كاتب الموضوع :
فيتامين سي
المنتدى :
القصص المكتمله
رد: عشق بلا قيود للكاتبة شخصية خيالية
.
،
هنالك في روابي نجد.. *
تركت فنجانها على الارض وهي تنادي ولدها ذلك الشقي الذي يحوم حول الابل ويلاحقها/حموووود انتبه لا تبرك عليك الناقه… حموووود تعااال انتبه من الطييين لا توصخ في هالمطر.. ترى بحبسك فالخيمه
اغلقت وصايف أذنيها وهي تحاول تسكيتها/عجااايب رووحي له بدال ماترفعين صوتك.. فجرتي راسي
التفتت اليها عجايب وهي تصغر عينيها باستنكار/بعد كرهتي صوتي؟!! ياليييل
وصايف بتملل ومزاج سيء/انتي عارفه ان كل الاصوات العاليه تزعجني المفروض تقدرين وضعي
الجد بابتسامه/عجايب ما يسكتها الا ربٍ خلقها
نطقت وصايف بتأييد/عز الله
مثلت الحزن/افاا يا جدي!! شايف كيف فرحت العواذل علي
الجد وهو تعجبه روح عجايب وملاسنتها/والله يا بنتي ماكذبت في حقتس، انتي مزعجه مير انتس بنتنا مانقدر نسوي شي
اتجهت اليه وهي تجلس عنده وتمسك بطرف لحيته الطويله/صحيح اني مزعجه.. لكن بالله عليك ياجدي صح انك تحبني وتغليني؟
الجد وهو يضحك/اي بالله انا اشهد اني احبتس واغليتس
طبعت قبله على أنفه/انفدا ذالوجه.. سمعتي ياللي من حملتي لاويه هالوجه اللي صاير كنه علبة تونه مدعوسه!
التفتت وصايف لوالدتها التي أتت من خيمة المطبخ/يمااااه متى بنعوّد الدمام مليييت
جلست ام حاكم وهي تضع ابريق الشاي والكاسات/ليه نروح؟..توونا مالنا ثلاث ايام
التفتت اليها عجايب بابتسامه جانبيه وهي تحاول استفزازها/ماحنا براجعين.. اذا تبين ترجعين ..اتصلي برجلتس يجي ياخذتس
وقفت وهي غاضبه من كل شيء تريد الذهاب بعيداً شعرت بالدوار ثم جلست/بسم الله..
اتجهت اليها عجايب وهي تمسك بها/بسم الله عليك.. وصايف لا تنسين نفسك و تقومين بسرعه
ام حاكم بغضب/هالبنت قطعت ثلاث شهور وللحين ماخف الوحم ولا هي فهمت انها حامل ولازم تنتبه لتحركاتها، يوووه تذكررت موعدك مو يوم الاحد الجاي؟
تذكرت وصايف وهي تلتفت لأمها بعبوس/ايه، بس ماني بـ رايحه تعبت منهم كلما رحت سحبوا مني دم ولاعت كبدي زودن على ريحة المعقمات يااع
عجايب بخوف/ماهو بكيفتس.. بتروحين غصصب.. والا تراني بتصل بـ هزاع بنفسي يجي يتصرف
شعرت برغبه في الاستفراغ بعد سماعها بأسمه ..تركتهم وذهبت مسرعه.. فضحكت ام حاكم/يا وصاايف خفي عليها.. ذبحتي البنت كل شوي قايله اسمه وهي المسيكينه تروح تستفرغ.. الاكل معاد يعد ببطنها!
ضحك الجد وهو يقصد عجايب/ما ودتس تقعدين معي هنيا فالبر يا بنتي.. انتي وولدتس..
ام حاكم بضحكه/هذا ان خليتك تقعد هنا…منت بقااعد هنا..
ضحكت وصايف/جدي لا تحسب اني مثل سلهام بنحاش من زوجي واقعد عندك..مااافييييه ههههه
سرح في خيال تلك الغائبه الحاضره/يا لبى قلب سلهام حبيبة جدها..
تخصرت وهي تمازحه/لا والله وانا وين رحت..افاا يا جدي مسرررع ما جحدتني
الجد تحدث من قلبه/اييييه يا حي طاريها.. سلهام لحالها في كفّه وال براك كلهم في كفّه ثانيه.. مير لحدن يحسب انه بيغطي عليها..
ضحكت ام حاكم وهي تقصد الجد/هاللحين وش بيخلصك من عجايب هااه؟ ههههه
لحظات ليعود حاكم من عند الابل بصحبة محمد ابن عجايب.. ثم جلس وهو يبتسم لجده/ما شاء الله يا جدي ريميه جابت بكره..
ابتسم الجد/ابركها.. اجل بشروا شيهانه
حاكم بسعاده/كلمت شيهانه وصورتها لها بعد.. بغت تطير من الفرحه..
تنهدت ام حاكم/الله يهوّن عليها وييسر ولادتها هي بعد
الجميع/امين
تذكرت عجايب وتحدثت بعفويه/على طاري البكره، أرب وصايف و عمتي شيهانه يجيبون بنات لولدي.. انا غسلت يدي من تميم وحاكم
ضحك حاكم/قد قلت لتس،انسي بناااتي بس ما سمعتيني
وصايف وهي تحاول استفزازه/يابن الحلال، انت تزوج بالاول وبعدين كلمني عن بناتك
رد حاكم وهو يأخذ كاسة الشاي من يد والدته/خلاص قررت اخطب، هالشهر واتزوج
لم يصدقوا !!
يعرف الجد ان هذا الولد يحترق من الداخل،ولكن هو مثله لا يُوضح ذلك، تمنى لو انه لم يوافق على تسميته بنفس أسمه، فهاهو يأخذ نفس القدر ولكن بوجع مزلزل/بالتوفيق يا ولدي
اتسعت ابتسامة وصايف وهي تفرح له/مبرووك اخيييراً وعيت لنفسك
حاكم بابتسامه باهته/ابشرتس..عاد دورولي العروس
التفتت الى ام حاكم التي مازالت صامته/من هاللحين يمه ندور له صح؟..انا عندي كذا وحده براسي بس بالاول خلني اتأكد اذا هن مخطوبات او محجوزات
لم تعلق ام حاكم، فهي تعرف تماماً وهو اعترف لها بأنه يعشق توق وانه لو تزوج بأربع جميلات لن يغنينه عن ذكراها أبداً، تعرف تماماً انه يحتضر من الداخل،فهو رفض ان يمس احد غرفتها التي مازالت تحتفظ بملابسها وعطورها وكل شيء يخصها..!
تحدث وهو يحاول تجاوز مشاعره وعدم التعمق في حزنه امامهم/يا جماعه ترى نبي نمشي الليله.. الدوام اتصلوا بي ويبوني احضّر بكرا الصباح..
ام حاكم/ابشر يا ولدي.. هاللحين اقول لوصايف كود تستانس
غرقوا جميعاً في صمت وهم يحتسون الشاي..
صمت هو وثورة الحنين تقيم الاحتجاجات داخله وتحارب قراره بالزواج من غيرها.. ولكن لا فائده من انتظاره، قد حلف أيماناً مغلظه ان لا يعود لطلبها مجدداً.. و هم لن يردوها.. سيمضي في حياته ويحاول تجاوز عثرات قلبه..!
.
،
.
،
.
،
.
،
كعادتها في استوديو التصوير تجلس معظم الوقت بعدما اصبحت في الشهر الخامس ، قلّلت تواصلها الاجتماعي وزيارات الاهل ومناسبات العائله اصبحت معدومه، منذ ان اصبح بطنها يأخذ في البروز قليلاً ..
دخلت الجود بهذه اللحظات وهي تبتسم/السلام عليكم
تركت مكتبها وهي تتجه اليها وتسلم عليه/وعليكم السلام هلاابك جوودي
لاحظت تغيرها فهي لم تراها منذ فتره/يا بنت شفييك سحبتي علي.. يعني فصلتي من البنك معناته تقاطعيني! رحت البيت ومالقيتك.. وش يقعدك لهالوقت بالاستوديو!!
جلّستها وهي تبتسم وتتصل بالخادمه/ارتاحي وخليني اتصل بنسرين تجيب لنا قهوه
جود وهي تلاحظ وجهها شاحب، بشرتها بدت لها باهته/تووق شفيك؟ ترى اختك خايفه عليك.. البنت تقولي انك ماتطلعين من غرفتك الا لهالاستوديو وش فيك؟
ضلت صامته و الدمع يحتار في عينيها/..
اكملت جود/والله ماظن الحب يسوي كذا.. ناظري وجهك بالمرايه!.. شايفه اللي تحت عيونك كيف؟ امك واختك شايلات همك يا بنت.. كنتي بخير بعد الانفصال ..ليه هاللحين انقلب حالك..
دخلت نسريت ووضعت القهوه وانصرفت واغلقت الباب..
اخذت توق الدلّه وسكبت فنجاناً لجود/تفضلي.
اخذت الجود الفنجان وبدأت ترتشف منه قليلاً ثم تحدثت/حالك ماهو عاجبني.. ماتوقعت انك ضعيفه كذا.. والدليل جالسه اتكلم وماعندك رد واحد!!..علميني وش قلب حالك كذا
قررت البوح لها، لربما ترتاح،هي متأكده انها ستفهمها/انا حامل
سقط فنجانها وتدحرج بعيداً وهي ترمقها بصدمه/هااه!!
خافت من ردة فعل الجود فما بالك بإخوتها، نزلت دمعتها/اللي سمعتيه!
صمتت قليلاً وهي تحاول استيعاب الخبر وسألتها بهدوء/من متى؟
ردت بغصّه/توني مخلصه الرابع و دخلت الخامس من اسبوع
التفت إليها مستغربه طول المده/يعني من وانتي برماح!!..
هزت رأسها بالموافقه بصمت ..
تنهدت وهي غاضبه/لا تقولين لي انه مايدري
هزت رأسها بالنفي ودمعتها تتدحرج/اكتشفت الحمل بعد الطلاق… مايمديني اتصل به او اشوفه..
شعرت بالورطه وكأنها هي من تورطت، خافت لكن يجب ان تقف بجانب توق في ظرفها الصعب/توق… حاكم لازم يدري.. ترى ما يجوز تكتمين هالخبر عنه..
وقفت تتحدث بنبره باكيه وهي تشعر بالضياع/شلووون يا جوود شلووون ؟! انا حبيست ظروفي واهلي اللي ما يطيقونه، بطني يكبر يا جود وكلما يكبر اكثر أحس موتي يقرّب اكثر .
طرأت في بالها فكره،لا تعرف ربما تكون متهوره ولكن ستقولها/انتي بما انك حامل فتعتبرين للحين في العده لين تولدين،ما اشوف فيه مانع انك تتصلين به وتقولين له عن ولده.
خافت أضعافاً/لاااا يا جوود ما اقدر اسويها بعد اللي سواه اخوي بجاد فيه،والموقف اللي حطني فيه، دامه زوّر في اوراق محكمه فهو قادر يسوي اي شي…ماراح احتك في حاكم
ضاقت ذرعاً من اعذارها واسبابها/توووق انتي في وررطه لازم تخلصين نفسك منها.. حاكم لازم يدري قبل اخوانك، ترى لو عرفوا اخوانك بالصدفه راح تتمنين انك سمعتي كلامي..
صمتت وهي لا تعرف ما يمكنها فعله،هي في ورطه حقيقيه، حديث الجود صحيح تماماً حاكم يجب ان يعرف ..ولكن كيف؟!
جلست لترتاح..
هدأت الجود وهي تحاول تلطيف الجو، وهي ترى بريق عينيها ووجهها الباكي، حاولت الابتسام/ماني مصدقه انك بالشهر الخامس.. موو واضح عليك ما شاء الله..
التفتت عليها وهي تمسح على بطنها بخوف ويد مرتجفه/كل هالبطن ومو واضح..!! تستهبلين؟
ابتسمت رغم خوفها/عرفتي جنسه؟
لاحظت ابتسامتها التي في غير وقتها/والله انك راايقه!
بإلحاح/بالله عليك ماتعرفين جنسه يعني!! ،لا تسوين مثل هالحريم ،يعنني ما اعلم وخلوها مفاجأه
ضحكت فهذا لا يهم ان كانت لا تعرف هل ستلده ام انها ستموت قبل الولاده/والله ماعرفت جنسه..و ان عرفت يعني من بيهتم ههههه ترى محد يعرف غيرك.
صمتت لتفكر والتفتت اليها/شوووري عليك تبلغين حاكم، لا تظلمينه بعد هالمره كفايه المره اللي طافت ترى للحين وانتي رافعه ضغطي بخوفك الزايد
فكرت بما حدث لها كلّه، لا احد تذوق مرارة الذي مرت به،لها اسبابها لتخاف،هي لم تخاف من فراغ/جودي، انتي بالذات تعرفين اللي صار لي ..لازم تعذرين خوفي
ردت بجديه/كنتي تبين تحافظين على زوجك واهلك، لكن شوفي حالك هاللحين، ضيعتي حاكم و ما ريحوك اهلك، لانتي بالارض ولا طايله سما
عادت لتلتزم الصمت مجدداً جود معها حق، لكن كيف ستخبر حاكم، كلما تتذكر ورقة الطلاق يتمزق قلبها..!
،
.
،
.
،
في المكتب العقاري..
أنهى توقيعه وهو يبتسم للرجل الجالس أمامه/مبرووك عليك يابو حامد..
بو حامد/الله يبارك فيك..
سلمان وهو يبتسم/بارك الله للبايع وللمشتري.. تقهووا يا جماعه
وقف ابو حامد وهو ينظر الى ساعته/لا والله يا جماعه مشكورين.. عندي موعد عمل مهم.. عن اذنكم
تميم بابتسامة رضا/الله معك..
خرج الرجل والتفت سلمان الى تميم/الف مبرووك ياتميم تستاهل كل خير..
تميم/الله يبارك فيك.. عزالله ماقصرت معي
سلمان ممازحاً/هذي ماتمشي معي… نبي عشاء مررتب بهالمناسبه
تميم/تستااهل والله..
سلمان/هااه وش ناوي عليه..
فكر فيما كان ينوي فعله.. وابتسم/بتعرف كل شي بوقته..
،
.
.
|
28-11-15, 04:54 AM
جديد مواضيع قسم القصص المكتمله
العرض العادي
