بصراحة كنت قاعدة اعيد قراءة الفصل لتجهيز رد بس تقريبا آمال وفيتو كتبو كل اللي بخاطري ما عدا القليل فقط

ما أتوقع نادية راحت لأبوها
يعني أكيد فهمت من كلامه معها قبل ومن كلام ممدوح كمان انه مشترك معهم بالسالفة
صراحة جا ببالي مكانين ممكن تكون راحتهم
إما عند أم عبدالله ولأسباب شعورية فقط أحسه احتمال بعيد شوي
أو أول شي جا ببالي وهو انها أصلا سافرت لنفس الدولة اللي كانت فيها قبل .. كانت بلندن أظن؟
ويمكن يمكن لها أو لفارس شقة راحت فيها مؤقتا
بس اني ألومها .. مفروض لما فهمت حقيقة اللي سواه ممدوح كانت استوعبت كمان ان كلام ام عواد لها كذب في كذب وانه ما مل ولا اتنيل خطط لتركها

عواد نفسه ما توقعت ينهار بهذا الشكل
هو تقريبا قاعد يواجه فشله بكل شي تدخل به او شي يخصه بالفترة الأخيرة
هو صحيح اني حاقدة عليه نوعا ما لكن بكل مشكلة تسبب بها أو كان طرف فيها ما كان المسئول الوحيد
والحمد لله ان فارس موجود ولا كان طب ساكت ولا احد درى
عندك ارتفاع مزمن بضغط الدم مثلا ؟؟

والله الواحد خلص خاطره تنتهي سالفة ذا الاثنين على خير ونرتاح 😒😒
.
.
.
فضوووووول
فضوووول يقتلني
إلى أين اصطحب متعب شيماء ؟؟
الله يستر لا تموت علينا فيها بسس 😏😏
.
.
.
نوير انا متوجسة من ردة فعلها على كلام نورة
هو اكيد اكيد متفقة مع البنات انها بتطلع عين بتار بعدين بس مدري ليش احس السالفة ما بتتم سر عن اخوات بتار بالحفلة >> معرفتها الحقيقة كاملة قصدي
فاللي هو
من ناحية هي بتفهم اخيرا سبب حقدهم عليها ومن ناحية ثانية هم بيلعبون ع المكشوف معها
اللي اتمناه انا صدقا ان نورة تعجل بكشف حقيقة ام جلوي بالتالي تطلع الثانية العلوم اللي ببطنها وأهمها أهمها إن نورة هي اللي كانت تكلم جهيمان
سوو
الخبر أكيد بيوصل بتار وأهله فيفهمو السالفة ويرحمونا من اعتقادهم ان ابوهم شاف البنت او انها هي اللي قامت تلعب عليه او ان ابوها هو عرضها عليهم
الا بمناسبة البنت تلعب عليه
ما انتبهو انها كانت طفلة ؟؟
طفلة ياا عااااالم وين تلعب على شايب عايب بسسس 😒😒
.
.
.
ام مدري من وعيونها الصفراا اللهم احفظنا 😒
تعرفي اني واقعيا اصطدمت بشخصية معينة بهذا الشكل الله يعينها على ما بلاها ويحفظنا بسس 😞😞
معقول كل اللي صار كان الحكمة من وراه تتم الجيرة وترمي ام جهيمان الكلمتين عن الحدث القدييييم اللي ما تذكره أحد عشان يعرفون السبب ورا مرض متعب واجهاض نوق المتكرر؟
أتمنى
.
.
.
فوزية أحسها زي اللي كان يتمنى سبب للقطاعة وجاه جاهز
بصراحة كل حججها بشأن علاقتها بنوق واهية وما لها قيمة وزي ما قالت أمول بسهولة شديدة كانت تقدر توصل لها لكنها مآخذة السالفة علك بفمها وكل شوي مزعلة نوق اناا 😒😒
وطبعا لا تعليق على تصرفاتها مع أميرة
على صعيد آخر وببيت جلوي حسنا حالتها صعبة نفسيا وجسمانياا لكن بنفس الوقت مش قادرة أعفيها من اللوم كليا
يعني لو ببداية الحمل وباقي الجنين ما فيه الروح يا ماما وانتي صحتك منيلة بنيلة ليش ما تاخذين بالرخصة؟
في الوقت ذاته أتوقع انها عاملة حساب نسبة الفشل اللي مش قليلة بعلاج الخبيث الله يعافينا حتى بدون وجود عوامل
مقدرة جدا جدا طلبها من جلوي يرجع نوق لانها اكيد ما تقدر تأمن جازي على ولدها وهي اللي حتى منصور تربيتها له زفت لكن ما في أحسن للطفل من أمه
ومهما كان موقفي من علاقة نوق وجلوي فما أتمنى لحسنا غير كل خير

ونشوفك بعد فصل بكرا ان شاء الله
💜

بســم الله الرحمن الرحيم ..

صباح السهر والحب لعيونكم الجميله إلي تتابعني .. يازين هالردود .. قسم بالله شي يشرح الصدر من جد .. جعلني فدا لكل من كتبت رد لي ..
الشموس يالشموس .. هه وينتس قايله ماراح أترك هالمتصفح لين أنا أكمّل .. ههههههه ..
والله حاولت أكتب شي بسرعه بس ماش لقيت الظروف تصدني .. فقلت يابنت كل ملحوق مطرود لو أنزل لكم جزئيه بسيطه هه متأخره ...
ميرال .. والله صادقه .. ردود أمال وردود بعض العضوات قسم بالله أفتقدها لا غابت لو أني مقله بالرد ع الجميع بس تسثير بنات أصير أنتظر ردودهم طول الأسبوع .. وأفرح لا شفته ..
أمممم .. أغلبكم توقع أن شر نوره أنتهى .. وأشتقتوا لها .. هذي هي جتكم تحوم حول هدفها لشخصيه كانت في زمن ما .. توأم لها تساندها بفعولها وبظلمها بالخفا .. الأدوار تختلف والزمن عجله تدور في رحى أعمارنا .. ومهما عطينا شر أو خير .. هو لا محاله مردود علينا بالمثل .. يعني بتشوفون .. الشخصيتين .. بعد ماكانوا متحدين .. كلن يبي السلامه على حساب الثانيه ...
والنجوم .. طبعا .. بالمنتدى .. أغلب الردود تقريبا بعيده عن ماراح تسويه نوير إلا وحده فالسناب جابتها بالتمام .. وأنا قايله النجوم .. لبنات المنتدى الحبيبات .. يعني أشيل شنطة نجومي وأروح .. يلا يلا خوذوا الجزئيه ..

خمنوا من الشخصيات لين الله سبحانه يكتب لنا لقى ..

بسم الله ..
.
.
.

ينحني يركض بجنب الحاجز حتى يرفع يده يحطها على شماغه .. وبدون أدنى تفكير يندفع للدرج بخطوات واسعه يدخل الصاله حتى تتسع عيونه من شافها بجنون ماسكه وحده مع شعرها ..صدره العريض يرتفع وينزل بجنون .. عيونه متسعه بقوة وكأنها على وشك تظهر من مكانها أكثر .. يسحب شماغه حتى يرميه على البنت بخفة الفهد مندفع صوبهن .. يغرس أصابعه في كتفها وضخامة جسمه تستقر قبالها كان من المفترض إنها تفزعها لكن بكل قوة .. عيونها لا زالت ثابته على البنت .. ونظرات شيطانيه حاقده تلمع من عيونها بشكل غريب .. تحرك أيديها صوب صدره .. تدفعه بلا مبالاه .. وهي تحاول تروح لها
" وخر عني .. التسلبه والله ما أخليها ! "
يدخلن حتى تتسع عيونهم بصدمه من أرتمت البنت على الأرض يغطيها الشماغ وهي تحاول تسحب جسمها بالأرض مبتعده عن هالثايره .. المجنونه.. وإلي تصرخ
" أقول وخّر عني .. وخر ! "
يتحركن بسرعه للبنت بالصاله .. فيما هو يحرك يده بصوت حاد لهن ..
" سكري الباب .. سكريه "
وهي لا زالت تحاول تفك نفسها من قبضته .. تبي تهجم بأي شكل على إلي كانت نقطة الصفر إلي ثارت فيها من طلعت ولقتها بوجهها !
تدفع صدره بيدها بقوة ... تصرخ
" وخر عني .. وخر "
لكن كلماتها تنكتم من أستقرت قبضته حول رقبتها فجأه وكأنه على وشك يفقد أعصابه
كيف تتجرأ تهجم عليها بهالطريقه الوقحه !
كيييف ..
".. وش سوت فيتس هالمتوحشه .. ! "
تقولها وهي تسكر الباب .. تسمعها تبكي بشكل هستيري ومجنون ع الأرض وعيونها علقت على هالثايره برعب ..فيما قبضته حول رقبتها ظهرت أنها على وشك تخنقها .. تحاول فجأه تفك نفسها من قبضة يده و إلي كانت
قادره تسحقها بلا رحمه .. يدفعها لورا بعنف والجنون أدركه قبال مايشوف .. تتمايل بتطيح
لكن يده الثانيه كان أسبق لها حتى ترفعها كلها عن مستوى الأرض .. يحمّر وجها وهي بيدها
رجعت تضرب صدره وكتفه بخوف .. يجرها دافعها للغرفه حتى يدخل وبأقوى ماعنده يرميها قباله .. يتحرك بجنون طالع من الغرفه .. حتى ينطق بغلضه مندفع
" خوذيها للمجلس ولا تطلع "
يطق الباب فجأه وبسرعه يتحرك حتى يسكره بالمزلاج بقوة

يتحرك راجع للغرفه وعيونه تلمع ببغضب شديد حتى يدخل ويصفق الباب بأقوى ماعنده .. وهي لا زالت تمسك رقبتها .. بذعر تتلوى قدام عيونه ..
هذي آخرتها .. يتحرك بأتجاهات مختلفه .. والنار تشتعل بصدره .. يشد على قبضة أيديه بقوة .. لحظات ويوقف .. يرفع عيونه لها .. يتحرك بشراسه .. حتى ينحني يجرها مع ذراعها وكأنه يبي يقتلعها ببساطه من مكانها .. وهي تطالع ملامحه المتصلبه .. وعيونه إلي تشع غضب أسود ..

.
.
.
كـــــــــــــــــــــــــــــــــــــــــــــــتت

يلا موعد لقانا اليوم الساعه 11 بليل

هذي نوير يوم اطلعت من الغرفه بعد ماكلمت نوره لقت البنت الي تحب بتار وخواته يبنه يتزوجها في وجهها البنت استفزت نوير وعايرتها انها براس ناقه هنا نوير جن جنونها

وشبطت فيها والي دخل عليهن بتار والي ادخلن بعد بتار خواتها اقصد خوات نوير

وهذى يعني ان الدنيا شبت حريقه والفضيحه على اعلى مستوياتها