ارتشفت من كأس العصير الذي امامها لعله ببرودته يطفئ اللهيب المشتعل بداخلها بكومهٍ من الضيق لتكمل بعد ذلك: اخر شي قال انسي هالموضوع وكوني حذره من اللي حولك واذا صار شي بلغيني ..
ميرال بتأكيـد :يعنـي الزفت الحيـن مسكوه!!
ليـان : ايه عمي بلغ بليلتهـا ومن بكره مسكوهه بس اللي عرفته من ابوي للحين ماتحول للمحكمه باقي بيحققون معه وبيعرفون شلون جاب صورتي..
فرح بأتزان: خلاص دام عمي قال انسي الموضوع معناته قفلوا على هالسالفه واكيـد بيأخذ جزاه هو واللي ارسله .
ليان بتنهيده : ماني قادره انسى فجيعتي والله لو غير ابوي وعمي كان شكوا فيني ...*اكملت بقهر* انتوا لو سامعينه وهو يكلمني قدام عمي
قلت خلاص عمي شوي ويثور فيني علئ الكلام اللي سمعه..
ميرال بتلطيف للجو: ماعلينـا منه بيأخذ جزاه اقول بس انتوا مثلي خاقين عند ساره ؟؟
نظرت لها فرح بحاجب مرفوع لتكمل ميرال بضحكه: والله جد ماشالله
طلعت جميلـه لهالحد..
ليان : شوفي ماراح اظلمهـا واقول مهي حلوه للامانه جذابه ملامحها صغيره ووجها صغير وعشان شعرها طويلل مره ماشالله لذلك زايدنها جمال..بس لاجينـا لصدق مرام منافس قوي لها ماشالله ملامحها تجنن ..
فرح بتأيـيد:فعلاً انا معك يمكن عشان اول مره نشوفها كاشخه بس مرام جميله بكشخه ولا بدون ..*اردفت بأنبهار وهي تنظر لساره من بعيد*بس ماشالله ياشعرهـا طووويل بشكل مستحيل اقص شعري ابيه يوصل مثلها
ليان بأستخفاف: على اساس شعرك قصير ماشالله لنهايه خصرك..
فرح بتذمـر: لا ابي زيهـا ماشالله شوي ويوصل لساقهـا..
ميرال بتدققيق: بس يابنات لاقربتوا منها لاحضوا منابت شعرها فرغات بشكل صح مخببتها بطوق الورد بس واضح انها من قدام ضعيف مره
ليـان بمكر: خلوكـم من شعرها انا صراحه راح بالي لاحمد
والله عليـه حظ يطيح الطير من السماء كل وحده ازن من الثانيه مدري اذا شافهم اليوم شبيصر فيه..
ميرال بضحكه: ايوا الله صادقه مدري من فيهم كفتها بترجح عنده
فرح بقوه : اكيد مرام..اجل يبيع العشره ويمشي ورا رغبته
ولا الرجال انذال لهالدرجه وبيتخلى عن عشره خمس سنين
ميرال بأستنكـار: يمـه كليتيني احنا نسولف الحين مانقرر لاحمد
فرح بضيق: تشوفونها هينه على مرام تشوف ساره بهالزين كله
وتشاركها بزوجهـا..والله الود ودي اموت ولا انحط بموقفهـا..
ليـان: هذا حظهـم واكيد دامـه يحبهـا مستحيل يسحب عليها ويروح لساره
اكملت ميرال بأتزان: بس خلوكم حقانيين شوي لا مرام ولا ساره بينفعونه عند ربه اذا ماعدل بينهم باللي يقدر عليـه..يعني ماتعتبر سحبه على قولتكم اذا راح لساره..
فرح بغيض: راحت روحه ان شالله قبل يقهر اختي قولي امين
ليان بضحكه مستنكره: منتي بصاحيه استغفري ربك يابنت حرام
الرجال في رقبته حرمتين..
ميرال بضحكه: ترى مو طلال عشان تدعين عليه..
رمقتهـا فرح بنظره مؤبخـه وهي تلـف وجهها عنهـم،لتلمح مشاعل من بين الحضور..انتبهت لهـا وهي تنظر نحوهـا لترفع حاجبيها بأستخفاف
وهي تلف بوجهها مجدداً للبنات وبضيق هتفت : الزفت حاضره..
ميـرال بأستنكـار :من!
فرح : مشـاعل..
بحثوا بأنظارهم عنها ،لتلفت انتباهمم بأنظارها التي تلتهم فرح بتدقيق
نطقت ليـان بأستنكـار : فرح شاللي بينـك وبينها!! *اكملت بوضوح*
يعنـي وش مصلحتـها تطلع عليك كلام بالجامعه اكيد بينكم شي!
ميرال بتأييد : اي صح حتى انـا محيرنـي هالشي ..*اكملت بقهر*
الود ودي اقوم اخنقهـا بأيدي على وقاحتهـا..
فرح بهدوء مدروس وداخلـها يشتعل قهر : يمكـن كانت تبي طلال..
ليان : انا قلت كذا بالبدايـه بس مااعتقـد هذي عقرب لو تبيـه كان من زمـان خططت عليه..
ألتزمـت الصمت وهي تفكر بدفـاع طلال عنهـا بليله زفافهم،ومن ثم اعترافـه عن حبه المجهول..تجـزم بعد تلك الادله بأن هنالك علاقه بينهمـا
ولكـن توجـد حلقه مفقوده بالامر جعلتهـا بحيرهً من أمرهـا.....!!!

،

حررت شعرها من القبعه التي وضعتها له الكوفيره،لحمايه تسريحه شعرها من التفكك،ليتناثر شعرها الكيرلي بطوله الذي يصل لمنتصف فخذها بلونه الاسود،ثبتت بكفيها طوق الورد بمنتصف فروه شعرها
كي تخبئ خلفه الفراغات والتي بالكاد استطاعت مصففه الشعر تغطيتها
ابتسمت برضا عن نفسها وهي تتأمل ذاتها بفستانها اليلكي ..انتبهت
لحضور والدتها وهي تسمي عليها، بعد ان هاتفها بالجوال تخبرها بمجيئها..هتفت والدتها بأنبهـار: بسم الله ماشالله وش هالزين يمه
شنو خليتـي للي داخل!
تنفست بتوتر وهي تقول : يمـه مو كأنه شكلي غلط؟ كأني رايحه زواج
نهرتها والدتها بهدوء: وش غلط بالعكس تجننين بعدين هذي ملكه مو عزيمه.. بتشوفين كشختهم لادخلتي وبسم الله عليك بتغطين عليهم بالزين
ساره بفرحه عانقت قلبها: اول مره اشوف نفسي حلوه..
أبتسمـت والدتهـا بحزن وبحنو نطقت: من يومـك حلوه ياروح امك * لوت نبرتها بتساؤل لتلطيف للجو وهي تقول* ماقلتيلي احمد شاف هالزين!
ساره بخيبه هزت رأسها بالنفي وهي تقول: جابني وهو مستعجل
حتى مانزل انتظرني عند الباب..
نطقت والدتهـا بعبوس: والله العظيـم مايستاهلـك مير الشكوى لله
ابتسمت ساره بأسى وهي تقول بتساؤل: مرام جـات!!
لم تنتظر اجابه امها وهي ترى مـرام تخطو نحوهـم بأتزان وابتسامه
بشوشه تعانق ثغرها..بادلتـها الابتسامه وبداخلها خيبه وهي تراهـا
بزينتها متألقـه..رأت نفسـها قبيحه امـام جمالها العربي البارز،
اقتربت مرام وهي تصافحـها بكفها وبود: هلا والله ..الحمدلله ع السلامه
بادلتها المصافحه وهي تقول بتوتر: هلا فيك..الله يسلمك..
هتفت ام ساره بأندفاع وهي تمسك بكف أبنتهـا :تعالي سلمي على الحريم..
مشت خلف والدتهـا،بينمـا مرام ابتسمت بسخريه علئ حالـها .
وهي تتامـل ساره بمشيتهـا الخجوله ،تبدو سعيده جداً
فجمالهـا اليوم طغى على جمالـها بأول مره ألتقت بهـا..
نظرت للمراءه التي أمامـها وهي تقارن بينـها وبين ساره..
لتزفـر بضيق وهي تستعيذ من وسوسة الشيطان وتتوجهه نحو الفتيات..

،

اردفت بخبث: امي رافضه تقول خلصي الاربعين واذلفي بيتـك..
خالد بغيض: خلاص قضينـا صارلك شهر الا لازم الاربعين كامله..
جيهان : الشكوى لله امي مايصير اعصي كلامهـا..
خالد بقهـر: يازينـها جلست عند اختك بأمريكا..
ضحكت بقوه قائله: محد خسران غيرك لو جلست عند جوري بأضطر اجلس عند جنى وابوي ليـن ترجع..
خالد بأنفعال: شوفي انا زوجك غصب تسمعين كلمتي بمرك ومالي شغل بأمك .
جيهان ببـرود: مستحيل مانيب رايحه معـك واعصي امـي انتظر عاد مابقى شي راح الكثيـر ومابقى الا القليل..
هتف بقهر وهو يركن سيارته جانباً:يعنـي ياست جيهان؟!
ردت بمكروهي تغلق الستاره حين لمحت سيارته: يعني تصبح علئ خير الاسبوع الجاي برجع بيتي..
اغلق باب السياره بقوه وهو يقول: الشرهه علي لو تبين اجلسي شهر زياده محد مانعكك..اغلق الهاتف دون ان يمهلـها فرصه لرد وهو يتجهه
للمنزل ،دلـف لداخل بوجهه عابس، ولسانه يتذمر عليـها، استدار
بعد ان اغلق الباب خلفه،ليقف بأستنكـار وهو يراهـا تجلس علئ الاريكه
أمامه، اقترب منهـا علئ بعـد خطوات وبأستنكار باسم : وين اللي بتجلس اسبوع ثاني!!
وقفت بخيلاء وهي تتقدم نحوه،توقفت حين لامست قدميها قدميه، وبأبتسامه يافعه همست برقـه: ماقويت على الشوق وهو اللي جابني..
ابتسم بشوق وهو يلتهمها بنظراتـه المتفحصه وألتياع هتف: يالله حيها
مابغى الشوق يغلبـك ويجيبـك!
احتضنتـه بخجل وهي تضحك بخفه لتردف : لو سلمنا انفسنا لشوق ضاعت علومـنا..
حاوطها بذراعيه وهو يدفن رأسه بعنقها وبخفوت : يازينـه من ضياااع ..

،

وقفت امام المدخل وهي تغلق ازرار عبائتها من الاسفل،رفعت رأسها بأستنكار وهي ترى مشاعل امامها بلثامها الفاضح تنوي الخروج لتعترض طريقهـا وهي تنطق بتعالي وعيناه تسلهم بشموخ : حي الله مشاعل !!
لوت مشاعل شفتيهـا وهي تقول ببرود مستفز: تو الناس توك ترحبين
رفعت فرح حاجبهـا بغروروهي تقول:السموحـه ماشفناك الا الحين
حاولت مشاعل تخطيهـا ولكنها قطعت طريقها مجددا وهي تهمس بخفوت:شالـلي تبينـه!!
نظرت لها مشاعل بأستنكار ساخر لتكمل فرح بتخمين و بذات الخفوت : طلال !!
رفعت حاجبها مشاعل وهي تبتسم بمكر بعد ان فهمت مقصدها لتردف ببرود ماجن: تتوقعيـن لو أبيه كان سمحت لك تأخذينه!!
فرح بأستهزاء : ليـش واثقـه انه ميـت عليـك! !
ضحكت مشاعل بخفه وهي تهمس بمكر: يمكـن ليش لا!
أكملت بتفكير وبنبره مستفزه: لو أبيـه صدقيني بأشاره وحده اجيبه لي
* اكملت ببطء مدروس* بس مابيه اشبعي فيه قد ماتبين لانه مثل ماقلتلك بيوم زواجـك مكانـك مهو جنب طلال ...طلال مهـو لك ولا أنتي بمطلبه
*اكملت ساخره وهي تعتدل بوقفتهـا* اشفق عليـك صراحه من جانب
ومن جانـب ماتستاهليـن هالشفقه..
فرح بقوه : ومين انتي عشـان ارتجي الشفقه منـك..طايحه بكبد هلك وتدورين حوالين زوجي!! *أكملت بتحذير* الظاهر خليتـك تمادين بتطنيشي لك بس حـدك عـاد ابعدي عني انا وطلال بكرامتـك قبل
تشوفين وجهي الثاني..طلال لي انا لا انتي ولا عشره من اشكالك راح اسمح لكم تفرقون بينـا...رمقتهـا بنظره محذره وهي تستدير وقبل ان تخرج للخارج هتفت بأستخفاف: على فكره قبل اروح اذا تشوفين نفسك كفو واجهيني ولا تلحقين الاموات بلسانك لانهم يكرمون منك ومن لسانك

خرجت بعجل لتأخرها علئ خالتها وميرال بعد ان سبقوها من دقائق،دارت بعينيها للبحث عن السياره،ولكنها تجمدت لوهله وهي تراه منتصباً على
باب سيارته بأنتظار..طيف ابتسامه لاح علئ ثغرها لآعتقادها بأنه بأنتظارها،تقدمت خطوه تنوي بها الاقتراب منه،ولكنها تجمدت وهي ترا خيال اسود يهرول من جانبها نحوه..ألتفت وهي تراها بلثامها تتجه نحو سياره طلال وخلفـها امها، احتقنت ملامحها بالغضب وهي تراها تمد كفهـا لطلال لتسلم عليه وتركب بالمقعد الذي خلفه مباشره بعد ان رمقتها بنظراتها المتحديه..تشربت كفيها حمره وهي تشد عليها، كان سيتقدم نحوها ولكنها بترت خطواته وهي تستدير لجهه سياره اهلها وتهم بالركوب معهم وسط استنكارهم ...

،

يتبـع...

تجلس امامه بأنصات له وهو يسرد لهـا تفاصيل رحلتهم..ليفاجئها وهو
يحتضنهـا مجدداً وبشوق هتف بصدق: اشتقتلـك وربـك ..
ابتسمت بخجل وهي تبعد عن وجهها خصلات شعرها المتمرده وبهمس :
تصـدق البعد درس قاسي يذكرنـي بقيمه وجودك ويذبحني فيه الشوق..
احمد بأستنكـار باسـم: صرنا غريبين مايردنا لبعض الا البعد
ضحكت بخفه لتردف بتأييد: غاويـن شقا الله وكيلـك..
ابتعدت عنـه وهي تقول بحنو : شكلك تعبان بعد السفر
ابتسم وهو يردف : شـوي بس ومن شفتك راح التعـب..
ابتسمت له بالمقابل لتقف وهي تتجه نحو المطبخ وبتساؤل : جوعان!
وقف وهلطو يقترب من الكومندينه ليوصل هاتفه بالشاحن وبنفي: لا الحمدلله..
هزت رأسها وهي تشغل ذاتهـا بترتيب المطبخ، في حيـن وقف احمد امام الكومندينه بأستنكار وهو يرى الادويه المرصوفه عليها..
تفحصها بين كفيه بأستنكار وهو يهتف : مرام لمن هالحبوب!
خرجت من المطبخ وهي تتجه نحوه وبتوتر :حقتـي..
اقترب منها وبخوف هتف : ليش تشكين من شي؟!
مرام بنفـي : لا بس هذي فيتامينات لشعر والاظافير.
لوى شفتيه بأستنكار : وش تبيـن فيها!! ماتحتاجينها.
مرام بتبرير : تو اليوم خذيتها مدحوها لي البنات..
احمد بأعتراض : اتركيهـا عنك اخاف تضرك بعديـن ..
مرام بتوتـر :ان شالله...

،

تمخطرت بفستانهـا الابيض بأستعراض أمامهم ،دارت علئ ذاتهـا وبأبتسامه حماس هتفت:شرايــكم..؟
ابتسمـت والدتها وعيناها تلألأ بفرحه مترفه:بـسم الله ماشالله الله يحفظك من كل عيـن يمه..
حنين بأنبهـار:تهبليـــن ماشالله طالعه ملاك بالفستان..
لجين بتنهيده:الحمدلله كنت خايفه تبهذله علي وارجع اعدل فيه..
ام عبدالعزيز : روحي علقيه بالدرجx عشان مايتوسخ ..
لجين بعند: مابي افسخه عجبني بجلس فيه شوي ..
حنين بضحكه: ذكرتيني بالبزران لما يأخذون ملابس العيد..
لجين بأبتسامه واسعه : والله شعور جميل بالفستان الابيض.
ام عبدالعزيز بسخريه تخفي خلفها فرحتها: المفروض تلبسينه وانتي مستحيه مو شاقه الحلق من الوناسه..صدق اللي استحوا ماتوا..
لجين بأستلعـان : ليش استحي يمه هذي سنه الحياه..
رمقتها والدتها بنظره ساخره لتنخرط بضحكتها وهي تقول ببراءه: انزين بروح افسخه ولا يهمك..هرولت للاعلى وهي تترفع فستانها عن الارض
وبمكر كانت تغني لتغيض والدتها التي هتفت بأستنكار ضاحك لحنين بعد مغادره لجين للاعلى: مطفوقـه هالبنت الله يستر لا تفضحنا عند الرجال
حنين بأسى ضاحك: والله يمـه الله يكون بعون حمد بس ..
ام عبدالعزيز بدفاع: اها بس شوق عينه ببنتـي يحصله يأخذ هالمهبوله..
*توسعت ابتسامتها وهي تكمل* رغم هبالهـا الا اني متطمنه عليها
حنين بتأييد:أيه تطمني لايغرك هبالها تفكيرهـا واعي و تعرف اللي لها واللي عليها ولو انها تخـورها ببعض الاحيان..
أكمـلت بود : مابقئ الا اسبوع و تروح لبيت زوجها يامسرع ماكبرت..
ام عبدالعزيز بحب : مثل ماكبرتي قبل كم سنه ورحتي لبيت زوجك..
حنين : يامسرع الايام تركض كأنه امس زواجي ماكأني صرت ام ..
بترت حديثهم وهي تهرول نحوهم :يمـه ابي بعد من كروت الدعوه
ام عبدالعزيز بتساؤل :ليـش!
لجيـن :باقي من صديقاتـي واجـد ماارسلت لهـم كروت دعوه
حنين بذهول : ماشالله خلصوا اللي معك؟!
ام عبدالعزيز بتحذير: لجيـن لاتفشليني بالمعازيم وتعزمين واجد
تكفي الكروت اللي معك مايحتاج تعزمين اكثر خلصت حجوزات
لجين بحنق: يمـه زواجي اعزم فيه اللي ابي..
ام عبدالعزيز : خلاص يكفي اللي عزمتيهم...
حنين : باقي عندي كم كرت بعطيك اياهم..
ام عبدالعزيز بأستنكار :ليش ماراح تعزمين صديقاتك؟
حنين : لا يكفي عزمت خوات مشعل وعماته..
لجين بتذكر :عزمتي فرح صديقتك؟
حنين : لا والله كنت برسل لها كرت دعوه بس مااعرف اسم عايلتهم
ترجل من السلالم بعجل، لتقفز والدته من مكانها بخوف :عزيز شصاير!
نظر لهـا وبقهر هتف:يزيـد محجوز عندي بالمركز بروح اشوف شنو مهبب...
ام عبدالعزيز بتوجـس : الله يستر ان شالله خير
عبدالعزيز بضيق وهو يتجهه للخارج: منين يجي الخير ويزيد موجـود..
ام عبدالعزيز وهي تعاود ادراجـها للجلوس: الله يصلح هالولـد..
من يوم عرفته وهو شراني يحب المشاكل والشر..

،

اعتدل بوقفتـه امامهم وبأتزان اكمل : بكـره الصباح بيتحول لتحقيق
ابو احمـد: الحمدلله اللي انحلت السالفه وانمسك قبل تصير فضيحه..
ابو خالد اكمل بتركيز : ماوقفتكم عشان هالسالفه بس فيه موضوع ثاني..
ابو طلال بخوف: وش صاير !!
اردف ابو خالد : الولـد اللي ابتز ليان نعرفـه..*اكمل وهو يرئ الاندهاش علئ ملامحهم* ولد مساعـد الزايد...
ابو احمد بذهول : ولد مساعـد ماغيره!!
ابو طلال بتفكير: يعني دلال هنـا بالرياض!!
هز ابو خالد رأسه بأسف: ايه دلال اختنا بالرياض ماراحت معه الاردن مثل ماكذب عليـنا..
ابو احمد : وش اللي يخليـك متأكد!!
ابو خالد : بعد ماعرفت عن ولده على طول كلمت واحد بالسفاره وطلبت منه يتأكد اذا مساعد وهله بالاردن بس صدمني
لما قال انهم متواجدين بالسعوديه ماطلعوا..
ابو طلال بتنهيده: الله يالدنيـا اختنـا قريب منـا طول هالمـده..
ابوخالد اكمل: طول هالاسبوع وانا احاول ابحث عنهم لين لقيت عنوان بيتهم...والحين دام ابوي موجود ماقدرت افاتحه بموضوع دلال قبل اشاوركم..
ابو احمد بأنفعال: بشنـو تشاورنـا هذي اختنـا وعمره الظفر مايطلع من اللحم وبنروح لها غصب عن مساعـد واللي خلفـوه ..
ابوخالد بضيق: تهقـون بتعذرنـا !!
ابو طلال: كلنـا غلطنـا..واصلا ماكنا عارفين انها موجوده قريب منا
ابو خالد: ماكانت مخيـره كانت مسيره الغلط منا ماوقفناه عند حده وقتها
ابو احمـد بقهـر: ألهتنا الدنيـا ومشاغلها ..
ابو طلال : مافيـني صبر لبكره الود ودي اروح لها الحين..
ابو خالد بهدوء متزن: الصباح ربـاح وانا اخوك.

،

توعد فيها وهو يبحث عن رقم متعب بقائمه الاسماء،اتصل به وهو يركن سيارته بجانب منزلهم..ثوان ليأتيه الرد من متعب ليقاطعه وهو يهتف بعجل : اذا موجود بالبيت افتح الباب ..
متعب بأستغراب وهو يخرج من باب المنزل الداخلي : يله جاي..
فتح له الباب والاستنكار بادى على ملامحه وبخوف هتف:صاير شي!
حك طلال اسفل كفه وهو يقول بهدوء يخفي حرجه: كل خير بس بغيت فرح ضروري ادق على جوالهـا ماترد..
ابتسم متعب بمكر وهو يردف بأستلعان: ماتستحي على وجهك جاي هالحزه!...استح على وجهك وروح بيتك لا أصبح الصبح تعال خذ حرمتك
رفع طلال حاجبيه برتيبه وهو يقول: لايكثر روح نادهـا يكفي اختك رافعه ضغطي ..
غرق متعب بضحكته وهو يقول:وش مسويه فيك بنت فهـد!
طلال بغيض: بتجيب اجلـي بيوم من الايـام وهذا وجهي
شرع متعب له الباب وهو يقول من بين ضحكته: والله وضعك مزري..
*اكمل بخوف* ليكون اختك بتسوي فيني كذا!
طلال بأبتسامه : تطمـن ريم وين والبزر اللي عندي وين
متعب يتوبيخ ساخر: والله يهالبزر اللي تستصغرها عامله عمايلها فيك..
طلال بضحكه: وانا اشهــد..

اغلقت الهاتف بأستلعان بعد ان تجاهلت عده مكالمات منه،ركلته بلا مبالاه علئ الاريكه وهي تقف بأتجاه مشب النار الذي يتوسط المجلس الخارجي بمنزلهم ،مكان تجمعهم الدائم بموسم الشتاء وذلك لتصميمه علئ هيئة "بيت الشعر* جلست وهي تهتف لناصر المنشغل بأشعال النار: زمـان ماجلست ببيت الشعـر..
ناصر: من دخل البرد وحنـا فيه اربع وعشرين ساعه*اردف بتساؤل* وين ميرال غريبـه ماداهمتنا !
فرح بأبتسامه : طلعت من عندها وهي ترتب لنـا لزوم السهره..
ناصر بتفكيـر مترقب : الا تعالي غريبـه طلول مخليك اسبوع عندنا..
ابتسمت وهي تخفي توترها: الله لهالدرجـه مليتوا مني
ناصر بمكر: ماأحب المجامله الصراحه ايه مليـنا خلاص روحي بيتك
فرح بمكر ممااثل :اذا كذا ابشرك جالسه على قلبـك اسبوع ثاني..
دلف مع متعب لبيت الشعر وهو يراها تجلس امام النار بجانب متعب وظهرها للباب..هتف ناصر بأبتسامه مستنكره وهو ينتبه لوجودهم: يالله حي الضيـوف اللي مايستحون ويجون بأنصاف الليالـي ..
استدارت للخلف بأستنكار وهي تراه يقف مع متعب وانظاره لها وهو يقول بهدوء متوعد: عاد الـشكوى لله وانا اخوك مجبورين لاجل نرضي هنا عرب..
هتفت فرح بحنـق: الا وانت الصادق تو فضيـت *بتـشديد* مسكين مشغول بالحيــل تو نجـي على بالـك...
وقف ناصر وهو يكتم ابتسامته : الله لايشغلنـا الا في طاعته..
اكمل وهو يحدث طلال: حياك البيت بيتـك نخليكـم تتفاهمون شكل الاوضاع متدهوره..
طلال بزفره ساخره : دعواتـكم بس ..
خرج ناصر وخلفه متعب امام نظراتها المشتعله بغضب منه ..
هتف هو بعد خروجهم وهو يتقدم منها وببرود: وين جوالـك!!
استدرات عنه وهي تشغل ذاتها بأشعال النار وببرود مماثل: مو شغلك
رفع حاجبه بذهول وهو يقول بطوله بال: يعني شفتي مكالماتي وطنشتي
فرح بلا مبالاه هتفتx : ايـه شفتهـا..
لوى شفتيـه بتفكيـر : وتذكرين اني حذرتـك ماتطنشين مكالماتي صح!
فرح بقوه: اسفين طال عمرك بس ماحبيت ارد وألهيك عن خالتك وبنتهـــا *شددت على اخر كلامها وهي ترفع حاجبها بتحدي لتكمل* ماقلتلي
عسى ما أمداك تقلط عندهم وتكمل سهرتك معهم ..
اقترب منها وهو يرفعها من ذراعها بقوه لتقابله عن كثب وهو يهمس بذهول: انتي مجنونه!! ألحين هذا اللي مخليك ماتردين على الجوال!
ابتعدت عنه بقوه وهي تمسد ذراعها بتألم من مسكته وبقهر: ماني على كيفك متى ماتبي تدق دقيت ومتى ماتبي تسحب علي سحبت..صارلي اسبوع ببيت هلي توك تفكر تدق..
طلال بفحيح خافت: تفكرين انك تستاهلين ادق عليك وانتي طالعه من بيتك ياهانم بدون ماتستأذنين..!
فرح بقهـر: ماسويت جريمه رحت لبيت اهلي ماأعتقد لازم اخذ اذنك..
طلال بقوه وهو يرص علئ اسنانه:وانا ماأرضى اكون جدار وغصب عنك تأخذين أذني حتى بأتفـه الامور..واذا كنتي تظنيني بقولك ارجعي لبيتك
غلطانه انتي اللي خرجتي وانتي اللي بترجعين..
فرح بغيض:من قالك ابي أرجع اساسا دامك ماتبيني طلقني ..
اتسعت عينيه بذهول وهو يغرس انامله بفكها مزمجراً بغضب: مفكره دخول الحمام مثل خروجه!! اذا انتي بزر محد عقلك ماعندي مانع اعقلك انا واوريك شلون تتجرئين وتقولين لي هالكلام مره ثانيه..
ابعدها عنه بقوه وهو يقول :الشرهه مو عليك علي اللي عطيتك وجهه وتعنيتx عشانك..
استدارت عنه بقهر وهي تصارع عبرتها ليزفر هو قائلاً: مع السلامه متى ماحطيتي عقلك براسك تدليـن البيت ...توجهه للخارج وهو يغلق الباب خلفه لتستوقفه تنبيهـات "الواتس به " بهاتفه ،رفعه بضيق وهو يفتحها مستنكرا الرقم المجهول،اغلقهـا بلا اكتراث لكونـها روابط دون عنوان ..
كان سيدخله بجيبه ولكنه تراجع لوجود تنبيه اشعار اخر من البرنامج ذاته
فتحه وهو يرى نفس الرقم المجهول ولكنه تجمد بمكانـه وهو يقرأ محتوى رسالتـه....

" اختـك تشبهـك كثير خاصه بهالصوره بس للامانة هي
Very beautiful"




نقـــف هنــا()


الملتقـى الجمعه بآذن
الله وان شالله اني ماأضطر اتأخر بالتنزيل

همســـه:


x " 🌹💥 كل شخص عظيم كان طفلاً باكيا
وكل بناية عظيمة كانت مجرد خريطة
وكل شجرة عملاقة كانت مجرد نبته
ليس مهماً من أنت اليوم "المهم من ستكون غداً "💥🌹

.
دمتــــمٌ بخيــر
/روعــة النسيــان ♥~

الذين يشاهدون محتوى الموضوع الآن : 9 ( الأعضاء 5 والزوار 4)
‏روعة النسيان, ‏ضياء علي, ‏مجرد ذكرى, ‏مملكة الغيوم, ‏زينب سرور

منوريـن حبايبـي... اسعدوني بتعليقاتكم اللطيفه

مرحبا ياجميله
هذا تعليقي الاول كنت متابعه بصمت رغم ان روايتك من اجمل ماقرات
احداث مثيره وجديده الافكار
نجي لابطالك مرام وسارة واحمد ياانت قاهرتني بسلبية مرام وبرودها وش ذا الحريم يتأمرون عليها وهي مسويه طيبه ومتعاطفه مع الممله سارة يختي مو ذنبها ان سارة عاشت مع اهل متخلفين وام انانيه وكله كوم وذي الام الغثيثه والحيه الرقطا مسويه حنونه وهي متخليه عن بنتها ونفذت بجلدها والحين جايين ينشبونها في حلق احمد وبعدين البنات اللي يقولون لازم احمد يعدل ومن ذا الكلام والله هو كثر خيره خرجها من ظلم اهلها وعاملها بالحسنى واحسن شي يطلقها بعد مايدور احد يتزوجها ويفكنا من شرها اما مرام يبغى لها ضربه على راسها تفوقها الغبيه عساها البلا.....واحده تدعي من ورا قلبها
طلال ووجع قاهرني وماهو عارف يتعامل مع فروحه البريئه وكمان مخلي مشاعل تسرح وتمرح حوله ومسوي شخصيه
ياويلي الحين بيذبح ليان ياليت الشيبان فهموه الموضوع بهدوء.اللي متصل شكله ياسر عساه البلا هو واخته وابوه واهله كلهم
يالله ام عزوز طلعت اختهم
لجين شكلها كان لها يد هي ويزيد الزفت في ماساة عزوز
حنين الله يرجع لك زوجك وهو سالم غانم وكل جنودنا البواسل ويحفظهم من كل سوء
خلودي قرت عينك برجعة الحب
جنى الله يسخر لك ناصر اصعب شي لمن تحس الواحده بان عريسها مغصوب عليها
جوري وفيصل الله يسفيها ولو اني اشك انك بتموتينها وليتظوج ميرال
واصلي ياجميله واحنا معاك وانا اطالب في القارىات المميزات زي زارا وقومها يجون هنا عشان نوقف كلنا ضدك ونهليك تطلقين سارة الغثيثه وتقلعينها باي مرض هي وامها عساهم البلا