(الواحد والخمسون)
ان بعد العسر يسرا~
•
•
لا تضايـق لــو يصير اللي يصير
كــلّ قــلــبٍ مـن هـمـومـه مـرتــوي
داام لـك ( ربٍ ) عـلى هـمّـك كـبـيـر
خــلّ قـلـبـك فـي مـواقـيـفـه قــوي
•
•
أم انس /اقول يام عبدالله تعرفين اختي هاجر جلست عشر سنوات من تزوجت. ولاجابت احد
هند /اللي جابت بنت قبل شهر
أم أنس /هي الحين الحمدلله. عندها 3
هند /ايه اعرفها
أم أنس /هذي راحت لام صالح. اللي تداوي الحريم والله ماكملت شهرين الاوهي حامل. تقرا وتعطي قرايات. واعشاب. والله مااحد راح لها الا وتشافى. السبب ماترك وانا اختك روحي ويمكن تعرف. علاجك والله. انك مزيونه واميره تستاهلين كل الخير. الله يكتب لك الشفاء ونفرح بعيالك
أمل /بس انا ماعمري رحت زي كذا
هند /وش فيها. لارحتي. منتي خسرانه شيء.
أم انس / ذي حرمة معروفه باخذ رقمها اتصلت باختها واخذت رقم. ام صالح وعنوانها. وعطتها أمل
أمل / طلعت. من عندهم وهي تفكر بالموضوع. راحت للبيت
نواف/ عنده ضيوف
جلست مع فهد وتفكيرها بالموضوع
لما نام رجعت. لغرفتها
ظلت سرحانه
نواف/ دخل غير ملابسه وهي ماتحركت ولا اصدرت اي حركه
نواف /ضمها وين راحت حبيبي
أمل / هلانواف متى جيت
نواف /لي ساعة هنا. سرحانه عسى ماشر
امل / مافيه شيء
نواف/ احد ضايقك. عند هند
أمل :لا لا موكذا نواف. اوعدني ماتعصب
نواف /كلي لك جلسها بحضنه امري تدللي
أمل /قالت له موضوع ام صالح
نواف /امل انا قلت لك ماابغى اطفال خلاص
عندي فهد. يكفي. مابي تبكين مابغى تتعبين
أمل /حضنته تبكي. لا انا ابغى لفهد اخوان دايم يبكي.
انا ابغى تفرح بالبنت اللي تحلم فيها دايم.
نواف / ماعاد ابغى اشوف دموعك ابد. انتِ مكفيتني الدنيا كلها. وضمها بقوة

أمل /واذا انا ابغى
نواف/ عارفه طلباتك اومر. بس اوعديتي ماتتضايقين مابي تتعبين
أمل /باسته وانت واوعدني اذا قالت لي نفس الكلام تتزوج
نواف/ صاحيه انتِ ماراح اتزوج ماابغا عيال.
أمل /صارت تبكي بحضنه شالها ونيمها بحضنه
الصبح روتين كل يوم. بعد ما راح فهد لمدرسته
رجعت الا نواف توه صاحي
أمل /ليه صاحي بدري. ارجع نام
نواف /تعالي ليه مانمتي
أمل /ماجاني النوم
نواف/ قام وحضنها ورجعها للسرير
أمل.انا احبك لاعاد تفكين بموضوع الاطفال
امل /نواف انا ابغى لفهد اخوان.
ابغى اشوفك سعيد. ابغى وصارت تبكي
نواف /طيب انا موافق اللي تبغينه سويه اهم شيء مابي دموعك
نام نواف وهي بعد نامت ثم صحت جهزت الحمام لنواف وشغلت الفواحات رتبت الورد بالفازات
غيرت ملابسها. وصحت نواف صحى وظلت معه لين طلع للشركه حقته اخذت رقم ام صالح واتصلت عليها. قالت لها لازم تجين واكشف عليك مااقدر اعطيك شيء لين اكشف عليك
سكرت واتصلت بهند
الو صباح الخير هنوده كيفك اليوم
هند /صباح الورد بخير الحمدلله
كيفك انتِ ولدك عساه بخير
أمل /كلنا بخير الحمدلله هند انا اتصلت من شوي على ام صالح قالت لي مااقدر اعطيك اي شيء الا بعد الكشف
هند/شيء اكيد كيف بتعرف وش فيك وهي ماشافتك لازم تروحين لها
امل /بس انا خايفه
هند /تبغين اروح معاك
أمل /يليت.
هند /اجل مريني العصر ونطلع لها. لاتبطين علي تراها تسكر قبل المغرب. والبسي شيء زين على شان الكشف لاتلبسين لي قصير.
أمل /بنطلون وبلوزه يمشي
هند/ ايوه يمشيء
امل /بصلي عندك العصر
هند/جيبي فهود معك اشوفه من زمان عنه
أمل/ ان شاءالله
سكرت من هند صلت جلست تقران قران الا فهد. جاي يبكي
وملابسه كلها طين
امل /اطلعت من الغرفه وشالته من بنطلونه وعلى الحمام حمموه وبعد مالبس. وروق
فهد /ماماوين السمكه. نسيتها
امل/ اي سمكه
فهد /اللي كانت بجيبي
امل / مسكت راسها. الاسماك تنحط بالمويه مو بجيبك
فهد /انا كنت ابغى تشوفينها انا صدت سمكه حمرا
أمل /من وين جبتها
مسكها وطلعت الا البركه الصغير اللي فيها الاسماك كلها طين والسمك ميت
أمل / ليه يافهد
فهد /يضحك على شان السمكه حلوه وانا قلت اجيبها لك هديه
أمل /فهد ونزلت له حطت يدينها على كتوفه. حبيبي السمكه ماتت وحتى كل الاسماك ماتو حرام
فهد /بس انا. ابغاها لك انتِ على شان ماما تكون سعيده. وفهد يكون سعيد
أمل /ماما تكون سعيدة لما اشوف فهد. بخير ومايكون مشاغب ومايخرب اي شيء.
الحين تطلع زي الشطار وترتب كل اللي. خربته
وطلبت الشغالات يساعدون فهد ورجعت للصاله وجلست
وبعد نصف ساعة الا فهد يركض خلصت انا الحين شطور صح تعالي سوفي ياماما
وجابها للبحيره الاهي نضيفه وزاع جنبها وردتين
امل /الحين فهودي بطل ومن حقه الورد الجميل ذا
فهد /ذي لفهد وذي لماما
بسقيه كل يوم. وعد ماانساها
امل/ وراح اطلب اسماك جديده
. يالله وقت الغداء غير ملابسك وعلى السفره
فهد /انا جوعان
طلع وغير ملابسه وجلس جنب امه وتغدوا
أمل /فهد راح نطلع الحين لبيت خاله هند
فهد /النونو حقهم اللي امس صح
أمل /صح ذا اسمه زياد
فهد /اقدر اخذه عندنا بالبيت. ويصير نونو حقنا
أمل/ لا مايصير مابي تضايقه تلعب معه ومع البزران لين ارجع واخذك اوكي.
فهد /ابغى نانا معي. تروح
أمل /اصلا هي بتروح معانا يالله غير ملابسك. وولاتنسى جوالك ونظاراتك زي كل مره
طلعت غيرت وتجهزت. والافهد كاشخ ويعدل نظارته بالممر
أمل / فديت الكشخه ذي لاعدمتك عساني اشوفك عريس
فهد/ ماما اخذي صوره حلوه على شان ارساله
لعمه مشاعل تشوف الطقم علي
أمل /ان شاء الله وطلعت جوالها وصورته وصورت معه. وعاد فهد انبسط لما عمته عجبتها الصور
وطول الطريق وهو يتكم عمه وعمه وعمه ونواف وسعود ومنصور
أمل /فهود خلاص وصلنا.
ونزلوا. ودخلو
هند/ الله حيها نور اللبيت. صلي على شان نمشي. انا جاهزه
وين ولدك اختفى
أمل /من شوي كان معي اكيد داخل مع البزران اصلا هو جاي على شان النونو حقكم يقول بيغى ياخذه ههههههههههه
هند /صلي لانتاخر بروح ادوره. ذا الشيطون
هند/ مسكته وشالته وهو يصيح ابغى النونو

هند /فهد انا خاله ليه تصيح
فهد/ خاله وين نونوتكم جبت العاب له وينه
هند /شادن جيبي زيود لفهد
فهد /خاله. اقدر اشيله انا اشيل عيال عماتي ترى
هند /جات الدمعه عيونهاوهي تشوف كيف فرحان بزياد . ودعت من قلب – يارب. فرح قلب اختي بطفل
صلت امل. ولبست عبايتها
أمل/ هند انا جاهزه اتركيه مربيته معه.
هند/ بلبس عباتي ومشينا سعود. بياخذنا
في كلامهم الا سعود جاي من المسجد
سعود/ الله حي. بنت عمي نور البيت
أمل /االله يحيك ويبقيك يابو عبدالله وعمره مقبوله
هند/ كملوا سلامكم بالسيارة
سعود /مشينا طلعوا لبيت ام صالح
طلعوا ودخلت. امل وهي خايفه
وكان الحريم زحمه. وجا دورها دخلت هي وهند
سالتها عن كل شيء وكشفت عليها.
ام صالح قامت ودخلت بغرفة. جنبه ثم جابت كيسه كبيره
وعلب مويه
ام صالح. يابنتي امرك بسيط ذولي تاكلينها الصبح وذولي بالليل والماء اشربيه اربع مرات. واشربي ماء زمزم طول الليوم واقري البقره مرتين بعد الفجر وبعد المغرب. وبعد مابي احد يعرف انك اخذتي علاج
وقللي الطلعات ولاتروحين اعراس وبعد اسبوع تعالي انتِ وزوجك
وماتشوفين شر. عطوها فلوس وطلعوا
امل/ هند ماقالت لي شيء
هند /ان شاء الله خير بس طبقي اللي قالته بالحرف. الواحد والله يكتب لك الخير
امل/رجعت الاخواتها مجتمعين وتعشوا اخذت ولدها ورجعت للبيت
طبقت كل اللي قالته ام صالح ولا طلعت من اللبيت
أمل /نواف لازم تروح معي اليوم

نواف /اوكي. بنام ولما يجي الوقت اللي تبغين صحيني
أمل /الله لايحرمني منك ابد.
راحت لها مع نواف. دخلوا لها. بمكان ثاني. على شان نواف
نواف /جالس شيء غريب عليه
ام صالح بعبايتها
ام صالح /سالت امل اول شيء عن العلاج وش حسته بالاسبوع اللي فات
ثم قالت انسدحي وكشفت عليها وطولت المره ذي
ثم مرختها (مساج للارحام ) ثم سالت نواف اساله
لما خلصت من كل اسالتها قرت عليها وامل صارت تصيح وتبكي
حضنها نواف
ام صالح ياولدي انتم جايتكم عين قويه ومصادفكم حسد. والله يبعد عنكم عيال الحرام
وقامت وجابت ثلاث كراتين
وشرحت لهم وش يسسون بالحرف وقالت غيروا غرفتكم وطول اليوم شغلوه الرقيه ذي وعطتهم سي دي
وبعد شهر راجعوني. وتراها بتتعب مع العلاج. بس لاتوديها للمستشفى ابد ولاتقولون لاحد عن العلاج ولاتخاف عليها الله بيده الشفاء والصدقه باليوم الافضل انك بنفسك تطلعها من بعد صلاة الفجر
نواف /ان شاء الله
عطاها فلوس ومسك امل وطلعوا
غيروا غرفتهم جلسوا بغرفة الضيوف اللي تحت وطبقوا كل كلام ام صالح
امل على نهاية الشهر بدت تتعب. حيل وتحاول تتماسك على شان نواف.
باقي يومين على موعد ام صالح
اليوم أمل حيل تعبانه ماتقدر تتحرك ابد
جسمها ضعيف وعندها رجفه بعض الاواقات
وعندها صعوبه بالتنفس
نواف شافها تعبانه جلس وكمل اشغاله بالبيت على شان يكون جنبها بعد العشاء صارت ترجع
نواف من خوفه عليها منع الخدم يدخلون جلس معها لحالهم. وارسل فهد لعمته مشاعل
صار يقرا عليها وهي ترجع. من بعد 12 صارت تنزف
نواف غير ملابسها على باله انها دورتها. خاف تبرد لفها بمفرش صغير وكمل قرايه. صارت ترجع دم
نواف. قبل صلاة الفجر امل ماعاد تحس عليه ارهقها الترجيع لا ودم بعد
صلى ودعى من كل قلبه يارب مالي غيرها اشفيها وخلها لي. ودموعه تنزل. يارب امل اغلى شيء عندي يارب اشفيها لي وخلها لي
قام لقها ترجع غير ملابسها ولفها بس فقدت الوعي خاف اتصل بام صالح قال لها. اللي صاير قالت تعال وجبها لي بسرعة
غير نواف لف امل بعبايتها ولفها بمفرش صغير ونزل
وعلى بيت ام صالح
ام صالح حطها هنا ياولدي لاتخاف
هاديه سمت عليها. وصارت تقرا وتنفث عليها
ثم قامت جابت كاس فيه مويه معها وسقهتها امل وكل مره تسقيها ترجعه. ونفس الحال. لين كملت سبع كاسات
ثم غيرت مع نواف ملابس امل سوت لها مروخ. يعني دهنتها بزيت. وابتسمت
ثم لبستها قميص من عندها ولفتها بشرشف
وكملت قرايه امل تحركت حركه بسيط ه ثم هدت وباين انها نايمه
ام صالح /لاتخاف ياولدي. راح الشر والحمدلله والحين هي بخير
ثم صارت تسال نواف.
لما خلصت اسالتها
ام صالح /قامت ودخلت. داخل وتاخرت عليهم
ثم رجعت باربع كراتين كبار
وجلست
ام صالح /نواف ياولدي زوجتك والحمدلله حامل
نواف /فتح عيونه على الاخر وامل بحضنه نايمه مو مصدق. اللي سمعه
حامل. صدق
ام صالح /صدق حامل بس حمل ضعيف. ممنوع تتحرك اي حركه البيت اللي كنتوا فيه لاعاد ترجع له الافضل تاخذها بعيد لمكان ماعمرها جته بعيد عن عيون حسادها
بعد قالت له ايش التعليمات الجديده وموعدهم بعد ثلاث او اربع شهور
طلع نواف شايل امل والدنيا ماهي سايعته من الفرحة
اتصل بالبيت وطلب يجهزون ملابسهم. اتصل بمشاعل وقال ارسلي فهد بسافر واخذه معي

عطر لسانك بذكر الله تروح الهموم
وأكثر من الأدعيه و إستغفره و إحمده
يارب رحماك ياللي في نعيمك ندوم
سهل مصاعب عبادك و إشرح الأفئده

الثاني والخمسون)
الله يخليك لي …
•
•
حبيب روحي ..مهو نفسي ولا عقلي
لأن عقلي يشك .. ونفسي تعاني
روحي تحبّك وروحي ماهي بمثلي
تخيّل ان روحي تدعي لك وتنساني
•
•
نواف/وعلى المطار وانتظر بالسيارة لين يجي فهد
امل /صحت فتحت عيونها الا هي بحضن نواف
نواف /بسم الله عليك. وشربها ماء مقري
نامي وارتاحي رجعت سكرت عيونها. ولاصحت الا بالفندق بجدة
صحت الا هي برضوا بحضن نواف
أمل /بصوت ضعيف وين انا
نواف /باسها حنا بجدة وبعد ساعة راح نسافر
أمل /ليه انا تعبانه
نواف /لانك يدنيتي. تعبانه لازم نسافر
نواف من فرحته ماقدر مايقول لها
لما شافها احسن. وشربت عصير
أمل /وين فهد
نواف/ فهد بالغرفه الثاني يتفرج على فلم
أمل ارتاحي يادنيتي وحضنها وصار يبكي ويبوسها
أمل /وش فيك لايكون فيني شيء خطير
نواف/ فيك احلى شيء امل بقولك بس بليز تماسكي ماابغى فهد يحس بشيء لاتصيحين ولاتبكين
أموله انتِ حامل
أمل /ماصدقت ولا ابدت اي انفعال
نواف /انتي حامل راح يصير عندنا نونو ان شاءالله
أمل /نزلت دموعها ومن قال كيف عرفت
نواف /ام صالح قالت لي. وقالت لازم ماتتحركين لاتبكين مو زين لك مسح دموعها اعرف انك فرحانه بس على شانه لاتبكين امل تاشر ماراح ابكي
وضمها نواف وصار هو يبكي
ثم طلعوا على ماليزيا
اول جلسوا بالفندق لين نواف حصل بييت حلو على منظر جميل
ونقلوا له.
نواف / ترك الدنيا كلها ومسكر جوالاته. ومستمتع. مع امل
نواف من زود حبه لها وخوفه عليها. هو اللي ياكلها يشربها يحممها يلبسها ويغير لها كل شي. يسويه نواف حريص على العلاج اول شهرين كان صعبه على امل. لما دخلت الثالث تحسنت. كثير بس عواض الحمل العاديه والوحام. اللي جننها
ولما دخلت الرابع ام صالح قالت باخر اتصال حركها بشويش. وفعلا بدت تتحرك شيء بسيط
نواف /كيفك اليوم
امل / الحمدلله. مشيت لين الشرفه. وكلن الوضع كويس
نواف //الحمدلله. ام صالح قالت لي اليوم خلاص الوضع طبيعي ومافيه خوف بس ممنوع الحركه كثثير تشيلين شيء وكذا
أمل / الحمدلله بس المره تعبني الوحام. لما كنت بفهد لبي قلبه ماتعبني
نواف/ والله. ولا طولتي. ذا من اول شهر للحين وشكله مطول. ماخليت شيء بالسوق ههههههههه
امل /فهد ياجعلني مابكيه. بس
نواف /اقول ترانا دلعناه بزياده
امل /اعرف باحاول فيه وش صار على الفواكه
نواف /طلبتها وراح توصل. اسمعي بكره باخذك للمستشفى على شان نشوف النونو
امل. /ماابغى. اطلع. وبعدين بدري عليه
نواف /اللي تامرين فيه اخر الشهر نروح
امل جلست تقرا. لفهد. ونواف جاب الفواكه ورجع
نواف /اغراضك شوفيها انا بنام. فهد مابي ازعاج
فهد /بابا ابغى عمه مشاعل وصار يبكي
نواف /عمه في لندن ماهي بالرياض
فهد /طيب اروح لها لندن مليت هنا رجعوني عند جدة وعماتي
أمل / وتتركني يافهد
فهد /لا باخذك معي. ونترك بابا. هنا
نواف /مافيه سفر ومسكه وصار يسوي حركات معه. على اساس يخانقون
امل / فهد نواف انا تعبانه بلا ازعاج
فهد/ ماما انا اسف. لاتتعبين. انا اسف ياماما وباس راسها ويديها ثم تاسف من ابوه. ورجع باس امه وركض لغرفه وغير ملابسه. وفرش اسنان ووعلى سريره الا نواف جايب كاس الحليب شربه ونام
نواف /ولدك اليوم نام بسرعة. انا بعد زيه اشتقت للرياض
أمل /وانا كثير. اشتقت لها
نواف /ان شاء الله اخر الشهر نرجع اكون متطمن عليك اكثر
امل احسن والنونو بخير واللي فرح امل ونواف انها بنوته. عاد نواف كل شوي يبوسهااوياروح ابوك انتِ
نواف/ اخير بعد بكره للرياض مستعده
أمل /ايوه جاهزه بس للحين ماخبرت فهد عن النونو
نواف/ باين عليك الحمل الحين. خلاص قولي له نشوف دلوعك وش بيسوي
أمل /ترى مو مره. لما كنت بفهد. كنت بالثالث ومره باين والحين بالرابع دوبه باين. لاتكبرها.
نواف/انا عندي كم شغله. راح اخلصها. تامريني شيء
أمل /سلامتك
نواف /مشتهيه شيء. اجيبه معي
امل /ابغا حلاو قطن لونها ابيض
نواف/ هههههههههه واذا ماحصلت ابيض
أمل /ابغى ابيض. تصرف. وشوف لي فهد معك
نواف / بنتك بتجيب راس ابوها
امل متمدده بسريرها الا فهد جاي
بكتابه
فهد/ماما الريدنق تايم
أمل /اول بوسه وتعال جنبي
قرا فهد شوي.
أمل /فهد سكر الكتاب خلصنا ابغاك بموضوع
تحمس فهد وجلس قدام امه
أمل /انا وبابا راح نجيب لك اخ او اخت
فهد/ يعني كيف بابا راح يجيبه معه الحين
أمل /لا. ماراح تجي اليوم يبغا لها فتره
فهد /عرفت يعني انتم طلبتوها. وراح تجي بعدين
أمل / مو كذا بس تشبها انت نفسك ببنت او ولد
فهد :انا ابغى زي دانه وسعود ومنصوروعبدالعزيز ونايف وزياد وعبدالله
وعبدالرحمن
أمل /وش وش كل ذولى حنا بنجيب لك واحد بس مانقدر نجيب لك زي عيال عماتك كلهم
فهد / واي نوت لف مي خلاص ماعاد ابغى لي اخوان رجعوه. ماابغا وراح يركض لغرفته يبكي
راحت له امل تبغى تفهمه مافيه فايده
رجعت لغرفتها. مصدعة
رجع نواف. دخل غير عطاها الحلاو وطلع لفهد غير ملابسه وفهد معصب رجعوه مابغى انتم ماتحبوني. ومن اكلام اللي صدع بنواف
نيمه بعد الويل وراح لامل
نواف /امل جننني. شوفي له صرفه ماصدقنا حنا. تحملين ما ابغى رجعوه
أمل /صدع فيني. والله. الحين عرفت لما عمي وهند كانوا يقولون انتِ مددلته. وانا اقول لا.
نواف /مره مددلته والحين حصليها
امل /بكره يفرجها الله
نواف /كيف الحلاو
أمل /جميل
نامت. ثاني يوم الاستعداد للعوده للرياض
امل /حبيبي. وينه فهد
نواف /ماعليك منه مسوي زعلان وحابس نفسه بغرفته. انتِ ارتاحي
لين موعد الطياره
امل /على السرير وغفت شوي الا تحس الحركه جنبها فتحت عيونها الا فهد نايم معها
حضنته وكملت نومه
نواف /اصحوا وسحب فهد وشاله
امل /خلاص نواف صحيت
نواف /يسعد لي. جوك يدنيتي انتِ وروحي وباسها
فهد /بابا عيب
نواف /ويسكر عيونه ويرجع يبوسها وطلع واخذ فهد وقف معه لين غير ملابسه وجهز
أمل /بعد جهزت
فهد/ ابغى اشتري هدية لجدة ولعمة مشاعل
نواف /خلاص شرينا هدايا
فهد /فهد ماشرى هديه لجدة ولا لعمه لا لا ويضرب ويبكي
أمل /نواف. نمر له. محل ياخذ له هديه
نواف /بس بنتاخر. كذا. توه الحين يتذكر انه يبغى هديه
طلعوا مروا محل ساعات ومجهورات
فهد / اختار لجدته ساعة قوتشي واسوراه ذهب واسورة وخاتم لعمة مشاعل وغلفوها وكتب البطاقه من فهودي الى احلى جدة احبك والى عمتي الغاليه فهودي
نواف/ يضحك عجبته فهودي ذي
ثم وجعوا للسياره وعلى المطار
طلعوا على الطياره. وبعد الاقلاع فهد يلعب قيمز
وامل /متمدده بالغرفه تحاول تروح الدوخه اللي عندها
نواف /جبت لك عصير. شربها وحضنها. فهد طلع ذوق
عجبني اختياره والله
لا وكاتب فهودي عربي والباقي انجليزي والله ولدي تحفه. الله يصلحه
نسخه عمته مشاعل
أمل /عمي متضايق من كلامه اللي مكسر. بعلمه عربي كويس لازم بالمدرسه يتكلم عربي زين زي الانجليزي
نواف/ مدرسته اهم شيء الانجليزي ترى
سوالف لين تعبوا ثم ناموا وصحوا
الرياض.
بيت ام نواف. كل الاستعدات الاستقبال. امل ونواف. من رحلتهم الغامضه
جوري /مشاعل بعزف لهم لحني الجديد وش رايك
مشاعل/ لا مانبي نصدع من عزفك. اكيد تعبنين من السفر
وبعدين ندى تعبانه. بلاش
جوري /اوكي. ليه مافيه بزران وش فيكم
مشاعل /خلي عيالك فوق مانبغى ازعاج هدوء. الجو. كاليالي بارييس الحالمه وجو الشرق الساحر
جوري /وش فيها ذي انهبلت. الحمل ماثر عليك
مشاعل /مو شغلك
ونزلت لندى وهيفاء. اللي يشرفون. على ترتيب الورد
ثم مرت الا العنود تنثر ورد بالممر
والفواحات بكل البيت
جلست مع او نواف اللي تمسح دموعها
مشاعل / افا ليه البكي كلها ساعة وهم عندها وهم بخير
ام نواف /مشتاقة لهم كثير وخايفه ان فيهم شيء
المطار
نواف /الحمدلله على سلامتك ياللغاليه نورت الرياض بام فهد

أمل /الله يسلمك ياقلبي الله لايحرمني منك ابد
فهد معصب ولايتكلم ولابس نظاراته وهم بالليل. ولابس قبعه ومنزلها على عيونه. مسوي الكبير الزعلان
طلعوا على بيت ام نواف
دخلوا جوري اول وحده سلمت وتبكي
نواف/ وش فيك. والله اني مرتاح من ازعاجك

جوري/ حرام اشتقت لكم والله وشايله فهد
دخلو سلموا على ام نواف والبنات
نواف /قايل لهم بنسلم وماراح نطول
امل /بعبايتها بس منزله طرحتها
جلست جنب نواف وفهد معصب وبس اي احد يكلمه يهاوش
ام نواف / تسولف كيفكم ومن الكلام ذا ونفس الشي خواته
اام نواف وخواته ماانتبهوا. لامل. انها حامل ولافكروا. بالشغله
لانها سامنه والحمل مو باين بالعباية الواسعه
أمل /فهد تعال
جا فهد وتكلمت باذنه وراح جدته وقال لها باذنها
فهد /جدة ماما راح تجيب لي نونو
ام نواف /صارت تبكي. ضمتها امل ونواف وهم يبكون
مشاعل./فهود تعال وش قلت لجدتك
فهد/ هرب ومسكته هيفاء. وحطته بينها وبين مشاعل
مشاعل /وش قلت لجدتك
فهد /ماابغى بعدو عني
مشاعل /فهد. قول وش قلت لجدتك
فهد. /عمه ماابغى النونو خليهم يرجعونه انا مابغى نونو خلاص. عمه قولي لماما ترجع النونو
مشاعل /اي نونو
فهد /النونو اللي ماما بتجيبه لي
مشاعل /قامت تركض لامل وضمتها تبكي
جوري وهيفاءبعد ضموها العنود وندى ضمو نواف
ام نواف /الحمدلله مبروك ياعيالي يارب يخليه لكم وتقومين بالسلامه
نواف/ يالغاليه لاتبكين جعلني فداك
ام نواف/ والله من فرحتي ياولدي انت غالي وامل غاليه الله يقر عينكم فيه
أمل /ويخليك لنا يارب ولايحرمنا من فرحتك
ثم جو خوات. نواف وباركوا لهم عاد جوري ومشاعل يبكون ماقدروا يوقفون
هيفاء /مبروك يانواف مبروك يامل.ك مااعرف كيف اعبر ضمت امل وصارت تبكي
نواف/ ماصاا رت وسحب امل وجلسها جنبه
اسمعوني امل تعبانه ولازم راحه اعرف تحبونها بس مو تقلبونها عزاء. وصياح

مـلّـت ( عيوونـي ) صبـرها
ومالي على البعد اعتراض
شفت الرياض وش كبرها ؟
مشتاق لك كبر الرياض !

(الثالث والخمسون )
أستودعتك الله الذي وضعك بقلبي
•
•
قبل الورق وانتِ في بالي قصيدة
وبعد الورق ضيعت انا كل الأشعار
•
•
ام نواف /امل اعذرينا والله من فرحتنا
امل/ مسحت دموعها وراحت لها وضمتها
نواف /امل مشينا لان. ماراح يوقفون جوري انتِ ومشاعل خلاص ماصارت الحمدلله الله شافها وحامل ادعو لنا بدال البكاء ذا
مشاعل /انا اسفه نواف اعذرني وطلعت فوق
جوري/ سلمت على راس نواف وانا اسفه وطلعت تبكي
نواف /يالغاليه امل لازم ترتاح اعذرينا. نستاذن
هيفاء اخذي فهد تراه جنن امه
هيفاء /ماعليك منه باخذه معي وهو يلعب بحضنها
نواف وامل سلمو وطلعوا
امل /نامت بالسياره من التعب
ولاصحت الا نواف ينيمها على السرير فتحت عيونها نواف
نواف /عيونه وروحه ودنيته امري تدللي
أمل /عطشانه
نواف / ابشري. عدل جلستها وجاب كاست المويه واسقها
أمل / اقدر اشرب بنفسي والله
نواف / لا دامني معك انا اللي اسوي كل شيء فديت الخجلانه انا
سولف معه شوي ونامت
نواف /طلع للمكتبه وجلس
ثم رجع ونام
اليوم الثاني
امل /صحت شافت الغرفة غير نواف وين حنا
نواف /ضمها في بيتنا ياروح نواف. وش فيك
أمل / نزلت من السرير اخذت شاور ولبست. بس ماهي غرفتهم المكان غير
ثم طلعت وقفت
نواف /حضنها من ورى. ذا بيتنا الجديد. وشالها وصار يلف فيها البيت كله
نواف /عجبك البيت الجديد
أمل /جميل ورايق عجبتي غرفة فهد حيل
نواف / اول الحين لازم تاكلين. وترتاحين
بعد الفطورشالها نواف لغرفه فاضيه
نواف /ذي غرفة حبيبة ابوها. انا اللي بصممها واختار لها كل شيء
أمل /حلو واسعه واهم ان غرفهم قريبه من غرفتنا
نواف /على شان ماتقلقين عليهم.
بدور لها اسم جميل
أمل بطلع للغرفه ارتاح
نواف /حياتي العصر ان شاءالله راح نطلع لام صالح على شان تشوفك
امل /يصير خير
نامت امل.
ونواف/ طلع للشركه ورجع العصر
واخذها وطلعوا لام صالح
اول مادخلو لها سالتهم. ثم كشفت على أمل
ام صالح/ الحمدلله صحتك بخير والجنين بخير ارتاحي وانصحك لا تجلسين بالاجتماعات. والله يسهل ولادتك على خير
نواف /ياخاله الله يسعدك بكل بشيء تتمنين وذي مني. لك والله مااعرف انا وزوجتي كيف نشكرك
ام صالح /ياولدي جزاي من الله واللحمدلله لللي فرحكم
ورفضت هدية نواف خذت اجره الكشف وطلعوا
أمل /نواف ياقلبي
نواف/ عيونه ودنيته ومسك يدها وباسها امري تدلللي
أمل /خليك لي يارب ولايحرمني منك ابغى ازور عمي دامنا قريب منه
نواف /اوكي نزور عمي بس اسمعي ماراح نطول على شان ترتاحين
أمل /ان افتكينا من حلوف عمي ماراح يطلعنا قبل العشاء
نواف /ماعليك انا بكلمه ويتفهم وضعك
وعلى بيت العم سعود والمغرب ياذن نواف راح للمسجد وامل دخلت
اول ماشافوها بنات عمها صياح وبعد قلبوها بكي واللي خفف الامر ان بالاسبوع وبس غند وغدي والبيت هادي على غير العادة
دخلت سلمت وصلت والبنات يبكون
أمل /بالله وش يبكي
غند /فرحانين لك والله
أمل /شوفي عمي جا من المسجد
غدي /وش فيك مليتي منا ماعاد نبكي. بس خليك عندنا
أمل /انا جايه اسلم على عمي وارجع للبيت مااتحمل اطول واناجالسه شوفي لي عمي
غند/ راحت تركض الا ابوها داخل المجلس مع نواف
ورجعت مسرعة
اموله اموله دخل للمجلس الكبير مع زوجك. بروح اجهزه القهوة. تقدرين تروحين اخواني مو هنا
أمل / غريبه وين القبيله مختفيه
غدي /بالشرقيه
وطلعت امل للمجلس
نواف /توه يتكلم ويمهد للموضوع الا امل داخله عمها اول مادخلت ماانتبه لها العبايه واسعه بس لما قربت وحضنها صار يبكي باين الحمل
العم سعود /الحمد لله الحمدلله. ونزلت. دموعه الله قر عيني فيك بخير. والحمدلله. على انك حامل وانا اقول وش فيه نواف من اليوم يلف ويدور
نواف /وقف وسلم عليه. الله يخليك لنا
امل جنب عمها. ويسالها
بعد ساعة
نواف /عمي. نستاذن حنا.
العم سعود /مافيه لازم العشاء تعشون ثم ترجعون بيتكم
لي اربع شهور ماشفتكم لكم حق
أمل /عمي ماتقصربس انا تعبانه والله مااقدر
نواف /سلم على راس العم سعود والله ياعمي مانقدر امل ممنوع عليها التجمعات. وتتعب بعد.
العم سعود / طيب اول ابيك يانواف بكره تجيني بالمكتب.
وبعد يامل. ابيك ماتتحركين طلعت مافيه وخواتك بقول لهم يويل وحده تجيب لك بزرانها خواتك وبس وبعد يزورنك ببيتك والله ماصدقت تحملين اهتمي بنفسك وانا بجيك. كل يوم مابي تتضايقين مابي تبكين نواف ماراح يقصر لاتتعبينه معك. اسمعي الكلام
امل /الله يخليك لي يارب ولايحرمني منك. وسلمت وطلعت وطلع معهم لين الباب
العم سعود/الا ولدك وينه ماشفته
نواف /عند عمته. زعلان لاجيتك علمتك بعلومه ومشى نواف
امل /تعبت.
نواف /بسم الله عليك. ورجع الكرسي واسترخت
أمل /مااتصلت على هيفاء اشوف فهد
نواف /. لا انت ارتاحي يلعب واكيد ناسي الدنيا
لما وصلوا للبيت شالها وطلعها فوق.
وغير ملابسها. وصلت ونامت.
ولاصحت على على صوت مشاعل ونواف عندها يسولفون
امل /البيت كبير. وقفت على هنا
مشاعل/ هههههههههه تدرين كنا تحت. وماش. ماارتحنا وجينا عندك وزان الجو
وجلست جنبها سلمت عليها وحضنتها الله يسعدك ويقر عينك بالاموره الجميله.
أمل /قال لك انها بنوته
مشاعل /وبيسميها. مشاعل. ههههههههههههه
نواف /امل بسميها على عمتها
امل قامت. وراحت للحمام واخذت شاور وغيرت ملابسها. وطلعت لهم
مشاعل /ماقلتي رايك في الاسم
أمل / ابوها وسماها. خلاص. وبعدين يارب تجي زي عمتها
مشاعل /ضمتها ابيها زي امها.
امل /اي
نواف /وش فيك بسم الله عليك
أمل /تحركت اخيرا
نواف /بالله وقرب لها ويبكي
نواف /انا بابا تحركي
مشاعل / ميشه. انا عمه بليز تحركي على شاني
أمل /بعدو عني خوفتوها ونامت.
نواف /خافت منك بعدي عنها وشال امل ورجعها
للسرير وجلس جنبها
مشاعل/ ارجع لبيتي احسن.
امل /مشاعل تعالي سولفي معي.
مشاعل /ام فهد بشكي لك. بس صرفي بعض الناس
نواف /بعض الناس طالع اصلا فيصل تحت ينتظرني
طلع نواف وامل ومشاعل سوالف
ثم قالت لها ان امها تبغاهاترجع تعيش عندها بلندن. وانها ماتبغى
ثم تعشوا ورجعت لبيتها
اليوم الثاني مافيه جديد بس خواتها. زاروها. وبعد عمها سعود وعممها علي
وانتهى اليوم
العصر نواف متصل. يقول عنده شغل كثير. وماراح يرجع الا اخر الليل
امل / بتنزل للحديقه الا فهد جاي مسرع.
امل /وين وين. تعال مافيه سلام لماما
سلم وهو معصب وعلى فوق
طلعت الا هيفاء جايه
سلمت عليها وكملوا للحديقه وجلسوا
هيفاء /كيفك
امل /بخير الحمدلله
هيفاء /كيف امورتنا
أمل /بخير الحمدلله. قبل امس تحركت هاديه مو زي فهد
هيفاء /ياقلبي. دخلتي الخامس صح
أمل /ايوه من يومين
هيفاء /الله يتمم عليك ويسهل ولادتك وتقومين لنا بالسلامه
اهتمي بنفسك لاتعصبين وفهد ماعليك منه. وش رايك اخذه عندي لين تولدين
أمل /لا. وش فيه. معصب لايكون مسوي شيء
هيفاء /ابد متضارب مع عيالي وشلته بالقوه وجبته
امل /دللته بزيادته لازم ارجع من اول وجديد
هيفاء /ماعليك اهم شيء انتِ استاذن انا
امل /وش فيك مستعجله ماامداك
هيفاء /مره ثانيه ياقلبي. يس جايه فهد مارضى يروح مع السواق. عازمه صدييقاتي
امل /اوكي
طلعت هيفاء وامل. طلعت فوق صلت المغرب. وقرت اذكارها وقرت قران. ثم تمددت على سريرها
قالت حيبوا لي فهد
جابوه وقف عند الباب
امل /تعال. هنا
فهد /ماابغى.فهد زعلان
امل /تعال هنا بسرعة
فهد عارف ان عصبت امه يويله
جا وباس يدينها وعلى حضنها
أمل /وين بوسة ماما
فهد /باسها بكل مكان
أمل /خلاص. يالله قول لي وش سويت في بيت عمه
فهد صار. يتكلم ويسولف.
واخر شيء بث كذا
أمل / وليه ضارب منصور ودانه وعزوز ونيوف
فهد /ماما انا ماني دلوع ليه كل شوي انت دلوع. ولما عمه جابت لي هدايا والله ضربوني وكسروها ليه
ماني دلوع. وابغى لي اخوان زيهم كلهم عندهم الا انا ليه ماتحبوني ثم كمل. هوشت بالانجليزي
امل /فهد
فهد /سمي مامي
أمل/مايحق لك تضرب. البزران على شان قالوا لك كذا
وبعدين ليه تبكي
فهد /فهد زعلان
أمل /وفهد ليه زعلان
فهد /لان انا انا ابغى لي اخوان العب معهم وماعاد ابغا مع عيال عماتي وابغى لما احد يضربني يجي ويضربهم معي
أمل /ههههههههه. فهد. وقربته لها. انا بجيب واحد بس مااقدر اجيب لك كثير
فهد /ليه ليه ليه وعلى حضنها يبكي
أمل /فهد واحد بس اختار بنت ولا ولد
فهد /ابغى بنت زي. دانه
جيبها بكره على شان اخذها معي لبيت جدة واقول لدانه اناعندي دانه ماعاد ابغاك.
الا نواف./داخل الا امل ميته ضحك
نواف /عسى دوم الضحكه ياروح نواف وباسها
وسحب فهد بحضنه وقربها له
أمل /اسمع ولدك وش يقول
فهد قول لبابا اللي قلته من شوي
فهد رجع قال نفس كلامه
نواف /ههههههههههه بتاخذها معك
فهد /ايوه. وبعطيها العابي. وبشتري لها سكوتر بنك
نواف /فهد تعرف اختك كيف بتكون
فهد/ بتكون زي دانه
أمل / لا راح تصير زي بدر ولد عمه ندى نونو صغيرون
فهد /زي بدر ماابغى بس يبكي ولا يتكلم ولا يمشي ماابغاه ابغى اختي زي دانه العب معاها.
نواف /اموله نامي انتي وشال فهد
طلع معه لين نام ثم رجع لامل. الاهي نايمه
غير ملابسه.
جلس يخلص كم ملف معه.
أمل /نام فهد
نواف / وسوينا اجتماع مغلق على الحليب.
تحمس ولدك وشرب كاستين
أمل /هههههههه فيها العافيه ان شاءالله. اعرف حليب بشكولاته
نواف/ يس ندلعه يوم مايضر
امل /نوافي لازم نشد عليه فهد حنا نضره كذا.
نواف /اللي تامرين فيه. كيف دلوعت ابوها
أمل /ماتحركت ابد يمكن زعلانه فهد لما اقرا قران يهدى يتحرك كثير من وانا بالرابع. انا بالخامس وماتحرمت الا مره
نواف /بتتحرك فديتها. ياقلب ابوها ودنيته
امل /صار تشد على فهد كثير من دخلت بسادس لها اسبوع وهي منقلب مزاجها تحاول تحمل فهد مسوليه نفسه ويعتمد على نفسه يكون. قوي
نواف /حبيبتي. كيف شفتي الديكوات الاوليه
أمل /حلوه
نواف/ اموله لك كم يوم منتي عاجبتني. وش فيك اعرف تبكين من وراي وش فيك بالله
أمل /نواف انا شفت حلم خوفني
نواف /بسم الله عليك عسى خير ان شاءالله
امل /شفت اني واقفه مكان. واسع وكانت ملابسي بيضاء جاني ابوي سلمان وسلم علي ومسكني واخدني ومشينا الا شخص. واقف نفس محمد اخوي وذي على اوصاف خواتي ابوي عبدالله. قال له ذي الامانه اللي سلمتها لي
ثم مسك يدي وعطها ابوي. عبدالله وهو. مسكني وصار يمشي يقول باخذك معي
وامل صارت تبكي. انا احس اني بموت. نواف وصاتك فهد.
نوف / بسم الله عليك وضمها وهو مو مو مرعوب الا منهار بس مسوي القوي كلام امل. شيء مو زين ابد كلام الميت زي مايقول حق
نواف/ اهدي واذكري الله لاتوسوسين ذا حلم وعلى شان الحلم ياثر عليك
ويمكن عندك اكتئاب حمل. وش فيك الله يطول بعمرك وتفرحين بفهد واخته. ونفرح بعيال عيالهم بعد
امل/ ان شاءالله
مسح نواف دموعها. ثم نزل معها. للمسبح. لين هدت وروقت
نواف /يالدلوعه. اكان قلتي مشتاقه نسبح سوى
أمل / شايفه الخوف اللي بعيون نواف. ومشت له. الوضع قالت بنفسها اذا صدق الحلم ابغى اخلي اخر ايامي. سعيده
أمل/ بدات تهيئ فهد على بعدها ويتحمل مسوليه نفسه
يرسم طموحه. وبعد صارت تكتب له تذكار. فيه نصايح وخواطر
وصور كلام من أمل لولدها
نواف انشغل بتجهيز غرفة بنته
نواف يشوف امل. تودع تتصدق كثير توزع فلوس كثير بنت لها مسجد ولفهد ونواف.
ماقال لها شيء قال ذي اشياء كويسه وبالعكس. يصار يوزع صدقات وهي ماتدري لها
بعد تحاول تساعد المحتاجين
فهد /يعصب احيانا
أمل /غير ملابسك بنطلع انا وانت مشوار
فهد /ماما انا اسف ماعاد ازعلك
امل فهود اطلع غير ملابسك بسرعة
طلعت لمحل العاب ماخذه موعد على شان يفتحون قبل موعده
اشترت العاب كثيره. وطالبه كيك وحلويات وزينات
ثم طلعوا لجمعية الاطفال الايتام انسان
أمل /عضوة فيها من زمان
بس اول مره تزورهم مع فهد
اول مادخل فهد شاف البزران كثير
امل /فهد ليه واقف روح العب معهم
فهد /ماما اقدر العب
أمل /تقدر روح
راح فهد يركض وصاروا يلعبون ثم. جهزوا لهم الحفله
وفهد انبسط اكثر من الاطفال
وتغدوا معهم ورفض يرجع للبيت. يلعب معهم
أمل /فهد لازم نرجع للبيت
فهد /بس شوي. راح نلعب شوي كورة
أمل /فهد ماما تعبانه وعد نجي كل اسبوع هنا
فهد /طيب لازم اقول لهم اني برجع للبيت ماما اقدر اعطي. هشام كتابي
فهد جايب معه كتاب قصه كان يبغا يقراها عندهم
أمل /اكيد تقدر ونقدر ناخذه يشتري الكتب اللي يبغا
فهد /صدق طيب بقوله وراح يركض مبسوط
رجعوا للبيت امل اخذت شاور وتمددت بسريها
فهد/ حمموه وغير ملابسه وجالس يحوس بكتبه
جمع له كتب وحطها بعلبه ولفهوها بشكل جميل. وطلب يحطون فوقها ورد. وقال بقول لماما نرسلها لهشام
وطلع يركض لغرفة امه
استاذن يدخل
أمل /تعال هنا
فهد /طلع على السرير وباسها. ماما اقدر يعني
أمل /لاتلف وتدور قول
فهد /اقدريعني اقدر ويحرك يدينه ارسل هديه لهشام انا ابغى اعطيه كتب لاني كنت اتكلم معه عنها وقال انا احب القراءه
امل /طيب تقدر ترسل له هديه ومو هشام بس تقدر ترسل لجميع الاطفال هدايا من فهودي لهم
فهد /صار يسولف ومتحمس . مبهور فيهم
فهد /ماما انا مو حلو
أمل /ليه واي
فهد /ماما فهد دايم يبكي يعصب ويكسر اغراضه فهد دلوع

ماما تصدقين هشام ماعنده ام واب زيي وماعنده اخوان بعد. بس ماما
هو احسن مني ممتاز بمدرسته يقرا اسرع مني. يتكلم عربي كويس
بعد مايبكي زيي ابغى اصير زي هشام
أمل /فهد. مولازم يكون عندك اخوان على شان تكون سعيد. الله عطاك نعم كثيره فاهم علي
فهد/ يس مامي اعرف وعد ياماما ماابكي خلاص مااكسر شيء احافظ على العابي وعد ياماما ارفع راسك فيني وعد ياماما اصير عاقل واصير زي هشام
امل / ابغى ولدي شامخ ورافع راسي. ابغاك شجاع عاقل متفهم تتحمل المسؤوليه اتطمن عليك. ومااخاف
وعد رجال يافهد
فهد /وعد رجال ياماما وضمها ابغى أصير طيار
بعد العشاء نواف رجع
غير ملابسه الا امل نايمه
راح لغرفة فهد الا فهد يرتب غرفته
وقف نواف /مستغرب بالعاده مقلوبه فوق تحت. والخدم مالهم شغله الا يرتبون الغرفه والممر من الالعااب وللكتب
ولامدخل شيء وحايس اوم البيت كله
نوف /انت فهد ولدي
فهد /بابا انا فهد وش فيك ماعرفتي
وجا بهدوء وسلم. وباس يدينه وراسه وخشمه وعيونه
نواف /وش وش ذا التغيرر
فهد/ بابا وعد رجال. ماعاد اسوي شيء يزعلك انا وعدت ماما
نواف /ضمه بقوه كفو والله. وشاله وطلع فيه لعب معه كوره ثم ركب فهد على المهر وصار يتمشى بالحديقه ونواف يقصد فيه
فهد /بابا ابغى اصير زيك شاعر واكتب بماما قصيده واقول لها فهد يحبك كثير
نواف /بعد قلبي ولدي اللي يبغا يصير شاعر فديت قلبك وكلك
راح نكتب لها قصيده
دخل معه وعلى غرفته غير ملابسه. وفتح دفتره كتب
بالانجليزي
ماما انا احبك كثير ابقي سعيده من اجلي
فهد لايعرف معنا الحياة الا وانتِ بقربه
وابي كذالك من اجلنا ابقي بخير نحبك.
ورسم قلب و وسوو شموع على شكل قلب
وطلبو كيك ايسكريم اللي تحبه امل
وورد امل صحت اخذت شاور وهي مخنوقه. وتتالم. واللي زادها. بنتها وماله نفس بشيءً
رجعت بتنام
الا وحده من الخدم جت وعطتها كرت
مرسوم عليه قلوب
ماما نحبك تعالي مع الورد ياماما
وطلعت الاورد منثور مشت مع الورد بالممر
كل شوي قلب وفيه كرت عليه بيت شعر
ابتسمت امل وكملت
امل فديتهم. ومفاجئتهم ولين وين وقفت عند الباب
الا الكرت اللي كاتبه فهد
دمعت عيونها وضمته لصدره وباسته
وفتحت الباب
فهد ركض لامه. وحضنها
ونواف حضنهم الاثنين
أمل /الله لايحرمني منكم ابد
فهد /ماما كيف المفاجئه
أمل/ نزلت لمستواه. مره جميله يافهد. فديت ولدي الذوق
نواف/ وابوه بعد. منبع الذوق كله

الأرض قبل و بعد ما تغرب الشمس
هذي حياتي معك

الرابع والخمسون)
كنك المقصود في شطر قديم

انت مثلك م على الدنيا شبيه
•
•
فهد /ماما وجاب علبه وفتحها ولبسها عقد صصغير عليه اسم فهد
ومعه علبه صغيره
ماما ذي لاختي. النونو
فتحتها الا عقد صغير ذهب. فيه ثلاث حروف nنواف aامل وfفهد
امل/ جميل. مره اكيد راح يعجبها
فهد /ماما انا ابغى اسميها دانه
نواف/ لا كل شيء الا اسمي بنتي دانه
الظاهر بنت عمتك هبلت فيك كنها ولد
أمل /هههههههه اتفق مع ولدك على اسم ولاسميتها انا
نواف/ انا اللي بسميها.
فهد /انا انا انا
أمل/ طنشت وصارت تاكل ايس كريم ونواف وولده عندهم نقاش حاد عند الاسم
امل صارت تاخذ فهد معها لما توزع صدقات. وتخليه بنفسه يتصدق ويتعلم انه يساعد الناس
تتناقش معه تشوف كتاباته تسمع له
امل بالسابع والخوف مستمر معاها
نواف /اموله. فديت النايمه انا
أمل /ماني نايمه بس بنتك تعبتني. اليوم وعندي دوار فما قدرت اجلس اقرا مع فهد
نواف /شالها وطلع لين غرفة النونو
الا فهد واقف
نواف /خلصنا كيف شفتيها
أمل /حلوه والله.
فهد مسكها بيدها لدولاب الملابس وفتحه
امل تتفرج على الفساتين
امل /نواف ذي كبيره عليها
نواف /اعرف بس انا وفهد مره اعجبتنا واخذتها افتحي الجهه الثانيه
فتحت الا ملابس مولوده صغيرات وجميله وكلها ورديه.
امل /مولازم بنت تكون ملابسها ورديه
فهد /ماما انا اخترتها.
أمل / جميله يافهد فديت ذوقك الحلو
نواف /ورتب فهد العاب والزينات. وش رايك.
أمل /جميله مره الله يخليكم لي
فهد /دانه شوفي غرفتك. انا اخترتها لك بسرعة اطلعي مليت. انا لحالي وانتي تلعبين لحالك
ماما. من زمان رجعنا ليه ماطلعت مليت والله وانا انتظرها ماهي راضيه تجي وصار يبكي
نواف /فهد. وشاله لاتبكي راح تجي وتنور البيت. كله. واخليك تشيلها وتاخذها معك على مهرك
فهد /صحيح. اقدر طيب بابا ابغى تاخذني انا ودانه معك بالسيارة للثمامة ونفوز على عمي فيصل
نواف /ونكسر راسه هو وعياله
فهد /بطلع على الدباب واسوي غبار كثير
أمل /نواف برجع. لغرفتي
نواف /حبيبتي وشالها ونزلها للحديقه
وجلس معها يتابعون فلم كرتون مع فهد بالعرض
ثم تعشوا على ضوء للشموع
فهد طلع. لغرفته ونام وكملت امل ونواف. سهرتهم
نواف /مسك يدينها. احبك والله لايحرمني منك ابد
اعشقك واموت فيك. بتنامين
أمل /بجلس هنا شوي.
طلع نواف غير ملابسه ونام
امل جلست بالحديقه شوي ثم دخلت. قلبت بجوالها وملت وراح للمكتب
قرت بمذكرات نواف. وطلعت ونامت
نواف يعرف ان امل تقرا مذكراته وزايد لها القصايد
أمل /بنهايه السابع ماعاد تطلع من البيت. كثير تطفش وتتضايق
مشاعل /يوميا عندها. تسولف وتغير جوها عمها سعود بعد. مايبغاها تتضايق
امل /طفشت مشاعل اليوم رجعت بدري ونواف مسافر.
وفهد نايم. وحتى البنات نايمين مااحد صاحي الساعة 3. طلعت للمكتب
وفتحت مذكرات نواف
فتحت اخر صفحه
كاتب لها
الى اميرتي الفاتنه. الى من. تتامل حروفي
الى من سرقت قلبي
الى. من يعشقها قلبي
الى من احبها حبا عظيما
كل جمال الدنيا بعينيك الجميلتين
وكل سعادتي في ابتسامتك. الساحره
احب سعادتك فرحك. حزنك وغيرتك وغضبك احب شموخك وغرورك
احبك كل تفاصيلك.
أمل ماكملت الكلام وضمت الكتاب تبكي
الانواف واقف عند الباب.
نواف
قتلتيني بعيونك الحور ياشوق
جيش
أسر قلبي وقيد فؤادي
احبك. يامصدر الهامي
وجلس. وحضنها
لاتبكين ياروح نواف
امل فتحت يدينها وضمته. وانا احبك
نواف/من زمان ماسمعتها منك
كشفتي اسراري هههههههههه
أمل / مشاعل قالت لي انك تكتب. بس ماعمرها شافتها
نواف /مشاعل يبغى لها قص لسان
شالها وجلس على الكنب

وجلسها بحضنه وكيف شفتي نواف
أمل /فوق خيالي. الله لايحرمني منك.
نواف مسك القلم وكتب. لها قصيدة. حب
وعشق
امل /لا نواف مو كل ذا فيني. ضمته ليت اقدر اكتب زيك
شعر
نواف /لو كنتي شاعره. انهبلت انا انا كذا.غرقان فيك. بعد بتغرقيني ببحور شعرك. ارحميني
امل / وانا غرقانه فيك من زمان وابغى اغرق اكثر واكثر
نواف /احبك يابعد الدنيا اسمعي اليوم حجزت لك المستشفى ابي نسافر. وترتاحين ومنها تغيرين جو قبل تولدين لنا بالسلامه
أمل /بدري على الولاده
نواف/ الاسبوع الجاي راح تكونين بالثامن. ابي مايتعبك السفر
الاسبوع الجاي راح نسافر
امل /بس
نواف / مشاعل عازمتنا. بوليز عاد نسافر نزعجها شوي وش رايك
أمل / اوكي. لندن لندن
نواف /فديت زوجتي العاقله
وشالها وطلع فوق
بشاير/بنت اختها سارة من تزوجت. وهي بشقه ونقلت مع زوجها بيتهم الجديد وعازمه خالاتها. على الفطور
عاد هند قالت وش. ذا احد يعزم فطور
بشاير/ خاله. مننوع اصطحاب الاطفال ابي خاله امل تكون مرتاحة
هند/ نشوف اخرتها معك
امل /بعد معزومه وطلعت بس بسياره وحده
الحي جديد وامل ماتعرف والسايق وخالد. يفرون يدورون بين الحارات على البيت
وهم يدورن اليوم جمعه والحارات هاديه حيل مافيها صوت ابد
الا صوت صياح حرمه وتبكي وتستنجد. وصوت بكاء اطفال
امل /خالد وش السالفه
خالد/ياطويله العمر مانعرف مثل ماتسمعين

تبعوا مصدر الصوت
الاحرمه واقفه وعندها اطفال ثلاثه يبكون وعندها رجالين. اثنين
يسحبون الاطفال
امل /خالد وقف نشوف الوضع
نزل خالد يشوف الوضع
ورجع
خالد / انا فهمت الحرمه ذي. بياخذون عيالها وبيطردونها
نزلت امل <معصبه
امل /هيه انت. وياه. وينا فيه البلد فيها قانون
تجي تتهجم على. حرمه ضعيفه لك حق عليها تروح. للشرطه للمحكمه
مو فضايح بالشوارع
واحد من الاثنين تقدم وبعيونه شر ماله اخر
وانتِ وش دخلك. ومن انتِ حتى تدافعين عن السافله ذي
وحاول يدف امل
الا خالد/ بوجه. وصده
امل/ اسمع والله الذي لا اله الاهو ان ذا الحرمه لها حق. ان ماتلوم الانفسك. ليه تاخذ عيالها منها
جا الرجال الثاني. وطلع مسدس
خالد/ سحب مسدسه وحطه براسه هو واخوه وخافو
الحرمه /ضعيفه ضمت عيالها تبكي
أمل / اتصلت بالشرطه وبسرعة جو واخذوا
الرجالين والحرمه والاطفال لمركز. الشرطه وامل معهم

الوطن :
هو رغيف الخبز والسقف والشعور بالإنتماء والدفء،
والإحساس بالكرامة.
د غازي القصيبي

الخامس والخمسون)
••

وقفاتنا ترهب عقول الحاقدين
وفعولنا وقت الزحام ادهى وامر
وان جات للنخوه وعون المستعين
حنا مقر الطيب ما حنا ممر
•
•
في مركز الشرطه
امل/ قدمت اول شيء بلاغ بالاعتداء والتتهجم عليها بسلاح بوجها
وذي لحالها توديهم ورى الشمس
الحرمه اسمها نوره وقالت قصه لرجال الشرطه
نورة يتيمه من دار الرعايه. اخذها رجال وحرمه وكفلوها ربوها واحسنوا لها بكل شيء ملكوه. مالهم اطفال فكانت نوره حياتهم كلها. قدر الله على الشايب وزوجه ان صار عليهم حادث وماتوا وتركوا وراهم ذا الضعيفه اللي تيتمت مره ثانيه.
جار الشيبان رحم حال نورة اللي مالها بذا الدنيا احد وتزوجها وكان عمره 18 سنه ايامها
الشايب الجار كان طيب وخيّر زوج حملت وجابت له ولدين وبنت
وتوفى الشايب الاطفال صغار اكبر العيال عمره ست سنوات
وجو عيال الشايب يهددون نوره ويبغون ياخذون البيت منها. ورفضت لان الشايب كاتبه باسمها هددوها انهم ياخذون عيالها. وكتبت البيت باسمهم قالوا لها. اننا بنخليك فيه مع عيالك فيه.
وكتبت لهم البيت وجاو يطردونها من البيت وياخذون البيت وعيالها منها
الشرطه. جابتهم وحققت معهم
نورة انا معي شهود من اهل الحارةبيشهدون على كلام والله مااكذب وتبكي
الضباط اكتبي الاسماء وراح نستدعيهم
فعلا جو الجيران وشهدوا على كل كلامهاا واثبات نسب عيالها لانهم بعد انكروا انهم اخوانهم.لان عيال الشايب اهل فساد ومعروف عنهم اشياء ممنوعه
امل /ارجوك ياحضرة الضابط مانبغى منهم شيء بس مايتعرضون لنورة وعيالها بشيء ولايتعرضون لها. ونبغا ورقة تثبت كذا

فعلا وقع الاخوان ورقه تعهد بعدم التعرض لنوره وعيالها او ايذاها باي شكل من الاشكال
طبعا وقعوا وهم مايشفون الدرب
لان عليهم قضايا كل وحده اكبر من الثانيه
طلعت. امل وخذت معها نورة وعيالها وهي تبكي من الفرحة
أمل /نورة لاتبكين. انا المسؤوله عنك بعد الله وعهد علي ماينقصك شيء وانا حيه وحتى بعد مماتي
نورة/ توجهت للقبله ودعت بدعاء طويل وهي تبكي. ثم سجدت شكرلله
امل/ اخذتها وراحت لشقق مفروشه واخذت لنورة وعيالها. شقه
وارسلت خالد وشرى لهم ملابس واكل
أمل /نورة. اسمعي. بس يومين لين نجهز لك بيت هذا رقمي الخاص اي وقت اتصلي علي. ماراح ينقصك انتي وعيالك شيء. ان شاءالله
اي شيء ينقصك خالد موجود قريب منك. بس قولي له وهو يخدمك لين تسكنون في بيتكم الجديد
نورة /الله يسعدك بكل اللي تتمنين ويفرح قلبك ويكفي كل شر وهي تبكي
أمل /لاتبكين خلك قويه على شان عيالك وانا ماسويت شيء. يالله انا استاذن
وطلعت
ورجعت للبيت
شرت لها بيت دورين الارضي فرشوه لنوره وعيال والثاني فيه شقتين اجرته لها على شان. تعيش منه ويكون دخل ثابت لها وهي وعيالها
عبوا البيت كله بكل شيء
امل/ نورة ذا بيتك وهذا صك البيت احفظيه عندك باسمك وهذا عقد الايجار للسكان اللي فوق
وكل شهر راح ينزل لك راتب لك انتِ وعيالك مني انا واذا حابه تكملين دراستك او تشتغلين. او حتى تضلين بالبيت. انا اساعدك بكل شيء تبغين ولاتستحين باي شيء
نورة /يام فهد. عسى ربي يعطيك من كل شيء اضعاف ويفرج عنك كرب الدنيا وكرب الاخره مثل مافرجتي علي وفرحتي قلبي الله يحميك من كل شر ويطول بعمرك
ضمتها امل وبكت من كثر مانورة تبكي
وطلعت
امل / تتجهز للسفر باقي له يومين وفيها خوف زايد بس تضم فهد وتبكي
امل الله حيكم
هدى /ارتاحي مابي تتعبين.
كيفك الحين
امل الحمدلله
جلست سوالف تضحك على عيال هدى
خالد /خاله. ابيك تخطبين لي
أمل /ههههههه. وش وفيهم عيال ياهدى. الظاهر. بيمشون زي ابوهم معاذ والحين خالد
رائد/وانا بعد ياخاله اسوي الزواج انا وخويلد بليله وحده
هدى /انهبلتوا
أمل / خالد /تعال ياقلبي جنبي من تبغى وانا اخطبها لك
خالد/بنت عمي هاله ابي بنتها
أمل /اي وحده فيهم ياهدى
هدى /منك له مالي دخل
خالد / رند ياخاله
حنين / يمه منكم يالعيال
أمل /وزين مااخترت. رند ماشاء الله حلوه. وزوجتك
خالد/ماعليها. الشرع حلل لي اربع
أمل /ههههههه وانت يارائد من في بالك
رائد/ابي احلام بنت خالي. محمد
أمل /لا والله معصي وبعدين خلاص انا خطبتها لمحمد ولد سارة والبنت وافقت دور غيرها
رائد/طيب لمياء
هدى /صغيره عليك
أمل/ صراحه تناسب لك شادن بنت خالتك هند ولا رهف بنت فاطمه بنت عمي علي
هدى / وزين مااخترتي يام فهد
رائد/ امممم حددو لي وحده واخطبوها لي
اامل اهم شيء تخلصون قبل اسافر
هدى ابشري اخطب لهم اليوم والملكه قبل تسافرين
بعد يومين
امل /طلعت لبيت العم سعود
وسلمت عليه وجلست بجنبه
العم سعود/ امل وش فيك عسى ماشر
أمل /عمي. انا بكره بسافر ونواف اليوم سافر دبي يقول سافري وبجيكم هناك بيخلص شغله. بدبي عمي سافر معي.
العم سعود / يابنتي انتِ بدري على ولادتك وش يجلسني. وعد لادخلت التاسع اسافر واجيك عارفه انا مشاغلي واجد
أمل /ارجوك. ياعمي وهي تبكي
العم سعود /اول مره يقول لها لا
لا يبني. انتِ سافري. وفهد معك ونواف معك وانا بجيك لاتخافين. وش فيك
ضمته تبكي وسلام مودع مو سلام عادي امل ماتعرف وش فيها حتى سلامها لخواتها استغربوا حركاتها توصي وسووى وتوصي بفهد تودعهم تحس خلاص ماراح تشوفهم
ورجعت لبيتها
من رجعت وهي حاضنه فهد مانامت زين صحت على الجوال
الو رحاب
صباح النور
لا مانمت زين
الله يحيك انتظرك
كلها ساعة ورحاب جايه
الله حي ام مشعل نور البيت
رحاب / بنورك عبدالله. يسلم عليك
اجلسي جايبه لك بيتزاء وفطاير وباستا بعد
أمل /رحاب والله كان نفسي فيها وصارت تبكي
رحاب / تراك أمس ماعجبتيني وش فيك
أمل /مااعرف احس اني ماعاد اشوفكم مره ثانيه
رحاب/ بسم الله عليك لاتخافين بتولدين وبتقرغينك في بنتك وبتكونين بخير هدتها وقاموا للسفره
بعد الاكل فهد جنن خالته حتى دخل البوني لها والمهر وامل صدعت
رحاب /ههههههههههههههههه فهود خلاص روح غير ملابسك ابي ماما لحالنا
فهد /سلم عليها وطلع لغرفتة
رحاب /أمل لاتخافين ترى انا وخلود وريم من الحين نجهز اورراق السفر وراح نجيك بلندن وسارة وعمي سعود
أمل /الله لايحرمني منكم ابد والله فيني خوف احسن اني حتى بنتي ماراح اشوفها وصارت تبكي حضنتها رحاب وسمت عليها
وجلست رحاب تقرا عليها لين هدت
رحاب/ترى كلها اسبوع ونصف ونجيك لندن ان شاءالله مابي دموع
أمل/ومسكت يدين رحاب. وصاتك فهد يارحاب ان صار لي شيء لاتنسونه
نواف مايعرف له وفهد مايتكلم وصاتك فهد يارحاب ورجعت للبكاء
رحاب / اهدي اهدي فهد بعيوني ولاتخافين عليه والله يخليك له ودعتها وطلعت
بعد الظهر. طالعت امل لجمعتهم كل جمعه وفي بيت مشاعل
وبتطلع من بيت مشاعل وعلى المطار
هذا الجدول المخطط له
الغداء عادي و امل مع السوالف تاخرت مع ولدها. عن الطياره
امل بسرعة ياخالد. تاخرنا
خالد/ بس الحين زحمه الوقت الحين
مشاعل/ واقفه
مشاعل قالت برسل معك دوريه على شان توصلين بسرعة عادي وش فيك وسلمت عليهم ومشوا
نرجع لورا شوي
لقضيه. عبير وعمها اللي تورطت امل فيها على شان عبير
الكل وامل يحسب القضيه خلصت
بس للحقيقه ماخلصت
عم عبير له ولدين واحد مات مع ابوه بالقضيه
وباقي مسفر راس الشر
وعد ينتقم من امل وقدر يهرب من السجن
ومع المضللين والارهابيين
الرياض على غير العاده زحمه ومعها الشرطه بكل مكان
امل مااستغربت تسكير الشوارع. استغربت تكثيف الشرطه
فهد /ماما انا عطشان مره
امل/ لما نوصل لمطار نشتري لك مويه
فهد صار يبكي لاياماما مااقدر انتظر لما نوصل للمطار ابغى الحين وصار يبكي
ومتاخرين. ومع بكاء فهد. وقفوا عند بقاله ونزل فهد مع خالد
وجاب له مويه فهد اصلا ماكان يبغا مويه يبغا ايس كريم اخذه وطلع يركض
امل /وين المويه
فهد/ عطيتها خالد وياكل ايس جنب امه
امل / عقابك مو الحين لما نوصل للمطار
وحركوا
لان الدنيا مسكره طلوا لطريق مختصر
امل /خالد وش فيه
خالد/. فيه مطارده لمجموعه من الارهابين. لاتخافين ياطويله العمر راح نوصل بسرعة
السواق مسرع بين الحارات والسيارتين اللي قدام نفس الشي.
بس كذا فجئه صارت سيارات تلاحقهم
امل /خالد وش صاير
امل بكل سفراتها ماعمرها طلبت ان جوازها يكون معها الا المره ذي كان جوازها وكل اوراقها معه وحتى التذاكر معها
خالد /والله مااعرف وجهز مسدسه
الا اطلاق نار على السيارات الاماميه ووقفوا
امل/ نزلت تحت هي وفهد مع اطلاق النار
طبعا الارهابين. اكثر عدد واكثر سلاح
فا ماعاد بقى غير ثلاثه وامل وفهد
امل /مسكت شنطها ونزلت الاساور والخواتم اللي بيدها وطلعت مسدسها ومسكت فهد لاتنزل مهما يصير وباسته واستودعتك الله
ونزلت
وصارت تطلق معهم النار
بس مافاد والشرطه تاخرت
امل/ اصابوها بكتفها وبرجلها
خالد /ياطويله العمر لازم تهربين
بس امل وين تهرب خلاص ماعاد فيها الموت قدامها
امل/ خالد. فهد وصاتك فهد اخذه. واهرب فيه.
خالد/ مااقدر اتركك لحاله. وش اقول لطويل العمر
امل/.خالد ذا امر مني في نقاشهم فهد خاف ونزل اول مانزل رموه وصابوه برجله
امل/ خالد خذ فهدوحطت فهد بحضن خالد
خالد /شال فهد اللي فاقد الوعي
امل/ سحبت نفسها للسياره اخذت شنطتها وعطتها خالد
لان كل الاشياء اللي فيها راح يستغلونها
اخذها. خالد ونزل فهد لها باسته ودعت يارب اني استودعتك فهد وانت الذي لاتضيع ودائعك. وركض فيه خالد وامل والرقيب الباقي معها غطوا عليه لين ابعد وقدر يهرب فيه و دخل باحد البيوت القريبه
امل ماعاد حست بشيء غير رصاصه صاب كتفها مره ثانيه
فتحت عيونهابصعوبه الا مكان غريب غرفه. لونها كان ابيض وصاير مصفر
حاولت تتحرك ماقدرت
الابصوتناعم . يقول لاتتحركين انتِ تعبانه
قربت بنت. نحيفه. وجها مصفر
بسم الله عليك انتِ بخير
امل /وين انا فيه. ومن انتِ
حنان /انا حنان بس وين حنا فيه. مااعرف
امل /انتِ من جابني هنا
جت وحده ثانيه. ليه جايبينها حامل. ياقلبي. حرام عليهم
صحت بغرفه. معها اربع بنات
حنان/ بنت خطفت ليله زواجها. مع زوجها
حنين / ضعيفه ذي معتبرينها سبيه حلال فيها كل شيء لان
ابوها ضابط كبير بالداخليه
شيماء / ذي ابوها. امام مسجد بس اخوها كان معهم و تاب وانتقموا منه باخته لانه بلغ عنهم
مزنه/ مااحد يعرف قصتها
جلست يومين. ماتحركت من مكانها كل شوي تحط يدها بطنها وتستودع بنتها الله.
فيه حرمه. معهم تجي وتعطي الاكل. وتاخذ البنات لتتعذيب اليومي
امل / اليوم سحبوها
اول مسفر ضربها لين نزفت اسنانها وصارت ترجع. تقرف منها وبعد غير الضرب اللي على بطنها
شغلوا لها شريط. يبغون يغيرون فكرها. وهي تصيح جنتم نار نار ماابغى ادخل جنتكم. هذا ماهو ديننا.
وهم يضربونها
مسفر يصفقها تصفيق
والله مااخلي حق ابوي واخوي منك
ويرجعونها. ميته تعب وتبكي
الرياض
الخبر نزل مثل الصاعقه على الجميع
مشاعل/ انهارت ودخلت المستشفى وولدت وجابت بنت وسمتها أمل
جوري/ بس تبكي بالمستشفى عند فهد
ونفس الشيء ام نواف وندى وهيفاءو العنود
عمها سعود دخلوه المستشفى ارتفع الضغط والسكر. عنده
نواف /منهار من داخل بس مسوي القوي ورجع بسرعة وبالمباحث يشوف وش الجديد
المباحث والشرطه. ماخلو مكان بالرياض مافتشو فيها بس مافيه اثر بالرياض كلها
بس امل ماكانت بالرياض كان بشمال جده. بعيد بمزرعه جنب البحر
مر شهر
امل/. بالعذاب شيماء. قالت لها. لما ياخذونك خلك ترددين ايه الكرسي وفعلا امل بعد كلام شيما ء قل الضرب ولاعاد قدروا فيها

حنين/. ماتت من كثر العذاب. شعرها نفس لون اامل وجسمها. كانت تنزف. لما اخذوها. رجعت الحرمه اللي مع الارهابيين وسحبت دبلت امل من يدها
وطلعت
امل /ليه اخذوا دبلتي وراهم شيء
حنان /سمعت حنين ماتت واكيد بيحطون دبلتك معها
الارهابيين طبعا حطوا خاتم امل بيد حنين الميته.نفس توقع حنان ودفنوها
على البحر
الجهات الامنيه مسكت خيط وقبضوا على مجموعه من الارهابين بالرياض يتبعون للي بجدة
اللي بجدة تحركوا وغيروا المكان واخذوا أمل والبنات وكل اسبوع يغيرون مكانهم
بعد. الضغط على احد الارهابيين اعترف انه دفن بنت قبل. ثلاث أسابيع بمكان جنب البحر ووصف البنت وصف شعرها اللي كان طويل ونازل من البطانيه الملفوفه فيها وقال انها تنزف كثير ولما سالوه عن الحامل مايعرف يقول انا سمعتمم يتكلمون عن وحده حاامل بس مااعرف ا وين الطفل
الشرطه والمباحث والامن الجنائي طلعوا على المكان وطلعوا بقايا الجثه اللي الصعب التعرف عليها. بسبب وضع المكان
وحصلو الخاتم
أمل /ماني مرتاحه. عندهم شيء مو طبيعي
مزنه /انا اعلمك بس اصبروا علي
كان فيه شباب صغير بالعمرواقف عند الباب حارس
مزنه صار تسولف له دايم لين. كلت عقله. وتاخذ الاخبار منه
رجعت للبنات مزنه بنات الشرطة تطاردهم على شان كذا كل شوي مغيرين مكاننا واذا بتهربون مالكم غير الليله
حنان/:مزنه وش االعلم علمي
مزنه /راحين يجيبون اسلحه واغراض وماراح يبقى غير اللي عند الباب والثاني صديقه. مهنا
شيماء /انا اموت برى ولا اموت عندهم
حنان /خلاص واتفقوا على خطه

ظلوا يراقبون لين المزرعه هدت ماعاد فيها غير. الشابين الصغار.
مزنه/ فتحت ازرا بلوزتها. وقفت عند الشباك ونادت رائد عاد الوالد انهبل
البنت جميله مره وراح لها عند الباب وفتح الباب وقف عندها يسولف
حنان واقفه ورى الباب جاهزه معها كرسي الوحيد بالغرفة
وضربت رائد على راسه وطاح. ميت
اخذت مزنه رشاشه الا مهنا جاي يركض. ولما شاف خويه طايح
اطق نار على مزنه وهي رمته بعد وطاح وكملت عليه شيماء وحنان
وحنان صابتها رصاصه
ومزنه ماتت بلحظتها
طلعت امل بمساعدت البنات شيماء وحنان المصابه ولقوا سيارة وشغلتها امل وطلعوا من المزرعه مايعرفون هم. وين والدنيا ليل وخوف. وبنات لحالهم بخلاء خالي
شيماء/ تبكي حنان تحتضر وش نسوي
امل /تحاول انها تكون قويه على شان البناتخلك قويه لقنيها الشهادة لاتبكين . انا زيك خايفه
مشوارمسافه واخيرا شافوا نور من بعيد
ومشوا له والبنزين. على اخره
شيماء وامل اول مره يكونون مع شخص يحتضر وميتن خوف
ماتت حنان وقفوا جنب المحطه.
شيماء/امل ماتت ماتت حنان وتبكي
امل /خلينا ندعي لها ونهرب اكيد هم ورانا
دعوا لها
شيماء/ أمل حصلت بطانيات اخذها ولا اتركها
أمل اخذيها وغطي حنان بوحده بسرعة مشوا
تخبوا بالمسجد
امل ماتقدر تمشيء كثير حامل ومصابه
شيماء /أمل انا بروح اشوف لنا صرفة لازم نبعد عن المكان ذا
طلعت ورجعت
شيماء/ امل بسرعة بنهرب بوحدة من الثلاجات حقت الفواكة حصلتها مفتوحه ومافيها شيء. اموت فيها ولا اموت على يدين الحثاله ذولا
واخذت البطانيات وراحت تركض وحطتها بثلاجة الفواكه ورجعت ساعدت امل لين طلعتها فيها. ماخذوا ربع ساعة الا الهندي جاي وسكر الباب وحرك لما مسك الخط ارتحت امل وشيماء وناموا ماعاد حسوا بشيء
الرياض
نواف/ تعرف على الخاتم. وانهار ونقلوه للمستشفى
فيصل / ايه هذا خاتم ام فهد وذا اسمها واسم نواف
للاداله تشير انها امل اتصل من جوال نواف على عم امل سعود
وجا مع اخوه علي ومحمد اخو امل وعبدالله. وسعودونايف رجال خواتها
تعرفوا على الخاتم والادله الجديد ه
العم سعود /ماعاد تحمل ونزلت دموعة حاول يمسك نفسه ويذكر الله بنتي مابيها تتعذب اكرام الميت دفنه
وهذا بعد راي عبدالعزيز وفيصل. اللي عارفين نواف ماراح يستلم الرفات. يقول امل مامات امل عايشه
استلموا الرفات ودفنوها.
خوات أمل مجتمعين في البيت
خلود /هند اذكري الله
هند /ذي امل كيف ماابكي ماندري حيه نرجيه ولا عند ربها
حنين /خاله. عبدالله يبغاكم. بالمجلس الخارجي انتي وكل خالاتي. الحين
خلود/روحي ياقلبي
راحت خلود وخوات امل كلهم
عارفين ماجى عبدالله الافيه شيء خصوصا بعد ماطلبتهم الشرطه
عبدالله /عماتي بالله اذكرووا الله. بالله بككيم ذا وش يفيدها
نورة /عبدالله ياقلبي مابعد امل احد وتبينا مانبكي وين ابوك
عبدالله /ابوي ارسلني لكم وهو راح مع جدتي وخوالي
خلود عرفت وصارت تدعي
رحاب /قامت وجلست جنبه ومسكت يدينه لاتقول لاعبدالله خلني ارجيها انها حيه ورجعت تبكي
عبدالله /عمة مابيدي شيء الله كاتب كذا عمتي امل توفت ووابوي ووجداني رحوا يخلصون الاجراءات
رحاب انهارت الباقين بكاء ودلال صمت شوي ثم انهارت
و وفتحوا العزاء
ببيت العم سعود للرجال
وببيت محمد للنساء
في بيت ام نواف. رجال ونساء.