آللهم إني استغفرك وأتوب أليك
اللهم صل وسلم على نبينا محمد
" صلو عليه "
الروآيه لا تليهكم عن الصلاة اللهم بلغت اللهم فاشهد
البآرت الخامس والعشرون
،
،
لا تسألنــي عن حالـي أنا بـخيـر دامك بعيـد
ولا تقــول انـي غالـي مـا راح أصـدّق أكيـد
يكـفينـي اللـي جرالـي و سؤالك مـاعـاد يفيـد
روح شـوف أحد بدالـي وهَـرْجك معي لا يزيـد
(منقول)
ريوف بألم من دفته لها : ماجيت ابي شيء او مثل ماتفكر داخله ..ابي ملابس اغير هذي اللي خيستها لي
اسامه سند حاله على الباب وقال ببرود: الحين لي اسبوع هنا مسنتر في الغرفه ليه مافكرتي تأخذي ملابسك وتقلعيها اي مكان أنتِ ..تكوني متواجدة فيه
ريوف بخوف : ماعمري افتكرت انك تسكن هنا
اسامه :لا ي شيخه
ريوف : ايه وبعد افتكرت مده بسيطه وترجع عشان كذا مافكرت انقلها
اسامه بقرف: اوك من الحين تأخذي اي شيء يخصك مابي ازعاج من ثاني وابعد عن الباب عشان تدخل واشر لها
ريوف بخوف وهي تناظر يده ماتبي تدخل قالت بتوتر : خليها بكره وأجمعها كلها وعد الحين ماراح أزعجك أخذت
اللي محتاجته...
اسامه بحدة : اقول انقلعي جمعي ملابسك مابي اي قرف يخصك في الغرفه اللي أكون فيها
ريوف هزت رأسها بخوف: طيب
ودخلت وهي ترجف مشت ناحية الدولاب ....حست بخوف يوم مر من عندها تنهدت براحه يوم شافته جلس على السرير
اففف ماهو مرتاحه وهي تحس انظارة عليها ..لفت له وقالت بتردد : ليت تجلس في الصاله حتى ألم اغراضي كلها أخاف ازعجك
اسامه
اللي مسند حاله على ظهر الكرسي رفع حاجب من حكيها وبحده : كملي شغلك وأنت ساكته
ريوف هزت رأسها بخوف وتوتر : اوك
وبسرعه أخذت اغراضها اللي قليله حيل
اسامه بهمس: وش اللي عجبك في رائد وضيعتي حالك عشانه
ريوف
طالعته بقهر ...ماراح ترد عليه ..خليه يقول اللي يبيه . أعطته... ظهرها وطلعت ..وراحت غيرت ملابسها ...ورجعت تمددت على الكنبه ...وهي تمسح دموعها اللي تنزل ورافضه توقف ...حتى هي معانده ...ماتبي تبكي خلاص طفشت ....
يعني اول مره يسأل هالسؤال عشان كذا تجلس تبكي خلاص مفروض تتعود....
*
*
*
في بيت ابو عصام
ام عصام وهي تكلم ريتآج في الجوال: يمه خليتس جاهز ابوك قال بعد بكرة ان شاءالله ماشين إذا ربي أرد
ريتاج تنهدت بضيق خايفه من وليد لا يغلس عليها : ان شاءالله
ام عصام : إلا تعالي اليوم انا وجاراتي تجمعنا كلنا ورحنا لمنيرة نسلم عليها ...يالله قد ايش تناظرني بقهر والله مسكت حالي غصب كنت ابي اقولها حبيبتي زوجك اللي جاا يمنا وحنا اللي رفضناه وبعد امها تخزني تقول ذابحتن لها واحد..والله عشان ام وليد رحت إلا مالي فيهن
ريتآج : آه يمه ربي يدري ان حنا لا ناوين نخرب عليهن بيوتهن ولا شيء وهذا الشيء غصب ينفرض علينا ماهو بيدنا ولا حنا مرتاحين فيه
ام عصام : على قولتس بس والله من اليوم ..ورايح ماااسكت أبد واللي فيها فيها
ريتاج ابتسمت بسخريه على حظها .. : خير ان شاءالله
ام عصام : ثواني يمه وبصرخه.. خلاص جايه.... وبقهر هذا ابوك خرف على آخر عمره
ريتآج ابتسمت بخبث:خرف ولا مبسوطه.. وهو يبي عجيزة عنده
ام عصام بخجل: عجيز في عينتس ا قول تصبحي على خير وبفضول وش مسويه مع ضرتس
ريتاج تنهدت بضيق: هي في حالها وانا في حالي
ام عصام بجمود: وليد يعدل بينكم ولا بس عند لطيفه
ريتاج : مايقصر يالله يمه ابوي لا يعصب الحين
ام عصام : الله يعين عليه يالله في حفظ الله
ريتاج ابتسمت وقفلت
ورمته عندها ..وهي مستغربه وليد ..لا حس ولا خبر ...من آخر مرة شافته في المطبخ ...
اففف ليه افكر فيه واشغل حالي به الله يسامحك يمه أنتِ جبتي سيرته ..لبست جلال ..ونزلت
تحت شفت الدنيا هادئه ...أكيد نايمين ..
.
دخلت المطبخ ...جلست على الكرسي وسندت على الطاوله ...أفكر أيش اسوي لي عشا
امممم وقفت بكسل. ...فتحت الثلاجه ..سحبت لي ..عصير
وطلعت ..الحوش ...من باب المطبخ ..ناظرت الدينا هاجدة وصراحه يخوف ...كان ..بس تشجعت يوم سمعت صرخة حسام ...من المقلط ..هالنتفه لسى مانام ....ي انه مصيبه هالولد
تقربت من الدريشه وضربت .. فيها بخفيف و..رفعت صوتها شوي ..وهي تنادي باسمه : حسام
حسام طلع مفزوع : يمه فجعتيني
ريتاج بضحكه: ااخخ ي الجبان يالله هذي في صالحي امسكها ضدك
حسام : وش تبي الحين مزعجتنا
ريتاج بقهر: بعد اخلاق خايسه اقول عندك أحد ولا اجلس في الحوش براحتي
حسام : انثبري مافي غيري هنا واعطاها ظهره ودخل يكمل لعبته
ريتاج
هزت رأسها ...مسوي فيها اليوم حضرت السيد رفعت صوتي وانا ناويه اقهره: آكيد جالس تلعب لحالك خايف لا تعزم اخوياك وتنهزم
حسام بصوته كله : اقول انثبري جالس انتظر وليدوه الخايس طالع وهو بكامل كشخته مدري وين هاج اليوم ...وساحب معه العنز ..
ريتاج
هزيت راسي ماراح ارد عليه الغبي ..ذا كل ماجيت تكلمت معه ذكرني بوليد ..يطلع يجي وش دخلني بوه .... بس قلت وانا ناويه ابرد خاطري : اقول ي النتفه وصرنا نعرف نحكي وبعدين وش دخلك بينهن رجال ومرته مسوي مراقبة لهن ليه ..
حسام رجع طلع وقف عند باب المقلط : بس كذا فضول وبعدين شغلي مخك وخلي الغباء ذا عنك واطلبي يوم من وليد يطلعك وطلعيني معكم بدل ماهو بس ساحب ام حاجب مشطوب داخله خارجه معه وأنت جالسه تندبي حظك وطالعه في هالليل تفكري فيه
ريتاج قاطعته: اقول انقلع أدخل كمل لعبتك ولو أبي اطلع كلمة
مني بس اخليه يوديني أحسن مكان بس انت لو تموت مارحت معنا
حسام : ايه هين أحسن مكان
ريتاج
طنشته واعطيته ظهري. .اففف بعض مرات هالولد يقهر كلامه ماهو على سنه .....
وجلست على المرجيحه ..وانا الم الجلال على كتوفي ..آه نسمة هووا باردة ... قفلت عيوني ...وسرحت بعيد ..اتذكر ..كيف يوم
كنت أجي هنا ...ولسى محيرة لبندر ..كان امي تحذرني ..كثير ماطلع الحوش او آقرب من مقلط الرجال بس اجلس في ..غرفة شوق ...ابتسمت بحزن راح يمه اللي كنتي مسويه لي حظر تجول عشانه ..رفعت رأسي لسماء الله يرحمك ..حسيت دموعي نزلت من غير ماحس ..
قفلت عيوني ...
وليد
رجع البيت ..بعد ...مارجع من ملكة صاحبه ...دخل الحوش
ناظرالي تهز المرجيحه وماعرف مين الا يوم تقرب منها ...لان المكان انواره خافته ...استغرب وجودها هالوقت في الحوش بس ابتسم بخبث فرصته :ليه الحلوة جالسه لحالها
ريتاج فزيت بخوف من اللي تكلم فوق رأسي ...
وليد مد يده لكتوفها ورجع جلسها ونزل نفسه شوي وقال بهمس:جالسه تناظري السماء وتفكري في مين
ريتاج ببرود : افكر في قدرة الله سبحانه وكيف نمشي وحنا ماندري بالمكتوب ..
وليد بهمس: اممم جيت على بالك شيء
ريتاج رفعت حاجب : أبد
وليد مد يده ولف راسها له وناظر عيونها : افاا وهذا وانا بس افكر فيك
ريتاح ضحكت غصب عنها: ههههههههههه وليه متعب حالك
وليد ابتسم لضحكتها وبضحكه : افتكرتك ميري يوم دخلت
ريتاج رفعت كتوفها بببرود: ميري نايمه ...وش يصحيها هالوقت
وليد بجديه هذي شكلها مقفله بالمره من ناحيتي قال وهو يتأمل : ممكن نحكي مثل العالم العاقله
ريتاج بسخريه : طول عمري احكي مثل العالم العاقله
وليد : اوك بس نطلع الغرفه احسن
ريتاج : هنا مرتاحه أكثر
بعدين الجوو مره حلوو مايتعوض صراحه
وليد بضيق: بس انا مو مرتاح
ريتاج
رجعت راسي على وراء ورفعت عيوني له وناظرته ياربي ..دايم اطلع في الوقت الغلط ...وبعد من وين جاي حضرته ...كذا كاشخ . ..طلع صادق حسام هو دايم كشخه بس مو كذا الحين يقال جاي من عرس رجعت رأسي لوراء حسيت بألم في رقبتي بس طنشت وقلت بفضول.: كاشخ حركات من وين جاي
وليد رز عمره وتقدم شوي عشان يقابلها : اممم كيف اعجبتك بالله
ريتاج بخبث وهي ناويه تجننه شوي : ايه مره تتطلع كشخه بالشماغ
وليد انبسط وهي مدحته ابتسم بخبث حلوو مدام بدايتها كذا
: الله يسلمك ا ليوم ملكتي على الثلاثه
ريتاج ميلت فمها بسخريه : شكلك مرة مبسوط من تعدد الزوجات
وليد ابتسم : مافي رجآل ماينبسط
ريتاج : ان شاءالله تتوفق هالمره وخلاص عاد اهجد
وليد رفع اصبعه: باقي وحدة ويكمل العددد واهجد بعدها
ريتاج رفعت اصبعها : باقي اثنين وانت الصادق
وليد عقد حواجبه: وش افهم منها ذي
ريتاج رفعت كتوفها بدون مبالاة : يعني مصيري انتهي من حياتك وافضي لك خانه بعد وبدلع شفت انا كيف طيوبه
وليد ميل فمه بسخريه: مايذبحني إلا الثقه اللي عندك ومين قالك
ي حلوة ابي افضي هالخانه
ريتاج بتحدي ناظرته: هذا اللي لازم يصير
وليد جلس جنبها ومد يده وحطها على كتوفها وقربها منه وبهمس: بحلامك ي ريتاج
ريتاج بضيق من قربه وتوتر : افف حشرت حالك في هالمكان فاكر.. حالك نحيف وبعد قوم لا يطلع حسام ويشوفك كذا جالس ملزق فيني
وليد بحده : حسام وينه
ريتاج :في المقلط
وليد : وش يعرفك انت فيه
ريتاج بضيق من أسألته : ادري انه هنا من شوي طلع كلمني وراح يكمل لعب فيها شيء ذي
وليد هز راسه بضيق ....وحده: وش مطلعك الحين وبعد يمكن اصحابه هنا
ريتاج اففف ي شين غيرتك : لا تطمن ماطلعت الا لما تأكدت بعدين لا تسوي فيها تحقيق ...مخنوقه وطلعت ابي افك شوي... وقوم حشرتني
وليد بقهر : ممكن اعرف كيف تأكدتي وقطع علية رنه جواله يوم رن في ..جيب ثوبه ميل شوي عشان يقدر يطلعه
ريتاج صرخت بألم يوم ميل عليها : هييي ذبحتني. .
وليد ابتسم: تحملي ثواني بس اطلعه
ريتاج : وقف وطلعه يرحم امك مافيني
وليد طنش وابستم بمكر يوم شاف رقم لطيفه قال
بهمس:اوشششش .. وكمل بترحيب يوم فتح الخط . وهو ناوي يقهر اللي جنبه: هلا والله بحيبة وليد
لطيفه : هلا حبيبي ممكن طلب وأكيد مراح تردني
وليد : افاا كيف اقدر ارد حياتي
لطيفه : ابي انام عند أهلي.. بنات عمي جاين من السفران شاءالله يصلن الصبح ولازم استقبلهن مع امي ...
ريتاج ميلت فمها بقرف....صدق انه غبي يقال يقهر الحين هين والله ماهزيت شعره مني بس فتحت عيوني بصدمه من كذبه شوفوا بالله وش يقول
وليد بكذب: حرام جالس لحالي ضايق مره اففف يعني ضروري
ضروري يعني تجلسي تستقبليهن
لطيفه : حياتي صعب ما استقبلهن مع امي وهم بس يوم وأحد ويروحوا الديرة عند ميمه
وليد : اوفف مره عزايم مع بنات خالتك والحين يطلعوا لي بنات عمك ذولا
لطيفه : حبيبي مابي ازعجك واصحيك عشان توديني بيت أهلي يوم يجووا قلت اختصرها واجلس مره وحده عشان ماتتعب بس وتجي لي يوم يروحوا
وليد : وش دخلك اتعب انا ماهو انت وبعدين كل التعب يهون في مقابلة وجهككك ي قلبي
لطيفه بحب: حبيبي خلاص أجل تعال الحين وهن بالطقاق كم وليد عندي
وليد... عض شفته لا ماهو هذا اللي يبي.. كان وده يستفرد بالحلوة ذي ويوم كذا قال ناوي يقهر الحيط اللي جنبه .. بس أكيد الحين لطيفه بتخرب عليه قال بكذب : عادي حبيبي اخليك اليوم عندهن وبكرة اجي ماراح ازعل استقبليهن مع أهلك وانبسطي
لطيفه : لا لا تعال خلاص امي تكفي وتوفي وبكرة من بدري ارجع لهن ...وبدلع الله يعنيك على المشوار
وليد ي ليل : طيب جاي شوي بس
وقفل وهو يناظر ريتآج بقهر: .يعني انت وش هالحظ عليك
ريتاح ضحكت غصب عنها وهي مسويه حالها ماهو فاهمه بس قالت : اممممم رايح لها ي حرام خليها تونسك جالس لحالك ي الكذوب
وليد همس لها : فيه غيرة شيء
ريتاج قربت منها وهمست له : لا طال عمرك
وليد ناظرها : اخخخ منك ي بنت العم وصلك صعب شكله
ريتاج وقفت يوم شافته يلمح : يالله فيني نوم
تصبح على خير ومشت بسرعه ماتبي تجلس أكثر. .
بس تذكرت انها ماقالت له عن سفرية القصيم ....كان تبي ترجع تكلمه بس تراجعت وهزت رأسها ..بكرة وخير ..وبسرعه رقت الدرج ...ودخلت غرفتها ...وهي توعد نفسها توبه تنزل لحالها ..اعوذ بالله كل مانزلت شافته ..وش ذا ..
تمنت عندها
مطبخ تحضيري هنا والله الصاله معاد تنزلها أبد حتى تنفك
.....
12-12-15, 01:25 PM
رد: أعشق أنانيتك عندما تتمناني لك وحدك
جديد مواضيع قسم القصص المهجورة والغير مكتملة
العرض العادي
