سسسسجل دخول دايخ مع البارت

الله يصلحك يا كريستال وش هالكتتتتت؟
حرام قمة الاندماج وانتظر نوق تصكك جلوي على عينه هاللي مايستحي يمسكها ماتفزع لخواتها والله حاله !! 🙁


يبي لنا نروق ونتقهوى بعد البارت عشان نمخمخ على تعليق مفصل راجعه بإذن الله 💕

سسسسلام

عدنا والعودُ أحمدُ
لاحظت شي ببداية البارت وهو علاقة زوجة جلوي الثانيه فيه مادري اسمها حسنا ولا الجازي وكيف انها فاهمه زوجها بكل حركاته وتصرفاته ومتمسكه فيه وجالسه بالبيت ولاطلعت ذي بيكون لها موقف مع النوق وشكلها قويه ماهب سهله ،ولا راح تسلم الرايه بدري.
جلوي والنوق
جلوي للأن يبحث عن النوق القديمه وغصب يقنع نفسه انها ماتغيرت وبيكون له ردة فعل قويه اول ماتكشف نوق ويشوف كيف تغيرت فعلاًً !!
اما النوق ف هي متحفظه تحفظ غريب لاهي اللي هاوشت وهاجمت مثل اختها نوره ولا هي اللي استسلمت الا فيه سكون غريب تنتظر وقت تنفجر فيه !!
ومن موقفها القديم انها ماتحب احد يدعي عليه استنتج ان كان بينهم حب وعشره جميله ممكن امتدت لسنين بس موقف فرق بينهم وأمه سبب في هالموقف والله خطيره انا توقعت هالكلام من البارت اللي فات 😝

باقي احس موقف السوق ماكتمل متحمسين نعرف كيف كان اللقاء الأول لنوق وجلوي يوم جوها بالسوق وكيف تم الزواج اصلاً

النوري زين انها اعتذرت لجدها بس نشفت ريقه هو وعواد ههههههههههههههههههههههه
بادي كأني اشوف تلميحات له مع نوير .


اما انهم بيأخذون البنات من امهممم والله اوفر مايرحمون كيف تفرق هالمسكينه عن بناتها هذا جزاة التربيه وأنها صابره على اخوكم بس ماش اعوذ بالله من قساوة القلب
العمه فضيه ذي تهبل تدخل القلبب .
عكسها العمه نوره واضح الشر والتخطيطات من البدايه .

اما الموقف اللي قهرني القفله 😭

ذَا شلون يمنعها تروح لخواتها بس نوق أكيد ماراح تسكت له ممكن تصكه كف على عينه حتى يستوعب
>> لا لا امزح 😹
بس الاكيد ماراح تسكت لجلوي بيكون لها ردة فعل


وبانتظارك ياجميله
ودمتم بحب 💕

السلام عليكم ورحمة الله وبركاته ...


صبح صبح ياعمي الحج ..

وش هالتعليقات يابنات ليلاس .. والله فعلا أسعدتوني جدا جدا أحبكم ..

( فيتو .. دودي .. الريم ( حفيدة ) .. هموسه .. )

هالحين بما أنه الوقت مزحوم وتدريس وحوسه عندي وغير هالشي مسكت مواد أبتدائي من تالي الهم مع هالكائنات الصغيره يزيد .. عاد برد عليكم برد واحد .. وألتمسوا لي العذر
فالتقصير .. مكانكم في القلب ..
ع الأقل أوفيكم حقكم وأنتم إلي عطيتوني من وقتكم بهالردود ..

والله ع موقف وليدي جلوي مع نوق .. وهذا ردكم وهجوم عليه .. أجل يبي لكم كمية صبر صبر لأخر نفس مو من جهة جلوي .. لا من جهة نوق .. ^ ^ .. وتذكروا حتسيي زين ..

نوير .. وبما أن أغلب الردود سواء هينا ولا بالسناب عنها .. كنت أستغرب من كمية الرفض

لتصرفات هالشخصيه .. شوي شوي عليها .. لأنها الطرف الأقوى أو تشوف نفسها بهالوضع .. ربطها إما مع حمد أو بادي .. تونا نبني الطوبه فوق الطوبه .. لا تستعجلون ..


نجي عاد لسؤال .. ( ليش متمسكه في الأسماء القديمه ... أو وش عندتس عليها )

يابنات الواقعيه مطلوبه .. ورضى القارئ عن كمية الواقعيه في أي عمل تعطي للكاتب الشي الكثير ..
لما أجي بختار أسم شخصيه كبيره في العمر .. وأعطيها مثلا أسم ( رنا ) هل بيكون
هالشي واقع !! ..
غير هالشي أختيار الأسماء هو من وجهة نظري سر من أسرار ثقل الروايه .. ونكهةة
مميزة لها .. زيدوا على هالشي أنا أكتب بلهجتى ولهجة أهلي .. وراعين أول ماتسان
عندهم قبول للأسماء ذا الحين .. قولي لجدتس وش رايتس بأسم ( سديم ) والله لا تنفض
يدها وتقول وش هالأسم إلي ماهو من سلومنا ولا تسنا نعرفه .. عيب ههههههه ..
بس جيلنا أختلف الوضع .. عادي هالحين يقولون لتس الأسم قديييم مافيه شي مميز ويشد ..
تغيرنا ..


.. طيب نجي لأسم بطلة الروايه " نوق " هل أختيار الأسم عشوائي لا أكيد ...
هالأسم بالذات .. بيكون له قصة .. أنتظروها ..


وش بعد لا إله إلا الله .. الأسئله الباقيه .. جوابها في البارت الجاي ...

والكت مامنه مفر ..

أسأل الله وحده إنه يحفظكم ويسعدكم كثر سعادتي هذي أضعاف أضعاف
ويجمعني فيكم بالجنه ..