'

'

'
بآغتتها بسؤالها المفاحئ/الصادم/والمشكك بعض الشي:تحبيـنه!!
نظرت اليها بآستغراب لتجيب بآستهجان:اكيد احبه اجل سنتين متملكين ولا احبه..نهرتها مزمجـره بغضب ومقاطعه وهي تقول:كـذابه..لجين هالكلام قوليه لغيـري مو لي انا .تعجنت ملامحها بتآفف وهي تقول بضجر:اوه ست حنين ماني بحاجه تحليلاتك اللي مال امها داعي،انا وحمد نحب بعض ومشاكلنا بنحلها بيـنا بلاش تكبرون السالفه وهي ماتسـوى
حنين وهي تتنهد بحسـره على اختها المتهوره:لجين اي مشـاكل تتكلمين
عنها..وانتوا حياتكم مشـاكل بمشاكل..تهدمين حياتك بآيدك صدقيني ..
صمت لبرهه من الوقت..ليكسر حدة صمتهم بحتها المكابره بوجع:مشاكلنا في هله هم اللي يخلقون المشاكل بينا.
بهدوء وترقب هتفت:وانتـي! انتي يالجين لو كنتي تحبينه كان تغاضيتي عن حركات هله اللي اكيد تافهه ماتسوى المشاكل اللي تفتعلونها..بس بقراره نفسك انتي تنبشين على اخطائه..توقفين له ع الكلمه ..ع الغلطه
بدفاع وتوتر نطقت :لا مو صـح..انتي لو تشوفين شلون يدخلون باتفهه امورنا م صبـرتي.
حنين بقوه اردفت:الا لو كنت احبه بصبـر وبحاول اتغاضى عشـاني احبه
لجين بعبره:ماهم مخلينا بحالنا، لما اكلمه وانا متضايقه مقهوره مايمديني اكلمه الا واخته لاصقه فيه ..لما ابي اطلع معه فجاءه الاقيهم يطلعون لهم اشغال من الارض عشان لايطلع معي..بس اتغاضى ..بس مو انه افضفض له ولاول مره وفجاءه الاقي اخته تتشمت فيني لان حضرت جنابه كان يكلمني وهي جنبه..قوليلي وين الخصوصيه بينا! هذا وحنا ع البر شلون لما اعيـش معهم ببيت واحد والله ماني قادره استحملهم.
حنين بهدوء:لجين ياخيه افهمـي هذي دنيا مانقدر نمشيها ع كيفنا ..لازم نتنازل عشان نعيش..ولدهم ووحيدهم اكيد بيغارون عليه بس بيجي يوم ويتآقلمون معك ..مو كل شي يجينا ع الكيف ..لازم نضحي ..
لجين بآلم تهاوى امام الملا بجبروته لاول مره يتمرد على كبريائها:اضحـي قد ايش؟ اضحي مثل امي!! شوفي شنو استفاده ضحت بهلها وربعها ضحت بدراستها ومستقبلها عشـان من طيب!! محنا مجبورين نضحي محنا مجبورين نتنازل ..الحياه اسهل من تنازلاتكم اللي تكلمون عنها..الحياه فرجاء الله مهو فرجاء عبده..لا الم ولا وجع بتظل لانحن نقدر ننسى..ربي عطانا القوه اللي تكفينا نعيش فيها..ليش نضحي من فراغ!!
حنيـن بتنهيده:امي ضحت عشاني وعشانك وعشان عزيز ..عشان م نحس بنقص..عشان م نذوق اليتم..
لجين وانظارها تدور بالفراغ:وانا اضحي عـشـان ايش! دام اني باقي ببيت هلي ليش استعجل ع الهم وانا مرتاحه.
حنين بترقب:فكري يالجيـن ولا تخسرين حمد ..تحرري من الطفل اللي بداخلك اللي يدور الحنان اللي فاقده بطرق غلط ماتمت له بصله.
اختلجت حواسها برعشه متوتره وهي تهتف بآنفعال: شقصدك..؟؟
حنين وهي تنظر للفراغ بهدوء:م تحبين حمـد..بس تحاولين تتملكينه، تعوضين النقص اللي تفتقدينه فيه..وهذا غلط غلللط يالجـين .
لجيـن بشهقه:لا مو صح اللي تقولينه...حمد الوحيد اللي يدور رضاي حتى لو غلطت عليه..هو الوحيـد اللي يتحمل مزاجي ويحاول يسعدني محد يشبه منكم كلكم...هو غير عنكم حتى لو ماحبـه غصب يسعدني..
حنين وهي تمسح على شعرها بحنان اخوي وبخفوت حاني:غريبـه انتي ...ماتحبينه بس مؤمنه انه سعادتك!! تنازلي يالجين ترا طعم الخساره شين..
لجين وهي تهز رآسه بعند وبخفوت ونبره تحاول استجماع كبريائها:مثلـك! كنتي ماتبين مشـعل بس لما شفتي حنيته وحبه تنازلتي وحبيتيه! زين بس بعد حتى ذي فيها خساره..هذا انتي وصلتي بحبه لمرحلة الغلو بنفسك وخسرتي لا تقولين م خسرتي ..هذا هو الالم يشلع قلبك ع فراقه... وهذا عزيز مثلك حب واصرف بحبه كنت اشوف حبهم اسطوره بس بلحضه عشانهم يحبون بعض مانصفهم الزمان وافترقوا وهذا هو لو كابر يظل خسـران والالم متربع بصدره.يعني باختصـار الحب خساره ...تبوني مثلكـم؟ هو انا ناقصه خسـاره؟؟
حنيـن وهي تمسح دمعه تسللت عنوه: شوفي شلون تربطين حياتك فينا بغلط..هذا انتي معلقه حياتك كذا لا في سما ولا في ارض..تبين تتحدين القدر وتوضحين انك قويه..تحاولين تتحررين من قيود الحياه وتمشين عكسها..بنظرك انك كذا تمشين بالطريق الصح؟
خلف جدران الغرفـه كان واقف بآنصات لحديثهم..كان يود الدخول ليقدم اعتذاره لطفلته المشاكسه ويتحدث معها بهدوء..ولكن الصدمه آلجمته وهو يستمع لفضفتها القاهره..لم يكن ليتوقع يوما ان تكون تلك المشاكسه والتي اهم آولوياتها..تعتبر من كماليات..لم يتوقعها تحمل الم بصدرها..ولا ان تجعل تجارب من حولها تحتم مصيرها..ماذا تخبى بعد بصدرها تلك الطفله؟؟ فيبدو بآن كبريائها ابى الاستمرار بالشكوى والبوح..وهي تغير مجرى احاديثها مع اختها لمواضيع شـتى..
هرول للاسـفل وهو يحمل بعض اللوم على عاتقه فهو بعيدا جدا عن خواته ربما معهم دائمـا ولكنه يبدو بآنه بعيدا جدا وبآميال عن آوجاعهم خرج للخارج ليصادف الرجل الذي من المفترض ان ينحني بطاعه لعضمته وحنانه ولكـن من يقف امامه بوجوم لايمت لذلك البته..فجبروته وسطوته وانانيته وجشعه ..وهو يلهث خلف امواله وثروته متجاهلا بيته كفيله بآن تجعل عبدالعزيز يحمله اللوم مرغما لما يحدث بمنزلهم ..قبل رآسـه ببرود وهو يضع قبعته العسكريه ع رٱسـه استعداد لذهاب:الحمدلله ع السلامه يبه.
هز رآسه بجمود وهو ينكق بنبره ذكوريه طاغيه متجبره:يسلمك.
التفت عبدالعزيز ليزيـد الذي يقف خلف والده ليرمقه بنظره من خلف نظارته الشمسيه ليشير بكفه كنايه عن السلام:عن اذنك يبه متآخر على الدوام..لم يسمع رد وهو يرى ابيه يدلف للمكتب وخلفه يزيـد..تنهد وهو يتجهه لسيارته..والذكريات تلفح ذاكرته ببـرد صقيـعي ..يفتقد فيه الدفى

:الف صل وسلم عليـك ياحبيب الله محمد ..كللووووووووش
يخـطي خطااه المتلهفه اليها ...انظاره تلتهمها من رآسها لاخمص قدميها
تقف بفستانها الذي يلف جسمها بفتـنه..احمراره يعكـس شده بياضها..
تقف مطئطـه رآسـها بخجـل ليقتررب هو منها ممسكا بكفها البارده
انخفض اليها وهو يقبل رآسـها وفقا لقصر قامتها مقارنةً بطوله المصقول..همـس لها بخفوت يتناثر منه همسات عشق خفي/فاضح:مبروك عليــنا ياجنــوني ..

'

'

'
لاتعلم هل من بكائها منذ ساعه استمدت هذه الحيويه التي تدغدغ نفسيتها،فعلا تؤمـن للبكاء فائده عظيمه..فهو يغسل شوائب الالم بدمعه المالح..رغم مايتآوه الكبرياء منه متآلما من ملوحته ..يزيل شحوب الوجع ويسـقي الزهر ذابل ليحيه ويعيده للحياه بآمـل وتفاؤل..كما هي الان تشعر بآمل وتفاؤل...سيداس الماضي خلف القدم..ولكن ستتوخى الحذر ولن تركض عجلاا للمستقبل...وطوبى للعيش باللحضة ذاتها..
هرولت من الاعلى بذات النشـاط الذي داعب حواسها وهي ترتدي بجامتها القطنيه لممارسة رياضتها التي اعتادت عليها كل صبـاح وسماعاتها تعانق اذنيها ..رفعت هدب عيـناها لتراه مسترخي على احد الارائك وينظـر اليها وآبتسـامه خبيثـه تعلو ثغره ليـدب الخـوف بقلبهـا وتهرول عائـده للاعلـى برجفه سكنت حواسها ،دلفت لغرفتها وهي تحكم اغلاقها برعشه كفيها، ليآتي صوتها مستنكـرا من خلفها :شفيـك؟
هزت رآسـها بالنفي وهي تستعيذ من الشيطان ووساويسه واناملها تفرك رٱسها بآبتسامه مصطنعه:ابد بس تحسفت ارجع اكمل نومي وبس اصحى لاحقه ع الرياضه..
حنين بآستنكـار شديد:توك قايمه من النوم!!
لجين:وجع قولي م شالله تبين تحسديني ..بترت سيل كلاماتها وهي تصغي لصراخه الذي يدب بالبيت كزئيـر الاسـد ..نظرت لحنين بصدمه وهي تهتف بخفوت:آبـــــــــوي رجـــــــع!!!

'

'

'
تنهدت*وهي تفرك جبينها دون حيله:حسبي الله ونعم الوكيل..حتى الميت بقبره يتكلمون فيه ..
متعب بآحتقـار:ناقصات عقل وتافهات ...وش دخلهم بحياه غيرهم .
ميرال بتوجس:يمه هو جد كلامهم؟ ليـش ماحد يوضح لنا؟
ام خالد بحده :ايـاك ياميرال تفكرين انه صح..كلكم عاشرتوا خالتكم مريم وتربيتوا على يدهامفروض توقفون بوجهه اللي يقول هالكلام وماتتآثرون
ميرال بدفـاع: والله يمه اني ماصدقتهم حتى تضاربت مع وحده منهم
ناصر:كفــو عليك من الي فاز بالنهايه انتي ولا هي؟
متعب بسخريه:تفكـر مضاربة البنات مثلنا.. اقوى شي يشدون شعور بعض وباقي الهده *بصوت ساخر مقلدا* ياحقيره.. يامقرفه
ناصر بضحكه:جد جد بخاطري اشوف هدة بنات..
ميرال بنظره ساخره: والله انكم رايقين.. وش هالقلوب عندكم!
متعب :الكلام بالفايت نقصـان عقل ..خلاص اللي راح راح .
ام خالد: قفلـوا هالسيره ولا باقي تنفتح بالبيت ابوك ماهو ناقص.
ناصر بروقان:ولو انه ياكثر علامات الاستفهام حول هالسيـره الا انحن نقفلها لعيـونك يااصـفر انتا..
ام خالد وهي تحاول كبت آبتسـامتها:يازينك ساكت يقال يتغزل الحين
ناصر بضحكه:حطمتيـني صراحه..بس احسن خليني اوفر غزلي لمرتي لاجات..
:السلام عليـكم ورحمه الله وبركاته.
وقفوا وهم يردون السـلام بآحترام وخوف فملامحه المتعبه والحاده لا تبشر بخير...تداولوا احاديث قصيـره بجو متوتر ومشحون بعض الشـي
ابو خالد بنبره جاده :ناصـر لقيت وظيـفه؟
ناصر بذهول:سـ ــم؟
ابو خالد وهو يشدد على كلامه:لقيـــت وظيــفه؟ عطيتك مهله واعتقد انها خلصت من زمـان...ولحد الحين ماجاني علم انك توظفت.
ناصر بهدوء وتلعثم :يبـه كنت جـاد يعني؟
ابو خالد بحده:اكيد جاد تشوفني امزح انت وجهك ..من بكره ياناصر تدور لك وظيفه ولا لاشوفك بالبيت ...التفت لمتعب وبذات الحده:وانـت اعتققد اني قلتلك وين وظيفتك صح ولا لا ؟
متعب بآحترام اخفض انظاره:صـح
ابو خالد :وليـش لحد اليوم ماداومت فيها؟ مافضيت اكيد من ست الصبح بكره وانت متواجد بالشركه ..
متعب بتفهم:ابشر طال عمرك..
نـظر لميرال التي تلاقت انظارهم لترتعد بخـوف من ان يهزئها ولكنه هتف بنبره حانيه:كيف الجامعه ياميرال؟
ميرال بتلعثم :زينـــه.
هز رآسه بآبتسـامه :شدي حيلك وارفعي راسي بالشهاده..التفت لزوجته الصامته بملامحها الهادئه العاتبه بعض الشـي:مانتي معشيتنا يام خالد؟
وقفت وبنبره هادئه:دقايق والعشـا جاهز .
ابو خالد بمحاوله لاصلاح مابينهم:الله لايحرمنا من ذا الوجهه..
نظر لميرال ليكمل:روحي سـاعدي امك يابنيتي..
ميرال بطــوع:ان شـالله يبه

بهمـس خافت لبعضهما هتف بقهر: انتحر انا ولا انتحـر احنا نتهزآ وهالنتفـه ماهزآها.
بسخريه هتف متعب:لا تكفى لا تنتحر من يآخذ معي التهزيئه لا انتحرت؟؟
ناصر بسخريه مماثله :حلاوى ع غفله نتقـاسمها..
متعب بآستخفاف : تهـقى ابوي متوحـم علي انا وانت؟ كل م شافنا لطشنا بتهزيئـه؟
ناصر :هو ع خبري الحريم اللي يتوحمون بس ابوي كسر القاعده..

'

'

'
ضحك بخفـه وهو يردف بآستعجال: ما قـلت شي بس جد والله احس فيك شي..*تبدلت نبرته بهمـس حاني متفحص *فيه حد مضايقك؟
هزت رآسها بآبتسـامه جاهدت على رسمها..فهذا الفيصل لا تخفى عليـه ملامح التعب التي تطغى عليها بعنجيتها:صـاير توسوس كثير مافيني الا العافيه.
فيصـل: طيب نوسوس خلاص ماعلينا بس متى ماحبيتي تسولفين لي مثل اول وتفضفضين ترا موجود للحين ماقد سحبت عليك..
ليـان بضحكه:كويــس عبـالي تزوجت وسحبت علي.
فيصل بآستنكـار:افا فيصـل تغيره مـره..تعقب*
ليـان بآقتضـاب :اممم اخبـارها؟
فيصـل بتوجس:اخبارها! امم بينكم شي؟
ليـان:لا وش بيكـون بينا...!؟
فيصـل بهدوء : مدري بس كذا سوالك عنها متغصبه فيه!
ليـان :..فيصـل انت مرتاح معها؟
فيصـل بآستغراب: ايوا الحمدلله مرتاحين ..ليه؟
ليـان: يعنـي اللي صـار بينكم بزواج طلال ماضايقك اكيد؟
احتقنت ملامحه بالضـيق وهو يسترجع ماحدث ليهتف بضيق:وش اللي مخليك تفتحين ملفات سكرناها من زمان؟؟! ليـكون اللي بينك انتي وجوري عشـان هذيك السالفه؟
ليـان بقهر:ايـه مانـي قادره اتقبلها بعد هذيك السالفه..
فيصـل بحده رقيقه:ليــان..اللي صـار سوء فهم وحليناه مافيه داعي تضخمينه وتصير بينكم حزازيات وانتوا بنات عم وخوات.
ليـان بضيق:ان شـالله ..تبـي شي؟! بسكر ..
فيصل بحنان طاغي:ليـان ماانتي حقوده لا تخيبين ظني فيك.
ليـان بخفوت: ان شـالله.
فيصل بنبره تتدفق حنان دافى على مسامعها:دلوعه اخوها مصره ماتقوله شفيها؟
ليـان ببحه توشك على اندلاع حرب باكيه:مافيني شي بس اشتقتلك كثير
فيصـل وانظاره تتوجهه اليها وهي تخرج من غرفتها:وانا بعد مشتاقلك حيل..*بآبتسامه حانيه اكمل*شـرايك تآخذين اجازه واحجزلك تجيني هنا توسعين صدرك؟
ليـان بروحها المرحه: اسحبها..تدري فيني مشفوحه معادني براجعه السعوديه الا اذا فلستك..
فيصـل بضحكه:تعالـي انتي وازهليـها..
ليـان بمكر ضاحك:انزيـن بالله احجز لي من اصحابك الشقر خليني احسن نسل العايله واعرس بآشقراني.
فيصـل بآستنكـار:لا مبيته النيـه من الحين..اسـف اسحب كلمتـي اجلسي يالله السعوديه متحملتك ..تبين تظلمين نيويورك بعد
ليـان :شكـرا يجـي منك اكثر ياجـارح.
فيصـل بضحكه:وين طلال منك والله لو يسمع سالفة هالاشقراني تروحين اعدام...
ليـان بخوف :يـمه اعوذ بالله من ان يحضرون ...بايعه عمري انا اتكلم عنده..
فيصل بغـرور:ايه شوفيني فديتني مخليك تطلعين الكبت اللي بداخلك ع راحتك ...احمدي ربك ع وجودي
ليـان :الحمدلله ع نعمه الصـبر والاحتسـاب..
تجلـس مقابله بهدوء..تستمع لاحاديثه مع آخواتـه..ضحكاته وسخريته..حنيته وحدتـه...تبتسـم حين يبتسـم دون شعور منها...تبتسـم وداخلها شيئا تجهلـه ...تنسـاب مشاعرها بخليـط ممزوج بآختلاجات مبهمه، ولكنــه لذيذ رغم جهلها بذلك الطعم الذي يلسـع قلبها بحلاوته فريده..وحسن رغم ضيـاعها بمفرداته وتعثـرها ببداياته وخوفهاا من نهاياته...انتبـهت له وهو يهمس لها بهدوء:وش بينك انتي وليـان؟
لم تنتبـه لانتهائه من مكالمته لليان..الا بعد سؤاله الذي جاء مباغت ..كما جائت نبرتها جافهه عكس داخلها وهي تقول:كلل خيـر ان شـالله
فيصـل بآنفعال خارج عن ارادته:تكلــمي عدل وش بينكم؟
جوري بتآفف وضجر:من ناحيتي مابينا شي..مدري عن اختك اذا هي بزر لدرجه الي تضخم امور تافهه.
رص على اسـنانه بغل وهو يلتقط نبرتها الجافهه..وغير ذلك اعتبارها ان ماحدث تافهه..تستحقر مشـاعره؟! ..تهينه كثيـر تلك الطفله..وهو لاجل حبها يتغاظى كثير..ولكنه لن يصبـر اكثر فهي بتمادي مستمر..زمجر بحده غاضبا: حــدك عـاد ياجوري..خواتي خط احمر اذا تشوفيني ساكت وانتي تغلطين علي ..مو معناته اني بآسكتلك وانتي تغلطيـن علي وحده من خواتــي...*بقسوه لا تمت لقلبه بصله اكمل*وبعدين لا تصدقين نفسك وتعتقدين اني صابر على اغلاطك.لسواد عيونك ..صدقيني انتـظر اليوم اللي نرجع فيه عشان اتخلص منك ومن انانيتك والحقد اللي مزروع بقلبك.
تنظـر اليه بصدمه آخرستها! يقف الان آمامها جلمود اخر لا يشبهه فيصلل الذي تعرفه سوا بملامحه...يتدفق عليها بتقريع وتجريح..وكآنه ينتظر يوما كهذا كي يظهر على حقيقته وسطوته...نعم هذا هو فيصل للذي رسمته بمخيلتها حين علمت بآنه حيرها...نعم هو فهي تخيلته متسـلط ، جاهل، هاهو يسدل الستار عن تمثيلته القبيحه ويكشف عن قناعه الذي رسمته له يومـا، هتفت بكبرياء مشروخ:اكتشفت انه عقلك وعقل اختك فعلاا صغير ...شي تافهه وخلاكم تطلعون على حقيقتكم..
هزها بعنف وهو يقترب من ملامحها وبهمس بفحيح خافت وقهر يستحوذ قلبه: تظنـين الحياه واقفـه عليك؟؟ تشوفين نفسك فوق مع انك للاسف عندي من آرذل اللي عرفتهم..غبيه وحقوده وغرورك على غير سنع
مصيرك بيـوم تطيـحين مكسوره وقتها صدقيني ماراح تلاقين حد حولك
همست بآنفعال باكي وهي تحاول الابتعاد عنه:حقيرر ماخيبت ظني فيك وطلعت ع خبري حقيرر..ابعد يامتخلف ابعد الشرهه علي قبلت فيك
فيصل بغضب وقسوه: من قبل فالثـاني ؟ كان بآيدي افكك تحييركك واخليك مهانه طول عمرك ومنبوذه..بس كذا لعانه فيك خذيتك عشان اثبتلك اني رجال واللي ابيه يصير لي عكسك مره ضعيفه لو كابرتي
تظلين مكـسوره وتحت جنــاح رجــال .
دفعت بقوه مندفعه من خلف الامها ..قسوته آليـمه وبشعه جدا ندبت بقلبها جروح لا تبرآ بقوه متهالكه : اذا كنت تشوف انه حركتك رجوليه؟ فسلملي على الرجوله يارجـال..*تصاعدت انفاسها بحرقه وتود ان تبصق بوجهه على حقيقته المره*هذا انت تزوجتني وش استفدت؟ رديت اعتبارك؟ اكيد لا لانك تزوجت وحده اهانتك ومسحت بكرامتك القاع ...وهذا قــد... اقترب منها بغضب وانفعال ليرتطم ظهرها بالجدار خلفها
من قسوته بقبلـته الملتهبه بغل ، نـار تشب بدواخـله وعيناها اللهيب لزدياد حطبها..قبلـها عقاب..او ربما عتاب..بطريقته هو؟! قبلها لعله يطفى النار التي تشتعل به ظمآ ..او ربما درسا كي لا تتتفوه بما ينفيه قلبها مره اخرى..فعيناها باتت مفضوحة لعيناها... وقلبها اصبح يهتدي سبل السلام اليه...بروامق عيناها شفرات القلوب... وما في القلب تظهرُه العيون..وتعالى الله عما يشركون... همـس بنبره خافته وهو يبتعد عنها: ماحد يحـب الشقا كثري
'

*
'

'

:شنـو قلتلي اسمــه؟؟؟
:اسمــه ناصر فهدالخالد..استغربت ياطويل لعمر شلون يدور وظيفه وهم يملكون سلسله شركات معروفه قلت اكلمك واشوف قبل اصرفه..
بتفكير اردف مسرعا:لالااا لاتصرفه..بالعكس وظفه تفهم ...وظفه نائب مدير الماليه ..
بآستنكار:والنائب الموجود حاليــا؟؟
:عطه اجازه مفتوحه وبراتــب ..او شفله شغله ثانيه بنفس الراتب لفتره.
:ابشر طال عمرك ..
:قبل كل شي فرع الشركه اللي عندكم بآسم وهمي بس انتبه انت او غيرك تكشفون عن هوية صاحب الشركه قدامه
:ابشر طال عمرك... لاتوصي حريص..

'

'

'
نقـــف هنــا()

كـــــت طبعــا البارت حــذفت منه موقف لمرام واحمد لاني عارفه مستحيل اقدر اوفيهم حقهم وعـاد لازم له مخمخه موقفهم "فيس تعبـان "والموقف الثـاني لفرح وطلال ماقدرت اكمل صراحه
عــاد بآعتبـاره بــارت مزحلـط في غير وقته وكتابته بوقت قياسي يعتبر مرضي صـح؟ غصب صح "معها عصا انقذوا انفسكم وقولوا صح "
يلاا حبــايبي قراءه ممتعـه

كبرنــا الخط لعيون اللي يتشكون من حجمه... يلا عــاد ندلعكــم شعليــكم


همســــه : الحياة بعيدا عن رحاب الله : عذاب وشقاء وجحيم والحياة في رحاب الله : نعيم وأنس وجنة ( حياة القلوب )




دمتــــمٌ بخيــر
/روعــة النسيـان

ياقلبي على فرح تقطع القلب حرام ابوها مايرحمها ويقول الحقيقه حتى لو مره بس بتريحها من الشك ونحن بعد بنعرفها 😉😉😉 فيس مليان فضول
لجين للاسف مليانه تراكمات وعدم استقرار عاطفي ياخوفي يخسرها حمد ويزيد ايش ص له قرابته بيهم اخ من ام ثانيه او ابن عم وحسيت انه هو يلي شافته جالس ورجعت للغرفه وياترى ايش سبب خوفها منه
فيصل وجوري وضع منهك للاثنين
ساره حكايه من الالم احس ان حرام تنظلم مع احمد لانها تستحق شخص لها وحدها واحمد حتى لو حبها مرام جزء منه ومن حياته
ناصر هل وقع في يد تركي وربما يكون ضربه لفهد بواسطه ناصر
انتظرك حبيبتي 😍😍😍😍