هالرواية كانت ضايعة مني ويئست ألاقيها لولا حبيبتي فيتو نبهتني لوجودها ‏

مشكورة يا عمري على إعلامي وعالنقل وشكرا للكاتبة ولي عودة بعد ما أقرأ البارتات إن شاء الله ‏

آللهم إني استغفرك وأتوب أليك
اللهم صل وسلم على نبينا محمد
" صلو عليه "

الروآيه لا تليهكم عن الصلاة اللهم بلغت اللهم فاشهد

&البآرت الثالث والعشرون &



على كف الشقا نامت جروحي والألم سهران
يحطمني يبعثرني...
وفي صحراك يرميني ولكن عزتي تفرض
أكون بدنيتي
سلطان وإن ظنك أجي أركع لرجلك...
ما عرفتيني أنا ما عادتي اشحذ من أمثالك
رضا وإحسان
أموت بعزتي ارحم ولا ذلك يغطيني

( منقول)


،
،
،
،


وليد وهو فرحان يوم دخل وشافها قدامه قال بأبتسامه : صباح الخير
ريتاج لفت له وهي مكشره ورافعه يدها تهف عليها : صباح الخير
وليد تقرب منها وشاف اصبعها أحمر. .قال بهمس:تعورتي

ريتاج يمه ي الكذب على هالصبح ...قالت ببرود: عادي لسعه بسيطه
وليد بهمس: انتهبي على حالك في ناس تخاف عليك

ريتاج
فتحت عينها ...والله فعلاً. . بعض مرات تخاف انها تصدقه ..هالكذوب ....قالت بسخريه :يالله مين له نفس يكذب في هالصبح
وبقهر انت ماتبت.. يعني ماكفاك امس... انك انكشفت من لطيفه

وليد : ماعليك لطيفه اعرف كيف اهجدها ....
ريتاج رفعت حاجب:لا ي شيخ والدليل امس سامعه صوتها هي الي طالع ماشاءالله تبارك الله رجآل وحمش بعد.. وضحكت
بسخريه

وليد قال بحده: ماراح ارد عليك لاني لو رديت يمكن.. تزعلي

رتياج : حركات والله الكابتن صار يخاف على زعلي
يارب وش هالتطور ورفعت يدها ان شاءالله مستمر هالتطور

وليد قرب منها وقال بحده وهو صاك على سنونه : صبري قليل ي بنت الناس

رتاج رفعت كتوفها بدون مبالاة : وانا مستعده لا اي شيء وبعد
عموو معي وش ابي بعد ذا كله

وليد همس لها : صدقيني عمو مراح يفيدك

ريتاج قربت وجها منه ..بدلع وبهمس : متأكد

وليد رفع حاجب: امممم في ذي معك حق عموو راح يخرب البيت كله على رأسي لو سويت شيء فيك

ريتاح بضيق ماتبي تتكلم كثير معه : اوك روح وراك رحله

وليد ابتسم وهو يناظر ملامح وجها الجميل :عشان هالوجههه الحلوو راح اروح وانا مبسوط بعد

ريتاج .... ابتعدت شوي وهي تعطيه... ظهرها. .
وليد تقرب منها وبهمس : طيب اعزميني قبل ماروح ولا هالفطور..لك وحدك

ريتاج بجمود:لا حياك اجلس افطر وهي تشير للكرسي يجلس عليه وهي ترتب الصحون ... على الطاوله وجهزت.. كل شيء وهو جالس يناظرها ...اعطته ظهرها
وليد بسرعه : وين
رتاج : رايحه اشوف شوق لاني عزمتها
وليد بقهر..: خليك من شوق وبغرور..يكفي انا افطر معك

ريتاج ناظرتها بسخريه ...على هاالثقه اللي عنده ....جلست على
الكرسي مقابله له ...بهدوء...

وليد ابتسم بثقة : سمي

ريتاج سحبت كوب الحليب ..وهي ساكته ورفعته... وجلست تشرب بهدوء ..
وليد وقف بزعل :احس اني مضايقك صح وماهو اللي كان تتمني يفطر معك
ريتاج ببرود رفعت راسها وطالعته : صادق انتظر شوق

وليد رفع حاجب وقال بقهر : اففف في الوجهه بعد

ريتاج نزلت عيونها وحركت الكوب ببرود: تبيني أكذب

وليد بحده : لا تكذبي ولا شيء و بالعافيه عليكم وقطع عليهم دخلة شوق
شوق وهي متفشله : معليش افتكرت ريتاج لحالها

وليد بسخريه : من أصله جالسه تنتظرك وبقهر ...عشان تفطري معاها
وتقرب من شوق وسلم فوق رأسها وقال بهدوء: لا اوصيك على لطيفه ..وطلع
ريتآج
رفعت حاجب وحطت الكوب ...بقهر ..مسوي زعلان والحق له
شوق جلست وقالت بهدوء: وش مزعل وليد
ريتآج رفعت كتوفها بدون مبالاة : اخوك من متى مازعل دايم كذآ
وبيفضل على طول كذآ بعد
شوق غمزت لها : بس حركات من صباح ربي في المطبخ وانا افتكر الفطور لي اتاريه للكابتن
ريتاج بدون اهتمام لحكيها وقفت ..
بعد ماتفطري نظفي المكان اليوم معطيه ميري اجازة اوك
شوق بصرخه : نعممممم

ريتاج
طنشتها وطلعت شافت قدامها ..وليد ...يكلم امه ...
تقربت من خالتها وصبحت عليها. ...

وليد ناظرها بزعل ...افتكر جايه تعتذر ....بس لا سلمت على أمه. ..
ام وليد : حبيبي افطرت
ريتاج بضحكه : ايه ي خاله افطر
وليد ناظرها بقهر: ايه وماقصرت بنت جاسم بعد
ام وليد :فديتها بنت جاسم دايم علومها سنعه
وليد بقهر : ايه مره

ام وليد : يمه تكفى انتبه على حالك

وليد بضحكه : يمه ماتعودتي لسى على شغلي

ام وليد : الله يصبرني بس والله ان قلبي يجلس مقبوض لما اشوفك قدامي اطمن هذاك الوقت
وليد تقرب منها وسلم فوق راسها وضمها لصدره: فديتك ي الغاليه دعواتك بس وان شاء الله مايصير لي شيء
ام وليد بعد ماسلمت عليه
دخلت المطبخ تحضر الفطور لابو وليد

وليد برفعة حاجب طالعها : مافي سلام قبل ماطلع

ريتاج :ربي يحفظك لامك

وليد تقرب منها : ولك بعد

ريتاج ضربته على صدره : مالي فيك
وليد بحده : والله
ريتاج بتشفي :اي والله وماقلتها إلا انا قاصدتها
وليد بزعل: اوك وبسرعه نزل نفسه شوي وسحب شنطته اليد وطلع ...وهو زعلان. ...
ريتاج ...ماحبت..يطلع كذا زعلان....بس يالله ..مع نفسه...
اللي سواه فيها ماهو قليل ...وبعد اليوم جاي ...يتكلم معاها بلطف ..لغايه في نفسه ..عارفته ..وفاهمه حركاته كلها ..الكذوب .....
*
*
*
*
*
*
بيت ابو سامي

وبتحديد في غرفة سامي
سامي
وهو واقف يعدل شماخه ...قفل عيونه بطفش ...وهو يسمعها كيف تحن ....يالله هذي ماتعجز أبد ...قال بصرخه :
والله لو اسمع سيرة هالوظيفه ... الزفت أخذت ...عمرك خلاص ي شيخه لا تجلسي تحني من امس في الليل وانت مسندره ...ر اسي لانوم نمته مثل الناس ولا شيء ....

غلا
مواصلة مانامت مقهورة قهر محبوسه في هالغرفه والي قاهرها أكثر. .يوم دقت على ابوها. ..قال لها انثبري مكانك واسمعي كلام رجلك ..وفكينا من مشاكلك ...ولو جيتي رجعتك وين ماكنتي ..
حست الدنيا مسوده في وجهاا ..واللي قهرها بعد الحين هذا الغبي
رافض يفهم ...قالت بصرخه : صدقني كذا بنفصل افهم عاد حرام بسبب مشكله معك ومعه دخلتني فيها غصب

سامي بعصبيه : هذا الي ابيه ي بنت الناس افهمي الشغله ذي كلها ماهي داخله مزاجي فاحترمي حالك أبرك والرجال هذاك لا تجيبي سيرته اذا تبي عمرك

غلا وقفت بعناد وقابلته وبتحدي : والله لااروح ودقايق وجايه فاديه واشوف كيف تمنعني
سامي بسرعه اعطاها كف لدرجه ماخلها تكمل حكيها وقال بعصبيه ويده ترجف من قهره : حرام انت حد يحترمك ..مفروض هذا اللي ينفع معك... لما يرجع لك عقلك المصدي ذا ...وصدقيني انا الي برجعه لك ي غلا واشوف لو فيك خير روحي

غلا رفعت ...راسها له وهي ..ماسكه على خدهاا وقالت
بقهر: سامي ماهو انا اللي امشي بهالطريقه وصدقني الكف ذا بأخذه اضعاف ..بس اصبر علي وراح اقهرك مثل ما تقهرني


سامي بقهرمن تهديدها : اقول بلا هياط على.. هالصبح وانثبري مكانك والكف منتظرته... من زما ن وقليل في حقك بعد.. ومفروض تأخذي أكثر من كذا والوظيفة تعبت
وانا اكرر واعيد اقولك خلاص طلعيها من راسك ..لانه مستحيل
ترجعي لها مدامك على ذمتي بعد ماتنقلعي من عندي سوي الي تبي

غلا هزت راسها: اوك مدام انت الحين قادر تمنعني مصيري أخذ ورقتي منك وارتاح
سامي وهو رجع .. يعدل حاله في المرايا : كلنا نرتاح ياربي حتى كلمة
مبروك ماسمعتها منك واعطاها ظهره وطلع شاف ابوه قدامه
..عرف ان اليوم كله راح يتنكد زود على نكده
ابو سامي بسخريه وهو يطالعه : مسوي حالك رزه والحين يقال متوظف اقول ساميوه مصيرك تنطرد منها مثل غيرها

سامي بضيق : يبه مفروض تبارك لي انت.. بعد وش فيكم علي ولا احد بارك لي
ابو سامي بحده: اول راتب لي
سامي ببرود: ماوعدك
ابو سامي بعصبيه : يا ل***** والي اعطيتك هي خلاص انتهت وبعد وين وعدك ... قلت تلقى وظيفه تسددها على طول

سامي بقهر: يبه تشوفني الحين مأخذ ... الراتب.
ام سامي وهي تحط الفطور وبعصبيه: ماعليك من ابوك ذا جاي معبي ومايدري وش يقول وريح حالك ي وافي الراتب لي وعدني فيه قبلك

سامي : اقول خدوج متى وعدتكم انت وزوجك بلى نصب على
هالصبح
ام سامي بقهر: شوف الي ينكر صدق مثل ابوك طالع

ابوسامي :والله ... إلا مثلك ناكر الجميل والراتب لي وغصب عنك خشمك انت ولدك

ام سامي :نشوف
سامي ضحك غصب عنه هههههههههههه
تركهن وهم يتهاوشن ..كل حد يقول له ...وعده ..اخخ متى وعدهن ..وده يعرف. هههههه طلع وركب سيارته وحرك ..ناظر اللي ...وقف في النص الشارع ومقفل عليه مايقدر يطلع من الحاره فك الدريشه وقال بصرحه : بتمشي ولا اشلون وهو يدق بوري.........
سمير فك دريشته و ناظره :سامي

سامي بتاففف اففف وش ذي الحالة اليوم انا فيها ..قال بمجامله: هلا هلا سمير
كيفك ي رجال وينك ماتنشاف

سمير بجمود: مشغول شوي

سامي بضحكه : شكل رائد سحب عليك
يقولون في الاستتراحه ... معاد يشفونكم مع بعض وبتشفي فيه ماينسى يوم شهد ضده الخايس وقف مع رائد ....

سمير بكره لسيرة رائد: يقطعه من سيرة فكنا منه

سامي بتشفي: اخس من متى اذكرك ذيله كان

سميرة بنرفزه: سامي ماهو وقتك والله
سامي :اوك اوك
سيمير بفضول : إلا متكشخ من هالصبح وين على الله
سامي رز عمره زيادة : دوامي

سميرر : حركات من متى

سامي : تونا نقول بسم الله

سمير بطفش : اقول دق على الدحمي من اول انتظره وانا ماعندي رصيد ادق عليه ...

سامي اخس حركات الدحمي وسمير مع بعض ..اذكرهن بس يتهاوشن ..طيب ي الدحمي الكذوب يابو وجهين قال ببرود: ماعندي رصيد مثلك وقفل الدريشه. ....

،
،
غلا
طيب سامي ..قدرت... تمشي كلمتك علي ...صاحت بقهر ..ماتدري وش تسوي ..وتقنعه ...المصيبه محد معاها. ..وهي مع الأسف اثبتت.. انها ماتقدر له ..وبذات إذا عناد ..يالله قد ايش معاد يتفاهم ...جلست تفكر في حل ..تقنعه ..ولا راح تذبحه أكيد
..صعب صعب .يوقف ضدها. .وهي ماصدقت تلقى هالوظيفه المريحه بس جتها فكره...وابتسمت بخبث ..صدق انها غبيه ..ليه ماتفكر..مثل قبل ..وتستغل ..دلعها شوي عليه..
ويمكن يجيب فايدة مثل يوم قالت له...تبي تتوظف ...ايه أكيد
يجب فايده يكفي الخايسه اخته لاعبه على ابوي بدلعها.. . ومخليته
معاد يشوق غيرها وليت على سنع ....وهي بتسوي مثلها وبتستغل اخوها . اتسعت ابتسامتها ...وين راحت عن بالها الفكره من زمان ..وعاد الله يعيني على مغثته واستهبالهه...وع ..الحين يصدق حاله ....وي شينه لما يصدق حاله ... طيب ي ولد خدوج ...سحبت جوالها وبسرعه فتحت الواتس وارسلت ..لفاديه .(قولي لابوعدنان اني تعبانه وعادي لو يبي يخصم بس اهم شيء حاولي ماتبيني له شي ثاني بذات عن المشكله وقولي له ابي اجازة اسبوع ..وشوفي ايش يقول وانتظر ردك )

بيت ابو وليد
على الفطور

قالت بهدوء بعد ما قربت منه كاس الشاي : ليت اعرف ايش اللي معصبك من امس كذآ ولا تقولي حسام

ابو وليد بقهر: صادقه

ام وليد بخوف :ايش فيه طيب

ابو وليد بجمود : عارفه ولدك ناصر وش مهببب

ام وليد بخوف : خير ان شاءالله مسوي ومزعلك كذا

ابو وليد بقهر: متصل على عمه وقايل له هونت وبصرخه شايفه كيف الرجآل الي مخلفتهن مافهين الصاحي

ام وليد بزعل: مافيها شيء يقول الحين ولا بعد ما يأخذ ها وبعدين بيني وبينك ناصر ماهو حق ثنتين

ابو وليد بعصبيه: عيالك كلهن خرفان هذاك خايف من زوجته ولعبت بعقله ومتصل على عمه وكنسل السالفه

اما ولدك الثاني ..فهذا قصته لحالها جالس ..تتحكم في مرته
..ورايح جاي بها من مكان لمكان ..وناطل بنت عمه مع السواق. ..
ام وليد بضيق وندم انها سألت : سلطان ليه حاط عليهن كذا وش لك في وليد ولطيفه عيب مهما كان البنت ماشفنا منها شيء يكفي انها رضت وافقت تزوج وليد بعد اللي صار

ابو وليد وقف بعصبيه: ليتها ماوافقت أعوذ بالله منها من مره كل ماتذكر كيف جالسه ترددد في الحكي والحيطه ولدك واقف كذا ودي ادبغها لما تعض القاع
ام وليد : وش ذا ي سلطان وباي حق تمد يدك عليها ...مهما كان هذي زوجة ولدك ومفروض تعتبرها مثل شوق
ابو وليد : تخسى ذي مثل شوق ..
ام وليد : خلاص هدي ...
ابو وليد وقف بعصبيه ....وطلع ....رايح الشركه ..ويتمنى الجبان يرد عليه ..بس ولا يداوم اليوم ي انه بيبرد قلبه فيه....

ام وليد
حمدت الله انه طلع ... وقفت بسرعه و راحت ...رفعت السماعه ودقت على ناصر بتعرف السالفه كلها ...سمعته يرن ورد على آخر. .رنه بصوته الثقيل :الوو
ام وليد : السلام عليكم
ناصر : عليكم السلام هلا يمه
ام وليد بحنان: حبيبي صحيتك من النوم

ناصر ابتسم يموت في حنية امه زفر بعتب: آه يمه مين قال اني نايم زين
ام وليد بحوف : حبيبي ايش فيه

ناصر بحزن: منيره في المستشفى
ام وليد بخوف:ليه سلامات
ناصر : امس طاحت مع على الدرج وسقطت

ام وليد بصدمه : لا تقولها

ناصر : الحمدلله الله يعوضنا

ام وليد بحزن : ان شاءالله يمه تعال ودني لها

ناصر بستفاسر: غريبه داقه يمه ها لوقت يوم رديت عليك ...افتكرتك عرفتي والله

ام وليد ماحبت تقول لها ليه داقه ماهو وقته من أصله. .وبعد احسن شيء سواه انه رجع له عقله : لا بس حسيت فيكم شيء وحبيت اطمن وبأبتسامه تعرف قلب الام يمه...
ناصر : الله يخليك لنا يمه إلا بسألك ابوي قالك شيء معصب علي اكيد اليوم بيذبحني وكاد على الي سويته

ام وليدقالت يوم هو فتح السيرة : يمه سويت الصح وماعليك في
ابوك بيزعل يومين وبيرضى اهم شيء ماظلمت أحد ولا حرقت قلب زوجتك وبذات مع حالتها الحين تبي وقفتك ماهو تحرها بمره
ناصر حس براحه بكلام امه قال بهمس: ليتها ترضى
ام وليد بهدوء : برتضى يمه بس الحين يبي لها صبر لانها موجوعه منك يمه

ناصر قفل عيونه : حيل
ام وليد : قوم يالله عشان نروح نشوفها .....
ناصر : من اصله رايح عشان اكمل الا جرات .
ام وليد : احتريك
ناصر :..أخذ شور ومسافة الطريق وانا عندك ....
بس ان شاءالله مايعكرون معنا ويدخلونا لانه ماهو وقت زيارة

ام وليد : ان شاءالله وقفلت وهي حزينه على منيره ..على لسانها الطويل المتبري منها بس قلبها طيب ..وتحبها غير ..يمكن لانها... بنت اعز انسانه على قلبها ...همست الله يعوضكم خير
،
،
،
،
،
،
،
فى المستشفى

ناظرت امها بتعب: من بكره ابي اطلع
ام منيرة : وشهوله هنا مرتاحين يمه ويشوفوا يدك على طول
منيرة بضيق : يعني وش بيصير خلاص جبس وحطوا لي وشهوله اجلس وتكفين يمه روحي كلميهن ابي اطلع من هنا

ام منيرة : الحين زوجك يجي ويشوف الدكتور

منيرة صدت بزعل: مابيه يجي ولا ابي أشوف وجههه

ام منيرة بصدمه :هوووو وش فيك انت اقول لا يسمعك ويزعل عليك

منيرة بقهر : يمه لاتجيبي سيرته تكفين
قطع عليهن دق الباب

ام منيرة :تفضل
ناصر دخل وامه معه وطالعها وقال بأبتسامه : صباح الخير
منيرة طنشت

ام منيرة وهي تناظر بنتها بعتب: هلا يمه صباح الخير
ام ناصر تقربت منها وسلمت عليها وهي تدعي ان ربي يعوضهن بخير
وبعد السلامات
*
منيرة بقهر :شوف لي دبره من هنا مابي أجلس ازود

ناصر ماحب طريقة حكيها معه قال بجمود: لسى توك امس طايحه ..اصبري لما الدكتور يجي ويكتب لك خروج
منيرة بحده: مابي أجلس وناظرت امها ولا ترا بدق على سلطان يجي يأخذني من هنا لاني مقدر اجلس وعيالي مادري فيهن كيف

ناصر ناظرها وهو مستغرب وش فيها على عيالها ..وده يعرف وش ذا الحنان .... اللي طالع عليها فجأة
ام منيرة : وش عليهن عيالك مرة سلطان حاطه عينها منهم
ومنتبه لهن أكثر من عيالها ...
ام وليد : ولا يهمك الحين امر لهن واخذهن معي وريتاج وشوق ماراح يقصرن فيهن .والحين جايبه لك فطور ..وحليب. .يقويك شوي ..
منيرة : مشكورة خاله بس مالي نفس
ام منيره: حرام عليك من امس مادخلت اللقمه في فمك


منيرة صاحت ماتبي تجلس ولا تبي أكل بعد مسحت دموعها : والله لاالبس عباتي واروح بنفسي لدكتور واخليه يطلعني من هنا

ام وليد ناظرت ناصر اللي يطالعها وساكت :خلاص يمه سوي الي تبيه ..

ناصر هز رأسه وطلع ....

*
*
*
*
*
في نفس الوقت بيت ابو عصام
ابو عصام قال بهدوء وهو يناظر زوجته وهي تبخره : امس متصل على ناصر وقايل انه معاد يبي اسيل الحمدلله جت منهم

ام عصام عقدت حواحبها بعدم فهم : وشهوو
ابو عصام: مثل ماقلت لك
ام عصام بحده وهي ماسكه المبخره :عشتووا

ابو عصام ناظرها بعدم فهم: افهم من كلمتك ماهو عاحبك يعني

ام عصام بقهر وهي تحط المخبرة على الطاوله: مين حضرته عشان يرفض بنتي وبصرخه قهر ليه ماقلت له حتى حنا رافضينه

ابو عصام بحده: ليه انت.. كذا اقولك تجي منهن احسن ماتجي منا ونعلق مع سلطان

ام عصام بقهر: ايه خايف من اخوك بس كرامة بنتك بالطقااق
الرد من ثلاث ايام عندك ليه ماقلت لهن ليه خليته هو الي يرفض آه يمه والله ان بنتي تسوه وتسوى مرته وأهله كلهن

ابو عصام بحده: صاير اشك في عقلك
ام عصام بقهر : علقي به بلى منك ومن اخوك الي لاعبيين
بجسبة بناتي وساكته والله فيني... أخذهن واروح القصيم وانفك من ذا كله .....

ابو عصام هز راسه طلع وهو معصب. ..
ام عصام
حست بفرحه صح ..بس الطريقه ماحبتها أبد انها هوو اللي يرفض بس عادي اهم شيء ..انفكت من هالخطبه ...وبسرعه رقت الدرج وفتحت غرفة أسيل ..شافتها جالسه على جوالها قالت بحنان : ايش تعطي الماما على البشارة اللي عندها

اسيل بزعل: ماما مابي شيء ولا في شيء بيفرحني

ام عصام : طيب لو قلت لك خلاص الخطبه انلغت
اسيل نطت من الفرحه ....و رمت جوالها وبسرعه حضنت امها وهي ماهي مصدقه وقالت بضحكه وبنفس الوقت دموعها تنزل: ماما جد خلاص يعني مافي ناصر ولا عمي بيغصبني
ام عصام : والله العظيم كل شيء انتهى

وسكتت ماوضحت ...لها ان هوو اللي رفض.. عشان مايفتكرن ان ابوهم لهالدرجه ..ماله كلمه . ...عند عمهن ....لان بعد طول الوقت وهي تردد .. ان ابوها ... راح يقدر يقنع عمها ...خليهن يوثق فيه ..انه يقدر لذا السلطان ...اللي شوي وتنفجر منه...


*
*
*
*
*
*

بعد ما يقارب الأسبوع

الأحداث اللي صارت
منيرة
طلعت من المستشفى ..ورفصت تقابل ناصر ...او ترد على اتصاله
؛
؛
ناصر ...مايدري من وين يحصلها من ابوه اللي زعلان منه ..
ولا من منيرة ..وبعد عياله ماهو متعود يبعد عنهن ..

ريتاج ..كل يوم تروح مع ام ناصر ...بيت ام منيرة
وتحس بزعل منيرة منها ...ايش ذنبها هي بس ..يوم شافت انها تضايق من روحتها مع خالتها وقفت معاد راحت

وبعد مطنشه وليد من آخر. .مره شافته ..ولا هو بعد تعرض لها
...
وليد

جالس يحاول ...يبعد ريتاج من باله ...بس ماقدر..
هو نفسه ماهو عارف ليه يفكر فيها كذا ...على ان لطيفه مريحته
على الآخر ...
،
،
سامي
من آخر مره تهاوشوا فيها ما كلمته ولا كلمها ...أبد
،
،
،
غلا
مقهورة من نفسها فصلها أكيد ....على يد هالسامي ..
وفرحانه كثير ان ابو عدنان ...اعطاها إجازة اسبوع ..
صح بتنخصم من راتبها بس أفضل من الفصل. ...
لازم تسوي شيء مع هالسامي ....واللي قاهرها أكثر انه منطنش والا كنها موجودة ...وهي طفشت من كثر الجلسه في الغرفه ..ي دوب تتطلع تأكل شيء وترجع تنحبس فيها ....
حتى ابوها زعلانه منه ...ومعاد راحت عنده ولا سأل هو عليها بعد ..وكل وقت تفكر كيف تقنع سامي ...وبعد خايفه انها بتكون مشكوفه قدامه وتعبها بيروح على الفاضي ..بس لازم تقوي حالها الأسبوع بينتهي وهي ماسوت شيء. ..
،
،
،



اسامه
كل يوم.... يأجل روحته لبيت اهله ..و يكلم امه ....
يبي شوي الوضع يهدى ..آه ويحس بثقل من هالمسؤليه انرمت عليه .....وبعد اللي معكر مزاجه أكثر...خطبة أسيل ...

ريوف
صح ماهي مرتاحه بوجودة..بس أحسن شيء. .انه مايكلمها
و مرتاحه منه. .. ...يدخل بس ينام ويطلع . معاد تشوفه طول اليوم ...ليت يجلس كذا على طول ...لا ينكد عليها ولا شيء ..وهي ماتبي أكثر من كذا .
،
،
،
،

في بيت ابو وليد
ريتاج بقهر ناظرت شوق : من جدك عادي نروح السوق ونتقضى ومنيره تعبانه وبكرة بعد

شوق :عادي وش فيها الله يهديك ...وخلينا نونس اعمارنا شوي
وبعد العيد باقي عليه ثلاث أيام ي غبيه

ريتاج : اوك بس خاله ماراح تزعل

شوق : آكيد ماراح تزعل وبعدين منيرة لها اسبوع الحين خلاص وهي بخير امس رحت مع امي وكان عادي تسولف
وتضحك ...ماشاءالله عليها ترا قويه
ريتاج بضيق : بس احسها شايله علي وش ذنبي انا
شوق بدون مبالاة : يقال ماتعرفي منيره انت هذي على طول كذا
ماعليك منها وبعد بيني وبينك من حقها انت واختك طايحين خطف في رجالهن
ريتاج بقهر :حسبي الله عليك من بنت يقال بكيفنا اففف منك بس
بعض مرات ودي اذبحك اذا بديتي تغلسي
شوق ضحكت بقوه: ههههههههههه أجل بكيف مين ي المشافيح على العرس
ريتاج : ايه مثلك حبيبتي بس حنا الحمدلله نصل بسرعه اماا انت مشوارك طويل مع اخوي وهي تلعب بحواجبها عشان تغيضعا تدري فيها عقلها صغير ومن أقل شيء تهب وتنقهر
شوق بقهر : اقول ي الزفته وش قصدك

ريتاج وقفت وهي تقهرها وبدلع :ماقصدت شيء ست شوق وتصبحي على خيرر وبكرة بعد اغراضي .. على حسابك ويا ويلك تفتحي فمك.....ولا قلت الأخوي يزود على السنتين اللي وانت فيها مخطوبه اخلي ثلاثه فوقها وغمزت لها وأحسبي كم تتطلع معك
شوق بقهر ناظرتها : تتطلع خمس ي الظالمه حسبي الله عليك انت واخوك
ريتاج ضحكت : هههههههه وطلعت الدرج شافت وليد ولطيفه خارجين من جناحهم ....طنشت وعدت بدون ماترفع عينهم يمهم ....
لطيفه بقهر يوم وصلت لها ريحة عطرها ناظرت وليد: اففف
ليتني تأخرت شوي
وليد بضحكه : المره الثانيه قبل مانتطلع .. نشوف الطريق

لطيفه بقهر :سيد وليد ودي اعرف ليه فاك الخشه كذآ وجالس يقال مسوي فيها تنكت
وليد بسرعه غير ملامح وجهه لجمود: وانا كم مرة قلت لك لا توسوسي كذآ
لطيفه بغيرة: ليت تتتغطى منك افففف ودي اكلمها ..وبعد العطر ذا ماتحط منه ريحته قويه حيل ومايصير تمشي كذا في البيت

وليد فتح عينه بصدمه من حكيها : نعمممم تتغطى وتغير عطرها بعد اقول أمشي بلا تخريف
لطيفه بقهر :بشويش علينا سيد وليد لا تعصب علينا عشانها ....وبنفسي ابي اكلمها تغطى منك ماهو راضيه تجلس تتمنقل فيها على الدخله والخرجه افففففف
وليد
طنشها ونزل بسرعه ....لو يجلس شوي يمكن يعصب عليها ...
يكفي الي فيه ..ياربي يلقاها من وين من ريتاج اللي مطنشه وجوده ..ولا من لطيفه وغيرتها الي تخنق ،قال ايش تتغطى ولا تغير ريحة عطرها مجنونه صدق ي ناس تبي تحرم وجهاا بعد اخخخخخ بس
،
،
،
،
،
اليوم الثاني

اسامه
دخل...البيت شافه كله هدوء ..بس سمع صوت جاي من غرفة التلفاز . ...توجهه لها وشاف امه جالسه ..تقهوى ..تقرب منها وسلم فوق راسها ..وقال بهدوء:كيفها الغاليه وصب له فنجان وجلس مقابل لها وهو يقول في وقتها هالقهوه بس تضايق يوم امه صدت بزعل وماردت عليه

اسامه بضيق حط الفنجان : يمه مايصير كذا وفز وهو يجلس قريب منها وسلم فوق راسها اكثر من مره عشان ترضى عنه قال : يمه تكفين كله ولا زعلك

ام اسامه بزعل وبحدة:يصير اللي سويته طيب ومدام تفكر في زعلي ليه ليه سويت كذآ

اسامه : يمه والله غصب عني وبعدين مافيها شيء

ام اسامه بقهر:فارق عني ترا حدي معصبه ومابي اغلط عليك

اسامه سلم فوق راسها مره ثانيه وقف وقال بضيق : على أمرك يالغاليه

واعطاها ظهره بس وقف من كلمتها .....
.
ام اسامه بجمود: جيبها هنا بشوفها
اسامه بصدمه: وشهووو
،
،
،
، البآرت اللي بعده بينزل على طول

& البآرت الرابع والعشرون &

آللهم إني استغفرك وأتوب أليك
اللهم صل وسلم على نبينا محمد
" صلو عليه "

الروآيه لا تليهكم عن الصلاة اللهم بلغت اللهم فاشهد



وهذا الفصل الرابع والعشرون بين يديكم ي حلوين
حاولت اكتب بارتين لعيونكم
،
،
،
،
،
،
بصدمه بعد مالف وناظرها : وشهووو

ام اسامه ببرود: مثل مالقت لك جيبها وخلني اشوف اللي خلتك تسوي كذا

اسامه قال بقهر: يمه أكيد اذا جبتها هنا بتسمعيها كم كلمه صح

ام اسامه بحده: ليه تستبق الاحداث

اسامه بعجز:أجل وش تبي فيها أكيد ناويه لها

ام اسامه وهي تصب لها فنجان ثاني و برفعة حاجب: عشتوا ي اسامه بعد ماترضى عليها وبصرخه لاعبه فيك يمه وبقوه بعد

اسامه بضيق : يمه الله يهديك خلي البنت في حالها وماهو لازم الكل يدري

ام اسامه بضيق : يعني كذا مرتاح ...وعاجبك هالشيء ...وراح تجلس طول عمرك مخبي هالزواجه الهم الي مدري من وين جايبها وبصرخه ليه اسامه آخر شيء اتوقعه تسويه

اسامه بضيق: الظروف تحد
ام اسامه بشك:وش هي الظروف الي حدتك على هالشيء

اسامه وش هببب وقال بسرعه : اقصد يعني احبهاوابيها وخفت
تروح مني.. اذا ماوفقتوا
ام اسامه بحده: متى جيت و شاورت ومتى جيت وطلبت وحنا رفضنا قول عشان تسوي هالشي...اسامه اعطني سبب مقنع يمكن اقدر اعذر ك

رائد اللي نزل من الدرج واقف وقال بستفزاز : يمه خلاص جالسه تحاسبيه كنه مره تراه رجال وشايل عيبه

أسامه ناظره بحده وقهر وقال بغيض:شكلك ناوي على حالك

ام اسامه بعصبيه : يالله امسكو في بعض

رائد قال ببرود: والله مالي في المشاكل بس هو الي حاط عليه تقول خطبة حبيبته وجلس يلعب بحواجبه بطريقه تستفز اللي قدامه

اسامه صغر عيونه .. هذا وش عنده. ..وعلى ايش يرمي ...
قال بحده : الكلام معاك نقصان عقل واعطاه ظهره

قفل عيونه يوم سمع ضرخة امه : سوي الي طلبته منك ي اسامه
ولا تفكر تجي ثاني
تنهد وطلع غرفته ....وبسرعه سحب شنطة ...وأخذ كم لبس زيادة..وبعدها لبس بدلته العسكريه ....ونزل وهو حامل الشنطه وبسرعه ركب السياره وحركها وهو ...متجهه لدوامه ...
وبعدها ....يشوف ايش يصيرر..وبعد اللي مريحة عندم استلام
اليوم حتى آخر الليل ....

*
*
*
*
*
*
*
*
بيت ابو سامي

غلا
صلت العشا وجلست بطفش ...يالله من وقت ماجا من الدوم ..وهو نوم رايح فيها ..وانا جالسه أكل في نفسي...
قالت بقهر ..الله يعيني عليك ...كل ماتتخيل انها بتحاول تكسبه وتعطيه وجه. .عشان تنفذ اللي تبي ..تحس بقهر. .....بس لازم تسوي كذآ امس داقه عليها فاديه تقول لها الأسبوع ب ينتهي وبذات مع زحمة العيد وكثرة الزباين .. لازم تكون موجودة
حطت يدها على كتفه.... وهي مغصوبه على هالشيء بس لازم تتصرف بسرعه قبل ماتتفنش من شغلها ...قالت بغيض: سامي
رجعت كررت الأسم سامي ..زفرت بضيق ..وهي تشوفه ماتكلم او تحرك بعد ..اففف يعني كل ذا نوم ...صرخت باسمه بقوه: سسسسسا مي
سامي قام مفجوع وهو يناظرها : ايشش فيه
غلا بدلع مصطنع : لا بس حسبت مت وسكتتت اخخخخ وش
هالكلمه قلتها رجعت عدلتها لا حبيت تجلس معي طفشت لحالي

سامي ناظرها بحده
صدق وده يذبحها ..انفزع افتكر شيء صار ....قال بحده: اقسم بالله جزاك كف يعدل لك هالفم الي يقال تتدلعي به

غلا
اخخخ شفتوا انه ماهو حق دلع الحين جزاي كف ..والله الكف لهالخشه عليك ..ي ولد خدوج الي الزين ماهو يمك أبد ....
قالت وهي لسى تحاول تمسك اعصابها :آسفه فزعتك

سامي حط يده تحت رأسه وناظرها وهو مصغر عيونه: ابوك ي الكذب ...اقول غلاوي العبي غيرها

غلا يقال انصدمت فتحت فمها : ايشش العب ايش مو فاهمه عليك وحست انها بتضحك على نظراته لها بسرعه ..وقفت واعطته ظهرها ..رايحه أجهز..لك العشا اوك
سامي ضحك بقوه على تمثيلها الفاشل: ...هههههههههههههههه ..لااوصيك اوك
غلا عضت شفتها بقهر بس يالله لازم تصبر ..رجعت لفت له وقالت بدلع ماله داعي : فيه شيء معين تبيه ولا على مزاجي

سامي قال وهو يقلد صوتها : لا فيه معين كبسه الله لايهينك
غلا
اخخخ كبسه ي الظالم ..ي ربي ..اففف ..ودي ازنطه ..قالت
بكذب يقال خايفه على صحته: في هالليل كبسه مايصلح

ومفروض هالوقت شيء ...خفيف عشان يمديك ..ترجع تنام بكره وراك دوام وصدقني لو ثقلت ماتقدر

سامي ماسك ضحكته: لا عادي الكل يتعشى كبسه يالله لا
تنسي بعد ... المراعي والشطه جنبها ...

غلا
اعطتها ظهرها بقهر ..من غير ماترد عليه ..لو بكيفها ذبحته.. الخايس .. قسم بالله بالقوة ماسكه نفسي ..دخلت الصاله وانا ادعي ..ان المطبخ مقفل عشان يكون لي عذر...
بس انصدمت.... يوم شفته مفتوح ..يعني وقت مابيه ...مفتوح ..احصله مقفل ..يالله كل شيء ضدي ..مدري ليه يارب الصبر...بس ..ناظرت المطبخ حولي ..يالله كل شيء مكركب ..وين القدر ..ذا اففف فتحت اول درج... طاح كله الي داخله ..قلت بقهر حسبي الله عليك ي خدوج... جالسه تفرفري من بيت لبيت وتاركه مطبخك كذا والي يقهر في الموضوع. .انه بس مقفلته .. ..تذكرت ان الدجاجه او الحمه لسى في الثلاجه بسرعه أخذت ... القدر ورحت فتحت الثلاجه ..وطلعت دجاجه اسرع ....
حطيتها في مويا ... على بال ماتفك .. سندت ظهري على الدولاب ..وانا احط يدي على بطني ...الي لسى ما ظهر ..
جلست أفكر كيف ..اقدر العب عليه..احس لعبتي عليه بايخه
وكاشفني الزفت ....بذات مع ضحكته المستفزه ....ايش اسوي ياربي ....مابي اجلس في البيت وانتظر مين يصرف علي ..مو
متعوده على كذا ..دايم احب أعتمد على حالي...وبعدين سامي
ماهو ثقه. والله لا يترك وظيفته ... .رفعت عيني شفته واقف ومتسند على الباب
سامي بسخريه يناظرها : كله تفكيرر ذا حتى أكل مابديتي فيه أخذت شور وصليت وانت لسى مابديتي

غلا بنرفزة: الدجاجه مجمده ايش اسوي يعني احط نفسي بدالها في القدر
سامي تقرب منها وقال بضحكه : ايه هذي غلا ماهو اللي من توو

غلا عضيت شفتي ايش قلت الحين وبسرعه : روح اجلس على التلفاز حتى يجهز أكلك يالله فرصه لنا اليوم كل ش مفتوح وضحكت مجامله ابي الطف الجووو بس شكله عصب كان ودي
اصرخ فيه سلامات مسوي يزعل اليوم

سامي بحده: بيتها وكيفها تسوي اللي تبي تقفل ماتقفل هذا الشيء راجع لها فاهمه
غلا رفعت حاجب يقال زعل على امه قلت بسخريه: صح كيفها
واعطته ظهرها وهي تشوف الدجاجه فكت اولا ...

حست بضيق وهو واقف فوق راسها قالت بسخريه : شكلك ناوي انت تسويها صح تعال حبيبي المكان مكانك

سامي بحده :مابي شيء منك وطالع أكل أحسن من كبستك الي
ذلتينا عليها
غلا بسرعه مسكته مو هذا اللي تبيه لازم.. اليوم.. تتكلم معه قالت
بكذب: لايكون زعلت ترا امزح معك وكملت بتمثيل أكثر :سامي بلى قساوة في قلبك قلت ودك نعيش بسلام وهدوء قلت اوك وجاي اللحين تخلف الوعد

سامي فتح عينه بصدمه : متى قلت ي الكذوب

غلا مسويه تفكر: اممممممم متى مدري بس اللي متأكده منه انك قلت وتخصرت وهي تهز ولا ناوي تكذبني بعد

سامي ناظرها ورفع حاحب وقال بحده: انتبهي على الي في بطنك وانتي تهزي كذا اللي يشوفك يقال مسكت فيك كهرباء
غلا
بقهر كهرباء تمسك فيك وتنفضك نفض ي الخايس ...
قالت وهي تعدل وقفتها ومسويه زعلانه: خلاص روح تعشى مع أصحابك خلهن ينفعوك
سامي ابتسم بستفزاز: اوك باي واعطاها ظهره
وطلع

غلا بسرعه ركضت وراه وهي تدعي الله يبهذلك مثل مابهذلتني ... وقفت قدامه وقالت بقهر:لحظه سامي لايكون لسى ماتذكرت

سامي هز راسه بخبث : ماذكر بالمره اني جيت وقلت لك ابي اعيش في هدوء لاني بكل صراحه الهدوء ماحبه يعطي مللل
غلا عضت على شفتها ي ناس قتله حلال قالت بزعل: اوك

كيفك بس قهر حضرت كل شيء وفي النهايه تجي بكل برود تقول مابي وبعدين انت تروح تأكل مع اخوياك وانا اجلس جيعانه
هنا حرام صح

سامي مسك على قلبه : ي بوي على التمثيل اقول غلا انقعلي عن وجهي خليني اروح

غلا بدلع مدت يدها ومسكت يدينه الثنيتن: طيب عشاني ...وهي تسبل بعيونها بدلع
سامي رفع حاجب وبخبث طيب غلاوي حابه تلعبي معي ابشري بسرعه رفعها وهي صرخت
غلا :سامي حرام عليك
سامي ضحك و نزلها :ههههههههههه

غلا ضربته على صدره بقهر : ولدك ولا ماهو خايف عليه
بعد كم مره اقولك لا ترفعني كذآ

سامي رفع حاجب: بعد صرتي تخافي على ولدي لا ذا إنجاز بحد ذاته رفع يده وخربط شعرها فيك شيء صح ...
غلا
تحس انه كذبها بقوه بعد ....بس ماعليه. ..حلوو الحين .. تحسه بدأ ..يتجاوب معاها حتى لو يسلك لها راضيه قالت وهي ودها تفرمه: حرام عليك شعري ...ي الدفش
سامي : مره ماهو لايق عليك هالدورحاولي تغيري شيء يمكن اقتنع

غلا بتطنيش للي يقوله : اعطني ساعه وكل شيء قدامك يكون جاهز ويالله ...تعال اجلس هنا وهي تسحب يده ... وتجلسه على الكنبه وبضحكه على حالها
واللي وصلتله:يرحم امك اهجد في مكانك شوي والله تعبت

سامي بخبث وهو يجلس : اوك بس لو عدت ساعه راح اروح
غلا بقهر مافيها عاد تمسك حالها ذلها وبقوة بعد : روحة جدي ان شاءالله طفشت أهلي افففف


سامي صغر عيونه : نعم جدك مات صح تبيني اروح روحته مارجع اخخخخخ منك وبعد طفشتك

غلا بسرعه قاطعتها وهي تضحك بكذب:هههه الواحد مايمزح معك يعني الله يهديك بس دايم تفهم غلط وتتتسرع

سامي رفع يده وقال : افهم غلط اوك احاول اعديها لك .. يالله مرت خمس دقايق من الساعه اللي اعطيتك هي....

غلا
بسرعه راحت وطبخت الكبسه الي طلبها ...وهي تتحسب وتدعي عليه. .مستغلها ..اخخخ يلعن ام المذلة ...
طيب سامي زفت كان ودها تزود.. فلفل وينحرق ..بس ماهو في صالحها لو زعل او عصب ...سوت بأمانة ...
وبعدها حضرت السلطه ...وهي تسمع صوت خالتها ... اخخخخ ذي وقتها الحين ...

في الصاله
،،
،،
ام سامي وهي تحط بضاعتها وقالت بتعب :اففف دواره في هالحارة على الفاضي
سامي قال وهو مستغرب: يمه توك جايه شوي وتجي تسعة

ام سامي بقهر: وش فيها اترزق الله وهي تشم ريحة الأكل قالت وهي حايسه بوزها لا يكون بنت ابليس في مطبخي

سامي : يمه تكفين خلينا نتعشى بهدوء

ام سامي فتحت عيونها : هووو تبيني اروح

سامي بسرعه: لا يمه حشا ماهو .....قصدي اللي ابيه طنشي غلا عشاني وعشان حفيدك بس
ام سامي بقهر: افففف كل ماتذكر اني حفيدي منها اعصب

سامي بزعل :وش هالكلام يمه
ام سامي بقهر: وين كلامك قبل ... أخذ ولدي ولا بنتي واخليك تربيهن انت وهي أطلقها اشوف كل شيء تغير

سامي : الحين جوو هم عشان تقولي كذا الله يهديك بس

ام سامي بقهر: والله هذا الي بيصير مدام بنت ابليس جالسه
عندك اففف غثا..
غلا
سمعت آخر كلمه طلعت عليها ...كان ودها تقولها والله ماغثا غيرك ...انت والي مسنتر جنبك ...بس لا انا قلت ب احترم حالي ...اليوم عشان نفسي انا ..حطيت السفره ..ورجعت أخذت الأكل. ..وحضرته كله ...وجلست بعد ماقلت من غير نفس :حياكم
ام سامي وهي حايسه بوزها : عشتووا في بيتي وتعزمني

سامي وهو يناظر الأكل: امممم شكله ...مايشهي صراحه بس ابي أكل عشان جيعان وبعد عشان امي
غلا
فتحت عينها بصدمه ...من كلامه ..مو كنها اعطتهن وجهه وبزيادة بعد ....قالت بقهر: لا تحكم قبل ماتذوق
سامي بستفزاز :الشكل له دور
غلا بسخريه : ماعليه انت متعود على الدفاشه في كل شيء ودايم الشكل آخر شيء تفكر فيه

ام سامي بلقافه: اي والدليل يوم آخذك

سامي ضحك بقوه : هههههههههههه واحد صفر خدوج اعطيها من اللي يحبه قلبي
غلا ..حست ودها تدفس بوجهه وجهه امه في الصحن ..وش ذا الاسلوب الرخيص ...يتعاملن معاها فيه ...قالت بسخريه : مره اعجبتني صراحه ههههه وضحكت مجامله ..وفيها نفسها
وع عليك وعلى امك ي الخايس ي المتخلفين
شوفوا كيف هجموا على الأكل وقال ايش شكله مايساعد.. عمى ان شاءالله أجل لو شكله يساعد ....وش صار كان ....
بعدين هذي ماجت إلا توو ..كان ودي اجلس العب عليه شوي ...افففففف ..مو قلت لكم حظي طايح ...
حاولت أكل غصب ....عشان مايحسوا اني مولعه منهن ..
شفت سامي وقف ..رفعت راسي .له وقلت : مسرع شبعت

سامي وهو ناوي يولع فيها يبها تعصب وتتطلع على حقيقتها : ماحبيت وهو يشوف وجهااا كيف قلب اخخخخخ ورفع حاجب كل واحد يأكل اللي يحبه صح

ام سامي وهي ترفع اللقمه لفمها: من حقك يمه أكلها ماله طعم بعد
غلا
اخخخ ي المفاجيع شوي وتبلعن الصحن بعد ....قالت بكل برود وهي تسوي حالها ماسمعت :بالعافيه على قلبكم وشكلي هالمره رآح ازود الكمية لانه ماكفت

ام سامي بصرخه: لااااا وش تزودي والله ماهو ناقصه تخسرني آخر عمري

غلا
طيب خليني بس استفرد فيك ....والله لا أخذ حقي منك . ي العجوز ...ناظرت سامي اللي واقف ..ابتسمت له إبتسامة قهر ...ودي اعرف ايش موقفه خايف اغلط على امه جالس يسمع ايش اقولها ..مالت ..ي شينك وانت مسوي حمش ....
ناظرت خدوج وهي تأكل بسرعه يوم تحرك ... وقفت ولحقته المطبخ .وقفت وراه ...وهو جالس يغسل قلت له وانا أكت على يدي صابون وانتظر يخلص :مممكن اتكلم معك شوي

سامي ببرود :لا ماهو فاضي معي مباراة رايح اشوفها في الاستراحه مع الشباب
غلا
لا لا لا هالتعب والكرف كله وفي النهايه ..يقول يبي يروح
لا مستحيل ...قلت برجى: لا سامي تكفى ودي اتكلم معك

سامي: لما ارجع
غلا بقهر : اخاف تجي وانا نايمه لانك دايم تتأخر
سامي بخبث: اللي يبي شي يتحمل صح
غلا
صغرت عيونها ...يعني وشهو لهالدرجه مكشوفه ..كيف طيب وش تسوي ...وهذا الغبي رافض ...يطخ اللي في راسه قلت بقهر :والنهايه يعني
سامي ضرب خدها بخفيف : لا تحاولي ي حلوة دوام مافي
واعطاها ظهره وطلع

غلا
وقفت مكانها مصدومه ...يعني جالسه تكرف من اول وبعد ماشبع وكل شيء ...يقول لها كذا ...لا لا غلا لاتعصبي
حاولي تمسكي حالك ..مانفع الحين ينفع يوم يرجع ان شاءالله
طلعت من المطبخ وشفت لسى خدوج تأكل ...قلت بسخريه : كل ذا وماحبيتي
ام سامي :وش اسوي نعمه مابيها تنكب
غلا
زفرت بضيق ...وراحت غرفتها وهي ...تسمع صراخ... ام سامي. .تبيها تأخذ السفره ...طنشت وهي قرفانه من حالها بعد
دخلت الغرفه ...شافت جوالها الصامت منور ..تقربت منه وهي متأكده انها فاديه ...بس شافت رقم... ام محمد ابتسمت ... يالله من زمان عنها رجعت دقت عليها.....
،
،
،
،
،
اسامه
رجع البيت وهو محتار مايدري ...وش يسوي ...وامه مستحيل ترضى عليه ..وبتجلس زعلانة عليه. ..وبعد وش مستفيده من شوفتها ..دخل. .
الشقه. .رمى البريك اللي في يده ... على الكنبه مع الجوال.رفع ساعته شافها جايه على ثلاثة . سمع صوت جاي من المطبخ. .عرف أنها فيه.. ..كان عطشان حده بس مافيه يدخل و يشوفها. .جلس على الكنبه... وهو يفكر..كيف
يخلي امه ترضى عليه من غير ..مايجيب لها الحثاله ذي....شافها طالعه وهي لابسه بجامه طفش من كثر مايشوفها عليها. ..أكثر من مره وهي تتكررها قال بقرف:حتى ملابس ماعندك
كل شيء فيك يوحي للقرف سبحان الله من داخل ومن برا

ريوف ناظرت ملابسها بقهر ورجعت ناظرته قالت بقهر:والله الحمدلله نظيفه من برا ومن داخل بس وش نسوي العتب على النظر

اسامه رفع حاجب وقال وهو يميل فمه بسخريه : متأكده العيب في نظري ماهو فيك

ريوف أعطته ظهرها تبي تنسحب من المكان الي متواجد فيه ..ماهي ناقصه وجع على وجعها ....وبعدين وش مرجعه افتكرت
عنده دوام لما بكره ..افف لو تدري انه بيرجع اليوم كان نامت قبل ماايجي
اسامه بقهر: وقفي أبيك
ريوف لفت له مستغربه : ايش فيه
اسامه بحده:تعالي اجلسي عندي ..موضوع ابي أكلمك فيه

ريوف عقدت حواحبها وهي متسغربه لسى ..قالت بخوف وهي تجلس : آللهم اجعله خير

اسامه بقهر: مابه خير مدام اسمك جنب آسمي
ريوف فتحت عنيها بصدمه مجلسها عشان يجلس يجرح فيها قالت وهي تصبر نفسها ..وبخوف بعد منه ومن غير ..ماتحس
قالت له : ليه صوتك كذآ خشن ويرعب...
اسامه فتح عينه بصدمه آخر شيء توقعه تقول له كذآ قال بسخريه: تبيه يكون مثل صوت المايع رائد
بعد وده كان يبتسم تخيل ان صوت رائد مايع ..مع شكله العربجي ..
ريوف بصرخه: ليه دايم تذكرني بأخوك ذا

أسامه بقهر : يقال ناسيته اقول بلى كذب وتمثيل كم مره اقولك ماتتعبي من اللي انت فيه

ريوف : وانت ماتتعب وانت تتهم وتظلم

اسامه بحده : ماهو موضوعنا اوك وصوتك ثا ني مره انتبهي له ...واسمعي اللي ابي أقوله لك زين..
من بكرة نروح السوق وتأخذي لك ملابس مثل الناس لاني ماهو ناقص تقابلي أهلي بهالقرف يكفي شكلك اللي مايشرف أبد
تكوني زوجة لاسامه
ريوف
بصدمه فتحت عيونها ...
.. تروح تقابل أهله . وبعد تروح معه السوق ... وبعد كيف راح تقابلهم وش تقولهم ..قالت بتوتر: لا لا ابي اروح بيت أهلك ولا ابي اروح السوق خلوني في حالي

اسامه بحده: اخس اللي مسويه لحالها قدر وتقول خلوني في حالي اقول من بكرة تنقلعي قدامي ونروح السوق ..وبعد اشوف امي متى تبيني اروح فيك عندها واقلعك لها
ريوف وقفت بقهر : والله مااروح

اسامه صرخ بصوته المرعب : ي زفتتتتتت ماهو انت اللي تحلفي علي فاهمههههه وانثبري اجلسي لسى ماكملت ...كلامي
ريوف
جلست بخوف وكل شيء .. فيها يرجف....والله ماتقول
لا أبد. .بعد هالصرخه اللي ...صرخها فيها ...

اسامه بحده : وبعد اقسم بالله لو تفحتي فمك بكلمه غير السلام والرد عليه ..ياويلك مني ..وتعرفي قد ايش اصير شين لو عصبت
ريوف
بقهر اففف ...ودها تقوله انت شين على طول ..بس مافيها ..تقول كذا في وجههه ...قالت وهي تهز رأسها : ان شاءالله وبتردد سألت ...ليه تبي توديني عند أهلك
اسامه بقهر: ماهو حب فيك ولا تفاخر بك عشان اعرفك عليهن بس ...هذا طلب الشيخه ...أمي عشان كذا لازم انفذ ومن فوق خشمي ....
ريوف قالت بهمس: أمك

اسامه :إيه
ريوف بحيرة :وش تبي مني وليه تبي تشوفني وكيف عرفت ممكن أعرف بس تكفى بدون عصبيه وتجريح
اسامه بحده: أولاً اعصب ماعصب هذا شيء يرجع لي وثانياً تستاهلي كل كلمه أجرحك فيها ...وبعد كيف درت امي سبق
وخبرتك ان خويك ...هو الي قال لها وفضح الدنيا باسلوب رخيص مثل مارخصك من قبل سبحان الله ربي عاقبك في الدنيا قبل الآخره بفعايلك

ريوف قالت و الدمعه عالقه في رموشها : استاهل انا سألتك بس ابي اطلب منك طلب وي ليت تنفذه

اسامه بتحقيرلها: وبعد تتطلب بنت ابوها
ريوف كملت وهي مطنشه تحقيره له: قول الكلمه اللي تبي تجرحني فيها عادي ...مايهمني واثقه من حالي. .وربي بعد عالم ..بس كلمة خويك قسم بالله تشطرني نصفين ..مابي اسمعها تكفى هذا طلبي ...وليت تلبيه

اسامه بسخريه : الحين يقال مقهورة من هالكلمه طيب ..ممكن سؤال ليه مدام تستعيري منها وشهوله سوتي كذآ
ريوف وهي تحلف :والله العظيم
اسامه بسرعه ..وقف وقفل على فمها بقوه وقال بفحيح:لا تعبي حالك مااراح اصدق ودفها عن طريقه واعطاها ظهره ...
ورجع ناظرها وقال بقرف : ومن بكرة جهزي حالك مثل ماقلت لك ..
ريوف
جلست وهي تبكي ..مقهورة حتى ماتقدر تحلف ..ولا يبي يصدقها...عصبت من حالها ..ليه تبكي ..وش وعدت حالها ...انها ماتبكي عشانه ..ولا عشان حكيه ...اللي يقوطر سم ...
وايه بتفلها لما ...يروح فيها السوق. ..وبتأخذ اللي.. تبي ..وتفك على نفسها ...بس الشي الصعب. ..اشلون تقابل أهله ...يالله
وكيف أهله بعد مثله شايفين أنفسهن ...ومايتحاكن بعد ....
....وبعد اشلون يعني خلاص بيجلس معاها ..على طول ..وبينام في غرفتها. ..يالله نومة الكنبه أبد ماهي متعوده عليها. ..
ليت فيه فرش منفرد تقدر تفرشه في الأرض وتنام ...لأنه من زمان متعودة على نومة الأرض وبعد تحب هالنومه وتفضلها كثير...ابتسمت اصبر اليوم ..مثل هلاسبوع مر علي ومن بكره ...مدام راحين السوق. . يأخذ لي فرش الله لا يهينه ......
والغرفة عليه بالعافيه ...ويشبع فيه بعد ...

رفعت شعري كله لفوقه..ولفيته زين ....وناظرت بجامتي ..صح قديمه بس والله نظيفه ....ودايم اهتم بشكلي بقدر اسطاعتي ..وعلى الي.. متوفر عندي .بس ماعندي ملابس كثيرة ...الي عندي يالله ينعدن على الأصابع ..
الله يرحمك يبه مت ..ومات العز اللي كنت معيشني فيه صح انه ماهو بهذاك العز ...بس اهون من عيشتي الحين ......سمعت
فتحت الباب شفت طالع ...وفي يده منشفه ...وبسرعه دخل الحمام ...وقفل الباب بتذمر ...كان ودي اقول ليتك ترجع بيت أهلك ي شيخ وتخلي لي شوية حريه هنا ...ماهو جالس على قلبي وليتك ...أخلاق بعد .. ...بسرعه وقفت ...ودخلت الغرفه. .ليت اقدر اجلس في الغرفه ..واقفل الباب بالمفتاح بس هذا من سابع المستحيل..مدام هذا مستحلها ..
بسرعه ..سحبت لي مفرش ...وطلعت وحطيته على الكنبه ...
عشان اقدر اغطي حالي فيه شوي ...لما أجي انام....
ورحت المطبخ مابي اشوفه وهو طالع. .واخاف يرمي علي كم كلمه ...ماهو ناقصه ...بسرعه رفعت حالي بخفه.. وجلست على الكونتر ..وانا اضرب برجولي في الدولاب من تحت. .وافكر
..اشلون أ قابل أهله. .....انصدمت من اللي دخل المطبخ
ناظرته بقهر وش جايبه هنا بعد ...
اسامه طالعها وين جالسه ميل فمه بسخريه ...وطنشها ولف ظهره وفتح باب الثلاجه ...وطلع مويا ..وسحب كاسه ..وسكب فيها وشرب ..دفعه وحده بقهر ..ورجع سكب مره ثانيه ..وبحركه سريعه .. على وجهااااا ماسمع إلا شهقتهااا وبقرف: عشان تبدلي هالبجامه المقرفه عليك ...وعطاها ظهره وطلع بكل ببرود ولا كنه مسوي شيء. ...
ريوف
لسى مصدومه تحس بكتمه في نفسهاااا وبعد المويا مثلجه كان. ...ليه كذا وش قصته مع هالبجامه. ..ماهي مقرفه مثل مايقول ..ولا بهذيك السوء عشان ذا كله ..
رفعت قصتها اللي تقوطر مويا ..وهي تتحسب عليه...حست بذل كثيرر ...سمعت تسكيرة الباب ..كشرت ...وهي ترفع يدها على اذونها من قوة الضربه ....
مسكت طرف بلوزتها ..وهي تفكها شوي عن جسمها. ..اللي ملزقه فيه ...كيف الحين تدخل تغير ملابسها ..والشنطه حقتها داخل .....بس مافيها تجلس ...وبلوزتها مبلله.. بهاالشكل ....
قوت حالها ..ودخلت الغرفه بشجاعه منها وتهور....وهي ظلام ..بسرعه حطت يدها على النور وفتحته سمعت صرخته قفلت عيونها بخوف بس بتطنش حتى تطلع. . ملابس لها
اسامه بحده : خير خير كذا مدرعمه
ريوف مطنشه ...وبسرعه فتحت الدولاب ..وأخذت لها بجامه ثانيه ...وطلعت بس حست بقفزته قدامها ...رجعت لوراء بخوف

اسامه بتلاعب وهو يشوف كيف خصل شعرها الغرقانه نازله على وجهااا ..قال بهمس: كذا بكل بقاحه داخله علي الغرفه بدون حيا.. وضحك بسخريه اي حياا اللي ارجيه منك مدام لك
سوابق صدق اني غبي ....شاف وجهاا كيف حمر من القهر
مد يده وسحبها من بلوزتهااا ودفها برا الغرفه وقال بحده: حسك عينك تدخلي علي بدون استئذان لا تنسى حالك اوك
،
،
،


كتتتتتتتتتتتتت
،
،

لا ابيح ولا اسامح من ينقل روايتي بدون ذكر اسمي اويقتبس منها ولا ابيح اللي ينقلها على الانستقرام حتى بذكر آسمي
،
،

استودعتكم الله الذي لا تضيع ودائعه
سبحان الله وبحمده سبحان الله العظيم
" الوتر أحبتي "


يالله ي حلوين نزلت لكم بارتين
اتمنى تعجبكم وتعوض على غيابي اللي ان شاءالله بيكون الأخير
وهالله هالله في الردود السنعه
اللي تحمسني أكثر
نوني