السلام عليكم ورحمة الله وبركاته
شكلي راح التحق برابطة النوري واستلم الدفاع عنها
ما ادري ليش الجاي اعظم شئ راح يمر عليها مع ان البارتات السابقة وردود الشخصيات الي في الرواية توضح انه العصر الذهبي لنوير بس فيه شئ مقلق راحتي ان بتار لازال عنده شك ان ام نوق ونوير عندهم علم بالسالفة حتى لو نسبة الشك 1% الا انه راح يخرب عليهم حياتهم لبتار ونوير ويحوسهم حوس وزياده عليه شخصية نوير الحادة الي ما عندها غير الابيض والاسود ما عندها الالوان ثانية يا معي يا ضدي وللان ما عرفنا المغزى من ربطة الشعر الا انا متمسكه براي السابق عنها
والجوال فيه اشياء راح تخلي نوير تتقبل بتار
الله يستر من حفلة الملكة اليوم راح تصير احداث كثيرة من وجود نورة ووجود نادية
ما اتوقع نورة راح تسكت لما تشوف كيف بتار اكرم نوير وجمع القاصي والداني من اهله واتوقع انه خلوا الحفلة في البيت حتى ينجبر الكل يجي بيت نوير وتعلى مكانتها والا بمكان عواد او بتار ياخذ احلى وافخم استراح هاو فندق بالمدينة بس لها مغزا انها تصير ببيت ام نوق
وهنا تيجي نورة بسمها وقهرها ترسم وتخطط عشان تخرب فرحة نوير على المدا القصير وتخطط لتفسد حياتها على المدا البعيد
نورة ما بلغت ولدها فيصل بالسالفة الا ان عندها نية شينة لنوير
هل راح يسكت فيصل بعد تهديد بتار او راح ينشر السالفة اغلب الظن راح ينشرها وعاد هنا الدينا راح تقوم عند نوير الي ما اتحملت تكون عطية عشانتتحمل انها براس ناقة

نادية
والله اني استاهل نجمة كبيرة لاني من اول حاسة الا ترتبط حياة نوير بعواد وانه راح يتزوج من طرف بتار صدق انه كنت مبعده ارتباطه بنادية بس صدق انه صار بينهم ربط في النهاية
اتوقع انه عواد يا متزوج نادية او اقل تقدير انه مملك عليها لان اهل امه يبوا يبعدوه عنها يبوا هو الي يتخذ الخطوة البعد لانه ما يقدروا يبعدوا نادية مو لانها قوية وواصله ولكن لان امرها بايد عواد ماهو بايدها وايد ابوها
واتوقع انه سالفة ان ابوها مسجون كذب والا ماحضرت الملكة مع خالتها ((ياليت تكون امها بالرضاعة عشان تكون اخت بتار ))
في سؤال محيرني مدام ان عائلة نادية اقل نسب واقل اصل من عيلة عواد كيف رضي جهمان ان يكون عديله اقل منه نسب واصل او اخت مرته تزوجت غصب عن اهلها معروف عن البدو انهم يهتموا لعديلهم ايش هو وايش اصله وفصله ((((انا ضد الامر هذا احب امشي على مبدأ ان اكرمكم عند الله اتقاكم بس فلسفة الواقع غير واحنا نناقشها حتى نوصل لامر يصحح هالفكرة الغلط ))))


نوق
ما اعرف ايش اصنفك او ايش اقول عنك قلت خلاص بدات تعيش السلام النفسي وكان عندها فرصة تنسحب من حياته بشكل اسرع ليش قبلت تستمر بالزواج وهي ماهي راضيه وللان متمسكه بفكرة انه تزوجها بالحيلة ما اظن ان نوق بالعمر الي يسمح لها بترف تجارب اخرى او تعيش معارك من الماضي لازم تتحرر من الماضي بكل اعبائه وتقول لجلوي خلاص وقف هنا عجبني ردة فعل الجلوي خلاص ما عاد فيه وقت للاخذ والعطاء يا تكملي او ننفصل نوق بافضل مراحل حياتها سن الثلاثين الي يمثل الاستقرار النفسي والعاطفي ياليت ما تخربه بمناطحة ماضي ومضى لا هي الي مبرره تصرفها زمان او قابله انه يبرر ويعالج جروح الماضي
ان شاء الله انها تصحى لما تشوف مقدار معانات جلوي بغيابها حتى لو تزوج واستمر بحياته بس مكانة نوق محفوظة ومصانه ماحد وصلها يمكن يكون دافع ايجابي يخليها تتقدم في الحياة معه
او تكون ذات اثر سلبي لانه فتح الجروح مره وحده تخليها تطلب الطلاق
وفي النهاية ما اظن ان نوق راح تختار ولا جلوي راح يسالها لانه راح يصير شئ ليلة الملكة يشغل العيلة كلها ماحد يفكر بنفسه
والي اظن ان لما الجد يعرف بخطبة بادي يصير فيه شئ يحوس العيلة كاملة او أي ظرف ثاني راح يحوسهم
عبدالله
مرض عبدالله مشكوك فيه فيه شئ غلط باعراضه انا عايشت اكثر من شخص يعاني من الزهايمر ماهو نفس اعراض عبدالله او بسرعه الي انتها فيه مرضه فيه شئ يا انه يتظاهر بالمرض او ان نورة ساحرته او غلط في تشخيص المرض

اذا استجد جديد راح ارجع
دمتي بخير

.

بنات مرض عبدالله مستحيل إنه يلعب عليهم ويتظاهر بالمرض!

ثاني شيء ترى المرض جاه تدريجي لين ماوصل للحال اللي فيه ومذكور بالبارتات وقد رجعت له الذاكرة لحظات ومن ثم رجع لحاله!

عاد سحر ماجاء أبد هالتوقع في بالي!

بس مثل ماهو مذكور إنه زهايمر فعلا.
..