السلام عليكم ورحمة الله وبركاته
و عليكم السلام و رحمة الله و بركاته
مشكورات حبيبات قلبي على المشاركات الحلوه مثلكن
وتلبيه لرغبة البعض هذا ردي على رشا انقله لكن
وإن شاء الله إن يسد عن ردي على مشاركتكن والمعذره منكن
هالردود الحلوه ماتستاهل من يتجاهلها والله إنه ماهوتجاهل
لكن إنشغال وكسل حتى القراءه ماعاد القى لها وقت
المهم مالكن بالطويله بأسدح ردي لكن

السلام عليكم ورحمة الله وبركاته
وه وه ياجمال البارت وكاتبته تسلم يمينك رشا بارت يجنننن
وأخيرا حن قلبك على عيال البراك اللي ذبحهم الشوق وشوي
ويجيبون العيد تعاطفتي معاهم شوي ودوسين الخط الأحمر
ويكفشك ساهر
ههههههههه حطيت يدي على قلبي وأنا أشوفك داعسه
والحمد لله سمعت صوت التفحيطه وأشيل يدي من على قلبي
وأمسك في الطبلون لا يخبط راسي في الزجاج ههههه

بارت على قد مابسطني زعلني لأني حاسه إن النهايه
قربت وبنودع أبطالنا

حاكم وتوق
حاكم الشوق ذبحه وافقده عقله معترض طريق توق وهومعتقد
إنه مطلقها وماتحل له ولما عرف إنها مازالت حلاله بغى يفقد عقله زين إن توق رجعت له عقله
توق هالخبله طيبتها الزايده بتذبحني أول ما أشر لها الحبيب جاته
يابنت تدللي شوي خليه يحس بغلطته ومقدار خسارته على كذا كل شوي بيغلط لأنه ضامن إنه بكلمه بيرضيك (فيس شراني يشيشها على حاكم )
وحده غيرها كان ردت له كلمته لما سألها لو ماجابوك أخوانك
وقالت له نفترق لو بالكذب تحره شوي لكن أظنها خافت من
اندفاعه لاتستفزه زياده ويجيب العيد (فيس يدور لغباءها عذر)

صيته وعناد
صيته أظنها شافت تقارير طبيه لعناد والا عناد من خوفه
إن صييته تفارقه ومن كثر ماهي لاعبه في حسبته يهلوس
بهالشيء في منامه وسمعته صيته هههههه
صيته بتقلد أحلام وتغني لعناد ناويتلك على نيه بس أصبر شويه
صيته يعجبني فيها صدقها وإنها ماظلمت عناد وأتهمته حتى
يوقف في صفها اخوها وأظنها بتترك عناد وتطلب الطلاق
منه هي حاليا مازالت مسيطره عليها فكرة كرهها لعناد
والمخطط اللي تخطط له وتنتقم منه على طريقة زواجه
منهاوهي تظن أنها تكرهه لكن أظنها في الواقع مازالت
عايشه وهم كرهها له وماراح تحس بفقدها له وحبها
إلا لو أبتعدت عنه فتره وهذا اللي هي محتاجه له
خاصه لما تحس بتمسك عناد بها وعدم تفريطه فيها (فيس متأثر بالدكتور ميسره )
أو ممكن تطلع حامل ساعتها بترجع ويطيح اللي براسه
خاصه وإن عناد قايل بها يدهينه لا تنكتين
(فيس ماهومصدق إن عناد عقيم )

تميم وسلهام
كنت حاسه من أول ماتكلم تميم إنه يقصد سلهام وإنه مرجعها
لأن تميم عنيد ومستحيل يستسلم بسهوله غير إنه حب سلهام
والا ماقدرت تغيره
حتى لما كلم سماح اللي مدري من وين طلعت قلت هي أما تشتغل
معه أو محتاجها في ديكور البيت
قلبي كان حاسه إنها حركه من رشا مقصوده بتخوفنا على
أحب إثنين لنا لكن على مين (فيس المحقق كونن )
المهم إنهم تصافوا وياليت تميم يقفل عليها أسبوع
لما يتأكد من صدق سلهام أخاف ملعوب منها أم المقالب
(فيسي الحريص)

شيهانه وذيب
كان من الأول ياشيهانه أظنك محتاجه لدروس من سلهام
يختي تدللي ماهو بسس الشايب اللي يتدلل
المهم الحمد لله طاح اللي براس ذيب اللي يزعل من
غير شيءيرضى بلا شيء(فيسي الشراني اللي فوق )

وصايف وهزاع
ياوجه الله تركدوا شوي وخذوا بعضكم وروحوا بيتكم
أو خذوا لكم فندق وسووشهر عسل لكم زين إن
حاكم نبهك والا كان أصبحت مسخره في مجلس الرجال
( فيس يناظرهم بنص عين وزريان عليهم)

مشاري
وجهك أبيض ومشكور على حرصك ودفاعك عن توق
وفالك ذوق وتطفي الشوق

الجده
لاشلت يمينك ولا فض فوك يازينك وإنت ترجعين لدرب
الصواب وتوقفين مع توق بس هاه عيني في عينك
لاتكونين تبيضين الوجه عند حاكم وحنيتي للحب القديم
أخلصي النيه وبطلي مراهقه

الجد
الله يسترمن شاف علومك مع وصايف وهزاع يظن النفس خضراء وبيراهق مع العجيز جدة توق ( فيس يخزه بعين ويقول كاشفكم )

من كمان باقي سطام لالا مايستاهل أتكلم عنه النذل ونهايته
قربت إن شاء الله

رشا أظن هذا اطول رد كتبته من فتره طويله لأن
ليفتره صايمه عن القراءه والردود لكن أكتشفت شيء
طول الرد وجماله يتناسب تناسب طردي مع طول البارت وجماله
(فيس التلميح والتميلح)
ربي يسعدك رشا مثل ماتسعديننا دنيا وآخره
ولاخلا ولا عدم منك يارب