كاتب الموضوع :
#الكريستال#
المنتدى :
القصص المكتمله من وحي قلم الاعضاء
رد: كنا فمتى نعود ؟
السلام عليكم ورحمة الله وبركاته
جيت بعلق ع الفصل اللطيف بقفلته اللطيفة << مش عايزين النهارده 😒😒
المهم
بعد ما قرأته مرتين تقريبا تأكدت إن فصل الهديةة ما كان ينفع ابد ابد ينزل مع هذا الفصل لانه رغم قصره محوري وفيه احداث مهمة ما اظن ان احداث هذا الفصل بس اللي بتترتب عليها وانما احداث قادمة ولو كان نزل كجزء من هذا كان ضاع في وسط احداثه ولا اخذ حقه في الترسخ بعقولنا >> حاسة بك وانتي تقرين ذا الطلاسم 😸
نبدء ببتار ونوير
والله مدري اذا يصلح اوصف لقاءهم بالكوميدي لان اكيد ان ورا كوميديته افكار ترسخت او نبتت من الاصل في راس كل واحد من الثنين
تخيلت منظر بتار وهو ع الباب يرد العيال عن المجلس ..
عيوني للحين تقوطر اعجاب 😻
ما شاء الله >> لا احد يقول طسيتهم عين 😹
لكن نوير لها حق تموت من الاحراج .. اجل قميص روز وفوطة على شوشتها على قول الشيخ وشباصة لامة بها الليل الاسوود وبعد مبتلة من الما
وفوقها ذكرها هو بالجرح اللي جرحته اياه
اظن ردة فعلها انها تسحب العلبة وتحط الحذيان فيها كانت مجرد محاولة توهم نفسها ان ما صار شي وبتار مهوب هنا لكن على مين ..
هين .. بيتركها وهي مخربة حذيانه الجديدات مثلا ؟؟
كلااااا 😬😬
ترا الحذيان من علامات اناقة الرجل اصلا .. تطمنت عليها عنده دامه يا تسبدي عليه مقهور على حذيانووووو 😹😹 >> معجبتني كلمة حذياني 😹
المهم .. نرجع للجدية شوي >> قولي والله
ياا عيني ياا الحنون .. لا تطمن ما عورتها
فشلتها بسسس 😺😺 شفت السالفة شلون سهلة وبسيطة ؟؟
اماا نوير قتلتني من الفضول لما هربت وانا توني ما دريت وش كان يبيها فيه
السوسة .. اشغلته بخوفه لا يكون اوجعها وشردت 😹😹
عااد قلت بنفسي هذا واحد لصااح نوير لكن ياا خوفي من الوحاايد اللي بتكون لصالح بتاار بسس 😹
اجل الشيخ بتار بن جهمان على سن ورمح صار بسسة ؟؟
بسسسسة ياا الجبارة ؟؟
عساك تصيرين مسخرة بنات العيلة بسسس :فيس شرير: :غول:
.
.
مشعل اخيراا تقدم بطلب وعد بذاتها لكن ردة فعل ابوه ما تبشر بخير
صراحة احس بمشكلة قادمة بينه وبين ابوه بسبب شغله اللي للاسف رافض ابوه يقتنع به ..
ما فهمت ليش صراحة بسس يقولك العقل البشري يستنكر كل ما هو جديد ويستحقره >> هذا تأثير الكتاب اللي اقراه حاليا 😹😹
كمان سالفة خطبته لوعد لها ابعاد ثانية
شطح مخي شطحة ماا .. >> استعدي 😹
بما ان الخطبة بتتاخر الظاهر لين بعد زواج نوير اتوقع بتار او احد من اهله بيستنكر شغل مشعل
نوير ووعد بيتكلمون بالموضوع
او مثلا بيخطب ابوه وعد له ويتكلمون هم وتغلط وعد عليه او تستنكر وظيفته او الطريقة اللي كان يناظرها بها مثلا
ومشعل بيسمع بطريقة ما
بالتالي بيتحطم اكثر وبيشتعل غضبه .. عاد اتق شر الحليم اذا غضب
خصوصا اني اشوفه بادي يحس بالتعب او يمكن خجل داخلي من نظرة الاخرين لوظيفته ووالله مدري اذا هو احساسي بسس اللي يوسوس ولا صدق هذا اللي صاير >> فيس احب هاسا الفتى ويحاتيه
ننتظر ونشوف وش العلم اللي بمخباك ياا كريستيي ❤
.
.
جلوي
والله مدري شقول بوصف حاله
تحمل كثييييير ولا عاد عنده صبر ولا طاقة اكثر وظنتي انفجاره قريب
انفجار على الكل
لاحظت انا ان الكل منتظر طلاق نوق وجلوي سواء المنحازين لصف نوق او المنحازين لصف جلوي
انا حاليا بالنص ما بينهم تقريبا واظن الطلاق فيه راحة لهم اذا وضعهم بيستمر على ما هو عليه
لكن حاليا مع موت عبد الله وقرب زواج نوير ما اظن يطلق جلوي ولا اظن نوق مجنونة تصر عليه يسويها
يمكن لين عقب العرس يجد علمن جديد
.
.
ام نوق
انا فعلا سعيدة انها طلعت ما تظن بولدها ظن سيء رغم اني ما اظن المها اقل تأثير فيني من الاعتقاد اللي قبل >> وهذي جملة طلسمية ثانية 😺
المهم
تقريبا كل فصل ياكد شكوكي انها عندها علم بشي من سوايا مسودة الوجه بالسابق والظاهر انها الحين بدات تفهم ذا الشي من كلام ام نوق وعساها تنكتم وتبلع ذا اللسان اللي عساه للقص ان شاء الله
عرس نوير
مدري ليش احس ما بيتم بذيك السلاسة خصوصا مع سالفة عواد لكن احساسي يقول ان فيه شي ثاني بيصير
اما نورة فيا جعل ما به نورة
سلال يضرب بطنها
ناقتن تبرك عليها
قص اللي يقص راسها قبل لا يقص لسان الحية اللي محشور بثمها ما ترتاح الا ليا طلعته ونكدت على خلق الله
هو كذا جواها حقد مهوب طبيعي ياا ستير ياا رب .. الله يجيرنا
تبا العالم متمركز حولها وهي الكل بالكل تدير الجميع باصبعها ولا اظنها توقف دناءتها لــ كان ذا الحال بعد !!
حسبي الله عليها وعلى اللي ينقال انها ام عواد ..
واحدة تتبلى بنت الناس والثانية تبهر السالفة وتصيد بالمياه العكرة
حفيدة الالباني الله يرحم ابوك ويجمعكم عليه بجنات النعيم
كنت توني بسال كيف يسحبون الوصاية والبنات كلهم فوق السن ولهم حق الاختيار الا انتي كاتبة تعليقك
خوفي بسس نوير تلعب براس عبد العزيز اللي ماله راي ما شاء الله نفس ولده ويتاامرون على عواد يجبرونه على شي
خووفي
حية هاذي كل شي من تحت راسها يجي 😠
.
.
متعب
حصونه قاعده تنهار واحد ورا الثاني وهو يكابر على نفسه ويدعي العكس
وحتى لمن شك بحكي امه ما الح عليها ولا كانت افكاره تدل على رفضه القاطه نفس قبل
يمكن تحسنت نفسيته مع تقدمه بالعلاج
ويمكن بعد عناده بسبب رفض عواد له ضمنيا وتحذيره من التفكير في واحدة من بنات عبد الله
مشكلته سلبي
او بمعنى اصح يفضل الهروب من المواجهة وتجنب وجع الراس
لكن ان ما خاب ظني فيه فهو ل جت اللحظة اللي بيواجه فيها بيوقف اعصاااار بوجه اللي قباله
بهذا الفصل بدا يظهر تعلقه بشيما
او بدا عواد يلاحظ ذا الشي ومتعب نفسه منكر لاهتمامه ويحاول كالعادة يحط لروحه حجج وتبريرات ..
الحنون نمبر توو هو واكله وفواكهه
اظن بعد عامل من عوامل تغيره هو عواد لكن ذا المرة بمعاملته له .. يعطيه الشغل ولا يحسسه انه بيرحمه ويخف اللي عليه لمجرد انه يعني مريض وهذا الشي يمكن داخليا يعطيه رضا نفسي ويحسسه انه يقدر يعيش كاي انسان طبيعي
نروح لعواد
طبعا بطل الفصل ذا المرة بالقفلة اللي جت ضربة على روسنا قبل راسه وضيعت علينا حتى التعليق على حنانه على البنات >> حنون نمبر ثري اليوم ❤❤❤
المهم
كذا نفس ما توقعنا السالفة ما عادت بتتلم ابد خصوصا مع وجود الشباب كلهم تقريبا ببيت عواد بالاضافة لشيما
استغرب وين فارس وكيف قدر جاسر يدخل كذا ويجرجر نادية اصلا ؟ خصوصا انه درى انهم متزوجين كمان ..
يمكن هاجمها واخوها برا ورماها بالحكي فصارخت بانها زوجته وماهوب حرام قام جرجرها ورماها بذا الطريقة المهينة اللي اظن هو نفسه بيجيه يوم ويندم عليها
وبعد اتوقع ردة فعل عواد كفيلة بتغيير مجرى الاحداث
الكرة بملعبه الحين وظنتي بيستغل الفرصة ويضم البنية تحت جناحه
ولكن هذي ايضااا باقي بمخباتك كريس
كذا خلص ببطل ثرثرة لين موعد الفصل القادم الا ان يجد جديد باذن الله
الرد مهوب من مقام الرواية
سامحيني ع القصور لكن هذا اللي طلع من ذلك الشي القابع داخل تجويف الجمجمة في هذه اللحظة
نشوفك على خير الاحد باذن الله
دمت بحفظ الرحمن ..
|
27-03-17, 06:13 PM
جديد مواضيع قسم القصص المكتمله من وحي قلم الاعضاء
العرض العادي
