كاتب الموضوع :
ارادة الحياة
المنتدى :
القصص المكتمله من وحي قلم الاعضاء
رد: احبك ذاتي بقلمي / ارادة الحياة .
مبدعه بجد..أم أحمد.. و سعيدة جداً إني قريت لكاتبة متمكنة مثلك ..
رواية ممتعه و مؤثرة بالنفس بشكل كبيــر..
حلووووو لما الواحد ينقطع عن القراءة لفترة طويلة...و يرجع على هيك إبدااااع جميل
تعرفين شعور اللي متحمس يبي يقرأ بسرعة عشان يعرف وش بيصير للأبطال...بنفس الوقت ودي اقرأ على مهل عشان استمتع بكل شعور و موقف كتبتيه..
و عشان مااااودي أبداً ينتهي هالجو الجميل اللي عشته معهم
يكفي ان الرواية عراقيه عشان تدخل القلب بسرعة..كيف لو كانت منسوجة بهالرقي..و الاحساس
حلوووكم يا أهل العراق .. ويا حبي لكم ..و للهجة العراقية..(فيس يتذكر نفسه وهو متسدح عند برنامج الصدمة)
-الحوارات شي جميييل جداً..أبداً ماحسيت فيه حشو..أو كلام لمجرد الكلام
-كل شخصيه كان حوارها و كلامها يناسب عمرها..و شخصيتها..
-مافيه إستضراف من الشخصيات ومحاولة تخفيف دم..الضحك معهم كان يجيني عفوي..
(ههه ذكرت هالنقاط لأنها تنرفزني دايم بأغلب الروايات)
(قريت فوق ال10 أجزاء دفعة وحده...ماقدرت أوقف..عشان ما أحس بتأنيب الضمير سويت لأهلي عشاء معتبر و أول ماخلصت المطبخ وهمه..خخخ قلت لهم باي باي و اعتكفت بغرفتي على هالأجزاء الجميله..
بس فيني غصة كلام كثيييير كان ودي اقوله واعلق عليه بعد الأجزاء اللي قريت..لكن راح وقته و أنا اكمل و ينكشف قدامي كل اللي كنت بتكلم عنه)
لكنها خيره..كنت بأطب في ناس و اشرشحهم من قهري عليهم..لكن اللحين عذرتهم و وقفت بصفهم..
*..اكتشفت انه فعلاً حتى بحياتنا تاخذنا العزة بالاثم..و من موقف سمعناه..أو عشناه..نبني أفكار ممكن نكون غلطانين فيها..و لا نفكر بالأسباب أو نحاول نعطي أعذار..
سارة
الشخصية اللي عشقتها بجد..
حياتها..شغلها..أسلوبها مع زوجها..بناتها..
و رغم اعتراض الكل على اللي سوته مع أهلها..و أهل زوجها..لكن أنا اشوف معها الحق..و كل الحق
لأن فيه ناس مريضة..تكره بدون سبب..ولو تقدمين لها معروف من هنا إلى سنه ماراح يفيد فيها..
لأن الحسد اللي جواتها يبي يشوفك غلطانه و بس..عشان يريح نفسيته المريضه
معها بكل شيء..إلا علاقتها بأمها..لأن الأم مهما بلغت قسوتها..و تجريحها..فهي أكبر من الكرامة..و الزعل..و ما عدت اتحمل
هجرها لها عقوق..و العقوق من الكبائر
اتمنى اشوف لقاء لها بأمها..يريحني عليها..لأنها جد شخصية قوية استنكر عليها مثل هذا الخطأ..
هوزان و خالد
ودي أعرف معنى اسمها...لأنه عاجبني مررره
و بصراحة ماني حابه اتكلم عنها و عن خالد..لأنها قاهرتني
واضح إنها للحين تحب خالد..و لا عندها أي مانع ترجع له..عشانها أو عشان ولدها
لكن أنا للحين فيني حرة ال13سنه اللي عاشتها بقهر و حزن وخيبة..و ذل من الناس
حتى لو كانت هالسنوات حولتها للأفضل..بعد ما تمحي خطأ خالد و أنانيته..و غدره
و حتى لو سامحته أنا ماراح اسامحه..خخخ ولو يصير كان دخلت الرواية و فصلت الانعاش عنه و خليته يموت بحسرته<<فيس حاقد و ما نام و متحمس للشر بقوووه
مؤيد و خلود
تمنيت من كل قلبي يكونون من نصيب بعض..عشان مؤيد مو خلود
اوووجعني قلبي يوم راح مهند بالجاهة لأخوه الحقير و احرجه قدامهم..
من أول ما شفت الترحيب و الابتسامات و أنا قرصني قلبي..و ليت ظني خاب و ما صدق
محمد و ختام و بهيه
يختي محمد كل شي فيه توب إلا إنه يحب هالختام..بصراحة مابلعتها لا هي و لا بنتها حتى بعد ماتعدلوا..يستاهلون اللي صار فيهم
هاذي أكيد دعوة الناس عليهم..
لأن هالأشكال اذا عافاها الله و رزقها ما حمدت ربها..و شافت نفسها فوق الخلق
فخليها تنكسر عشان تعرف إن الله حق..و تلهى بعيوبها عن عيوب الناس
صبر
مشاعري متضاربة ناحيتها..كنت اكرهها و اللحين راحمتها
اتمنى لها شخص..يعوضها مر السنين اللي راحت مع كاضم
ودي تعيش الأمان..و الحب..و الدلع..اللي تستاهله
من أول ما قريت سالفة خطبتها من سلام..و رأيها و رأي الكل فيه..جات ببالي حالتين لثنتين من معارفي
الأولى متزوجه شخص ملتزم..الكل يمدح فيه و بأخلاقه..و شخصيته و هيبته مفروضه على الكل..و وساطته مقبولة بكل شي
لكن اللحين زوجته اذا شفتها..إنسانه مافيها حياة..احسها واقفة بأفكارها و شخصيتها و لبسها على 10 سنين ورى
حتى عياله كلهم مهزوزين..انطوائيين..و لا عندهم جرأه يختلطون مع الناس بسهولة
و الثانية تزوجت من واحد الكل يعرف إنه راعي سفرات و بنات....و نسمع عنه كلام كثير الله يستر عليه..كلنا انقهرنا كيف رضت البنت و اهلها فيه
و سبحان مغير الأحوال..الرجل بعد الزواج كمل دراسته و تقدم في شغله..و زوجته مدلعه آخر دلع..و عياله ماينقصهم شي و يخاف عليهم من الهوى
يعني لدرجة انه ممكن يزعل على ناس بس عشان عيالهم زعلوا عياله
..أنا طبعاً هنا ما ارشح كفة اللي مثل سلام..و لا أعيب بإنسان ملتزم..أنا بس أقول إن كل شيء بيد رب العالمين..و الزواج مافيه أي مواصفات تضمن نجاحه..كله توفيق من الله سبحانه وتعالى
ياسمين و مهند
يسلم عليك بدر بن عبد المحسن ويقولك :
ليت الشوارع تجمع اثنين صدفـه
لا صار شباك (أبلا إرادة) مجفـي
..ليتك تقبلين جاهة بدر بن عبد المحسن..و تطبقين سيناريوهات الجميلة زارا
و تخلينا نعيش اللحظة اللي الكل يستناها..
تسلمين غاليتي على هالابداع الجميـل....و بإنتظارك
|
05-09-16, 08:43 AM
جديد مواضيع قسم القصص المكتمله من وحي قلم الاعضاء
العرض العادي
