كاتب الموضوع :
فيتامين سي
المنتدى :
القصص المكتمله
رد: عشق بلا قيود للكاتبة شخصية خيالية
اقتباس :-
المشاركة الأصلية كتبت بواسطة زارا  |
السلاااااااااام عليكم..
وعليكم السلام ورحمة الله وبركاته
ياااحي الله الحامل والمحمول والمحمووول اليه..
تستاااهلين ام جمال الاهدااااء ومن كريم لمستحق..
كنت بقووول عقبال ماتهدي لي بس عاد استحيت على وجهي توووني من القراء الجدد وعلى طووول ابي هديه!! هخهخحخهخخه
بس والله حلووو لو تسوووي لي مفاجأه وتهديني وترجعني لامجادي القديمه يوم الأجزاء تتوالى علي كهدايا من كل صوب ..اييييييييييه سقى الله ذيك الاياااام >> فيس تراجع عن الحيا..هخهخهخه
الله يحييك زارا
وعقبالك إنت لكن شدي حيلك في التوقعات حتى ترجعين
امجادك القديمه
المهم نجي لربعنا
ام تميم . الله يهب لك قنبله .. انتي شرتس هذا متى بتتركينه؟؟ قطع والله تشوف ولدها يحبها ويحترمها وتجي تنكد عليه اهبي ياااا عجوز قريح..
أبو تميم هذا اتووووقع بالاخير بيكون مرده لام تميم أتوقع يمرض والا يحيه بلا ولايلقى احد يجلس عنده ويهتم فيه الا هي وبناتها واخرته بيرجع لهم عند عياله.. ولاهيب نافعته سفراته ولا زواجاته من برا. ودي صراحه يصير له كذا مهوب حب في ام تميم وانه يرجع لها أبو عيالها.. لا ودي يصير في كذا كنوع من العقاب لها تبلش فيه وتلهى عن سلهوومتي وتمووومي..خخهخهخه
ههههه عجبني تخطيطك للإثنين لكن ليه ماشركتي أبوتميم في القنبله
الجده الجازي وبنت ولدها وولدها سطام.. الله يخفيكم ويجعلكم عبره..
آمين أشوف فيهم يوم
عبدالرحمن أتوقع يوم يكتشف منال وش تخطط لاخته بيوريها الويل وان كانه رجال بيطلقها
إن شاء الله يكشفها ويعرف حقيقتها الخبيثه هومخدوع فيها
والجده أتوقع بتطس في يوم عشان تشوف توق وبتشوف الشايب وبتهل عليها الذكريات مثل ما هلت على شايبنا المزيون يوم شاف توق>> فيس يقول شيب عيني من حب النقى.
هههههههههههههه
شيهانه وذيب.. صراحه عاد ان شيهانه دبلت كبدي وودي اني مصفقتها.. يعني مسووويه نفسها مسكينه ومظلومه وضعيفه يمال الضعفه وعلى قول جدتي مافي الحريم ضعيفه. الله يهديها جدتي ابد مااتفزع لبنات جنسها
هههههه قولي الصدق زارا وش مسويه بجدتك
يعني شيهانه تعجبني بأشياء وتدبل كبدي بأشياء .. هالحرمه تحب النكد وتذكر نفسها بالمأسي وتتجرع المراره وتحرم نفسها المتعه بالاوقات الحلوه.. ليه كذا طيب..؟؟
هالنوعيه ذي ما احبها اللي تعبتر نفسها هي المظلومه والمقهوره والناس مايهتمون فيها ولا في مشاعرها؟\ يعني اشوف انها لها قدر عند ابوها وعيال اخوانها وحريم اخوانها فليش إحساس الظلم هذا يوم انهم يبغونها تتزوج ويصير لها حياة خاصه فيها.؟ وزعلانه من ذيب بعد من زينها..؟ والله ان ذيب يستاهل الطيب وانا متكاثرته عليتس يا شيهانه ..هه وش عندتس ليييش تطالعين فيني كذاااااا وعيووونتس مبققه ؟؟ صدق يعني توه ماتزوج ولاجرب حياته مع أي حرمه وبياخذتس وبتكونين اول نصيبه وانتي سبق وتزوجتي وجالتس ولد وبياخذتس واحد مابعد باس تمه الا أمه... ابوووك يا الحكم يا الزوري...هههههههههه
المهم عاد هذا ذيب يجنن لاتخافين تراه مايفترس هو صح اسمه ذيب بس هوو حنووون ويموت عليتس وبتكونين بعيونه بس انتي لاتزعلينه وتجلسين كل شوووي سيف وسيف.. وبعدين المفروض خلاص تشققين صووور سيف وتتخلصين منها ..لانه صار ماضي والحين فيه مستقبل مع ذيبان خوووذي صووورته واجلسي تمقلي فيه لين تدوخين وندوخ حنا معتس بعد..>>لفس المشاركه حلوووه..هخهخه
شيهانه غلطانه وإن بعد محاضرتك ماتعدلت مافيها طب
. وان كان عندتس صووور لولدتس معليه اسمح لتس تحتفظين فيها لنفستس بس صووور سيف هذي اذااااا ماشقيتيها وخذتيها معتس صدقيني بتوووي لتس مشكله بعدين لاني واااثقه انها بتطيح بيد ذيب وهالشي بيجرحه لو شافها.. صح هو متوفي لكن بعد ذيب غيووووور و لو شاف انتس تحتفظين بصووور لزوجكي المرحوم باذن الله بيسوود عيشتس وبتقهرينه..فانتبهي ولاااتقووولين الزوري ما فهمتني ونصحتني .. تراااااني علمتس..>>.. فيس نصوحي..
والله الزوري نصحتيها لكن الخوف من عصيانها عاد
لوشافها ذيب تمقل بالصوره بيقلب لذيب من جد
توق وحاكم.. ارحمكم ماراح تستمرون بالعسل
نفس احساسي ثلاثي الشر ماراح يتركونهم في حالهم
سلهام وتميم.. والله انك يااتيمي مشقي نفسك بنفسك وغرووورك هذا بيودريك بداهيه.. وبتحسف قد شعر رااااسك اذ طارت منك سلهام.. بس اذا فات الفوت ماينفع الصوت ياا ولد امك.. بتجلس تمشي ورا امك هالسووووسه لين تخرب بيتك بنفسك..
أكيد بيندم وسلهام بتخليه يعرف قدرها زين
امك لو فيها خير نفعت روحها وحفظت بيتها من الخراب بس مااا تفهم وودها ان كل الحريم مثلها حتى لو حرمة ولدها..
هي خايبه وفاشله والغيره أكلتها من سلهام
وعندي خوف ثاني من هذاك صديق سلهام اللي بغت تزوجه الظاهر اسمه هشام ..؟ نسيت اسمه المهم هذا أخاف يرجع يطلع لنا بالاحداث مره ثانيه وبيحوس عاد ام أبو سالفه سلهام مع تميم .. وتميم بسم الله عليه مايحتاج نفكر وش بيسوووي ؟؟
أظن أسمه هيثم لكن أظن أنه أنتهى دوره في السالفه
وش يجيبه عندها ومافيه أي اتصال بينهم ولا يعرف لها طريق
ونجي عاد للقفله الخطيره..
حاكم مهوب مصاب ولاجايه الا الزين المصاب تميم مهوب حتى عناد عناد جبان مايحب المواجهه ولايقدر عليها وهالدور عاد بيضحي بعمره عشان حاكم؟؟ماافيه الا اثنين ياااااااا الجــــد يااا تميم..
في البدايه قلت تميم أو عناد لكن لما رجعت أقرأ المقطع
مره ثانيه دخلني الشك إنه حاكم إلا إذا كان الدم ماهومنه
الصراااحه ان ودي اللي متصاوب تميم . بس عاد اصابه خفيفه .قووووولوووااا ليييييييييييش ؟؟ اييه قلتوا لي ليييييش؟؟ عشان تميم يهجد ويهدا شوووي ويعطي سلهام فرصه تتحكم فيه شووووي... اكيد لو تصاوب ماراح يهتم فيه الا سلهام وتحرص عليه وهنا عاااد بيشووف معدنها الحقيقي وبيموووت فيها موت وكود عاد انه يستحي على وجهه وماعاد يطري لها سالفه الزواج عليها.. وتتعدل حياتهم ويعيشووون بتبات ونبات ويخلفوا صبيان وبنات"هخهخه
هههه حلو السيناريو
لكن لووووو كــــــــــــاان الــــجــــد هو اللي متصااوب هنااااااااااااا بتاخذ الروايه منحنى ثااني اووووولها اتها الجده الجازي تكون فرصتها نها تشوووف الجد اكبر .. يعني بجد ما اتوووقع في فرصه ممكن نتقبل فيها ان الاثنين يشوفون بعض الا بحدث مثل هذا.. أتوقع ان سطام بيصيب الجد وهنا عاد بتروح الجده تطلب انه يعفي عن ولد ولدها ويسامحه بسبب الحب القديم اللي كان بينهم ويمكن مايجيهم فرصه يعرفون اللي صار من الصديق الخاين الا بهالطريقه..؟
ههههه هالسينايو محتاج تغيير
رشااا المدخل للقصه اعجبني مررررره مررررررررررررررره.استمري .
ام جمااااال ماقصرتي ياااقلبي على هالنقل المميز والله يسلم ايد الكاتبه اللي كتبت هالقصه وابدعت فيها وشدتنا للشخصيات الحلوه ورجعتنا للزمن القمييييييل ..\
ورحم الله شهدائنا ونسأل الله يغفر لهم ويرحمهم و يقبلهم قبول حسن..ويجبر قلوب احيابهم ويحمي وطنا ويشغل كل من أراد بلادنا بسوء بنفسه..
دمتي بود
|
آميييييين يارب
وتسلم يمينك زارا على المشاركه المميزه والأكثر من راااائعه لاخلا ولاعدم منك يارب
|
09-08-15, 07:26 PM
جديد مواضيع قسم القصص المكتمله
العرض العادي
