السلام عليكم ورحمة الله وبركاته ...

الله الله ياقوم جلوي .. أشوف ماشاء الله التفاعل عندكم رجع نفس قبل ..

يازينكم وزين ردودكم ... الله يسعدكم أضعاف أضعاف سعادتي فيكم ..

لكل وحدة نزلت رد .. أنتم شي كبير بالنسبه لي .. شكرا لكم وللطفكم وتفاعلكم

أصحاب التقييمات والايكات .. مدري شاقول كثر إنكم أبطال الشعور الخفي إلي يعيش داخلي

كل ماتوجهت للتقييم ولقيتكم بعد ماخلصتوا من قراءة البارت .. تتركون بصمة لكم .. ياحبيلكم


لامارا + غدا يوم آخر : مستمتعه بالنقاش ترا


دودي : نداء لتس وش السؤال إلي للحين ماجاوبته ..؟ ترا أفكر فيه والله سناب ولا هينا أبي السؤال بسرعه .. خخخخخخ


نجي للنقد ونبدا بنقد الجميله .. " الربابه " .. يابنتي أبد أي أنتقاد في قلبتس بدون مقدمات أكتبيه

ترا القلب أوسع لتس من المتصفح .. أساسا متشوقه لأي أنتقاد .. وأنتي تتفقين مع " ثرثره حنين "

بنقد وأحد ..

ألا وهو " رد فعل نوير " أنتي قلتي " مبالغ فيه " وثرثره الجميله قالت " مش واقعي "

وأنا بعطيكم عاد تفسيري ولكم حرية تقبله من عدمه ..


في حياتي .. توفى واحد من أعمامي وهو كان مريض بالسرطان .. الله يرحمه رحمه واسعه ويغفر له .. كلنا تأثرنا فالبدايه .. وبعد مرور الأيام بدت يخف الحزن ويتلاشى ..ونتقبله حقيقه ونرضى بقضاء
الله وقدره .. أكثر شخص كان هالموت كاسره ... أبوي مع أنه رجل .. وترا يتحملون أكثر مننا
وأبوي أنسان شديد شوي .. ماهوب كل شي يكسره .. الله يطول بعمره .. مرت ثلاث شهور حالته
صعبه .. ثلاث سنين بعد وفاة عمي .. كان كل سنه .. في أول أيام عيد الفطر وعيد الأضحى .. يطلع من المسجد وبعد صلاة العيد يروح لحاله يتمشى .. ويرجع لنا بحاله نعرف أنه باكي من فقده لعمي ..
هيبه الموت تكسر أي شخص ناس تتحملها وتعيش حياتها وناس تأثيره يستمر .. لأجل غير معلوم
وهم في كل الحالتين صابرين ..
تصدقون أنه السنه إلي فاتت .. دخل علينا بأول أيام العيد يضحك ولله الحمد .. أقدر أقول تجاوز وفاته
لكن كان محتاج وقت ..

ليش قلت هالقصه .. لأن زواج نوير كان بعد مرور وفاة أبوها بكم أسبوع .. فهل كان من المعقول
أتركها قويه .. متماسكه وهي تزوجت وراحت مع أعمامها حتى بدون أمها ...؟
هل من الواقعيه أي بنت بأول ليلة زواجها وبهالظروف تكون عادي عندها وتفرح وتستانس !!
ما كان لي أتركها تسذا .. شفت أنه من غير الواقعيه أترك الأمر عادي .. وإلي متوفي أب مو أي
شخص .. الله يطول لنا بأعمار والدينا ويخليهم لنا يارب ..

النقد الآخر لتس يالربابه .. هذا هو