كاتب الموضوع :
نوني الحكمي
المنتدى :
القصص المهجورة والغير مكتملة
رد: أعشق أنانيتك عندما تتمناني لك وحدك
صرخت بعصبية: ساعة نتظرك عشان تجي
زفرت بضيق : يمه عادي اذا بتروح خليها تروح مو لازم منه هالحناء
ام عصام بعصبيه: وشهوو مو لازم ودي اعرف وش مشغلتس ماتجي حناء اختس وشوي وتبدأ غمرتها ..
ريتآج بقهر من اللي هي فيه ..وليد معصب عليها ..وتدق عليه مايرد ..ويوم ارسلت له بعد مارد عليه ..اشلون تروح وهو
محذرها يآرب متى تنتهي من هالعذاب ...قالت : مافي شيء مشغلني يمه وان شاء الله جايه
ام عصام بحده: إذا اللي عندك رافض يجيبك ارسل الحين السواق
وأشوف فيه امه خير يقدر يمنعك بالله
ريتآج قفلت عيونها بصبر من عصبية امها خلاص لو عصبت ماتدري وش تقول : خلاص يمه جاية
ام عصام بحده: بسرعة وقفلت وهي معصبه
قفلت من.. أمها ...ورجعت دقت عليه ...وهي تتمنى يرد عليها
فرحت يوم سمعت صوته بححه: الوو
قالت برجى : تكفى وليد ماهو وقت عنادك امي معصبة علي
وتبيني احضر حناء أسيل
وليد قال بجمود: جاي آلحين خليك جاهزة. ..
عضت شفتها وبهمس: انتظرك ..
وفعلاً كلها دقايق وشافته ...داخل عليها الغرفة ...
قال ببرود وهو يشوف كشختها : يالله لهالدرجه متشوقه للروحه
ريتآج بصبر: وليد اللي يسمعك يقول تتكلم على اني رايحه عشان وحدة غريبة ومالي صله فيها ذي أختي اللي متعنيه لها
وليد جلس على السرير وقال ببرود يذبح:أختك رفضت ولد عمها واختارت الغريب عنه
ريتآج بعقل ماتبي تعطيه كم كلمه ويحرمها هي يالله تقدر
الحين تحضر الزواج الي متأكدة انه بيسوي لها سالفة فيه
وعارفة خبثه كل ماشافها كرر هالكلمه يبيها تعصب وتروح
عليها هالروحه
قالت بهدوء مصطنع :نصيب ي وليد شوف كيف أكبر
دليل حالي وحالك كنت لأخوك وصرت لك
وليد وقف وقرب منها وقال بحده: لا تقولي لاخوي لي بس
فاهمه
ريتاج عقدت حواجبها من رد فعله العنيفة هزت رأسها بخوف: ان شاءالله
وليد قرب منها أكثر ومسكها من عند كتوفها وقال بهمس : ليته مافزع لي ...وأخذك..وتكوني لي من الأول بس وش تقولي طول عمري متسرع وماعرف أتصرف ...
ريتآج انصدمت من كلامه هذي المرة الثانية يقولها ...
بس لا أكيد كذاب ...بندر يبيني من هو صغير ..ومسمى له
من زمان ..ايه يكذب وليد وبعد ماهي غريبة عليه هالحالة
كل مرة طالع بكذبه ..وبعد متفنن فيها
قالت بقهر : وليد لا تكذب بندر يوم خذاني كان من طيب خاطر
ولا هو بفازع لحد
وليد بوجع : ليتني كذوب هالمرة
ريتآج بقهر وتوتر تحس حالها مقهورة من كلامه ...
حرام عليه اللي يسويه فيها قالت بعصبيه: مستحيل تشكنني في حب بندر لي والله يعشق الأرض الي أمشي عليها الله يرحمه
وليد بعصبية : ريتآج انكتمي قبل ماانهيك اليوم
كم مرة قلت بندر ماتجيبي سيرته ليه ماتفهمي الي قدامك رجآل عارفة قد ايش يوجع لما المرة تذكر رجال غيره .قدام زوجها
ريتآج بحسرة على عمرها: وليد انا تعبت منك خلاص كل مرة
تطلع لي بشيء. . الحين جاي تقول بندر فزع لك وخذني
وتبيني أسكت لا والله ماسكت وبقولهاا للميون أخذني من طيب خاطر..ومو أنا اللي عيال عمها يتعازمن عليها ويفزعن لبعض عشانها
وليد بوجع: صدقيني محد خذك فينا من طيب خاطر بس ودي اعرف ..وش صار فينا بعد ...
ريتاج قفلت على أذونها بوجع : خلاص أسكت تكفى أسكت
وليد قرب منها وضمها غصب عنه ..يحبها ياناس
دخلت قلبه مايدري كيف ..ومتى واشلون. ..حس بحركتها وهي تبي تبعد عنه...بس شد عليها وضمها زود وقال بهمس: خلاص ي بنت عمي ..دموعك غالية ...
ريتاج رفعت عيونها له وقالت وهي تصيح : بنت عمك حطمتها
وليد مسك وجهاا بحنان : ليت تعطيني فرصه أخيرة
ريتآج بعدت عنه وهي ترجف : ليت تعطيني الخلاص بسرعة
وليد عض شفته ..وأعطاها ظهره وقال : انتظرك في السيارة
ريتآج
جلست على السرير ..وهي تحس برجفه غريبة تمكنت منها..
رفعت يدها وهي تناظرها كيف ترجف ..وبغصه ..كل ذا عشان قالك ان ..بندر بعد مغصوب عليك أشلون. .مغصوب ..وهو
كان فرحان وبيطير بعد من الفرحة ...قالت بقهر الله
لا يسامحك ي وليد مثل ماخليت كل شيء قدامي شك
في شك...لازم تسأل شوق ..وهي اللي بتقول لها كل شيء. .
ايه لازم تسألها. ..وقفت وراحت غسلت وجهاا ...
وسوت لها مكياج خفيف مرة ثانية ....ولبست العباية ..ونزلت
شافت قدامها حسام يلعب بالسكوتر..قالت بجمود: أنت ماراح
تسلم لما تطيح ..
حسام وهو يتفاخر: شوفي شوفي بس الحركه ذي وبخفه سوى الحركه خلى ريتاج تصرخ بفزع
: يمه بتموت حالك أكيد
حسام بخوف : اسكتي الله يفضحك ...بتورطيني أنتِ
عند ابوي ..ترا يبي إشارة بس
ريتاج بقهر : والله مو منك من الخبل الي خذه لك
حسام وهو يضحك بصوت عالي:في ذي انشهد ان زوجك خبل
والحين نازل معصب ويقال وخروا عن طريقي..وعض شفته اخخ فيني امردغه ..والله بس عشانك اسوي مطنش وساكت عنه
ومكبر عقلي
ريتاج هزيت رأسي وقلت بسخريه : الكذب يمشي في دمكم كلكم
حسام وهو يتعزز: افف وانا ولد ابوي انا كذوب زوجك صح
بس والله انك ظلمتي حالك يوم كذبتي فيني ولفقتي هالصفه مشهور بها زوجك فيني ...
ريتآج رفعت يدي وانا اناظر ميري : اقول وخر بس عن طريقي وأخذت من ميري صحن الحلى الي جهزته
حسام وهو يخوفها رجع يسوي حركات تخوفها ويوقف في
طريقها ..وضحك بقوه يوم صرخت مرة ثانية. .
: هههههه جبانه صدق
ريتآج وانا مفزوعه والله لو يطيح لا ينكسر ظهرة قلت بقهر
: ابشر والله أكلم وليد يأخذة منك غصب ولا تنضر
حسام : والله مافي قوة تقدر تأخذة مني.. ذا حبيبي
ريتآج : طيب اشوف بعدين تقدر تقول كذآ. ..
وطلعت وانا اسمعه يهايط ..كذاب من أول صرخه ..
من وليد يطخ ساكت ..ركبت السيارة. ..بدون ماتكلم...
حرك بعد هو بدون مايفتح فمه بكلمه...بس قبل ندخل الحي قال : دقي علي يوم تبي ترجعي
ريتآج قلت وانا صادة للدريشه: بجلس لما ينتهي العرس
وليد بجمود وهو منهي كلامة: الساعة وحدة تشوفيني واقف يم بيتكم ...
ريتاج ناظرته وبقهر ليه كذا حتى بيت أهلها معاد تقدر
تروح فيه مثل قبل واقف لها في كل شيء : اشوفك ماتمنع
لطيفه شوفها لها يومين بيت أهلها ...جالس مستقوي علي
وليد بعصبيه: تصدقي أكره هالطبع ليه ماتسوي لي مثلها
وليه هي احسن مني ومن ذا الكلام ترى مليت منكم
ريتاج بعصبيه: لا تحطها في ذمتك ماقد قلت لك ليه
تسوي لها وانا لا غير الحين لاني بجلس بيت أهلي لا في شيء
ثاني مافكرت وتدري فيني أنت ...
وليد صرخ بعصبيه : ادري فيك ماهو مفتكرة فيه أبد ولا كني رجلك
ريتآج زفرت وهي تستغفر : استغفر الله العظيم
يآربي وش دخل ذا في ذا آلحين وليد أنت مو راضي على ذي الروحه كلها صح وجالس كل وقت تطلع حجه وتسوي مشكله
وليد تعوذ من إبليس وقال : خلاص نامي وسوي الي تبي وقت
ماتحبي ترجعي عندك السواق
ريتآج ودها تقول له هذا أفضل والله بس لا خلاص يكفي
المشاكل الي صايرة اليوم ...أول ماوقف. حست بيده على يدها ناظرته
قال بحزن عليها : فستانك خرب أحسن فستان أخذه لك دقي علي بس
ريتاج رفعت حواجبي وقلت بهمس : انفصام أكيد توك أمس راسك والف سيف ماتخليني اروح
وليد إبتسم : والله أنتِ سببه هالانفصام ...
ريتآج هزت رأسها بعجز خلاص عجزت تفهمه :الله يسامحك بس على الي تسويه فيني ...بنهبل بسبتك ...
رد عليها بهمس: وش رايك تسحبي ..عليهن ونروح نأخذلك فستان وش رأيك ونعيش كذآ يوم هادي ممكن
ريتآج : بعد تبيني اسحب عشان امي تأخذ عمري اليوم لا لا مشكور وبسخريه خيرك سابق ..و.نزلت
...دخلت بيتهم وهي تشوف...
الحريم ..والصوت عالي ...حست بقهر ..ماحضرت من البداية
فكت العباية ..وناولت الشغالة الحلى ...ودخلت وهي تشوف
امها ...تتحنى ..قربت منها بعد ماسلمت على الحضور..
وقالت بهمس: آسفه ..يمه
ام عصام بحده: شغلي معتس بعدين ماهو آلحين
ريتآج عضت شفتها آه من فين تحصلها من امها ولا من زوجها ..الله يساعدها بس...قربت من أسيل. .وسلمت عليها ..ورفعت
يدها وهي تشوف الحناء. ...ابتسمت بفرحة لها : يجعله مبارك ي قلبي ..
أسيل بدلع: مرة يعور ..ودي اغسله
ريتآج كشرت : بدينا بالدلع الماسخ ..
أسيل : تعالي أقولك ماما عزمت ام رائد ..تجي تحني معنا
ريتآج أنصدمت: ايش غريبة عزمتها ....
أسيل بهمس: عشان تطلع قدام الكل الحين أنها كريمه وبعد على حسابها مثل الحضور الحين كلهن على حساب ماما ...
ريتآج ناظرت الموجودين ماشاءالله كثيرين: عز الله بابا فلس
طيب الحين جاية ولا لا
أسيل : مدري هي اعتذرت وقالت ان عندهم بعد محنيه وصعب تجي .. بس ماما لزمت عليها تجي ...وشكلها تبيها تحضر الغمرة الي بتسويها لي بعدي شوي..إلا بسألك ليه شوق ماجت معك
ريتآج : قالت بتجي مع السواق بعد المغرب..
وسكتت وانا أفكر...في كلام وليد ..مدري ليه أحس ..بشي
موجعني حيل ...رجعت بذاكرتي لوراء ...
بعد الملكه ....ولهفته يوم شافني...هزيت رأسي
بقهر...ريتآج اصحي ...وليد بيشكك بس ..في كل شيء
خلاص أنسي هالشيء ..والتفكير ماينفع. .أبد. .ايه ماينفع
بندر ومات .....وأنت ي وليد كل مرة تقتل اي مشاعر تبي تنولد لك ...
،،
،،
،،
،،
،،
في بيت ام منيره ...
صرخت بعصبيه وهي تناظر غرفة الضيوف اللي أخوها نايم فيها مكيف غرفته خربان نزل تحت نام : سلطان وريماس بس ..خالكم بيقوم يحاوسكم
سلطان وريماس مطنشين...وطالعين نازلين من الدرج ...
منيره صرخت بقهر: سلطان ...والله لو يطلع من غرفته ماتسلم.
وبقهر وهو الله يهديه يعني ماقدر ينام غير في مجلس الحريم
عنده مجلس الرجال وش كبره .
ام منيره ناظرت بنتها وقالت: قومي اخذيهن ودخليهن الغرفة حتى يقوم وبعدها اطلعي معاهن .....
منيره وقفت ...وهي تتحلف فيه ...وقالت بصرخه يوم شرد
بسرعة: لا تنزل انقلع واصل لفوق .. بس ماكملت كلمتها إلا تشوفه قدامها يتدحرج من فوق
صرخت وهي مفزوعه: سلطااااااااااان
،،
،،
كتتتتتتتتتتتتت
،،
،،
،،
لا ابيح ولا اسامح من ينقل روايتي او يقتبس منها بدون ذكر اسمي
ولا ابيح اللي ينقلها على الانستقرام حتى بذكر آسمي
استودعتكم الله الذي لا تضيع ودائعه
سبحان الله وبحمده سبحان الله العظيم
" الوتر أحبتي "
|
05-04-16, 12:37 AM
جديد مواضيع قسم القصص المهجورة والغير مكتملة
العرض العادي
