كريستال وظفت الاحداث كلها ضد نورير .. حتى وصلتها الى اقصاها لما كلمتها غاده ..
لنفترض ان غادة اجت وكلمت نوير بطريقة حقيرة ومستفزة ...بالحالة العادية كان ممكن ترد عليها نوير او حتى تطنشها.. وبالذات انها ضيفة ببيتها
أما انها تكون موجوعة من القولون وعم تستفرغ .. وعمتها نورة بلغتها بالاخبار السارة وانه راسها براس ناقة .. وازيدك من الشعر بيت انه كل اهلها بيعرفوا ما عداها ( (وظلم ذوي القرب اشد مضاضة على المرء من وقع الحسام المهند)).. وبالاخير تجي غادة وتضايقها بنفس المعلومة القاتلة .. علما انها ليست شيما الهادية اللي ممكن تجلس بمكان وتبكي .. هي نوير اللي كانت بمثابة رجال البيت لعدم وجود رجال يحموهم ويردوا عنهم الأذى..
وكله كوم .. وكلام اخواتها وجرحهم لها لما راحت تشكي همها .. ولأول مرة كرهت امها .. هل من المعقول ان الجدة وهي التي لم تعرفها الا قريبا تدافع عها .. بينما امها ما دافعت عنها لا عند بتار (اللي يقولون عنه شيخ) ولا سكتت اخواتها ونصرتها عليهم..
يا حر قلبي منهم ..

متابعين معك يا كريستال ..
وان الاحد لناظره قريب ..

انا عندي احساس ان اللي اتصلت بتجي زيارة ام نوير وخواتها تكون شافت اللي دار بين غادة ونوير تبي توصله لهم بيوجع الكلام ام نوق هالمرة كثيرررر💔

السلام عليكم ورحمة الله وبركاته
سجلت عشانكم 😊تعبت والأفكار والتوقعات برأسي وانا ما تكلمت😔 ،عاد يوم قريت توقعاتكم تحمست وقلت أشارككم توقعاتي😊
رسالة الى كريستال :
شكرًا مرة على هذا الإبداع والجمال 👏👏👏لي وحدة من صديقاتي هي الي دلتني على اريد منك اكثر مما اريد اسمها ميناس😏 أنا بديت ب(كنّا فمتى نعود) قبلها ماصدقتني يوم قلت لها ان بنت أخت بتار اسمها ميناس 😒(ما كن بهذا البلد الا هذا الولد) 😅شكلي محرّفة بالمثل
المهم شكرًا من الأعماق على هذا الإبداع 🤗🤗

كرهت بتار.

صبااااح الخيررررررات

نوير شخصيه متهوره سريعة فقراراتها تفكر بعواطفها اكثر من عقلها تحس نفسها ضايعه ومو عارفه اش تبي هذي سلبياتها اللي دايم تورطها وتجيب المشاكل لنفسها الموضوع صح كبير بس كان المفروض تحكم قلبها وتفكر بعقلها وهنا انا احيي هيا اللي كانت تحاول تخليها تتماسك وكلام هيا 👍🏻 كان تماسكت وخلت هذا اليوم يعدي على خير وبعدها لو تبي تنفضهم نفض تكشر عن انيابها وتاخذ حقها تزعل وتبكي والا انها تطلع قدام هالعالم بالمنظر ذا ! ويلحقها الكلام اللي ما يخلص وعشان ما نظلم نوير لها ايجابيات مثل كل انسان بس سلبيتها طغت على ايجابياتها ضحت عشان خواتها وتركت دراستها و تحملت مسؤولية خواتها تعرف شلون ترد بذكاء🤣 بس ضيعت هذا الشي بتهورها وفي ايجابيات بعد يا كريستو بس ما طلعتيها لنا طلعيها لان احس نوير شخصيه تخفي كثير مو مفهومه اش تحب واش تكره زي مثلا الشعر متى كانت تقرا وشلون حبته 😌
ورغم كل هذا الا اني حقدت ع خواتها 👊🏼 اصعب شي هو الخذلان اخذلوها فوقت من المفروض يكونوا معها حتى امها موقفهم صراحه نرفزني مهما كان ما كان الموضوع المفروض يتخبى عنها الا اني احبها مع بتار فعلا بس راي في الواقع انها الافضل تدري اذا حبت تكمل معه تكمل امساك بمعروف او تسريح باحسان صح ان الحب شي حلو وانها يحبها بس الحب مو كل شي هي تعيش بين ناس قريبه من بعض وفي علوم قبايل واماره ومدري وش 😹 مو مستقله بزوجها وحياتها والادهي والامر خواته اللي كثر الدود وليته على شي يسوى لا تقدير ولا احترام وضعها صعب كيف تعيش مرتاحه وخواته ناشبين لهم وهو غصب ينحاز لهم ويرضى عنهم فالاخير اهله اذا تبين رايي طلعي حوبة نوير فوحده من خواته خلي اي وحده فيهم زوجها يرسلها لهم جثه 😹😹 وعلى كل الكلام اللي قلته الا اني ما ألوم بتار فاللي سواه فيها خذلته بتهورها وغباءها واي رجل مكانه ما راح يمسك اعصابه فشلته بين اهله وجماعته وصار فوضع صعب ولولا رحمة الله كان جات على راسها طبينه وشمتت فيها اللي يسوى واللي ما يسوى .
فالاخير اللي بينهم ما راح ينتهي كذا حتى لو رجعوا لبعض المشاكل بتصير مع الايام والسنين الحل اولاً ان بتار لازم يستوعب ان وراها رجل وسند لان مهما كان الرجل يحبك ويعزك الا ما يستهين فحقك او يعايرك فيوم بأنك بدون سند ! وثانياً ترجع كرامتها وسمعتها وهذي مهمتك كريستو 😼😹وثالثاً واهمم المهم وضع حدود واحترام بينها وبين اهله مو مهم يحبونها او تحبهم اهم شي الاحترام ومااااا يتدخلون فيهم وهذي برأي مهمة بتار ورابعاً لازم يتعرفون على بعض من جديد يعرف طبعها وتعرف طبعه جلسة مصارحه وسوالف يكشفون بعض اكثر من اول وجديد فالنهايه " اما غرام يشرح الصدر طاريه والا صدود وعمرنا ما عشقنا "

نوووق وجلووي
الثنائي العجوز 😜❤ وكان هالحمل فرصه لحياة ثانيه ولحب عظيم بينهم مهما انكرت نوق هي تحب جلوي ويمكن اكثر منه اما شايبنا جلوي يا عيني على الحب خلف وتزوج وما نساها 💔💔 نوق بنظري شخصيتها حلوه وطيبه وخفيفة دم حبيت وصبوره انسانه قويه وان كان فيها ضعف الا انها قويه بصبرها كريس انا اهنيكِ انتي تستحقين لقب افضل كاتبه وبجداره لانك ما تبالغين مثل الكاتبات اللي يعتمدن الوصف المبالغ فالجمال ويخرب محتوى الروايه والبعض تكتب اكثر من روايه ولا زالت تبالغ فوصف الجمال وكل الابطال احيان جميلين 😂😂
وصلتي رساله حلوه مو شرط تكوني ملكة جمال دبه نحيفه عشان يكون في حب الحب اطهر واسمى من كذا الحب انك تتقبلين اللي تحبيه مهما كان وعيوبه تشوفيها جمال ❤ الله يتمم حملها على خير وبودي ان حملها م يدرون فيه نوره وام جلوي على الاقل فتره الى ان يثبت لان ممكن يضروها 😭 هل ام جلوي هي السبب ان نووق ما تحمل اش الدافع طيب ؟ تغار من حب ولدها لها والا لانها ما تحبها ولا تحب ام نوق؟ !! الانسان ضعيف مهما تجبر وطغى والجزاء من جنس العمل الله حسيبها وحسيب كل ظالم عندي احساس ان بتول بنتها تدري بشي وساكته صحيح انها ع قولة جود ما تمسك الكلام بس مادري احسها غريبه وتخبي شي 🤔 واعتقد انها ساكته لانه يتعلق بامها جلوي عرف انه ظلم نوق بس شلوووون ؟ من بتول والا لما نوره راحت لام جلوي فبيت اهلها سمعهم احد وقله كل شي والا كان رايح يزور امه وسمعهم شي غريب فعلا شلووون وضعه صعب امه مهما كان ما راح يتجرأ يتكلم ان امه ظالمه !☹ كريس في بووووم ؟ مفاجأه كذا سر فنوره وربما ام جلوي معها ليش نوره تخطط لهدرجه وشهالوصخ اللي فقلبها هي اللي شوشت عبدالله وحرضته ع امها وابوها وطمعانه فالفلوس فبالي احتمالات كثيره عاد مدري هو صدق والا شطحت
هل نوره ما تكون بنت الجد والجده من صلبهم اثنينهم ؟
طيب هل هي تزوجت ابو فيصل غصب ويمكن عبدالله اخوها السبب ؟
زوجها ممكن كان يحب ام نوق فالماضي القديم او يمدحها ؟
وشلون حرضت عبدالله على امه وابوه !
سحرته؟ كذبت عليه انه مو ولدهم؟ شوشت عليه بالكلام وان ما يحبوه ويفرقون بينه وبين اخوانه ؟ اغرته بالفلوس ؟ اعمت عيونه عن الصح ويمكن ندم وكذبت عليه انها راح تصلح بينه وبين ابوه وخربت عليه ؟

فالنهايه انتي كاتبه حبوبه وكتاباتك حلوه وقريت كل رواياتك وكلهم حبيتهم بس عندي نقطه صغيرررونه فهذي الروايه ان الاحداث كانت بطيئه وفيها تمطيط بعض البارتات كان الوصف والكلام فيها اكثر من الاحداث وهذا ما يعني ان ما كان في بارتات حلوه في بارتات كانت مو حلوه بس جباره ❤ اتمنى انك تتقبلين رأيي بصدر رحب وهذا من حبي لك 💕

اللهم صلِ وسلم على نبينا محمد ، جمعه مباركه 💕