وبالأخير

من القلب شكرا لمساحات الراحه والهدوء إلي ألجأ لها بعيد عن ضغوطاتي

وأعذروني ع الأختصار بالردود .. قلت لابد أدخل وأرد على الجميع ..

يخليكم لي آل ليلاس

مساء/صباح الخير ..اخبارك كريس واخباركم يا أهل المنتدى اشتقنا والله للتعليقات م حرك أشواقي لتعليق إلا البارت الأخير جاب راسي والله😅 عاد خلاص لازم ارجع وامسك مكاني في المنتدى لازم اعوض عن غيابي في تعليق وعسى يليق في ما تقدمينه لنا كريس الف مليون شكر ولا يكفيك والله واعتذر على التقصير الأيام الماضية مابين سفر وأيام فضيلة وعيد واسبوع راحة م بعد التعب😆 المهم هذا توقعاتي ومتحمسة للبارت الجاي مابين حفله رد اعتبار نوير وبتار جيه أبو عبدالله عشان يردون اعتبارهم لو قليل يعني حماس وأخيرا اقول الله يبارك لك في وقتك وجهدك ويسر لك أمورك ويوفقك يارب وبداية دراسة موفقة يارب

- 'عواد ونادية' والله صدق عواد من وين يطقها عوجا حياتة الخاصة كل ومالها في تدهور وآخرها سوات ممدوح وإخفاء نادية عنهم الأكيد أنها مو راضية اخذوها مجبورة وطبعا السالفة داخل فيها ممدوح وأم عواد وعالي وإبراهيم وراهم مصلحة إبراهيم وممدوح مثل م اتضح ابراهيم اغراء ممدوح في المناقصة عرف كيف يجيب راسة صح وطبعا إبراهيم عشان أم عواد يسوي أي شي لكن ارجع وأقول وش وراها أم عواد بعد وليش هالاصرار العجيب ع طلاق نادية من عواد تعمل بلا كلل ولا ملل أحس السالفة أكبر ..أم عواد حسبي الله عليها تمشي بين الناس وتقول هالحكي عن زوجة ولدها طيب اللي يمس زوجته يمسه بس صراحة هي مو مباعدة نورة أبد كلهم تدخلوا في أشياء مالهم دخل فيها ذيك شرف والثانية مو مباعدتها أبد الله لا يموت قلوبنا ولا يشغلنا بخلقه صدق العقل نعمه وهن وش كبرهن رجلهم والقبر يالله حسن الخاتمة والحين وين مخفين نادية الله يستر لا يكون عن خالها جاسر لأن مو متطمنه ناحيتة أبد وعواد ثار من اللي حصل لزوجته كيف اذا عرف في جيرة أم نوق آخر ذره في عقله تطير ماقلت لكم عواد من وين م يطقها عوجا .. نادية كأن الماضي يعود مثل م حصل لأمها لكن بطريقة اخرى الله يصبرك ويعينك على الجاي ولا يفرقكم أحد ودي اعرف وش قال ممدوح لابوة عشان يجي لبيتها يقول لها هالكلام اتوقع مزود السالفة من عنده هالممدوح ما وراء اللي الشر أولها كسر ظهر عواد ع قوله في حضورة لزواجة والحين كسر ظهر عواد قول وفعل وزود عليه نادية كسرها وين الحين تودي وجهها عن عواد هذا أخوها اللي دافعت عنه مرغ وجهها في التراب والله اللي حصل لها كبير كبير واتوقع من ممدوح أي شي صراحة وإصراره الغريب انه راح يطلقها من عواد وصراحة م استبعد عنه شي لأنه بدون ضمير يسوي اللي يبيه في أي طريقة والله يقوي قلبك نادية ع اللي يبي يجيك .. أما عواد وموضوع بنات اخوك يا كم نبهك متعب لكن م فهمت ولا أخذت الموضوع بجديه ويوم عن يوم تزيد الحسرة والقهر في قلبك وآخر شي سوات نورة فيهن م اقول إلا يا حسافه تربية ام نوق لك م نفعتها لا اول ولا تالي

- 'بتار ونوير' حبايب القلب بداية مشكلتهم سوات خواته في مجلس سعده بدت المشكلة منهن سكتت نوير لحد م عاد لسكوت مجال والمصيبة يحسبن أنها تبي تسكت يحليلكم بس أجل فطور وغداء وعشاء عشان حنا السنعات والا زوجه أخوي م تستاهله والمضحك ترحيب سعده اذا م خاب ظني في بنت عمهن غادة جعلها تغدي كراعينها أي والله لو عندي اخوي ثاني كان انتي زوجته يعني ليتك انتي مكان نوير بلا لف ودوران واضح والله وبعدين وين الزين نوير تقارنينها في غادة هزلت والله لا عقل ولا زين وبعدين انتن يا بنات أم بتار العزيمة مو في بيتها لا في بيت بنتها وهي تضيف المعازيم على كبر سنها تقهوي والله عيب وعندها بنات وحفيدات كثير ومن أخذت نوير تقهوي صارت تمثل زين أنها عرفت غلطتها مو مثل بناتها اللي لا حياء ولا مستحى من بعد فعلتهن ارسلن فطور لاخوهم عجييييب وبعدها كلام نوير اللي لبتار اللي زين انه مسك نفسه عنها ولكن في المقابل م برد خاطرها بشي وهي أخذت دور الهجوم وهذا العيب فيها دوم مستعجلة عاد صدق بتار عرف لها من قال يلا اخذي أغراضك صدق أعطاها درس خلي كلامك ينفعك وبعده أخذها لمحل الذهب وأخذ طقم وقدرة ومالومها لو شهقت رقم كبير ع طقم لكن اكيد انه يستحقة وهذا اكيد راح يرد اعتبارها قدام اللي صار في مجلس أخته وقدام الناس والاكيد خواته الحين لو شافوا اللي راح يسويه لها يموتن عاد اذا شافن الطقم نترحم عليهم وبعدين كلام بتار لأمه من قال ابعدت الردي عنهن ولكن هن جابن الردي له وهو اللي ابعده عنه يالله شعور يوجع القلب خيرا تعمل شرا تلقى ومن أقرب الناس له الأكيد الحفلة فيها شي م نتوقعه اما نوير آخر شي حجزك بسيارته والله م يعرفك إلا بتار صارت قدامه ولا شي ضحكت من وعد من قالت وين شخصية نوير القوية😂 عاد رد نوير مفحم لازم احترام الزوج .. من حشر نوير حددي نوع الضربه والله مو عارف لها إلا بتار

- 'فوزية' يا شيخة دامك رديتي عليها من جوال اخوك اسأليها عن اخبارهم مو على طول تقولين م قلتي جد جلوي قليل حظ في خواته كل وحده تخربها من جهه اول مره يكسر خاطري اذا هم اختاروا بنفسهم انفصالهم انتي مالك حق تتدخلين فيهم كل واحد حر في قراره لكن انتي خربتيها والله


- 'جلوي ' وأخيرا عرف أن ظلم نوق ويا كبر مصيبتة أمه من جهه وفراق لنوق من جهه بس وش سوات أمه كبيرة تقص الظهر والحين حرر نوق منه واتوقع بدون رجعة أحس الحياة بينهم خلاص انتهت والحين فرح في حمل حسنا كيف لو عرف عن حمل نوق يموت من الفرحة لكن كيف لو عرف انه تبي الطلاق يطلقها كما وعدها وهذا اللي اتوقعه منه أما أن ربي بلاها في خوات خربن عليه حياته وآخرها سوات فوزية قسم بالله تقهر يمكن هي من الفرحة نست مين تكلم وقالت اللي قالت اوجعت قلبي انا كيف نوق أما عن الجازي جد طلاقها قريب هي هدمت بيتها بنفسها أجل تجي هي وحسنا لبيت نوق ويهاوشن خير ان شاء الله وين عايشين لكن حسنا الحين حامل وجلوي طار من الفرحة كيف لو عرف عن حمل نوق كيف ردت فعله

- 'بادي' تمت اللي تبيه وتزوجتها وخطوة حلوة انه فكر يعالجها عن دكتور نفسي وآخر موقف له مع رحمة والورقة اللي سلمتها له اتوقع تخص أخوها واتوقع بدت تقبل بادي

- 'مشعل' ما أقول إلا ربي يعينك على الجاي أكثر واحد راح تنصدم من أمك

- 'متعب شيما' ربما ضره نافعة وهذا اللي حصل له في زواجه من شيما صراحة برد قلبي في فيصل ضربه ضرب يستاهلها وليته جاءه اكثر أما من قال "اتسلمت لي في بعطيتين م تروح الحره للردى ما تروح" هنا قلبي طار من الفرحة وأما "وهذي لتس ياشيما .. لتس .. لتس" هنا اقول تستاهل م جاك واللي راح يجيك يا فيصل اما من أخذها عشان التحليل أنا هنا مت وخصوصا الورد هذه كلها خطط أبوه والا هو م فكر يفكر في سيارته😂لكن جد موقفه جدا جميل شيما الحين هي م استوعبت وبإذن الله تغير فكرتها عن متعب ابي ينصلح حالهم لو شوي

- 'نورة الشر' أعوذ بالله م خططت إلا على الشرف والسمعة هذه أخر فعولها عشان تستر ع ولدها والحين عرف بتار في خططها وأنه هي اللي كانت موصله كلام لأبو عن نوير وعرف سواته في شيما محد راح يسكت وخصوصا اذا كشفوا علومها الباقية مع أخوها عبدلله جد ترحم على عمرها والمصيبة أنها أخذت فلوسها ولا لها شي عند عبدالله لكن الطمع أعمى عيونها لكن اتوقع أبو طارق يعرف في السالفة وتنفضح عند أهلها أنها بينها وبين عبدالله شراكه يويلك يا نورة لو انكشف المستور وش يصير فيك ترحمي على روحك والحين يا نورة فقدتي الوالدين الأخوة والعزوة وفوقها طلاقك اتوقع تفقد عقلها والا مردها السجن

- 'فيصل' هذه نهاية علومك انت وأمك خططتوا وانقلب عليكم والحين لا أب ولا خوال ولا جماعة تبيك بعد فعلتك وخصوصا لو عرفوا من جاء أبو طارق يبي أبو عبدالله وانت بعدته عنه اقولك ترحم ع حالك مع أمك

- 'ريان' يا قلبي عليه والله العظيم اوجع قلبي هو وش دخله في علوم أمه واخوه وانتم تعرفونه من يماشي معاذ اغلب شي والحين راح مع ابوة واتوقع م راح ينسى لهم حركتهم هذه أبد خصوصا معاذ

- 'عهد وعد' خصوصا المزيونه م رحت فيها إلا من قالت يمكن ريحة المزيونه قصدها مخده نوق هنا مت انجلطت وش جاب لجاب وبعدين موقفها مع بتار والله عرف لها هي واختها والحين غيرت مخططاتها وعد ماتبي زي بتار تبي زي متعب انا بشوف نصيبك وين يروح اللي اعرفه اللي يتشرط يجيه عكس م يبي فخليها على الله أحسن أما عهد هي ورجلها يا عمري عليها

- 'هيا' يا عمري عليها مضطره تأجل آخر ترم لها عشان ظروفها قسم شي شين بس باقي لي شي بسيط ويتأجل لكن م ندري وش يصير يمكن كريس تفاجئنا بأشياء خططيرة

- 'فضيه' صار م حلمتي فيه وتمنيتيه تزوج ولدك من اللي تبينها لو كانت بغير هالظروف كان فرحتك غير لكن ربما ضره نافعة والحمدلله أنها شهدت على الحق

-'حمد' الناس وين وانت وين الحين مستحيل تأخذ من بنات أم نوق وابوك عبدالعزيز

- 'بادي' تمت اللي تبيه وتزوجتها وخطوة حلوة انه فكر يعالجها عن دكتور نفسي وآخر موقف له مع رحمة والورقة اللي سلمتها له اتوقع تخص أخوها واتوقع بدت تقبل بادي .. الظروف الحين مساعده بادي في إصرار الجدة تشوف زوجته ومن حقها لكل نقول كل تاخيرة فيها خيره

- 'أبو عبدالله' بعد م فات الفوت م ينفع الصوت بنتك ولدك اطبخوا امورهم لحد م نفذوها وآخر شي عرفت انه م يمسك الوصاه إلا أنت بس بعد م وقع الفأس برأس واهم شي عرفت كيف سمهم لام نوق وبناتها مثل الحيه نورة وعبدالعزيز وليت عبدالعزيز يجيه اللي يسد فمه وشره لأن لحد الآن فيه من الشر بس ليت بتار يعلمه كيف يتكلم هو قل ادبه ع امه وابوه عاد كيف الغير والحين أبو عبدالله عرف من وين يدخل في موضوع الجيرة على الأقل عشان سمعه البنات مو عشانهم قعدت متعب عندهم عاد نشوف أم نوق تقبل ولا لا

- 'أم نوق' ورجع الماضى يعيد الفراق لكن بطريقة اقسى مالوم أم نوق من كفخت بناتها مصدومة ومقهورة عليهم يعني هي تعبت عليهم وربتهم وحيده انتم في يوم ولليله تشككون في تربيتها وتعبها والحين احتمت في الجيره وحددت المده اللي مدري وش رواها لكن الأكيد تبي تكويهم في فراق البعد ويراجعون نفسهم والله أعلم ترجع للرياض أو تستقر في القصيم وهي حددت رجعتها هي ونورة م يعيشون في ديره وحده في نورة لازم تموت ونرتاح منها من شرها

وش ترجي منهم خلاص طفح الكيل والله واذا سكتت واصبرت أم نوق سنين فالصبر نفذ منها فالبعد غنيمة والايام تكشف نورة وام جلوي وسواتهم في نوق ونهايتها في شيما وغير ان نورة هي اللي مشجعه عبدالله وأنه الصح لحد م سببت فراق دام 14 سنة حسبي الله عليك يا نورة انتِ وام جلوي هدمتوا بيوت لكن يومكم قريب اما من مسكت نوق وحققت معها في موضوع الحمل مدري ايش اقول إلا الله يطول في عمرها ونوق م خفت حملها عنها إلا من خوفها عليها لكن الله يتمم على نوق هالحمل

- 'منصور' من الحين اقول الله يعين قلبك ويصبرك اذا عرفت علم من كانت زوجتك أخاف يصير فيه شي من رواها

- 'أبو فيصل' ليتك كفخت نورة وكسرت لها رجولها الحين طلقتها ورحت مع ولدك للجنوب م اشفيت غليلي في نورة والله بس يلا أربع جدران تجننها الحين وفوقها طلاقها وأهلها م يبونها والجاي راح يطير عقلها زيادة اذا انكشف المستور

- 'أبو متعب' م قصر مع ولده وشيما بس نفسي اعرف وش قال لولده من قال يبه م يجوز كل شي له أصوله

- 'معاذ' م تحس انك ثقلت على صديقك أجل محد متحملك بعد م صار ليش تجمع نفسك معهم مدري موقفه تجاه السالفة أوجع قلب ريان كان طيب خاطرة فتره وتزول بس ردت فعله اوجعت ريان واختار البعد عنه وعنهم جميع واتوقع من يدور معاذ مفتاح سيارته وتكشيرته اتوقع ان ريان مرسل له رساله وأنه أبتعد عنه بخيره وشره

-'أم جلوي' اذا عيالها من سوات نورة في شيما ثاروا كيف لو عرفوا عن سوات أمهم ويا صعبة ويا كبرها عليهم جد م ابي أتخيل ردت فعلهم خصوصا مشعل يانهم يبيون يرحون فيها واسواتها في أوراق زوجها وش وراها بعد يعني تلعب ع الحبلين والا ليش تأخذ نسخ وسواتها في نوق كبيرة واتوقع وماخفي أعظم وبعدين مين أم خيال وليش جابتها لام خليل وليش عيالها مانعينها م تطلع من بيتها اتوقع هاالسالفة راح تقص ظهر عيالها علامة استفهام كبيرة من السالفة هذه وانا اعرف راح تصدمينا كريس صدمة عجيبة م يطلع منك إلا الزين والمفاجأت

- 'أم بتار وبناتها' اعتذرت من ولدها على ما صار وهي عارفه غلطها لكن المصيبة في بناتها لا حس ولا ضمير وآخر شي يجن لامهم عشان جيره أم نوق طيب السالفة بين الرجال وش دخلكم فيهم وبعدين الحين ينخاف من نوير والله الغيره ذابحتهم وبعدين م قعد بتار في الديرة مالومهم المشاكل من كل صوب وانتن يا خواته من بدأ المشاكل الحين كل السبب نوير وأهلها مشكلة اللي مو معترفات بخطاهم
.
.
.
يعطيك العافية كريس ومتحمسة للبارت القادم كثير والله يجيب الأحد على خير

تسجيل حضوووووور احم احم ظبت الشاى وفضيت الجو وعملت تهيئة للراس وفى الانتظار.