كاتب الموضوع :
#الكريستال#
المنتدى :
القصص المكتمله من وحي قلم الاعضاء
رد: كنا فمتى نعود ؟
|
اقتباس :-
|
آمين الله ينصر إخوانا في حلب الله يتولاهم برحمته اللهم اضرب الظالمين بالظالمين
واخرج أهل سوريا السنه الموحدين منها سالمين وحسبي الله ونعم الوكيل
|
اللهم آمييين .. وحيالله نوفي .. ياهلا وغلا .. نورتي كريس ورواية كريس
والمتصفح وعم قوقل .. وكل شي .. فرحت بأول رد لتس في هالرواية ..
ربي مايحرمنا منتس ..
|
اقتباس :-
|
جلوي اول شئ أبي اعرف ليش طلقت النوق هي وش سوت عشان الطلقها
كل حتسيك الفاضي ماحرك فيني شعره بانك مظلوم ولا انك تستأهل النوق
طلقتها عشان ماتجيب عيال طيب عادي كان خذيت اللي تجيب عيال والنوق على ذمك
ولا مليت منها عشانها حبيبه وضعيفة وتقولك لبيه وسم وتحت أمرك
إذا هذا السبب طيب البنت ماتغيرت مازالت النوق الضعيفة اللي انت خابر
طيب خذيت حسنا وجابت الولد الجازي وش خانتها ليش تزوجتها بعد حسنا ضعيفه ولا لها شخصيه ولا ماتجيب عيال
بس تدري وش قومك قومك انك راعي حريم وتبي تجمعهم عندك وتصك الرابعة بعدها دور اللي يكد عليك وعلى ذا النسوان اللي جمعت يازير الحريم
ويشوف نفسه الرومانسي العاشق الولهان
اللي بيرد القلب من رجعت النوق البيت اللي باسمها والمهر اللي كسر ظهوركم وعندي إحساس ان النوق بتحمل وتجيب ذريه
اسمع تبي تكفر عن اللي سويته مع البنت ترا الطب تطور اجمع دراهم مثل اللي جمعت للمهر وسولها طفل أنابيب كود البنت تحمل بثنين
هذا اللي بيرضي النوق ويبرد خاطرها ولا لا بيت ولا فلوس بتغسل طلاقها من غير ذنب وفقها فراق 15 سنه مافكرت تجئ فيها وأتأسف من البنت وأهلها وترجعها
إلا تزوجت بدل الوحدة ثنتين
يالله ابحل بحريمك وأبا قبلني أدا عشت متهني كل وحده منهم غرست بصدرها خنجر من القهر والغيره والحقد عليك
النوق يوم جاتك بزر وتعلقت فيك وطلقتها من غير مبرر وحسنا اللي تزوجت عليها الجازي والجازي اللي رديت النوق وقهرتها بعطايك
سفط اكمومك واعصب عمامك وراك حرب ضروس حسنا تبي حقها كامل مكمل والجازي شكلها ميب سهله وتبي فوق حقها والنوق ماتبيك وانت تبيها وهذا اللي بيخلي حريمك تشب نار الغيرة عندهم
تفضيلك النوق وفزعتك لها وصدهم وصد الجميع عنها
يالله منتظرين حرب داحس والغبراء ونشوف وش بتسوي يالزير سالم
|
نوفي .. عز الله بردتي تسبد دودي بهالرد .. مايحتاج ننتظرها تعلق ..
علقتي عنها وعنتس ... ههههههه .. يازينتس والله ضحكت وش هالحقد
ع جلوي ياكافي .. تراي موب صفه ولا شي .. وليدي ولازم تسذا أقول شي ماقدر 
|
اقتباس :-
|
بنات عبدالله وأمهم سالفتهم سالفه بيجون للعائلة ويقلبون كيانها وأكيد ولا وحده منهم بتطلع برا عيال عمها وعماته بس تكفون أبعدوها عن ابوالحريم وأمه فيصل
وعععع اكره الرجال اللي يحب سوالف الحريم وينقل الأخبار ويأخذها منهم تروح مرجلته
مشعل بادي متعب حمد معاذ ريان شوفو اطيكم يتقدم البنات عبدالله والردي يعود ورآه بصراحه مابعد بان لي طيبكم من رديكم
مشعل بالأول كان عاجبني ويوم دريت انه راعي سناب وخربطه حامت كبدي لاذكرين تحوم كبدي من الخمه اللي في السناب
اغلبهم حثالة مجتمع وللأسف الناس عطاؤهم أكبر من حجمهم الله المستعان بس
بادي مواريه رجال وتنفعله نوير من بيصبر عل طوالة السانها إلا بادي
متعب الله يشفيه يارب بس التصلب الويحي ماله علاج خاصه في مراحله المتقدمة مرض انتشر ولله ماندري وش أسبابه الله يكفينا شره يارب
حمد معاذ ريان نقول أن شاءالله أن فيكم خير طبو وتنقو في بنات عبدالله
|
فعلا مشاهير السناب .. حكاية صارت مأثره على عيالنا .. ومتعب .. إي بالله منتشر
حكايتي عنه .. من باب التوعيه .. والكشف ومعرفة هالمرض .. ربي يشافي
كل مريض
|
اقتباس :-
|
أهل المزرعة أم جلوي وأم عبدالله والعمات والبنات كل وحده منهم تختلف عن الثانية بقلبه وعقلها منتظرين أدوارهم القادمة
وخاصه نوره اللي فيها شر مكنون على أم النوق وبناتها بس يأترا وش سببه غريبه تاقف مع الجازي وحسنا ضد بنت أخوها
أكيد بينها وبين أم النوق شئ كبير خلها تحقد عليها كل ذا الحقد
أبوعبدالله وعياله سالفتهم سالفه ماعجبتني سلبيت عبدالعزيز أبد ولا عجبني اندفاع عواد ولا شدة عبدالله
يمكن ارجحهم عقل وأحسنهم منصور اللي واضح انه لا يخاف في الله لومت لائم
وأبوعبدالله تصدق عاد انت أبد أبد ما خلت مزاجي أحس من الشيبان اللي كلمه تجيبك وكلمه توديك
اللي تشوفه إلا الآن مقدمه للروايه شكل الحروب مابعد بدت
|
الحرب الضروس أستعدوا لها .. قادمة بإذن الله
|
اقتباس :-
|
حبيبتي منتظرينتس ومنتظرين الأحداث النار في الروايه نبي كل بارت يشعلل وتشعل معه الردود
وارجع وأقول أبي شكراً وأصبع ببثركم في كل رد فيس يطلع السانه
|
حبيبتي إنتي ... تعالي أبثرينا أبد .. والله مير بتشرحين صدري أكثر وأكثر ..
أما شكرا تكفي مني صح ولا لا ...
|
16-12-16, 11:19 PM
جديد مواضيع قسم القصص المكتمله من وحي قلم الاعضاء
العرض العادي
