البارت 19،،،

بلا مناسَبه ودآئما ، آنا آحبك !

خرج من الفله ركب سيارته البورش الحمراء وانطلق مع السائق،،تنهذ بآلم يغكر بريان المختفي يتصل عليه ومايرد تآلم على حاله اخوهه وقرر بعد الافتتاح ينفذ اللي براسه،، وسن اخته اللي مو متطمن على وضعها يحس فيها شي هوا اللي رباها وكان لها الابو قطع سرحانه صوت السايق :وصلنا طال عمرك انفتح باب السياره ونزل بكل شموخ واللي يشوفه يقول ماعنده مشاكل،،

_________________

طلعت غرفتها وبكتت بآلم صرخخت صرخه هزت الفله حياتها تلخبطت من بعد مادخل عماد بحياتها تكره نفسها وتكره خالتها وقررت تنتقم،،،

___________

دخل الشركه رفع عينه ولقى فيصل صديقه ببدلته الرسمي السوده وراكان نفس الشي ابتسمم لهم وحضنو بعض صار لهم سنه مالتقو اتجهو سوا وقص عماد شريط الشركه وتعالت الاصوات وتصوير الصحافه لبث الحدث
نتركهم يكملو حفلهم^^

_________________

ركبو مع بعض السياره ابتسم لها ها يوسونن وين نروح ببتسامه باهته اي مكان حبيبب مايهمم قطع نقاشهم صوت جوال سامي
رفع الجوال:هلا فراس
لا ولله مو بالبيت ليه
معاي وسن بنخرج
لاياشيخ تعب
طيب متآكد مافبها احراج
طيب طبب

وسن بلقافه مين؟
سامي طالع فيها وضحك ياحبك للقافه هذا فراس عازمنا ها نروح؟
امم يلا
واتجهو لفراس وفجر وايش راح يصير ؟

_____________
ام راكان :تعالو بالغرفه اجلسو مع بعض شوي
ريناد بحيا ماردت الا ان خالد عجبته الفكره وخرجو مع بعض لوحدهم .....

خالد دخل وسكر الباب وريناد اتجمدت بمكانها من الحيا
خالد: ريناد
ريناد- لفت عليه بدون رد-
خالد تنحح فيها وبجمالها فتح فمه ويناظر فيها من فوق لتحت انفتن بجمالها
ريناد انتبهت لنظراته استحت : ماتبي نجلس
خالد استوعب: هااا اي
ريناد وجهها احمر ومو عارفه شتقول ومرتبكه وحالتها حاله اما خالد قرر يتجرأ
خالد قرب وجلس بجنب ريناد : ماشاءالله تبارك الله ماتوقعت انك بهالجمال
ريناد ابتسمت له
خالد هنا داخخ ويسمي عليها بداخله
....... طولو ساكتين خالد يتكلم كلمتين ويسكت وهي ترد باختصار ولا تهز راسها
خالد: يلا انا بروح لرجال
ريناد ابتسمت وتقول جواتها اخخ اخيراً
خالد قبل لا يطلع باس رقبتها
ريناد اللي حمررر وجهها واختفت ملامحها من الحيا
خالد : اسف بس عشان مايخرب المكياج
ريناد طلعت بسرعه وخالد يضحك وتوجه للباب مع امه ...

مرام شافت ريناد اللي طالعه وجهها احمممر
مرام بلقافه تغمز: هااا ايش سويتو 😉
ريناد 😒
مرام تضحك: بسم الله ليه هالنظره عادي
ريناد: ماسوينا شي
ملاك تدف اختها: انقلعي وش بيسوا يعني توهم
مرام تناظر بوجه ريناد تتفقد: والله ياريناد الحمدلله وجهك سليم يعني ماسوى شي كويس
ريناد اتذكرت حركته ووجها قلب وتتهرب
رند فتحت الباب: ريناد يلا انزلي عشان نرقص لك وكذا
.
< ونخليهم ينبسطوا 💃👏💃
.
.

______________________________________
(اليوم الثاني - بيت ابو فيصل-)

مرام بكل هدوء : ياامي مابغى والله
ام فيصل : ولدهم والنعم فيه وانتي تعرفين كيف عيلة عمك وانتي وش زينتس كلن يبيتس -تبي شي يعوض بنتها-
مرام : انا لسى صغيره والعمر قدامي اللي يبيني ينتظر اتخرج
ام فيصل : طيب وافقي وتتملكو لما تخلصي وتعرسون
مرام : يامي ياحبيبتي الحين انا ياالله ياالله امشي بدراستي يجي احد يشغلني اكثر لا
ام فيصل : الله يهديك بس
مرام باسة راس امها وراحت للمطبخ تاكل
وام فيصل دعت الله يهدي بنته وخذت الجوال تكلم نواف -مسافر لشغل -

............................................................

_____________

فراس بصوت عالي:فجججر فججور بننت
طلعت فجر من غرفتها خيير شتبي
تجهزي في ضيف جاينا يلاا
طالعت فيه بصدمه ضيف وذا الوقت
ضحكه على تفكيرها يلا بسرعه وانا بجيب عشاء وخرج ومارد عليها
وتنسا ان اخته تخخاف من الجلسه بالبيت لحالها

_____________
فيصل بالمكتب ب لبسه الرسمي مرجع ظهره على الكرسي ويشرب قهوته ويفكر :بيكون قراري صح لو اخذتها وفكيتها من اجبار اخوهاا ولا اخاف يشكو ان فيه شي بالموضوع وتنضر -تنهد واتصل ع ملاك-
فيصل : هلا ملوكه كيفك .... ايوه ايش صار مع ريهام ..... اخوها ذا مخه ايش ؟؟ .... دام من خوة محمد الشكوى لله هالولد ولد استراحه ماهو ولدنا لي اسبوعين ماشفته ....المهم بجي شوي البيت ابي اكلمك عن موضوع صاحبتك اكثر انتظريني ... اوكي باي
فيصل حط جواله ع المكتب وتنهد يناظر حوله ولقى ورق قدامه واخذه يقرا فيه

_____________________________________

ماجد : والله ياريم غيرت رايي انا وحنين بنصبر كم شهر كمان ونتملك
ريم بقهر : طيب وامل !!
ماجد: امل الله يستر عليها تلقى اللي ياخذها
ريم : ماجد لاتجنني شلون تكلمها وعرفت انها لسى تحبك وبايعه كل شي عشانك وتتركها كذا تتسلى فيها
ماجد حط ايده ورا راسه وميل نفسه ع الكنب : والله انا ماقلت لها حبيني وراسليني ع الجوال
ريم بنرفزه وتحاول تتمالك نفسها: رسلت صورها ؟؟
ماجد بطرف عينه: هه صورها وفيديو وطلعت قدامي باللبس ماينطلع فيه كل شي ببالك سوته
ريم بصدمه تنحت فيه : امممل سوت كذا
ماجد يمد جواله عليها : تبين اوريك !!
ريم : حيوان تتسلى وتملي عيونك وبتتركها وتاخذ حنين شذنب البنتين فيك
ماجد : ذنب حنين اني احبها وتحبني وشي زين الحمدلله اما امل حبتني وانا احب غيرها شذنبي انا
ريم قامت بقهر : صدقني بتلقاها بدنيتك والله -وراحت لغرفتها-

______________________________________

-ريناد تتمشى بالحديقه - < لابسه بنطلون عودي وبلوزه لون ابيض ضيقه باكمام لنص الايد ...

ريناد: ههههههههههههههه والله حلو اشبك
خالد : اجل خوخي دلع وبعد حلو من جدك
ريناد : هههههههههههههههه ايش تبيني اقولك
خالد: خالدي خلودي خويلد تهوون بس خوخي ليه !
ريناد : طيب خلودي
خالد : خلاص موافق المهم بكره ونزوج ابوكك
وكم شهر نتزوج
ريناد: مو متخيله ابوي بهالعمر وبياخذ بنت من عمر رند حرااامم
خالد: شنسوي عاد ملك والزواج هاليومين وابو البنت يبيها
ريناد: يلا الحمدلله
خالد: المهم ترى مابجي عشان زواج ابوك وكذا واتوقع البيت مع امك متوتر الاسبوع الجاي من الصبح عندكم
ريناد : اجل من الصبح خلك اجل مابصحى لك
خالد بتحدي : نشوف بتصحين لي


_____________________________________

-بالاستراحه-

محمد: والله زمان عن امي افكر اروح بكره لها
ناصر : لالا لاتروح رحت وانسدت نفسي ورجعت
محمد: ليه سلامات
ناصر : من اختي المتخلفه شسوي
محمد: وش سوت كمان
ناصر : خاطبها ولد خالتي والولد زين مافيه شي وعنده فلوس وخير وابي نزوجها ونرتاح خلاص ليه للحين عندنا لازم تتزوج
محمد: دلع بنات والله كم كف يعدلها وتوافق
ناصر: والله شكل اخرها كذا بسكت كم يوم مالي خلق ازعاج
محمد: الحمدلله عايش هنا لا ادري عن احد ولا ازعاج ولا شي الا الشايب كل يومين متصل يعطي نصايح واعطيه ع جوه واسكر
ناصر : ههههههههه زاحف

_____________________________________
بغرفة فيصل -
ملاك لابسه برمودا سماوي وبلوزه ابيض عاريه -

ملاك : شوف انا عندي استعداد تشوفو بعض ولو تبي الحين عشان نخلص السالفه بينا وماتطول قبل يتمادى اخوها والبنت حطت املها فينا وانت ماعليك بس شوفها وهي تشوفك تاخذو وتعطو وانا بكون جالسه معاكم عشان ماتصير خلوه و اخلي مرام برا تشوف اذا احد جى تصرفه وكذا
فيصل : خلاص انا موافق بس قوليلها تجي ونتكلم مع بعض ونتوكل على الله
ملاك ودموع الفرحه بعينها ضمة اخوها : حبيبي حبيبي الله يسعدك يارب ويوفقك ويسعدك وكل شي وجعلها تكون نصيبك يارب خليك انت اشوف تجي البنت الحين ولا لا
فيصل: طيب لا تقولي لها اشوفها وكذا لان مراح ترضى
ملاك تنط من الفرحه اكيد اكيد : اكلمها بالغرفه وارجع لك خليك
- ملاك تكلم ريهام بفرححه والدموع بعينها -
ريهام تضحك: يابنت اشبك ماني فاهمه حاجه ترى
ملاك : ابيك تجيني مروقه مرررره وابي تزيدي رواقي وبنفس الوقت اغير لك جو
ريهام : مممممممممم
ملاك قاطعتها : مافي امممم يلا استناك بنزل اسوي لك حلا وقهوه اتزبطي لا تجي ببجامه وكشه ومبهذله تسنعي
ريهام شهقت : ليه عمري جيت لك مبهذله
ملاك تضحك: ههههههههههههه لا بس عشان تفتحي لي نفسي وافتح لك نفسك اكثر
ريهام : طيب نص ساعه واكون عنك
ملاك : قولي لامك الليله سهره
ريهام : تمام 👌
ملاك سكرت الخط وراحت تجري تقول لفيصل ياجهز وعدت ع المطبخ تسوي حلا سريع--

_____________________________________
-بغرفة راكان ببجامته -

وعد: عيون وعد وقلبها وروحها وكلها انت
راكان : ياربيييييه ترى هالكلام مااتحمله انا
وعد: اجل تبي ماقوله هاه ؟!
راكان بضحكه: لا قوليه بس ماعرف ارد عليه مع الايام تعلميني
وعد : حبيبي انت
راكان : هههههه يابنت
وعد : ههف خلاص بسكت
راكان : نفسي اشوفك لكن خايف نتمرد مره على مره واجيب لك مشاكل
وعد: فوق مااكلمك ليل نهار تبي بعد تشوفني بتمل مني
راكان: وتظنين ممكن امّل منك
وعد بدلع : مممممممممم مادري
راكان : لا مو مدري تدري ماامّل منك ابدن
وعد: ياربي ويلوموني فيك
راكان بتردد: وعدي

وعد: عيوني
راكان: قلت لك ابوي بعد بكره بيتزوج
وعد مافهمت ايش بيوصل له: اي ؟؟
راكان: والله خايف امي بعد زواج ابوي يزيد عنادها وماتخطبك لي
وعد : مهما كان دي امك وش بتسوي بتعند
راكان : تدرين لو مااخذتك ماباخذ غيرك
وعد : ........(لارد)
راكان كمل: والله من يوم تخرجت من الثانوي درست جامعه برا وجبت الشهاده وجيت اشتغل بشركة ابوي ومااعطيت نفسي فرصه اشوف نفسي وحياتي كلها راحت بالشغل والصدفه جمعتني فيك وانجذبت لك بشكل خلاني بدون شعور اهتم بنفسي واشوف نفسي شوي وانتبه ان مو كل الحياه شغل في اشياء اجمل بس تنتظر منك تعطيها فرصه مو مستعد اتزوج وحده مانجذبت لها او ملت انتي وبس سمعتي !!
وعد: أحبك والله
.
.

السلام عليكم؟
في احد بيقرا الروايهه ولا لا؟

السلاام عليكمم اعتتتذر على التآخير مريتت بظروف والحمدلله على مل حال اوعدكمم ببارتتت بكرهه