حلوة مرة ،،، بس متى بتكمينلنها اشتقنا نعرف ويش يلي صار

احلام تناظر وتين بنص عين.: ردي على روميو من ساعه وهو يتصل وانتي ساحبه
وتين ووجها احمر : عما اسكتي مابي ارد الحين
احلام مسكت مريم :يالله خلينا ننزل ونخلي جولييت تبي تكلم روميو
وطلعو
ردت وتين على جوالها
وتين : هلا
########
عند الرجال
وليد رجع عند الرجال بعد ما اخذ قهوه ووجهه معفوس
قرب من خالد وناداه : خالد ابيك برا شوي تعال
خالد حس ان فيه شي : طيب يالله جايك
طلع خالد مع وليد
ركب وليد سيارته
وليد : خالد ابي اقولك شي مهمم حيل
خالد : انا اسمعـ... قطع عليهم اتصال جواله
..: السلام عليكم
خالد : وعليكم السلام
..: خالد حمد ال..
خالد : امر
..: معك ماجد ال ..
خالد بفرحه : ياههلا وينك يارجال وش هالغيبه
ماجد : ياهلا بك .. كيف حالك ؟
خالد : الحمدلله ... انت طمني عنك عساك طيب
ماجد : بخير دامك بخير الصراحة اتصلت عليك ابي ابارك لك و اقابلك بكره اذا ممكن
خالد : الله يبارك فيك وعقبالك .. بكره المغرب اشوفك فـي (...،،،)
ماجد : تسلم يابوحمد..خلاص بكره اشوفك.. مع السلامه
خالد : في امان الله
سكر جواله
خالد لف على وليد : ايش عندك ياوليد تكلم
وليد سرحان : ها لا خلاص بعدين اقولك
خالد بأستغراب : وليد تكلم فيك شي
وليد ابتسم حس انه مو وقته (بكره بقوله كل شي) : لا مو شي مهم
خالد نزل : طيب يالله نرجع
وليد : روح وانا جاي بعدك بس شوي
خالد راح وبقى وليد لوحده
وليد يفكر ب كادي ليه سوت كذا ليهه تحاوول تشوهه سمعت وتين لييهه (كان مقهور) انا حبيتها من كل قلبي ليه سوت كذا ليهه /

خالد نزل رجع عند الشباب شوي وبعدين راح ييتصل على وتين اتصل اول مره ثاني مره ماترد عصب منها اتصل ثالث مره وردت
وتين : هلا
خالد بعصبيه : اخير مابغيتي تردين
وتين استغربت عصبيته : البنات كانو عندي ماقدر ارد عليك
خالد بنبره حاده: طيب وليه اتصل عليك. من اول مشغول من كنتي تكلمين ؟
وتين : ماكنت اكلم احد اصلا جوالي ماكان معي
خالد بهواش : وتين لاتكذبين من كنتي تكلمين
وتين بكت : يعني منو ماما ولا بابا ولا اخواتي ماعندي احد اكلمه ليه تصرخ علي كذا _بكت
خالد ندم انو هاوشها : وتين انا اسـ..
وتين قاطعته بصوت مبحوح : ممكن اسكر ابي انام
خالد :لاتنامين بكلمك الساعه 12 طيب
وتين : طيب مع السلامه

وليد سمع كل المكالمه ضاق صدره اكثر (انا لازم اقول ل خالد كل شي بكره بس ايش يخليني اصبر ل بكره يالله صبرني)

خلصت الحفله على خير والكل راح على بيته
الساعه 12 بالليل

وتين نعسانه : اهه تعبت اليوم كثير
احلام جالسه على الارض : اي وربي انا تعبت بعد رجولي تعورني
وتين : وانا كمان
احلام : وتين انتي تحبين خالد ؟
وتين سكتت شوي واخذت نفس : خالد من زمان كنت احبه بس اخفي هالشعور او اكذبه عشان ما اتعلق فيه
احلام / يالدبه وبدون ماتقولين لي
وتين ضحكت / ههههههههههههههه مدري احس ماينفع اقوله كنت اخاف اتعلق فيه
احلام بتردد : انا بعد بقولك شي
وتين : قولي اسمعك
احلام / انا انـ..ا
وتين : ايش فيك متردده
احلام بسرعه : انا احب بندر
وتين ضحكت : طيب ايش فيك خايفه
احلام بجمود : لاتضحين انا من جدي خايفه خايفه اتعلق فيه مثل ما انتي كنتي خايفه من خالد
وتين كانت تفكر ب كلامها
احلام وقفت : طيب بخليك تنامين تصبحين على خير
وتين : وانتي من اهله سكري اللمبه وانتي طالعه
احلام سكرت الضوء وطلعت
غفت وتين وصحت على صوت جوالها
وتين اكيد خالد عدلت جلستها اخذت جوالها وردت عليه
خالد : الو
وتين بصوت كله نوم :هلاا
خالد :هلا بك.. نايمه
وتين : اي
خالد : طيب تبين ترجعين تنامين
وتين بدلع عفوي / اي حياتي نعسانه
خالد ذااب من كلامها : طيب نامي وبكره اكلمك تصبحين على خير
وتين : وانت من اهله
سكرخالد جواله
(كان يفكر في وتين وقلبه وعقله في صرع كيف قلبه يحبها وعقله يقول هي خاينه (اهه ياوتين لو ماسويتي كذا لو كنتي بريئه كنت الحين انا اسعد أنسان )

بعد عدة ايام عاشوها ابطالنا بمرها وحلاها
وتين حالها مو زينه مع خالد صأر بالفتره الاخيره يرمي عليها كلام يجرحها لين صارت بعض الأحيان تطنش مكالماته ويهددها لو ماردت بتشوف شي مو زين منه خالد :موقادر يترك انفعالاته عليها كان يشك فيها بالدقيقه قلبه يقول انها مالها ذنب وعقله يقول كيفف ماتصدق اللي سمعته ذاك اليوم صحى من النوم على صوت المنبه كانت الساعه 10 قام غسل وجهه وبدل ملابسه ونزل تحت لقى جدته وابوه وامه جالسين بالصاله يتقهون : صباح الخير
الكل : صباح النور
ام خالد :شلونك يمه
خالد :الحمدلله بس يمه جوعان
ام خالد وقفت : ابشر يمه الحين اجيب لك الفطور
خالد : تسلمين يالغاليه
ابوخالد :متى تبي تحدد العرس
خالد : نخليه بعد شههر احسن
ام حمد : احسن وانا امك عشان يمدي العاروس تتجهز نفسها
ابوخالد : على خير ان شالله
جابتت ام خالد الفطور وافطر خالد بعدها طلع مع صديقه عمر ++++++++++++
في مكان ثاني ب عاصمة الضباب كان يكلم اهله يبشرهم انه تخرج ..: ابشرك يا ابوي تخرجت وان شالله برجع الرياض بشهادة وارفع راسك
ابوبدر : عساه مبروك يابندر ان شالله ترجع وتفرحنا بشوفتك ونزوجك
بندر : ان شالله يارب .. كيف امي واخواني واعمامي
ابو بدر : الحمدلله ماعليهم وابشرك خالد تخرج وحدد موعد زواجه
بندر : ماشالله من زمان ماكلمته ان شالله بكلمه وابارك له
ابو بدر : متى تجي الرياض
بندر : ان شالله يوم الخميس الجاي
___________
اعليهم الحمدلله الحين خالد يبي ياخذ وتين ل مطعم يبون يتعشون برا
ام الجوهره : الله يتمم لهم
ام الجوهره (طيبه وقلبها حنين بس بناتها ماطلعو عليها قلوبهم سواد والكره ماليها والحقد )
سكرت من اختها كانت الجوهره جالسه عند امها وتسمع كلامها جات تستفسر : يمه من اللي تدعين لهم
ام الجوهره : خالد ووتين
الجوهره : اي وش اخبارهم
ام الجوهره : خالد يبي ياخذ وتين ل مطعم يتعشون اليوم فيه
الجوهره بقهر : الله ياخذها هي وياهه
ام الجوهره عصبت عليها / انتي ماتستحين بس تدعين على الخلق وهم ماسوو لك شي خليهم بحالهم _وقامت من عندها
الجوهره مدت بوزها منقهره وتدعي عليها لو انها ماخذه هي خالد كان الحلال كله لها كانت تبي تبدا بخطتها عشان تفرقهم عن بعض

عند وتين _
كانت حايسه الدنيا وتدور لبس مناسب اتصلت على احلام تجيها لغرفتها وجتها
وتين :حلومه تكفين ساعديني ابي لبش حلو مادري ايش البس
احلام : اصبري انا بدور لك شي طلعت لها تنوره بيضاقصيره عليها ورد اسود كبير دانتيل وبلوزه سودا ماسكه على جسمها و اكمام كت مايل يعني وصدرها واكتافها كلها طالع سوت شعرها ستريت ورافعه شوي منه ونزله خصل على وجهها ومسويتها فيرر وعملت ميك ابد ناعم كحل فرنسي وروج خفيف لبست صندل عالي اسود (يكرمكم الله) و لبست اكسسوارت كانت متردده تلبس دبلتها ولالا بس خافت يهاوشها اذا ماشافها وقفت قدام المرايه تعطرت بعطر ب شانيل تناظر شكلها برضى
احلام تصفر بأعجاب : اوهه يامزه بتقتلين اخوي اليوم
وتين حمر وجهها : دبه انطمي
لبست عباتها ونقابها لان من ملكو منعها تلبس لثمه زي اول بس عباة الكتف تغاضا عنها عشان هالفتره بس
اتصل عليها وقال لها تنزل له هو بالسياره اخذت شنطتها ونزلت له
شافته واقف عند سيارته وكاشخ وشكله جذاب اول ماشافها ابتسم لها ابتسامه عذبه وفتح لها الباب وركبت على طول هو راح وركب وحرك السياره
خالد : كيفك
وتين بصوت هادي : تمام
انتبه ل الدبله بيدها وابتسم مسك يدها وباسها وحطها على خده
وتين انحرجت منه ومستغربه من حركته كيف يعاملها شوي ترك يدها حس انه احرجها
عم الهدواء لين وصلو انتبهت انه فندق مو مطلع.
وتين بتعجب : خالد ليه جايني ل فندق مو على اساس مطعم
خالد لف بجسمه لها وهو يناظر عيونها اللي فتنته : جبتك هنا عشان تاخذين راحتك واخذ راحتي بالكلام
سكتت وتين
نزل وفتح لها الباب نزلت ومسك يدها لين وصلو الرسبشن اخذ مفتاح السويت كان مجهز العشا فيه لشخصين اول ماوصلو قالها تنزل عبايتها نزلتها وعدلت نفسها وكثفت عطرها اول ماشاف شكلها انبهر بجمالها لما شافت نظراته لها حست بأحراج خالد انتبه على نفسه : تفضلي جلست على الكنبه وهو جلس جنبها قدم لها باقة الورد ابتسمت وتين ومستغربه من تصرفاته اليوم

خالد شاف بعيونها نظرات الحيره والخوف مسك يدينها : وتين انا عارف انك مصدومه من اللي قاعد يصير ومستغربه انا حسيت ب خطأي وجاي اصحح ونادم على كل مره زعلتك فيها وخليتك تنامين مقهوره وتين انا بعترف لك. سمعت كلام خلا عقلي يجن تزوجتك وانا اكره نفسي وكانت الوساويس ب راسي ونسيت الحب اللي كنت اكنه لك من فتره طويله وتين انا عرفت الحقيقه وابيك تسامحيني

وتين كانت تسمع كلامه ودموعها على خدها كانت عارفه ان الجوهره وكادي يشوهون ب سمعتها بس ماتوقعت ان خالد عنده علم
خالد مسح دموعها بيده : وتين انا جايك ابي افتح صفحه جديده ننسى الماضي ونعيش مع بعض _ اخذ نفس _ وتين انا احبكك ااعشقك والله يشهد علي كنت احبك من زمان
وتين ابتسمت له وهي تمسح دموعها : انا كنت عارفه ان الجوهره وكادي كانو يتكلمون عني في كل مره يرمون علي كلام بس ولا مرره خطر في بالي انك ممكن تكون سامع شي منهن بس كنت مؤمنه بالله وعارفه نفسي ماغلطت بيوم _حطت يدها على فهمها تخفي شهقاتها _ بابا كان مشغول عني ماكان معي احد ابدا لا ام ولا اب ولا اخوات كنت وحيده كانت زوجة بابا تعذبني كنت اتعرض للاهانه والكلام السيئ خالد انا مابحياتي غلطت وانا بريئه منـ.. _خالد حط ايده على فمها : اشش انا عرف بأنك بريئه ورب الكون عارف جاي اصحح غلطتي ونعيش مع بعض وننسى الماضي
وتين ضمته طلعت كل القهر والذل اللي عاشته بسبب الظلم : خالد لاتتركني
خالد ضمها له اكثر صدقيني ماراح اتركك ابدا وهذا وعد مني بعدها شوي عنه ومسح دموعها :طيب خلاص اتركي هالبكاء وشوفي ايش جبت لك هديه
ابتسمت لما شافته حامل بيده صندوق مغلف بكشل جميل وانيق قالها تفتح وقفت وفتحته كان فيه صندوقين واحد كبير والثاني صغير اخذت الكبير وفتحته كان عباره عن طقم الماس كان شكله رهيب وفخم اخذه خالد من يدها ولبسها اياه قالها تفتح الصندوق الثاني كان عطر


خالد كان مبسوط لما شاف الفرحه بعيونها كانها من سنين ماشافتها طبع على خدها بوسه : يالله نتعشى عشان نجلس شوي ونرجع البيت
ابتسمت وتين له : طيب يالله
جلسو وتعشو وكان الجوو هادي وكل منهم يحمل بقلبه حب ل الثاني
بعدها جلسو شوي وقالها عند تحديد العرس وتكلمو بأموره اخذهم الوقت وصارت الساعه 9 وطلعو للبيت لازم يرجعها حسب اتفاقه مع ابوه اول ماوصلها البيت جات تبي تنزل مسك يدها وباسها : احبك
وتين صار وجهها احمر نزلت بدون ماتقوله شي
وقف يناظرها لين دخلت البيت ومشي يحس براحهه نفسيه لانه قدر يطلع من هالصراع وعرف ببرائتها اتصل على وليد وقاله بيمره
وتين اول مادخلت لقت ساره واحلام جالسين بالصاله دخلت عندهم وسلمت مسكو معاها تحقيق وش صار وش قالك وش قلتي له وتين انحرجت طبعا ماجابت طاري اللي صار بس ورتهم الهدايا وهم يضحكون عليها وعلى حياها
شوي وصعدت غرفتها وبدلت ملابسها وتحممت واخذت العطر اللي جابه لها وتعطرت منه ونامت ماكان فيه اي طاقه تفكر باللي صار نامت على طول

الصباح صحيت على صوت جوالها رفعت جوالها كان خالد المتصل ردت عليه
خالد : يسعد صباحك ياكسوله
وتين تكلمت بصوت مبحوح ومبين عليه التعب / حرام عليك مو كسوله بس ابي انوم
خالد خاف عليها / ليه وش فيك؟ صوتك مبين تعبانه
وتين : لا بس كحه بسيطه ان شالله بتخف
خالد : طيب قومي تجهزي بقول لابوي عشان اوديك الطبيب
وتين بدلع : حياتي ماله داعي شوي وبتخف واذا ماخفت بقولك طيب
خالد : طيب ياروحي براحتك _ سكر منها خلاها ترتاح مع ان صوتها مايطمن
فكر ب الجوهره وكادي خلاص بيتركهم بحالهم بعد ترجي من وتين لاكن لو تعرضو لها مره ثانيه بيكون العقاب عسير

ثاني يوم الخميس --
اليوم العزيمه في بيت ابو خالد لانه اصر على اخوه هو يسويها _عازمين ناس كثير عشان تخرج خالد من الكليه وتخرج بندر ورجوعه من برا
كانت الساعه 12 الظهر ووتين واحلام بالمطبخ يضبطون الحلويات
وتين بعد ماخلصت : افف خلص انا بروح اتحمم وابداء اتكشخ
احلام وهي تشتغل : طيب وانا شوي واخلص اللي بيدي واجيك
طلعت وتين الدرج كان شكلها مبهذل من الشغل دخلت غرفتها وجلست على الصوفا تريح دق جوالها اخذته بدون ماتشوف من
وتين : الو
و وهم:.. وتين وحشتيني اووي