كاتب الموضوع :
نوني الحكمي
المنتدى :
القصص المهجورة والغير مكتملة
رد: أعشق أنانيتك عندما تتمناني لك وحدك
بيت ابو اسامه
رائد اللي صحي من النوم سحب جواله ..
شافها .. سبعه الصبح ...يالله نايم
من متى ...من امس الظهر .. وبعد
أكثر من مكالمه ..حاس بوزة بطفش ..من صاحبة
الرقم اللي حارقه جواله افف ذي ماتعجز وهي تدق...وقف وهو يحرك رقبته
أخذ شور ...ولبس بعد مانشف شعره ...ونزل
يبي يأكل شيء ...رآح المطبخ ..شاف الخدامه
واقفه تسوي قهوة قال بجمود: كانتي ايش فطور
ناظرته بخوف منه دايم يسوي مشاكل معاها
:ايش يبغى
رائد بطفش: سوي اي شيء سرعه
واعطاها ظهر شاف اسامه في وجههه واقف
عند باب ....المطبخ وهو لابس بدلته العسكريه
حس بتوتر ...اخخخ ضروري انزل الحين
يعني ايش يصير لو انتظرت حتى يروح دوامه
ي ترا جاي من دوامه ولا رايح صدق اني مفهي جالس
أفكر جاي ولا رايح .... ... ابتسمت بعباطه في وجههه
اسامة رفع حاجبه : آخر مكان توقعت اصيدك فيه
رائد قال وهو يتظاهر بشجاعه:شوف لو تبي
تتفاهم رجآل لرجآل انا جاهز اما انك تبي تسوي شغل بلطجه
سكتتت ماقدر يكمل حكيه بذات من نظرة اسامه
اللي احتدت بسرعه...
اسامة ناظره بحده: قلت لي رجآل لرجآل مشى خطوتين وتقرب منه ...
وضربه .بقوه من عند كتفه انت خليت فيها مرجله
رائد طالعه بقهر :ليه ماتبي تصدق اني مظلوم
اسامه : سبحان الله نفس كلام بعض
رائد عقد حواجبه بس قال :شوف الله اعلم بنية البنت وامها
انا مادريت انهن مخططين لهالشي عشان اتدبس فيها
اسامه بسخريه : تصدق هي طلعت احسن
منك قالت انك مظلوم مثلها ...
رائد
قال في نفسه ياربي ....وش يفكنا اليوم
بتوتر: مدري المهم عجوز ابليس
هي اللي مدبرة وجت سحبتني من المجلس
اسامه بتحقير طالعه : وانت مسوي فيها فازع طبعاً
وطرت لغرفة البنت اقول هذا كلام مأخوذ خيرة
عندك شيء ثاني قوله ماعندك خلني اعرف اتصرف
بطريقتي واعرف كيف انطقك وانطقها
وانتم ماكلين تراب الإثنين
رائد
افاا مدام ان فيها تراب....ياربي فطور مثل الخلق
مافطرت وذا جاي وشكله يبي يمردغ خشتي
الأرض فكيت الخشه من اللي شفتها مقبله علينا
قال بقوة:صدقت ولا كيفك
اسامه فتح عيونه بصدمه: والله وصرنا رجآل يالسربوت
رائد ينقهر اذا قال له كذا : رجآل وغصب عنك
اسامه بتحقير: رجآل بالسربته والصايعه انا معك
ام اسامه بطفش وهي واقفه وتناظرهن بدون فهم: اسامه ايش فيه
من هالصبح صوتك عالي
اسامه بقهر:يمه هذا يبي له تربيه من جديد اعطيني فرصه عليه
رائد بخبث:اسامه
اسامه
عرف من نبرة صوته يوم قال اسمه انه ... بيقول شيء ...ويقلب السالفه لصالحه ..
وصعب صعب التفاهم قدام امه
تقرب منه بهمس هدده :قسم بالله ي رائد حسابي معك
ماكمل واشرد قد ماتقدر مصيري اصيدك ...
رائد ناظر امه وبخبث همس له: وش رأيك
اقول لامك عشان زواجك خلها تفرح فيك حرام
وانا بعد تعبت من المراكض من استراحة ... لشقققق
اسامه حس انه استفزه مسكه بقوه ببلوزته وبعصبيه
دفه.. على الثلاجه الي وراه وبعصبيه: اشوف انطق يالله
رائد بألم في ظهره وبصرخه : لا تحدني ولاخير احذرك
ام اسامه مدت يدها وهي تحاول تفكه من يده و بعصبيه : وجعه ان شاءالله فك اخوك
اسامه فكه وبعصبيه : للمرة الثانيه حظك حلوو
وطلع معصب وهو مو متخيل انه لما يشوفه
يقدر يمسك اعصابه كذا بس كويس وهو ما ضربه ع طول
كان امه أكيد بتحققق ليه مد يده عليه واكيد ولد امه بيقول
لها .. ..هزر راسه وهو ...
يتحلف يعني مسوي فيها يهدد مع وجههه
آه ليت امه ما طلعت في وجههه كان عرف كيف يربيه
الصايع .....ركب سيارته واتجهه لدوامه ..
'
'
ام اسامه بعصبيه طالعته بعد ماطلع اسامه : وش بينك وبين اسامه وبدون كذب
رائد
ماهو مصدق ...انه قدر يتخلص ...من اسامه ناظر امه
: مدري عن ولدك وش فيه ناشب لي
ام اسامه بشك: رائد قولي ايش مسوي ومخلي اسامه
معصب عليك كذا وهذي ماهي عادة اسامه
رائد بقهر:ايه هو العاقل المحترم والمسكين وانا الي
مسبب ازمه في ذا البيت وبعد يلوموني ليه اختفي
ام اسامه بخوف ماتبيه يرجع يطس ماتدري وين يروح
ومن كثر البلاوي اللي تسمعها ...وكيف ضيعت
شبابنا ..قالت
بحنان : خلاص يمه وصدقني اسامه لو يجي
انا اتفاهم معه بس لا تتضايق
رائد .. مدام امه في صفه ايه هذا اللي يبيه
قفز بجنون : يسسسسس
ام اسامه ناظرته بصدمه: وش ذي بعد
رائد :اقول يمه ياليت تكلمي ولدك العسكري ذا
لا يطلع جنون مساجينه علي اوك
ام اسامه بعجز ودها تعرف وش بينهن: طيب قول
وش بلاه عليك
رائد رفع حالة بغرور: يغار مني تعرفي
مزيون وهوو اقشر مافي زين
ام اسامه
طالعته وهي تسلك له :في ذي صدقت
رائد عرف ان امه تتمسخر عليه: خليك من عصلقة جسمي بس شوفي ملاح وجهي صح محد ينتبه لها إلا
اللي يدقق الا انا مزبون يمه بس اسامه مأخذ
الجو لا نه شوي طويل وعريض يمه
الرجآل مخابر ماهو مناظر
ام اسامه
تموت في ذا الولد تحسه سعاده لها ونسها بعد :صح
ظلمك بقامته وعرض جسمه وانت طلعت مثل ابوك
رائد بقهر: يمه بلاش التفاصيل قولي ظلمك وبس
وابوي يمه ضروري كان اخذتها ولا خفتي تعنسي
وانا رحت فيها
ام اسامه : ههههههه وش اسوي يوم كنت حامل
فيك كان مره متعلقه فيه وبزيادة ..وطلعت شبههه
من كثر ماناظر وجهه
رائد :يعني ماحبيتيه إلا يوم حملتي فيني
كان حبيتيه يوم حملتي في أسامه اخخخخ
يمه منك ومن قلبك ذا الاحول
ام سامه :هههههههههه الله يقطع ابليسك ...
رائد: اقول وش ناويه تفطرني ام رائد
ام رائد بأبتسامه : بعد صرت ام رائد سحبت عليه ذي بعد
رائد : لو بكيفي اسحبه ببدلته واطلعه برا السعوديه
كلها ناشب لي اعوذ بالله منه ...
'
'
'
'
في بيت ابو سامي
بتحديد في غرفة سامي
غلا فتحت عيونها على صوت المنبه ..
مدت يدها السليمه وقفلته وهي تناظر سامي ...
اللي نايم ...حست بألم في يدها ..اليوم كيف تداوم
آه ي ربي على هالحظ معي ..في اول يوم يصير معي كذا
وقفت وهي تتعوذ من ابليس غسلت وجها
وفرشت سنونها وتوضت وصلت الضحى ...
.. لازم تروح مايصلح من اول يوم
اعذار ....وحتى وهي تحس بتعب . تجهزت ولبست العبايه
وهي تحس كل ماحركت يدها تحس بألم فيها
ناظرته بحقد نايم والا حاس بالدنيا ...بس افضل
نوم الظالم عباده ...وبعد زين ... مايصحى وينكد عليها يومها
طيب سامي صدقني ماراح ارجع بيتك ...
والله ماجلس لك حتى كل يوم تكسر فيني شي ..وبدريه
ان شاءالله اقدر اطلعها من بيتنا وقريب بعد ...
وارجع لحياتي اللي قبل ......
شافت جوالها يرن بإسم فاديه رفعته
وبصوت واطي :هلا
فاديه : صباح الخير ي حلوة انا برا
غلا بهمس: صباح الفل يالله جايه
وقفلت وسحبت الشنطه ...ودخلت جوالها فيه
وطلعت وهي تدعي ماتشوف ام سامي قدامها
تنهدت براحه يوم ماشفتها ...ركبت السيارة
وهي متوتر همست لفاديه :تصدقي احس بتوتر
فاديه بهمس: ماعليه في الاول كذآ
غلا
هزت رأسها ..وهي تفكر ..وش ابوها يقول
يوم ترجع عنده ..زفرت بدون مبالاه ....يقول اللي يقوله ...لازم
تقدر تقف في وجهه الكل عشان نفسها قبل كل شيء
حست بنغزة في بطنها وألم رجع لها
ماتدري وش ذا المغص ..يجي ويروح ...
وباذت من رميته لها تحسه زاد عليها ...
ناظرت الطريق بطفش ...
'
'
'
'
'
في ماليزيا
في الفندق
وليد بعد ماكلم امه اعطته ابوه قفل عيونه
اكيد الحين بيسمعه كم كلمه تنكدة: هلا يبه
ابو وليد بجمود: هلا فيك كيفك ان شاءالله مبسوط
وليد حك دقنه وهو متضايق من هالكلمه ابوه
يكررها عليه مثل اللي يقول له ماهو راضي
قال بأبتسامه : الحمدلله يبه ..كيفك انت وبأبتسامه
ماتبي تجيب العجيز تبعك وتلحقنا اجواء ماليزيا
ما تفوت
ابو وليد بجمود: لا والله حنا معاد لنا سفر إلا الله
لايهينك بعد ماتنزل بلطيفه خذ ريتاج شهر عسل
وليد بضيق : ان شاءالله
ابو وليد بحدة: لايكون ماهو عاحبك وبحدة أكثر
قد دقيت عليها سألت عنها وينها هي
وليد بكذب :ايه يبه من شوي مقفل من عندها
وتقول ماهو ناقصه شيء وبعد آكيد مبسوطه وهي عندكم
ابو وليد بسخريه: عندنا متأكد
وليد عقد حواجبه:وينها أجل
ابو وليد بسخريه : مدري عنك مضيع حريمك
لايكون بعد مضيع لطيقه تأكد وانا ابوك
وليد :يبه الله يهديك وش هالكلام
ابو وليد : اقول زوجتك من امس عند أهلها
وأكيد ماارحت وباتت هناك الا هي زعلانه
وليد بقهر : يبه من ايش زعلانه وش مسوي انا
ابو وليد بقهر: طيب قفل افضل لك
وليد : يبه تكفى لاتزعل مني
ابو وليد :يالله مع السلامه
وليد قفل وهو متضايق شاف لطيفه واقفه
تناظره عند باب غرفة النوم حاول يبتسم لها ....
لطيفه
حسيت ان ابوه الهم. .... جالس يجيب له سيرة ..بنت اخوه
آه مشيت ناحيته وجلست وانا ازفر بقهر
ناظرها بعد ماجلست على الكنبه بأبتسامه
كيف حبيبة زوجها ان شاءالله انبسطت بس على الرحله اللي طلعت فيها
لطيفه
تحس شيء منكد عليها ...ماهي راضيه
بوجود ريتاج ...كل ماجت ...تنبسط تذكرها ..
وعلى قدر انها تحاول ماتبين لوليد بس ..هذا
شيء فوق طاقتها وبذات يوم ابوه يجيب سيرتها
خلاص ودها تذبحها
وليد قال بهمس: وش فيك ي قلبي
لطيفه بضيق: وليد متى تتطلق ريتاج
وليد بضيق توهم مبسوطين وش دخل الحين تجيب
لا يكون فهمت كلام ابوه اللي من تو عن
ريتاج قال بهدوء: لطيفه حنا جاين شهر عسل
ماهو عشان ننكد على بعض
لطيفه وقفت بعصبيه: ايه يوم اجيب سيرتها
تحاول تلف بالكلام شوف اقولها لك بصراحه مهما حاولت تبسطني
مستحيل انسى وجودها وهذي كلمه مني لك
قسم بالله مدام هي على ذمتك صدقني ي وليد
مستحيل ارضى
وليد وقف بعصبيه هو مضغوط من ابوه وذي جايه تزودها عليه صرخ بقهر: جايه الحين وتقولي كذآ
لطيفه بصرخه: هذا كلامي من اول
وليد ناظرها بزعل
ومشى للغرفة النوم وهو مايدري وش يسوي
ياربي لهم ثلاث ايام مع بعض وهذا حياتهم
..صادقه لطيفه مدام ريتاج موجودة في حياتنا
ماراح نرتاح ....عض شفته بقهر ..وهو محتار
:
:
لطيفه
جلست على الكنبه وهي تلوم حالها ..كيف
قدرت كذا تصرخ عليه ...بس والله من حر مافيها
ياناس قهر اللي يصير لها ...وقفت ودخلت الغرفه
شافته متمدد وحاط يده على عيونه ... تقربت منه وجلست
مسكت يده بأسف: اسفه حبيبي بس غصب عني والله
وليد نزل يده وناظرها بعتب: طيب ايش ذنبي بالله قولي لي
وش بيدي اسويه وماسويته
لطيفه : خلاص حبيبي لا تضايق حالك وان شاء الله
ربي يفكنا منها قريب وهي راح تطفش وتطلب الطلاق
بس انت اهم شيء لا تعطيها وجهه
وليد ابستم :الله يسمع منك وانا ماعطيتها وجهه
وانتي لسى ماهو عندي اليوم القمر عندي واقوم اعطيها
وجههه و بهمس:لطيفه نجي ننسى ريتاج وطوايفها
لطيفه بدلع: ننسى ليه مانسى
:
:
:
:
:
:
:
بيت ابو عصام
صحت من النوم أخذت شور وفرشت سنونها ...وتوضت
وبدلت بجامتها ..شافت الساعه باقي لسى ..عن موعد
جامعتها ...
نزلت و اتجهت للمطبخ شافت امها
معصبه على الخدم قالت بهدوء: ماما حرام
بشويش عليهن من الصباح صراخ الله يهديك
ام عصام بعصبيه: تصدقي من يوم زواج اللي مايتسمى
رجلك وانا مدري وش فيني
ريتاج بضحكه : يمه بدل ماحتر انا انتي بدالي
ام عصام ناظرت انو: سوي اللي قلت لك عليه
مافيني اتفشل
ريتاج بضيق: لايكون شلتك االلي ماتنبلع جايه
ام عصام ضربتها على كتفها:بنت عيب عليتس
ريتاج بسرعه: يمه من الحين مافيني على غلاستهن
يعني في الوجهه مابي انزل
ام عصام بقهر: ايه لا تنزلي عشان مايقولون
راميها عند اهلها ويمشي عروسته
ريتاج حسيت بضيق فعلاً الحين من حكي امي
ام عصام
مقهورة على بنتها ...والله
تستاهل أحسن ..من وليد ...ليت وقفت..في
وجهه ابوها وعمها .. واصرت على الدكتور... حاتم
اللي بكلمة من عمها اقنعنهن كلهن وضيعت بنتها
آه وش ينفع ياليت الحين ..ناظرتها بحزن
قالت بأبتسامه وهي غاصبه نفسها عليها : يمه
لا يكون في خاطرتس.. وماعليتس بوه خليه يولي و في اجازة عيد الأضحى
نسافر القصيم عند جدتس وش رايتس يمه
ريتاج بأبتسامه... من زمان عن جدتها وخوالها: ليت يمه
والله في نفسي من مبطي
ام عصام : يالله حبيبتي رايحه ارجع انام
بس نزلت عشان أكد عليها
ريتاج : نوم العوافي
جلست على الطاوله بطفش تناظر حولها
: اقول انو ايش فطور
انو: يسوي ايش يبغى ...
ريتاج وقفت :لا خلاص انااسوي لعمري خليك
في شغلك
فتحت الثلاجه وطلعت بيضه وقليتها
وجلست على الطاوله بعد ماقربت لي انو ...الخبز
أكلت بهدوء ....وانا اناظر انو اللي مشغوله
في صواني الحلا ...ابتسمت الله يعينك
حسيت بجوالي يهز سحبته من جيب بجامتي ..
وناظرت شفت رقم وليد ...استغربت ...غريبه العريس
داق عليها ....
. فتحت الخط بهدوء: الو
وليد
ماصدق وهو يعطي لطيفه عذر عشان يقدر ينزل
ويكلمها
سمع صوتها قال بجمود : ممكن اعرف مين سمح لك
ريتاج عقدت حواجبها بستغراب : ايش فيه
وليد بحدة:ليه رايحه بيت اهلك
ريتاج رفعت حاجب وقفت وطلعت للحوش جلست في
مكانها المعتاد ....
وليد بقهر : الو
ريتاج برود :معاك
وليد بحدة: قولي ليه رايحه بيت أهلك
ريتاج ببرود : كيف جوو ماليزيا
وليد بصرخه : ريتاج
ريتاح عرفت انها عصبته : وش فيك على الصبح
منفس علي اوه نسيت ماهو نفس توقيتنا
وليد بغيض الحين حد سألها عند التوقيت اللي بينهن
كرر كلامه: مين سمح لك تروحي بيت أهلك
ريتاج : يهمك يعني
وليد :شوفي ريتاج إذا حركاتك ذي قصدك
منها انك تخلي ابوي يجلس يعصب علي ف اقولك
من الحين ماتمشي علي اوك
ريتاج قاطعته: هيي هيي وش فيه عشان
جالس تهاوش الحين
وليد بعصبيه وهو يناظر حوله : بسرعه
ارجعي البيت
ريتاج ببرود: لا
وليد وهو صاك على سنونه: ريتاج
ريتاج : اقول وليد سكر قبل ماسكر في وجهك اوك
وليد وش فيهن اليوم كلهم بيسكرون في وجهه قال بحدة: اشوف سويها بالله
ريتاج تعوذت من ابليس قالت وهي تحاول تهدي نفسها
: ممكن وليد تخليني في حالي وتنشغل في زوجتك
اللي عندك وعضت شفتها الحين أكيد يفتكرها غيرانه
وليد بعصبيه: ماعليك في زوجتي اهم شي ارجعي البيت
واختصريها علينا ي بنت الناس لا تخليني اتنكد ازود
ريتاج بغصه:وليد مابي لا تغصبني
وليد زفر بضيق وهو يحاول يقدر يمسك نفسه ويمكن لو كلمها بهدوء تخلي شوي من عنادها :ريتاج عشاني
اخاف ابوي يتمشكل معي ويرجع اللوم على لطيفة
مثل العادة وانا مافيني اخسرها عاد خلاص افهموا
ريتاج ببرود: قلت لي خايف لا يرجع اللوم على لطيفه
لا تتطمن ان شاءالله عمي مايهاوشها
اخاف يالكابتن تموت علينا حزتها
وليد قهرته ببرودها وبكلامها : صدقيني راح تتحاسبي على طولعك
من البيت من غيرمادري وعلى كلامك ذا وبعدين ي العاقله مايجوز
تطلعي وانا ماعندي علم
ريتاج بحدة : وليد الي يسمعك يقول رايحه مكان غريب
ترا رحت بيت ابوي االي ان شاءالله ارجع له قريب
وانفك منك ومن كل شيء يربطني فيك
قسم بالله منكد علي حتى وانت بعيد ..
وليد بعصبيه : يقال ميت عليك انا
اقول اذا ودك بالفرقه مره ودي فيها الف فاهمه
ريتاج : انا استاهل رديت عليك
وليد عض شفته بقهر: يعني بتعاندي وتجلسي
ريتاج: ماهو عناد بس حابه اجلس هنا عند أهلي
وليد وهو صاك على سنونه :ارجعي البيت ولا تزودي في الحكي
ريتاج بعصبيه:ي خي وش ذا التحكم انبسط وخلني في حالي
وليد بعصبيه : اولاً ماهو اخوك وثانياً ماهو تحكم
واحمدي ربك غيرك يتمنى هالعيشه
ريتاج بسخريه : اقول انتبه تسمعك لطيفه
وانا تقول ماهو اخوي ترا لاتنسى انك مكذب عليها
وقايلن لها اني مثل اختك اخخ والمصيبه
اني انا الي قلت لها بعد بس افتكرتك.. عند كلمتك
ماهو تخون فيها ي العاشق قالتها بسخريه أكثر ....
وليد عصب يوم ذكرته ايش صار بينهن: لا تنسي انك انت اللي
استغليتي ضعفي وقتها
ريتاج رجع وقال استغليتي ضعفي قلت بقهر: انت ماتحس
يعني ولا ذا تبرير لفعلتك
وليد طالع حوله بضيق رفع يده لشعره وهو يصبر
نفسه : ريتاج هي كلمتين ارجعي بيت أهلي
أحسن لك ومثل ماقلت لك الموضوع ذا ماينفتح
من ثاني مو ناقص وجع رأس ...ولا فيني اخسر
لطيفه عشانه
ريتاج بعصبيه من كلامه تحس انها رخيصه كثيرر :مارح ارجع وبعدين مدام اني وجع راس
خلاص فكنا
وليد لا ذي بتجنننيي:ي بنت جالسه تسوقيها.. علي
يعني مسويه حالك مو فاهمه كم مره قلت لك
عشان ابوي . ....
انقهر زود يوم سكتت ماتكملت ...صاك على سنونه:
والله العظيم
ي ريتاج لو ادق على امي وتقول لي لسى
ماجيتي شوفي ايش يحصل لك
ريتاج بعناد: ماراح ارجع
وليد :أجل اعتبري نفسك اني مو راضي عليك
وتعرفي انتي ايش عقابه عند رب العالمين
ريتاج قفلت عيونها بقهر وبنكسار :وليد ليه تحب تقهرني كذا
وليد : مين بدا يقهر الثاني
ريتاج : راح ارجع بس صدقني ماهو عشان
شيء بس عشان خوفي من ربي
وليد : اوك
وقفل في وجهااا ...قهرته تذكره انه خان في لطيفه ..
مقهورة منها يذكرها ..انها كلمتني على بعض
ماتقدر تقولها وش اللي طرى وتغير فيها ...ولا لانه بعيد
عنها .....
ريتاج
عصبت بزيادة يوم قفل في وجهااا
وقفت وراحت غرفتها احسن شيء تتجهز
للجامعه مابقي شيء على وقت محاضراتها
|
25-11-15, 11:58 PM
جديد مواضيع قسم القصص المهجورة والغير مكتملة
العرض العادي
