::
::
::
غلا
دخلت وهي تحس ...بخجل من زمان... ماشافت خالتها ...آخر مره ماتذكر ...متى كانت ...دخلت وهي تسمي ...وتناظر حولها . فسخت العبايه ...ومشت شوي لجهة المرايا ..طالعت نفسها .برضى ماقصرت ...هيام .. وفاديه ....طلعت عطرها وتعطرت ....وهي تناظر حولها ....فرحت يوم..شافت شوق جايه من بعيد مشت ناحيتها بخجل ...
شوق شافتها فرحت. ..حيل تقربت منها وهي تسلم عليها :هلا والله ب بنت الخالة اللي ماتنشاف وبخبث اقول غلاوي محلوة اشوف مقعول هذا الزواج مسوي فيك كذا
غلا ابتسمت بخجل ..وسلمت عليها بحراره ..قالت بهمس: : هلا فيك حبيبتي ..من ذوقك ي قلبي
شوق : فديتك والله نور المكان
غلا:تسلمي والله والنور نورك وهي تتلفتتت وين خالتي فقدتها حيل
شوق مسكتها من يدها: امشي امشي امي اليوم بتطير من الفرحه
مشت معاها
وقفوا عند طاولة امها
شوق بأبتسامه : شوفي ايش جبت لك يمه
ام وليد رفعت راسها .. وشافت غلا قدامها مبتسمه وقفت بفرحه وهي تضمها بحنان لصدرها :آه ي ريحة هلي
غلا حست وودها تبكي : فقدتك كثير
ام وليد وهي ترجع تسلم عليها وبحب : ماهو كثري والله
كيفك يمه وكيف الزواج معك عساك مبسوطه
غلا وهي مبتسمه: بخير بشوفتك ي الغاليه وايه الحمدلله مبسوطه
ريتاج وقفت وهي تسلم عليها : كيفك ي غلا.. من زمان عنك والله
غلا ابتسمت وهي تسلم عليها : الحمدلله تمام كيفك انتي
منيرة للي جالسه تهاوش بنتها اللي خيست لها فستانها
تقربت منها: كيفك
منيرة رفعت راسها : هلا هلا وقامت سلمت عليها
وهي معصبه ع بنتها
قالت بقهر: شوق تكفين لو تقدري توصلي ذي لابوها ادق عليه مايرد حضرته
ام وليد : آكيد مشغول يمه
شوق بقهر منها:كيف بالله اوصلها يعني انا ادخل عند الرجآل عادي
منيرة حاست بوزها:خلاص لا تأكلينا اففف كلمه وانقالت
ام وليد جلست وهي عتبانه على شوق ..تحسها بالمره ماتحب زوجة اخوها ....: تعالي يمه ي غلا اجلسي جنبي
شوق : ايه مين قدك اليوم يمه بنت اختك وعندك
ام وليد بحنان: والله يشهد علي قد ايش فرحتي بشوفتها
غلا
ابتسمت لها وهي تدعي.. ربي مايحرمني منها ...حسيت دموعي الي ماسكتها غصب نزلت مسحتها بسرعه ...مابي انكد عليهن ..آه يمه ...شوفة خالتي ذكرتني فيك حيل ...سبحان الله نسخه من بعض ..في كل شيء ..حتى في حنانك يمه ...
ناظرت ريتاج .. والله ماتستاهل ...بس نصيبها كذا ....
وبعد هو متزوجها قبل ...ريتاج ...سبحان الله اللي ....يشوفها يقول ...اخت المعرس ماهي زوجته من شياكتها ...وابتسامتها ...اخخ انا لو يتزوج على الصايع ....قسم بالله احرق في الدنيا وفيه بعد ...حتى لو ماحبه ...بس قهر ماتخيل .....اقول غلاوي وش تحرقي الدنيا .....عشان ساميوه ليته يتجوز... وترتاح من خشته ..ومن رومانسيته اللي طايح فيها هاليومين ....ي انه
غثها الغثيث ....اففف وش فيني جالسه افكر فيه ...خليني انبسط ماراح تكرر هالجلسه الحلوه معاهم .....ناظرت اسيل ..أخت ريتاج ..وهي ترقص لا العايله ...هذي مشكوك فيهن عادي يعني تحضر زواج رجل اختها وبعد ترقص .....
آه حسيت.. بنغزة في بطني ...صراحه مدري وش فيني ....احس
بألم من فترة لفترة ..طنشت وقفت ارقص ...مع اسيل حمستني مع رقصهااا .....وزود ودي اتعرف عليها ....اكثر شكلها مصرقعه ...ناظرت شوق :تخاويني انت والحلوه ذي
ريتاج ابتسمت : لا انا صعب ويكفيك اسيل شوفي كيف فشلتنا ..
شوق وقفت معاها وقالت بخبث:ريتاج الدق مايتعوض ...ويالله لايفوتك
ام وليد بحزن عليها :لا روحوا انتوا ارقصوا وانا وبنتي نرقص
بعدين
شوق ناظرت غلا: أخذت الغلى كله هالريتاج مفروض تقول ابي ارقص مع بنت اختي اللي مو شايفتها من زمان
غلا ضربتها على كتفها بخفيف: اقول الفتنه مو كذا اوك وبعدين انا راضيه مدام ريتاج أخذت مكاني وهذي بوسه لك ي ريتاج عشان تحر شوق
ريتاج ناظرت شوق برفعة حاجب :اقول ام وجهين فارقي ارقصي احسن لك
منيرة وهي تعطي بنتها ام وليد تكفين امسكيها حتى اطلع العفرايت اللي فيني
ام وليد : بسم الله يمه وش هالحكي
منيرة بضحكه :هههههههه بس متحمسه مع الدق
ريتاج :هاتيها عندي وانتي طلعي كل عفاريتك
منيرة قالت بدون حس منها : قسم بالله حرام يأخذ ا لطوف عليك
ام وليد بضيق: روحي يمه قبل مايوقف الدق
شوق وغلا راحوا يرقصوا..... وطبعاً اسيل وغلا ومنيرة ......مسوين هيصه عكس شوق.... اللي جنوننها وقفت رقص.... وجلست بس تشجع ...وبعد تحس اسيل ومنيرة ...ماهم ناوين على خيرر من حركاتهم ...بذات يوم تقربوا... من طاولة أهل العروس ....
بنت خالتة لطيفه طلعت للكوشه وقالت بنفس خايسه:معليش ي ليت تكمل الدقه ذي وتنزلوا
منيرة بقهر :ليه كوشة ابوك وحنا ماندري
اريج وهي معصبه: لا بس الجايه هذي خاصه لنا أهل العروس
طالبينها ومانبي أحد غيرنا يرقص
اسيل وهي تغيضها بدلعها : قلتي لي خاصه
اريح رفعت حاجب بغيض: ايوه
اسيل بتصغير لها رفعت يدهاا : يالله يالله انزلي بس ولقد جت وقت "دقتك الخاصه "وهي تدلع صوتها ...تعالي وناظرت غلا :اللي يسمعهاا يقول العرس لهن بس
غلا بقهر من ذي اللي طنت عندهن فجأة ونفسها خايسه . : اي والله صادقه ي اسيل مأكنا أهل العريس بعد ولنا الحق
منيرة :اقول بنات لا تضيعن وقتكن معاها خلونا نرقص
شوق تقربت من منيرة وبحدة : هييي انتي حامل لا تنسي
منيرة بدون مبالاة : هذا ابو سبع اروح مثل ابوه مايصير فيه شيء
شوق : صدق ماتعرفي تحكي
اريج بقهر يوم جالسين مطنشينها ويحكوا مع بعض : صدق عالم غريبه وانتي من وين طالعه بالله وهي
تناظر غلا بتصغير
غلا طالعت اسيل :من وين طالعه انا
اسيل بستهبال:الله اعلم
منيرة طالعتها وهي ترفع كتوفها وبسخريه:سمعتي ايش قالت يالله اقلبي وجهك قبل افرك خشتك هنا
اريح بعصبيه:لا والله لا نادي خالتي اخليها تنزل هالاشكال من الكوشه
اسيل:يمه خفنا
غلا خافت لا تزيد المشكله اليوم وبعدين مدام فيها تنادي خالتها لا صعب ...ويمكن بعد خالتها تزعل قالت وهي تمسك يد اسيل : خلاص بنززل وفكينا من حنتك
اسيل : هييي وين ننزل ماما قالت لي مع كل دقه ارقصي
اريج بقهر:من اصله انتي وامك واختك وش جايبكم ودي افهم
منيرة بقهر : ليه محجوز لك بس
اريج لفت وناظرت شوق بقهر: شوفيهن ولا انادي خاله تعرف تتفاهم معهن
غلا مسكت يد شوق وبهمس:تصدقين عندنا في حارتنا اشكال مثل كذا وكثير بعد وعارفه وش ينفع فيهن التكفخ والله يجيب فايده تصدقي
اسيل سمعتها وماتت ضحك: يمه انتي وينك عني احب الي كذا فله وبدلع يالله كفخيهم خليني انبسط شوي
غلا بقهر منها :ي زينك.... بس لما تعوجي فمك كذا ودي احوسك انتي بدالها
شوق :اقول بنت الخاله صايره عربجيه ولا يتهيا لي
غلا
تذكرت سامي من كثر ماتقول ...له عربجي الظاهر... انتقلت لها الصفه :بسم الله علي من العربجه بس في ناس يطلعونك من طورك غصب عنك
منيرة وهي تناظر اسيل : اقول انتي ي الدلوعه من وين أخذتي فستانك وفستان اختك
اسيل : من المحل الي ماما دايم تتطلب منه بعدين اعطيك اسمه
بس مو تعطي أحد ثاني بس عشانك مرة ولد عمي اعطيتك
هوو بس سعره غالي ترا
منيرة :والله اني بصادقك اموت شيء اسمه موضه وكشخه
ومعليك في السعر نصور ابو خشم يدفع وغصب عنه
اسيل بدلع : مثلي
شوق
ناظرتهن الثثنين آه لو تدروا ايش يحصل من واركم
صدقوني معاد به كشخه......ابتسمت بسخريه ...
شافووا وحده تقربت منهن كلهم طالعوها :نبي نسألكم هذيك صدق زوجة العريس اللي جالسه هناك وهي تأشر على طاولة ريتاج وام وليد
غلا بقهر من للقوف هالحريم ...
اسيل حست بقهر ..يعني ايش بتستفيد لو عرفت انها هييي توها ندمت يوم وافقت امها عشان يغصبون... ريتاج تحضر والله انها قالتها ريتاج ...بيتكلمن فيها ...وبيجلسن يتساسرن عنها ....
شوق ردت وهي تحاول تهدي نفسها من لقوفها : ماندري حنا مين تقصدي
وناظرت البنات
اسيل وغلا بصوت واحد:ايه ماندري واعطاوها نظره يعني لاتحاولي تسألي من ثاني ...
منيرة بسخريه: يالله ارجعي مكانك بدل نطتك هنا على الكوشه
شوق بقهر: مينرة ماهو كذا عيب
منيرة بقهر: الحين يوم تكلمت انا قلتي عيب
اففف اعطتهم ظهرها ونزلت عند خالتها ...
بعد نزلوا
وراحوا لطاوله وهم منقهرين .....
اسيل لفت شافتها لسى تتطالع فيهن رفعت يدها بخير وش عندك
قالت بقهر: عالم غريبه
غلا يوم شافت اريج تمشي من على الجسر :آه ودي اكسر
ضلوعها والله
ام وليد بصدمه: يمه تكسري ضلوع مين ي كافي الشر
اسيل وهي تمسك في يد غلا:من اليوم ورايح هذي صديقتي
ريتاج بأبتسامه : انصحك غلا لاتقببلي بهالصداقه
غلا ناظرت اسيل :راح اقبل فيها بس بشرط حوسة الفم اللي من تو والدلع في الحكي مابيه اوك
اسيل بدلع: هادي طبيعه
غلا بقهر: ام الطبيعه والله الللي تلوع الكبد
اقول اسطلبي وخليك مره ...تراني معقده من الدلع
اسيل :ليه
غلا وهي تذكر بدريه :والله عندنا عجوز خايسه يقال تتدلع بس مع دلعها سببتت عقد للكل من هالصفه وانتي لو تشوفيها قسم بالله معاد لك في الدلع كله
ريتاج ابتسمت لغلا.... صدق هالبنت تدخل.... القلب وتنحب ..بسرعه لفت وناظرت ....امها اللي جالسه مع صديقاتها ...حستها زعلانه ...قلبي يمه ..تفتكرني زعلانه ... لفت على صوت
المطربه : الزفه ي حريم تغطن العريس ييدخل ...
ناظرت ... جهة غرفة العروس ...عندي فضول اشوفهن مع
بعض ....تسكرت الانوار
وبدت اغنية الزفه .....
شفت امي جت وجلست على نفس الطاوله
ومسكت يدي قلت بهمس: يمه ايش فيه
ام عصام :والله فيني قهر وانا امس
جالسه احاول اجامل غصب عني
ريتاج بضيق وبهمس ماتبي غلا وام وليد يسمعوا: ليه يمه انا مو زعلانه
ام عصام :خلاص ريتاج خليني ساكته لااااقوم احوسهن واخرب زفتهن ...بعد الكلام الي وصلني من تو حسبي الله عليهن جالسين يتكلمن فينا ...
ريتاج :مين
ام عصام بقهر:مين يعني امها وخالتها
ريتاج : مين قالك
ام عصام : وحده من صديقاتي سمعتهن
ريتاج هزت راسها قالت : يمه لا تصدقي اي شيء وتعرفي انتي حكي الحريم كثير واذا تكلموا من حقهن
ام عصام شدت على يدها وبحده : اسكتي لا اذبحك انتي بعد
ريتاج سكتتتت .....وانا اشوفهن
طالعين من الغرفه . اعجبت بشكل وليد الي كان لابس البشت ومتشخص ...بالغترة البيضاء..حسيت بطلته فيها هيبه مع طوله وعرض أكتافه .....ماتوقعت يطلع كذا شخصيه ..نادر. تشوفه يلبس شماغ..كان .... ماسك في يديها ...وبسمته شاقه وجههه.....حسيت ..بشي مدري وشهوو..يمكن لاني..اول مره..... اشوفهن مع بعض ...
من غير ماحس ضغطت على يد امي.. ...ماتدري ليه تحس
بكتمه وبضيق ..امها ناظرتها بحزن ....مافي مره تقدر تتحمل تشوف رجلها ينزف قدام عيونها ....الله يعنيك يمه ...بش شدت على يدها وقالت بهمس وهي تتحلف قسم بالله الا اخليه يخق
عليك وقدام الخبله بعد الي ساحبها معه ....
ريتاج مع صوت الزفه ماتسمع ايش امها تقول: ماسمع يمه وش تقولي
ام عصام بخبث:أحسن
لطيفه
تمشي وهي متوترة .. تناظر الكل ...شافت شوق واقفه نص الجسر ... ابتسمت لها ..فعلآ .. اثبتت لها انها صديقه ماهو مثل الخيانه اللي أخذت رجلها بس الحمدلله ... رجع لها ..وهذا هي حاطه يدها بيده ...ناظرت وليد بأبتسامه تحسه متوتر أكثر منها ...
قالت بهمس :متوتر
وليد بهمس: حدي بس يالله هانت قربنا ...
فرحت يوم وصلووا ...آه تحس رجلوها ..ماهي شايلتها من اللي تحسه .. لفت وناظرت الكل وهي ترمي بوسه عليهن ومن الورد اللي في يدها ....
هنا ام عصام بغت تقوم تحرق الدنيا ...اخخ السالفه عناد والله. .
ريتاج بهمس: يمه هدي ومن حقها تسوي اللي تبيه في ليلتها
اسيل بقهر :والله تقهر مسويه تتدلع
غلا
ناظرت ريتاج ودي اعرف... وش تحس بوه.. وشكل لطيفه ماهي هينه ....وبعد وليد باين يحبها ..من ابتسامته اللي شاقه وجهه ..حسيت بشفقه على رتياج مدري ليه ...... بعدين صراحه
مافي مقارنه بين ريتاج ولطيفه لو تقوم ريتاج قسم بالله تأخذ الجو عليها ...
ام وليد تناظر وليد مبسوط ..ابتسمت له وهي تدعي له بالسعادة صح تحس قلبها وجعها على ريتاج وبذات من يوم ام لطيفه جت وكلمتها ليه حضورا ...ريتاج وامها ... رجعت طالعت ام عصام
شافتها معصبه ...سبحان الله جالسه اشوف ريتاج هي تهدي في امها بدل مايكون العكس ..صدق من قال العقل
زينة المره ...
وقفت يوم شافت شوق تأشر لها تجي ....عشان الأغنية لأهل العريس ....تقربت من ريتاج ومدت يدها
ريتاج ناظرتها بصدمه
ام وليد وهي ناويه ترد على الكلام اللي قالته ام لطيفه : يالله نبارك لوليد ونرقص شوي
ريتاج بصدمه أكثر من حكيها آخر شي تتوقعته خالتها تطلب منها كذا تعرف هي بجنون امها بس.... خالتها لا قالت وهي رافضه الفكره: لا خاله روحي انتي وباركي لولدك
ام عصام بقهر وقفت وسحبت يد ريتاج :روحي معاها ولا انا طلعت وبهمس وقتها صدقيني لا اقلب عليهن الليله
ريتاج
هزت راسها بالرفض وهي تهمس لهن: حرام عليكم كفايه وبعدين وش ذنب لطيفه انكد عليها
ام وليد
ماتدري ليه مصره ...عشان ترد شوي لا ريتاج اعتبارها من الكلام الي قالته عنها ام لطيفه ولا عشان ان ولدها اللي حاسه
بظلمه لها بس تكآبر دايم ...وتحاول ...انها تتدافع عنه عند ابوه ...كله عشان مايعلقن مع بعض ...وبعد شافت ام عصام زعلانه ...وأكيد اذا سوت كذا راح ترضى شوي وتعرف ان مثل ماللطيفه لهة قدر لريتاج بعد قدر وأكثر
قالت باصرار : مايضر نبارك ونزل جيمع
اسيل غمزت لغلا وقفت بسرعه هي وغلا وسحبوها
ريتاج اللي شوي وتبكي من هالثنيتن قالت بقهر:انتو وش دخلكم الحين
منيرة : ينت روحي ...وبردي خاطري من هالطيفه المليغه
غلا: ايه تكفين لا تضيعي على عمرك روحي وضحي لهن انك ماهو هامك وهذا الوليد اللي شايف عمره ومرتز حضرته ...في ستين داهيه في الي مايح..... ...قطعت حكيها يوم شافت وجه ...خالتها تغير ..سكتتت ورجعت مكانهااا ساكته وش دخلها هي افف فشله صدق ...
ام عصام بهمس : تصدقي فكرت اني انا اقوم بعد معاكم ونرقص جيمع ....وش رايك
ريتاج وقفت بضيق خايفه لا امها تقوم وتغصبها بعد ترقص
مشت مع خالتها ....مغصوبه ...:
شوق انصدمت يوم شافت ريتاج تمشي مع امها ..بتوتر : وش ناويه عليه الله يستر
....
لطيفه ناظرت بصدمه من اللي مقبل عليها مع خالتها
ناظرت وليد ورجعت ناظرت ريتاج تحس نفسها في حلم
وليد ناظرها وهو منبهر من طلتها .. وبلون فستانها الأحمر يحسها مميزة ....مفروض لطيفه بلون فستنانها الأبيض هي اللي تكون مميزة .... بس يشهد لريتاج وطلتها ...غطت على الكل ....وبعد مستغرب آخر شيء توقعه انها تحضر ...وبعد تجي ..مع امه
ام واليد تقربت من وليد وهي تحضنه ...وتبارك له
وليد سلم ...فوق راسها ويدها ....وهو لسى مصدوم من الي واقفه وراها
ام وليد :مبروك يمه
وليد بتوتر: الله يبارك فيك وهو عينه في ريتاج غصب ماقدر يبعد نظره عنها .....هو يدري انها جميله وجميله بعد حيل ..بس مع هذا اليوم جمالها غيرر ...
ام وليد تقربت من لطيفه وسلمت عليها وباركت لها
ولفت شافت ريتاج ساكته قالت بأبتسامه وهي تحط يدها على كتوفها بحنان ...:جايه تبارك لكم
لطيفه ناظرت وليد وبهمس : مقصوده صح
وليد بهمس :ماعليه راح تبارك وتنزل اوعدك
ريتاج تقربت منهن وهي كاره عمرها. ...بس والله غصب.... عنها إلا ربي يدري وش في نيتها ....لا فكرت تقهر أحد ولا تغيض أحد ...ولا تبي تسوي مشاكل مع أحد ..اللي فيها يكفيها
...
مدت يدها للطيفه وهي مبتسمه ...:مبروك
لطيفه رفصت تمد يدهااا وصدت عنها وهي مقهورة
ريتاج نزلت يدها وهي متفشله بذات من الللي قريبين من الكوشه واكثر شيء عصبها الطاوله اللي جالسين ...عليها أهل العروس سمعت تصفير من جهتن بتهور .. تقربت من وليد ورفعت نفسها شوي وباسته على خدة قدام الكل وبهمس : مبروك ي عريس
وليد بهت وجههه .. حس بربكه ماتوقع ..منها هالحركه اول مره تسويها ... توتر زود .... مع تصفير الدقاقه ...والهيصه اللي صارت ...حس الليله بتنقلب ...لهوشه ....
قال بتوتر:الله يبارك فيك وبهمس وش مطلعك .. انزلي بسرعه
ريتاج ناظرته بتحدي قالت بهمس :افاا جاين نبارك ترا
لطيفه معصبه وهي تشوف وليد يساسرها وهي بعد ماتدري ايش يقولون ومع صوت الدقاقه...غطى زيادة
ام وليد بعتب وهي تناظر لطيفه....مقهورة ليه فشلتها كذآ ورفضت تمد يدها ....وش بيضرها يعني ....
ام عصام وقفت بعد حركة بنتها ي انها انبسطتتت مشت لناحيتها وهي تتميل بفستانها . ماتقول عمرها في الأربعين اللي يشوفها يشهد انها أقل .. تتقربت... من الدقاقه واعطتها مبلغ
محترم وقالت بصوت عالي وهي تسحب الميك : اعطيني الشي الزين لزين ...ولاهنتي اذكري اسمها بعد "" ريتاج بنت جسام """
الدقاقه بحماس : ابشري ماطلبتي والله ايه هذولا الناس الكريمين
ماهو مثل اول مادخلت محدن اكرمها بشي ..
اسيل وقفت وبصوت عالي تصفر من عند الطاوله ... وهي لابسه العبايه وغلا بعد ....
المطربه بحماس بدت تدق وهي تغني في ريتاج وباسم ريتاج
ام لطيفه تقربت من ام وليد : ناوين هذولا يخربون الليله والاايش
ام وليد بهدوء: لا بس فرحانين معنا
ام لطيفه بقهر: فرحانين معنا ولا فارحنين ببنتهن اشوف الزواج صار لهن
لطيفه بقهر وشوي وتبكي : وليد تصرف قبل ما انا اتصرف
وصدقني تصرفي ماراح يعجبك
وليد بقهر أكثر منها وبذات من حركة ...خالته شيخه عرف انها مكيده منها معقول... كذا ..ي ريتاج آخر شيء
... توقعه يصيرر منها ومن امها قال بحده: ماعليه طنشي بس عشان نفسك وتذكري انها ليلتك ي قلبي
لطيفه :صدقني الليله ماصارت لي
وليد بدأ فعلاً يتنرفز أكثر يوم كل الحاضرين ... يشجعن بصوت عالي ومسوين حماس عشان ريتاج ... ...قال بهمس وهو حاس فيها : خليك اعقل منهن ....
ام عصام
لفت وهي ترقص... وسحبت ام وليد .....معاها ترقص
وبعد سحبت شوق وبصوت عالي:عشانك ي وليد اليوم هذا كله وهاا شوف بعد بنت عمك ترقص لك ارقصي يمه وهي تسحب
ريتاج اللي كان الكل يرقصن حولها ....وهي ضايعه بينهن محتاره تناظر وليد ومره ...امها
وليد عصب حس فعلاً انها مقصوده حركتهن ...
ريتاج ماتدري ...ايش تسوي أخ من امها ...فشلتها ...بس والله فيها قهر من فشلتها يوم مدت يدها ورفضت.... تسلم عليها ماتدري ليه انقهرت .... تمايلت غصب عنها يوم...
سمعت المطربه تقول باسمها .. والتصفيق الحماس
آه زادت في الرقص يوم شافت الكل يصفق بحراره ويصفر ودها ترد شوي من اعتبارها ...وبذات يوم شافت نظرات وليد مصوبه عليها حبت تقهره شوي ..
وليد
... انبهر من رقصها آخر شيء توقعه انها تعرف ترقص ...كذا
...بس حس بقهر مايدري ليه ..وش قصدها من الحركة تبين للناس ..ماهمها شيء ......
وانه ماله وجود في حياتها ...وفتح عينه بصدمه... يوم شاف الدقاقه تقربت منها وهي لابسه العبايه....وبصوتها كله تغني
هلا ي فتنة الحفل هلا والفرحه اكتملت
هلا باللي سحرت كل العيون والزين كاسيها
هلا باللي القمر رحل يوم انها طلت
هلا بريتاج ومثل ريتاج بالدنيا اثنين مافيها
نويت اني اوصفها وحروفي بوصفها احتفلت
اشوف الشعر يسبقني ويكتب كل معانيها
عليها من الحسد ذكرت محمد وصلت
وعليها من الفرح شعري رقص باحلى لياليها
ان بوصفها ببدا بعيونها عيون حوريه ومن الحور احتلت
يعني بختصار كامله وجمال الكون بيديها
ريتاج بنت جسام اذا ارخت رموشها وسلت
تصيب اللي يحب الزين ويعشق غواليها
ريتاج مثل القمر عيوننا منها ماملت
عسى ربي من الحساد يحفظها ويحميها
وليد يوم رددت بيت الشعر عشان عيونها
قال من غير حس :انشهد
بس حمد ربه انه صوته كان واطي
مسكت يدها . ..و ترقصها وهي تردد الاغنيه وريتاج تتمايل معاها ....
...لا اليوم لطيفه بتفجر في الدينا .وصراحة الدقاقه ذي زودتها
لطيفه بعصبيه: وليد تصرف لا اقوم واخسف عليهن الدنيا مع الدقاقه ال*****
وليد وقف بزعل ماتخيل ذا يصير ابدا.. وتقرب من امه :يمه
تفكين خليهن يوقفون وينزلن
ام عصام سحبت يد وليد وبأبتسامه وهي تكيد لطيفه وامها: عشان خاطري يمه ارقص وبخبث .... ليت فيه سيف بعد
وبصرخه قولي اسم وليد ....
وليد فتح عوينه بصدمه أكثر: بعد سيف
وش ذا الجنون قال بحده شوي : كفايه مهزله ولو سمحتي خذي بنتك وانزلي ..خلاص يكفي اللي صار
ريتاج سمعت كلمته عصبت كيف يقول كذا لامها صدق مايستاهل ...الي يقدره.......
ام عصام بزعل
مسكت يد ريتاج وقالت بأبتسامه وهي تغيضهن : مهزله في عينك والله انها تسوى اللي جالس بجنبها
ام لطيفه بقهر: لو سمحتي بدون غلط
ام وليد :خلاص ي جماعه هدوا وماصار إلا كل خير وتكفين ي ام عصام لو لي غلا عندك انزلي وخليهن يكملن ... .
ام عصام عصبت بس مسكت نفسها عشان ماتعطيهم فرصه وتبين لهن قد ايش هي مقهورة....سحبت يدها
ونزولووا وبقهر :ذا شايف حاله بقوه هين والله لا اقول لابوك
غلا بضحكه: والله من حقه شوفوا ايش سويتوا وشوفوا كيف
وجهه عروسته
شوق
ماتدري ايش تقول تحس انها هي تسببت في المشكله يوم ..قالت لامها تجي بس افتكرت تجي لحالها ماحسبت ريتاج تتطلع معاها ...وليد تعكر مزاجه :قال بهمس:لطيفه انا ابي انزل
لطيفه وهي شوي وتبكي :لا شوي لسى في حركات نبي نسويها محضرينها لنا بنات خالتي
وليد بهمس: تكفين لطيفه يالله
لطيفه بقهر: كله منهم نكدوا علينا
ام لطيفه تقربت منهن : وش فيه
وليد : خلاص كفايه نبي نزل ورانا سفر
ام لطيفه بجمود:خلى أهلك ينزلوك وحنا باقي مانتهينا
وليد هز رأسه بطفش : اوك
ونا ظر شوق أشر لها جت بسرعه
ريتاج حست ودها ترد أعتبار ....امها من وليد
شافته ينزل وتزفه اخته شوق لحاله
وقفت واستقبلته بعناد ...كذا ماتدري وش الي فيها مخلي عقلها
..اليوم صغير.. كذا . . . واللي قاهرها اكثر هالاحساس الي تحسه .
..وليد شافها قدامه واقفه قال بحده:ماكتفيني انتي وامك
ريتاج بدلع غريب . عليها وهي ترمش بعيونها الوزيه : وش مسوين دبكنا لك شوي هذا رد معروفنا ....
شوق بهمس:ريتاج فكي نفسك منهن علامك اليوم مستخفه
ريتاج بسخريه وهي تمد يدها ومسكت يده :هاتي انا أكمل المشوار مع العريس الحلوو ذا
وليد شد على يدها بقوه
ومشى معاها وهو يتمنى لطيفة مانتبهت لهن ...
دخلها غرفة أهل العرييس اللي دخل منها ..... قفل الباب
وقابلها بسرعها مسكها من عند كتوفها وهو يطالع عيونها..قال بهمس : ريتاج .................
ريتاج وهي مصدمه من حركته بس قالت مثل همسه : سم
...........
كتتتتتتتتتتتتت
::
::
::
::
::
""ان شاءالله هالمره القفله خفيفه ههههههههههههه ""
::
::
::
"وردودكم هي دعم لي عشان اكمل ربي مايخليني منكم"
وشكرا لمن يلتمس لي العذر
نوني
لا ابيح ولا اسامح من ينقل روايتي بدون ذكر اسمي
وماراح اسامح اللي ينقلها على الانستقرام حتى بذكر آسمي
استودعتكم الله الذي لا تضيع ودائعه
سبحان الله وبحمده سبحان الله العظيم
""الوتر أحبتي ""
25-11-15, 11:43 PM
رد: أعشق أنانيتك عندما تتمناني لك وحدك
جديد مواضيع قسم القصص المهجورة والغير مكتملة
العرض العادي
