البارت الثاني:
عند غلا
دخلت البيت صعدت الدرج ومرت جنب غرفه امها وابوها سمعت صراخهم العالي اتنهدت تنهيد طويله وقالت في نفسها : الى متى هالحال... راحت لغرفتها وصارت تتذكر شنو للي صار بالفتره الاخير وبالتحديد بعد ماجابوا الشغاله الجديده واللي كان ابو غلا معارض فكره وجود غريب بالبيت كان كل يوم والثاني يصير شي صارت ام غلا تشك بابو غلا تفتش في اغراضه وتشم ريحه ثوبه بعد مايجي من طلعته لعلى وعسى تحصل ريحه عطر نسائي ماكانت مصدقه لما الشغاله قالت لها ان ابو غلا يحاول يتقرب وكم مره جاها غرفتها في نفس الوقت ام غلا ماكانت تبي الطلاق لانه اكيد محد يبغا وحده مطلقه ويعتبروها عاله ع المجتمع وكانت خايفه ع مصير عيالها حاولت تكلم ابو غلا بس ماكان يعطيها جوابها المطلوب وكان صابر عليها لانه يحبها وخايف على عيالهم...

بعد الغداء جلست غلا ع المسن تكلم الشله بعد ماخلصت قررت تروح تجلس مع خوانها ماجد ومؤيد لتروح بعدين تذاكر بما ان الامتحانات قربت.....
.
.
.

عند قيس اتفق مع عمر وباقي الشله يروحوا لكوفي شوب واحمد اعتذر بحجه انه متضايق من الامتحان<مصدق نفسه ~_~
.
.
.
عند رودينا كانت داخله النت وتتفرج ع اليوتيوب لما امها فجأه قالت لها: رودينا حبيبتي ودي هالكيك لبيت عمك
رودينا كشرت وتغير مزاجها بمجر سمعت طاري بيت عمها:يمممممه خلي نرمينوه توديه مالي خلق
نرمين (عمرها 10 سنين تشبه رودينا كثيررر):لا والله سيري انتي مابسير انا
تأففت رودينا :اوففف

مشيت ع بيت عمها اللي مايبعد عن بيتهم إلا امتار وهي وبتدق الباب طلعلها شخص قالت بصوت اقرب للهمس:اوفففف جات النشبه
........... من يكون هالشخص ياترى؟
.
.
.

عند ترنيم
اوف مليت من هالمذاكره اوف اروح اطفش برائد احسن لي
دقت باب غرفه رائد ودخلت
ترنيم باستهبال: هاي
رائد (تؤام ترنيم يتشابوه بكل شي حتى التصرفات والتفكير )بتنهيده:وعليكم السلام
ترنيم: شعندك شتسوي
رائد: العب مثلا ماتشوفيني اذاكر!!
ترنيم:بسم الله الرحمن الرحيم ماقلت شي شوي شوي علي
رائد رمى الكتاب ع السرير:اوف بطلنا نذاكر خلص
ترنيم: احسن
رائد:ممكن تطلعي؟
ترنيم: لا ياشيخ ليش ان شاء الله
رائد: ابغا اكلم عمر
ترنيم لا اراديا ازدادت نبضات قلبها وانقلب لون وجهها للحمره
رائد: هههههههههه ليه انقلب لونك ؟
ترنيم: ولاشي ولاشي بطلع انا اصلا
راحت ترنيم غرفتها حاولت تكمل مذاكر ماقدرت تفكيرها كله راح لولد عمها عمر اللي كانت تحبه من طفولتها..
.
.
.
عند يمنى
تحوس في غرفتها حوسه تحاول تشوف من دريشتها(نافذه) اي اثر لاحمد ولد عمها اللي بيتهم عدال بيت ابو يمنى وكانت غرفهم مقابله لبعض ماكانت تشوف شي لان الستاره ماكانت مفتوحه وخاب املها.....
.
.

عند جمانه
جالسه تحوس تحاول تكتب الريبورت
.
.
.
اما عند اسرار
طفشت من المذاكره وتأكدت مليون مره ان الريبورت في الشنطه عشان ما تنساه ويكون بكرا يوم اعدامها جاء ببالها تجلس ع النت شوي فجأه دخلت عليها أختها الكبيره سمر (عمرها 22 سنه مخطوبه وعرسها قريب): هلا بالغلا اسرار هلا
اسرار بدون لاترفع عينها من الآب :هلا هلا
سمر: اوف زين طالعيني شوفيني شوي
اسرار طالعتها كانت سمر لابسه فستان تحت الركبه لونه فوشي و مغطي يدينها كامل ومسويه شعرها كيرلي
اسرار: على وين ان شاء الله ولا لايكون خطيبش المزيون بيجي
سمر اونها مستحيه:ايه
اسرار :لا ماشاء الله هذا كل يوم والثاني معنا حشى ماشبع منش؟
سمر:اوف منش تجيبين الضيق للواحد خلينا نشوف يوم تتزوجين خطيبش وش بيسوي
اسرار: ههههه لا ياعمري دخله في بيتنا ماكو ولا اخليه يشبر شبر
سمر بنص عين: نشوف
.
.
.
نرجع لرودينا
مشيت ع بيت عمها اللي مايبعد عن بيتهم إلا امتار وقبل ماتدق الباب طلعلها شخص قالت بصوت اقرب للهمس:اوفففف جات النشبه
محمد بفرح: هلا هلا ببنت العم
رودينا بدون نفس:هلا
محمد :ليش تقوليها بدون نفس
رودينا: هذا صحن الكيك مطرشتنه امي ويالله مع السلامه
محمد:ليش مستعجله حياش الله دخلي
رودينا بكذب : لا ورايا مذاكره مع السلامه
وراحت
ومحمد راح للكوفي عشان يشوف الشله
.
.
دخل محمد الكوفي وعلى طول عرف وين الشله جالسه لانه كان في ازعاج وصل عند الطاوله.... شاف عمر واقف ع الطاوله وريان تحت وصايره هوشه بينهم
عمر: مابعطيك اياه
ريان: جيب جوالي بسرعه لااسوي بيك جريمه فاهم
عمر يقلده: جيب جوالي بسرعه لااسوي بيك جريمه فاهم.....لا مافاهم
جاء ريان بيصعد لعمر فوق الطاوله بس قطع عليه صوت محمد:بس انت وياه العالم اطالعكم وانت تتهاوشوا
عمر شاف ريان بنظره يعني تغلبت عليك
ريان انقهر و راح يجلس مكانه
جلس محمد مكانه وشاف قيس نايم ع الطاوله
محمد يهز كتف قيس: قيسوه اصحى
قيس:هممممممممم
محمد جاب كاس ماي بارده وكبه فوق قيس
قيس تخرع وقام:ها وش صاير
عمر وريان كاتمين ضحكتهم
محمد:صح النوم نايم ومخلي عمر وريان يتهاوشون عاجبك
قيس :اووف وذيلا من متى مايتهاوشون خلهم ع راحتهم.... ورجع ينام
محمد: ألا وين عبدالعزيز
نط من وراه عبدالعزيز:وهذا عزوز وصل
عمر: ليه تأخرت يازلمه
ريان:لايكون مرت ابوك النسره
عبدالعزيز:ومن غيرها لازم تهاوشني قبل مااطلع
محمد: انت ليش ساكت عنها خبر ابوك
عبدالعزيز: لوخبرت عليها ايد ابوي بيطلقها ومحد بيضيع غير اخواني اللي من ابوي
قيس وهو نايم ع الطاوله: الله يعينك بس
عمر:سبحان الله حتى بنومه يتكلم مايفوته شي
ريان :ملقوف ترا
قيس: رييانوه سمعتك ترا
ريان: بسم الله
وجلسوا يسولفوا وبعدين كل واحد رجع لبيته يستعد للمدرسه بكرا
نهاية البارت توقعاتكم
ردودكم تسعدني أحبتي^_^
ملاحظه:البارت ينزل كل خميس

حلم الحياة⛅

ردودكم تسعدني......

الرواية كما يبدوا جميلة بس لو تحطين عليها كم حبتين فلفل وتزبط معاك أكثر
اتوقع مع الأحداث الجايه راح تصير أجمل

اتمنى لك التوفيق