كـــــــــــــت كـــــــــــــت وحده مو مستوعبه نهاية البارت ما يمدي اشهق من قال جايين نوفي بالعهد إلا* كــــــــــــــــــــــــــت ما أقول إلا يا شيب عينك يا جلوي كلامه عن نفسه كسر خاطري جد تعاطفت معه ورحمته وبس ابي يتضح سبب الطلاق واحكم بعدها معه أو ضده بس الغالب معه لأن من هالبارت فهمت هي حدته على الطلاق نوق سوت شي وغضب منها وصار اللي صار لحظة غضب وحصل الطلاق هو زعل منها وغضب عليها من السبب اللي مدري ايش لكن أحس أحد داخل بينهم من الأهل نفسي اعرف ايش سوت يمكن هي ما قصدها أو هو فهم غلط ولا استفسر منها بس جد رحمته والبارت السابق موقف جلوي مع نورة من أخذ يد نوق وقال كلامه يا زين الشيخ جلوي اعرف دودي راح تثور علينا بس ما عليه كل واحد ومن يميل له .. أما حيلتهم في الزواج يا شيخ مو لهدرجة عاد جد حيلتهم مو زينه وأعجبتني أم نوق لردته بنتها لجلوي جد اعرفت ايش يسكت الحكي عن بنتها تضمن حقها .. اما أم جلوي في البارتات السابقة اذبحتنا في الخطط والعلوم اللي مدري كيف وآخر شي ابلعت لسانها حريم .. أما الجازي وحيلتها لحسنا جد حريم ما منهم أمان بس صدق صار في مصلحة حسنا الروحه لأهلها طقم ذهب وكلام زين وفوقها ما تدري عن العلوم اللي صارت يعني مريحة رأسها اللي ذبحت روحها هي الجازي ما استفادت إلا الهم وجع الرأس .. فضيه يا عمري عليك ويعوض ولدك بالعافية كسر خاطري ويالله تشفي جميع المرضى وتعافيهم بس لازالت مصره على إتمام الموضوع ايش يصير لوقتها لكن ليت يتخلى عن إحباطه ويتأمل خير ويحسن الظن في نفسه وربه العوض من الله { ولسوف يعطيك ربك فترضى } هنا الأمل .. أما عواد شين وقوات عين ما كنه سواء شي لكن ليش غضب من كلمه أم نوق من قالت يا ولد عبدالله كررتها كثير في البارت السابق ليش ثار والمفروض ما يزعل من هالكلمة اوكيه هو اخوك لكن ربتك زوجته والمفروض تصير عون لبناتها ؟؟! ..* أما فيصل الله لا يبلانا في طبعك نفس طينه أمك أبد ما رحت بعيد واخاف تنقل العدوة لحمد .. أما مشعل أوكيه الشهرة مو عيب لكن إذا استخدمناها بشكل ممتاز بس اللي ما أعجبني حاله أجل يلعب رياضه وشكله* ذبح نفسه واتوقع شهرته من هنا .. أما فورية يا عمري عليها انسانه طيبة وربي يشفي زوجها وطلع جلوي يصرف عليها وعلى أطفالها أجل أخو مافيه مثله وتتوقعون ايش مرض زوجها يخليه يسافر بالخارج يمكن سرطان الله يكفينا الشر أو حصل له حادث وسافر يتعالج .. أما منصور يا شيخ* الله يسعدك اول واحد يقف وقفه مع بنات أخوه خشمك ياشيخ ههههه < وحده تحمست .. أما الجد معليش ما تعجبني أبد لكن زوجتك أحبها والله والمحبة من الله .. أما آخر البارت وموقف نوير مع عمها وتأكدها من صدق كلامه ضحكت منها وقبلها من شافت كشحة عمها وتشبيها له أجل طقم ترامس هههههههههههههههه وفوقها حسيت بشعورها من اوجعها بطنها من ريحة عطر عمها جد اوجعتني كبدي كأني شميت عطر رجالي قوي هههههههههههه
.
.

*حبيت أعلق لو شي بسيط فقدت شي أحبه مع ضغط الدراسة وانشغالي فيها الله يسهل ماتبقى يارب ويرزق الجميع أعلى الدرجات في الدنيا والآخرة يارب العالمين
.
.
ودي لك 💜🌚

آمين الله ينصر إخوانا في حلب الله يتولاهم برحمته اللهم اضرب الظالمين بالظالمين
واخرج أهل سوريا السنه الموحدين منها سالمين وحسبي الله ونعم الوكيل


جلوي اول شئ أبي اعرف ليش طلقت النوق هي وش سوت عشان الطلقها
كل حتسيك الفاضي ماحرك فيني شعره بانك مظلوم ولا انك تستأهل النوق
طلقتها عشان ماتجيب عيال طيب عادي كان خذيت اللي تجيب عيال والنوق على ذمك
ولا مليت منها عشانها حبيبه وضعيفة وتقولك لبيه وسم وتحت أمرك
إذا هذا السبب طيب البنت ماتغيرت مازالت النوق الضعيفة اللي انت خابر
طيب خذيت حسنا وجابت الولد الجازي وش خانتها ليش تزوجتها بعد حسنا ضعيفه ولا لها شخصيه ولا ماتجيب عيال
بس تدري وش قومك قومك انك راعي حريم وتبي تجمعهم عندك وتصك الرابعة بعدها دور اللي يكد عليك وعلى ذا النسوان اللي جمعت يازير الحريم
ويشوف نفسه الرومانسي العاشق الولهان
اللي بيرد القلب من رجعت النوق البيت اللي باسمها والمهر اللي كسر ظهوركم وعندي إحساس ان النوق بتحمل وتجيب ذريه
اسمع تبي تكفر عن اللي سويته مع البنت ترا الطب تطور اجمع دراهم مثل اللي جمعت للمهر وسولها طفل أنابيب كود البنت تحمل بثنين
هذا اللي بيرضي النوق ويبرد خاطرها ولا لا بيت ولا فلوس بتغسل طلاقها من غير ذنب وفقها فراق 15 سنه مافكرت تجئ فيها وأتأسف من البنت وأهلها وترجعها
إلا تزوجت بدل الوحدة ثنتين
يالله ابحل بحريمك وأبا قبلني أدا عشت متهني كل وحده منهم غرست بصدرها خنجر من القهر والغيره والحقد عليك
النوق يوم جاتك بزر وتعلقت فيك وطلقتها من غير مبرر وحسنا اللي تزوجت عليها الجازي والجازي اللي رديت النوق وقهرتها بعطايك
سفط اكمومك واعصب عمامك وراك حرب ضروس حسنا تبي حقها كامل مكمل والجازي شكلها ميب سهله وتبي فوق حقها والنوق ماتبيك وانت تبيها وهذا اللي بيخلي حريمك تشب نار الغيرة عندهم
تفضيلك النوق وفزعتك لها وصدهم وصد الجميع عنها
يالله منتظرين حرب داحس والغبراء ونشوف وش بتسوي يالزير سالم

بنات عبدالله وأمهم سالفتهم سالفه بيجون للعائلة ويقلبون كيانها وأكيد ولا وحده منهم بتطلع برا عيال عمها وعماته بس تكفون أبعدوها عن ابوالحريم وأمه فيصل
وعععع اكره الرجال اللي يحب سوالف الحريم وينقل الأخبار ويأخذها منهم تروح مرجلته
مشعل بادي متعب حمد معاذ ريان شوفو اطيكم يتقدم البنات عبدالله والردي يعود ورآه بصراحه مابعد بان لي طيبكم من رديكم
مشعل بالأول كان عاجبني ويوم دريت انه راعي سناب وخربطه حامت كبدي لاذكرين تحوم كبدي من الخمه اللي في السناب
اغلبهم حثالة مجتمع وللأسف الناس عطاؤهم أكبر من حجمهم الله المستعان بس
بادي مواريه رجال وتنفعله نوير من بيصبر عل طوالة السانها إلا بادي
متعب الله يشفيه يارب بس التصلب الويحي ماله علاج خاصه في مراحله المتقدمة مرض انتشر ولله ماندري وش أسبابه الله يكفينا شره يارب
حمد معاذ ريان نقول أن شاءالله أن فيكم خير طبو وتنقو في بنات عبدالله

أهل المزرعة أم جلوي وأم عبدالله والعمات والبنات كل وحده منهم تختلف عن الثانية بقلبه وعقلها منتظرين أدوارهم القادمة
وخاصه نوره اللي فيها شر مكنون على أم النوق وبناتها بس يأترا وش سببه غريبه تاقف مع الجازي وحسنا ضد بنت أخوها
أكيد بينها وبين أم النوق شئ كبير خلها تحقد عليها كل ذا الحقد

أبوعبدالله وعياله سالفتهم سالفه ماعجبتني سلبيت عبدالعزيز أبد ولا عجبني اندفاع عواد ولا شدة عبدالله
يمكن ارجحهم عقل وأحسنهم منصور اللي واضح انه لا يخاف في الله لومت لائم
وأبوعبدالله تصدق عاد انت أبد أبد ما خلت مزاجي أحس من الشيبان اللي كلمه تجيبك وكلمه توديك
اللي تشوفه إلا الآن مقدمه للروايه شكل الحروب مابعد بدت

حبيبتي منتظرينتس ومنتظرين الأحداث النار في الروايه نبي كل بارت يشعلل وتشعل معه الردود
وارجع وأقول أبي شكراً وأصبع ببثركم في كل رد فيس يطلع السانه

نووورتي المنتدى كريستاله من زمان عن الابداع والجمال
وش قد فرحت يوم شفت اسمك يلعلع
نووق وجلوي وشكل السالفه بينهم طويلة من حب وطلاق ورجعة
بس انصدمت من ضخامة نوق ممكن الحاله النفسية اثرت عليها وخلتها تهمل نفسها
توني ماقرأت الا بارت بس حبيت ارحب فيك وهلي وراجعه اقرأ البارتات الباقيه 😘😘😘

السلام عليكم
مرحباا كريسوو .. تدرين جلوي من بدت القصه وانا حاطته على كف ارجوحه بس الحين لابالله طااح من عيني طيحة قشرا هالمزوااج..ابو الحريم 😠😠😠😠😠😠😠😠
بالله عليه من سمع كلامه لمشعل قال هذا بيحرم تدخل حياته اي حرمه وبالاخر يطق ثنتين ليتها وحده كان قلنا اهله جابرينه او نعذره انه رجال ويبي عيال وحرمه تضفه بس ثنتين وكل وحده جايبه له الولد.. ماادري وش افسر حالته به..
النوووق.. تدرين دام الفاس طاح بالراس فأنا اتمنى انك ماترجعين لجلوي الا وانتي متغيره للافضل مثلاا يسافر مع متعب علشان يعالجه وانتي تكملين دراستك وتدخلين نادي وترجع لك ثقتك بنفسك..
وحريمه ياكلن تبن او يطلق ام لساان جويزه اما حسوونه دامها راضيه فاحنا راضين عليها بس اهم شي ماتطول لسانها ولا تتدخل بنوق والا بنطلقها .. فيس يعرض شروطه هههههههه

كريسووو.. تسلم الايادي ياجميله ..بانتظاارك