كاتب الموضوع :
فيتامين سي
المنتدى :
القصص المكتمله
رد: عشق بلا قيود للكاتبة شخصية خيالية
.
،
.
،
.
،
.
جلس في الصاله لم يستطيع التحرك من مكانه امام التلفزيون.. كان سيأمرها الليله ان تأتي اليه صباحاً، كأي زوج يطلب زوجته، لكن بعد هذه المكالمه لا ..حاله من الجمود يعيشها.. عدم استيعاب، كاد ان يتهور لكنه تذكر تهوره وتسرعه في سوء فهم شيهانه و الحكم عليها.. سيتمهل هذه المره قبل ان يحكم..
اقبلت وصايف، بيدها علبتين بيبسي وصحن بوشار/عسى مابدت المسرحيه
لم يرد..باله مشغول بها، آلمته كثيراً، هي زوجته وهي بعيده كل البعد عنه.. رفضت ان تأتي معه اكثر من مره.. هذا دليل واضح انها قد عزمت..
رفعت صوتها قليلاً وهي تعطيه علبة البيبيس/حاااكم.. وين رحت
التفت لها وعيناه ليست طبيعيه، بها لمعه، هو ليس بخير/هنا
وصايف بابتسامه وهي ترى ان الحل بيدها/حاكم انا موافقه اتزوج هزاع…
حاكم ابتسم بصعوبه/مبروك حبيبت اخوها
وصايف/بس لي شرط.. وانا ما راح اتزوج الا تنفذ لي هالشرط
حاكم استغرب/امرري
وصايف/زواجك وزواجي مع بعض..
فرك جبيته باصابعه وهو يشعر بصداع،لم يستطيع الرد..
وهي تستنطقه/هااه وش قلت؟
حاكم بضيق، فمسألة زواجه باتت صعبه/اشرطي غير هالشرط، توق ماهي بمستعد عندها ظروف
ابتسمت والفكره تأتيها/اللحين من قالك تزوج توق؟..انا اقصد وحده ثانيه غير توق.
صمت غير مقتنع، اصبح كارهاً للموضوع برمته، وبعد المكالمه السابقه التي قصمت ظهره اصبحت فكرة الزواج بحد ذاتها مستفزه/وصايف لا تضغطين علي انا ماني مستعد للزواج هاللحين.
وصايف محاولتاً اقناعه/الوحده ممكن تتحمل كل شي الا ان زوجها يتزوج عليها.. وباين توق تحبك.. لو كانت تحبك بتجيك بنفسها، بترفض انك تتزوج غيرها.. عاد هنا انت الرابح
لم تعجبه الفكره، ستكسر قلب توق بالتأكيد ستؤلمها وهو لا يريد إيذاء مشاعرها، لكنه مضطر لذلك حتى يعرف ما اذا كانت فعلاً ما زالت تريده أم لا، التفت لوصايف/من اللي بتزوجها طيب؟
اتسعت ابتسامتها وهي تراه متحمس معها/انا اقووولك..
ضلت تتحدث معه وتخبره بحماس ماذا سيفعل..
،
.
،
.
،
.
دخل المنزل وهو غاضب جداً..جهر بصوته وهو يناديها باقبح عبارات السب والذم و هو يتذكر حديث والدته له في الهاتف"قلتلك ياوليدي تجلس مع رجال"...!!!
دخل الغرفه متهجماً و تفاجأ بها في حضن رجل غيره وتبدو سعيده بل إنها تضحك ايضاً..لم يحتمل ضغطاً،ناداها بصراخ وهو يشتمها باقبح الشتائم/سلهاااام
فزع من نومه وهو يتصبب عرقاً...هذا كابوس لم يرى مثله من قبل.،نزل من السرير وهو يبحث عنها،
لم يجدها!!
جن جنونه، فلا دخان من دون نار،هذا ليس حلماً عادياٌ،
خرج من الغرفه بلباس النوم الرسمي عنده "فانيله وسروال" بحث عنها في الدور الاعلى وهو يناديها بصوت اقرب للهمس ولكنها لا تجيب!!
بحث في المنزل تحت ولكنه لم يجدها!! تسلل الضيق والغضب الى صدره..
لحظات ووجدها تدخل هي بصحبة رجل، هو نفسه من رآه معها في السرير، ظن انه هيثم ..حاول الهجوم عليها ومنعه نفس الرجل..
سمع صوتها المكتوم وهي تحاول النطق/تمييم تكفى فك يدك خنقتني.
فتح عينيه وهو يرى راسها بين يديه وهو يحاول قتلها بالضغط على رقبتها/وين رحتي؟!
عرفت انه مازال يحلم حركت راسها للامام لتصطدم براسه بقوه/صحصح حسبي عليك خنقتني
دفعها بقوه وهو يمسك براسه ويستيقظ من حلمه،شعر بدوار هجم عليها وطرحها ارضاً/انهبلتي انتي وش ذالحركه منين جاايه
تمنت انها لم تحاول إيقاظه/الشرهه علي اصحيك تصلي الفجر،لي ساعه ابي اصحيك وشكلك متشنج مو تحلم
تركها بعدما استوعب وضعه وحالته،شعر بصداع/انتي وين كنتي فيه؟! وين نمتي؟!
وقفت وهي تعمل بيديها مساج لرقبتها/مانمت كنت سهرانه مع عمتي شيهانه والبنات.
اتجه لدورة المياه وهو يكلمها/جهزي لي فطوور
زمت شفتيها بغضب وهي تراه يذهب بدون كلمة اعتذار/هيييي ووين رااايح..
التفت لها بكسل/وش تبين
تخصرت بيديها الثنتين وهي تقف بثقه/انت ملزووم تعتذر لي،ناسي انك بغيت تكسر رقبتي وانا بس كنت ابي اصحيك للصلاه
ضل واقفاً مكانه يتأملها و كابوسه الذي قبل قليل يراود مخيلته،شكلها مع احد غيره يؤرقه،تاريخها الذي يعرف بعضه يصيبه بالجنون، تُرى هل هذا مجرد كابوس أو انه حلم له تفسيرات اخرى..
استغربت وقوفه ونظراته الغريبه، من الواضح انه سرح بعيداً،لا تعلم ماذا يفكر به،..
اتتها فكره لتعرف ما يخبئ في رأسه ان كان خيرا سيبتسم وان كان شراً سيثور وربما يتهور،ستجربها وان كانت فكره جنونيه، ابتسمت بخبث وتكلمت/اللي تفكر به صحيح..
عقد حاجبيه وزم شفتيه واتجه ناحيتها غاضب،بدون تفكير..ولكنه تفاجأ بها وهي تضحك/وش يضحكك يالشينه
لم تستطيع التوقف عن الضحك،حاولت الهدوء ثم هدأت وهي تبتسم، ابتسامه تخفي تساؤلات و غرابه/قاعده اتخيل كيف تفكيرك المريض مصورني في مخك، لهالدرجه شايفني منحطه وبلا وازع ديني؟!
عبس وهو يفسر حديثها تفسيراً آخر/واخس من كذا بعد يالمريضه انتي..ولا تتخيلين انتس بيوم من الايام بتقدرين تغيرين نظرتي فيتس،ماضيتس زباله وتربيتتس فاشله،مافيه اي واحد فيه عقل بيتزوج وحده مثلتس،لكن ورطتيني فيتس يالخبيثه،
ردت بثقه بجمله واحده فقط ،رغم حديثه الجارح الذي اثقب قلبها ألماً/الحمدلله ان الجنه ماهي بيدك.
خرجت على مضض وتركته يقف، لا يعلم لماذا يداهمه الشعور بالخيبه حينما لا تبادله الشتائم و السباب!!
يكره نفسه حينما يُسمعها كلمات لا يتمنى ان يقولها لزوجته ..ولكن ماضيها يلاحقه في اي لحظه يراها فيها، في كل مره تجذبه وتعجبه يتذكر اصحابها السابقين واولهم هيثم ذلك الذي صرحت بحبه و كانت تنوي الزواج منه..
جمع اصابعه في قبضة يده ولكم بها باب الخزانه بقوه، وشعر بالألم، لكن ليس بحجم الألم بداخله..
.
،
،
.
الساعه الثامنه صباحاً… انقشع غشاء البرد.. وهاهي بدايات الربيع وألوانه الزاهيه،..
خرجت بصحبة صيته وسلهام..جلسن بالفطور تحت ظلال النخلات الثلاث الموجودات داخل سور باحة البيت الصغيره،ينتظرون صحصحة "صقر" ليصحبهم في زياره للجد..
صيته وهي تتذوق الكرك/شغل عدددل يا سلهام يهبلل
سلهام وهي تداعب غرّتها وتبعدها للخلف بحركه تستفز وبصوت حليمه/ادرررري شي مفرووغ مننه عيوووني
صيته وهي تستهزء بها/اقوول انطمي بس
ضحكة شيهانه/يووه يا سلهام قسسم بالله لتس فقدده.. اشتقت لهبالنا سوا
تذكرت جوال شيهانه التفتت لها/ايه تذكرت ،عمتي ترى اتصل فيك حاكم قبل شوي وانتي بدورة المياه
شيهانه تذكرت ماحدث، تمنت ان تعرف ماذا أراد منها/رديتي عليه؟
سلهام/ لــ….
قاطعها وهو قادم إليهم/اكييد بترد عليه.. ملقووفه
باسلوب طفولي/لا ما رديت عليه،.. وثاني مره لا تدرعم على الناس وتخرعهم.
كتمت ضحكتها صيته أما شيهانه لم تستطيع..
حاول مضايقتها والجلوس جانبها ولكنها حاولت الابتعاد/انثثثبررري
ابتعدت رغماً عنه وجلست بجانب شيهانه/انثبر انت.. مابي اجلس جنبك، غصب؟
كتم سعادته بعبوس مزيف/احسن من زينتس، صبي لي حليب بس
صبت له كاسة كرك وهي تمد لها/حليب في عينك.. كررك
شيهانه ضحكت وهي تحاول تسكتهم/قسم بالله انكم بزارين.. سوالفكم كلها مرادد..!!
صيته وهي تكتم ضحكتها بابتسامه/من جد يا عمه توم وجيري
التفت لها تميم بحاجب معقود/صييته
سلهام بسخريه/السكوت واجب في حضرة الطاغيه
تميم وهو ينظر لشيهانه/اششهدوا اني بتوطى في بطنها لو تكلمت كلمه ثانيه
شيهانه حاولت اغلاق فم سلهام بيدها وهي تضحك/حللفت بالله تنطممميين.. خلونا نفطرر
اخذ تميم رشفة من كاسته ووقف/انا طالع الدوام.. تبون شي؟
البنات بصوت واحد/سلامتك..
لحقت به لتحرجه.. فهو تهددها ان تقترب منه امامهم/تيموو تيمووو..
حاول ان يتجاهل صوتها ولكنها لحقت به وامسكته/تيموو
تميم التفت عليها وهو يحدثها بصوت منخفض/ما قلت لا تقربين مني قدامهم؟..لا وتنادين تيمو؟!!!
حاولت الابتسامه بدله وتمثيل السعاده/وش اسووي احبك..
تميم/بلا استهبال وانطقي وش تبين
سلهام وهي تهمس في اذنه/بروح مع عمتي نزور جدي ..تسمح لي؟
تميم/لاا.. انثبري فالبيت وغسلي ملابسي اللي تو غيرتها..
سلهام برجاء. تحاملت على نفسها وطبعت قبله على خده/بلييييززز
احمر وجهه فالبنات هناك جالسات قبالتهم وينظرون، حاول الصدود وهو محرج/طيب طيب روحي معهم..
خرج مسرعاً..كاد ان يصطدم في الباب من شدة ربكته.. شتت انتباهه، تعرف كيف تلوي ذراعه بقبله!!
،
.
شيهانه تعجبها تصرفات سلهام وواثقه بأنها من تناسب تميم.. مع عدم علمها بما يدور بينهم.. الا انها تعرفهما جيداً..
،،بعد لحظات رن الجرس..
دخلن جميعاً خلف الباب ..واتجهت صيته للباب/من؟
من خلف الباب/انا حاكم ..
شيهانه آمرت البنات بالدخول، واتجهت هي للباب.. فتحت له بملامح يكتسيها الجمود/هلا حاكم..
حاكم بابتسامه طبع قبله على رأسها باحترام/سامحيني يالغاليه..
شيهانه لا تخفي سعادتها فهو لم يغيب عنها يومين ليأتي وليعتذر، هذا شيء كبير/مسموح.. بس وش العلم
حاكم/اعمتني الغيره.. وظروف الزمان اللي دهورتني
شيهانه ابتسمت/اقلط تقهو معي جعلني قبلك
حاكم/لا لا.. البسي عباتك وتعالي معي.. هاللحين
شيهانه استغربت/ووين؟
حاكم/بنزور جدي وعقبه.. تخطبين لي
شيهانه استغربت حماسه مع ابتسامته وهو يطلبها تخطب له/ وتوق..
حاكم وهو يستحثها للا ستعجال/يلاااا يا عمه ..اقولتس بخطب وتقولين توق… اصلا توق زوجتي.. يعني اكيد بخطب غيرها..
شيهانه بصدمه/وشووو؟!!
.
،
.
،
.
،
.
اغلق شنطته بعدما وضع جواز سفره وتذكرته فيها.. نزل من غرفته، ..خارجاً ..
رآته يخرج بدون وداع/على وين يا ولدي؟
عناد بابتسامه/مسافر لجده يمه.. يومين ثلاثه وبعوّد ان شاء الله
استغربت وهو يمسك بجاكيته الشتوي بيده/وش تبي بالجاكيت.. يقولون جده حررر..!!
شعر بالورطه/علشان لا طلعت ..اذا وصلت جده مانب لابسه لا تخافين يمه..يلا سلام..
ام عناد بحسن نيه/الله يستر عليك يا ولدي استودعتك الله. اقرأ دعاء السفر.
عناد وهو خارج/ان شااء الله..
.
،
.
،
.
يتبع…
يتبع..
قراءه ممتعه ♥
اسمحوولي على القصوور
ونلتقي في العيد باذن الله
كل عام وانتم بخير.. اللهم اجعلنا ممن صام رمضان ايماناً واحتساباً..
|
19-06-15, 04:31 PM
جديد مواضيع قسم القصص المكتمله
العرض العادي
