لالا لا لا الكت جريمه جريمه يحاسب عليها القانون

وش ذا كأني جيت مسرعه في سياره داعسه ام الطبلون وفجأه يطلع في وجهي اجدار دم طع

ليه كذا ليه قهر ترا تونا مابدينا اصلا وش فيتس علينا انتي هاه قولي وش بلاتس

تعالي اشوف ودي اتهاوش معتس صدمتي عيشتنا انتي وش بلاتس علينا

تونا نستطعم البارت هوب دف خلص ام القهر ياشيخ

اويلي من جد ابداع ماله حدود ابداع ماينشبع منه

ام نوق طلعت ماهيب سهله بس قهر انها ادخلت على بتار فشلت طقم العائله كله

اما متعب شي ثاني واهو يفكر في سيارته الدردعه وغبرتها يابوي البنت ماتشوف الدرب من القهر والغبنه عبالك رايقه تقز سيارتك عاد شيما المسكينه بيطير عقلها لاعرفت انها بتروح
مع متعب الحالها هي ابليا خريش

قلبي عورني .. البارت يعور القلب .. :(
واعذريني ماكملت كلامي عن باقي الشخصيات بالبارت السابق .. :فيس مستحي:
أول شي تسلم يدينتس .. عسى ما تمسها النـار .
بقولتس شي من زمان خاطري أقوله لتس .. طريقتس بالكتابة مميزة أتمنى نقرأ لتس كتاب قريب .. رواية أو خواطر أو قصص قصيرة , واثقة من نجاح المشروع

نجي للأحداث اللي صارت .. الأحداث صارت سريعة لكن ثقيييييلة على قلوب الشخصيات وعلى قلوبنا .. كل كلمة انكتبت بدقة .. بعمق !

نبدأ بمتعب .. إنسان , عصبي , نفسية , بارد .. هذه الشخصية اللي ببداية الرواية حسستنا انه غثيث .. بس هذا اللي بالظاهر .. لكن اللي داخل متعب شنو ؟ كلمة وحدة تختصره : رجــــــــل .. فعلاً في زمن قل فيه الرجال .. وكثر فيه الذكور !
متعب شخص طبيعي عادي يمر بحالات تخليه ينفّس على اللي حوله مثل الموقف اللي جمعه بشيماء أو خلينا نقول موقفين .. موقفه بالبيت يوم كان نايم ودخلت عليه وثاني موقف يوم كسر القلاص .. وخلينا نقول سبب اللي فيه هو المرض .. يعني ما ينلام كلش .. أي وحدة مثل شيماء لما يتقدم لها متعب او شخص مثل متعب تشوف ايجابياته اذا كانت أكثر من سلبياته تتوكل على الله .. والسلبيات تتغير مع العشرة .. ويكفي انه متعب سوى كل اللي سواه بدافعين : الحب + الرجولة .. وشنو أكثر شي الوحدة تبيه بزوجها؟ يحبها وفيه صفات الرجولة والشهامة والنخوة والعزوة والسند ؟؟

كنت متحمسة أعرف شلون متعب لحق عليهم .. وليش طاح وهو اصلا ماركب السيارة اصلا ما اشتغلت ؟؟ وكان عندي توقع انه احد علمه عن فيصل ويكون ماطاح بس مثّل عشان يشوف اخرة فيصلوه الخسيس .. وفعلاً توقعي كان بمحله --> مستانسه هههه

ياهو برّد خاطري متعب وهو يطق فيصل .. كلمته "وهذه لتس يا شيماء لتس لتس" حسيت اني اكتفييييييييييييييييت خلاص مابي عقاب ثاني هههههع

الحمدلله اللي لحق عليها بآخر لحظة .. الحمدلله على دعوات الأم .. الحمدلله على التربية الصالحة .. الحمدلله على حشمة البنت وعفتها وحياءها .. كل شي مايضيع عند ربي.. احفظ الله يحفظك .. وشيماء ربي حفظها ..

* فيصل من بداية الرواية .. يحب سوالف الحريم ونقل الكلام .. بس يخسى يكون مثل الحريم يكرمون عنه طبعاً .. بس شنقول غير تربية أمه مهما حاول اأبوه يسنعه مافيه فايدة .. الحين قتل وحاولت تقتل .. املاك يتامى وحاولت تمنع يوصلون لها .. قيل وقال .. تروح تحاول تدنس شرف بنت خالتك يالنذل ؟؟ شلون هانت عليك ؟؟ الله ياخذك اخذ عزيز مقتدر

* نورة .. حسبي الله عليتس يوم انتس اسمتس نورة وافعالتس ردية وبالظلام .. مثل الشياطين .. يعني كل افعالتس الخايسة ممكن نطوفها لكننن انتس تتهمين بنت بشرفها !! ويالييييييييييييييييييييييت غريبة .. بنت اخووووووتس الله ياخذتس اخذ عزيز مقتدر مع ولدتس الخايب

* تصرف أم نوق مع بناتها وضربها لهم .. اعتبره جدَا طبيعي احنا اذا خفنا نطق"نضرب" هههههههههههههههههههههههه والله عورت قلبي قهروها الله يقهرهم .. كللللللللللللللللللللللللهم يستاهلون الكلام اللي قالته لهم من ورا الباب .. خسيسين قاموا يطقون بدون مايعرفون الحق
لو ماشهدت فضية بيكون ع بالهم ان شيماء والزفت على علاقه !! من صجهم ؟؟ بكامل قواهم العقلية؟؟ يوم شيماء تكلمه شكو تحط صوره بالشنطة !! يعني السالفه واضحة للي فعلاً يبي الصراحة..

* نوق الحين شوضعها ؟ لايكون بتروح مع امها هههههههههه لاتكفين ترا البطن بيكبر وتعرف امتس

* النوري مية بالمية حامل .. ليه؟؟ لان فيوزها ضاربه والغباء مستفحل فيها وهالشي اغلب الحوامل يحوشهم ههههههههههههههههههه فمواقفها مع بتار اثبت هالشي .. عجبني ردها على المخنزات خوات زوجها .. مدري شفيهم عليها لايكون ماخذه رجاجيلكم ياللي ماتستحون !! يوم انكم تحبون اخوكم ورا ما تقدرون حرمته؟
الله يعينتس يالنوري الصراحة من رحتي لم بريدة وانتي كاسرة خاطري بدون امتس وخواتس كل قوتس اللي عند اهلتس ستار لضعفتس الداخلي.. وبتار باذن الله عزتس وسندتس بعد الله .. الله يسخركم لبعض ويرزقكم الذرية الصالحة

* بو فيصل شد حيلك وعاقب نورة باقسى انواع العقاب ولو تبي تطقها ابد سامحتلك خذ راحتك خخخخخ الحقيرة تستاهل الطق والله عسى هالعقال يلعب بظهرتس اكثر واكثر مثل ماخليتي شيماء تنطق :@

*شيماء ان شاءالله نشوفتس اقوى بالبارت الجاي.. الضعيفة ينوكل حقها وماتقدر تعيش بهالدنيا اللي مثل الغابة ..لاحظت ان امتس بتعاملتس بشدة وصرامة وهالشي يمكن يجيب معاتس نتيجة

*فضية .. يابعد قلبي انتي الحمدلله فيتس الخير يوم انتس شهدتي ضد الحية نورة وتسلم يدينتس اللي حثت التراب بوجهها

* بو متعب اعجبني تصرفه وكلااااااااااااامه اكيد انه برد خاطر ام نوق شوي.. بس تصرفه مع ريان كلشششششششش ماعجبني هو شدخله طيب؟؟ عور قلبي معاذ بس يلا يمكن يصطلب ويغير علومه لعلوم الرجال بدال الضحك طول الوقت

..

بعض الروايات تقرينهم عشان تعرفين وش بيصير بس
لكن روايتس نقرأها بإحساسنا .. لما تقولين "كـــــــــــــــــــــــت" نحس ان مشاعرنا استننزفناها .. مانتحمل نقرأ بعد ..

ايدي عورتني السموحة ودي اكتب اكثر
كل ماتعورني اكثر ادعيلتس ياااقلبي تكتبين لنا صفحات كثيرة وكل اسبوع وتمتعينا بإبداعتس .. تستاهلين الدعوات

اختس شبلتس ْ

يمه يمه يالاحداث وربي بكيت ها البارت ماغير دموعي تصب صب
ياقلبي عليك يا امي نوق
تكفين نبي بارت قبل العيد نبيه عيديه
اصلا كيف راح اصبر الي الاحد الجاي
انا اصلا للحين مو مستوعبه قريت البارت مرتين واحس اني للحين بحلم من كميه الجمال الي فيه