بسم الله ونبدأ في بارت كشف الحقائق ونهاية نورة قريبة يمكن م تتحمل وتموت ونرتاح ويرتاح العالم منها

موقف نادية من رده فعل عواد صراحة مالومها أبد شي يقهر يقهر طيب سامحت اختك زوج أمك وش عليك منه وفوقها يبي يكلمها ويقول يا "بنتي" هذا يعني نوع من أنواع الغزل وانا مدري ههههههههههه .. بس عرفت له بنت عالي أي بينك وبينها أم عبدالله وحامض على بوزك قربها لحد م ترجع لعقلك.

نوير وبتار صراحة اقول لك عروس تزوجت كان الله بعونك نقله حياتيه كبيرة عليك يحتاج وقت عشان نتأقلم مع حياة الجديد وفوقها لازم كل وحده مقبلة على الزواج تكون واعيه على ايش مقبله عليه .. وهذه نوير تحس في الأمان معه لكن في المقابل تحس فيه شي راح يكسرها عند النساء الحاسة السادسة يعني قرون استشعار من الخطر ههههههههههه .. زين اسقبال أم بتار بزوجه ولدها ع الأقل شي يفرح من جهتها لنوير عاد اهم الرأس الكبير م عليك من بناتها واستقبالهم .. المهم دخول الأطفال كذا خير حضانة ليش أمهاتهم م يقضبوا أطفالهم عندهم قسم بالله الطفل م على لسانه ستر يعني فضيحة متنقله العتب ع أمهاتهم م يقولون خلاص الرجال تزوج وله حياته الخاصه والا فاضيه نوير لطفالكم انا طلعت قرون لي من اثنين من اخواني كيف هالجيش صبرا جميل والله اهم شي قالت اللي في خاطرها والا اسكت عشان يحط حدود لهم أما مسألة انهم بس بس مشتاقين وبعده م راح يجون معليش والله الأطفال عطيهم وجهه م راح يفكون عنك صراحة حسيت بصداع نوير من اصواتهم وازعاجهم يا رأسي .. الحين يبون يسافرون وحنا نعرف نوير رفضت السفر للخارج اكيد يبون يتمشون في ربوع بلادي .. كثر م ضحكت من زعل بتار أبد مو لايق عليك مع شخصيتك الجادة راح نشوف شخصية ثانية لبتار غير اللي تعودنا عليها.

متعب وجيته لبتار وانكشف الشي الكثير من الماضي وأقرب اجلك يا نورة وأم جلوي صح نورة له يد في الموضوع بس أغلب شي على أم جلوي ولحد الآن أفكر وش هدفها من اللي سوته وخصوصا من مدحت نوير عند ابن جهمان م يكفي معذبه نوق معك تبي ترمين نوير للهلاك يعني كلها حقد وحسد فيه شي مخفي وراء ام جلوي لان كذا مره نورة تبري نفسها وتقول روحوا شوفوا ام جلوي وش سوت مو كل شي تحذفونه علي المهم اللي فهمناه من هالقصة كلها نورة كانت ع تواصل مع عبدالله مو حب فيه ولا بناته لكن حب الفلوس واعطته فلوس عشان يشتركون فيها وآخذها من جهمان وجاء شاري اللي هو أبو طارق والا لا يا كريس المهم آل طويردز وشارها بسعر قليل بس هنا السؤال اللي عجزت أفهمه ارتفع الحين سعرها وش دخل عبدالله فيها تكون الحين من نصيب الرجال الشاري بس اذا مو غلطانه انه بس شراء جزء منها مو كلها الشاري معليش الذاكرة لك عليها بس ابي اتأكد من هالنقطة هل أبو طارق هو نفسه من آل طويردز ؟! والا يتكلم أبو طارق عن أرض ثانية غير هذه والسؤال الثاني الأرض البور من شراها الرجال كلها أو بس جزء منها شراء .. صدق أن متعب رجال كفو م قال شي عن فيصل من سأله وش من رجال بالعكس .. ابن جهمان من القهر والغبنه من أخذ بتار نوير حط لولده شروط تعفسيه .. الحين انفتح لك باب مو مسكر يا نورة ولدك خلي اعتذاراتك تنفعك يا حبه عيني التبكبك وكم كلمه مو نافعتك أبد جاك الموت يا تارك الصلاة.

نوق تبون الصراحة لي كم يوم أتخيل نفسي مكان نوق واللي صار لها بعيد الشر عني لكن أنا من النوع اللي طيب <تمدح نفسها😆 المهم يعني انا اسامح بس اعطيني وقت اسامحك لوجه الله بس لا شوفك قدامي ولا يرجع شي كما كان لاني اعرف كما تدين تدان الفعل اللي صار في يرجع لهم لو بعد زمن .. يعني انفصالها صدمة بنسبه لها وفوقها السنين اللي عاشوها مو سهله أبد تركمات وش كثرها مو سهل انه تتعافى من صار لها سنين هذه وشافت وذاقت اللي م ذاقه جلوي وجاي يتفلسف ع رأسها مالومها لو تبقى معاديه الكل وكارهتهم وخصوصا اللي مرجعها غصب والله مثل الأكل اللي يغصبونه ع أحد وهو م يطيقه <شرايك بس بتشبية 😂. وفوق هذا كله كلامه اللي قاله لها عندي عيال وزوجتين وانتي ع حالك وفوقها عقيم معليش الواحد يسكت شوي بعده ينفجر وفوقها من طلقها وحده تبي تبرد اعصابها تبي تأخذ حقها لكن قليل الخاتمه رجعها بطريقة جدا سيئة وتقهر ويجي العم المبجل ويسوي اللي سواه ياخي سنع نفسك وبعد يجي الزوج المبجل ويكمل الناقص غصب ترجع لغرفتهم القديمه الله يالذكريات ترى احذفت ذكرياتكم بزباله أكرمكم الله عندك خواتك يهتمن فيك وفوقها زوجاتك طلبت منهم يروحن لاهلهم طيب حتى هي خلها في بيتها واحلى شي أعطته أكبر طاااف ومعذورة والله أجل اعتني فيه وهو فاقع مرارتي وآخر شي من هددته يتكلم عن اللي صار اعطاها بيت قصيدة ع قولها مدري من وين حافظه* "أسري بي عن الذل يانوق ! حنا تعودنا العطش والصلابه" الله أكبر انت م ذليتها م كسرت ظهرها والا من حسيت نفسك تبي تطيح قلت هالبيت لا جد م حسيت بشعورها م جاك تأنيب الضمير يا أخي تبيها تسامحك اعتذر أطلق سراحها محد يضيع وعنده ربي العالمين لا تخاف أن عمرها كبير وأنها عقيم موقفها من قالت ما عليك يا جده قالوها كثير عقيم وعقيم .. الحين حسنا وش دخل ام جلوي تكلمها مو م يهمك ليش تكلمينها .. نوق صايره تثور ع أي شي يعني صبرها نفذ أو حامل مدري وش دخل بس دخلت ههههههههههههههههههه .. جد لو تبين الماجد للعود ابشري نجيبه لك خلي بس عذرك هالعطر تروشي فيه واعتذري ملابسي عطر والله وناسة هههههه

"شكلهم من جد يحسبوني بشتغل له خدامه ..!ماراح أوقف عليه لو وش بيصير .. أخذت نفس بقوة وقلبي يوجعني .. يوجعني لأني قاعده أسوي تصرفات تعكس ماأشوفه واجب وحق .. حطني على خط الموت وقال واجهي ضميرك !وهو يعرف هالشايب إني ما أطاوع حقدي وكرهي على أشياء تربيت عليها .. وصارت جزء مني .. لكن إن تسان بواجه ضميري .. في جهه ثانيه قاعده أواجه كرامتي .. والكرامه ماحدن يزايد عليها .. يموت كل شي وننساه .. نقدر إلا الكرامة .. لا نزلت للقاع بإرادتنا وقراراتنا الخطا .. بتظل كاس سم نتجرعه كل ماتذكرناها .. يارب تعلم إني قاعده أذوق المر وأشياء دون ما أختارها .. لا هالزواج أخترته .. ولا قرب جلوي .. ولا شي"

قال ايش قال واجهي ضميرك يابو ضمير صاحي انت حتى انت واجه ضميرك احسب وش سويت لها من تزوجها في الحيله لحد بيت هالقصيده .. صدق يعرف الذل من نوق لكن مو كل شي نضحي فيه صحتنا أهم وراحتنا محد نافعنا لو سوينا م سوينا والله كنت اسوي أشياء كثير تأخذ من راحتي الكثير والكثير مشقيه نفسي على شي م يسوى كل هذا وتعلمت راحتي أولا وهالشايب محد قاله اطلع من المستشفى ع كيفك كان جلست واعتنوا فيك والا عرفت انها فلوسها رجعت لك وكرهت المستشفى وما فيه وبعدين عندك خواتك مو ملزومه تهتم فيك واذا تبي أحد يهتم ترى اشوف الجازي مشغله نفسها خلها تهتم من طيب خاطر ابرك من اللي جايبه غصب .. ضحكت من أم عبدالله شمت العطر راحت فيها نوق أجل نورة تقول تبي تارث الرجال يمكن كاتب لها استراحة تموت الجازي 😂 المهم نوق تجرد من الخوف قدام هالحيه وقفت قدامها بكل قوه ارمي يا نورة بحكي ترى شبعت كلام انا بس أتمنى أنها تحمل عشان عيونك تطلع من مكانها .. انا مبسوطه والله من تهديدها لجلوي خليه يأكل تبن شوي

" هذي ضربتي الأولى لجلوي .. والعمه .. عمتي تبي من يساريها برفع الصوت وقلة الفعل .. لكن أثبت لها أن بأمري أنا أنتهى صوتها وصراخها .. ولازال وصدرها مليان تبي تسوي أشياء وأشياء .. تبي تستمربالهواش حتى تمثّل دور المظلومه .. لكن ماهيب هالمره وعلى حسابي أنا .. !وجلوي أجباره على الصمت بيحرقه .. يخليه يذوق المر .. وأحساس الضعف للرجال
يذبح .. هالحين ذوقه وأنت على سرير المرض ياجلوي .. وأعرف وش معنى قلة الحيله واضعف .. ذوق من كاس ماذقته ياولد منصور وأنت طالبني للبيت هنيا تبي تمد يدك لي بالطيب وتثبت أنك شاري مانتب بايع .. أوهامك شي .. وفعولك وأقوالك شين ثاني "

أي م تشوفين بيت الشعر اللي قاله حس بالقهر وقله الحيله .. جد يقهرني فعوله ليته يبي يصلح لكن يعميها ع عماها


" مانبي مشاكل تعبنا منها "

صدق يا نوق محد يدري وش في بطنها من حكي الحين نوق والا اخوك والا نورة واللي معها يدور المشاكل بسسس اعجبني رد نوق لها عجيبة .. عاد طرده الجده لنورة والجازي ششي وفوقها عصبية جلوي لجازي هذا اللي جابته رجولك يالجازي مستحيل يسكت عنك* .. أما عذر نورة تبي تعتذر من أخوها انا أخاف يموت اذا شافك .. جلوي ثار من كلامها طيب اوجعك الحكي أو نقص من قدرك ترى كنت تردد عليها السم .. أميرة وحماسها ع الشغل عقلها كبير والله الحين تبدين انتي ونوق بمساعده مشعل اكيد ونشوف النهاية أهم شي نوق تفتح لها شغل


بادي والله مالومه لو م ينسى اللي صار وخصوصا أمه وابوه توفوا بحادث يعني زاد الأمر أمرين اللي صار فيه كان ع حافه الموت ولكن قدره الله فوق كل شي وهو يحس بتانيب الضمير من كلام رحمه يحس هو السبب باللي صار والحين تطمن أنها عند جدتها واتوقع هذه النهاية بينهم

هيا وموقفها مع جدها والله كأنه ابوي يقول عادي م عندك أحد إلا عيال عمك ههههههههههه عاد أتخيل ادرعم يمه يا قلبي اموت .. أما وعد هههههههههه لا بارك الله في عدوك ولا انتي وحلمك والمزيونه وفوقها جلست تعدد اللي يدعون لبادي والطامه الكبرى من قالت فطور امي يرم الكسور واللحم 😂😂😂😂😂 هنا جابت العيد أجل اللحم بس نهايته على يد عواد أجل تمسكت في الجدار وين اروح هذه بدل اللحم 😂😂😂😂😂😂😂 وآخر شي طاح معها 😆😂 أما وعهد تحفه المغلوب على أمرها هيا لا حول ولا قوه أبد انمسكت وهي مالها دخل .. أما مشعل برد برد برد على قلبك والله مالومك لو تشمت فيها م قصرت فيك معن انت اللي فازع ولا سألت وين يبون 😂😂😂 حركه عواد صح يرد الدين لكن ك أختار هالوقت إلا عشان يكسر اللي بينه وبين بنات أخوه يعني ثقيل طينه

بارت برد على القلب خصوصا الكت أي كذا الكت الحلو الجميل كم باقي ع الأحد 3 ايام يلا تروح بسرعة منتظرين ع خير 😻

أمال الاختلاف لايفسد للود قضيه
عادي اختلاف وجهات نظر 😹🏃🏽!
لأكريس تقصد البارت الجاي يخص نوق وجلوي ههههههههههه عاد الله يستر من هالاثنين اللي مب مترقعين ؛( ف بتكون البارتات الجايه مفصليه في حياتهم لأن الباقي تقريباً واضحه وجهتهم ومستقره حياتهم بعض الشي الا هالمقاريد ف الله يستر 😸
أنا للأن موفره حزب جلوي ماشغلتهم بس شكل بنحتاح لهم الايام الجايه 💕😸