كاتب الموضوع :
فيتامين سي
المنتدى :
القصص المكتمله
رد: عشق بلا قيود للكاتبة شخصية خيالية
السلام عليكم ورحمة الله وبركاته
ياهلا برشا حيالله الحامل والمحمول
بارت أتعب أقول رووووووووووعه تسلم يمينك رشا
مزنه
بأبدأ بها لانها قاهرتني وفيني حره منها الكذوب ام وجهين
البنت محترمتها وتقولها خاله وماهوعاجبها تخلخلت ضروسها
تكرف سلهام في الشغل ومقفله على بناتها حتى مايساعدنها
وآخرتها مدرعمه على غرفة ولدها وزوجته من غير استئذان هذي
يبغالها تربيه من جديد زين اللي سوته سلهام واحرجتها مع ولدها وخلت تميم يحس بشعورها وينحرج
الجازي
بعد كل اللي حصل وموت ولدها مازالت على ظلمها المفروض
تحس بتأنيب الضميروتكمل زواج حاكم وتوق وتنفذ رغبته
لكن وين تحس والحقد مالي قلبها
عناد
ياأنا شمتانه فيه تفشل من أمه وأخته وآخرتها تميم وعقبال
يفشله حاكم لما يكلمه في موضوع خطبته لصيته
لكن عناد اظن له من اسمه نصيب وما اظن بيرتاح إلا لما
صيته تسيرزوجته واظن أنه بيخطبها من أبوها وعاد الأب
بيوافق لو قبض منه مبلغ محترم لأنه مافكرفي اولاده
ولا بيفكر فيهم وصعب على صيته وتميم يوقفون في وجه
أبوهم وبيتزوجها غصب
توق
حزنت عليها وعلى الوضع اللي وصلت له أظنها لوصارحت
بجاد برغبته وإن عبد الرحمن أجبرها على طلب الطلاق
بيوقف معها واظن بجاد بيسألها عن رغبتها بعد اللي حصل
ويمكن يصارحها بانه بيوقف معها في القرار اللي بتاخذه
حاكم
ما كنت اظن إنه مايروح لتوق ويوقف معها أيام العزى أويعزيها
ويعزي أهلها وبيض الله وجه أخته اللي دلته الصح وزين أنه
ما عاند وتمسك برايه وحلو كلامه لبجاد عساه يدوره في
عقله ويعرف قيمة حاكم
شيهانه
أتوقع يصادف تعب أبوها حضور ذيب وهوبيساعدهم
أويتقابل معها في الطريق ويوقف معها ويساعدها في نقل
ابوها للمستشفى ويكبرفي عين ابوها وعينها ولوجاه
خاطب مايرده
سلهام
بنت اصول وعملت بأصلها وسوت اللي يرضي ربها لكن
تميم وأمه مايستاهلون وبتاخذ حقها منهم اول باول
بذكاءها وخططها لكن عيبها حبها للشماته يعني كان
لازم تضحك على تميم ودمه سايح لو استمرت في
تمثيلها النوم يمكن ماينتبه ولا يشك إن هي السبب هي
هالحين وش يفكها من المجنون الله يستر يده اخذت على
الضرب يمال كسر اليد
الضعيفه تشتغل في المطبخ من العصر حتى تبيض وجهك
وانت سودت وجهك بسواتك
تميم
عيونك لا تطلع وانت تقز في سلهام تراك مكشوف والاعجاب
باين مهما حاولت تداريه ترى سلهام ماهي غبيه
بنشوف لحد متى بتصمد وتقاوم اعجابك ورغبتك فيها
سلهام حطتك في راسها الله يكون في عونك بتجيب
راسك غصب عنك
النقطه اللي تحسب لصالحك هو موقف من طلب عناد
وردك عليه اللي فاجأ الكل
سلمان مدري سليمان الله لايسلمك جالس ترغب الرجال
في الزواج الثاني مسوي دعايه إن شاء الله يتفقن عليك زوجاتك
ويطينن عيشتك الشره ماهي عليك على اللي معطيك إذنه الخبل
تميم إذا كان المتكلم مجنون المستمع عاقل هذا حاكم ماتأثر
بكلامك ورد بالرد اللي يبيض الوجه
والله العالم ياسليمان إن حريمك مجنناتك لكن مستحي
تقول قدام الرجال ومسوي شخصيه
رشا الله يسعدك دنيا وآخره مثل ما تسعديننا
منتظرين بقية الاحداث بفارغ الصبر
|
06-06-15, 07:37 AM
جديد مواضيع قسم القصص المكتمله
العرض العادي
