كاتب الموضوع :
نوني الحكمي
المنتدى :
القصص المهجورة والغير مكتملة
رد: أعشق أنانيتك عندما تتمناني لك وحدك
أصبحنا وأصبح الملك لله
آللهم إني استغفرك وأتوب أليك
اللهم صل وسلم على نبينا محمد
" صلو عليه "
الروآيه لا تليهكم عن الصلاة اللهم بلغت اللهم فاشهد
البآرت الرابع والثلاثون
،،
،،
،،
: مايصير ي عم يملك ويسوي عرس وهو لسى باقي له غير هالسنه واختي باقي لها شهور بس وتكمل
ابو عصام بصدمه ناظر أخوه يبيه يتكلم ...
عصام بعد ماهو أقل صدمه من أبوه ..الحين جاي وهو متعشم
إنهم راح يوافقوا..على طول...يقوم وليد يقول كذآ
قال بدون حس :الحين بترفض ي وليد وتتعذر بالجامعة
وليد قال بسرعه :حشا مارفض بس بالعقل ...هي باقي لها نص دور وتكمل جامعة ...وأنت أكيد تبي تعرس تأخذها معك
وأكيد تبيها تأجل هالدور الي مابقي منه عشان كذا اقولها
لك كمل وتعال ملكه مع عرس والله يسعدك معاها
عصام وقف بزعل يوم شاف عمه ماتدخل يناظرهم ساكت :يالله يبه أنا انتظرك في السيارة
ابو وليد ماحب تصرف عصام قال بحده : كذا الأمور تنحل
عصام بتهور :خلاص ي عم خلي وليد يشوف ايش مناسب واعطوني خبر وطلع وهو يسمع عمه يناديه.. بس طنش
وركب السياره وهو مقهور...
،،
،،
في الصاله
دخل حسام وهو متوتر ...ناظر ريتاج الي طالعة من المطبخ
في يدها صنية حلى ..قالت وهي لسى مسويه زعلانه منه : خذ
روح في المجلس ..
حسام ناظر الصحن وقال بسرعة: لمين ذا أخوك راح معصب بعد وماظنتي عاد أبوك يجلس ..لان ابوي كان يصرخ بأسم عصام بس عصام رفض يرجع
ريتاج بفزع :بسم الله ايش فيه وايش ذا الكلام جايبه
حسام رفع يده : مدري بس اظن وليد رفض الزواج مدري مدري ماهو فاهم زين ..بس انا الحين وليد طردني وقالي روح
والحين باقي بس ابوك وابوي وليد ..في المجلس
ريتاج صاحت على ميري: ميري تعالي خذي ذا للمجلس الحريم
وهاتي جوالي معك وناظرت حسام ..طيب فيه حد في المجلس غيرهم
حسام :لا ناصر تعشى وراح من أول يقول تعبان مسكين عنده صداع ..وبعد خايف من أبوي شكله لأنه قال له اعتذر من عمك بس مدري ليه يعتذر زعله في شيء قالها بستفسار والله انه خبل نصور دايم انصب عليه .. لو وليد كان قلت ايه يزعل الي مايزعل بعد
ريتاج بقهر فهمت ايش عمها قصده انه يعتذر أكيد يبيهه يرجع يخطب اسيل اففف ي هالسالفة الي ماراح تنتهي .قالت بطفش عشان يسكت :وانا ايش لي الحين تشرح لي حالة اخوك قولي فيه غير ابوي وابوك وليد
حسام بقهر لانها سكتته : قلت لك من أول مافي حد غيرهم اففف صايرة بس تنافخ علي .. طنشت حسام ..وأخذت جوالي ودقيت رقم عصام
بس مارد علي ...رجعت دقيت مره ثانيه .فرحت يوم رد قلت بستفسار وانا اناظر حسام لسى ماهو مصدقته: الو
عصام اللي متنرفز ..وجالس في السيارة ...رد بحده: ايوه
ريتاج حست من صوته ان حسام صادق: وينك فيه
عصام : ايش تبي أنتِ بعد
ريتاج عضت شفتها : طلعت من المجلس صح
عصام بعصبية صرخ: ايه طلعت ...زوجك وقف في وجهي
تبيني أجلس لهم ..وشهوله بعد
والله ان امي صادقه في كل كلمة قالتها عنه
ريتاج اللي مصدومه من حكيه معقول وليد سوى شيء كبير عشان يخلي عصام يقول هالكلام قالت بخوف لو تزيد المشكلة بتروح فيها هي أكيد : ايش صار بالضبط
عصام بقهر: السيد وليد طبعاً رفض الملكه والزواج
يقال ايش لما أكمل من سفرتي وش ذا المنطق
ريتاج حست الدنيا تلف فيها والله هذا اللي خايفه منه .. وليد ..نفذ تهديده ...
طيب ايش ذنبهن ..ليه دايم ...الكل يروح بسبتها .....
قالت بحده : والله ي عصام بتملك عليها وغصب عن خشمه
وماعليك انا بنفسي بكلم عمي ولا تزعل حالك حبيبي بس أنت هدي شوي ولا تخلي الحق عليك ..و تعال ابيك عند المدخل
ومايصير خاطرك إلا طيب ي خوي .
عصام بعناد: ماراح ارجع خلاص طلعت من البيت كله
ريتاج بقهر : ليه تعناد كذا الله يهديك الحين أكيد الشيايب عصبوا من حركتك تكفي خلاص ارجع
عصام بعصبيه : قسم بالله حاولت أجلس ماقدرت لاني لو جلست ..شوي راح ..اقوم افرك خشته الأرض ذبحني يوم
عارض ...انا جالس انتظر هاليوم من متى ..
ريتاج قالت وهي تنهي الموضوع : بسرعة ارجع المجلس وماعليك الحين انا جايه
عصام بحده: والله مارجع وأخليه بنفسه يعتذر ..مني ولا ماكون ولد أبوي ...وبعد لا تروحي ولاشي خليه مع نفسه.. وشوق راح أخذها ومن فوق خشمه ........
ريتاج آه كله منها ..يوم تحدت وليد ...بس والله افتكرت تهديده كذا بس عشان يحرق قلبها ....ماتوقعت تصل الأمور لكذا ... قفلت بسرعة وطلعت لغرفتها ولبست العبايه احتياط..لأنها ماتثق في كلام حسام. .. دايم يوقعها....
نزلت بسرعة وهي تشوف حسام ..جالس ينتظرها
حسام :امشي انا معك
ريتاج حلوو عشان بعد يتأكد لي ..قالت بتوتر : يالله
،،
،،
في المجلس
ابو عصام بحده بعد ماطلع ولده :وش رأيك ي سلطان في كلام ولدك
ابووليد قال بعد ماناظر وليد وشاف كيف إنه يترجاه مايكسر
كلمته ...قال وهو يحاول يحلها بخبرته : شوف وليد ماعرف يوصل لكم الي حنا نبيه وبعد عصام بعد ...ماله داعي يسوي كذا كان جلس عشان نتفاهم وأكيد بتنحل ....
ريتاج دخلت المجلس .على كلام عمها قالت بحده :السلام
عليكم
الكل انصدم من دخلتها ...ناظرت وليد الي ناظرها بعصبية قال بحده : جايه مجلس الرجآل افرضي فيه حد
ريتاج قالت وهي تحاول تمسك اعصابها :صدقني ماجيت إلا لما تأكدت وهي تشير على حسام اللي هرب الجبان أول ماصرخ وليد يسأل ... ناظرت عمها وقالت وهي تحاول تغطي على حركةعصام :صدقني ي عم عصام ماطلع إلا انه مايبي المشكله تزيد .. او يقول شيء يزعلك منه تراك غالي علينا
وقربت منه وسلمت فوق رأسه وناظرت وليد الي يناظرها بنتصار ..هزت رأسه له ..مثل الي تقول له صدقني خسران. .
في اللي تسعى له
ابو وليد بزعل من حركته :بس مفروض يسمع ايش اقول..
ماهو يطلع كذا ... يسمع بس بداية الكلام وما فهم ايش وليد بيوصل له ...
ريتاج ناظرت ابوها اللي ساكت قالت بجمود :شوف ي عم لا وليد ولا عصام لهم كلمة بعد كلمتك ...وبعد أذكر ي عم يوم جيت خطبتني ماعمره أخوي تدخل او ابوي قال نفس هالكلام
بالعكس ماكان إلا يرحبون فيكم أنت وعيالك وهي تقصد بندر وليد
وليد حس بقهر من كلامها جالسه تشيش ابوه عليه ...
شوفوا كيف دخلت له ...من هالمدخل الي أكيد ابوه بيرجع في كلامه ...
آه ...ماتدري إنه سوى كذا كله عشان يقدر ...
يأخر هالطلاق الي رابطته مع زواج عصام وشوق ..واللي وعدها فيه ...
.
ابو وليد بعد ماسمع كلامها معاد عرف يقول غير :ابشري والله لو تبي الليلة نملك لعصام على شوق إني موافق
ريتاج قربت منه وسلمت فوق رأسه وناظرت وليد بنتصار
:لا ي الغالي ...ان شاءالله يتحدد كل شيء في وقته ...
وشوق وعصام ربي يسعدهن ويجمع بينهم .. ويبعد عنهم كل حاقد
وليد عصب قلتها والله بتغير كلامه ...بس كلمتها الأخير هذي ولعت فيه .عض على شفته ..وهو يتحلف فيها ...
ابو عصام بجمود خلاص كره يجلس ..بعد ماولده طلع زعلان كسروا قلبه : يالله انا استأذن
ابو وليد قال بسرعة:وين ي رجآل دق بس على عصام وصدقني ماتطلعوا من هنا إلا انتم راضين
وليد صدقني مايقصد غير انه خايف على مستقبل أخته .بس ماقدر يوصلها بطريقة حلوة وحقك علي أنت ولدك
ابوعصام وقف وبعتب: خلاص ي سلطان ان شاءالله يوم ثاني ونحدد كل شيء بس الحين صدقني جلسونا مابيحل شيء ...
والقلوب شايله
ابو وليد وقف وقابلة :وش شايله الله يهديك أقول دق على عصام وخله يرجع ونعين من الله خير ولا تكبر السالفة وبذات إذا دروا فيها الحريم ..وناظر وليد بحده : دق على ولد عمك وقول له
يجي ....
وليد بقهر وهو يناظر ريتاج الي جالسه تطالعه ..والابتسامه شاقه وجهاا : أمر يبه طلع جواله ..و دق بس مارد عليه
قال يزعل : سويت اللي علي ...بس مارد
ابو وليد أخذ جواله ودق رقمه ..وقال بعد ما سمع رده:كذا تطلع من مجلس عمك وأنت ماهو فاهم وش يقصد وليد
تتعال ومالك ... إلا الي يسرك
عصام حس بغلطه يوم طلع بس مايدري ليه استفز بسرعة يمكن لانه ينتظر هاللحظه وجاي وهو وده في الملكه والعرس .
قال وهو خجلان من عمه: ابشر الحين جاي
ابو وليد : ان شاءالله وقفل
وهو يناظر ريتاج :ها ان شاءالله راضيه يالغاليه ي بنت الغالي
ريتاج بخجل من عمها دايم يوقف في صفها وينصفها
ليت يكمل جميله ويفكها من ولده: تسلم ي الغالي ..
وطلعت ...وهي رافعه رأسها ...
ناظرت حسام الللي جالس في الحوش يناظرها
وقف بسرعة وقرب منها وقال وهو يدعي ربه إنها سامحته :كيف بالله وليد هجد ولا أدخل له
ريتاج ناظرته بسخريه : تكفى لا تتعب حالك قال ايش يدخل طيب من شوي مين هرب ي الجبان
حسام بفشله: ماهربت ي الغبيه بس قلت لو جلست أخاف اعصب عليه واغلط قدام أبوك وبعدها يقول عني عمي ماهو محترم ويردد أخوه الكبير ورفع حواجبه يلعب فيها : شفتي كيف مابي عمي يغير فكرته عني ...وإذا خطبت أختك الدلوعة يوافق علي
ريتاج رفعت حاجب : يمه الحين كله ذا عشان أبوي
حسام :ايه المهم خلينا الحين من سالفة وليد اللي دايم يغث ابي بدل البلاستيشن ...اللي وعدتيني فيه سكوتر ودي افر الحي فيه ..ريتاج فتحت عينها بصدمه: بعد تبي سكوتر روح زين
كنت أول أبي أخذلك بلاستيشن .. بس بعد كذبك لو تموت
مأخذيت لك واعطته ظهرها
حسام بصرخه قهر : طيب اسف
ولع يوم طنشته قال بصرخة تهديد: ماراح أكلمك عاد ولا راح اعطيك وجههه
ريتاج رفعت يدها: روح زين القاها منك ولا من أخوك ودخلت الصاله مطنشه صراخه وتهديده ...
،،،،
،،
،،
دقايق ورجع المجلس رد السلام
الكل رد عليه
ابو وليد :ان شاءالله هديت بس عشان نقدر نتفاهم معك اخاف اقول كذا ولا كذا ترجع تهج قالها وهو ماسك ضحكته. ..
عصام قال بفشله من حركته :اعذرني ي عم بس تدري في عقل ولد أخوك شوي لك عليه
ابو وليد :وبعد تعترف الحين انا اللي ابي اعارض الزواج
خايف على بنتي من عقلك ذا
عصام بخجل: ماعليك ان شاءالله بنتك في الحفظ والصون اذا ربي كتب لنا الزواج
ابو وليد باتسامه: شوف الحين نتكلم بهدوء وافهمك ايش يقصد وليد
عصام بجمود: تفضل
ابو وليد : اللي بيصير الحين ملكه بس والزواج ان شاءالله لما تجي من أمريكا
عصام ناظر ابوه بقلة حيله قال :بس ي عم مايضر لو سوينا زواج مره وحده
ابو وليد :لا زواج أكيد بتروح عليها ذي السنه وهي مابقي لها غير وشهور وتكمل وتتخرج خلاص ...
أصبر وانا عمك أول ماتأخذ شوق شهادة الجامعه تعال وازوجك ..وخذها معك ماحد بيقدر يعارضك مرتك وأنت حر هاا وش رأيك ي عصام
عصام ناظر ابوه يبيه يتكلم صدقت ريتاج يقهر ابوه قدام عمه
بس آه ليته ماتمنى انه يتكلم قال شيء ذبحه
ابو عصام :ماعليه ي خوي حنا موافقين مدام ملكه نملك له وعلى قولك أول ماتأخذ شوق شهادتها يجي إجازة ويتزوج وتروح معه ويكمل هالسنه الي باقيه له ...
وليد وقف بعد ماكمل ابوه حكيه وبعد عمه ..تأكد إنه الي يبه يصير .. قرب من عصام وهو مبسوط ... ايه ي ريتاج ليتك موجودة بعد عشان يعرف كيف يرد عليها هي وفزعتها لاخوها
قال بأبتسامه: والله انك فهمتني غلط ي ولد العم ويعز علي اردك
بس ابيها تكمل دراسه هنا ..
والحين مايصير خاطرك إلا طيب نملك لك لو تبي بكرة بعد وقرب منه وهذي بوسه على رأسك عشان ترضى ...
عصام بعتب: اقول مناك بس لا تقرب مني ودي اذبحك والله
ابو عصام : خله ي وليد هذا شين لو عصب
ابو وليد : مابه عصبية ان شاءالله والحين مثل ماقال وليد
لو تبي الملكه بكره حنا مستعدين
عصام بسرعة :بكرة أجل الله لا يعوق بشر
ابو وليد بضحكه: هههههههه أعطانا يومين وانا عمك
وليد بأبتسامه على تصرفات عصام : الجمعه يبه وش رايك
عصام حسب باقي ثلاث ايام قال بقهر: وليد ليتك تطلع من المجلس وبعدين ماعندك رحلة خابرك بس مسافر طير ي خي وفكنا الكل ضحك عليه
وليد قال وهو يقهره:اقول أسكت لا اخليك تسافر بعد وأنت
ماااملكت
عصام قال وهو يناظر عمه : مدام موضوعي عند الراس الكبير كلامك كله ماله أهمية
ابو وليد :كفوو والله
وليد بتعزوى :وانا ولد ابوي تقولها في وجهي بعد
ابو عصام وقف :اعذره الولد ماهو في عقله والجمعة ان شاءالله ربي يتمم له
عصام ناظر ابوه: يبه والله اني جايبك ابيك تفزع معي
ماهو تقوي باس هاللي منكد علي
ابو وليد : ابشر الجمعه ان شاءالله تجي أنت والمملك
عصام وقف و بقهر: الحين مين قال لكم اني موافق على الجمعه
وليد وقف بعد وقال بعناد له: انا قايل ...
عصام بسرعة قرب من عمه و سلم فوق راسه :تكفى ي عم تخليه الخميس
عشان أكسر راس هالكابتن مستقوي علي ...
وليد سلم فوق راس عمه وقال :تكفى ي عم أقنعة يح
خليها يوم الجمعه عشان احضر ملكة اختي عندي رحله الخميس
عصام بفرحه:عز الطلب تكون مو ..موجود
ابو وليد ابتسم : ملعيش ي وليد طلبني ومقدر ارده معوض في الزواج ان شاءالله
ابو عصام قال بسرعة : ماعليك في هالمخبول الجمعه ان
شاءالله وبعد تحضر ملكة اختك
.
عصام عض شفته بقهر ...
وطلع ورا...ابوه وهو يمسع ضحك وليد .. وقف و.ناظره وقال بتهديد:والله لا أخذ أختي لما بنفسك تقولي ملكه وعرس بعد
وليد بتحدي : تحلم حبيي يالله تصيح على خير
عصام عض شفته وده يسبه
وليد بسرعة قال . : ماهو من صالحك أبد
عصام طالع في عمه :قلت لك الرأس الكبير هنا
وليد : ايه ادهن سيرة
عصام رفع يده وهو يسلم على عمه وطنش وليد ..وطلع
وهو يسمع ضحك وليد ..حلف لا يأخذ حقه منه.
دق على ريتاج ..ماردت يبها تمشي معه ..ويقهر شوي ..يبي يرجع له الدقه ..
بس الغبية ذي بعد وينها عن جوالها ...ركب وابوه ركب معه
وشوي وطلعت امه ..وحرك السيارة ..وهو لسى باقي شوي
زعلان ليه رفضوا العرس
ام عصام :ها بشروا وش صار معكم
عصام بقهر: والله رجل بنتك خرب علي
ام عصام بقهر منه ومن سيرته: وشه مسوي شين الأفعال ذا
ابوعصام بحده : أقول بلى تبلي ي عصام وتعرف امك عاد الحين تصدق
عصام بقهر: يبه والله اني صادق وش فيها لو صارت ملكه مع عرس ..والترم ذا تأجله ولما نرجع .. تكمل خربت الدنيا الحين
ابو عصام بقهر منه جالس يتكلم قدام امه هذي تبي ريحه على اخوه وعياله: أقول بلا كثرة حكي قالك ملكه يوم الجمعه خلاص
املك وسافر وبعدها تعال اعرس محد يردك .. كلها شهور تنعد
وخلاص سكر السالفة. .
ام عصام بقهر:حنا يوم جا طلب محد وقف في وجهه وش بيضره يعني وفعلاً والله انه صادق كان أجلت ..
ابو عصام : ي مرة خليك عاقلة وفكري فيها بعقل البنت باقي لها
نص ترم ..وبعد ولدك ماهو راضي يخليها تجلس لو صار عرس
شوفي ملكه وهو مشتط علينا
ام عصام بهمس:ليته كله ماتتم بعد ويننفك من اخوك وعياله ...
عصام سكت يوم سمع امه تقول كذا ..صادق ابوه مفروض مايحكي قدامها ... قال : .خلاص يمه يمكن خيره تكون
ام عصام بهمس : من وين يجي الخير مدام عمك موجود .......
.
|
05-02-16, 11:02 PM
جديد مواضيع قسم القصص المهجورة والغير مكتملة
العرض العادي
