ماقصرتي البارت يجنن

متعب طبعاً بطل هالبارت يضحكني شوي ويقهرني أحس حتى هو مو فاهم إيش يبغى حاس بشي حلو وبس أتمنى بس مايدري إن شيما كارهته وينهبل ، بس للأمانة هو ماقصر فيها كرهها فيه وما تنلام الضعيفة لما رفضته أتوقع امها بتقنعها توافق ، خاطري بس ترد حركة الحليب فيه ههههههههههههههه



عواد مدري يلقاها من ايش ولا ايش بس زواجه غلط اقل شي مفروض تكون عايشه معه وجاسر مدري شلون من ناحية أقول مهما كان بنت أخته واللي سوته غلط ومن ناحية ثانية أقول مايدري عنها هالسنين كلها جاي يتدخل اللحين وهي عندها أخوان السالفة معقدة ومحد بياكلها إلا نادية

جلوي لا تعلييييييق ودي أخنقه أناني ماهمه الا روحه تو أبوها متوفي بدل مايواسيها يطلق كان صبر أسبوعين أقل شي ، مابرد قلبها بكلمه ما فكر يتطمن عليها حتى ، هو مايبغى يواجهها لأنه عارف إنه بيضعف ويمكن يقول أشياء مايبغى يقولها أو يمكن حتى مايطلقها أحسه مجروح من إنها ماتبيه ومايبغى تطلب منه الطلاق مره ثانيه وأبوها توه متوفي وتحسسه إنها كارهته حتى بهالظروف ، أما نوق هذي فرصه لها تعيش حياتها بعيد عن جلوي ومشاكله وحريمه وتهتم بنفسها وتنبسط مع بنات أعمامها بدون رجال بدون قرف ، بس أتوقع بترجع له كيف ما أدري بس لو رجعت له و يبيها تسامحه يحاول يعرف مين سرق الأوراق ، يعالجها ، يقنعها تدرس ، يعوضها عن اللي سواه ، ممكن هنا تسامحه

حسنا غبيه تبي تخلص من نوق والجازي موجودة مع إن نوق ما أذتها عكس الجازي مدري كيف تفكر

مشعل وبتار وجلوي مدري شلون يفكرون البنات تو أبوهم متوفي واحد بيخطب والثاني بيتزوج والثالث يطلق يرفعون الضغط

بإنتظار البارت الجاي

صصصصباحكم خير ورضى يارب
لعلنا تأخرنا شوي بالتعليق وقصرنا شويات 🏃🏽💔
كريسسس الكلام مايوفيك حقك طبعاً يعطيك الف عافيه على التزامك وعلى جمال أسلوبك يعطيك العافيه على المتعه اللي نعيشها معك كل ليلة احد❤

نجيي للتعليق
بتار والنوري ههههههههههههههههههههههههههههههههههههههههه قمة الفشله والشكل مايساعد وسارقه جزماته ولاعبه فيه بالصابون يعني موققف ماتحسسد عليه :) ولا يوم جا يقول المهم انحاشت كان جلستي يابنت الحلال خربانه خربانه بنعرف وش المهم ؟

متعب هالحركات واضحححه صريحه بس انت ماتبي تبين ولا بعد يروح يشوف هي كلت ولا باقي :)
الحبببب باقي يطلع من عيونك بس ليه يرفض وينكر ولا يبي يعترف لنفسسسه اشوف ان سبب كبير عشان مرضه بس هو تقريباً تعالج ف ممكن قريب نشوف عرسهم ب شوية ضغط من فضيه ؟ 🤔

نوره ذي ماتهجد ماتركد ؟ ودي أفقدها في بارت واحد بس 😩 كل بارت طالعه لنا ب قضضضضيه وهالمره خربتها وجابت العيد ف عوّاد
اما سالفة الوصيه وان نوره تخطط تأخذها من عوّاد ف اتوقع إنها للحين اصلاً ماكملت الأوراق ولا تممموها فالجد بيبقى هو الوصي على البنات الا إن صار للجد شي🙄 ف بيكون الجوفضى لنوره وخاصه عوّاد بينشغل بسالفته مع ناديه ؟!؟

نوق وجلوي
ماتوقع جلوي سواها وطلقها هو بس يبي يرتاح فتره ويراجع نفسه ولا يبي يواجهها لانه عارف ماوراها الا وجع القلب بتجلس تطالبه ب كلمته ووعده لها
انا مافهمت هو كتب وداعة الله طيب هي كيف قرت مب كانت ماتعرف تقرا ؟ 🤔
**
‎أمس وأستقبلته الجازي حس بمشاعر غريبه .. مثل لو أن الوقت يمر بطئ وهو عليه يتسلق جبل عالي للقمه .. بصمت .. كم كره صمته .. وكرهك يانوق .. وقف فجأه حتى يتحرك بخطواته الواسعه صوب باب الشقه يفتحه و يسكره وراه بأقوى ماعنده !
**
‎ذَا اللي ماتوقعته يصير طول الروايه نتقبل مشاعر الكره من نوق :) بس الأن اصبح الوضع مزري صار الكره يجي من جلوي اللي استبعدته عليه

‎نوق ياليت تفهمين بس وتستوعبين ان مهما كان كلام عمتك نوره قاسي ويجرح الا انه صحيح :) !! خواتك اللي حولك الأن بيجي يوم وتحصلين كل وحده ف بيتها وعند عيالها الابو والآخو راحو ل ربهم
‎بيجي وقت تحسين بالوحده وان ماحد حولك وبتندمين على اللحظه اللي جلوي يقدم لك حبه وانتي رفضتيه
:) 💔

‎ناديه موقف مُهيييين وذل جاسر ذَا ش يصير خالها حتى لو خالها ماله حق عليها وين اخوانها وين فارس ؟؟ كيف سمحو لها ياخذها كذا ويرميها بكل ذَا وإهانه
‎عوّاد اظن بعض من الموقف تتحمله بتأجيلك اعلان الزواج لهالوقت المفروض كان عندك القدره تواجه اهلك والمجتمع أو كان مااقدمت على هالوضع من الأساس اتوقع راح ينفجر ف جسار بماانه مثل مب عارفين متهور و يدخلها عند شيما ف بيته وتتعمق علاقتهم ويتركها فتره ف بيته لين يتجراء يخبر أهله هذا اذا ماجته نوره بالجيش اللي معها وهي قد حاست ام السالفه وعلمت العالم
😩😹💔

بانتظارك كريس❤

مساء | صباح الخير* آل كنا فمتى نعود مساكم سعادة ورضا وتوفيق من رب العالمين
صراحة يا كريس كل م قلت هدت الأوضاع أو تحسنت لو بشي بسيط إلا أنه تكبر وبشكل يفجع اما الكـــــــت هذا ناقمه عليه بشكل كبير يكفي أحداث البارت يجي هالكت إللي من كلمتين ويكملها صراحة هذا شعار متميزة فيه كريس نبي مصممه تعرف تصمم 😂😂😂😂👍
نبدأ في أحداث البارت

بداية في بتار ونوير حبايب ققلبي 💕


بداية في الدعوات اللي م قصرت فيها و شكلها المبهذل وجهها الشاحب وقميص الروز وغيرته عليها وهذا متوقع من اي شخص وه وه يا زين بسسس انا خاقه فز فزه من سمع صوت العيال واللي ضحكت منه الشبابيك* بينه وبين زوجته واحد يفتح وثاني يسكر لو تحس كان اشتكت منهم.
-
*" الفوطة إلي على شوشتس ماهوب هينا مكانها "

جعل ربي يعلي شانك يا شيخ اي هذا الناس المحترمه نفسها قبل م تحترم الناس هذه الناس الفاهمه الواعيه حب حب عظيم لبتار جعلني م انصدم فيه وهذه اللي مستبعدتها انه يخيب ظني فيه بالعكس انتظر منه احترام أكبر وأكبر لأن مو نفس أهله المعاقه فكريا👎 ونرجع للفوطة اللي فوق الرأس هذه نهايه يالنوري ذهب الشعر اللي جابه لك بتار هذا العوض
-
*" معورتس أنا ..؟ "
-
مدري وش اقول إلا جعل ربي يكفيك شر خلقه 😂
-

"الحذيان" هنا مت ضحك 😂 كلامه لها عن حذيانه والله زين انها مسكت نفسها نوير لا تضحك موقف مسسستحيل تنساه ولا هو تبقى ذكرى حلوة لو أنه تفشل من جهه نوير* .. وبعدين يفدى نوير ولا يغلى عليها لو اغرقت حذيانك في الماء والصابون السوق قريب رح اشتر ورح لعزيمتك وزع ابتسامات يعني دعاية معجون أسنان 😂😂
-
*" شفتي يدي ذي .. لا تتوقعين إنها بيوم توجعتس "
-
وهنا يكمل الموقف الجميل مدري وش اقول إلا أنه العوض لقلب وحياة نوير وانتظر بفارغ الصبر حياتهم أكثر وأكثر ومن الحين كريس اقول لك بارت م فيه نوير وبتار ماله طعم تنبيه ☡ لا تفكرين تنزلين لنا بارت م فيه هالثنين تبين تنزلين م فيه نورة والله أرضى وبعد موتيها عشان يموت شرها معها بسسس انتبهى لا تنقل عدوة الشر لحد ثاني

-
*" لا بقولتس شي مهم "* ختامها مسسسك 😂 اتوقع كان يبي يقول لها عن موعد الزواج كان متردد انه هو يفاتحها في وتحققت امنتيته وهربت يعني م يكفي كل اللي صار وتهرب كأني اشوف الإعصار* وسيقانها 🏃 أتخيل شكل بتار اكيد منصدم بلا شك وين النعومه والحياء طار هههههه وآخر شي بسسه هذه نهايه الشيخة بسه عسى م سمعك بس منتظر نوير أحد الثنين يا انه ينتظر يشوفها ويعلق على الموقف ليش تركته كذا وهجت او اتوقع راح يكلمها على الجوال جاء وقته خلاص يبي ينهي الاسبوع م قبل الزواج ولا سمع صوتها في الجوال .. أنا انتظر رده فعل بتار من طاحت نوير في الملكه وموقف هذا انتظر رده فعله وشعوره من هربت*
-
مشعل صراحة أشوفه احسن من جلوي من ناحيه رده فعله ولكن نقول تو الناس على الحكم وتعدل وتكشخ مشعل عشان ينورنا في السناب .. كلام مشعل من ناحيه شغله وأنه م يحب الروتين فعلا كثر ناس م تحب التقيد في العمل لو تقيدو ابدعوا أبد وياليت الكل يفهمه هالنقطة
-
وبعده* " منصور وهو ينحني جالس على الكنب : نارتس يام جلوي بارده
أم جلوي أرتبكت : وش ناره .. الله يكافينا شرها منصور وهو يحرك يده صوبها .. تعبره : تراي منتبهن لتس زين مازين .. والله إن عندتس شين ماقلتيه لأحد أم جلوي تجلس جنبه وهي تنفض يدها تبي تسكر على هالسالفه : ماعندي شي يابن الحلال"
-
والله عرفت لها يا منصور أجل زين انك منتبه لعلومها واتوقع م خفي عنك أعظم وليتها تتعض من بعد هرجك
-
*رده فعل منصور ورفضه وعد لمشعل يعني على صغر عمرها وش الفرق بينهم 12سنه* أو أقل مدري أكثر المهم فرق مو كبير كثير ناس نأخذ فرق العمر بينهم 10 أو 15 سنه وعايشين حياتهم وفاهمين بعض .. كلام مشعل عن طلوع نوير لغير عايلتها كذا تفكير يا رجل أبد انت اللي م توقعت كذا تفكر .. واعجبني إصرار مشعل انه يا وعد ولا مابي غيرها وكثر الدق يفك اللحام وننتظر ايش يصير لكن لو تعرف نظره وعد لك تنصدم 😂 أما سالفة م تتزوج الأخت الصغيرة قبل الكبيرة بنات الناس كثير م تزوجو إلا من وراء هالنقطة محد منتظر متى يجي نصيب الكبيرة عشان يتزوج الكبيره لكن من يفهم؟!
-
متعب بداية الحدث تهربه ورتباكه من سؤال امه عن شيماء م يسوى عليها السؤال اكلتها والله وبعدين يالحبيب انت وأمك بعيدة عليكم شيماء في الوقت الحالي عدل سمعتك وتصرفاتك ويمكن تميل لك وتتقبلك الله يالدنيا من كان متوقع متعب يهتم في بنت لا وبعد شيماء م قصرت فيها في سواتك فيها

*"متعب بضيق : لأنتس تسألين الأنسان الغلط يمه .. وأتمنى السؤال مايتعدى يكون عن حسن نيه ولا وراه أمور نخبرها"

وبعدين يا متيعب أجل انت انسان الغلط من سألتك لا لا يابو الثلاث والفواكه علللينا هاه تطرد العيال من الفله كأنها لك وتطمن أنها أكلت ويفز قلبك من طاريها وبعد تأجل رحلتك وفوقها تتأكد أكلت ولا لا وبعد تبسم والحال حاله
-

" يسترجع ذكرى ذاك اليوم إلي جاب فيه أغراض بيت عمه عبدالله وهي مستمره بالظهور قباله وش معنى هي ..؟ مايتوقع أنها غبيه لهدرجه حتى تتعمد تظهر قباله .. ياخوفه أمه تكون مكلمتها وواعده البنت بأشياء ماهي متحققه وهي صدقت هالسيناريو .. لدرجه تظهر قباله بهالطريقه ...؟ متعمده !"
-
عرفنا ردت فعلك ذاك اليوم لها أجل تحسب انها متقصده تطلع قدامك وان أمك قالت لها شي م اقول إلا يحظ المظلوم بالجنة
-
*"متعب : يعني لو ما أنحطيت بمكان صاحب المسؤوليه ما أخترتها
عواد بحده حرك يده بوجهه : ولد !! بعض الحتسي ماياخذ الرجال إلا للردى
متعب ببروده المعتاد : وش أنا قايل ...؟
عواد رفع صوته ثاير : صاحي أنت يومنك تناقشني بسالفه المفروض عارف أمرها من البداية .. شف أكرمنا بسكوتك .. هذا آخر الحتسي عندي
متعب هز راسه برضا ولا كأن كلام عواد هزه : طيب"
-
هنا متعب نرفز عواد بكلامه يا ناس بااارد قالب ثلج❄ ولكن بدأ يذوب أبو ثلاث اسمه الجديد متعب .. وعذر متعب انه كان بعيد عن أهله لا والله انك جلف لو أنك بعيد تقرب منهم مو عذرك البعد .. وشلون لو أخذت شيماء لازم تدلعها أما كذا حنا م نبيك
-
"لقى نفسه متناقض إن كشف عن مافي قلبه من نوايا .. حرك يده حتى تستقر أصابعه على شفاته يمنع نفسه عن الكلام .. يدفع بظهره على الكرسي لورا .. يطالع الشجر إلي بجنب عواد متعب وهو يتنفس بعمق : يالله ناد سيد تسان يبي يفطر معنا"
-
😂😂😂😂 أبو ثلاث نرفزز عواد قبيل والحين جاء دور عواد نرفزه بدون م يدري الدنيا دواره 👍 انتظر اعتراف متعب من نفسه لمشاعره واهتمامه تجاة شيماء .. من خلال البارت السابق إنهيار شيماء قدام متعب أحس أمه ذكرته في نفسه مدري عاد في مرضه وفقده للعافية بس المهم صوت بكاها ذكرت متعب بشي يعني مشتركين في الألم والفقد
-
فيصل نورة عبدالعزيز مثلث 🔺 الشر حاليا من طردت ولدها م يدخل معها تخاف يفضحها مثل م صار قبل من فضحها بتار إلا ولد أمه م على فمه ستر وعلومه هي هي يتنصت عليهم ولا همه .. وانتظر بتار من يعرف كلام نورة لأمه ويتذكر نورة ولدها ويشوف وش وراها واضح أنها تخبي شي الكبير وهي أساس المشاكل كلها*.. كثر ماني خايفة فيصل يلوي ذراع أمه انه يقول علومها سواء عند أبوه أو أحد ثاني ويجبرها يتزوج من بنات عبدالله مدري أحس راح يشوف وحده منهم بالغلط ويعرف اسمها ويلزقق في حلق أمه إلا يتزوجها أنا خايفة من هالنقطة بشكل كبير وكريس تقول الله يعينكم على الجاي وقو قلوبكم وانا والله خايفة انه عبدالعزيز يأخذ الوصاية ونورة تجيب المعاريس وعبدالعزيز يزوج لأن واضح على عبدالعزيز يمشي على كلامها ولا اتوقع نورة تجيب معاريس فيهم خير إلا خايبين الرجاء وغاسله أيدي منها تتمنى الشر لام نوق وبناتها وعذرها تخاف من عواد يجيب السمعه الشينه للبنات لأن هو يبي يأخذ الوصاية إلا والله من الغبنه والقهر اللي فيك م تبين واحد يشدن الظهر فيه تبين واحد يمشي كلامك عليه وينفذ اللي تبين والا عواد تخافين منه وعارفه انه عزوة لهن
*
" نوره ضحكت بأستهزاء : أنا غسلت يدي من يومه تركني أعتذر لوحدتن بدال ماتحترمني صرت ملزومه أحترمها وأبوس راسها بعد !"

اعتذرتي وما قلنا شي إلا أبوس راسسها يا كبرها انتي يبي لك واحد يمرغ وجههك في القاع انا مدري كيف زوجها متحملها والله لو أنه متزوج عليها بدون علمها مالومه أبيها تشتغل بنفسها إلا أنها الناس أولى عندها من نفسها يا زين راحه البال بس والحمدلله الذي عافانا*
*" ماهوب أنا عشان موت أخوي ماعندي قدره أقول لأحد غيرك وبعدها أنت تقوله لمنصور "

والله من خوفها لا يقولون هي من فتحت المواضيع تبعد الشبه عنها لو قليل في النهاية راح يقول عبدالعزيز نورة قالت لي

الحين أم عواد ونورة وعبدالعزيز وحتى إم بتار ظنهم كلهم أن علاقتهم عواد ونادية بدون رابط شرعي وكلهم يتوقعون من عواد واحد قليل مروه له علاقه حرام وسوالف طايشه الحين بس من هالنقطة طلعت عيونهم ولكن كيف لو عرفوا انه زوجته يقولون عواد تطلع منه العلوم هذه نفسي اعرف ردت فعلهم لو عرفوا ولكن كيف ردت فعل أبو عبدالله وام عبدالله هم أهم شي من الكل أخاف عليهم يصير لهم شي وهم مو قد الحمول والصدمات يكفي موت عبدالله وخطبه بادي انهاروا كيف عواد الولد القريب منهم واتوقع أكثر معزه عندهم .. بفهم يعني معرفه عواد بنادية عن طريق أخوها كم لهم سنه متزوجين*فيه شي مفقود في السالفة يعني حبها على قوله من كثر المكالمات بينهم واتوقع مقابلات كذا اقتنع أكثر في الحب ويثبت الكلام ورسائل في الواتس انه بينهم مقابلات .. الحين خالصين من هروب أم ناديه من أهلها الله لا يلومها يبون تأخذ واحد م يخاف ربه إلا تهرب من ظلمكم ارحم لها .. ولحد الآن حنا في واقع لا مفر منه ناس تحكمها عادات وتقاليد*م انزل فيها من سلطان يكفي أحاديث النبي محمد صلى الله عليه وسلم في هالنقطة لا فرق بين أعجمي ولا عربي إلا بالتقوى وحنا في واقع تهمهم العادات والتقاليد أكثر من الدين إلا من رحم ربي.
-
"نوره بقهر : المصيبه ماهيب تسذا .. المصيبه إنه وصي .. إي إن سمعته من سمعة البنات .. وياخوفي يأثر عليهن ماهوب جاي ..خصوصا هاللي مقبلن زواجها .. نسيبكم وش بيقول ..؟ "

ينقال انها تخاف على سمعتهم والله م دريتي عنهم إلا تبين الوصاية مو بيد عواد لكن عواد لها وهو قال أتخلى عن كل المسؤوليات إلا بنات عبدالله وهذه الشي مطمني والله كثير لكن دخول نادية في العرض مدري كيف الوضع لكن م راح يخيب ظني فيه عواد وعسسسسى منصور يأخذ الوصاية بدل عبدالعزيز هو ارحم من أخوه لو تغير الوصاية من عواد مدري منصور اول شاده الحيل فيه بس من بدأ يقول ليش بادي م يأخذ من بنات عبدالله وهو قاهرني ولكن ننتظر وش يصير وش دورة ونحكم عليه الحكم النهائي

" نوره بأستهزاء : جلوي شكله بيطلقها .. تقوله أمه "

أم جلوي م تتوب الضلع اعوج والله رايحه وقايله لنورة الطلاق بعد .. الحين العلوم عند وكاله الأنباء فيصل وأمه أبد نشره الأخبار انتشرت كويس

-
"يحس بقلبه شي مثقله مكان ماتسكن هي وجسمه يوجعه .. معقوله هذا مرض الوداع ..سألته الطلاق فعل وقول .. في صمتها .. في خوفها حتى في دموعها .. وكان دايما لا وقف معها يحسسها إن إجابته بالرفض للأمر .. كان عليه .. يعرف إنه إذا كان هو ماعطى نفسه الغفران لغلطه من 15 سنه ..وهو يتذكرها ويحس بخنجر ذكراها ماتجرح إلا صدر يومه .. فكيف كان يتوقع منها إنه تغفر له وتنسى ! كم هو مرعب يانوق يوم وصل لهالحقيقه .. هو إلي ماقال شي للحين من بعد اللقا بعد طول فراق .. لا قال حكاياته ولا مايبي يظهره .. مات كل الكلام على شفاته "
-
هنا من عرف جلوي حقيقة مشاعرها أنها م غفرت له مثل م هو م غفر لها متعادلين في الألم والجرح متعادلين في الخيبة والخذلان .. صدق شي مخيف ومرعب لو اكتشفنا مشاعر الآخرين متأخر متأخر صح كان قدام جلوي رفض نوق له لكن م استوعب إلا متأخر متأخر حيل م اقول إلا ربي يجبر كل خاطر مكسور
-
" محسسني إني مسويه شي كبير "
-
تدرون وين المصيبة إلا يصغر غلطاته وافعاله جدا مصيبة مالها علاج اتكلم ولا كأني قلت شي م اقول إلا صبر جميل على هالفئة وبعد طلع لها الوجه الثاني لجلوي واتقي شر الحليم اذا غضب جلست أفكر لو حصل طلاقها للمره الثانية وش موقف جلوي مع أهلها م يقولون أبوك جاء مرجعها لك وانتي تطلقها وش مكانه أبوك عندك ومن هالكلام ف اتوقع عشان م يحرج أبوه يصبر ولكن الصبر له حدود أو م يهمه لا فلان ولا علان يطلق متى مايبي
-
"هل هذا وقت أنه يكره نوق ..؟! هو فعلا يحس بالكره ناحيتها من دخل شقته
أمس وأستقبلته الجازي حس بمشاعر غريبه .. مثل لو أن الوقت يمر بطئ وهو عليه يتسلق جبل عالي للقمه .. بصمت .. كم كره صمته .. وكرهك يانوق"
-
هنا وصلت مشاعره للكره ويا شين الشعور يا شينه
-
"يمكن لأني كنت أدعي الله ليل ونهار مايمشي ممشى أبوه .. وتسان فيني أشياء تسثيره أنتظره يعوضني فيها وراح بلمح البصر"
-
ربي م يأخذ شي من شخص إلا راح يعوضه في أفضل منه حتى لو فقد عزيز علينا فيه عوض رباني أجمل صح نبكي عليه وفاقدين مكانه لكن الحمدلله على نعمه الصبر والنسيان .. كيف لو تعرف أم نادر كيف ولدها وكيف ممشاه انتظر بتار يقولها ويا صعب موقفها وقتها
-
*" ناسيين أحد تسنكم "
-
والله لو اكتب عنها بس عشان هالجمله اللي قالتها م سكتت يقال أنها فاقدينها انا اخنقها اذبحها تتفف عليها 😒م اقول لا حياك الله والله دخلتها هذه مثل الضيف اللي مو مرحب فيه وغثيث مثلها تعرف محد يبيها إلا داخله داخله 😤 وبعد تسأل عن الاخبار أذكر واذكرك من جو اول مره في مزرعة وش موقفك أبد م سالتي عن اخبارهم إلا تبين تطردينهم 😠👹
-
"نوره : عساه يارب .. عساه"
-
عساك للماحي اللي يممحيك من الأرض وعساك م تربحين صراحة ودي أكمل دعوات عليها بس أبد انا مو من النوع إللي يدعي لكن نورة تطلع الواحد من طوره 😤
-
" أنتي ياعمه .. جايتن تتقهوين وتوسعين صدورنا ولا تعلمينا بفعول الزمن .. ترا بعد الزمن ماله أمان .. شين تسوينه ..وتخبينه عن الكل .. ثم باتسر يكشفه الله "
-
تتقهوي سسم إن شاء الله هالنورة وزين رد نوير لها واضح أنها هي وأمها عارفين علومها الأولى القديمة وربي يشكفها قريب وأهم شي احذفيها بسجن أو المصحه النفسيه أو حتى في الربع الخالي أهم شي ماني طاريها خير شر
-
*"نوره رفعت يدها بوجه نوق : الحق بيد عمانتس ماهوب بيدتس أنتي .. أنتي لو فيتس دوا قلتي الحق وأعترفتي فيه يومنه بيدتس"
-
وش دخل اعمامها اتوقع الموضوع يخص نوير وش دخل اعمامها .. " أنتي لو فيتس دوا قلتي الحق وأعترفتي فيه يومنه بيدتس" كلامها هنا لغز كبير ايش المقصود قصدها سالفة برائتها من الأوراق على كذا نورة عارفه برائتها وهي وراء السالفة يعني فضحت نفسها
-
"هذي نوره .. بدت تظهر
مثل ماعرفتها .. ولا كأن الزمن غيرها .. لكن تناست شي واحد .. شي واحد راح تنتظر يصير قبال عيونها"
-

ليت يظهر الشي إلا تناسته نورة وينقلب عليها وهي وراء الماضي اللي حصل لهم


-
" نوره : ماذبحكن إلا الدلع .. أبعدنا ولا ورانا إلا العافيه"
-
امانه وش هالدلع اللي شافنه يصبحن ويمسن على شقاء وخناق وكلام يسم البدن جعل الدلع هذا يجيب يا قادر يا كريم عشان تعرفين الدلع اللي شافنه
-
"أم نوق : أسمعي ياحرمه .. أنا أتحمل كل شي إلا إن أحد يحتسي في بناتي .. وإن تسان فيتس خير ... يالله .. أصلحي ماتحسين إنه محتاج إصلاح .. نشوف فعولتس وأتركي عني هروجتس ذي تراها مردودتن عليتس"
-
تعيش أم نوق في أجمل رد كذا رد محترم لكن مغلف في قنابل💣 ومتفجرات🔥يعني احشمي نفسك لا يجيك اللي م يعجبك 👍
-
"بس أختارت تحقد وتكره على طريقتها وتختار الفراق بعد على طريقتها بس كلام عمتها حسسها إنها خسرت عمر .. ماترددت ترمي حولها سهام الموت لروحها"
-
والله العظيم فيه فئة من الناس إلا تحطمك وتحاول تقلل من عزيمتك أو مظهرك ونورة منهم أبد كلامها عرفت وين تبثه في قمه وجعها م تردد تقول عمرك راح بدون اطفال ولد اخوي ربي رزقه وانتي الحقي على عمرك مالت ثم مالت عليك يانورة
-
"بعض المشاعر مجيئها المباغت يحسسك بشي من الذنب .. من العتاب المفاجئ .. الفرصه إلي ماقدرت تمنحها للطرف الأخر"
-
يعني تحسفتي يا نوق على سواتك في جلوي والا كيف ؟!
-
"رحل في رابع يوم من رحيل أبوها .. ليش ما أنتظر .. ليش ماقال أتطمن عليها بس وأرحل ..؟ ليش ماقدر يفهم أنه صعب عليها تذوق مراره الرحيل .. ثلاث مرات"
-
اللي يقهر جلوي في قمه وجعها وفقدها م خفف عليها م عزاها في وفاه أبوها أبد لا إعتذار ولا شي والحين تركها مثل م تركها اول بس الفرق هنا كتب وداعه الله هناك طلقها واكيد م كتب لها هالكلام إلا أنه م قدر يواجها وخصوصا بعد مشاعره الجديدة لها
-
" حتى تستقر عيونها على بطاقة البنك تحتها ورقه .. تحركت بصعوبه صوب طاوله صغيره بجنب السرير .. تمد يدها برجفه .. تلقى على الورقه ستكر .. كاتب عليه بخطه الكبير ..
" في وداعة الله " حست فالدنيا تدور فيها .. وهي تحرك الورقه تفتحها وبالعافيه تتنفس .. ومن فتحتها حتى تتمايل قاعده على السرير .. تنهار تبكي عليه بقوة .. خلاص .. أنتهى كل شي فيها ..تنحني براسها وهي ترمي الورقه وتمسك راسها ... ليش تحس إن مافي شي في الحياه أنصفها .. لا حب .. لا أب .. لا أخ .. لا أحد !كانت تنتظر الفرج من أبوها .. عندها أمل أنه بيصحى يوم من الأيام ويقولهم بنتي ما أخذت شي .. ظلمتوها .. ظلمتوها زمان .. بنتي ماسرقت .. ما أهانت أحد .. ليش ماقدر يعطيها شي جميل نفس نوير ع الأقل .. ليش الكل يتجاهلونها وكأنها لا شي .. وش بيشافي جروحها هالحين والكل عاش تحت التراب .. وكل ألم فيها حي .. وهم راحوا بلا رجعه .. غصب كان فيها أمل في أبوها .. بس رحل تارك للكل راحة البال إلا هي .. خساره على خساره .. يتيمه من هالخيارات.. ودها ترمي كل شي وتعيش .. ودها تنسى .. ودها لكن حتى النسيان .. أبسط حق من حقوق قلبها .. ماقدرت عليه !"
-
أول البطاقة البنك منه أو لها ؟! وثانيا م انهارت إلا أنه طلقها وهذا اللي م استوعبته إلا متأخر بس وقته غلط صح أبيه يطلق وهي تبي لكن لك شي وقته المناسب في اليوم الرابع لوفاة أبوها يعطيها ورقه طلاقها؟! ونوق متأمله كثير في أبوها انه يقول لهم أنه م سرقت يوه يا بعض الأماني مستحيل ومع ذلك ما على ربي مستحيل .. والنسيان نعمه من ربي الحمدلله عليها والا كان م طبنا من جروحنا وتعبنا.
-
" عواد يتحرك عابره .. قال بتوتر : أنا بروح لمشوار ضروري"
-
وش موتر عواد ومن كان المتصل مثلا فارس كلمه قال نادية مو بفندق أو علم ثاني
-
"جاسر أشر لها وهو يصرخ بوجهه : هذي تسلبتك .. إستلمها هالحين .. إرضى فيها دامك طلعت متزوجها"
-
اخخخ بس جعلك للكلاب اللي تاكلك أكل مو بس تعضك أي والله قليل سنع طيب زوجته وأهلها أبوها أخوانها مزوجينها وش دخلك انت تفف عليك وبعدين موقف ممدوح من قال لها في مكالمتة جاسر هذا م يحب طارينا وتقاليدهم لحد الآن م تركوها وعادي يقتلون في دم بارد وهي م صدقته هاه الحين شوفي وش صار لك بلا ذنب ولا خطيه كانت تبي تنفصل عنه الحين كيف من بعد سواته الحين تنتشر السالفة ولا قدام عواد إلا ينشر زواجه والله حمولك كبيرة يا عواد كبيرة ونشوف الحين وش يسوي في جاسر والله يحط الحره فيه أجل كذا تسوي في نادية يجيب اللي تستاهله والله م يكسر الخاطر نادية 😢 تبكي

.
.
والف شكرا كريس والله من إبداع لابداع ما شاء الله عليك ربي يحفظك ويبارك لك في وقتك وعملك الف شكرا وأخيرا نزل تعليقي والله تحديت ظروفي ووقتي إلا ينزل التعليق نفس ماابي والحمدلله ظهر على النور 💛

..

وتضيقُ دُنيانا فنحسَبُ أنَّنا،
سنموتُ يأساً أو نَموت نَحيبا.
واذا بلُطفِ اللهِ يَهطُلُ فجأةً،
يُربي منَ اليَبَسِ الفُتاتِ قلوبا.

.
.

تسجيل حضور ☺