كاتب الموضوع :
نوني الحكمي
المنتدى :
القصص المهجورة والغير مكتملة
رد: أعشق أنانيتك عندما تتمناني لك وحدك
وصولوا القصيم على خير وسلامه .. ...كان شوي متضايقه ..بس بشوفه ميمتها نست كل التعب .. والضيق . وبعد السلامات .ابتسمت وهي تسمع حكيها: يمه فديتس اشلونه رجلك همامي قايله لتس ودي اشوفه... خليك يجي معتس وراتس ماقلتي له ميمه تنتظرك
ريتآج بضيق :جت تتلكم قاطعتها
أسيل : مشغول.. مع عروسته الجديدة
ام مبارك : حد عنده شيخة البنات ويعرس عليها صدق مابه مروة هالوليد
ريتاج من غير حس : لابيه ولا يبيني هذولا هم دبسونا في بعض عشان كذا ماعليه .....
ام مبارك بحنق قاطعتها: اقول اسكتي لا اهفتس الحين لنعبودارتس وش ذا المنطق
ام عصام وهي تناظرها: ماعليتس يمه دلع حريم بس
ريتاج
سكتت عرفت ميمه عصبت ..اخ نسيت انها دايم في صف
الرجال ..والنسوان دايم هن غلطانين... عندها
وقفت وانا متضايقه افف ي وليد حتى سيرتك هنا منكدة علي ومعصبه ميممه مني : ابي انام
ام مبارك : والعيد لا تنسن وتروح عليكم نومه
اسيل وقف معاها بتعب: ان شاءالله
ام مبارك وهي تناظرهن : نوم العوافي وبعد معي جلسه معتس انتي ي ام العلوم القشرة ....
اسيل بهمس: قالبه عليك العجوز غبيه من جده كيف تقولي كذآ
قدامها
ريتاج :انام شوي وارجع اطيب خاطرها بكلمتين والله يعني على لسانها بس .....وسألت وهي مستغربه وين خالي سعود ذآ
غريبه ماستقبلنا ...
اسيل :مدري اول وأحد دايم في استقبالنا ....بس ربي فكنا من الرشاش اللي دايم مسندر روسنا به
ريتاج بهمس: غريبه وينه
دخلنا الغرفه اللي مخصصه لنا انا..واسيل...في بيت ميمه جلست بتعب على السرير وقلت وانا اناظر اسيل: دوش ونوم اوك ي وياويلك ...اسمع منك سواليف وفتحت الشنطه وأخذت بجامه. ..ودخلت ...
أخذت شور بارد ...وبعدها نشفت جسمي ولبست وطلعت وانا لافه المنشفه على شعري ..ناظرت اسيل ماهي موجوده ..وينها ذي بعد...جلست على السرير..وفكيت شنطتي اليد وسحبت منها عبلة الكريم. ..وأخذت منها ورطبت يدي ....وبعدها رجعتها مكانها. .طلعت جوالي ..ناظرته كان فيه كمية محادثات واتس.من شوق ..(كل عام وأنت بخير ي قلبي كان ودي اول عيد لك لنا في بيتنا نكون مع بعض )
رفعت حاجب اخخخ ماهو دايم مع بعض وبعد كثير ي ست شوق وابتسمت وحشتني الدوبه ...وانا لي ساعات مفارقتها ..والباقي كلها تهنئة للعيد .من صديقاتي ...فتحت عيني بصدمه يوم نزلت ..وشفت محادثه لوليد فتحتها بفضول ويدي على قلبي (طلعتي واناماهو راضي عنك أبد وأنت عارفه وش معني عقابه هالشي ي ريتآج )فتحت عيوني بصدمه وحسيت ..قلبي يدق بقوه من خوفي من ربي ..قبل كل شيء ...كرررت كلمته اي والله عارفه
عقابه زين ...يالله كيف . كذآ حرام عليه ...بسرعه دقيت رقمه ...عضيت شفتي يوم قفل في وجهي ...عرفت الأخلاق عنده قافله ... رجعت فتحت الواتس وكتبت ( كل عام وانت بخير
وعساك من عواده)
( وبعد ي وليد مايصير كذا ترسل لي ) و رجعت دقيت عليه نفس الحكايه قفل كتبت له وارسلت
(رد على الاقل نتفاهم )
انتظرت رد منه بس نفس الحكايه مطنش ... وقفت وانا ارمي المنشفه على السرير وبقهر : ...آه ي رب الصبر هو سافر
مافتحت فمي عليه ..والحين يوم جيت ابي افك على عمري شوي بشوفة أهل امي
واغير جوو من اللي انا فيه يسوي كذا حرام والله .. وبعدين مية.. مره قلت ليه تفكر تربط حالك فيني وانت اللي من اول رافض هالزواج .. وبعد ولا اهمك بشي ...وش تغير ..الحين
كبرت عقلي
ورجعت دقيت عليه نفس الحكايه. .قفل في وجهي ...رجعت فتحت الواتس وكتبت له (ليت تجي طيب وراح ارجع معك ولا ترد على الجوال عشان نتفاهم )ورميته بقهر ..لما متى اصبر عليه ...افف نكد علي النوم اللي كنت احسه طار الله يسامحك بس
،
،
،
،
،
،
،
يوم العيد
،
بيت ابوسامي
ابتسمت وانا اشوفه يتشخص ....قدامي قلت بدون حس : تصدق بعد مابعدت هذاك الكدش ضبطت عليك الشماغ اول مدري كيف قايل مع شعرك
سامي عض على شفته بحسره: اخخخ لا تذكريني والله لو مو عمار الخايس كان ماقصيت شعري قال ايش ابوي مايصير تقابله كذا وهو مايدري ب أبوه أكبر خربان هالشايب
غلا فتحت عيني بصدمه: بعد خربت الشيايب ي الي م تخاف ربك
سامي بقهر : الحين مين قال إني انا اللي مخربه تراه خربان خالص بس مسوي قدام عياله قدوه
غلا هزيت رأسي : والله أنه رجال سنافي وهو قبل فيك
سامي رز عمره بغرور : يحصل له واحد مثلي أقول
آه بس لو تشوفي كيف مأخذ الشغل كله على رأسي والشركه كان اول شيء... والحين شيء ثاني ..
غلا فتحت عيني بصدمه ...اخخ من هالكذب : ي خي خاف ربك اليوم عيد وبعد تهايط
سامي رفع حاجب : لا يكون ي العصلا ماهو مصدقه
غلا وقفت وتقربت منه ورفعت يدها وهي تضبط له التشخيصه: كذا ي العربجي العالم تتشخص
سامي : لا تتهربي من السؤال لايكون ..لسى مقلله.. من قدراتي
غلا ناظرت عيونه وبضحكه : افااا هذي تجي
سامي : ايه افتكرت وكل عام وانت بخير ي العصلا
غلا
ناظرته ....اول عيد لهن مع بعض قالت بهدوء : وانت بخير
سامي
مد يده وقال برجى: ممكن نطلع نعيد على امي وابوي
غلا بضيق : ان شاءالله حطت يدها في يده
وطلعت معاه ..ودخلوو الصاله شافت امه جالسه تتقهوى ...
سامي بأبتسامه : كل عام وخدوج بخير يارب
ام سامي سلمت عليه بحب.. على كل شيء فيه من عيوب بس تشوفه شيء ثاني وله معزة خاصه عن بدريه وزوجها : وولد خدوج بخير يآرب
سامي سحب غلا وقال : وهذي غلاي بتعيد عليك
غلا
والله ودي اذبحها هي ولدها الي فرحانين بعمرهن ويدعن لبعض جالسين ...
تقربت منها وهي تسلم فوق رأسها مغصوبه ...قالت وهي ودها تخنقها : عيدك مبارك ي خدوج
ام سامي بقهر: خدوج في عينتس قولي خالتي
غلا بدون احترام : طيب ماهو ولدك يقول خدوج جت علي انا يعني
ام سامي بقهر: هذا قلب امه يقول الي يبيهه بس انت قولي خالتي
تخلخلت عظامس ي الشينه
غلا بقهر والله خدوج ويخب عليك بعد بس يالله ماعليه عشان اشتري راحتي بس اخخ يوم ختمتها بدعوة طلعت لي عفاريت : بلاش دعاوي على هالصبح وناظرت سامي اللي احس ماهو عاحبه اففف وش ذا عصبه يعني الحين وش سويت حق ذا كله
والله إني خبله ذالتن روحي عشانهن . الوظيفه طارت علي ايه بس نص الراتب باقي ......
كلنا لفينا على العاصفه اللي جايه وبصوتها كله تصارخ ...لا لا لا انصدمت وش ذا ...حسبي الله عليك من مره كذا الناس تعيد ولا الخريطه الي راسمتها ..في وجهها ا والله ذا ماهو مكياج ..يمه يمه ..يمه ..ظل اصفر ي الظالمه .بدريه.. بصوتها كله: كل عام وانتم بخير
وعساكم من عواد يمه يالله.. بسرعه حريم حارتنا كلهن شوي ويتجمعن في بيت ام عبد الرحمن وهي تتقرب من سامي.. وتخمه بدفاشه وتسلم عليه
غلا
اخخخ من هالصبح ...فاضين يتجمعن بس قلت من غير حس وانا ناظر عيونها : اما وش حكايتك مع اللون الأصفر ممكن اعرف صبغه ومشينها بس ظل اصفر وش تحسي فيه
بدريه بقهر : غبيه هذا ماهو اصفر هذا ذهبي وتتسمي اضاءة بس وش يعرفك وبسخريه واللي مايعرف الصقر يشويه
غلا
ناظرت سامي المبلم جتني ضحكه على نظراته لوجهاا
سامي : الحمدلله وهي ماتعرف عشان ماتسوي هاللي انت
مسويته
بدريه بقهر : يمه شوفيهن خلاص صرت أكره أجي هنا من سبتهن
ام سامي : لا تجي فكه وتوفري بعد فنجان القهوة والأكل الي تبلعيه يوم تجي
غلا
خلاص انا هنا ماقدرت امسك ضحكتي:هههههههههههههههههههههه
سامي بضحكه: تستاهلي مالقيتي تشكي إلا على خدوج شافها زعلانه قرب منها وسلم فوق رسهاا لا تزعل مني.. بس ام مين قلتي
غلا حست بوزي يوم تذكرت ان ذي حامل في اخوي
اللي مدري كيف بقدر أحبه ..وهي أمه
بدريه وهي تناظر غلا بغيض : ام سامي
غلا فتحت عيني بصدمه : يمه على مسح الجوخ ذا
بدريه بعصبيه : ليه مسح جوخ اخوي وحابه اسمي عليه فيها شيء ذي
غلا بسخريه: سمي حبيبتي واشبعي بعد فيه بس لاتنسي انه حافي منتف يعني ماراح تستفيدي شيء منه خلي اسم ولدك على الاسامي اللي هابين فيها موضه اللحين أبرك لك
سامي بحده: تسلمين ي ام سامي وناظر غلا بعصبيه مالك دخل
أخت وبتسمي بأخوها فيها شيء ذي بعد ومد يده وخربط شعرها بدفاشه خلي اللقافه.. عنك
ويالله ابي الحق صلاة العيد طلع وهو مقهور منها الكلام
الي قالها لها في سهرتهن ..وتفقوا عليه ..ضربت به عرض الحائط ..
..
بدريه بقهر بعد ماطلع سامي : ومين قالك اني طماعه فيه
غلا : ايه هين كذآ بتسمي عليه من بابا لطاقة
ام سامي بقهر: اخوها وجعه ان شاءالله وبعدين وش بتطمع ..فيه مع هالحافي اللي يمشي ويخم في دراهمي ...فلسني ولد أبوه
غلا رجعت ضحكت وبقوه: تصدقين اليوم انا احبك وانا طاحيه قصف في بدريه ... أخوها
ام سامي بقهر :قصفوا راستس ي العوبه وناظرت بنتها بدريه قومي شرعي الباب يمكن حد يجيب لنا لحم قبل مااتجهز ونروح
غلا برواق خلتها لما تكمل حكي مع ...بدريه قالت بأبتسامه : بسم الله توني امدحك .. الله يهديك بس ماعليه اليوم انا احبك وبعد لا يكون ماهو ناوين تضحن
ام سامي : مالتس شغل
غلا وقفت: اوك و عن اذنكم حبايبي. ...شفتهن يخزوني بقهر وكره
حسيت حالي مبسوطه ..وانا زعلتهن كلهن هههههههه
ايوه كذا...احس براحه ..ولسى حبايبي ....والله لا أخذ حقي منكم كلكم ...بذات يوم حسيت سامي رافض فكرة الشغل أبد طيب
ولا فيه آمل أرجع ...ابرد حرتي من جهه وانهبه من جههه ايوه
كذا وين راحت عني هالفكره من قبل. ....غبيه مغربله عمري وانا اقنع فيه واسوي دلع مع وجهي ذا ابتسمت بخبث ....
،
،
،
،
،
في بيت ابو وليد
شوق حطت البخور وهي تصارخ على عيال ناصر
...اللي ام وليد راحت لهن وجابتنهن ..
حسام دخل وهو مشمر ثوبه :اخخخخ هذولا لسى عايشين
شوق ميلت فمها من سخافة هالولد ..قالت بقهر : انقلع لا توسخ انت بعد المكان
حسام بدون مبالاة : اقول ي الشوك عندك عيديه خليني اعيد عليك ماعندك ماراح اتعب حالي واخمك واتحمل ريحتك الخايسه
شوق بعصبيه: والله محد خايس غيرك ي وسخ ولا نسيت كان امي تسحبك سحاب للحمام عشان تأخذ دش نسينا ي حسام اللي مافي فرق بينك وبين ريحة القطاوه
حسام :القطاوه مالهن ريحه يمه يمه فشلتها ككككك
شوق بصرخه استفزها بقوه : حسام برا
حسام طنشها وناظر ريماس وسلطان قال بخبث : اقول يالغبيه وش رأيك نتفق على نويصر ابوي الحين دق عليه يبيه يروح بالذبايح وأكيد بيدخل يعيد على أمي
وش رأيك نكسب وراه عيديه على مستوى لان الشايب شكله ماهو ناوي يعبرنا
شوق بقهر من تفكيرة المادي وهو صغير : صدق وقح بدل ماتفرحه وتبشرة بوجود عياله تقوم تستغل الموقف حسام أنت لمين طالع
حسام : الدنيا كذا حبيبتي افتح مخك تعيش وطالع لابوي وضحك ههههههه
وطلع ينتظر ناصر برا ..ي انه بيطيح ع كنز اليوم الغبي كريم احسن من وليد ....اللي بس مطير فلوسه على الخبله زوجته. ..ولا يفكر يعبرة بشيء ناس ماتفهم
نطيت بفرحه يوم شفته دخل من البوابه قلت بسرعه وانا افتح باب السيارة له : ابي اروح معك أولا وثانياً عندي لك بشارة ي انها بتبسطك وبتخليك تحلق هالشنب اللي تقول شنب ابو النار
ناصر ابتسم : اكيد بنحلق بعد مانضحي ...وابو النار حرام عليك وش ذا التشبيه والله إني ازين
حسام أبتسم بمكر وهو يمد يده له: طيب ماتبي البشارة الثانيه ناصر : آكيد ابيها يالله قول وفكنا
حسام : النتف عيالك هنا
ناصر بصرخه: تقولها صادق نزل بسرعه وراح للبيت
حسام وهو يصرخ بقهر: هييي ماتفقنا كذا ي الظالم
دخل وراه وشافه وهو لامهن في حضنه الإثنين قال بسخريه: وش اعجبك فيهن والله انهن شينين
ام وليد بحزن يوم شافت كيف لامهن .. ويسلم عليهن: ربي يجمعكم من ثاني حبيبي
ناصر فز وقف وسلم فوق راسها وقال بهمس: الله يسمع منك وكل عام وأنت بخير ي الغاليه
ام وليد : وانت بخير
شوق طلعت من المطبخ وفي يدها القهوة والحلاوة وهي ترحب فيه : هاا ايش رأيك في المفاجأة
ناصر قرب منها وسلم عليها : أحلى مفاجأة ي روح أخوك
حسام بطفش: اقول بسرعه اخلص علينا
وطلع الي وعدتني به ..
ناصر قال بضحكه : على اني ماوعدتك بشي بس ابشر
شوق :تقهوى وماعليك منه وهي تمد له الفنجان
عند منيرة
من وقت ماعيالها راحوا. ..وهي جالسه في غرفتها شحنت الجوال اللي له يومين مقفل .. وفتحته وثواني وجتها محادثات كثيرة طنشت الكل
وفتحت .. محادثة ناصر ( تكفين ردي علي خلينا نتفاهم ) الثانيه (منيرة ماتبي تحني علي شوي طيب خلاص فكري بس عشان عيالنا ) الثالثه (ايش رايك نسافر الشرقيه كم يوم وصدقيني ابنسيك الوجع الي سببته لك ) واخر محادثه اليوم الصبح (كل عام وحبيبتي بخير يرضيك يجي العيد وانت بعيده عني ) ابتسمت بسخريه حبيبتك آه ي وجعي منك بس ...قفلت الجوال ورميته وقلت بغصه خلاص ناصر هالاشياء كلها معاد تفرحني ..رفعت رأسي لامي اللي دخلت علي : ماودك تنزلي وتتجمعي معنا
منيرة وهي تمدد ...وتسحب المفرش: لايمه وإذا جو عيالي خليهن يطلعوا على طول عندي
ام منيرة بضيق : يمه وش مستفيدة من هالحبسه وبعدين وش فيك كذا على عيالك ماتبيهن يلعبن ولا يطلعن مكان
منيرة : اخاف اخسرهن مثل ماخسرت ابوهن وولدي
ام منيرة : يمه وش ذا الحكي وابوهن على قولك لو تعطيه فرصه وتعطي حالك وكاد تزين حياتك يمه فكري لو مره بعقل ..وخلي التهور عنك
منيرة بضيق : خلاص يمه ابي انام
ام منيرة هزت رأسها بضيق : نوم العافيه ان شاءالله
وطلعت
منيرة شافت جوالها الصامت .. ينور مدت يدها ورفعته .. شافت إسمه في الشاشه (ملك قلبي.)
تنهدت بضيق آه ي ناصر مامليت ....بسرعه مسحت الأسم وكتبت بداله (ابو عيالي) حست بدموعها تنزل يوم غيرت الأسم بس ضغطت على حالها ...وقفلته ورجعته مكانه
|
20-12-15, 05:46 AM
جديد مواضيع قسم القصص المهجورة والغير مكتملة
العرض العادي
