لا تتحيزون لنوره لأنها جنس ناعم ( لو أن النعومه بعيده عنها هذي مسترجله )
أنا معكن بتار صدمني بكلامه وسبه لها أكثر من مد يده عليها لكن الله يلوم من يلومه
بتار لأنه عارف نوير وتهورها وحتى أمها مثله ماقالوا لها وأعتقد بطلب من أمها
هو كان منتظر يجمع كل الحقائق ويفضح اللي تسبب في أذيتهم
نوير وهو ماقال لها شاده حيلها عليه كيف لو عرفت ما أعتقد ردت فعلها بتختلف
عن اللي سوته
ومن حق بتار يجن لأنه أكثر من مره يحذرها وآخرها قبل اللي سوته بساعات
لما شخص يحذر شخص من إرتكاب خطأ ما ويفعل اللي حذر منه هذا شيء يقهر
أكثر كأن ماهمه الشخص ولا كلامه وكأن الشغله عناد

هو تحمل عنادها وقلة أدبها لما كان الموضوع بينه وبينها وكبر عقله مثل لما
تركته وراحت لجدته وماعملت اللي طلب منها ولا علمته بخروجها راح لها
ومافضحها عند جدته وتعامل معها بهدوء ومثل لما أحضر لها الماء ورمته
عدى الموضوع لكن هالمره عنادها سبب له فضيحه كبيره والكل شاف
طول لسانها وعصيانها له وقلت أدبها وبكره يكون حديث الكل

هي الغبيه ماهي عارفه عمتها وشرها وكرهها لهم ما وضعت إحتمال
ولو واحد بالمئه يكون الموضوع كذب مافكرت إنها بتصرفها هذا تسيء
لنفسها وأمها قبل بتار مافكرت باللي بيشمتون فيها وإن تصرفها هذا
بيسعدهم وتنولهم اللي في بالهم مافكرت تعدي الليله وتتفاهم بعدين
مع زوجها وتتأكد من كلام نوره