.

صباح الخير❤
وهذا تسجيل حضور لبارت اليوم🙇
>>بارت راح يكون قنبلة من جد الله يستر😖
..

صح تذكرت انا المقعد الأول لي لأحد ينط هناك قد اعذر من انذر 😂😂😂😂😂😂

‏

‏
‏


صبااح النوور والسرور ..

تسلم الايادي كررستا بارت يجنن يجنن والله قلت لك اكثر بارت اسعدددني وبرد قلبي 😍😍


عوّاد هو كيف حب ناديه .. بدايه العلاقه كيف كانت وين شافها فيه.. معقوله في بريطانيا شافها وحبها.. اذا كذا كيف كانت في علاقه بين اهل ناديه وأهل عوّاد ؟
وليش ام عوّاد هي اكثر وحده مشتطه من الموضوع .. انا متاكده الموضوع ماوقف ع النسب بس في شي ثاني.. لان من كلامه حتى رجل امه مدخل نفسه ..
يالله وش ذنب الرجال المسكين ينسجن عشان حب مسيو عوّاد .. بس اكيد مارح ينسجن كذا في شي ضده يكون شيك او شي🤔
ياليت عوّاد يحط عقله بالراس مافي شي يستاهل انه يعاند امه .. ماله داعي يبتعد عن امه عشان هالموضوع هو اصلا ماهو ناقص بعد.. سالفه عوّاد بتنكشف لاهله لان جود و وعد بتكون عيونهم ع نادية الليله.. وترا احس ناديه نصااابه عارفه انها بنت اخوه وجايه مسويه نفسها مو عارفه .. لان مستحيل ماسالت خالتها من ناسبتوا بنت مين .. ومستحيل ما تعرف اسم عوّاد كامل بعد 🤔

وعد اصلا هي ملح الروايه .. اللحين كله مزح مع عوّاد .. واذا درى انها كاشفته هو وناديه ذبحها..بعددين خيير جلوي وش دخله فييه يوم يفتن عليها اذا عوّاد ماقال شي يجي هو يدخل ..وش قصته مع عوّاد لك ولا للذيب لابك و الموضوع فييه نوق ويحتاج لمساعده 👿 بس يمشي ويتكلم هالجلوي


جلوي وش عندها عن مرض عبدالله هو يتابع حالته ولا استجد شي جديد عليه 🤔 نشوف بكرا اذا طلاق نوق بيهتم بعمه ولا 💀


كررريه كرريه جلوي .. وبعددد راعي عيون طوويله يجلس يمدح بشعرها قبل مايعرف انها مرته قلبه اخضر جعل عيوونه البط 👹

اقتباس :-   المشاركة الأصلية كتبت بواسطة #الكريستال#

وهو في مواجهة حقيقة الحب ..إلي كان عباره عن شخصين مجردين من أي نوع من الأسلحة ..

هلكنا بحبه جعل قلبه البط بعد .. لا يحط حبه شماعه لكل افعاله .. الحب هذا مايشفع له

اقتباس :-   المشاركة الأصلية كتبت بواسطة #الكريستال#

‎جلوي بقهر : مايغلط بني آدم .. مايخطي أبد

اوص ولا كلمه ياجلوي انت اخطاءك تعدت كل الأخطاء عندك سلسله منها ..

فووزيه كلاامها دورر اخيرا احد واجه جلوي وعراه قدام حقيقة نفسه .. حسنا حاطها فوق راسه و الجازي مسايرة وهالضعييفه مسوي رجال عليها ..بس يافوزيه ماحبيت كلامك لنوق اللحين ساعه تلعلعين ع جلوي .، وآخرها تقولين لنوق عطيه فرصه هذا الفرصة حرام فيه بعد💀
وبرضها رجعت تقول بحبس😩 بس اللي يشفع لك انك ارسلتي هالكلام له عساه يفهم بس

اقتباس :-   المشاركة الأصلية كتبت بواسطة #الكريستال#

فوزيه ألزمي حدودتس عاد .. هالحتسي ماتقولينه لي"

انا ملاحظه هذا أسلوبه اذا ماعجبه الكلام سكتها .. حتى لمن كلمته قبل سكتها

اقتباس :-   المشاركة الأصلية كتبت بواسطة #الكريستال#

الله يغنيني عن هالمحبه إلي رمتني وقت الشدايد ولا عينت منها غير رجّال الحتسي ..!

صادقه والله .. حتى انتي ياانوق صرتي تقولين درر بس الله يستر من البارت الجاي..
كرامتك يانووق تلاحقي عليها كلا دعسها هو وأمه وحريمه .. وهذي الأبيات أهديها لجلوي يوم تقولين له عن الطلاق😂

‎ليت الزمن يقدر يرد اعتباري
‎ويبري لهايب قلبي اللي كويته
‎روح مراح الليل والليل ساري
‎لو كان مهما كان حبك نسيته



البنات وش فيهم مشافيح كذا وماكانهم شافوا خيير يسااتر اكرره هالحركات 👿 ليت ام نوق مكسره العصا عليهم..



مسكين نادر عاش مظلوم ومات مظلوم بعد .. الكل يذكره بالشين.. طيب ام نوق ليش ماتذكره له شي زين ليش قالت انه متعبهم يوم انه حي وميت😔.. هذا وهو انتقذ أَخته من حال اسوء.. لان الإبو كان ناوي من ذبحت الناقة ع هالشي .. ومسكين نادر تلقينه ماقي فكره ماخطرت في باله عشان يخلص نوير .. بس بتار ليش ذبح النافع اصلا كيف ذبحها من فعل الوه يعني هو قهره ولا وش القصه 🤔

ماشاء الله علييك يابنات هذا وانت تعبان كفخ فيصل 😂 ليتك تكفخ جلوي بعد ..بس صدق بررد قلبي في فصيل نقال الكلام ناوي يطقطق عليه لقى نفسه أتكفخ.. عقبال نورة بعد يكشفها ..
يعني اللحين توقعنا ان نوره هي اللي طلبت من عبدالله يزوج نوير لاجهمان تكون بديل عن الناقة .. بس صار ان سالفه الزواج قبل ماتنقتل يعني وش السبب للزواج يعني معقوله جهمان خطبها عادي من عبدالله بعد سالفه المدح اللي وصله من نورة🤔



الجازي جنييه للحين مانكسر الشر اللي برأسها وينها نوره ماكانت بتتدخل وتحاول انها ترجع..


بادي زيين انه بيروح يخطب .. بس عاد المفروض يوم درى ان نوير متزوجه خُف عليه الشعور .. والمفروض يعطي جده خبر مايروح يخطب كذا .. وهو آللي تعب عليه ورباه بيجي يعني يرد له حركته مثلا !

مسكيينه نوير اذا هذا حالها وماردت انها كانت بتكون زوجه جهمان بدل ولده ولا درت انه مهرها قيمه للناقه.. اتوقع من الضغط اللي جالسه تعيشه مخليها تعاند ع نفسها وبالتالي القالون ضرب عندنا .. بس عاد ياليت تتسنع وتتزبط اكييد العذال بيجون مانبي احد يتشمت فيها😂

ياحيااتي ي نوق مامداك استانستي الا نكد عليك هالجلوي الله ينكد علييه .. هو يحضنها😷 همجي الله يااخذه.. وخير كم علييه ينتظر .. ينتظر الله لا يعطيه العافيه زي ماانتظر 15 سنه.. وبعدين وش متعة يحتضنها دون رضاها ترا مو مستحمليين منه شي ابدا 👹..
بردت قلبي يوم تقوله أكرهك خليه يصح ع نفسه يحسبها باقيه ع حب هالمتخلف

اقتباس :-   المشاركة الأصلية كتبت بواسطة #الكريستال#

جلوي رفع راسه لها وهو يأشر على الأشياء إلي ظهرت لها : تدرين وش هذي .. ( رفع صوته بقوة ) عرفتيها يانوق .. عرفتي هذي أو أعلمتس .. أكيد نسيتيها .. * محتفظ بكل عفشتس إلي رمته أمه

هذي خردة مجمعها ع قلبك .. ابي افهم وش الهدف يعني بيحزنها ولا بيخليها تتحسف ولا ش وضعه .. قدر ماشاء الله يحفظ الأشياء بس ماقدر يحفظها هي نفسها 😒

طيب الكلام يوم العفش يرمي ماهو بعد ماخلص الموقف يجي يجمع هالأشياء

اقتباس :-   المشاركة الأصلية كتبت بواسطة #الكريستال#

أنا النذل .. إلي غلطت وطلقتتس حاولت أردتس لي ولا قدرت .. أنا الحمار

اييه انت حماار من اول بس توك تكتشف😒

اقتباس :-   المشاركة الأصلية كتبت بواسطة #الكريستال#

‎أنتي من بعد الطلاق ماتسان لتس خيارات طريقتس واحد .. ‎أنا تسان عندي كل الخيارات .. وأقفيت عنها بسببتس .. حرمت نفسي منها عشانتس "

نعم نعم وش اللي حرمت نفسك .. ومين اللي تزوج حرمتين وعنده ولدينه .. وش الشي اللي حرمت نفسك منه ياجلوي وش هالشي حرمته وانت كملت حياتك واستمريت فيها .. انا ملاحظه انه جاحد وناكر فضل الله عليه .. هذا بدل مايحمد الله ويشكره يجلس ينكر 😒




شكرًا شكرًا كرستا ع هالبارت الجميييل واللي خلاني انبسط كل مااشوفه الابتسامه تملا وجهي 🙂 الله يستر من البارت اليوم شكله مايبشر😔

‏
‏
‏
‏

.

هناك وين

..

تسجيل حضور