهموها أو م توقعوا أن الخبر يوصل لها لكن الخبر يوصل لو أنك بآخر الدنيا وكيف وحنا في عصر التقنية وعمتها وغادة م قصروا وعسى ارقابهن تنقص عشان نرتاح منهم الأكيد راح يجيهن اللي يستاهلنه

" هل بتغفر له .. سكوته عن كل ماحصل لا سمعت أعذاره كامله .. وتفّهمت السبب الحقيقي إلي منعه مايعلن أنه ذابح الوضحى.. هل بتغفر له هالجرح إلي كان في وقت أنفجاره وذهوله عن كل ماحصل .. وكل ماشافه إهانه له ولمكانته وقدرها هي"

ويبقى هالسؤال اللي م نعرف جوابه إلا من صاحبه الأمر صراحة مدري اذا عرفت السبب الحقيقي نوير راح توافق ترجع له أو لا ويبقى هالسؤال صعب جوابه لكن الأكيد أن جدة بتار راح تسعى ترجعهم لبعض

" أخذت الكوب حتى تنحني تسحب الترمس .. تصب له " هذي وعدوه .. سوت القهوة والشاهي عشان توصيني بعنزها .. "
جلوي ضحك غصب عنه : ما ماتت .. !
نوق بخوف وهي تمد له الكوب : فال الله ولا فالك .. ناون علينا بالشر .. بسم الله على العنز .. خلها حيه .. لنها وهي عايشه طلعت لنا قرون .. تسيف لا مااتت أستغفر الله "

هههههههههههههههه والله مسببة لهم رعب وعد هي والعنز انا اقول لك يا كريس زوجيها راعي غنم احسن لنا ولها

*"بالعاده .. من يسكت وهو طول عمره واضح وصريح .. المفروض تخافون منه وتقولون الله يستر لا حتسى .. ماهوب تحسبون سكوته إنه مخطي .. ( هز راسه ) ونوير أظن ماسكتت لنها مغلطه .. تحت راسها شي تبي تسويه .. يمكن أكون مخطي ويمكن لا .. لكن الأكيد نوير أختتس ذي طول عمرها ذكيه في الأوقات إلي تبي تتذاكى فيها .. وغبيه لانوت تتغيبى وهي تضعف .. ماحدن يدري وش براس هالنوير "

يعني اللي بعيد عنكم كل هالسنين م نسى شخصية نوير وانتم اللي بينها كل هالسنين انعمت عينكم عن شخصيتها بس الأكيد أن الموقف أعمى عينهم عن الحقيقة ولأن طبيعة المرأة تفكر في عواطفها بعيد عن العقل في المواقف عكس الرجل يفكر بالعقل المهم والله نوير تبي توريكم وجهها الثاني ونشوف وش يصير*

*"والله ماكانت تقصد تطعنه ولا تأذيه بالشكل إلي وصل له .. ماكانت إلا تبي ترتاح .. ترتاح من هالحرب الخفيه .. من الخيارات غير العادله"

والله يا ندوش تبين تكحلينا لكن اعمتيها بطريقة خطأ تبين تريحينه منك لكن اخترتي تطعنينه بدل م يرتاح


*"إن سمعتتس تتشكين .. أو تقولين له شي من إلي صار بيننا أو تفكرين لمجرد التفكير تطلعين من هالبيت .. أو تطلبين الطلاق حتى .. والله ما يردني عن أهلتس إلا تدميرهم .. تسمعين .. حطي عقلتس براستس ذا الحين .. وأعرفي وينه خلاصتس"

عقاااب جدا قاسي على نادية جدا يكفي انه يهدد أهلها وان أنتِ بيدك يا تدميرهم أو خلاصهم يعني قبل م تخطين أي خطوة إلا أنتِ مفكرة فيها 100 مره بسس جد اوجعني قلبي عليها والله مو هين اللي هي فيه وهو انتقم منها شر انتقام

" خسارته وسذاجته .. رجع .. حتى ترجع الأمور لمكانها الصحيح .. " تراكمت علي أمور والله غصب عني .. لكن هذاني عندتس "

م قلت لكم ربما ضره نافعة اللي صار خلى عواد يصحى ويفكر في أهله


"فضيه بكره : أختك .. زوجها طلقها وراح مع ريان للجنوب .. وولدها فيصلوه الله لايبارك فيه ينقال أنه سرق منها فلوس وشرد .. وهي قاعده لحالها فالبيت والناس تتكلم عنها على ماتقوله أم جلوي"

انا مدري كيف يفكرون منصور وعبدالعزيز اذا شايفين سوات نورة تنغفر وترجع المياة لمجاريها بقول بعقلهم شي اذا الناس أهم وسمعتهم عشان يسامحون نورة ترى فعلتها أكبر من هذا بكثير وهي أبد مو تايبة تبي ترجع مره وعشر لأم نوق وبناتها وتشوفون وش يصير لكن عسى ربي يفضحها وتظهر على حقيقتها


"خلفان : أنا دقيت عليك لنك راعي xxxx ولك صيتك وسمعتك .. أجل لا تقول لي أنك ماتعرف أن له أرضن جنب المحطه كتبها باسم وحدتن يقالها نوق .. والله أني مدري وش صلتك فيها لكن على ماسمعت وأنا أدوّر عنك وعن علومن توصلني لجلوي .. أنه تسان متزوجها من قبل 20 سنه وطلقها ثم رجع لها من تالي وكتب لها هالأرض مع بيتن بسمها بالرياض .. وله عندكم بعد أستراحه .. أنا متوكد من ماقول ياعواد .. متوكد أنه جلوي ولد أخوك"

تحديا البارت الأول كان فيه حديث جلوي لنفسه انه راعي غنم وأنه مواكب عصره وقلت في البداية أن شكله عنده حلال ولحد يعرفه بداية في الاستراحة اللي يملكها والحين في المحطة وفوقها الأرض اللي باسم نوق والله تستاهل نوق والله يحفظها ويحفظ طفلها انا بس أتخيل أن الجازي تعرف عن حلاله تنجلط تروح فيها وخاصه اذا عرفت ان كاتبة الأرض لنوق هي منغبنه من المهر والبيت كيف لو عرفت عن هذا يالله تكفينا شرها .. بعدين جلوي ليش أخفى عن أهله ايش السبب

*
" شف الجو غيم من الصبح ومافي أحدن بالديره الكل طالع يكشت وحنا محكورين بذا البيت تسننا فيران حتى طلعه بالحوش أنحرمنا منها .. وتقولي سدي فمتس .. مانيب سادته عندك ماهوب أنت وصينا وبمكانة أبوي وأخوي لزوم عليك تسمعنا وماهوب تتأمر بس .. نبي نطلع ونستانس نفس العالم ونروح ونجي ماهوب مقابلين الجدران .. ترا باتسر بيصك زوجتك التوحد علمتك "

والله يبي لها قص لسان وعد أبد م استحت وقالت رجال غريب علي لو أنه زوج أختها والوصي عليها مغسول وجهها والله وتحسيني أنها لها قرن م تطلع من البيت لكن تمادت هالبنت واللي هي فعلن اللي مفروض أم نوق تاقف في وجهاا لكن دايم علومها م تصل لأمها لكن راح أدعي أن تطيح بوجه أمها وتربيها من جديد


"كان صوت أختها المندفع كفيل يقطع صوتها المرتبك " شيما قولي له نبي تشكيلة ببسيات .. وشيبسات .. وفناجين قهوة بلاستيك .. وعلبة موية تسبير .. وتمر هذا إلي بعلبه أبو 10 ريال ..ومعمول تمر .. وأهم شي فصفص باجه هذا لازم ريحته تعجوّل " تنتشر " بالكشته وتذكرين ذاك البسكوت الأحمر إلي عليه حتسي عنقليزي .. لا تقولين أنتس ناسيته بعد .. أنا ناسيه أسمه"

هنا موقف وعد ودي اذبحها قال ايش قال أنا قلت لك م قلت له صوتك هذا الطويل وش وعلى طول أنتِ تكلمتي الذبح فيك حلال

" حطت الحرمه يدها على خصرها حتى تميل بجسمها لها بأستهزاء وترفع يدها المليانه بناجر ذهب بكبر وفخر بنفسها وببناتها ومكانتها " تعتذرين .. يابنت عبدالله .. ياللي أبوتس باعتس بيعة الذل .. تمدين يدتس على بنتي أنا بنت الشيخ إللي كلن يحترمها ولا عمره أخطى بحقها أحد "

عاد شفتي هالكبر ورفعه الخشم ع قله سنع أنتِ وبنتك وقبلها زوجك نشوف ردت فعلكم اذا ظهرت الحقيقة وبعدين نوير راح تأخذ حقها منكم وتشوفين سمعتكم وش تصير فيها مو هذا مطلبكم تعتذر جتكم برجولها وأنتم اهنتوها الضيف في بيتكم وانتم وعرفكم الضيف م ينهان في بيتكم شفت العكس والله اهنتوها لكن الأيام بينا وتنقلب الايه وانتم تجون تعتذرون

" يسحب الدافور وملامح وجهه تنكمش فجأه .. وبلا مقدمات يطيح الدافور من يده .. شهقت بخرعه وأنا جمدت واقفه ..
يتمايل هو حتى يطيح بالأرض .. مدري وش جاه"

يالله نوبات المرض جته وهي م تدري ايش فيه أصعب شعور أن الإنسان يشوف ضعفه بعد م كان كله قوه الحمدلله على نعمه الصحة والعافية

*
"سنين مانمت وأنا بحضنتس .. تبيني أفوّت هالفرصه يعني"

أكثر م أثر في جلوي هو أكثر واحد سعيد ومبسوط في نوق وحملها الأرض مو سايعته رغم كل الظروف اللي حوله والله الحين تطيح نوق على وجهها من حركاته لها أجل تشوفه يتشبب ضحكت منها ههههههه أما عن نومه أهل الكهف في تناسب نوق كل هذا ساحبها نومه ولا حست بشي


" كان الأمر الأخير إلي هددها فيه قبل لا تدخل على أخوها .. أنه تظهر للكل أنها جت للبيت بنفسها .. لا طاح فيها بالمطار ولا حتى دخلته"

م قرر عواد هالقرار أن تقول هي رجعت لبيتها إلا عشان م تدوس على باقي كرامته عند أخوها*

*"فارس هز راسه : بناخذها منك كم يوم .. أجتماع عايلتنا الكبير قريب
عواد بسرعه رفع يده : لك من يجيبها لحد عندك بالشرقيه"

ما شاء الله وش يتناقشون فيه في هالاجتماع مع العائلة يعني حريم ورجال تحمست اعرف وش يتكلمون فيه لكن الأكيد راح يتناقشون بزواج نادية بعواد أو يمكن يقطون عليها كلام وخاصه أن أم عواد م قصرت حتى بعائلتها شوهت سمعتها

" عيب عليك .. عيب تتهم زوجتك .. عرضك بالفساد .. لو أنك رجل صح ومتأكد من فسادي إيش تبي فيني .. ماتقول لي "

أن هذا المصيبة أن أنتِ وهو عارفين كل شي عن عائلتكم ومشاكلها والحين كل واحد يرمي الحكي على الثاني يعني تجرحون نفسكم بنفسكم وعواد ليش ترمي بعرضها وأنت عارف زوجتك

" أهلي تعرفهم من قبل لا تعرفني .. لا تجي اليوم تاخذ دور أمك وتوقف مكانها ظالم لأني مابسكت لك .. والله ما أسكت لك ياعواد .. والله"

اتوقع نادية طفح الكيل معها وراح تعدل أمورها مع عواد وجد هي صادقة بكلامها


" دكتور يجي ساعه سته تمام "

عواد شكل نهايته في المستشفى مثل م صار بنوير نهاية الكبت والظروف تبي تتعبه

"متعب ونبرته الحاده ترتفع : الوضع له سلوم مثل ما تمشي على حياة أبوها وأخوها .. تمشي وهم تحت التراب .. ولا أنت ولا غيرك تجبر بنت خالي بشين رافضه فيه تحتسي .. ولا تعرفون هي مخطيه فيه ولا ما أخطت لو تبي العلم الصحيح إلي يحفظ لك وجاهتك ومكانتك بين العرب .. ماتمد يدك ولا تجيب أمها .. تدق على صاحب الأمر الوصي ثم نشوف الأمر .. ونحله بمعرفتنا وبنتنا بيننا"

حكمت المحكمة العليا بأن المحاكمة سوف تتم في منزل أبو نادر بحضور من يهمه الأمر هههههههه والله حاكم الموت يا ترك الصلاة بداية في بتار والنهاية في أم نوق وتجاهلها لمتعب وهي قالت أمورك البنات من يدي ليدك يعني انتظروا بس وصدق متعب طلع من الأمر من يدك يا بتار انت أجلت الموضوع وقدمت شي عليه مو مهم مثلا الحفلة

" مشعل قاطعها بحده : أبوي هذي أخته .. عليه يحفظ ماي وجهه بين العرب وملزومن فيها هو وجدي وأخوانها لكن أنتي وش يحدتس تغدينها وتعشينها .. هااا يمه .. وش يحدني أنا تامريني أروح يمها ماخذتس بعد ماسوته ببنت عمي .. أنتي بنفستس تسيف تطبين بيتها .. وش ماخذتس يمها من الأوله"

والله يا مشعل م تدري وش من خافي عشان أمك تروح لها خايفة ع نفسها من عمايلها السوداء

" متعب : ياخي أختصر الوضع عليك وعلي أوما كاتبن لي حتسي وش طوله تمدح بنفسك وبأبوك ومستقبلك وآخرتها أبي بنت عمي"

هههههههههههههه والله كثر م ضحكت من مشعل يمدح نفسه وجد تبي تأخذ من بنات أم نوق وامك م قصرت في نوق كل شي سوت فيها اتوقع حتى حرمان ولدها من الأطفال كان منها وش تتوقع اذا تزوجت وعد هالاشكال م تتوب لكل عسى تنفضح قريب لكن على تلميحات متعب وان أمه ما راح تسكت اذا تزوج وعد لكن فهم غلط يا شيخ محد دايس ع طرفك لكن روح ابحث عن الحقيقة

"عمري ماتحسفت على شين ضيعته كثر عمري إلي سلمته مشقه وعنى لغيري ويومن الأيام جارت علي بلحظة ..هي لحظة بس كلن تولاني من جهته"

أبشع شعور اتحسف على شي بعد فوات الأوان وفوقها هو معروف قدمته لأهلي آخر المعروف نكران وما ابشعه من شعور*

*"لكن طول عمري كرامتي وحقي آخذها من نفسي .. مانيب معتازه فيها لأحد .. وأنا نزلتها بنفسي وإرادتي لغاده بنت ناجي .. وأنا من برفعها ووالله يايمه لا تكون العرب كلها شاهدتن على رفعتها"

والله يا بنت ناجي حفرتي قبرك بيدك

"وبرجع لبيت أبوي .. بناتتس لا أشوفهن قدامي .. لا يعترضني بكلمه وحده .. وأبقعد عرضي من عرضهن .. لي مالهن في بيت أبوي .. فعولي ورداي تقولين لهن ماهيب محسوبه عليهن .. بيفتح الله لهن في هالدنيا من النصيب مايفرحتس ويسعدتس .. ماهوب واقف له نوير بنت عبدالله"

وأحسن عقاب تعاقب فيه خواتها

" كنت ساكتن لن البنت ماتدري عن رداة أبوتس أنتي وياه مع أمي .. ماتدري إن زوجها إلي هو أنا تسان يذوق الويل من أبوه .. ماتدري إن أخوها باع سمعته في سوق المرجله عشانها هي .. نوير هي من لها ترفع راسها بينكن لأن لولا أخوها .. تسان من زمان سمعتي فالأرض"

وأخيرا ظهور الحقيقة وظهور حق نوير وجهلها باللي صار والحين من عليه يرفع رأسه انتن أو نوير مدري وش مقبل عليه بتار من أمور الأكيد انه صعبة وعمه من قبل يدور الزله مثل م قال وحتى الغير يعني جتهم ع طبق من ذهب ونفسي اعرف ليش العم قال أنا تنازلت لك بالشيخة عن عيالي ودي اعرف السر أحس في شي نجهله**
*
" أطلع عني يابتار .. أطلع "
وكانت المره الأولى .. إلي تأمره فالبعد بدل لا تحتوي هالخوف الساكن بضلوعه .. تخذله خطواته ... تاخذه بعيد عنها .. وعن خواته وعن الديره كلها !

وبساطه انخذل من أمه عرفت وش كثر أن نوير مظلومه وعرفت وش كبر موقف ولدها لكن حتى بتار اتوقع اختار طريق الهروب أو يبي يختلي في نفسه كم يوم ويرجع يواجه الحقيقة وهذا اللي اتمناه

" أم جلوي زارتني في بيتي هذا زياره وحده .. بارده بشكل غريب .. فوزيه .. أدركت معها أن فيه شي أنكسر مابيني وبينها في آخر ماقالته من غبا ! سلمت علي بحراره .. أعتذرت .. بررت .. بس أنا ظليت أبتسم وأهز راسي ببطء .. ماعلقت
أعتقد تجاوزنا مرحلة التبرير والعتب .. تجاوزناه تسثير"

انا م اقول إلا الله يكفيك شر أم جلوي ونورة عسى ينكشفن قبل م يسوون لك شي وخصوصا اذا عرفن عن الحمل أو الأرض مو متطمنه ناحيتهم أبد اما فوزية اتوقع كبرتم ع العتب والاعتذار أحيانا ينكسر شي فينا لو اعتذرتي كم مره هو خلاص انكسر م اتوقع فيه شي يجبره

" والله العظيم أحيان تسذا أقول بنفسي تسيف تغيرت .. وش السبب .. ليه أحس نفسيتي حلوه .. خفيفه ومابي
أحد يغيرها علي"

م اتوقع فيه أجمل من شعور السلام الداخلي والله راحه عجيبة وتجاهل كل م يكدرني يا حلو الشعور

"خير خير .. ضاقت الأمكان الله لا يضيق علينا وبالظلمى بعد"

عواد خرب علينا اللحظة العجيبة والله جلوي انه عرف كيف يدخل لنوق عرف نقطه ضعفها وستغلها استغلال


"معاذ بذهول : وش أبي أكثر .. أنت عشيري وخويي !
ريان : كنت .. ولا عاد أبي أرجع
معاذ : عشاني قلت لك ذاك اليوم رح .. رح وأنا نيتي ما أخلي أحد يجرحك"

والله محد محرق اعصابه في الموضوع كثر معاذ يا عمري عليه أجل اذا مو مصدقك ونسى الأيام اللي بينكم اتركه وهو يرجع لك

"أم جلوي شهقت : مير ولا سألت عنتس .. الحرمه تسنها بعالمن ثاني .. فوزيه تقولي والله يمه حتى ماهيب يمي .. هذا وهي ماشاركت أميره بمشروعها"

يا حظ المظلوم بالجنة والله محد سأل عنك ولا تشمت فيك لا أم نوق وبناتها مير استريحي واتركي الناس عنك وبعدين مره مستصغره فعلتك ترى هذه لو تقدم بالمحاكم فيها النون ومايعلمون تقذفين البنت ظلم وبهتان ترى زين من أم نوق م كبرتها أكبر من كذا انتي احمدي ربك دام محد فضحك وانثبري في بيتك وبعدين حاسدين البنت على حالها ومشروعها اللي لحد الآن م بدت فيه عيونكن براسكن إن شاء الله

"نوره بنبرة خبث : تحسبيني أبقعد تسذا .. ماعليتس .. والله لا يتحركون بس أصبري .. أصبري .. وأنتي أن تسانتس حرمه صاحيه .. وفيتس عقل لا تخلين عيالتس يميلون للحرمه .. باتسر تركب على راستس .. هه .. شوفي ولدتس طلق وحده وماعاد لها رجعه والثانيه أستغفر الله صابها مرض .. توكدي بس لايكون الحرمه مسويه بلا ولاّ شي"

اللهم اكفينا شرها وعسى تطيح بشر اعمالها في مغرب هالجمعة يالله يا كريم نشوف نورة وأم جلوي علومهن كلها تنفضح وبعدين اذا انتي راعيات سوابق وبلاوي لا تعممن على المسلمين وبعدين يام جلوي ولد جلوي مو سامح أحد يتدخل في حياته وخاصه انتي لأنه عارف بلاويك ومستحيل يوافق عياله أحد يربيهم غيره

" يوقف فجأه من لمح طرف فستان
غريب من خلف الجدار ظهر وأختفى .. عقد حواجبه بقوة وكأنه أدرك أنها في آخر هالممر هي واقفه لاصقه بظهرها على الجدار اليمين .. مستعده لشي"

رحمه أنا مالومها ع شعورها في هاليوم يكفي مالها مده وفاقده عزوتها كيف تبي تفرح أو تتقبل هالزواج وزوجها بنظرها هو قاتل أهلها كلام الدكتور وأنه سأل عنها في المدرسة فيه تناقض في تصرفاتها عاد نشوف نهاية الأمر


تسلمين كريس على البارتات الأكثر من رائعه

هلا هلا هلا والف هلا بامول من طول الغيبات فعلاً جاب الغنايم 😍😍😍