مساء الخير .. والبركات ياحركات ..

دودي .. ههههههه .. ياربي والله يا أني فطست ضحك ..

الله يسعدتس وين ماكنتي ...

يالله .. شويات وأبنزل الأقتباس .. النت جدا سئ

الأقتباس من البارت القادم .. بناء ع طلب الكثير أنه ينزل منتدى بدل السناب
.
.
.


شد فيصل بجسمه لورا حتى تنفك أيدين بادي منه مستغل طيحته .. وبسرعه أنحنى ساحب العقال وبدى يضرب بادي ولا كأن الدم ينزف من خشمه .. غطى بادي وجهه وفجأه جر العقال حتى يسدد لكمة بكل قوته لبطن فيصل إلي ترك العقال وراح يركض بيطلع من الديوانيه ..
صرخ بادي بقوة ووجهه صار أحمر ..
" فككككني ياكلب .. فكني "
دفع أيدين حمد من حول خصره وراح يلحق فيصل .. يصرخ بصوته
" والله ما أخليك .. "
حمد راح يركض وراهم بروعه ويصرخ
" بادي .. باااادي خله "
زاد من ركضه وهو يشوف بادي لحق على ركضات فيصل الغير متوزانه .. رماه على الأرض وركب فوقه .. حط يده على راس فيصل وهو يرصه بقوة على السيراميك .. صرخ بادي بحقد وقهر والمراره في قلبه ماتوصف
" وش تبي فيني .. لمتى بسكت عنك ياحيوان .. تجيب سيرة بنت عمي وفوقها تحتسي عني بالمجالس يازباله "
قام فيصل ينتفض والدم بدى يغطي وجهه .. عيونه فجأه أتسعت وبدت تنحرف عن مسارها .. ولون بشرته يتغير للأحمر ويد بادي الثانيه صارت ترص على رقبته .. لحظات حتى يرتفع بادي بقوة لفوق و يرميه عواد لورا بأقوى ماعنده .. يصرخ بوجهه
" وش فيييك "
ولا كانت هالرميه لها ذاك التأثير وهو يشوف فيصل يتلوى على الأرض يحاول ياخذ نفس .. وقف مثل المجنون وراح يركض بكل قوته حتى يوقف له عواد ويجره مع ثوبه .. يعطيه كف بأقوى ماعنده ويهزه وهو يصرخ بوجهه
" تبي تذبح ولد عمتك .. "
طلع بو عبدالله وهو يتعكز على عصاه ووراه أم عبدالله إلي صارت تضرب خدودها بقوة وترفع صوتها ..
" وخر ياعواد عن بادي لا تلمسه .. لا تلمسه "
عواد والصدمه باللي شافه ما أستوعبها .. ظل ماسكه يشد ثوبه من الصدر : ماتحتسي .. وش فيك أنت .. ( صرخ ) وش فيك ..؟
أبو عبدالله بخوف وخرعه حاول ينزل وهو بالعافيه ينطق : فكه ياعواد ..فك وليدي
عواد بعصبيه : ولدك هذا شكله بيصير عبدالله ثاني ويجيب لنا مصيبه !

.
.
.
كـــــــــــــــــــــــــــــــــــــــــــــــــــــــــت

>>> النحششششه ..>>

يا ذا العواد اللي بيحوسنا بلساانه اول وتالي !!!
يا اخي العلاقات متوترة والحبال مشدودة اصلا مع بادي .. ناقصين تقطعها انت بكلامك!!
اظن فصيل متكلم بشي ثاني عن بادي
وفوقها جايب سيرة نوير وميف صار زواجها ورابط الموضوع بان وراها شي ولا ما زوجها جدها ورفض بادي .. اتوقع يعني
الله ياخذه
والله يستاهل اللي سواه بادي

‏

فيصل مو معديها على خير واضح من الاقتباس جاب العيد ومتكلم عن نوير عند الخلق وطبعا بادي ثار ومن الحب م قتل .. نقول نهاية فيصل على يد بتار أو مشاكل جديده بين بتار ونوير لحد الآن م ادري ايش تكلم فيه بس الواضح مصيبه 💔💔💔🔪🔪🔪🔪🔪