آللهم إني استغفرك وأتوب أليك
اللهم صل وسلم على نبينا محمد
" صلو عليه "

الروآيه لا تليهكم عن الصلاة اللهم بلغت اللهم فاشهد


البآرت الثامن والعشرون


======================

مابيني وبينك مشاريه وعتاب

شفت دربن جيت منه تدله

،
،
،
،
،
،
،

حست برجفه في جسمها كله. ..وبذات يوم تحركت السيارة ...يالله ..وش الدبرة..معقول اسامه عنده خبر ان أخوه ، بيروح فينا وعادي عنده ..حسيت باللي مسكت يدي ناظرتها بخوف وتوتر وحالتي حالة بهمس:انا أخت اسامه كيفك
هزيت رأسي بدون صوت ...وانالسى.. مصدومه ..حسيت بخوف أكثر يوم رفعت عيني وشفت وجهه عكس أبي اتأكد ...ايه هوو اعرفه ومستحيل أنسى يوم... دخل علي الغرفه. ..وبعد هو سبب اللي أنا فيه يوم فضح زواجي من أخوه. ..قلت بهمس وانا اقرب من اللي قالت لي أنها أخته : اسامه يدري ؟
لطيفه وهي حاسه بخجلها : ايه حبيبتي يدري طلع من عندنا قبل ساعه وعنده خبر ماعليك أنتِ

هزيت رأسي الحمدلله يعني ماراح يلومني ..وإذا صار شيء ولا شيء.. اقول له أخته وامه يشهدون انه يدري ،،،
وبعد شكل اخته طيبه حييييل. ..أحسن من أمه. .حسيت بألم في بطني ... يوم سمعته يتكلم ،،
رائد بسخريه :من وين ودكم تأخذوا للعروسة ؟
ام اسامه بحده : مدري عن لطيفة هي تعرف لهالشغلات
لطيفه: أول شيء المشغل وبعده المجمع ...
ريوف
ودي اقولهم مابي شيء ..رجعوني البيت ..وجزاكم الله خير
وقفنا عند المشغل،،،، اللي قالت اسمه له ...نزلت معاهم ،،، وانا مدري وين الله قاطني ...أماكن أدخلها أول مره ..شفتهن يختاروا وانا العروس ..مثل الهبله ..وتفكيري كله عند اسامه....

والتجريح الي بيجيني منه ....آكيد مدام وافق اطلع معه ..شكله قاصد يختبرني ...آه و أنا والله مدري انه أخو ..ولا مارحت لو سمعت بعد الموافقه بنفسي ..آه على العذاب ،،،،اللي قطتيني فيه ي مرة أبوي ...ماسويتي خير والله...لكن الله يأخذ لي حقي منك قريب ... حسيت بأخته،،، تجلس جنبي ..
قلت بهدوء: خلاص أخذت المقاس يالله أجل نمشي
لطيفه : ثواني حبيبتي وليه كل ذا القلق والخوف انا عاذرتك لانك اول مره تشوفيني بس والله انك دخلتي قلبي وانا صعب أحد يدخل قلبي على طول ..وبضحكه ترى بعض مرات تصير الاخلاق شينه ابتسمت على نظرات الخوف اللي انرسمت في
وجهاا قالت بأبتسامه : امزح معك حبيبتي وبعدين وش فيك كذا حتى موديل الفستان ماقلتي رأيك فيه مايصير لازم تختاري أنتِ
عشان يمكن ماتحبيه ولا تجاملي على حساب نفسك ماحبيتيه الحين نبدله ....
ريوف بقلق : ذوقك أعجبني وماله داعي عاد خلاص
لطيفه : تسلمي حبيبتي ومسكت يدها وقفت يوم شافت امها كملت دفع العربون يالله ي مرة اخوي
ريوف حسيت برجفه يوم قالت أخوي آه ي أخوك وش بيسوي اليوم الله يستر ...

عند رائد
يالله على الكذبه ،،،،اللي سواها عشان هو يروح فيهن ...
راح هدد السواق .... وقال له سوى حالك ...مريض ولا اي مصيبه . دبر عمرك فيها والا جبت لك مصيبه مايردك منها إلا المطار ....ابتسم بخبث وطبعاً امه ...حنونه على الخدم.. . الي
عندها على طول قالت اوك روح فينا مدام السواق تعبان ...بس طبعاً بعد مادقت على... اسامه بس مارد ...يالله كان ودي اطيرمن الفرحة يوم مارد على جواله...لأني حسيت بيأس يوم قالت لازم ادق على أخوك. . ...والله البنت خبله مالي فيها ..بس فيني قهر ...منه هوو ..ومن شكه فيني تقول عدوه ..ماهو أخوه توقعت،،،، وقفته معي تكون غير ماتوقعت،،، يقابلني بتكفخ وسب وشتم لكن قسم بالله... لا اقهرك واخليك تموت بشككك ...رفع الجوال بيرسل له ..بس
هون أكيد ،،، تروح فيها الضعيفه ذي ...ابتسم بخبث مصيرة يعرف ..شافهن طلعوا .... اعتدل في جلسته ..وابتسم بمكر متى ي اسيل احصل عليك وتكون ضربه قويه صح .. اخخ ي اسامه
كلهن يخصونك وضحك بقوه هههههه ضربتين في الرأس توجع ي أخوي ...
أول ماركبوا تكلمت لطيفه :المجمع على طول
رائد بسخريه : سواقك وانا مدري... بس يالله عشان اخوي ومرته يهون التعب ...
ريوف حسيت انه خبيث مثل ماحكى اسامه. ..
قلت بهمس للطيفه : خلاص انا تعبت ياليت نروح البيت ومرة ثانيه نكمل باقي وقت
لطيفه بصدمه :وش تعبتي ..ولسى مافصلنا غير الفستان يبي لنا اغراض كثيرة وبعد حجوزات وزود لو فيه وقت شفنا كم قاعة
عشان ماهو واثقه في ذوق اسامه ..خايس ذوقه من ..يومه ..وفي نفسها .. ولا كان ماختار اسيل لا زين ولا شيء بس شوية دلع فيها هذا اللي مميزها ماهو مثل ...المصيبه اللي.. ابتليت فيها حست بضيق يوم تذكرت زين ريتاج ناظرت ريوف اللي رجعت تهمس لها ...

ريوف بمحاوله وهي تهمس لها: انا واثقه في ذوقك رجعوني البيت وانتم خذوا راحتكم
لطيفه
حست انها خبله بصدق ..وش ذا فيه عروس ماتبي تقضي لنفسها يالله هي يوم عرسها لفت المجمعات وغير اللي طلبية جتها
استغربت حالتها بس عذرتها أكيد مستحيه منهن ..قالت بهمس : لا حبيبتي ماعليه تحملي شوي وإذا على كلام رائد ماعليك تراه متعود على الكرف
ريوف
كان ودي اقولها محد مسوي لي... ازمه غير وجود رائد كله ماهو بس كلامه ...بس سكتتت وانا ...مو مرتاحه. ..وبعد امه اللي ماهي طايقتني بالمره ..حست بتصغير من نظراتها في
المشغل ...وكيف تناظرها ... سبحان الله اسامه طالع مثلها حتى نفس النظره والتحقير ...ام أخته حبيتها حيل ..
وساعدتني في اختيار الفستان ...إلا مدري كيف شكله

،
،
،
،
،
،
في السيارة

ريتاج اول ماشفت دخلنا الحي الي ساكنين فيه قلت : يبه وصلني بيت عمي
ام عصام بحده: يجي هو ولا بعد ذي مستخصرها فيتس
ابو عصام بحده: وش فيك كذا هبيتي فيها وبعدين مافيها شيء تبي تروح بيت رجلها ومثل م أخذناها من هناك نرجعها
ام عصام بقهر:ايه هذا اللي يطلع منك إذا السالفه تخص اخوك وعياله
ابو عصام بعصبيه : أنتِ وش فيك كذا قالبه على أخوي وش ضرك به ....عشان ذا كله
ام عصام بحده : يكفي أشوف. ..بنتي متزوجه ولا هي متزوجه
اهلي كلهن.. يعتابوا ليه ماجا.. رجلها ...ودهن يحتفلن ويسوون لها استقبال وعشا بس ولد أخوك.. طاير بطير شلوى.. وتارك بنت عمه
ريتاح
حسيت بضيق ..ندمت اني قلت وصلوني البيت ...ليه ماسكت
ويوم توصل كان دقت على خالتها ترسل لها السواق والخدامه مثل كل مرة ...وقف ابوي السيارة عند بيت عمي
ابو عصام: انزلي حبيبتي وماعليك في امك دايم هذرتها زايدة
ام عصام : ايه البركه في أخوك وعياله يطلعن الواحد من طورة
ويخلن
ابو عصام :استغفر الله العظيم
ريتاج
نزلت بسرعه مابي اسمع زيادة هوشتهن ...كان ..ودي ارجع معاهن بس ..آه على اللي جابرني
تقدمت ودخلت البيت ....شفت الجو هادى غريبه ..معقول ..طالعين ..رفعت صوتي شوي : ميري ..ثواني .وطلعت لي من المطبخ سألتها
: وين ماما وشوق ؟
ميري : كله روح عند جيران
هزيت رأسي بتعب: اوك احملي لي هالشنطه
والحقيني فيها
ميري : اوك مدام
ريتاج لفيت لها وقلت :وليد هنا
ميري : لا مسافر
ريتاح حسيت بضيق ...وش ذا الحظ ...علي ...
دخلت الغرفه ..وأخذت شور وتوضيت ..وتمددت بتعب ..وانا
اسمع صوت أذان العشاء... جلست اردد وراه وقفت ...صليت ...وبعدها نمت بتعب ....
،
،

،
،
،
،
،
نرجع لريوف ..


وصلنا السوق...ولفينا المحلات كلها ... ...جالسين يأخذون لي
وأنا بالي بعيد عنهن
قلت وأنا مو مرتاحه أبد : خلاص يكفي
لطيفه : بسم الله عليك وش فيك كذآ من وقت ما طلعنا ودك ترجعي البيت
ام اسامه بحده : خلاص نرجعها البيت وبالباقي نأخذه حنا هذي ماهي وجهه سوق ..وبدقه متعوده تتطب .. بلى عرس .. امشووا يالله
ريوف
طنشت كلامها ابي بس انقلع ..من هنا ...ودي ارجع الشقه... قبل رجوع اسامه ...يارب عنده دوام اليوم ويبيت في عمله..ودي ارتاح من تجريحه الي بيقابلني فيه أكيد . .
بعد ماركبنا السيارة....
لطيفه بهمس: تعالي معي البيت نتعشى جميع واتعرف عليك أكثر شافتها بتعترض قالت بسرعه ....وبعد ادق على اسامه يجي يتعشى معنا
ريوف هزيت راسي وبهمس: لا مافيني
لطيفه بعناد قالت :لا رائد لاتمر بيت اسامه تبي تروح معنا البيت
ريوف


حسيت بخوف أكثر ..اشلون اروح معاهم ..بس فكرت أفضل اسامه يأخذني من بيت أهله ..ولا هذا يوصلني البيت ...
لطيفه رفعت جوالها ودقت رقم اسامه ثواني وجاها الرد : الو
اسامه الي يحس حاله قرفان من العصر طالع ... يدور قاعه مثل ماقالت له امه :هلا والله
لطيفه : هاابشر ايش سويت

اسامه بضيق : خلاص حجزت وباقي بس اوقع وادفع مقدم
لطيفه : لا تدفع مقدم ولا شيء يمكن مانحبها حنا قلنا بس شوف ماهو أحجز ع طول وبدقة وش فيك بس مستعجل في كل شيء
اسامه..فاهم دقتها آه لو تدروا اني مغصوب عليها زفر بعصبيه : هذي أحسن وحده وبعدين هي لليله ونفتك
لطيفه حست انه عصب : اوك وايه بعد ابي أقولك ريوف بتروح معنا البيت تعال هناك ابي أطلب عشا ونتعشى جيمع
اسامه بضيق : لا مايمديني اليوم أبد . ابي انام عندي دوام بكرة... وخلي السواق يمر بها البيت صعب بعدين يرجعها الوقت يكون متأخر ...
لطيفه : مرحنا مع السواق راح فينا.. رائد ولو مايمديك تجي
خلاص انا ورائد ... نوصلها وبضحكه اليوم رائد صاير سواق العائله هههههه
اسامه بصدمه: رائد الي راح فيكم ؟
لطيفه: ايه .. ويالله فارق وصلنا.. وبتريقه تبي مرتك تعال حبيبي ..ولا أقولك مفروض تنحرم منها حتى لليلة العرس ..والله لا انشب لك
هنا رائد ضحك بقوه : ههههههههههه
اسامه سمع ضحكته حس بشياطين الدنيا كلها ...طلعت له ..عض شفته وكور يده بغيض ...زفر بعصبيه وقفل في وجهااا
ريوف

يوم سمعت حكيها ..حسيت برجفه ...يعني مايدري انه رائد ولا اشلون ..شكله كذا من حكي لطيفه يوم تقول السواق ماراح فينا وبعد ذا ضحكته كانت مستفزة .لي قبل تكون له ..يآرب
ماسمعها يآرب ....مسكت يدها برجفه بعد ما امها نزلت..و أخوها قلت بهمس : تكفين خلي السواق يرجعني البيت الحين الله يخليك. ..
لطيفه : لا امشي يالله انزلي ابي اجلس معك شوي ..وبعد نتفق على أشياء للزفه ابي احجز مافي وقت ....وبقهر لازم أخذ رأيك لا تقولي على ذوقك اذبحك
رائد رجع فتح الباب وركب : يالله انزلوا وراي مشوار
ريوف حسيت الدنيا لفت فيني ....يوم ناظر ناحيتي. في المرايا ....نزلت بسرعه
معاها ودخلنا البيت ..

لطيفه :دقايق وارجع لك
ريوف هزيت... رأسي وانا متضايقه وبعد متوتره : اوك
وفعلاً اختفت بس دقايق ورجعت حسيت براحه ..يوم رجعت وبعد امها دخلت لغرفتها ... ومعاد طلعت ..
لطيفه وهي مبتسمه : حي الله مرة أخوي وطلبت لك عشا واو تأكلي أصابعك وراه وسامحيني على القصور ودي تكون دخلتك علينا أول مره ..أكون موجودة بس يعلم الله إني مادري
ريوف خجلت من حكيها : الله يحيك وتسلمي مايطلع منك قصور وليه مكلفه على حالك وسكتت يوم شفت... ام اسامه طلعت مسويه لي رعب أكثر من ولدها
ام اسامه بجمود :دقي على أخوك. .خليه يجي ابيه ضروري....
ريوف
حسيت الخوف رجع لي .. وبذات يوم لطيفه دقت عليه
..يارب لطفك
عند اسامه

قفل وهو مقهور ..تروح معه ..وش يفهم من هالحركه ..وبعدين من متى رائد هو الي يروح فيهن صدق طلع غبي اشلون خلى الجوال عندها .....اتجههه لبيتهن وهو معصب حده ..طيب ريوف ان شاءالله تدفعي ثمن هالحركه غالي ....
وصل البيت ..ماشاف سيارة رائد ...دخل بسرعه للصاله شافهن قدامه جالسين ..حاول يمسك ... اعصابه وبذات بجود امه وأخته
رد السلام ..وجهه لها نظرة تهديد ....
ريوف
حسيت الدنيا سودت في وجهي ..يوم وجهه لي نظره ..والله نظراته ماتطمن أبد ...يالله صدق غبيه ليه مارفضت اروح بالمره .لا مع سواق ولا مع أخوه ....وكان زعل امه يهون عند
...زعله ....
اسامه سلم على أخته. ..وامه وجلس جنب ريوف ....وهو وده يقتلها ....قال بهمس: ان شاءالله انبسطي طلعت لكم شوفه ماهي على البال
ريوف يمه جسمي كله رجف من همسه ..ومن حكيه السم ...فركت يدي في بعض بخوف وتوتر ...هزيت رأسي ابي اوضح له أنه فاهم غلط بس آه مافيني أحكي قدامهن ....
لطيفه بلقافه: ي هووو ي عريس عارفين انك مشتاق لها وجالس تساسرها ..صح حنا أخذنا..عليك عروستك اليوم بس ماعليه يوم تشوف عليها الفستان الأسطوري . .رآح تشكرني.. بعد ...آه فصلت لها فستان يليق بحرم اسامه. ..
اسامه بحده ناظرها: ماتقصري
لطيفه عقدت حواجبها : يمه وش فيك تقول سبيتك ليه كذآ شكلك معصب وماهو طبيعي أبد

اسامه بحده: تعبان شوي
ام اسامه بجمود: وش سويت في القاعة وان شاء الله حجزت وحده تكون فخمه ماهو حي الله مثل اختيارك في الزواج الي مدري كيف قايل
لطيفه ناظرت امها وهي تغمز لها ...عشان تسكت ماتجرح ازود في البنت ..والله تحبها لانها خربت على اسيل ..بس والله من وقت ماشافتها دخلت قلبها ع طول... .شكلها ضعيفه ومافيها خبث أبد .. وبعد فيها خوف غير طبيعي حاسه ان البنت فيها شيء طول الوقت ترجف معقول كل ذا حيا ..
اسامه بضيق : كل شيء نصيب يمه ومثل ماقلت لك المره الثانيه صدقيني ماراح اطب كذآ ... بيكون على ذوقك ومدام حاجزين
قاعه و جاهزة وصراحه فخمه ..تستاهل عروس جديده . وش رأيك يمه ..من الحين بعد ..تختاري لي ...وضحك بقهروهو يغطي على كلامه..
لطيفه بقهر من امها واسامه: اقول والله انها ازين من الي بتجيبها وبدقه له تقصد اسيل
اسامه فهم عليها قال بسخريه : ايه ازين حيل ..بس امزح مع الغالية وعساها ترضى بس وقف يالله ومد يده عشان مايحسوا بشي ...ريوف مافي مثلها ...وفي نفسه اي والله مقد شاف في حقارتها عيني عينك كذآ تتحدى وتروح معه ..لها الدرجة مشتاقه له ...
ريوف
مابي اروح معاه خايفه . شفت يده الممدوده خفت.. وبعد كلامه مايطمن جالس يرمي حكي
ناظرت أخته ياناس عسل هالبنت ..والله غير عنه وعن امه ..
ودي اقولها تكفين ترجيه أكثرعشان أجلس والله بأكون منونه لك حيل بس وين وذا نزل نفسه شوي ومسك يدي وقفت على طول معاها
لطيفه : وين وين الأخ مستعجل على وشهووو طالبه لكم عشا على حسابي

اسامه:مره ثانيه ان شاءالله
لطيفه بقهر : حرام عليك أقولك ...عازمتكم وخلاص طلبت شوي بس ويوصل
ام اسامه بجمود: قال.. خلاص مايبي ..خليهن يتسهلن
اسامه ناظر ....امه يدري فهيا ...زعلانه ورضاها صعب ..ومن حقها اي وحده تتمنى لوولدها وحده تشرف ماهو مثل
هال*****اللي بليت حالي فيها قلت بضيق : اعزمي رجلك عليه انا علي دوام ... بكره وابي انام
وشد على يد ريوف وقال بحده : يالله ..

ريوف
مشيت معاه وانا اقدم رجل وآخر رجل..
ناظرت لطيفه ابيها تترجع تحاول فيه ..مابي.. اروح عارفه مصيري اليوم أكيد انذبح ويمكن يكون آخريوم لي عهد بالدنيا ..مشيت ناحية السيارة وانا ارجف.. حسيت بصوته وراي: قدام هزيت رأسي وانا ودي ارفض
سمعت همسه وراي : يالله ماقدر يتأخر وحبيبة القلب هنا ناظرت وين يناظر شفت أخوه ..نازل من سيارته
كان ودي اصرخ وقتك تجي انت بعد ...سميت بالله وركبت ...
قفلت عيوني.... يوم ركب وقفل... الباب بعصبيه ...

قلت بسرعه :اقسم بالله مادري انه هوو
اسامه بحده: اووششش وإذا تبي عمرك صوتك لا أسمعه. .
ريوف
لزقت في الباب ..وانكتمت ...
طول الطريق كان ساكت ...معقول صدق ..يآرب انه صدق
يآرب ...وصلنا البيت ونزلنا مشيت قبله وفتحت الشقه
ودخلت ....بسرعه شردت بس وقفت يوم سمعت صرخته ينادي باسمي ..قفلت عيوين بخوف ...
وماتحركت من مكاني وين بشرد يعني من كبر الشقه. . اوقف أحسن. .. ..في ثواني شفته قدامي ..ويناظرني بعصبيه
..قلت وانا ارفع يدي و احلف:اقسم بالله مادري
اسامه هز رأسه وبحده : ماسألتك بس صدق طلعت ..غبي اشلون اخلي الجوال عندك أكيد متواعده معه وصاير... سواق عشان يشوفك ..عض شفته بقهر .. اخخ وبعد مأخذة المفتاح ..الاحتياط .وعارفة مكانه .وقاحه مثل كذا ماشفت ..آه ي حثاله كاتبها باسمي انا بس برافووو حصلت لكم شوفه من وراي..
ريوف هزت راسها وهي مطنشه حكيه تبيه يصدقها: والله امس بالصدفه شفت المفتاح ...وبعد امك اللي ..دقت علي وقالت ...اسامه عنده خبر انها بتمر.. علي وقالت مع السواق وتفاجأت فيه
اسامه ابتسم بسخريه: تفاجأتي ي كبر كذبتك قرب منها ووهو صاك على سنونه .. ماهو اسامه اللي ينلعب من واره
ي منحطه ....
ريوف قفلت عيونها من قوة الشتيمه اللي قالها لها : والله العظيم
قفل فمها بقوه : اوششش لا تحلفي ..ورفع يده حرام والله اوسخ
يدي في أشكالك ...
ريوف رجعت على ورا.... بخوف ..تنهدت براحه يوم.. اعطاها
ظهره ...يالله توقعت يذبحها. ...جلست في الأرض براحه. . .
لسى تحس حالها في حلم ..معقول ..كذا راح وخلاها... بدون ما يذبحها. ..آخر شيء توقعته يالله ...قد ايش ماهي مصدقه ..
سمعت صوت باب غرفة النوم.. يفتح حست بالخوف رجع لها ...بس مر من عندها بدون مايفتح فمه بكلمه وراح المطبخ ....ورجع لغرفته
لا لا لا فيه شيء أكيد معقول مرر السالفه كذا توقعت آخر يوم في عمري ..مع عصبيته ..اللي شفتها عليه يوم جاا بيت أهله ...ويوم حنا في السيارة. ...تذكرت أول. .. يوم لها معاه أول ماشافها مامد يده عليها او قال شي وصلها الشقه قال كلمتين
...وطلع ..
والمرة ..الثانيه يوم رجع لللشقه آه شافت الويل ..منه يعني الحين أجل عقابه لوقت ثاني ... ...يمه حسيت برجفه من تفكيري. ..لو يرجع يجرم فيني مثل المره الأولى ...آه كان ضربه يوجع ..حيل .....تمددتت وانا متكوره على حالي بخوف ..وعيني على.. الباب ..خايفه لا يهجم علي ..ويمد يده ....جلست ادعي وادعي واستغفر ابي ارتاح وأطمن .....

.
.
.
في بيت ابو سامي
،
،
غلا
ناظرت الساعة وحده وهو لسى ماجااا ..غريبه وين طالع هاالوقت كله وبكرة عليه دوام ...ايه والله شكله .. بدأ يرجع للهياته والسهر ...وأكيد مدام يسهر اشلون يقوم بدري... عشان دوامة ...ابتسمت بسخريه ...هذا سامي وش بيطلع منه غيرالمصيعه والسربته لآخر الليل ...
رفعت الجوال ودقيت عليه و بقهر يوم رد: وينك
سامي بجمود:ايش فيه
غلا : مافي شيء بس اسأل
سامي ...قفل في وجهاا من غير مايرد
غلا عضت شفتها ...بقهر ..قفل في وجهااا ..رمت الجوال بعصبيه ...وقفت يوم سمعت دق على الباب تقربت من الباب : مين
سامي بضيق: انا يعني مين بيطق عليك
غلا فتحت الباب : والله لازم اتأكد شفته يناظرني بسخريه كملت ايه صراحه بيتكم ماهو ضمان وبذات من السرابيت اللي يدخولنه
سامي ميل فمه بسخريه : ابوك كان أولهن ولا نسيتي
غلا عضيت شفتي بقهر وانا اغير السالفه مابي اعصب وتكبر السالفه ..بس هين مصيري أخذ حقي كله منه .. : شكلك انت إلا
ناسي ان بكرة دوام
سامي بحده: مالك دخل ....وأخذ المنشفه... ودخل الحمام وقفل الباب بقوه
غلا

عشنا وشفنا والله وصار يطلع منه ...ولد خدوج مالت عليك يارب تزلق يارب ....
جلست بقهر على السرير ...دقايق وسمعت صوت الباب .. طلع وهو ينشف.. شعره ...وقف عند التسريحة المنهريه
ميلت فمي بسخريه : لسى مصدق حالك انك تشوف زين فيها ي شيخ مشطبه من كل مكان صرت أكره أوقف عندها يجيني حول على طول ..مارد عليها ...حركات والله يجي منك ساميوه شافته بعد مطنش قالت بتأمر عليه ..شوف اول شيء تسويه تغير لي هالغرفه المنهريه صراحه السكن فيها صاير صعب ولا شوف شقه احسن ...

سامي ناظرها في المرايا ورفع حاجب وقال بجمود: مالك شيء عندي كلها مده وتفارقي عن وجهي
غلا
صراحه ودي اعطيه من الي يحبه قلبه بس مسكت نفسي وقلت: عارفه حبيبي ماهو كل وقت تذكرني وبعد لا تنسى انا هذا بعد مطلبي بس هالمده اللي انا فيها معك ودي أكون في مكان انظف من هالغرفه المعفنه ..
سامي رمي المنشفه على وجها وقال بجمود: تحملي كلها شهور ولو مافيك : عادي ارجعي بيت أبوك من الحين ولما تولدين أخذ..الأمانة اللي لي . عندك ...ورفع حاجب شفتي كيف بسيطه
...
غلا وقفت وقابلته بقهر: ايه تبي تصرفني عشان ماتعطيني نص الرتب يالله البخل فيكم عادة شكله
سامي ضحك بسخريه على حكيها : طيب مدام تبي نص الراتب
اصبري على هالغرفه وبعد ماتستاهلي اعطيك نص الراتب من زين الأخلاق ولا الخلقه
غلا : ي سلام الحين صارت خلقتي ماهي عاجبتك اذكرك كنت مطيح عندها .... وبقهر ودي اعرف وش فيك كذا قالب علي
سامي تقرب منها وقال بهمس : لك عين تسألي هالسؤال عقلك به بلى ولا وش السالفة
غلا بقهر :عقلي يوزن بلد
سامي ضحك بقوه :بلد مره وحده ي كبرها ي بنت راجح
غلا :إلا على طاري راجح ليه ..ماتحترمه كذا وحتى قومه ماتعبت نفسك قمت سلمت عليه ليه كذا وش هالعداوه
سامي تمددد ورفع المفرش وغطى حاله ..وقال ببرود: كذا ابوك مايطلع لي من طور ...وش اسوي اجامله غصب
غلا بقهر وعصبيه: سامي إلا ابوي
ولا ترى بغلط عليك وعلى أهلك كلهن بعد
سامي : على طول حياتي ماهو مقصره فيهن تجي على الحين

غلا لا لا ماهو سامي أبد : والله البلى في عقلك
سامي : قفلي النور خليني أنام وراي دوام
غلا بعناد : والله ماقفله
سامي وقف وقفل النور وسحبها من يدها ونيمها على السرير غصب وقال بحده: افهمي ان وراي دوام عاد فتحي عقلك وافهمي الكلمة وانخمدي
غلا بقهر من جره لها: انخمد ليه رايحه معك وانا مدري
سامي بصرخه: تستظرفي حضرتك
غلا : والله مدري عنك

سامي بعصبيه: خلاص غلا ابي انام
غلا بغيض: نومه بلا ..قومه ان شاءالله
سامي تنهد ..بضيق واعطاها ظهره وغطى رأسه وقفل عيونه ...وهو متضايق من هالعشيه عايشها مع هالغلااا محد يتمناها ولا حد يحسده عليها ...
غلا مدت يدها وحطتها على كتفه وقالت برجى تكفى ي خي
والله ودي اعيش هالمدة في مكان غير هنا
سامي ابتسم بسخريه : هالمدة .. لو ماهي عاجبتك تقضيها هنا
قلت لك روحي بيت ابوك
غلا
بعدت يدي من على كتفه ...وحسيت بعصبيه ...وقهر ..: خلاص اروح بيت ابوي ومن الحين وقفت بعصبيه ولبست العبايه وفتحت والباب
سامي ناظرها بقهر يوم سمع صوت فتح الباب فز بسرعة والحقها وقال بعصبيه :اقسم بالله اذبحك لو تتطلعي برا هالباب ..وطلعه مافي لك إلا لما تولدي خلاص
غلا فتحت عيني بصدمه :لا لا انفصام في الشخصية أكيد
من توو تقولي روحي ولما اولد تجي تأخذه والحين تقول مالي طلعه لما أولد ي رجآل اثبت على كلمة
سامي :خلاص انثبري وفكينا
غلا بعناد: لا حبيبي كرامتي ماتسمح لي أجلس
سامي : اقول انثبري وارجعي الغرفه قبل مافصل عليك
غلا
ايه برجع .. بس ماهو خوف منك لا والله ولا فكرت فيك

.بس بنثبر عشان نفسي ماهو اطلع منها كذا وارجع لغثى اختك يد وراء ويد قدام لا حبيبي ماحزرت دخلت الغرفه و فكيت العبايه وقلت بقهر:لعاد .. تكلمني اوك لأني ماراح ارد عليك ف عشان كذا لا تحرج نفسك معي
سامي زفر وهو معصب ..وش يسوي فيها ..الحين مين مسندر راس الثاني ...بالحكي ... قال بقهر: اذبحك
غلا : لوفيك خير جرب بس
سامي : آه بس انا الي جبته لنفسي والله كنت عايش مرتاح
بس هذا جزاء الي يأخذ وحده بشور هله
غلا : ي رجآل مره حالتك صعبه وبقهر اسكت بس لا افك
لساني والله ماتنام صدق وتمددت وسحبت المفرش عليه
سامي رفع حاله شوي و قفل على فمها بقوه وقال بتهديد: ااسمعي
لك نفس اليوم تبيتي في قبرك وانا في السجن ......وش رأيك

،
،
،
،
،
،
،
اليوم الثاني
بيت ابو وليد
ريتاج ضحكت بقوه على حسام : خلاص ارحمها شوي
حسام بتريقه: ماتستاهل هذي من يفكر يرحمها بالله قد شفتي وحده شينه وشايفه نفسها ...
ريتآج بضحكه : ايه شوك
شوق بقهر منهن : ليت الشوك في دروبك ودرب هالنتفه
حسام وقف وبسرعه قفز على طاولة البلازما وقال بقهر: لو سمحتي كلمة نتفه ذي مابي اسمعها . واعترض بشده بعد وماراح انزل حتى تنسوا هالكلمه أبد
شوق رفعت راسها وناظرته :ايه انزل وبعدين اعترض
ريتاج قلت وانا ماسكه ضحكتي : وانا معك اجلس هنا حتى تأخذ مطلبك والله بتصير لك عقدة وبعد العقدة ذي بتأثر في نموك وشكل هذا حدك بعد آه ي حسام شكل كلمة نتفه بتسمعها على طول قلبي معك ..والله
حسام فتح عينه بصدمه : عزالله رحت فيها وبصرخه لا احتج وبقوه وناظر شكله طول عمري كذا طولي آه وش ذا حسبي الله عليك ي شوك مثل ماسببتي لي عقدة
شوق ناظرتهن بقهر : تصدقون اقرف منكم لما تجلسن مع
بعض
حسام: ايه لان نمردغ هالوجهه الشين عليك
ام وليد جت من المطبخ وهي تناظر حسام قالت بحده : انزل ي ولد لا تعور الطاوله زجاج
ريتاج : خليه ي خاله يعيش شوي انه طويل ....
حسام تلفت يدور شيء يبي يرميها بس ماحصل عض شفته وهو يتحلف فيها : طيب بس انزل واعرف ارد عليك ..


شوق بفرحه : يارب افتحها بينهم أزود..
ريتاج وحسام ضحكوو:ههههههههههه وقالو مع بعض عشم ابليس في الجنه
ام وليد بخوف عليه : اقول انزل وفكنا مافي حد يسعفك لو تعورت .. ابوك نايم ..والسواق ...ماهو فيه
حسام: اول قولي لبنتك تقول اني رجآل سنافي بعد
ام وليد طنشته وناظرت شوق :اقول أخوك تأخر قبل مايركب الطيارة قالي على تسعه يكون موجود ان شاءالله. ...
ريتاج حسيت بقلق ...يمه لا يكون فيه شيء ..رفعت الجوال وشفت الساعه شوي وتجي عشره ...
شوق : يمه مايرد
حسام : لا يكون طاحت في الطيارة وناظر ريتاج اخخ للمرة الثانيه يموت رجل لك ذحبتي أخواني واحد ورا الثاني
ريتاج
حسيت بصدمه ...من حكيه ..معقول هالكلام من عنده ..وكيف فكر كذا ..ودي اذبحه على هالكلام .. اول مره احسه ثقيل دم كذا بس انبسطت يوم خالتي وقفت وضربته ايه يستاهل
ام وليد تقربت منه بعصييه وضربته :بسم الله عليه لا تفاول على اخوك ي ال******
حسام بألم : آه يمه وش فيك وانا اقول حنونه اتاري كل البيت شرير ...
شوق مبسوطه بقوه: والله ليت تعطيه أكثركان تعدل وقصر
هاللسان عليه ...
ام وليد بصرخه عصبيه: خليني اسمع منك هالحكي مره ثانيه
ي حسام والله لا أقول هالمره لأبوك وأنت عارف كيف ضربه
حسام بألم وشوي ويبكي بس مسك حاله عشان مايضحكن عليه قال بقهر: خلاص يمه وناظر ريتاج اشوف ما وقفتي معي ولا لاني حكيت عنك
ام وليد بصرخه: حسام انكتم وناظرت شوق :شكلي اصحي ابوك يروح يشوفه
شوق : يمه كلها ساعة اللي تأخرها ماله داعي هالقلق كله
ام وليد : طيب ارجعي دقي مره ثانيه وكاد فتح الجوال
ريتاج
حسيت بضيق ...وخوف بعد ..يالله.ماهو راضي عني ... وقفت وتقربت منها وانا اطمن نفسي قبلها: ي خاله يمكن شيء مأخره لا تخافي ....ناظرت شوق الي جالسه تدق قالت بخوف:نفس الحكايه جواله مقفل
ام وليد :والله مافيني صبر واتجهت لغرفة ابو وليد
حسام بصرخه: لسى معترص وماراح انزل
ريتاج ناظرت شوق بخوف وبعد ناظرت حسام قلت بقهر منه : عساك ان شاءالله ماتنزل وخلاص ترى مسخت السالفة ماهو وقتك الحين
حسام :آكيد هذي عين شوق وسكتت ماكمل حكيه يوم... شاف الي داخل قال بهمس ماهو قلت لكم هذا يموتنا كلنا
ريتاج اول ماشفته تنهدت براحه يالله ...شوق راحت بسرعه تنادي امها قبل ماتصحي ابوها

ام وليد بسرعه طلعت وهي ترحب فيه وفرحان حيل بدخلته
عليها يالله عنده عقدة من يوم حادث بندر تخاف عليهن صايرة بزيادة : هلا ي عيون أمك وقربت منه وسلمت عليه

وليد بتعب قرب منها وضمها : تسلم لي عيونك يالغالية وسلم عليها وسلم على شوق ..ولا ناظر ناحية ريتاج ...
ام وليد بقلق:خفت عليك يمه تأخرت توني ابي اصحي ابوك إلا شوق.... تقول جيت
وليد : ايه يمه انشغلت شوي في المطار
وجلس على الكنبه بتعب وناظر حسام اللي لسى واقف رفع حاجب:مو ناوي تسلم
حسام : معليش والله ودي بس مستحيل أنزل يخرب احتجاجي
وليد عقد حواجبه: مسوي احتجاج على وشهووو
حسام : شيء مايصلح ينقال بس شوق عارفه وريتاج ...
وليد هز راسه : الله يثبت العقل بس.
ام وليد :انزل اقول قبل ماتنضرب مره ثانيه
حسام بعناد: والله مانزل اليوم وعادي اضربي الضرب لرجال
وليد : بلى غباء الرجال يضرب ماينضرب
شوق : ماعليك منه هذا يسمع طرف الكلمه ويفهمها على كيفه وبعد بتوجع رأسك لو جلست تجادل معه
حسام بقهر: أنت وش دخل أهلك بيني وبينه خلينا نستفيد من بعض انا أعطيه معلومات وهو يعطيني معلومات
وليد : الله الغني عن معلوماتك كلها مثل وجهك
حسام: أنت الخسران
ريتاج
يالله حسيت بفشله ... حتى كلمة كيفك ماقلها لي ...
ولا عبرني بنظره منه ...حسيت المكان ضيق علي ....من فشلتي
...ودي اقوم بس مابي ابين زعلي من حركته . كنت جالسه جنب شوق ومقابله له .. نزلت رأسي للأرض ..مافيني ارفعه من
فشلتي
وليد
ناظرها بطرف عينه ...متى جت ..آخر شيء يتوقعه يلقاها يوم يجي ..توقع تروح بيت أهلها. يكذب لو ماشتاق لها ...بس ماهو وليد الي تمشي عليه كلمتها ...
وقف وقال بتعب :يالله يمه تصحبي على خير يومين مانمت مثل الناس
ام وليد : نوم العافيه ي روح امك
حسام : بعد احتج... من ثاني وليد تكلميه غير.. وانا الضرب لي وش ذا الظلم الي اعترض له من قبل هالعايله الي ماتعرف الحنان ....اخخخ لابو يحن ولا أم اروح يعني اطر عشان أقدر اعيش برا هالبيت ... ولا وشهو
ريتاج رفعت حاجب ...من حكيه ماهو قلت لكم كلامه أكبر من سنه ....
وليد :اعترض على كيفك انا رايح انام وبلى حكي ماسخ كم مره قلت لك خلى هالحركات الي مالها داعي ..وبعدين ودي اعرف من وين لك هالحكي
شوق : والله من عيال الجيران الي يلعب معاهن
حسام : كم مرة قلت لك مالك دخل وانت روح نام ..أعوذ بالله جاا ورجع النكد. .
وليد بسرعه نزل شنطتة اليد وتقرب منه يبي يمسكه
بس حسام بسرعه نزل وشرد

وليد بصرخة: وققف لو فيك خير وبعد وين اعتراضك ولا راح
كله ي الجبان
حسام من بعيد : انتم تخلون حد يحتج ولا يقدر يقول رأيه حسبي

الله عليكن واحد واحد
ريتاج
غضب عني ضحكت ههههههههههه اليوم سمعني وانا اتحسب على شوق خلاص مسك اللكلمه كل ماحد كلمه تحسب عليه
وليد ناظرها برفعه حاجب ورجع أخذ شنطته ..
شوق بقهر: ليت تلحقه وتربيه مدلع بزيادة وصاير مايحترم أحد
ام وليد :خلي أخوك يرتاح الحين روح حبيبي ريح وناظرت رتياج
وليد سلم فوق رأسها : تصحبي على خير ورقى الدرج
ريتاج وقفت بسرعه ..مالي وجهه اجلس بعد نظرة خالتي... وبعد ابي اتكلم معه ...
بسرعه رقيت وراه وقلت وانا خايفه لا يصدني :وليد
وليد ويده على مقبض الباب تبع جناحه ناظرها بدون صوت
ريتاج تقربت منه وقالت بهدوء: ممكن تجي غرفتي أقصد غرفتك ونتكلم بهدوء
وليد بزعل : لااااا
ريتاج مدت يدها ومسكت يده: تكفى وليد ابي أتكلم معك
وليد بتافف :تكلمي يالله أسمعك
ريتاج : تعال الغرفه
وليد بحده :ريتاج صدقيني لو ايش مارضيت عنك
ريتاج بقهر: ليه طيب وش مسويه حق ذا كله
وليد بعصبيه : مصغرتني قدام أهلي وطالعه بدون موافقتي
كيف قدرتي تجلسي هناك وانا غاضب عنك
ريتاح وهي تناظر ناحية الدرج :وليد مايصير نتكلم هنا اي وقت
تتطلع شوق وتشوفنا وحنا نتهاوش امش معي ولك الي يرضيك
وليد بحده :مافي شيء يرضيني وتكسيرك لكلمتي راح تدفعي ثمنها غالي
ريتاج بعصبيه من أسلوبه: طيب مين اللي مزعل الثاني ..وبعد رفضك قدامهن ..وانت قبلها معطيني الموافقه ..وش ذي تتسمى .وبعد صدقني مابه شي غالي أدفع ثمنه واذا قصدك طلاق لا تنسى أن هذا مناي واذا ..في شيء.. ثاني ناوي تقهرني به متعوده على آنانيتك معي
وليد بغيص : غصب عنك اغير راي في لحظه ومفروض منك تسمعي كلامي بدون مجادلة ..ماهو تتطلعي وانا غاضب عليك وبعد قلتي مناك الطلاق وبعصبيه أكثر ..والله لو تتطيري لسماء ماتتطوليه ي رتياج
و فتح باب الحناج ودخل وقفل الباب ..في وجهااا وهو معصب
ريتاج
عضت شفتها وش فيها.. كذا هبت فيه ....مفروض .. تمسك اعصابها ...وتصير اعقل من كذآ هي جايه تدور رضاه ...بس والله .. يقهر بقوه شايف حاله ..ذالني ليه ابي رضاه ... ودي ادخل واحاول معاه لآخر مره ..بس مافيني ادخل جناح لطيفه ...وهي ماهي موجودة ..وبعد كرامتي خلاص انهانت بيما فيها الكفايه... اتجهت لغرفتي متضايقه .....حتى متى اتحمل ..حركات وليد ...
حسيت حالي مخنوقه حيل ...وبعد مستغربه ..غريبه ماجاب لطيفه معه. ...
'
'
'
'