رد: أعشق أنانيتك عندما تتمناني لك وحدك الكاتبة نوني الجنوب - الصفحة 32

13-03-16, 11:57 PM

المشاركة رقم: 156

المعلومات
الكاتب:	فيتامين سي
اللقب:	متدفقة العطاء

البيانات
التسجيل:	Jun 2008
العضوية:	80576
المشاركات:	3,194
الجنس	أنثى
معدل التقييم:
نقاط التقييم:	7195

االدولة

مدونتي

الإتصالات
الحالة:
وسائل الإتصال:

كاتب الموضوع : نوني الحكمي المنتدى : القصص المهجورة والغير مكتملة

رد: أعشق أنانيتك عندما تتمناني لك وحدك

في بيت ابوعصام ..
،،
،،
دخلت على امها تبي تطيب خاطرها ...
قالت بهمس اول مادخلت :يمه ليت ماتزعلي مني والله لمصلحتها ..

ام عصام بحده :ريتآج مدام صافة معك ابوك لاتقربي مني

ريتاج عضت شفته وبغصه:غصب عني يمه صافه معه

ام عصام قاطعتها: خلاص ريتآج والله مالي نفس الحين اتكلم في شيء

ريتآج قلت بهمس: على راحتك يمه. ..وانسحبت بهدوء...حسيتها ماهو طايقة حالها حتى ..
رفعت جوالي اللي رن في يدي...شفت رقم وليد ...
عقدت حواجبي خير ..وش يبي ذا بعد ..ضغطت الأخضر
وقلت ببرود: ايوه

وليد : اطلعي انا برا.

ريتاج بضيق : ليه جاي قايله لك بنام عندهم

وليد بحده : اطلعي ساكته
عضيت شفتي بقهر ..وش يبي ..ذا جاي حضرته ..
ماهو قايلة اليوم بنام عندهم ...سكرت بدون ماااتكلم ..وطلعت
لغرفتي ...وأخذت العباية ..ومريت على اسيل عشان اقولها
دخلت الغرفة ابتسمت لها وانا اشوفها تنشف شعرها
قربت منها وضميتها وبهمس: آسفه اسيل
أسيل بهمس:عارفة من غير ماتحكي تبي مصلحتي وصكت على سنونها ليته ماهو أخو لطيفه كان أهون

ريتآج : ماعليه ي قلبي أهم شيء الولد...والحين بروح

اسيل بقهر : ليه من شوي قايله بتنامي هنا

ريتاج عضت شفتها بعجز : ماعليه ولد عمك مدري وش ضرب فيه مخه اليوم وجاي لي ..

اسيل : افف منه هذا ليه مايخليك تنامي عندنا ...
مثل أول ..كله حب يعني ..

ريتآج رفعت كتوفها :مدري عنه وسلمت عليها وطلعت وانا متضايقة ...بس وقفت من كمية الكذب الي اسمعه .. عضيت شفتي ...لسى مستمر يعني ...ويبدع بعد

: والله ي عمي خيرة يمكن لهم ..ومعك حق مهما كان
بناتك وأنت حر وتشوف مين اللي ينسابهم
وابوي صدقني ماراح يزعل ...
ابو عصام بضيق: والله ي بوك يعز علي ارد ناصر بس أخوك
هو بنفسه رفضها وماحبيت ارخص بنتي مرتن ثانيه
إلا مثله ماينرد ....

ريتآج مشيت يمهم وقلت بقهر : لا والله اسيل ماتستاهل كذآ
وخلاص يكفي انا ..

وليد بقهر ..من كلامها : أنت وش ناقصك

ريتآج ناظرته بسخريه : ماقلت منقص علي شيء
بس قصدي يكفي وحدة انرمت على وأحد متزوج هذا الي قصدته

وليد رفع حاجب وقال: الرجال محلل له أربع
ومافيها شيء الوحدة توافق على رجال متزوج اهم شيء يخاف الله فيها ولا ينقص عليها شيء

ريتآج بدقه له: في ذي صادق والله اهم شيء يخاف الله فيها ..
وطبعاً ماقصد من كلامي شيء وهي تناظر ابوها الي ساكت رفعت اصبعها وهي ميله فمها بأبتسامه أنت مافي مثلك اثنين

ابو عصام بجمود : الله يسعدكم مع بعض

وليد بهمس : اللهم آمين وناظر ريتاج بزعل يالله
ريتاج سلمت فوق راس ابوها اللي همس لها ليت تقولي وش في خاطرك ..ودها تقول.. له قلت قبل يبه ..بس كان ردك مايعجب
عشان كذا اسكت أحسن. ...

لحقت وليد اللي مشى قدامها وركب السيارة. .ركبت بهدوء
جنبه ...
وليد أول ماقفلت الباب قال بعصبيه: ضروري شغل الدق ذا
والحركات اللي مالها داعي كم مرة قلت لك حاجة بينا لا تطلع

ريتاج بعصبيه : وانت بعد مامليت من الكذب ي رجآل خاف ربك تمشي وتكذب بدم بارد كذآ استح

وليد بعضبة صرخ : ريتآج

ريتاج حطت يدها على الباب ناويه تنزل وبقهر : أنزل احسن مالي مزاج لصراخك

وليد بسرعة مد يده ومسك الباب ورجع قفل بقوة وهو معصب
رجع حاله على المقعدة وهو يزفر بعصبيه حرك بسرعة جنونيه
وهو معصب ...حده ..

،،
،،
في بيت ابو وليد .
عند شوق اللي في المطبخ...تحضر قهوة وحلى دق عليها عصام وقال جاي. .الله يستر ..لا يفتح سالفة الخطبه حق ناصر. .
...
شفت حسام اللي جاي يركض قال وهو فرحان : عصام جاا
واعطاني 500 يقول لنحاج مدري اي ناجح زوجك خبل

شوق بقهر منه : انقلع أحمد ربك وهو عبرك يمكن قصده يوم ينتهي الترم يكون هو هناك ومايمدي يفرحك

حسام : والله انه مفهي يمكن اسقط ..

شوق بحده: بعد عارف حالك

حسام : اي والله عارف حالي مدام مدرس الرياضيات لسى في مدرستنا

شوق : حسام فارق عن وجهي وخلني اطلع لرجال ينتظرني

حسام يقلد ريتآج : صدق مافي نسوان عاد يستحوون..
،،
،،

في الحوش

ريتآج الي توها ..دخلت شافت عصام واقف .. ...قربت منه .وانا
ناويه افزعه ..قلت بسرعة بوو ....مت ضحك على فزته
عصام الي تخرع :بسم الله وش جايبك

ريتآج بأبتسامه: هذا بيت رجلي .. انت اللي وش جايبك ...

عصام يقلدها: بيت مرتي والله. ..
وهو يناظر وليد الي توه يدخل ..هلا هلا بالكابتن

وليد قرب منه وسلم عليه : هلا فيك وصغر عيونه ها اشوف
رجلك مأخذه على بيتنا بزيادة

عصام بقهر يوم شاف شوق طالعه قال بصرخه : تعالي
ي الشوق افزعي معي ضد أخوك الي خرب علي وآخر زواجنا

وليد : هههه حاقد بعد

شوق خجلت ..توقعت ...وليد ماراح يرجع الحين ..ناظرت
ريتاج غريبة رجعت وهي قايله لها ... بتنام عند أهلها. .

وليد ناظر شوق وقال : البنت ساكته يعني ماتبيك يالله برا

عصام بقهر :يالغبي فاهم هالمثل غلط مدام ساكته يعني راضيه

وليد ضحك بقوه وقال: فاهمه غلط ولا صح وش جايبك
هالوقت يالله فارق قبل ماصحي الشياب قسم بالله بالعجرة ..
على هالظهر ..
ريتآج
طنشت وليد يوم جلس يسولف ..ودخلت شفت حسام يلعب
قلت بسخريه : هاا اشوف مسبوط بعد فيه

حسام قرب منها بسرعة وقال : افاا ليه ماتباركي

ريتآج : ماراح اقولك مبروك لأنك صدمتني توقعت كرامتك من فوق كل شيء ماهو يصفقك ..وترضى بسرعة ..

حسام حط يده على خده: لا تذكريني وبعدين ..وش بتنفعني بوه كرامتي يوم انحرم من سكوتر الذكي

ريتاج بقهر من تفكيرة: غبي كنت بأخذه لك انا

حسام :اقول بلا هياط كم مره قلت لك وأنتِ مسويه مطنشه

ريتاج سكتت وانا اشوف وليد الي دخل ..ناظرته بقهر
أكره هالنظرة اللي يوجهها لي يوم يشوفني احكي مع
حسام ...أعطتهم ظهري وطلعت ..وقفت يوم قال: كم مرة حذرتك من هالسواليف مع حسام

لفيت له وقلت بقرف منه ومن تفكيرة : وانا كم مره قلت لك حسام لسى صغير وأول ماشوف انه سنه مناسب بتغطى منه وماراح عاد اسولف معه وعقلك المريض ذا نظفه شوي
وليد بحده : ايه عقلي مريض وش عندك .. وبعد خليني اشوفك تتكلمي معه ...صدقيني بيكون حسابك عسير ..

ريتآج بسخرية : اقول ي البطل روح غرفتك قبل ماتطلع لطيفه
وبيكون أنت حسابك عسير ...وبسرعة شردت يوم شافته قرب منها وهو ناوي عليها قفلت الباب ..بسرعة ..وهي مو مصدقه حالها انهت قدرت تفلت منه ..يالله ..كان بتروح فيها اليوم ..بس بعدها ضحكت بقوه ..
عصبته يستاهل ..محد قال له يجي لها ..بيت أهلها. ..

14-03-16, 12:01 AM

المشاركة رقم: 157

المعلومات
الكاتب:	فيتامين سي
اللقب:	متدفقة العطاء

البيانات
التسجيل:	Jun 2008
العضوية:	80576
المشاركات:	3,194
الجنس	أنثى
معدل التقييم:
نقاط التقييم:	7195

االدولة

مدونتي

الإتصالات
الحالة:
وسائل الإتصال:

كاتب الموضوع : نوني الحكمي المنتدى : القصص المهجورة والغير مكتملة

رد: أعشق أنانيتك عندما تتمناني لك وحدك

في الديرة

يالله اليوم ..فرحانه حيل ..والله بغيت ارقص. .
يوم دخل علي وقالي ...جهزي حالك بنمشي بعد المغرب...
سمعت عمته تنادي علي ..طلعت ..شفتهم كلهم جالسين ..
صيته:تعالي يمه ..احط لك حناء

ريوف هزيت رأسي وانا اناظر حناء العجيز ...اللي كل يدها
كذا شكل وأحد ..خبله اسلمك يدي.. بس قلت... بخوف وانا اناظر أسامه لا ... يسوي لي سالفة : معليش ماحبه

صيته : هوو يمه ماتحبيه ...والله انه زين.. مدي يدك بس
اسوي لك قبضه ...مقد صار مثلها ومافي حد يضبطها مثلي

ريوف ي ام البلشة ..ذي ..والله مابي ...قلت بمحاولة أخيرة
: لا لا شكراً

صيته سحبت يدها غصب : هاتي الرجآل يحب الحنا وناظرت اسامه الي يتقهوى وهو يناظر جواله ولا لا يمه ...

اسامه ناظرهم وقال بجمود : ماحبه أبد
ورفع حاجب مثل الي يقول ...ولا شيء يجذبني فيك ..

ريوف طنشت نظرته ومديت يدي بعناد : يالله ابدعي في يدي
وناظرته بتحدي ...
اسامه رفع حاجب ...هز رأسه ..على حركات المبزرة
بس طنش

صيته وهي تحنيها :ودي كان تجسلووا أكثر والله وبعدين الاسبوع الي وعدت فيه ماكمل يمه. ..

أسامه : والله ي عمه ودي اجلس هنا .. على طول وأنتِ عارفة حبي للديرة بس خويي الي ماسك عني مرته تعبت على وشك ولادة يخاف عليها لحالها أهلها في مدينه ثانيه. ..

ريوف

يالله انك تطمنه على مرته ذا الي فكني من القعدة هنا وبعد الأخ يحبا لديرة وده يجلس . ناظرت الجده اللي ساكته ...بس صحت بألم يوم شدت على يدي :آه

صيته : اقول ي الدلوعه ..عشان تثبت وتطلع مضبوطه وناظرت اسامه بنت المدينه دايم ماتحمل ...

اسامه قال وهو ناوي يغيضها يدري فيها تكرهه المكان
: خلاص أجل مابي مرتي دلوعة وعشان كذا بخليها لك ي عمه
وخذي راحتك ولا أخذها غير سنعه
..
الجده بسخريه : العوبه عوبه حتى لو علمنا فيها سنه
صيته ناظرتها: لا والله يمه في ذي ماصدقتي والله لو تجلس شوي بس بينا راح تتعلم عاداتنا...
ريوف
..ناظرت اسامه بقهر ..
ليه ماهو راضي يفهم انها كارها عمري هنا ....ليه مايحس ..فيني لو شوي ولا بس يدور ويسعى لكل شيء يكدرني ...
ناظرت صيته وهي تقولي :خلاص فكي يدتس
فكيت يدي وانصدمت من الشكل. .الي طلع لي ..يمه وش ذا
وليته بعد مضبوط مثل ماقالت ...قلت بهمس: صاير ملخبط صح

صيته : هووو وشهوو اللي ملخبط اقولتس محد يضبطها غيري
سحبت يدها ..وهي .. تقرب من اسامه: شوف يمه زين ولا لا

اسامه ناظر يدها ورجع ناظر وجهاا ابتسم بشماته على حالها
قال بسخريه: يمه مافي ازين منه بس ذي وش يعرفها بالزين
وبخبث بعد لو تسوي مثل ميمه يطلع أحلى

ريوف سحبت يدها بخوف لا لا مثل جدته ماتخيل يدي ..

صيته : اشوى يمه والله بغيت انجن ..دايم اسويها وتعجب اللكل وبزعل معاد مرتك
ريوف
آه ماذبحتني إلا هالثقة ...هزيت رأسي وانا امثل انها عاجبتني
عشان ماتسوي لي مثل جدته والأخ يفرح : مين قال ماعجبتني بالعكس. .حلوة مره بس كنت امزح معك ..

صيته ابتسمت :بسامحتس بس هالمره عشان وليدي وعدني انه بيسمي ...على ابوي ..

ريوف ناظرت اسامه ...آه بس هذولا جالسين يرمون كلام..
مايدرون قد ايش يوجعني ...اي سم .. الي وعدها فيه أحسن شيء اسكت ..

صيته بقهركملت : كل ماطلبنا حد يسمي عليه رفض ....
ابوتس جابهم إثنين. .وخالتس وقفت له وحلفت يمين مايسمى
وبعد رجلي ودي كنت اسمي على ابوي بس هو بعد رفض ..وسمى على ابوه وإخوانه ... .

ريوف قلت وانا ودي واعرف وش ذا الإسم الي رافضين يسموونه قلت بفضول : وش اسمه وناظرت اسامه اللي
ناظرني بقرف ..حسيت من نظرته ...مثل الي يقول لي
مالك حق تسألي ..لأنك مستحيل يوم تكوني أم لعيالي..

الجدة بحده : لو جبتي الضنا هذاك الوقت تعرفي إسمه بس مدام لسى ماشلتي ماهو ضروري تعرفي ...

ريوف
رفعت حاجب ...الله والاسم اللي صعب حد يعرفه ..
ي مسهلها أخذ بطاقة اسامه واشوف ....اسمه مسطر ...يعني وش بيصير ..صدق ..شيء يقهر .وقفت وانا متضايقة. ..
دخلت الغرفة. ..ناظرت ..جهة ثوبه الي معلق...
مشيت بفضول ...ومسكت الثوب ..ودخلت يدي ..وأخذت
المحفظة ...وي دوب افتحها ..إلا اسمع الباب يفتح وبسرعة قال : وش تسوين ...بلعت ريقي بخوف. وش ييقول الحين ...ورفعت رأسي وقلت بتوتر: كنت ابي أعرف قاطعني بصرخة
:وش بتعرفي هااا هز رأسه بقهر كل مره اشوف فيك شيء اشين من الي قبلة. ..يعني مايكفي ...وساختك ...بعد سروق ..
ريوف هزيت رأسي بلا ابيه يفهم رفعت يدي: والله والله
بشوف اسم جدك بس

اسامه ضحك بسخريه :تشوفي ايش يقال الحين ذا عذر ..
هز رأسه صدق خبيثة ..شوفي العذر ...بس ..وبصرخة يعني مايكفي سرقتي حياتي ..وكل شيء ..وسكت وهو مقهور ..

ريوف هزت راسها بعحز خلاص ..والله لو ايش معاد بيصدق
بعدت بخوف يوم قرب ..منها .. وسحب المحفظة. ..وبسرعه طلع الفلوس الي فيها ...ومدها لي بسخريه : خذي كان طلبتي من غير ماتسرقي ...

ناظرت الفلوس. ..بقهر ليه ليه دايم حظي كذا قلت بغصة:مابيها ولا نيتي اني أبيها بس سبحان الله حظي دايم ضدي

انصدمت يوم رمى الفلوس في الأرض وهو يناظرني بقرف :
خذيها وأنتِ ساكته ....وبعصبية مسكها من عند كتفها ..خلاص
اثبتي مره لي ان فيك خصله زينه ...ودفها ..وطلع

ضربت في الدولاب ..عضيت شفتي ....بألم. .ناظرت كتفي ..
الي محمر مكان مسكته ....نزلت رأسي للأرض شفت الفلوس
مرميه .. رفعتها من الأرض. وخليتها على سريرة ...عشان يعرف انه ماودي فيها ولا هذي نيتي .....آه يعني ضروي اشوف إسم جده ...الله يسامحك ي صيته ..هي الي خلت هالفصول عندي...

،،
،،
،،
،،
بعد ثلاث .. شهرين ....

ريوف حالها ...كل يوم مع اسامه يشين أكثر. .من قبل
تحس بالكرهه..والحقد عليه ... يزيد....

اسامه
كل ماقرب موعد زواج رائد يحس بقهر ..وعصبيه.. أكثر. .
والي ذابحه أكثر الموعد الي بعد ا سبوع .. يعني خلاص
اسيل طارت من يده أكيد. ..
ريتآج
مطنشه وليد على الآخر. ..وبعد لطيفه ...على الحركات
اللي بعص مرات تنرفزها بس دايم. .تحاول تكبر عقلها
وتدور لها عذر... ...

وليد
اللي هالفترة معصب ..وحالته حالة . بذات من حركات ريتآج الي مره مو شايفته أبد ..بس الي شوي مريحه
لطيفه ..الي صايرة شوي هاديه ..ولا عاد تجيب سيرة ريتآج لا بخير ولا بشر

لطيفه
تحس ببررود وتبلد في مشاعرها بعد ...من ناحية وليد ..
تحسه ماهو معاها أبد. ..وحتى لو ضحك معاها او سولف
بس يلمح ريتاج او ينذكر اسمها تحسه .يتغير ..بعدها
وعدت حالها ..معاد تظهر غيرتها او تحسسسه انه شي كبير وبتموت عشانه لو خسرته او حد شاركها فيه ...وبعد فيه
شيء مريحها ريتآج بعيده ..كل البعد عن وليد هالفتره...

شوق
آه ي شوق طايرة بالرومانسيه مع عصام ..الي بس ماسكه
الجوال اربع وعشرين ساعة ..وي ويلها تقفل ...
وعصام بعد حاله نفس حال شوق....
وجالس يعددد الايام والشهورة يبي شهر ثمنيه يجي بسرعة
وينزل ويسوي عرسه ويأخذها معه طقت نفسه ....

سآمي
آه من حاله ..العاشق ..مسوي مطنش ..بس يكذب على عمره لو يقول ماوحشته
بس يحاول يقسي قلبه عشان يتعود خلاص ...على الفراق الدايم
وكلها شهر واقل بعد ويشوف ولده....وهو الي بيكون له سعادة

غلا
الي سوت إشاعة. .بس عيت على الدكتورة ماتقول لها
ماتدري ليه ماتبي تدري .... وآه من وقت مادخلت التاسع وهي حالتها حاله تحس بثقل وتعب ذبحها ...
ومع آخر مشكله صارت بينهم يوم ظلموها انها هي الي تدعي على بدريه .. ..صار تعاملها مع الكل بشراسه ..حتى ابوها
صار يطنش ...وبعد ماهو فاضي لها ابد تموت وتعرف وين يغط لمدة يومين ويرجع ...عندها أمل انه متزوج على ذي القشرة معاه . ....وبتكون في قمة السعادة لو صدق طلع متزوج...

،،
،،
،،
في شقة اسامه
ناظرتها بتوتر وأخذته منها وهي خايفة الله يستر
قلت بتوتر: مشكورة حبيبتي ...

لطيفه بفرحة : يالله بسرعة روحي شوفي بقول مبروك ....
ريوف بخوف : لا لا تكفين لاتقوليها ....ومدت الجهاز خذيه مابي وانا عارفة حالي ماهو حامل ..ايه مو حامل ..

لطيفه عقدت حواجبها : وش تقولي أنتِ ...يوم دقيتي علي
طلبتي قبل ماجي عندك أخذ لك .جهاز ...توقعت بتسوي مفاجأة ...لاسامه وكنت بعطيك بعد أفكار حلوة ..عشان كيف توصلي له الخبر بس الحين والله انصدمت من كلامك ...

ريوف ابتسمت بتوتر عشان ماتحس بشيء : خلاص لا تزعلي بسوي تحليل واشوف ايش يطلع ...وقفت وانا متوترة حدي

لطيفه بحماس : ايوه تكفين شوفي الحين ...والله شوقتيني اترك المانع ..واجيب بيبي ..

ريوف ابتسمت مجاملة ..لها ومشيت ناحية .. الحمام الله يعز القارىء
وسويت التحليل....وبعدها بدقايق ..رفعت الجهاز وانا مقفله عيوني مابي اشوف النتيجه .......
ريوف بخوف : لا لا تكفين لاتقوليها ....ومدت الجهاز خذيه
مابي وانا عارفة حالي ماهو حامل ..ايه مو حامل ..

لطيفه عقدت حواجبها : وش تقولي أنتِ ...يوم دقيتي علي
طلبتي قبل ماجي عندك أخذ لك .جهاز ...توقعت بتسوي مفاجأة ...لاسامه وكنت بعطيك بعد أفكار حلوة ..عشان كيف توصلي له الخبر بس الحين والله انصدمت من كلامك ...

ريوف ابتسمت بتوتر عشان ماتحس بشيء : خلاص لا تزعلي بسوي تحليل واشوف ايش يطلع ...وقفت وانا متوترة حدي

لطيفه بحماس : ايوه تكفين شوفي الحين ...والله شوقتيني اترك المانع ..واجيب بيبي ..

ريوف ابتسمت مجاملة ..لها ومشيت ناحية .. الحمام الله يعز القارىء
وسويت تحليل....وبعدها بدقايق ..رفعت الجهاز وانا مقفله عيوني مابي اشوف النتيجه .......
،،
،،
،،

كتتتتتت
،،
،،
البآرت اللي بعد ماراح احدد متى ...عشان اخاف تطلع لي
ظروف مثل هالبارت واخلف في وعدي . وبإذن الله . قبل نزول البآرت الجاي .... راح اعطيكم خبر ...قبله بيوم ...

20-03-16, 12:43 AM

المشاركة رقم: 158

المعلومات
الكاتب:	فيتامين سي
اللقب:	متدفقة العطاء

البيانات
التسجيل:	Jun 2008
العضوية:	80576
المشاركات:	3,194
الجنس	أنثى
معدل التقييم:
نقاط التقييم:	7195

االدولة

مدونتي

الإتصالات
الحالة:
وسائل الإتصال:

كاتب الموضوع : نوني الحكمي المنتدى : القصص المهجورة والغير مكتملة

رد: أعشق أنانيتك عندما تتمناني لك وحدك

آللهم إني استغفرك وأتوب أليك

اللهم صل وسلم على نبينا محمد
" صلو عليه "

الروآيه لا تليهكم عن الصلاة اللهم بلغت اللهم فاشهد

"
& البآرت الحادي و الأربعون &
،،
،،
،،
فتحت عيوني ..وناظرت الجهاز ...بصدمه طلع خطين بشكل واضح....حسيت الدنيا سودة..قدامي ..والله إني كنت حاسه. .
من زمان حول ثلاثه أشهر. ..كيف صار الحمل والفترة الي صار فيها ..كنت أشرب مانع وبعد مافي يوم ماشربته .. تذكرت يوم العرس...مسكت بيدها على المغسله ...آه ليتها ..ماقالت له مستعدة تثبت برائتها. لا أثبتت البرائة اللي تبيها ولا شيء غير حملت ..وآه .الحين وش ذنب هالطفل بيخلق ...لأبو مايبه ...عضيت شفتي ..ورفعت رأسي وناظرت وجهي الي
متغير...رميت الجهاز في السله ..وفتحت المويا وغسلت وجهي
أكثر. ..من مرة ..حاولت اخلي حالي طبيعية ..وبعد مابي اوضح ..إني سويت التحليل لازم ادور ..عذر ..مابي أكذب
ولا اقول لها على الحمل...لما يدري اسامه ..آه ي اسامه مدري وش بتسوي فيني يوم تدري كيف اخبيه ..صعب آلحين اطلع من الحمام ..وهي قدامي في الصالة...آكيد بتشوفه في يدي ..حطيته على المغسلة ..وبعد ماتروح اقدر ارميه . غسلت وجهي أكثر من مرة عشان يخفف التوتر اللي فيني .. فتحت الباب...وانا كلي ارجف ..وحالتي حالي بس ماسكه نفسي بالقوة ...
شفتها تناظرني بحماس ...
قلت وانا مبتسمه بتوتر : اممم ضميري انبني اسوي واسامه ماعنده خبر ..وبعد ماهو جنبي ..

لطيفه رمت رأسها على ظهر الكنبه: ياويلي على الحب .أقول
فكينا وروحي سوي وخليني أبشر أمي

ريوف تنهدت براحه الحمدلله والله وانا ماقلت لها
. ..
كان بتروح تقول لأمها وقتها اسامه يمكن يقتلني ...

لطيفه ناظرت بطنها ..قالت بتأكيد: والله انك حامل وبعد من مبطي بطنك بدا يبرز ..ي الغبية كيف مانتبهتي

ريوف بسرعة نزلت نظري لبطني ..قلت وانا احط يدي
عليه لا لا بس لاني سمنانه هالفترة ... وطلع لي بطن

لطيفه بخبث : اي سمن أقول لا تخافي ماراح أعطيك عين
وابتسمت وسحبت الشنطه وطلعت الكرتون المغلف...
ناولتها ...تفضلي وان شاءالله يعجبك ...

ريوف عقدت حواجبها :وش ذي

لطيفه بأبتسامه : افتحي وشوفي

ريوف مدت يدها وأخذت الهديه وفتحها وهي تناظر لطيفه
فتحت عينها بصدمه. ..يوم شافت انه جوال عضت شفتها آه ماسويتي فيني خير أخوك أكيد بيحققق معي .. وبينشب لي ..آلحين
قلت بتوتر من الصدمات اللي تجيني ورا بعض ...اليوم
: لا تسلمين عندي جوال وهي تناولها. .

لطيفه بزعل:افاا تردي الهديه ...
ريوف بخجل : لا بس ماعرف غير لها لجوال وهي ترفع جوالها من على الطاولة ...

لطيفه سحبت الجوال من يدها :اقول هاتي افتحه واطلع الشريحة واركبها ..لك عشآن كنت بجيب لك شريحه بس قلت أكيد. ..ماتبي تغيري رقمك وبعد أهلك والي تعرفيهم يعرفونك بهالرقم ...بس عضت شفتها يالله يبي لها قص ...
راحت عن بآلي ذي

ريوف بقلق من ردة فعل أسامه : مشكورة حبيبتي وعادي خليه بعدين اسامه يسويه في اي وقت

لطيفه بقهر من أخوها مافكر يغير لزوجته الجوال مهما كان
عنده خير ومعروف في كرمه ...وش بلاه على ذي الضعيفه ..بس والله ماهو منه ...اللي معسكرة فث قلبة مالت عليه عنده جوهرة ماتتثمن ..ولا تتقارن بالدلوعة ...اللي تورط فيها الخبل الثاني ...قالت بنرفزة من تفكيرها ...في اسيل واخوانها الأغبياء في نظرها : اسامه شكله ماهو فاضي أبد والحين رائد جاي لي واخليه... يسويه

ريوف بخوف : لا لا رائد لا يسويه أسامه ماراح يقصر

لطيفه بشك : وش ذا الخوف من سيرة رائد
ريوف بلعت ريقي وقلت وانا مابيها تشك زود : لا لا بس مستحيه ...منه مابي اتعبه ..
لطيفه : مابه تعب ولا شي وبعدين قبل العمارة بشوي فيه محل جوالات يعني كلها دقايق ويكون خالص

ريوف ابتسمت تغطي على حالة الخوف : اوك خليه يسويه مدام مافي تعب عليه
لطيفه دقت على رائد ....وبسرعة جاا..وأخذه منها وفعلاً كلها دقايق ....ورجع ..ودق عليها تتطلع ..

لطيفه : هااشفتي مأخذ وقت ...وقفت عشان تأخذة منه ...
وفعلاً طلعت له برا الشقة وأخذته منه
قال بقهر : وش ذا القحط الي أخوك معيشة مرته

لطيفه بهمس ماتبي ريوف تسمع : خلاص فارق سويت خير اسكت لا تجلس تكثر حكي

رائد بقهر منها : أقول والله بسكت لك عشان الضعيفه آلي داخل بس ...
لطيفه وهي تتأففف: فارق بس والحين جايه ..

رائد رفع حاجب : بعد مخليتني سواق
لطيفه قفلت الباب .في وجهه ..
و تقربت منها وهي تقول: هاا شفتي م تأخر وبعد.. دخل لك الواتس .. وبعض البرامج .... ويالله خلينا نسولف على الواتس اوك ...ماهو اشوف لك آخر ظهور بعد كل أسبوع
اذبحك ..ويالله بروح

ريوف
آه طول ماهو واقف عند الباب وانا أدعي قبل رجوع أسامه من الدوام ..هذا وقته يارب استر فرحت يوم قفلت الباب..آه وش تقول ذي ...دخل بعد لي واتس انا مو خالصة منه وانا معي هالكسرة .. وآه بعد.لو يدري ان أخوه اللي قص الشريحه
مدخل لي الواتس ...يآربي الطف فيني بس يوم قالت بتروح ..قلت بسرعة ودي تجلس اليوم عندي خايفة من رد فعل أخوها .. :وين بدري خليني اذوقك بالحلى الي سويته ...

لطيفه: الحين جالسة لي ساعة وأنتِ ماعندك غير العصير ...

ريوف بفشله من كثر خوفها والربكه الي هي فيها... نست الحلى الي مسويته .ماعرفت وش ترد

لطيفه حزنت عليها :امزح معك حبيبتي والله ودي أجلس أكثر واذوق حلاك بس رائد ينتظرني برا وذا مطيور لو تأخرت عليه بيروح ويخليني بدم بارد ولا بيفكر بعد...

ريوف مدري ليه اتوتر إذا انذكر اسمه قلت: ماعليه دقي عليه وقولي له يروح وكلها ساعة أو أقل ويرجع أسامه وهو يوصلك

لطيفه : لا ي قلبي مشكورة والله لسى واري مشوار لبيتي

الحين موعد رجعة وليد ...بس يالله عشان ماتزعلي اعطيني منه
شوي .وبعد حبيبي يذوق منه ..
ريوف هزيت رأسي وانا بالي بعيد افكر في المصيبة الي بتصير لي يوم يدري أسامه ...: ان شاءالله يعجبه

لطيفه ابتسمت : ماعليك دوب اي شيء يبلعه...

،،
،،
،،
نزل من السيارة ..انصدم من سيارة رائد اللي واقفه جنب باب العمارة . وصلت فيهم لهنا قرب منه بعصبيه...

كان جالس في السيارة دق الدريشه بقوة واشر له بيده :وش عندك هنا
رائد فتح الدريشه وناظرة بكل برود ..: افاا هذا بدل تفضل

أسامه بحده : أقول بلى كثرة حكي وقول وش موقفك عند بيتي

رائد شاف لطيفه الي طالعة من باب العمارة أشر بيده ناحيتها .
من غير مايتكلم ورجع قفل الدريشه بكل برود..أشر بيده يعني روح فارق عني ...بشرك ..

اسامه ناظر وين مأشر ...أبتعد عن الدريشه وقرب منها وقال وهو يحاول يهدي حاله :هلا والله بالشيخه ..
لطيفه : هلا فيك والله كان ودي أشوفك

اسامه :حياك تفضلي ...

لطيفه :لا والله خلاص من مبطي جالسه عند ريوف بروح ...
الحين زوحي يوصل ...وأنت جاي من دوامك الحين
وتبي ترتاح ويالله مع السلامة

اسامه :الله يحفظك ...

واتجهه لشقه ...كويس وهو مسك حالة ...قبل مايبرد قلبة
في رائد...وينفضح قدام لطيفه ...حس بقهر ..يذبحه ...دخل الشقه .
شافها قدامه متوترة. .وحالتها حالة

وبعد شكل عندها شيء ..قال بحده : ليه مو قايلة لي ان لطيفه جايه

ريوف بتوتر من اللي حاسة فيه يآربي حتى على زيارة أخته يحاسب أجل أشلون لو دري بحملي وبالجوال...قلت بخوف:دقت علي وقالت بتجي ...ايش تبي اقول لها غير حياك الله

اسامه بعصبيه :ماقلت لا تستقبليها بس كان مفروض تقولي لي
انها جاية ..يوم شفت رائد برا بغيت اذبحه وكنت بتصير علوم سبة دلاختك ...
ريوف تنهدت بغيض منها افف بس يهاوش ...قلت وانا اغير السالفة :فيه قهوة جاهزة وحلى احط لك

اسامه رفع حاجب لا... يقال الحين تغير السالفة ...وبعد حاس فيها شي موترها..وحالتها حالة ...بس هز رأسه بدون صوت وراح يغير بدلته ....
ريوف

راحت المطبخ ..وحضرت له القهوة ..وهي تفكر تقول له
او لا .آه ي انها صدمه كانت لها ..وهي تشوف الخطين كيف حملت ومتى بعد حملت ..وكم لها يعني
أكيد لها ثلاثه وشوي...من آخر مرة .. جتها .....
وش تقول له ..فزت من صرخته : بسم الله

: ساعة عشان تحضري لي ...القهوة ..

بتوتر فركت يدها : معليش ثواني بس تشوفها قدامك

اسامه قرب منها بشك ..يحس وراها بلى :ايش عندك كذا
مخليك مفهيه ...

ريوف هزت رأسها وبعد خوف من قربه : مافي شيء روح
وغداك بيكون جاهز قدامك .
.
اسامه ناظرها وهو مصغر عيونه : غداي اقولك قهوة
ريوف عضت شفتها يالله اليوم بتفضح حالها غصب ...قالت بتوتر: اقصد قهوتك .
.
اسامه بشك : وراك بلى وبصرخة قولي وش مهبهه
عشان لو دريت بطريقتي بيكون حسابك شيء ...وقتها

ريوف صدق غبية الحين وش يفكني منه ...: مافي شيء روح خلاص

اسامه بعصبيه قرب منها :اللي موترك جية رائد لهنا يوم وصل لطيفه

ريوف بعدت عنه وبكذب : وش يدريني إنه وصلها
وليه اتوتر بعد.

اسامه صغر عيونه وبشك : لا وش يدريك اكيد فيه شيء من طرفة مدام كذا متوترة وحالتك حاله

ريوف فتحت عيني بصدمه: يالله لهالدرجه الشك وصل فيك

اسامه بعصبيه:من حقي ولا لا

ريوف :من حقك اذا كنت صادق ...بس مدام مظلومه لا والله
ماهو من حقك أبد

اسامه قال بحده: وش فيك بسرعة انطقي بدون تضيع للسالفة وعقد حواحبه .. و لايكون قلتي لطيفه شيء بحده صرخ يالله افضحي حالك مابقي غيرذي بعد

ريوف هزيت رأسي بلا ... يالله هذا راح تفكيرة بعيد مره وكل مرة يجيب سالفة ..قلت بقهر : أقول لاتألف أكثر السالفة ومافيها
إني وسكتت خايفة من رد فعله إذا قلت حامل ..بس ..بسرعة فكرت في الجوال أكيد بيكون أهون
: لطيفه جابت لي جوال وخفت تهاوش

اسامه بصدمه : ايشش جوال ..ليه طيب جايبته..وش المناسبة

ريوف الحمدلله وهو صدق ان الي موترني بس الجوال قلت براحه: مدري تقول حبت تهديني ..أختك ذي عسل

اسامه بعصبيه :وينهه

ريوف أكيد بيأخذه عنها الحين قالت بخوف من عصبيته
: شوفه في الصاله ...
اسامه مشى ناحية الصالة ونزل نفسة شوف وسحبه من الكيس
وطلعه منه قلبه في يده كان آيفون. .رفع حاجب بعد وناظرها وهي واقفة عند باب المطبخ ابتسم بسخرية صايرين أهلي
يشفقون عليك
ريوف عقدت حواجبها بضيق: لا مايشفقون بس حبت تهديني مافيها شيء وان شاء الله ربي يقدرني وارجع لها الهديه ...
تستاهل

اسامه عصب من ردها قرب منها ورفعه في وجهاا وقال
بصرخه : في أحلامك يكون معك ذا انا مو خالص وجهازك كسرة الحين آيفون وش راح تسوي فيه وبشك أقول من وين لك بس لايكون جية لطيفه خطه بس عشان يعطيك الزفت ذا وهو يرفع الجوال...

ريوف حست الدينا سودة في وجهاا من تفكيرة ... يالله أشلون كذا فكر. ..
رفعت يدها وهي تسكته : حرام عليك يكفي خذ الجوال ودق على أختك واسألها بنفسك. ..

أسامه صغر عيونه وقال: وش يدريك لطيفه يمكن ماتبي مشاكل وبتقول ايوه جبته لها وبعدين تعاتبك بينك وبينها وأكيد وقتها عند ك كذبه ثانية لها ....ماهو هذي صفه معروفة فيها

ريوف نزلت دموعها من كلامة الي تحسه يشطرها نصفين ..قالت وهي حاطه يدها على فمها بطنها رجعت تقلب عليها
: خاف ربك رآح تلقى هالظلم كله وبعدت عنه .. وهي ماهو قادرة عاد تصبر ..راحت تركض
.و فرغت الي في بطنها كله . غسلت وجهاا أكثر من مرة سحبت المنشفة و نشفت وجهاا وطلعت. ..وهي تعبانه .شافته
واقف لسى في الصالة

اسامه بقرف : وش فيك لك فترة كذا اقرفتيني ...بس تستفرغي

طنشته وجلست على الكنبه ..وتمدتت
وهي تحط يدها على رأسها تحس الدنيا تلف فيها ...يالله تعبها الاستفراغ لها شهرين على ذا الحال ....

اسامه بعصبيه رفع الجوال: ذا انسيه ...مفهوم ...

قالت بهمس: مايهمني خذة تجي عليه يعني ......

اسامه عقد حواجبه ..يوم شاف رسالة وصلت رفع حاجب
وقال بقهر: بعد واتس مدخله امدى لذا كله وهو يفتح البرامج الي دخلتها لها لطيفه ..بس فتح المحادثه الي كان فعلاً من لطيفه ((تتهني فيه حبيبتي ومبروك عليك ودي اجيب لك أكثر))
الحين صدق انه من عند لطيفه ...ناولها ..وقال وهو يغطي على حاله : شوفي مرسله لك ...لطيفه

ناظرته والدمعه عالقة في رموشها وبغصه: شوف سبحان
الله ربي كيف رحمته كتب إنها ترسل هالوقت في وقت هو عالم وحده اني .. بحاجه عشان تعرف اني صادقة وربي قادر يطلع الحق. .ان شاءالله
.
اسامه قال بحده: لا تفرحي كثير اذا الحين صدقتي في ذا الشي صدقيني نادر هالشيء ... وسكت يوم رجعت تركض للحمام مرة ثانية.....وهي ماسكه على فمها ...
سمع صوت استفراغها مستغرب ...ليه كل ذا الاستفراغ
لها فتره على ذا الحال ...شافها طلعت قال بجمود : آكيد معدتك
توجعك إذا تبي مستشفى أمشي يعطونك اي شيء راح يخفف هالاتستفراغ ...

قالت بتعب: مابي شيء

اسامه قرب منها وقال بحزن. غصب عنه : امشي يعطونك مسكن لمعدتك ..وراح يخف الاستفراغ

رفعت رأسها وقالت بألم : مابي شفقتك وانا معي الله
هو قادر يرفع عني ...

اسامه اعتدل في وقفته وقال بجمود: ماهو شفقة بس هذا واجب علي ...لااي إنسان ..

ابتسمت بسخريه : لا ماشاءالله فيك خير

اسامه بحده : ريوف احترمي حالك تبي المستشفى أمشي ماتبي انثبري ..

تمددت واعطته ظهرهاا ...شافته نزل حاله شوي وقال بهمس
ذبحها :بخلي الجوال معك بس والله ي ريوف لو يوسوس لك شيطانك أقسم بالله هالمرة مايردني عن ذبحك شيء
وهذاني حذرتك ...

مدت يدها ودفته عنها ....ماسمعت غير صوت الجوال في الأرض. .قفلت عيونها بقهر ودها تسوي في اسامه كذا بعد

اسامه عصب من الحركه بس بعدها ابتسم : يوم السعد والله
ليته بعد يتكسر أكثر... رجع طلع برا البيت يكون أفضل من الجلسة ...هنا ..

قفلت عيونها بقهر ...حسبي الله عليه وجعها وقهرها
لمتى بتصبر ..قفلت عيونها ...وهي تتتمنى تنام وكاد ترتاح شوي ...

20-03-16, 12:45 AM

المشاركة رقم: 159

المعلومات
الكاتب:	فيتامين سي
اللقب:	متدفقة العطاء

البيانات
التسجيل:	Jun 2008
العضوية:	80576
المشاركات:	3,194
الجنس	أنثى
معدل التقييم:
نقاط التقييم:	7195

االدولة

مدونتي

الإتصالات
الحالة:
وسائل الإتصال:

كاتب الموضوع : نوني الحكمي المنتدى : القصص المهجورة والغير مكتملة

رد: أعشق أنانيتك عندما تتمناني لك وحدك

بيت ابو وليد ..

..توه وصل دخل البيت ...وهو يناظر الكل متجمع
قال بصوت جهوري:السلام عليكم

الكل رد عليه ...ناظر ناحية لطيفه اللي طالعة من المطبخ ..
استقبلته بحب ..:هلا حبيبي الحمدلله على السلامه

وليد ابتسم لها:الله يسلمك وقرب من امه وسلم عليها

حط يده على كتوف ليطفه وقال وهو يناظر ناحية ريتآج
يتمنى بس ترفع رأسها شوي ...ويناظرها بس مثل العادة
منزلة رأسها بحضورة ...لفتته في يدها بطاقة دعوة تقراها ...

: يالله أستاذن يمه ..

ام وليد : بالله إنك تجلس شوق مسويه قهوة وحلى وبعد لطيفه جابت حلى معاها ودي تذوقه وتتقهوى معنا
.

لطيفه حست بضيق ..هي ودها تقهوى معه لحالها ...ليت
ذي تطلع ..عشان تضبط الجلسة ....ودها كان تعتذر من خالتها
بس خجلت ....وبعد لازم تقرب منهم مصلحة لها ..بدل ذي
اللي عين السيح عندهم بس ملزقة في خالتي ...قالت غصب عنها وبأبتسامه مجاملة:اوك حبيبي خلينا نتقهوى مع خالتي والحين
اروح اساعد شوق دقايق وتشوفه قدامك أحلا حلى. ..
وليد هزر رأسه...وهو مسبوط ..لقي عذر يجلس وهي متواجدة...ناظر امي لبي والله هالوجهه الي عزمني ...ولا يكون في خاطرك بجلس معك لما تطفشي وتقولي فارق. ..
وجلس مقابل لريتاج ...وقدم حاله شوي وسحب ..البطاقة الثانيه
الي مرميه على الطاولة فتحها ....
وناظرها وهو مصدوم ..عض شفته . بقهر : ذي دعوة عشان زواج أسيل ... مسرع هالزواج

ريتاج
الله يسامحك ي خالة ...ماسويتي خير يوم عزمتيه ...معنا ..
قالت وهي ناويه تستفزة: بسم الله عليهم والله يتمم لهم
مدام كل شيء جاهز وشهوله التأخير..

لطيفه طلعت على كلام ريتاج حست بقهر يوم تكلمت معه غبية صدق ..ضروري تسوي فيها وتقول له نجلس معاهم لازم .. تدور عذر وتطلع معه جناحهم ..وتنفك من هالوجهه. ...

وليد رفع حاحب ..أخيراً ردت عليه ابتسم على جنب ..
بس شاف لطيفه طالعة وفي يدها صحن الحلى ..
قال : ي ناس قد شفتوو حلى مثل الي مقبل علي

شوق اللي طلعت من المطبخ وهي تسمع تغزل أخوها في مرته قالت بضحكه : ليت الأمريكاني يعلمك كيف تتغزل
وليد ابتسم : الحين المهفه رجلك يعرف يتغزل وحب يحرجها شوي عشان تتأدب ..مدام كذا أجل محرمه عليه تطلعي له يوم يرجع ..
شوق
عضت شفتها بخجل قالت بهمس : خلاص اسكت

وليد ضحك وناظر امه: يمه البنت بتروح فيها مع الأمريكاني
اللي متفاخرة بوه وعشان كذا معاد له شوفه لها إلا يوم العرس

ام وليد بأبتسامه :وش بقي من العرس غير هالشهر ربي يسهله يآرب ...وعصام لو رجع آكيد عرس على طول...

لطيفه بدقة : ايه والله انا مع وليد في الرأي
لأن هالولد يغط ومايرجع وهالايام مالهن أمان الي كذآ

ريتاج بقهر من كلام لطيفه ...الموضوع كله مزح...ماله داعي تقول كلامها عصبها قالت بحده: أولاً ينقال له رجآل وسيد الرجاجيل بعد ومين قالك ان عصام هويأجل العرس الرجآل
جاي وهو وده في العرس بس الأخ اللي جآلس قدامك حلف يمين مايسويه غير شهر ثمينه وبعد ماهو عصام الي يرمي بنت عمه
ولا يذلها ويسوي الي قصدك فيه ..ولايفكر ..لا رجآل ويخاف الله فيه المره...
لطيفه
ماهمها هالرد كله غير... كلمة إن وليد هو اللي أجل العرس وين طيب كلامه يوم قال ...سعى عشان يتقدم العرس
عشان يقدر ينفك من ريتآج يوم يضمن ...مستقبل أخته. .ومايبي
يحرمها من عصام.. يوم ينفصل عن ريتاج وقال ايش مدة بس ..وآه وبقال بعد عندة مفاجأة لي.. ...كم وكم ي وليد باقي بتكذب ..
يالله صايرة كل مرة اكتشف فيه شيء شين ...ليه كذا ليه
وفي النهايه هو يطلع. ...اللي مأجل العرس ...ابتسمت
بسخرية وانا اشوف وجهه المخطوف ....ي حسافة محد أكلها غيري في ذا كله ..بس آه مابليد حيله ...آلحين قلت بسخرية : قلتي وليد اللي طلب التأجيل ...وأخوك والله لو انه صامل في موضوعه كان قدر يقنع الشياب ...رأى وليد لا يأخر ولا يقدم مدام الرأس الكبير موجود ..ولا بس علي ...يقدر ..وسكتت وهي
مقهورة
شوق بقهر من كلام لطيفه جالسة تحسسهاا ان عصام مايبيها.. ...وقفت بزعل مافيها ترد عليها ...فشله من أخوها وامها لو كان لحالها كان عرفت ترد عليها ...

ريتآج وقفت وقالت ببرود ظاهري ماتبي توضح لها
انها قهرتها أو شيء : والله أهم شيء شوق تدري قد آيش
يموت عليها وناظرت وليد .. عصام يموت ولا بنت عمه تنضام .....
شافت وجههه تفشل ....وبعد شكله بدا يعصب ...يقال هو يعرف يرمي حكي بس ...
أعطتهم ظهرها وقفت يوم خالتها قالت: يمه القهوة ...
ابتسمت لها وقالت: يجعلها دايمه يمه بس والله مالي فيها آلحين. .
وطلعت لفوق ...وهي مبسوطه انها بردت قلبها في وليد إلا لطيفه ماهمتها تقول الي تبي خلاص تعودت وبعد للمليون تعذرها ...

،،
،،
،،
،،
ببت ابو أسامه

رائد دخل البيت. .وشاف أمه جالسة. ..تتقهوى ..رمى الجوال والمفتاح على الطاولة
وقال : آه يمه متى يجي يوم الخميس...

ام اسامه رفعت يدها: رائد إذا بتبدي الحين بقوم ترى

رائد : آه يمه وش فيك بدل ماتعطيني فرصة اقولك عن مشاعري
تقومي تقولي كذآ وصغر عيونه يمه مو كنك متغيرة علي ..
وسكتت يوم جواله رن ..قدم حاله شوي ..وأخذ جواله من فوق
الطاولة ..وناظره زفر بطفش..افف و النهايه يعني...
متى بتفهم ..كم مرة قايل لها لا تدق عليه ...ليه ماتبي تفهم ..
ناظر امه ..شاف ..شكلها معصب ..ولا هي يمه أبد. .وقف
وطلع الدرج. .رجع الجوال دق ....رد بقهر وهو يفتح باب
غرفته: والنهاية يعني...

جاه صوتها الباكي:ليه ليه رائد هذا وانا بنت خالتك تسوي فيني كذا
رائد ابتسم ببرود: م سويت فيك شيء بنفسك دقيتي علي
وقايله تحبيني ...وبقساوة في يوم قلت لك ابادلك نفس الشعور

أريج وهي تصيح بقهر: رائد حرام عليك اللي سويته والله وبقهر أكثر عاد اسيل ي رائد ..وصرخت ي الخايس
قايل تبي صورتها ..عشآن تفزع معي والحين عرفت بس عشان تشوفها وانا الغبية مصدقة إنك معي ...بس طلعت خاين

رائد بطفش من صوتها: اسمعي والله لو تطيري بالسماء
ماخذيتك ليه مجنون أخذ وحده ...تنام على تصبح على خير حبيبي وتقوم على صباح الخير قلبووو ..هيي افتحي عقلك شوي والله لو عيوب الدنيا في الرجآل بس يوم يرتبط يرتبط بأنسانة نظيفة هالخربيط كلها ماهو عندها وتخاف الله ...
واقصري السالفة علي وعليك ومن اليوم والله لو دقيتي رقمي هالمرة بيرد عليك فهد وذاك الوقت تعرفي كيف الخيانه تكون. ....وقفل في وجهاااا
قايل ايش بنت خالته ...يقال انا الي راكض وراها ليه مجنون
أخذ وحدة مسوي علاقة معاها في الجوال ....

،،
،،
،،
بيت ابو عصام ....

ناظرتها بحده: ذا احسن من هذا بكثير

أسيل بدلع: حرام يمه ودي في ذا

ام عصام حاست بوزها : الله والعريس الزين الحين عشان تفصلي له هالفستان ..الغالي ..

اسيل بزعل:ماما تراه أحسن من نويصر راعي الحريم
وع ماتخيل إني مرته ..
ام عصام وهي تشوف الفستان الثاني ميلت فمها بسخرية : الحين تتخيلي بس تكوني مرة لرائد ....وبقهر آه بس كل ماذكر كيف امه جت ..وخطبت له ..يقال بنموت على ولدها ....

أسيل حطت يدها على فمها وصرخت :آآآه

ام عصام فزت بخوف:علامتس يمه

آسيل بقهر:مقهورة ماطلبت من بابا صورة له ودي اشوفه زين قبل العرس

ام عصام :وجععه ان شاءالله حسبت فيتس بلى ...
وايه تفكين قولي لابوك يصورة لتس عشان هاتي محط بالعقال ي الخبله .بطاقة العرس انطبعت وتوزعت والعرس بعد أسبوعين وجاية اللحين تبي صورة له يآرب صبرني بس

أسيل : ماما حرام عليك لازم اشوفه

ام عصام بقهر :والله انتس خبله صدق طيب شفتي مين يوم النظرة

اسيل : ماما ما شفته زين استحيت وبعدها عصام وعدني يجيب لي صورة له بس سافر. ..ونسي ...الحين كيف

ام عصام بسخرية : لا والله مانسي بس مايبي يفزعتس بوه ..

أسيل فتحت فمها بصدمه: شين يمه

ام عصام بقهر: آكيد مثل أمه

أسيل : لا خالتي حلوة مرة

ام عصام بعصبية رفعت الشبببب ورمتها فيها وبصرخة:انقلعي عن وجهي هذيك حلوة والله الحلى في صوب وهي في صوب
فارقي ترا حدي ضغطي مرتفع منتس ومن دلعس على رأسي والفستان غصب عنتس بتأخذي اللي أبيه. .

أسيل قامت زعلانه ....ايش فيها امها كذا صايرة عليها لفت لها
وقالت بصرخة : ماما وين الاتكيت الي طول عمرك تعلميني فيه
دحين صايرة ترميني بالشبب

ام عصام بعصبيه:من يوم ابوك خرف ورماك هالرمية ..ضاع الاتكيت اللي عندي ولا فيه حد صاحي يرمي بنته كذآ. .عشان ايش خايف من أخوه وبصرخة انقلعي عن وجهي ..خليني أختار اي فستان لي بعد واقهر بوه ام خطيبك ..

أسيل
راحت لغرفتها. ...وهي تذكر ...اليوم في المدرسه ...كيف أريج بغت تدفها من على الدرج .....بس هي مستحيل تسكت لها ..
راحت شكت عليها وكتبوها تعهد ..يوم شهدووا البنات ضدها ...
الحمدلله ربي نصرني عليها الدوبه اففف مابي اعكر مزاجي وانا افكر فيها ....خليني الحين أتذكر شكله يوم النظرة ...
مدري ليه قلبي قاضبني منه ..ومن سالفة العرس كلها ... الله يسامحك ي عموو أنت السببب .خليتني أوافق على وأحد ماعمري فكرت ارتبط فيه ...

20-03-16, 12:48 AM

المشاركة رقم: 160

المعلومات
الكاتب:	فيتامين سي
اللقب:	متدفقة العطاء

البيانات
التسجيل:	Jun 2008
العضوية:	80576
المشاركات:	3,194
الجنس	أنثى
معدل التقييم:
نقاط التقييم:	7195

االدولة

مدونتي

الإتصالات
الحالة:
وسائل الإتصال:

كاتب الموضوع : نوني الحكمي المنتدى : القصص المهجورة والغير مكتملة

رد: أعشق أنانيتك عندما تتمناني لك وحدك

غلا
حسيت... بطفش... من الغرفة... خليني اطلع شوي...الصالة روحي صكت من ذي الغرفة،،، ..يآرب ماشوفها قدامي ..فيني قهر منها ...حست بوزي يوم شفتها ...طالعة للحوش ...وهي مستعجلة تركض .. عقدت حواجبي . وش عندها هالعجيز تركض بس طنشت ..ورحت المطبخ ..فتحت الثلاجه...
أخذت علبة عصير ... فتحتها وشربت منها شوي ...وطلعت بس
انصدمت من اللي شفته قدامي ..جالس في الصالة وبعد ابوي معه ..متى دخلوو وماحسيت عليهم. .وهذيك شكلها عندها خبر
وشكل هذاك الركض كله عشان ... تستقبله ...مالت والله على هالضيف اليوم. ....بلعت العصير الي في فمي...وسويت حالي مو مهتمه ومريت من عندهم أرجع غرفتي ابرك...بس تنرفزت من كلام ابوي : مالك نيه تسلمي على رجلك

وقفت وانا مقفله عيوني ...مابي اغلط عليهم قلت بغيض: ماعندي رجل ولفيت ناظرته كذآ فضول ابي أشوف ردة فعله شفته ...يناظرني ببرود ..ولا هو مهتم للكلمه اللي قلتها ..
من زمان قلت عنه مايحس بيحس توو يعني. ..

راجح بحده : افاا في مره عاقلة ..تقول لرجلها كذآ ..

غلا رفعت كتوفها بلا مبالاة : قلت لك ماعندي رجل ..
الله يهديك يبه ..وش فيك اليوم ماهو راضي تفهم ...

راجح ناظر سآمي وقال بقهر منها : ماعليك ملامه في اي شيء تسويه..خذ راحتك
غلا عقدت حواجبي مو فاهمه وش يقصد أبوي ...
وش الي ماعليه ملامه فيه بعد...بس ...يوم جت عيني في عينه
شفت ابتسامته الي كلها خبث ..وانتصار ...بس طنشت واعطيتهم ظهري. ...ودخلت ...الغرفة...جلست على الكنبه ...بثقل ...آه ..الأخ شكله مرتاح...بالمرة ..مني..وباينه عليه النعمه ..بقهر ايه فلوس امه رزته ....وانا يوم كنت في بيته محسوبه علي كل شيء. ..ويوم طلعت النعمه بانت عليهم ...
سندت رأسي على ظهر الكنبه. ..وانا أفكر وش جايبه وبعدين
غريبه هو وابوي مايتفقوا ..غريبه جالسين...مع بعض..

سمعت صوت الباب فتح قلت وانا لسى مسكرة عيوني: يبه
تكفى إذا جاي عشانه ..ترى مابي اسمع شيءعنه

ببحة : كم باقي لك

فتحت عيني بصدمه ...شفته يناظر بطني .....تعدلت في جلستي وقلت بسخرية: باقي حول أسبوع واكمل التاسع...
تطمن أول ماولد راح اعطيك ألو...لسى على كلامي ..ومالي حاجة في شيء منك

سآمي عض شفته اوك غلا اجرحي على راحتك تظاهر بالبرودوقال : أبوك قايل مسافر هالشهر كله ...
و بدريه ..تقول مستحيل تجلس وهو ماهو فيه ...بتروح عند امي .والحين جاي لك ...عشان اخاف تجيك ولادة وأنتِ لحالك...شافها بتعصب قال بسرعة ماعندي استعداد أضحي
..بولدي ...إلا أنتِ خلاص مالي حاجة فيك

غلا بقهر : اقول توكل بس وعادي من يومه مايدري فيني وين
وخليه يسافر ويروح المكان الي يبي ...واحسن شيء بتسويه بتأخذ الضفدع معك ...بأخذ راحتي في بيتي ...

سآمي جلس جنبها ..وقال وهو مطنش اللي تقوله: قومي جهزي اغراضك وبدقه لها لا تكثري خذي.. اللي تكفيك لما تولدي بس وشدد على كلمته الأخيرة.

غلا صدت عنه وقالت بغيض: سآمي لا تضيع وقتي معك روحه ماراح أروح. .
سآمي مسك وجهاا وناظر عيونها الي وحشته قال بشوق: أمشي وخلي عنك هالعناد

غلا ناظرته وقالت بتوتر من نظراته : مابي اروح معك خلاص
مدام أنت تصدق فيني اي شيء خلاص مستحيل أرجع اوجع حالي معك

سامي رفع حاجب : المصيبه ماعندي غير أصدق لأن حتى قدامي هذي أخلاقك مافي شيء عنك اقدر أكذبه

غلا ضربته بقوة على صدرة : أجل انقلع

سامي ابتسم : يآربي ويقال مظلومه
غلا غبية جالسة معطيته وجهه وقفت بعصبيه: فارق
خلاص

سامي وقف وقابلها وبحده: غبية افهمي علي مستحيل اخليك لحالك ...أبوك مسافر أقولك

غلا قالت وهي تبي تنفك منه ومن حنته:اوك يسافر الله يستر عليه وأنت إذا جتني ولادة اوعدك ادق عليك لاتخاف ..
موناقصة وجع رأس لو صار شيء في ولدك

سآمي قال بقهر : وش ذي القساوة فيك تتكلمي عنه وكنه ماهو ولدك بعد ...وطلع معصب .. يكرها يوم يسمعها تتكلم عنه كأنه شيء ماهو مهم ولا شيء ما يخصها بعد...

غلا قلدت صوته:وش ذي القساوه فيك مالت بس ... أحسن فارق ورفعت صوتها ولا تفكر ترجع اوك بس
سكتت وهي تشوف ابوها دخل معصب ...قالت بسرعة قبل مايتكلم : من الحين أقولك روحه ماراح اروح معه

راجح بعصبيه .:أقول والله ماهو أنتِ الي تحلفي علي

غلا بقهر:يبه حرام عليك ماهو كل مرة كذا ترخصني ..

راجح بحده: ماقلت لك اجلسي عنده على طول بس فترة السفره ذي ولو ماهو في شهرك كان ماخفت عليك ...
غلا بقهر وعصبيه: يبه عادي ان شاءالله يمدي تجي ولسى ماولدت

راجح بحده :وش اللي يمدي ..اقولك شهر بجلس ..و آخر مرة الدكتوره قالت لك هالاسبوع ان شاءالله وبنفسك قلتي لي ....

غلا بقهر من حالها ضروري تشرح حالتها لابوها ..قالت : ماهو كل مرة يعرفن يحسبووا زين ..دايم تصير لخبطه و

راحج قاطعها بعصبيه: أقول انقلعي الرجآل ينتظرك
في السيارة ..وبسرعة ماعندي استعداد آخر سفرتي عشانك ..

غلا بعناد : خله ينقلع مالي فيه وبعدين ام محمد ماراح تقصر ..
بس عندي ولو جتني ولادة وهي مو فيه ... ارفع الجوال وادق الرقم اشوفها قدامي ي مسهلها ...

راجح بصرخة:ام محمد وين الرجآل الي معاها لو تبي شيء تأشر تكسي مع ولدها ولا كشرتك قدام وأنتِ واقفتن في وسط الحارة تأشري غلا اختصريها علي وعليك ويالله قدامي

غلا ودي اصيح من قهري...حلفت مارجع معه ...
قلت بقهر : يبه انا حلفت مالي رجعه معه واشلون أرجع آلحين

راجح بحده: كفري عادي ...يالله تأخرت
غلا عضيت شفتي ...وقلت بهمس: كذا يعني مسهلها اكفر وارجع مثل البقرة معه ..والله يبه مفروض ماترجع بنتك لرجال كفخها ..

راجح: متأكد انه ضربك على حق ولا انا وانا ابوك طقت نفسي
بعض مرات ودي امسكك بالعقال وامحطك محط

غلا فتحت عينها بصدمه: هذا ردك يبه وبقهر كل مرة تنقص من كرامتي عشآنهم ...

راجح: عشان نفسك قبل ماهو مرتاح اروح وأنتِ هذي حالتك وأشر على بطنها

غلا ناظرت بطنها بقهر : هذا سبب تعاستي والله ....
اعطته ظهرها ..وسحبت العباية وطلعت...وهي معصبة

شافت ابوها وقف في وجههها... حست بفرحه وكاد غير رأيه بس اللي صار قرب منها وسلم فوق راسها وقال بهمس:انتبهي على حالك وانا عارف إنك ذيبه ماينخاف عليك .وفيك تحوسي سآمي وأهله كلهم ....وان شاءالله يوم ارجع اشوف حفيدي ...قدامي...والكلام الي قالته لي بدريه
ماهو مصدقه أبد بنتي ماتفرط في ضناها صح..

غلا صديت بدون مارد عليه ...كان ودي اقول له إلا يبه بفرط
فيه عشان انفك من هالعايلة إلا ماعمري انتميت لها ..حاولت
بس فشلت ...لا هم يبوني ولا انا أبيهم. ...
طلعت شفت أخته مسنترة قدام ...بعد ذي معنا ..يالله ي حركات المبزرة بس ..مرتزة قدام قبلي يقال ..غبية صدق تفتكر الحين ميته عشان اركب جنب أخوها. ...فتحت الباب الي ورا.. ..وركبت بكل هدوء. ..
أول ماقفلت مشى بالسيارة ...من غير مايفتح فمه بكلمه..
وكلها دقايق وصلنا البيت ..ونزلنا ...جيمع ..
شفته يمشي قدامي وبعده اخته...وانا مالي نفس ادخل الشقه
من ثاني...فتح الباب ودخلنا ..شفتها مثل ماهي ...أستغربت
لسى الصالة بدون أثاث .. ..معقول كل ذي طفرة ...وخدوج البخيله ماقدرت تصرف اقل شيء خمس الف تأخذ طقم كنب ..نقدر نجلس عليه ...وقفت محتارة ...أدخل غرفته بكل برود ..كذآ شفت بدريه دخلت غرفة أمها ..وهو دخل الغرفة...بعد عندهم ابتسمت... يالله بتجيني حسنات آلحين من كل الحش اللي فيني...شفت سامي يوم طلع رفع حاجب وقال بسخرية: لا يكون الأسبوعين للي باقي لك فيها عندنا بتقضيها واقفه كذآ

غلا ميلت فمي بسخرية وانا اناظر الصالة : والله مالقيت مكان اجلس فيه ...الله يكفينا الشر وش ذا البخل الي فيكم ..عندكم خير وانتم جاحدين ..

سآمي ناظر الصالة الفاضية وبسخريه : امم نتظرك ترجعي عشان نبي ذوقككك ...

غلا وهي ترمي الطرح على كتوفيها : امم ذوقي بعيد عنكم ..
سامي قرب منها ومسك خشمها يدري هالحركه تنرفزها وقال بهمس: ي شين الغرورلو ماهو في محله ..

غلا دفت يده وهي مستفزة : ماهو غرور بس شيء مالي فيه ليه اتعب حالي عشانه ..

سامي ابتسم على جنب: هااا قلتي لي شيء مالك فيه صح هذي معك حق فيها وشلون تتعبي وتختاري في شيء ماهو لك ...
في ذي غلبتني صراحه ...

غلا بقهر من استفزازة لها قالت بعصبية: الصبر يآرب ..

سآمي : والله مافي حد مثلي في الصبر وقال بعرجبه على الصبر نأخذ شهادة ...

غلا طشنته ..واعطته ظهرها بس وقفت يوم قال
: روحي سلمي على أمي. ..كملت مشيتي للغرفة ودي كان اقول له أمك ماتستاهل ..حد يسلم عليها ...ماراح انسى كيف ..
نست وقفتي معاها...بس ماعلي الحقران يمدحونه ....
،،
،،
،،
دخل البيت ..وشافها نايمه .في مكانهاالمعتاد. وبعد الجوال مرمي مكانه قبل يطلع .اتجهه لغرفة النوم وهو تعبان
وحالته ..حالة من امس مداوم ويوم جاا البيت ...صارت المشكله
وطلع...وتوه يرجع ..راح الحمام ...

وقف عند المغسلة ناظر حالة في المرايا ...شاف عوارضه من زمان مهمل حالة ..نزل نظرة .. ولفته شيء.. على المغسلة ..
رفعه وهو عاقد حواجبه... ..وشاف الكلمه الي مكتوبه على الكرتون... انصدم ..جهاز حمل ..فتحه ..وشاف انه مستعمل بعد رجع قفله مثل ماهو بس لفته الكتابه إذا خطين حامل ..وإذا خط لا النتيجه سلبي بسرعة رجع فتحه من ثاني.. وشاف الخطين الواضحه .فتح عينه بصدمه ...هز رأسه ..
وهو يتمنى انه ماهو لها ..بس بيكون لمين يعني ..رآح للصاله
وهو معصب ..وحالته حاله ...يآرب الي فيه ماهو مثل يتوقع يآرب يكون ماهو فاهم ..بس واضح كل شيء قدامه ....أشلون .قال بصرخه وهو واقف على رأسها : وش ذا ...
فتحت عينها بتعب . وهي خلاص قرفانه من صراخه حتى وهي نايمة مايرحمها ..رفعت رأسها .وناظرته وهي تحس بثقل برأسها مسكت عليه بألم .. شافت الجهاز قدام عيونها شهقت .. بصدمه وحطت يدها على فمها . .. كيف نسته قالت بخوف وهي تجلس بسرعة :
،،،
،،
،،
،،
كتتتتتتتتتتتتت

من اليوم ورايح البآرت اعطيكم قبل نزوله بيوم ..
عشان مابي اتقيد ...وقت مافضى أكتب وانزل. .مثل هالبارت
كتبته وانا مرتاحه
وبإذن الله ماراح اقصر معاكم ....وانتم بعد
لا تحرموني ردودكم ..ي عسولات ...

لا ابيح ولا اسامح من ينقل روايتي او يقتبس منها
بدون ذكر اسمي ولا ابيح اللي ينقلها على الانستقرام
حتى بذكر آسمي

استودعتكم الله الذي لا تضيع ودائعه

سبحان الله وبحمده سبحان الله العظيم
" الوتر أحبتي "