{البارت الثالث }

{لا تلهيكم القراءة عن الصلاة و ذكر الله ...
(ملاحظة:العم إلياس عنده ولده ماجد زوج جود)

في صباح يوم جديد ..

استيقظ قبلها ونزل عند امه في الصالة كانت تتفرج ..

محمد:صباح الخير

ام محمد :صباح النور ..

محمد :بنفطر ونمشي على البيت بسرعة

ام محمد:ليش خلي اروى هنا تتعرف على بنات عمانها
محمد :خلاص المرة الجاية

ام محمد :مدري عنك
باس راسها وخرج شافهم جالسين يفطرو العيال انضم معاهم ..

صحيت ما لقت محمد جنبها اتروشت وخرجت مالقت احد بس الحريم ..

اروى :صباح الخير (وراحت تسلم عليهم)

ام ساري:كذا البنات مو الدجاجات اللي نايمين فوق

ام مهند :ماشاءالله تنام بدري و تصحى بدري

ابتسمت : احمم .. شكراً
العمة تهاني:قومي يا اروى صحيهم بالله عليكي

وهيا قايمة :طيب

.. دخلت الغرفة و فتحت النور ..

اروى:بنات هيا قومو

خديجة :انقلعي برا

اروى: عشاني

صبا وهيا تصرخ بصوت يفجع: اطلعي براااا

اروى انفجعت:طيب بسم الله

صبا :اقفلي النور ..
اروى:طيب طيب (قفلت نزلت وهيا باقي خايفة )

اروى:ما يبو يقومو

العمة تهاني :هادي صبا اللي صرخت صح

اروى هزت راسها ..

تهاني :ما تتأدب كم مرة قلتلها تبطل بس مافي فايدة


ابتسمت وخرجت الحديقة شافت معاذ و عادل و امال و هديل جالسين يفطرو فوق طاولة لحالهم راحت عندهم ..

معاذ : اروى تعالي اجلسي جنبي

راحت جلست جنبو وشافت نظرات هديل لها :اححم .. معاذ مين اللي معاك

معاذ :هذا عادل و اللي معاه امال

امال :انتي اروى صح

معاذ :ايوة

امال :كلمتها ولا كلمتك

معاذ :انا وهيا واحد

اروى طلت في هديل شافتها زعلانة :حتى هديل معانا

ابتسمت وطلت في اروى راحت جلست جنها وحظنت يد اروى :صح معاذ يحبك اكثر مني بس انتي طيبة مررة عشان كذا سرت احبك ولا لو وحدة غيرك كان وريتها شغلها

اروى:حتى انتي طيبة

امال :ترا انا اغار

عادل:تغاري و انا هنا

اروى:هههه (حتى الاطفال )

معاذ :خلاص هيا ناكل (جلسو ياكلو و سوالف وضحك اندمجت معاهم )..

كان من اول يشوفها ضحكتها كلامها كل شي فيها يجذبه راح وقف وراها وغمضلها عيونها وقلهم يسكتو ..

معاذ يقلد صوت محمد :انا مين

اروى تحس اليد :لالا مو معاذ يدك مو كذا ... اممم يمكن عادل

عادل :يعني انا يدي كبيرة

اروى وهيا تشيل اليد وتلف :محمد

محمد :ما عرفتيني

اروى :لا والله
حط يدو وراء ظهرها وقربها منو اروى كانت منحرجة لأن الاطفال كانو فيه ..

هديل :محمد ليش ما سلمت عليا ولا نسيتني لما اتزوجت اروى

محمد ساب اروى وراح شال هديل :وحشتيني ماشاءالله كبرتي

هديل :حتى انتَ وحشتني .. محمد وديني الملاهي من زمان ما خرجت معاك

طل في ساعته :اوكي هيا تعالي في وقت

معاذ بهمس لأروى :عرفتي ليش اقولو معتوه

اروى:ههههههههه

كلهم لفو عليها :ليش تضحكي

اروى:ها ... لا بس افتكرت شي

معاذ مسك اروى :تعالي ندخل

محمد انقهر من اخوه وسحب اروى :ادخل لحالك

معاذ :ههههه يغار

محمد :مين قال اغار

امال :باين انك غاير

هديل :من جد من ايش يغار

معاذ :يعني انتي معاه

هديل :اكيد ترا هذا محمد

معاذ سابهم ودخل... هديل :هيا محمد نروح الملاهي

اروى :ليش تزعلي معاذ

هديل :مافي شي يزعل

اروى :طيب (جات تبا تروح عند معاذ بس محمد سحبها )..

محمد :فين رايحة

اروى:عند معاذ

محمد :تعالي معايه

هديل :و الملاهي

محمد :بعدين
طلعت اروى لسانها ل هديل وحوطت محمد من بطنه ودخلت معاه عشان تقهر هديل ..

دخلو شافو معاذ جالس و يحرك رجولو راحت عنده ..

اروى:معاذ زعلان

ابتسم :لا ليش

اروى:مدري حسيت

معاذ:لا مو زعلان

اروى:ما صدقتك بس هيا

محمد :هيا اروى بنروح البيت

معاذ :لا خلي اروى هنا

محمد :مالك صلاح زوجتي و باخذها

اروى:محمد ما ابا اروح

محمد :مو بكيفك ... هيا قومي

قامت وهيا زعلانة راحت غرفت محمد جابت شنطتها و الطرحة ونزلت :هيا محمد

معاذ :اروى لا تروحي

مسكت خدو :بعدين تعال عندي المرة الجاية طيب

معاذ هز راسه ..(وراحو )..

..

بعد وقت صحيو البنات وكانو يدورو اروى ..

خديجة :ماما فين اروى
ام ساري (العمة تهاني) :راحت بيتها

خديجة : لاااااا ليش ما قالتلنا

ام ساري : ساعة تناديكم ولا كأنكم تسمعو

خديجة ااف (وراحت عند البنات )

خديجة :بنات اروى راحت

البنات :لاااا

خديجة :ياريت صحينا

صبا :قهرتني صرخت عليها بقوة

فجأة دق جوال سما اعتذرت وقامت ..

صبا :ايوة ساري

ساري:ايش ايوة

صبا :يعني ايش فيه ليش متصل

ساري :زوجتي وليش ما اتصل

صبا :انا زعلانة

ساري :يا قلبي على الزعنانة مين اللي مزعلها

صبا :من يوم جينا ايطاليا ما افتكرتني الا دحين وكمان شفت البنات المكشفين بعدين تسيبني

ساري عصب من كلامها بس حاول يهدي نفسه :صبا .. انا لمن دحين ما خرجت من بيت عمي
عمي ترا لسانك مفلوت يا سما تقولي اي شي

سما : بس من جد ما سرت تكلمني

ساري و هو يصرخ :امس وصلنا ايطاليا وجلسنا في بيت عمي و دوبي صحيت اتصلت عليكي .... اصلا انتي تحبي تنكدي على الواحد (وقفل في وجهها )..

دمعت عيونها :المفروض ما اقوله كدا اااف ياربي (ودخلت الفيلا )..

كانت اروى حاسة بنشاط ما تدري ليش قامت اخدت شور وطلعت لبست تيشيرت كبير عايها شوية وبنطلون ماسك لمت شعرها وخصلها سارت تنزل على وجهها وهيا تحاول ترفعها ..

جا من وراها ورفعلها الخصل ومسكلها شعرها بالمطاطة ..

اروى:متى صحيت ؟

محمد :ما نمت

اروى :ليش ؟

محمد :ما قدرت

اروى :اامم اقولهم يحطولك الغدا

هز راسه بالنفي ..

اروى :طيب .. طيب انا .. انا بروح تحت و ..وو بروح تحت طيب (ولفت تبا تخرج )

مسكها من خصرها ولفها عليه سارت ترمش بعيونها بسرعة وقلبها يدق بقوة مسح على عيونها وكان حاطط يده عليها :لعد ترمشي

شالت يده من عيونها و هيا تحاول ما ترمش :بروح اشوف ... ء .. بروح ا اكلم جوري

محمد:ليش تتهربي

اروى:ما اتهرب بس .. بس بروح (وخرجت اخذت نفس عميق بعدين خرجت الحديقة جلست تتمشى قربت من المراجيح وجلست تتمرجح اما محمد طلع غرفته جلس يتأملها من الطاقة الكبيرة دق جواله )

ماشاف الاسم :نعم

اميرة :خلاص يعني نسيتنا حتى سرت تقولي نعم

محمد :اميرة حياتي وحشتيني

اميرة :صح وحشتك وليك مدة ما كلمتني

محمد :اعذريني بس من يوم رحتي مالي نفس شي

اميرة :مو قلت بتطلقها

محمد :ايوة طبعا بطلقها بس مو دحين لان الاهل كلهم عندنا

اميرة :محمد تنام معاها ؟

محمد :لا اصلاً قلعتها تنام فوق الكنب اخسي تنام معاية

ابتسمت وحست انه من جد يحبها :ااااه ريحتني

محمد :لا تخافي محد بياخد مكانك في قلبي (وجلسو سوالف لليل )..

عند اروى كانت جالسة في الصالة طفشانة وهيا تسمعه يضحك بس ما تدري مع مين و ليش بعد دقايق نزل عندها وجلس فوق الكنبة يطل فيها وهيا حاولت ما ترمش بس ما قدرت لانها كانت متوترة :كم مرة قلتلك ما ترمشي

طلت فيه وشالت عينها بسرعة ولفت وجهها ..

محمد (الله يصبرني عليها هيا ما تستاهلني لازم تتزوج غيري و تعيش حياتها البنت صغيره و انا اعاملها كدا ) :احمم .. اكلتي شي

هزت راسها بلاء ..

محمد :تبي تروحي عند البنات

ما صدقت خبر ونطت :ايوة اييوة

محمد :ولا اقول خلاص لاء

بانت عليها ملامح اليئس :طيب ليش

محمد :كيفي حر ما ابا اوديكي

اروى: طيب شكراً

(ابتسم على جنب و خرج من البيت على بيت ابوه ...



جوري :بنات محمد جا بس ما جاب اروى معاه

خديجة :اصلاً اخوكي يقهر

صبا :مرة بعدين

ريناد (ليش حظي كدا انا ابا محمد من يومي صغيرة يعاملني كدا ليش ما يحبني بس عشان زوجته حلوه يعع والله انها عفنة يارب ساعدني اخرج من الحالة اللي انا فيها )

…سما و امل كانو جالسين مع الحريم اما جود قاعدة في غرفتها مع زرجها ماجد اللي جا متأخر والبنات الباقيين صبا و جوري و خديجة و منال و ريناد و ارام و لمى ..

.. عند جود و ماجد كان منسدح فوق السرير وهيا جنبه ..

جود :ماجد لا تروح و تسيبني كلم سيدي و شوف ايش يقول

ماجد :انا ما ابا اسيبك بس عارفة الضروف

جود :ممرة توحشني

ماجد :جود اذا من جد تحبيني خليني اسوي اللي براسي

جود وهيا مو فاهمة :ايش اللي براسك ؟

ماجد :ابغاكي

جود انحرجت :طيب.. حلالك

ابتسم وغاصو في عالمهم ماجد كان حاسس ان خطته راح تنجح ويخلي جود تعيش معاه اذا حملت ..


..عند العيال كانو الرجال مع بعض والاولاد مع بعض اما على معاذ و شلته جالسين في البيت الشجري يلعبو بلستيشن وكل وحدا تشجع حبيبها ..

ابو محمد :اقول محمد فين اروى داخل مع البنات ؟

محمد :لا

ابو محمد :فينها اجل

محمد :في البيت

ابو محمد :لحالها ما تخاف عليها ؟

محمد :لاء

ابو ساري شاف انه اخوه عصب :خلاص يا بو محمد يمكن تكون تبا ترتاح وشوية يروح يجيبها صح يا محمد (وهو يغمز له )

هز راسه بنعم .. ابو ساري :شفت قلتلك

ابو ومهند :ايرة و ايش سار على الشركة اللي هنا

ابو محمد :يعني ماشيه

ابو حسان : كويس كمان

ابو محمد :كيف حالها امي

ابو مهند :يسرك الحال

ابو محمد :الحمدلله

.. نوخر قليل من عند الرجال و نروح عند العيال ..

حسان :بدر ايش سارلك مع جوري

بدر :انا ابا اخطبها بس جدي الله يهديه

حسان :الله يعينك

بدر :اميين

محمد وهو يمزح:هي كنك نسيت اني اخوها و انت جالس تتكلم عنها وكذا يعني استحي شوية

بدر :ايش اسوي احبها (وقال بصوت عالي ) احححبببها

ابو ساري :وي تحب مين ؟

بدر :احب جوري اقلكم ابغاها بس محد يبا يساعدني الله فوق

ابو ساري وهو يستهبل :صدق والله يوم قالو الحب ذباح هههههه

ابو محمد :لا تخاف يا بدر جوري محد بياخدها غيرك واذا الوالد مارضى دحين بعدين بيوافق ولا تزعل

قام بدر باس راس عمه :تسلم والله احبك

ابو مهند :تحبه و لا تحب بنته

كلهم :هههههههههه

ابو ساري :انا ابوك مالي بوسه

بدر :لا كمل استهبل عليا الحب ذباح ها

سليم :اقول ايش رايكم نخرج من زمان على خرجاتنا

مهند :ايوة والله


... اما ساري ماكان معاهم لانه زعلان من سما وماله نفس شي ..

خالد :نروح نلعب

حسان :لالا نروح نجلس على البحر و الرمل النظيف

بدر :انت اسكت يالرومنسي مانبا نبا نفلها

مهند :نروح ميرابيلانديا كل الشباب يقولو خطيرة

بدر وهر يهز ساري :ساري .. ساري... ساري هيا قوم بنمشي

ساري :فين ؟

بدر :بنروح نفلها هههه يعني فين

ساري : لا ما ابا

محمد كان جالس مع الرجال .. خالد :ها محمد تجي ؟

محمد :مدري والله مافيني

بدر : لا لا محمد قوم انا مو خارج لما تقوم

محمد :ما ادري ما ابا

بدر :خلاص ياخي لاتتغلى علينا قوم

محمد :هههههههه طيب

(فجأة دق جوال بدر كان مكتوب Princess )

الجوال كان جنب عمه سالم .. ابو حسان :مين اميرتك

بدر :هادي جوري .. اعطيني الجوال عمي لو سمحت

اعطاه الجوال وخرج برا يكلمها :اححبك

جوري :اذا تحبني من جد بطلب منك طلب بس ما ترفض

بدر :انا قيد رفضتلك طلب ؟

جوري :لاء

بدر :شيب اذا تعرفي اني ما ارفضلك ليش نقولي بس ما ارفض

جوري :بس يمكن ما تقدر او مشغول

بدر :افضالك قولي حياتي ايش تبي

جوري :بدر ... (بعدين صرخت) اااااااااااه طيب وجع لا تقرصي ..

بدر :اشبك ؟

جوري و صوتها فيه بكيا :خديجة قرصتني

بدر :انا افرشها لك ولا يهمك

جوري :بدر نبا نخرج الله يخليك امانة امانة بلييييييز

بدر :عادي ما عندي مشكلة انا بس الشباب ااتفقنا نخرج دحين عادي تجو معانا ؟

جوري :ايوة عادي عادي

بدر :طيب اللبسو

جوري :اذا ما وافقو ؟

بدر :مو بكيفهم هيا دقايق و اتصل عليكي

.. دخل المجلس :البنات يقولو يبو يجو معانا ها ايش ترا اعطيتهم كلمة ودحين قاعدين يلبسو

ابو محمد :حلو خليهم يغيرو جو مو كل يوم هما عند بعض

ابو حسان : انتبهو على بناتي

بدر : انا بنتبه ل جوري بس

كلهم :هههههههههه

ابو محمد :يعني انا مئمن على بنتي

محمد جلس يفكر في اروى ياخدها ولا لاء حزن عليها ممرة :انا بروح اجيب اروى و اقابلكم هناك طيب

طبعاً كل البنات كلمو امهاتهم وافقو لبسو شال على الراس و اللي لبست بلوزة طويلة واللي لبست جكت المهم لبس ما يظهر مفاتنهم وسيارة فيها كل الشباب اما السيارة اللي عادل يسوقها فيها البنات وجنبه زوجته امل ..

اول ما دخل البيت كان يدور عليها ماشافها سئل الخدامة قالت له انها ما شافتها من اول طلع الجناح لقاها نايمة وهيا متكورة على نفسها جاب كرسي وجلس جنبها يتأمل شكلها ..

محمد (يناس صغيرة حرام اللي يسير فيها قرب وباسها في جبهتها فتحت عيونها ببطئ لما لمحته قفلتها بسرعة ولفت الجهة الثانية بحيث انها ما تشوفه )..

ابتسم على حركتها :اروى تبي تخرجي نتمشى ؟

اروى(دحين فكر و من الصباح قالطني هنا في البيت ) كان نفسها تخرج بس :لا ما ابا اخرج

محمد :لا تكذبي

اروى : ما اكدب

محمد :طيب طلي فيني

اروى:ما ابا

محمد :طلي فيني عشان اشوف اذا تكدبي ولا لاء

اروى : ما ابا

وقف وحاول يلفها بس كانت مصلبة نفسها :مابي مابي سيبني

محمد :ابا اشوف عيونك طلي فيني والله ما اسيبك

اروى:طيب عدلت جلستها وطلت فيه وهيا ترمش

محمد :كيف اركز لا ترمشي

مازالت ترمش: طيب

محمد :اروى خدي نفس و استرخي و طلي فيني عشان ما تتوتري

سوت اللي قالها عليه وطلت فيه ... محمد :انتي تكذبي عليا صح لاتشيلي عينك جاوبيني

ماقدرت طلت في الارض :قلتلك ما ابا

محمد :طيب انا ابا

اروى :روح احد ما سكك

محمد :طيب بروح ..قام و وقف عند الباب بس ما كانت تشوفه ..

رجعت جسمها على الخلف و اتنهدت : غبية طول عمري ... من اول محبوسة في البيت ولما قالي قلت ما ابا .. افف غباء

وقفت عشان تروح الحمام بس ضمها من وراها :محد يقول لنفسه غبي .. هيا اللبسي عشان نروح

اروى :قلتلك ما ابا

لفها عليه : طيب ايش الكلام اللي قلتيه هيا اروى خلاص

اروى:اصلاً انا ما قلت شي بس بروح عشان انتَ تباني تروح مو شي (وهيا وسطها فرحانة)

ابتسم:ايوة صح بس عشاني

بعدت منه وهيا رايحة الحمام :مو عشانك عشان لا اكسر كلمتك

محمد :صح صح صدقتك

لبست جكت جلد وبنطلون ماسك و فلات ولفت الشال فوق راسها :هيا محمد

محمد:ليش لابسة دا البنطلون ها ؟

اروى:بس ما عندي كلها كدا

محمد :اليوم نروح السوق تشتري فاهمة

هزت راسها بنعم :فين رايحين

محمد :تعالي

قربت منه مسك يدها وهو يطل فيها كانت منزلة راسها نزل لمستواها و هو يطل فيها ..

اروى:اححم .. محمد هيا نروح (سابت يده ومشيت قدام بسرعة )

صرخ بصوت عالي عشان تسمعه:اروى والله مارح نتحرك لما تجي تبوسي خدي وتمسكيلي يدي بسسرعة

اروى:لا باللهي ؟

محمد :والله شوفي انا حلفت

اروى:محمد لو سمحت خلينا نروح

محمد :انا حلفت

اروى اسويها ولا لاء ياربي عادي اتخيل انو عبدالله قربت منه و وقفت على اطراف اصابعها عشان توصله لف وجهه وجات القبلة في شفاته فتحت عيونها على وسعهم وبعدت عنه :قلت ادب

محمد مسك يدها :دحين نروح حتى القمر اذا تبي

اروى:لالا خلينا هنا في الارض والقمر خليه مكانه

محمد :صح القمر بين يديني دحين

اروى حمرت خدودها (وطلعو طبعاً ما تدري انها رايحة والبنات بيجو )



اول ما وصلو اتفرقو ..

جوري و بدر مع بعض و عادل مع امل و العيال الباقيين مع بعض و البنات مع بعض ..

جوري : بدر ابا اركب قطار الموت

بدر : لا لا حقهم يخوف

جوري : ما يخوف تعال نركب ركبته كم مرة مررة تافه

بدر :سموه قطار الموت ليش تبيني اموت

جوري :بسم الله عليك ... تقول كدا تاني والله ازعل

بدر : لا لا خلاص معد اقول

جوري:طيب ايش نسوي

بدر :نتمشى

مسك يدها وسارو يمشو شاف مكان ورود قطف ورده وحطها في شعرها ابتسمت له و شالتها شمتها .. جوري : مدري ليش احبك

بدر : انا اعرف ليش احبك

جوري : ليش تحبني

بدر : عشانك خليتي حياتي حلوه و لانك جوري اللي دايماً معاية وجوري اللي تحبني و جوري اللي تخاف عليا و جوري اللي كل شوية تتصل عليا حتى و انا في الشغل و مشغوول مرة تتصل وجوري اللي تفضفضلي و ما تخبي عني شي و جوري اللي احححبها مرة ولانك جوري عشان كدا حبيتك

كانت مستمتعة وهيا تسمعه ... جوري : يا حياتي

قرب منها :بس حياتك

.....: احمم احممم

بدر : خيير ؟

محمد :اختي ايش اللي خير

بدر : خلاص عرفنا انها اختك وربي ابتلشنا

جات اروى عندهم قامت جوري حظنتها بقوة : ياتبن ليش تروحي و تسيبينا

اروى وهيا تضحك : صحيتكم ما تبو اسألو الحريم كمان

بدر :جوري ترا انا اغار ليش ما تحظنيني زيها

جوري فتحتله يدها : تعال طيب ..

ماصدق بدر على طول راح حظنها .. محمد : لا انتم حالتكم صعبة فين الشباب

بدر : ما اعرف

محمد : طبيعي ما تعرف

اروى حست نفسها غلط من اول واقفة ومالها داعي :محمد انا بروح عند .. ا ا بروح الحمام

عرف انها تكذب مد يده عشان تمسكها :تعالي نروح نلعب

طلت في يده بعدين طلت في بدر و جوري اللي لاصقين في بعض رجعت طالعت يده ثاني ..

محمد :يعني مطولين ؟

مدت يدها وحطتها على كف يده شبك يده في يدها وراحو ..

خديجة :ما كأن هذا محمد واللي معاه اروى

منال :الا والله

لمى:هيا رحنالهم

خديجة :هيا (لما وصلو عندهم )

ارام مسوية متفاجئه :اروى !!!! سبحان الله صدفة

خديجة :تاني تروحي بدون ما تقولي بكس

صبا :سوري لاني صرخت عليكي بس احسن قهرتيني

اروى :ههههه لا عادي

محمد :كيف حالكم

البنات كلهم ردو الا ريناد :الحمدلله .. طيبة ... بخير ..

محمد :ريناد كيف حالك

ريناد انفجعت :الحمدلله كيف حالك انتَ ؟

محمد:تمام.... المهم بنات انتبهو على نفسكم وو اذا سار شي اتصلو
على واحد من الشباب طيب ؟

خديجة :اكيد

محمد يكلم اروى:اخليكي معاهم ولا تجي معاية ؟

اروى :مع مين بتمشي انتَ

محمد :ادور الشباب و اذا لقيتهم مشيت معاهم

كان نفسها تروح معاه ما تدري ليش : طيب خلاص بجلس معاهم

ابتسملهم وراح ... خديجة : وااه وااه قلبي يجنن شوفتو كيف يكلمنا اااه انتي بنعمة يا اروى

اروى انقهرت من خديجة : طيب قولي ماشاءالله

خديجة :ماشاءالله الله اكبر

.. كانو البنات يمشو و سما لمحت ساري .. ااااه يا ساري ما كان قصدي والله اسفة

.. طل فيها سفها وكمل يمشي مع الشباب انقهرت مررة وراحت عنده وسط الشباب سحبته من يده ومشيت قالت بصوت عالي :خلاص انا اسفة انا غلطت و لساني مفلوت بس خلاص لا تسفهني ترا انقهر

كان يطل فيها وهيا تبكي قرب وحظنها بشويش وهيا حظنته بقوة :شد على ضمتك والله احتاجك

باسها في رقبتها :لا تبكي ترا شي ما يستاهل

سما:لا يستاهل الا يستاهل

مسح على ظهرها : حبيبي خلاص لاتبكي والله سامحتك بس لاتبكي

سما : اول مرة تزعل مني صح

ساري:.اصلاً ما زعلت بس كنت متضايق شوية

سما:مني؟

ساري :تبي الصراحة.. ايوة بس دحين خلاص

سما:اول و اخر مرة اضايقك او ازعلك ان شاءالله

ساري:سما انتي تثقي فيني صح؟

سما :ليش السؤال

ساري:ابا اعرف

سما:طبعاً

ابتسم وكملو يمشو :الحمدلله



عند عادل و امل ..

امل :عادل تعال نركب هادي

كان قطر حق اطفال ... طل فيها بنص عين :لا باللهي

امل :ايش

عادل :انا بطولي و بحجمي راكب حقت بزر

امل :هيا عادل بلا سخافة

عادل: لا لا يفشل

امل وهيا تسحبه : ما عليك

.. ركبو وكان معاهم بس اطفال يطلو فيهم ..

عادل :حتى بزورتهمه استغربو

امل :ياخي خلينا نستانس

عادل :والله يا امل ركبت عشانك لا تنسي

امل :هههه طيب

.. بدت اللعبة وسار القطار يدور ساعة بشويش ..

عادل :ايش ركبني انا

امل :عادل .. طفشت

عادل :اقلك

امل :اف

(وجلسو في القطار حق الاطفال..


عند البنات ..

منال :ارام مو كان هدا عبد الرحمن

ارام :مين عبد الحمن

منال:ولد جارتنا م....

ارام :إلا إلا صح

لمى:انتو في ايش تتهامسو

منال :لا هدا ولد جارتنا شفناه

لمى:اها

اروى:بنات دخت من اللعب

ريناد بصوت راخي :دوم ان شاءالله

خديجة :تعااو نجلس طيب

جا خالد عندهم :منال تعالي شوية

منال:ايش عندك تعبانة ارام روحي

ارام :وجع ما ابا صبا انقلعي روحي

صبا :انتو اخواته وي

منال :اخلصي قومي

خالد :وجع اصلاً مو منكم مني انا اللي جاي ااكلكم اسكريم

ارام :وي خالد حبيبي بس كنت تعبانة شوية

وقفت منال:ها نروح نجيب

خالد :لا لا شكراً اجلسي
.. ومشي من عندهمم

صبا(اححبه يا ريتني قمت ارجع يا خالد )

خديجة :هي صبا اشبك من اول ساكتة

صبا :ها .. لا بس خلاص تعبت

لمى :نقول للعيال نبا نرجع

سمر :هيا من جد خلينا نرجع احس اني ابا انام

خديجة :اصلا انتي طول حياتك نوم

سمر :اروى اتصلي على محمد يجي يا خدنا

اروى:وليش محمد

ارام :هيا ياخي هو قلنا نكلمه هيا

اروى:ما ابا ما ابا

جاتهم جوري :بنات اتأخرت عليكم

خديجة :لا باللهي

سمر :خلاص نبا نرجع

جوري :لا لا بنات يمكن معد نخرج تاني

جاهم محمد :اروى تعالي شوية

جوري :ليش لاء لاء ابغاها

يوجه الكلام ل اروى :هيا امشي

كانت واقفة ما تبا تتحرك (ريناد :والله لو قالي كان طرت معاه من زمان)


سحبها من يدها بعدين طل فيها وابتسم وكمل يمشي و وقف اروى مستغربة من حركاته قرب منها وباسها في شفتها بسرعة و راح ..

البنات من بعيد :ههههههههههه

طلت فيهم و وجهها احمر بعدين مسكت خدودها وسكت على وجهها ..

لمى :ححررركااات

خديجة :والله شكلك ممررة خططير

جوري :هههههههه ما يستحي

صبا :جريئ والله

ريناد كانت تطل فيهم و نفسها تموت دحين ..


طبعاً بعد ما خلصو جا وقت الرجوع للبيت ..

خديجة : امانة اروى تعالي بيت عمي قولي ل محمد

اروى كانت باقي منحرجة :ما ابا معد ابا اكلمه اححرجني

جوري بصوت عالي :محمد تحرجت اروى ليش تبوسها قدامنا

كلهم سمعوها وسارو يضحكو اما اروى كان نفسها تختفي ابتسم محمد :اسويها تاني

سليم :ايوة هيا محمد

اروى:هي بلا قلت ادب انقلعو

خالد :هيا كلنا ننقلع بس محمد يجلس

حسان :هههههه هيا

اروى :هي اجلسو ومحمد لا تقرب مني

محمد وهو يقرب :واذا قربت

ريناد ما قدرت تتحمل و راحت وسط الشارع جات سيارة مسسرعة وصدمتها ماحست بشي غير ضباب و اصوات صراخ و وجه محمد قدامها ابتسمتله وسودت الحياء في عيونها

كانت مغرقة بالدماء والبنات يبكو و اتفقو انهم ما يقولو لامهاتهم بعد فترة خرج الدكتور

سليم :Dr. Is she alive

الدكتور : Yes, it's a strong girl

سليم :الحمدلله الحمدلله Can I see it؟


الدكتور: Well, not now but wait five minutes






نهاية البارت الثالث على هذا الحدث ..

..ملاحظة :العم بسام و العمة جواهر رجعو السعودية لان الجد طلبهم ...

.__البارت الثالث__.

ام محمد :خلاص احسهم طولو برا البيت

ام مهند :انا قلبي قابضني احس احد من عيالي فيه شي (وعيونها دمعت)

العمة تهاني :لا تفاولي يا ام مهند ادعي ربي يحفظهم

ام مهند :لالا انا ابا اتأكد مو قادرة (مسكت التلفون وسارت تتصل على ولدها مهند وهيا ترجف)..


.. في الهوسبيتل ..

يرن جوال مهند ويرن جوال مهند ..


كان العيال و البنات واقفين في الممر وكل واحد دمعته في عينه و مو عارفين يتصرفوا ..

مهند : امي تتصل ايش اسوي

سليم :ياخي قفل جوالك .

مهند :طيب

حسان :لا لاتقفله كدا يشكوا فينا

محمد:اقول خلينا نكلمهم ونقولهم مستحيل نسكت يعني

خالد وهو يكمل مع محمد :صح خلينا نكلمهم بس بهدوء

راحت منال حظنت يد اخوها :خالد انا مرة خايفة

خالد :لا تخافي كل شي تمام

سليم :ااااه يا ريناد

مهند :سليم مين يكلم امي انا ولا انتَ

سليم :هات اكلمها (رد عليها )

من الجهة التانية ام مهند حاسة بخوف:مهند ... مهند .. فينكم ليش ماترد عليا .. ساير لكم شي .. اتكلم لا تسكت .. اتكلم

سليم :بسم الله يمه اشبك هدي كيف ارد عليكي و انتي ما تعطيني مجال

ام مهند :سليم حبيبي كيف حالك وكيف مهند و ريناد كلكم تمام

سليم :انا و مهند بخير الحمدلله .. بس ..بس ريناد دحين في المستشفى .. يمه لاتخافي قال الدكتور انها تمام و دحين بندخل عندها و نرجع البيت

ام مهند وهيا شوية و تبكي : سليم لا تكذب عليا قول الحقيقة

سليم :والله كلمت الدكتور قال انها الحمدلله

ام مهند :سليم طمني الله يخليك على اختك و ما ترجع الا وهيا معاك

سليم :ابشري ولا يهمك .. بس انتي هدي نفسك وادعيلها

ام مهند :ان شاءالله حبيبي هيا بيننا اتصال

سليم :باي (قفل من هنا خرج الدكتور من هنا )

وهو مبتسم : Puoi vederlo (يمكن لكم رؤيتها)

مهند : Grazie .... اي: شكراً لك ..

دخلو جميعهم ..

خديجة :ريناد خوفتينا عليكي

ابتسمت وقالت بصوت راخي : ولا يهمك

صبا : لا اكيد يهمنا

مهند راح حظنها وباس راسها : خفت عليكي مرة

سليم : هي ترا اغار حتى انا اخوكم

ريناد ابتسمت :سليم حبيبي يغار

سليم : اكيد اختي الوحيدة لازم اغار

اروى:الحمدلله على السلامة يا ريناد

ريناد بدون نفس هزت راسها : طيب

(وسارت تدور بعيونها على محمد لما شافته جلست سرحانة فيه وهيا تشوفه جالس في الكنبه ويكلم بدر ويضحك ابتسمت لا شعورياً تفتكر لما كانت تجي مع ابوها ايطاليا وهما صغار كان ما يعطيها وجه و يضحك عليها و يضربها بس كانت تحبه و تقول محمد زوجي قطع على سرحانها صوت جوري )..

جوري : هي .. هي ريناد خير ساعة تطلي في محمد لايكون عاجبك

كانو كلهم يطلو في ريناد اللي انحرجت منهم وهيا تشوف محمد يطل فيها وميل راسه اتلعثمت :ها .. ه .. ل ..لا لا ب..بس .. بس .. بس كنت .. مس مسرحة شووية .. افتكر .. كي كيف سسسسار سار الحاد الحادث

جوري : اها

صبا : ماشاءالله في وجه محمد

ريناد وقلبها يخفق : لا بس عشان اخر شخص شفته قبل ما اطيح بسس مو شي

اروى حست بغيره بس ما بينت كانت ترمش وهيا تحاول تغطي وجهها طلت في محمد شافته يطل في ريناد زادت رمشاتها وراحت عند الباب ..جوري : اروى فين رايحة

كانت ما تبا تلف : هنا بسرعة بروح الحمام (خرجت وقفلت الباب استندت عليه و اخذت نفس اتجهت للحمام طلت في نفسها في المراية) : لا يكون يا اروى حبيتيه ؟ لا لا كيف احبه عمري ما عرفت للحب بس يمكن عشانه زوجي لازم الزوجة تحس بغيره عليه !! ياربي كل ماشفته رمشت عيني طيب ليش ؟

خرجت من الحمام واتجهت للغرفة شافت ريناد تضحك وتتكلم ابتسمت لها لما ريناد شافت اروى انقلبت حالتها وكلهم لاحظو ..

سالم : اشبها اختي سار وجهها المشرق عبوس

ريناد :بس شفت ناس تجيب النكد

حست ان الكلام لها حزنت في قلبها يعني عشاني ريناد سارت كدا ؟ طيب ليش الناس تكرهني انا ليش.. غرقت عيونها دموع ومسحتها قبل ما احد يشوفها لاكن في احد شافها وكان مراقب الوضع بسكات اللي هو بدر ..

سالم :مين اللي نكد على اختي قولوا .. مين نكد عليكي اشري انتي بسس

ريناد وهيا تطل في اروى :لا خليني ساكتة بس

بدر :احمم .. هيا نرجع اخاف الاهل يقلقوا علينا

عادل :انا باخد امل معاية وبروح

ساري :حتى انا بقلدك باخذ سما و نروح

عادل :هههههه محد ماسكك

ساري :هيا سما

سما :طيب (اخذت شنطتها وخرجت معاه بعد ما سلمو على الاهل )

عادل:هيا يا امل

امل :بجلس شوية

عادل :لالا قومي

امل :عاااددددل اممانة

عادل :لا

امل :حسان شوف عادل

حسان : ياخي خليها شوية

عادل انحرج منهم : طيب براحتك انا بروح ارجعي مع اخوانك (خرج قبل ما يسمع منهم اي كلمة)

ارام كانت جنب اختها منال وبصوت راخي : احرجتيه باين عليه

امل: طيب ما ابا اروح غصب

ارام : طيب كلميه برا او اي شي مو تحرجيه كدا
امل حست انه من جد احرجته : خلاص راح طيب

ارام :حرام عليكي

امل :وجع مو قصدي

خالد اخوهم : خير انتي وهيا تتهامسوا ترا بدينا نشك في نفسنا

امل :لا مو فيكم بس اختين و يتناقشو وي

خالد :طيب طيب

بدر :هيا قوموا خلينا نرجع

.. الكل قام و جوري مستغربة ان بدر ما قلها تعالي معاية او اي شي ماكلمها ابد .. كانوا يمشوا في ممر المستشفى عشان يخرجوا قربت جوري من بدر وهيا تشوفه مكشر حواجبه ومسكت يده ..

انتبه لها و ابتسم : إشبك ؟

جوري :مدري بس حسيتك تعبان او فيك شي

بدر : والله محد فاهمني غيرك

جوري :في ايش تفكر ؟

بدر :انا ما احب اكذب عليكي او اخبي عنك شي بس اذا قلتلك يمكن تزعلي

جوري :لا قول ما ازعل

بدر :والله ؟

جوري :والله ما ازعل قول

بدر :في اروى

انقهرت ممممرة وقالت بعصبية :وليش تفكر فيها بس لانها حلوة تراها متزوجة لاتفكر فيها بدر ترا اروى بنت محترمة مو من البنات اللي تعرفهم طيب

بدر زعل واتكلم بنبرة حزن :ايش قصدك ايت بنات

جوري :لاتسوي غبي يا غبي وجع اكرهك لاتحسب اني احبك روح اشبعبها وانصحك ترا مارح تعطيك وجه من جد غبي غبي (سابت يده ودموعها في عينها ومسكت خديجةمن يدها وحطت راسها على كتفها )..

خديجة :جوري حبيبي اشبك؟

جوري وهيا تبكي بدن صوت :قلتلك يحب اروى قال انه يفكر فيها قبل شوية

خديجة :جوري بدر ما يسويها اكيد يفكر فيها مو من الناحية اللي في بالك

جوري :قال يفكر فيها ايش تفسيرك لهادي الكلمة

خديجة :انا اعرف بدر جوري لاتظلميه مو عشانه اخوية اقولك كذا لاكن والله انا اعرفه و اعرف اطباعه

مسحت دموعها بطريقة طفولية و ناظرت في اروى نظرات كره و حقد (ليش يا اروى اول مرة سامحتك بس دي المرة لاء اخدتي مني بدر حبيبي و روحي الله لا يهنيكي في حياتك يا شيخة )

كانت تمشي وهيا منزل راسها في الارض كانت بتصقع في الجدار بس مسكها من خصرها لانه من اول يمشي وراها ..

اروى :بسم الله ليش ماسكني وخر

محمد :كنتي بتصقعي في الجدار اللي قدامك في احد يمشي وهو منزل راسه

اروى : لاء

محمد :كويس انك عارفة

اروى :بعدين محد طلب منك تنقذني يا .... ياجنتل مان انتَ

طل فيها كتير بعدين ابتسم :والله من جد طفلة زوجججوني طفلة يناس

اروى:مو طفلة انا

محمد وهو يصفق :اوكي يا كبير

اروى بهمس :عجوز ويتفلسف

محمد :لاتقوليلي عجوز

اروى :هي انت كيف سمعتني

محمد :العجايز حاست السمع عندهم قوية

اروى :اممم صح ايوة ايوة

محمد :من جد غبية

اروى :محمد خلاص

خالد:احمم .. ترا في بيتكم في غرفة يعني مو قدام الناس ساعة ننتظر ونشوف اللي تسووه

اروى انكسفت مررة وردت فعلها قفلت وجهها اللي سار احمر بيدها وخبت نفسها في حضن محمد ..

محمد :هههههههه خلاص احرجتوا اروتي

حسان :اروتي اجل هاه .

محمد :ايش دخلك

حسان :دخلني الباب

محمد :دعسك دباب

حسان :بزر تافه (ومشي على قدام وكلهم لحقوه )

اروى :والله مدري مين الطفل فينا

محمد :اسكتي لا ابوسك قدامهم

اروى:لو تقدر....

محمد قرب منها :لو اقدر ايش ها ؟

اروى :اصلاً انت ما تستحي (وبعدت عنه )

اخذ نفس عميق وفي وجهه ابتسامة وقرب منها مسك يدها وقال بهمس :نعم قد فسرت الحب او معنى الحب معك فهل تفسرينه انتي ؟

اروى استغربت من كلامه ومافهمت حاجة مسألة صعبة بالنسبالها ايش يقصد في كلامه ؟ :ايش قصدك

محمد :يجي يوم وتفهمي كلامي المهم احنا بنروح بيتنا .

اروى :لاااا بروح بيت عمي

محمد :لاء

اروى :طيب ليش

محمد :قلت لاء يعني لاء لاتكثري كلام

عرفت انه مارح يوافق واستسلمت للأمر الواقع ..

ريناد من اول ما مسكها محمد من خصرها لين دحين وهيا مقهورة وتدعي في اروى ..

اما بدر انصدم من جوري ما اتوقع انها تقول او تفكر فيه كدا ممممرة زعل منها لانها فكرت خطاء هو كان يفكر في اروى لان صديقه يشبه لها وكان يبا يتأكد بس جوري الله يهديها ..


ركبوا البنات مع بعض و بدر اخذهم اما العيال مع بعض و محمد مع اروى ..

خديجة:اروى ليش ما تجي معانا

اروى :خلاص عشان محمد مايبا مرة تانية

صبا :خسارة

لمى :ايش رايكم نكلمه

خديجة :لالا بدر يستنانا في السيارة المهم اروى باي بيننا اتصال

اروى :طيب ... جوري اشبك ساكتة

جوري:كيفي

خديجة :ماتبي كنتاكي ههههههههههه

جوري :سخيفة

اروى:جوري اشبك

جوري :مالك دخل مالك دخااااال ياربي

اروى :طيب انا اسفة سامحيني ماكان قصدي ما كنت عارفة انك معصبة اسفة

جوري حن قلبها وحظنت اروى وهيا تبكي :ليش تخلي بدر يشوفك بس عشانك حلوه سار يفكر فيكي اروى ما اقدر اتحمل ما اعرف ايش اسوي انا والله احبو احببببو اليوم قلتلوا كلام خليته يزعل مني يا اروى ايش اسوي

محمد اتصل على اروى شافت جوالها بعدين كلمت جوري بسرعة :جوري لاتفكر غلط ولا راح تخسريه يا جوري فكري زين بدر و انا ما اعرفه شفتي حسيت انه
محترم و حاطك في مكانة عالية فووووق مرة مررة بس خلي الشيطان يوخر عنك ترا ابد ما يستاهل انك تسوي كذا جوري حبيبي انا رايحة لا محمد يزعل

(سابتهم ومشت على السيارة وهيا تفكر في جوري :اااف ياربي يعني ايش اسوي اقتل نفسي عشان اريحهم )

محمد :بدري كمان ماتردي على الجوال

اروى :اسفة

محمد :لا منتي اسفة

اروى:طيب

محمد :اتكلمي زي الناس يا حيوانه

اروى:احترم نفسك

وقف السيارة :نعم نعم ترا طلعلك لسان مو عشان اعطيتك وجه ترا زيك زي الخدامة عشان كدا لا تقلي ادبك

اروى :ارحمني يا كثثثير الادب انتَ اول شي شوف نف...

سكتها الكفين اللي جات في وجهها :اول تجربة مني صح ؟ نصحتك ما نفع لازم استخدم الاساليبب هادي معاكي زي الحيوانات ما يمشوا الا بالضرب

نزلت دموعها بغزاره و خدها سار احمر مكان الكف مسكت خدها وسارت تمسح عليه بشويش لين وصلو طلعت بسرعة دخلت غرفت المكتب وقفلت الباب جلست شوية بعدين فتحت كتاب صغير اعطاها هو اخوها عبدالله جلست تفتكر..


كانت صف رابع ابتدائية دخلت البيت وهيا زعلانة من عبدالله ..


ام عبدالله :اروى حياتي ليش زعلانة

اروى وهيا تتكلم بصوت فيه البكيا : عبود ما يخليني اشتري من مكتبة حقت جرير .. هادا دفتر يقول لاء

ام عبدالله :ليش ياعبدالله

عبدالله :لاني شريت لها واحد حلوو مممرة

اروى :والله ؟ عبدالله فينه

خرجه من وراء ظهره :هادا هو

.. بكيت بغزاره وهيا تحظن الدفتر .. فتحته بعد ما مسحت دموعها و كتبت ..

اياحزن ابتعدعني ودع جرحي يزل همي
واني بك يا حزني غير العذاب لا اجني
ايا حزن مالك مني؟ الاترى الذي بي يكفيني
تعبت من كثرة التمني ولست انت بحائل عني
ايا حزن لاتسئ ظني فأنت في غنى عني
فلي من الالام مايبكي ولي من الجروح ما يدمي
الاياحزن اتعتقد انني منك اكتفيت
الم يحن الاوان بعد الم يحن زوالك يا حزني؟

قفلت دفترها حست بالنعاس قامت تشوف محمد فتحت الباب مالقته ما حبت تروح الغرفة رجعت تاني بس سابت الباب مفتوح ونامت في الكنب ..



❤❤❤❤❤❤❤❤ ❤❤ ❤❤


اول ما وصلوا البنات كل وحدا طلعت تنام لأنهم كانوا تعبانين من جد يوم مرهق الا عيون عيت تنام وهيا مزعلة قلبها ..

فتحت جوري جوالها وضغطت ع رقم بدر وهيا تمسح على الشاشة لان صورته فيها لاكن لا رد قفلت الجوال وهيا متنرفزة من غبائها فتحته ثاني ورسلت له

　 ‏ لو أقدر أحضنك وأخليك
كذا عايش بحضني وتحت
عيني؟ ما اشيل هم عيونك
وابتسامتك و عقلك
لمين تروح .

[بدر حبيبي كلمني رد عليا و الله انا اسفة ندمت
انا بستناك ومتأكدة انك بتكلمني حتى لو انتظر للأبد ..
احبك احبك اححبك انا اسسفة والله ]


حطت راسها وهيا تطل ع شاشة الجوال لين ما غالبها النعاس ونامت ..


عند الرجال تحت طبعاً كلهم ناموا إلا بدر و معاه حسان ..


حسان :باقي يومين و نرجع لجدة

بدر :ايوة سمعت ابوك بيقول

حسان :تصدق اشتقت للحر حقها

بدر :ايوة والله

حسان :اقول ترا جوالك من اول يدق ويرسل رسايل شوف مين

بدر :طيب طيب

حسان :انا بروح انام تصبح ع خير

مسك الجوال شاف مكالمتين منها و رسالة فتحها وجلس يقراء ..

بدر :هه اجل تحبني انا مو احبها انا اعشقها تدري انها نقطة ضعفي و ايش ما سوت ابقى احبها (رفع الجوال ودق عليها ) ..

قامت من النوم وهيا مفجوعة ردت بدون ما تشوف مين :نعم ..

بدر :كدا تقولي ل بدر نعم ؟

جلست ع السرير بعدين قامت طلعت برا الحديقة تكلمه وجلست ع اقرب كرسي : بدر حبيبي انا اسفة سامحتني ؟

بدر :جوري تدري اني احبك ليش ما اسامحك

سمعت جوري صوت بدر ولقته جالس ع الارض يكلمها ..وقالت : بدر ابا حضنك

بدر :اطلع عندك ؟

جوري :لالا (راحت عنده وحظنته من الخلف ).. :انا اجيك .. احبك ما تفهم سامحني ع الكلام اللي قلته

بدر لف ع وجهها وهو مبتسم :كنت حاسس فيك انك هنا ..

جوري تتأمل تفاصيل وجهه ونزلت دموعها مسحلها خدودها :ليش تبكي ؟

جوري :يعني يومين و تروح ؟

بدر :حتى اذا رحت اعتبريني جنبك لان طول الوقت راح اكلمك

جوري : ما اقدر اتحمل فراقك بدر

بدر :جوري اتحملي شوية بس

سكتت وسارت تطل فيه قرب منها لين ما اختلطت انفاسهم ببعض شافها غمضت عيونها ابتسم وقرب باس خدها بعدين عضه ...

جوري :اااه عورتني

بدر :عشان تاني ما تزعليني

جوري :خلاص اوعدك

بدر :لا لاتوعديني اكيد راح تزعليني ثاني

جوري :ما اوعدك بس ازعلك زعل بسيط مو ممرة

بدر وهو يخرب شعرها :احبك يا خبلتي

جوري :قلبك كبير كلهم ما صدقوا اللي انا فسرته حتى اروى بنفسها من جد احبك و احب اروى اكثر

بدر :تحبي اروى اكثر ؟

جوري :لا انتَ و هيا بس هيا شوية اعلى منك

بدر :ترا بديت اغار منها تبا تاخدك مني

جوري :افداها

بدر :اصلاً عارف انك تحبيني اكثر عشان كذا ما سويت شي

جوري:يا واثق

بدر :وليش ما اثق مو هادي الحقيقة جوري اتثاوبت :بدر بروح انام

بدر :طيب تصبحي ع الخير ان شاءالله حبيبي

ابتسمت واتجهت للفله ابتسم لين اختفت من عيونو ودخل ينام





... راح اكمل البارت بعد كم يوم ... دمتم على خير ...

البارت الرابع ..





،،،،،في صباح يوم جديد ..

صحى من نومه و اتجه للحمام فرش سنونه و اتروش و طلع صل صلاة الفجر واتجه للاسفل ماشافها في المكان اللي تنام فيه جلس يفتكر امس ايش سار ..

طلعت من السيارة بعدين دخل البيت بدل ملابسه ونام ..


محمد:فين راحت دي

دخل غرفت المكتب شافها نايمة بدون غطا وبنفس ملابس امس حزن عليها مرة راح شالها وطلع فيها غرفته وهيا نايمة في سبات عميييق ..

مسك تيشيرتها ورفعه بشويش بدون ما يشوفها ولبسها القميص و شال البنطلون منها بعدها لم لها شعرها ع فوق وغطاها زين جلس قريب منها :(احس شي غريب شي حلو لما اقرب منها ما اعرف ليش يارب لا اكون حبيتها ؟ لالا مابقالي الا احب اروى )

قرب يبوس لها راسها بس اتحركت وجات في فمها فتحت عيونها وهيا مفجوعة بعدين دفته منها ..


اروى:ايش تسوي ؟

محمد :جيت ابوس راسك قمتي لفيتي .. لايكون مقصوده ؟

اروى:لاء من زينك عاد

محمد :كثير يتمنوها

اروى قامت من السرير وهيا نازله على تحت :اليوم بنروح بيت ابوي لان اهلنا بيرجعوا جدة

اروى:طيب

محمد:هيا دحين قومي غيري ملابسك

اروى:طيب طيب يووه


.. طبعاً اتروشت و صلت صلاواتها الفايته بعدها لبست بلوزه كمها طويل وكانت كبيرة عليها لونها اسود وفي الوسط نجمة كبيرة لون ابيض اند بنطلون ماسك لمت شعرها ذيل حصان ونزلت تحت ..


اروى:هيا محمد

شافها طفلة في عيونو : حسبتك بنتي مو زوجتي

اروى:لاباللهي

محمد: ايوة

اروى:طيب هيا لا نتأخر عليهم

تحجبت وخرجوا من البيت ..




�� �� �� ��في بيت العم ابو محمد �� �� �� ��


الكل كان مجتمع بنات اولاد رجال حريم بس كلهم مسترين الحريم في جهة و الرجال في جهة ..

معاذ :بابا نبا نروح معاهم الله يخليك بس شهر واحد امانة .. هيا تكفه تراها تهز رجال

ابو محمد :هههههههه مين علمك تقول كدا

معاذ :سمعت عماد يقولها ل بدر

ابو حسان :ايوة والله تعال معانا تغير جو ولاتخاف بتجلس في فندق وعلى حسابي

ابو محمد :طيب دام اني لقيت اروى اقدر اروح واجي

معاذ :حماااااااااس من يوم عرفت اروى والسعادة تعم حياتي

حسان:ياخي نفسي اشوف اروى دي و اجلس معاها لين امل

دخل محمد عليهم :في حلمك يا حبيبي

حسان :بسم الله .. من فين طلعت

محمد :من سيارتي

ابو محمد :محمد انا و معاذ بننزل مع اخواني لجدة

محمد :كويس طيب تغير جو

ماجد :عمي خليني اخذ جود معايا

ابو محمد :لا احس مالها داعي

ماجد :تكفه عمي تهز رجال

ابو محمد :هههههههههه زين خلاص صار اخذناها

ماصدق طار من الفرحة وراح عندها يبشرها ..


ابو ساري :غريبة بدر ساكت وهادي ما قال يبا ياخذ جوري

بدر انتبه :هاه .. لا بس افكر شوية (طل الجهة حقت الحريم ماشاف جوري اتنهد ورجع يتصل عليها لاكن لا رد )





..الجهة حقت الحريم ...

العمة تهاني :والله بتوحشينا يا ام محمد انتي و بناتك ومحمد بذات

ام محمد :عاد زورونا مررة ثانية

العمة تهاني :حاظر ولا يهمك

ام محمد :وسلميلي على جواهر

العمة تهاني :يوصل ان شاءالله ... اقول اروى لا اوصيك على محمد تراه غالي ممرة عليا مع اني ما جلست معاه كثثير

جاها محمد من وراها وضمها :اااحببببك عمتي اصلاً عادي سحبتي عليا

عند البنات اللي كانو هادئيين لان بيرجعوا قالت خديجة بصوت واطي : قلنا القرد جا ينط

ام ساري سمعتها اللي هيا امها كمان وقالتلها بهمس :اسسس لا احد يسمعك

خديجة : امزح والله انه مزيوون

سمر :ايوة والله من جد يالبى

خديجة :ياحظ اروى فيه

سمر :ايوة والله ماشاءالله عليه

اروى :اا.. خالتي فين جوري ؟ ما شفتها

ام محمد :قافلة على نفسها الباب و ماتبا تخرج ولا تكلم احد

اروى :دقايق و تلقيها تحت انا بطلع عندها (دقت باب الغرفة وماتسمع شي ) افتحي يا جوري
فتحت لها :ليش ما جيتي من اول

اروى:ترا اقلقتينا عليكي ليش ما نزلتي تحت

جوري :ما ابا انتي مو فاهمة بدر بيروح عني ماا اقدر اعيش بدونه

اروى :يعني ما تبي تشوفيه قبل ما يروح ... انا شفته كان زعلان مررة وكل شوية يطل علينا ما يشوفك و يطل ع طاقت غرفتك ويتصل عليكي ليش تسوي كذا يعني

جوري :ما احب اشوفه وهو رايح احس نفسي راح ابكي ما اقدر

اروى :خلاص بلا هبل بكرا تندمي لانك ما ودعتيه مسحي دموعك اللي ما احب اشوفها و غيري لبسك وتعالي تحت طيب

جوري :طيب بس خليكي جالسة هنا ابا انزل معاكي

اروى :طيب
(جلست تنتظرها لين ما خلصت و نزلوا مع بعض )

اول ما شافها بدر ابتسم و وقف كان يبا يروح لها بس بعدين جلس لما شافهم يطلوا فيه مو عارفين ليش وقف فجأة ..

بدر بصوت عالي عشان تسمع :عسسل عسسسل عشقتهُ

ابو حسان :ايش هو ؟

بدر :الفطور اشبك يا عمي

ابو محمد : ما كنك بدر اللي من ساعة

بدر:روحي رجعتلي خلاص

حسان :يريتها ترجع تروح

بدر :انطم (قام من عندهم وراح عند الحريم ..)

بدر :احم ماما


ام ساري:عيون مامتك

بدر:احبك مرررررةة مرة مرةةة

جوري حمرت خدودها ونزلت عيونها ... ام ساري:حتى انا احبك

بدر:واا خدودك حمرت

مسكت خدودها :لا ما حمرت

قرب بدر من جوري وباس خدها بسرعة :احححبك (وراح)

ام ساري ما عجبها وضعهم :اثاريه مستغلني

الكل :ههههههههههههه


.. اليوم كتبت بس ربع البارت الرابع راح اكمل لكم بعدين لان عندي اختبار ولازم اذاكر ..

و مع السلامة..

تكملت البارت الرابع...

(كبار السن ماراح يظهرو كتير في الرواية إلا غالباً )


الكل كان متجمع لأنها اخر ليلة تجمعهم بعدها كل مين بيروح بلده ..

الحريم جالسين داخل الفله و الرجال في الخيمة ..

اما عند ابطالنا الجميلين جميعهم جالسين مع بعض ..


حسان :والله محمد بتوحشني ليش ما تجي مع معاذ و عمي

محمد :كيف اروح و اسيب شغلي

حسان :عادي خد اجازة

محمد :مدري والله

اروى جد وحشتها جدة نفسها تشوف اهلها و صديقت حياتها ^..^

محمد :خلاص طيب بس مو دحين كدا لما يخف الشغل احاول انزل

بدر كان جالس فوق الكرسي و جوري حاطة راسها على رجوله …بدر:مدري ايش تحب في الشغل ياللطيف

محمد :صيرك تشتغل

بدر :ايوة ايوة ادري

جوري :اصلاً انا راح اساعد بدر بكل شي مابخليه يتعب لوحده

الكل :اووووو... حركات .... بدر نبا زيك .(المهم كلام زي كددا)

بدر :لاء مافي

ساري :ايش رايكم نغني ونشوف مين احلى صوته ..ااممممم.. نسوي له اللي يباه

كلهم وافقوا ..

بدر :انا بغني مع جوري

خالد :لالا كل واحد لوحده

جوري :لاء .. احنا ما نفترق

محمد يستهبل :ياشييخة

جوري هزت راسها :ايوة

خالد :طيب كل مين يختار يكون مع احد واللي ما يبا يغني لوحده عادي هيا

جوري :المهم انا وبدر مع بعض

سليم :خلاص والله انتي و بدر مع بعض تبي نكتب في ورقة ونختمها كمان ؟

بدر :هي لا تصرخ عليها

سليم :هههههههههه اضربني

بدر يستبهل :تعال لو ولد ابوك

مهند :خلاص يا سامجين

ارام :بنلعب ولا كيف ؟

مهند :الا ياقلبي بنلعب بنلعب

حسان :تراها اختي اسكت

مهند :طيب هيا كل مين يختار له واحد واللي ما يبا بكيفه

جوري :انا وبدر

محمد :يااااربي .. خلاص انتي وبدر اسكتي بس خلاص

بدر :وجع لا ترفع صوتك لا اخاصم اروى

كانت شبه مسرحة بس سمعته وقالت بصوت راخي :ايش دخلني انا

بدر بصوت عالي :دخلك انك زوجته

جوري :بدر خلاص لا تصرخ عليها

محمد :مع نفسك لا ترفع صوتك

اروى انفجعت كانت تبا تبكي بس مسكت نفسها

خديجة :ترا طفشت هيا نبداء وجوري اسكتي ندري انك مع بدر

جوري ابتسمت :كويس

محمد :انا بغني مع اروى

الاثنين رفعوا روسهم له :بس انا ما ابا اللعب بس بسمع

محمد :لا بغني معاكي

ريناد اتدخلت :عادي اذا هيا ما تبا انا بدالها

محمد كان يبا يسمع صوت اروى بس قال :طيب خلاص مع رندند

ريناد مممرة فرحت وابتسامتها شاقه وجهها ..

اروى (خير دي كذا ايش دي التصرفات سايره غبية ممرة وجع.. لالا استغفر الله )

امل :انا مع زوجي الحبيب عادل

عادل كان باقي زعلان منها من يوم المستشفى لما احرجته :بس انا تعبان ماابا اللعب

امل :بسم الله عليك ليش اشبك

عادل :ولا شي

امل حست فيه زعلان :عادل تعال معاية (مسكت يده وقومته معاها وراحو )

مهند :عضوين انسحبوا

ساري :طيب وانا مع زوجتي سما

سما :ههههه طيب

.. اما الباقيين كل مين لوحده

جوري :انا و بدر اول

بدر :طيب هيا ..احممم

بدر : تعالي يا أحلى احساس حسيته عشقت عطر الأنفاس وحبيته

جوري: انا قربك وخذني بحضنك حس فيني مشتاق انا اسمع قلبك يناديني

بدر: انا دنياي اهي دنياك ما اعيشه انا دنيا وينك يا روحي مو فيها

جوري: ترى هالناس كلها والله ماتغنيني عن يوم أعيشه معاك.....معاك انا عشت الحب ومنك تعلمته خذيت انا منك قلب وبروحي شلته

بدر : يا عمري كلي فداجك وكل سنيني اشوفك كل الناس فعيني

جوري: انا وياك قلبي معاك وبالي دايم حولك انسى روحي ما انساك

بدر: يلا نعيش احلى سنين انا وانتي فالدنيا قلب واحد مو قلبين

..بعد ما خلصوا كلهم صفقوا لهم وتعليقات قرب بدر من جوري واصبحوا يناظروا لعيون بعض كن مافي احد حولهم نزلت دموعها وعضت شفايفها السفليه مسحلها دموعها بقبلاته اللي بوجهها بعدها مسك لها وجهها وابتسم قال لها وكلامهم هامس ..:جوري ما احب اشوف دموعك ترا انا اضعف قدامها

جوري :ايش اسوي ما اقدر لازم كيف تروح عني انا ما شبعت منك

بدر :اوعدك اوعدك ما يفرقنا اي شي

هزت راسها بسرعة :حتى انا اوعدك عمري ماراح اقبل او اكون لحد غيرك يا بدر صدقني

اتأملوا بعض وبعدها حظنها بخفة وهيا ارتمت في حظنه تكمل صياحها ..

رفع عينه بدر واشفهم كلهم يطلوا فيهم :ايش فيه

سليم :يصلح تمثلوا من جد ما اتريق

مهند :احمم مسلسل نهايته حزينة

اروى كانت مدمعة حساسة الاخت شافها محمد وقال :اروى احنا احسن منهم تعالي نوريهم وابوسك بشغف لين ما تتعبي

اتحولت لبوية لونها احمر :قليل ادب اصلاً ما تستحي كيف تقول كدا

محمد :قصدك ماتبي ؟

اروى :اففف ...ماابا اكلمك

محمد :تراها مستحية بسس

خرجت جوري راسها من حظن بدر وشافت اروى :كأنها وردة حمرا

الكل :هههههههههههههه

اروى:ما يضحك

ريناد تنهي الموضوع :هيا محمد دورنا

محمد :طيب ... بس ريناد هادي الاغنية بهديها لكي عشان ما تتعبي
فرحت مممرة ومسكينة ما تدري إنه قصده على اروى طبعاً هنا اروى انقهرت مممرررة ما تدري ليش ... ريناد : طيب هيا اسمعك

محمد : كلموني الناس عن وحدة قمر
قالوا عليها عيون تذوب الصخر
كل واحد يطالعها بس نظرة و يطاوعها
قلت انا ماشي لا اخليها تذوب
رحت انا ناطر على نار انتظر
قلت انا بشوف و بنطر هالقمر
بس شفت شي مو طبيعي
و الهوا حول ربيعي
صرت انا منهم ابي نظرة و بس
يا حب ما بعده حب
ولا اقدر احب حب ثاني من بعدك
بمشيلك كل درب لين اتعب و اوصل انا لقلبك
معاها احلوة الدنيا ملتني حب و حنيه
واحس الدنيا وياها ربيع و احلام وردية
خذتني بحبها كلي و انا اللي غيرها من لي
تبون الصدق يا عالم مثلها ماكو موليه
يا حب ما بعده حب ولا اقدر احب حب ثاني من بعدك
بمشيلك كل درب لين اتعب و اوصل انا لقلبك

ريناد :الله صوتك مممممممررة يحننن والاغنية وانتَ كل شي مممرة شكراً حبيبي محمد

حسان:لا والله صوتك ممرة جميل حسبته معفن

محمد :ليش انت

خديجة :صوتك حلو محمد ماشاءالله

محمد :اححم ادري

صبا :واثق ولد خالي

محمد :اححم .. اكيد لازم (وجه نظره ل اروى كان وجهها احممر مررة ومعصبة ابتسم على جنب وكمل يتكلم معاهم )

منال :محمد غني ثاني

محمد :خلاص دوري خلص هيا انتي غني

منال حكت راسها :اممم ... معرف ايش اغني

سليم :غني حقت اهل اول

منال:لا باللهي

سليم :مدري تعجبني

منال :هههههههه طيب طيب

اهل اول يا فل يا كادي يا كمّل
يا اهل الادب والزوق
وعشت وبقيت ومجمّل
يا اهل الطيبة والرقة
والهرج المتبتب الدقة
ورب البيت وحشتوني
من التاجر الى السقا

وحشني حتى فرقنا
بهندسته وبقشة قماش
وعم شاكر في دكانه
بالفوطة وقميصه الشاش
وحشتني حلاوته اللدو
والبركة اللي في يده
وحشتني الكحلة في عيونه
وحواء والصبي عبده

وحشني كل ما فيكم
يا ناس حتى أساميكم
يا ريت ترجع لنا الايام
واسلم على أيايدكم
و أشم ريحة الرضا فيها
وأشياء ما اقدر أسميها
حاجة كدا ترد الروح
صعب أوصف معانيها


سليم:ااااااه نفسي يرجع زمن اول

خديجة :حسستني انك عشت زمن اول

سليم :ههههههههههه الا عشتها

سما :ساري هيا دورنا

ساري :طيب

سما:ايش نغني

ساري ابتسم :انت غير الناس عندي .... والله انك غير الناس عندي ..وارسل لها بوسة..

سما:طيب بس بردد وراك

ساري :طيب
انت غير الناس عندي انت عندي شي كبير .. كيف بصبر وانا شايف ناس من حولك كثير

سما: انت غير الناس عندي انت عندي شي كبير .. كيف بصبر وانا شايف ناس من حولك كثير

ساري :انا احبك واقولها لك كلمه خليها في بالـــك ..

سما: انا احبك واقولها لك كلمه خليها في بالـــك ..

ساري:انا ماني اي عاشق انا لما اعشق اغير والله لما اعشق اغير .. من عيون الناس والله اغار يا عمري عليك .. ماا تطمن وانسى خوفي الا لما ايدي بايدك ..

سما: من عيون الناس والله اغار يا عمري عليك .. ماا تطمن وانسى خوفي الا لما ايدي بايدك ..

ساري: بس تحمل كل جنوني لانك اغلى من عيوني ..

سما: بس تحمل كل جنوني لانك اغلى من عيوني ..

ساري:لوو تدور ماا تلاقي منهوو غيري يموووت فيك .. انت غير الناس عندي انت عندي شي كبير .. كيف بصبر وانا شايف ناس من حولك كثير قلبي في ايدينك يا غالي بس خل بالك عليه ياا حبيبي هذاا قلبي وانت ادري الناس بيه

سما:قلبي في ايدينك يا غالي بس خل بالك عليه ياا حبيبي هذاا قلبي وانت ادري الناس بيه

ساري :لوو اعيش العمر كله ما انسى حبك او امله ..

سما:لوو اعيش العمر كله ما انسى حبك او امله ..

ساري:ما ابي شي بحياتي انت بس الي ابيه والله بس الي ابيه ...انت غير الناس عندي انت عندي شي كبير .. كيف بصبر وانا شايف ناس من حولك كثير ..انا احبك واقولها لك كلمه خليها في بالـــك ..

سما:انا ماني اي عاشق انا لما اعشق اغير والله لما اعشق اغير ..

سما صرخت :اححححببببك احبك احبك وربي

ساري :قلتلك هيا انا احبك واقولها لك كلمه خليها في بالـــك ..

لمى:والله اصواتكم مممرة جميلة

خديجة:ممرة خططيرة

اروى للان مقهورة من محمد و ريناد :انا بغني طيب

جوري :ياااي الله حمااااس

خديجة :ياااي اروى بسسرعة

بدر اخوها :مو لايق عليك بلا ياي بس لايق على جوري الحب

خديجة :اسكت ماطلبت رايك .. هيا اروى غني

محمد (دوبها تقول ماتبا تغني ايش سار فجأة؟)

اروى :
طيب وتفكيري قديم
عايش زمن عبد الحليم
اثر القلوب اتغيرت
والناس تضرب في الصميم
ياليتني باقي طفل
العب وكل همي افل
ما حس لوعات الكبير اذا درى انه يتيم
مدري الزمن جيته خطا
ولا الزمن نفسه خطا
الي اكيد ان التعب لا صرت ماشي في السليم

كلهم كانوا ساكتين لان من جد صوتها كان حلووو..

ابتسمت :اشبكم هيا كملوا لعب

مهند :من جد صوتك مممرة جميل

سليم :ماشاءالله ايش دا ابصوت من وين تطلعيه اعترفي

اروى :مهند شكراً ... سليم اطلعوا من حلقي يعني من ففين

جوري :صوتك حلو يا زق

خديجة :خلاص معروفف اروى اللي ربحت

محمد :صوتها مو احلى من حقي

بدر :يوووه واثق بشدة شديدة

حسان :لا والله من جد اصواتكم كلكم جميلة ماشاءالله

جوري :طيب سمعنا صوتك

حسان :خلاص طفشت ايش رايكم نسوي شي ثاني

بدر :يضيع الموضوع

حسان :لا والله بس من جد طفشت

خالد :اقترحوا ايش نسوي

اروى كانت متردده تقول بس قالت بصوت شبه عالي :كل واحد يعترف لي اول ما شافني ايش شعوره يعني عشان ما جلست معاكم وكدا بس نبا الصراحة

خالد :انا صراحة اول ما شفتك خققييييييييت خقيت خقيت قلت وااااو مين دي قلبي سار يدق دق

اروى استحت وخدودها رجعت حمرت ... حسان :انا اول ما دخلتي عندنا قلت دي بنت عمي ؟ من جد ؟ بعدين جلست اتأملك وبسس طبعاً كنتي ممرة جميلة ماشاءالله

محمد :احمم يعني ترا انا هنا

مهند :هيا قالت الصراحة ... انا من يوم لفيتي علينا وقلتي سلام اتلعثمت لساني انربط لانك اخذتي عقلي الله ياخذك

اروى كانت مممرة مستحية وياليتها ما اتكلمت ... سليم :والله انا مثل مهند لساني انربط يعني من جد انتي حلوه ماشاءالله عليكي

خديجة :خلاص جا دورنا ... انا اول ما شفتك دخلتي مع عمي بسام حسيت اني بقلب وبسير عربجية بس ربك ستر

اروى :لا من جد

خديجة :وربي

ريناد :انا اصلاً من شفتك مو طايقتك حسيتك مغغرورة ممرة وشايفة نفسك على ايش على لونك البرونز ولا على عيونك كأنها حبر ازرق ولا على جسمك دا ولا جسم عظام ياللطيف

اروى دمعت عيونها ويارت تنزلذغصب عنها ... جوري :ايش دا الكلام يا ريناد ؟

ريناد :قلت اللي عندي الت تبا الصراحة

جوري:طيب ترا كلامك يزعل تخيليه فيكي حرام

حست اروى نفسها غبية من جد مسحت دموعها زي الاطفال ووقفت جريت للداخل ..

جوري :ريناد ترا ممرة كلامك يزثل ما اتوقعتك كدا حرام عليكي

ريناد :انا ما قلت شي هدا اللي عندي قامت زعلت و بكيت زي الاطفال

كانت جوري قايمة تشوفها بس محمد وقف :خلاص جوري اجلسي انا رايح لها (وقام)

حظنها بدر وقال بصوت جميل :يالبى الحننوون

ريناد انقهرت وقامت .. بعدها الكل قام ..



......... عند امل و عادل اللي سحبت عليهم ☺......


سحبته من يده وجلسته على الكرسي و جلست
قدامه على الارض وهيا ماسكة يده وتطل فيه... :انتَ زعلان مني صح ؟

هز راسه بمعنى لاء

امل :قول يا عادل لا تكدب عليا

عادل :قلتلك لاء

امل :طيب طل في عيني و قول انك مو زعلان

عادل :خلاص يا امل قلتلك موب زعلان ليش ازعل اصلاً

مسكت وجهه ورفعته لها :انا شعارفة انك زعلان من يوم قلت لك ما ابا اجي معاك بس زلت لسان وقلتها

عادل :طيب انا عارف بس خلاص مو زعلان

امل :اذا من جد مو زعلان ابتسم

ابتسملها :كدا ارتحتي

رفعت يدها و ضمته بقوة وهو ضمها اقوى و اقوى

❤❤❤❤


طلعت بسرعة مو عارفة فين تروح وقعدت جنب غرفت محمد نزلت راسها على رجولها وهيا تشهق وتبكي شافها كدا حس انها طفلة متكورة على بعضها قرب منها نزل لمستواها وضمها بين يدينه اللي حست فيه الحنان و العطف ..

وقف و وقفها معاه كانت تحك عينها بقوة والدموع تنزل وتمسح عليها بقوة

شال يدها بهدوء مسك يدها الاثنين وقرب منها بان فرق الطول اللي بينهم وسار يطل فيها :

خليكي واثقة من نفسك كو اي احد قال لك كلمة نزلتي دموعك لاتنزلي دموعك قدام احد انتي

قوية و واثقة من نفسك تقومي تبكي وتخليهم يفرحوا انهم نزلولك دموعك


اروى:بس انا تعبت احاول اعدل من نفسي احترام و احترمتها كلام و ما اتكلم معاها حتى سرت احاول اني ما اتكلم كتتير عشانهم وباقي يكرهوني وانت اولهم بس ليش ما ادري ما ادري

محمد و هو حاسس فيها مسح لها دموعها :في ناس تحبك و تعشقك بس احنا ما ندري مين يمكن مخبي هل حب في قلبه وبعدين مين هما الناس اللي نغير شخصيتنا عشان نرضيهم عيشي حياتك و ولا احد يهمك اسمعي من هنا وخرجي من هنا لان كلامهم ماراح ينفعهم ولا ينفعك لا دنيا ولا اخره احنا جينا الارض عشان نعبد ربي مو عشان اسمع كلام دي و ابكي عشان مدري مين

حضنته بقوة وهيا تخبي راسها بحضنه :صح كلامك محمد بسوي اللي قلتلي عليه الله يخليك ليا للابد يارب

ابتسم محمد وكأنها بنته :هيا يا بابا ننزل عندهم تحت

اروى :اخاف اتفشل وبعد....

محمد :احنا ايش انفقنا

اروى :ايوة صح ما اهتم ل كلامهم

.... نزلوا مع بعض لاكن ما كان في احد فتح التلفزيون وجلس على المنبة قربت منه بتردد حطت راسها في حظنه بعدها نامت بدون ما تحس من التعب ..



و انتهى ..

السلام عليكم ورحمة الله و بركاته ..



انا اول حاجة قلت ماراح اوصفهم بس صحبتي اصرت اني اوصفهم ف وصفتهم عشان ابغاكم تتعمقو اكثر في ابطال روايتي ..


*عايلة العم ضاري *


بدر :كان شاب يعتبر طويل عيونو عسليه وخشمو واقف كان لونو حنطي شعره اسود وكثيف
ممرة بس ناعم ونحيف مممرة مممرة يبا يسمن وعنده غمازتين ممرة قوية
..
الصفات المميزة فيه ..انو اذا زعل يحاول ما يبين للشخص انه زعلان يبتسم ويسكت وصفة
اخره اذا حب يخلص للحب حقه يحب جوري بكل ما فيها كل شي كل شي شعرها عيونها قلبها
كل شي فيها حنون مرة مو بس على جوري لاء على ابوه و امو و اخواتو كل اهلو يعني واصحابه
~
سمر : شعرها اسود قصير لين عيونها ومناسب مع شكل وجهها اللي جاي صافي و طفولي
خدودها بس لونها احمر وعندها غمازه وحده
~
لمى نفس سمر بس بزيادة :مرة كيوت عيونها صح كبيره بس مناسبة مع وجهها الطفولي افتح

وحدة في اهلها شعرها بني فاتح وشفايفها مرة صغيره وخشمها وجسمها كل شي فيها صغير

كنها مع هديل و آمال البزوره
~

خديجة مرة عكس لمى و سمر : كانت شيطانة وهيا صغيرة لما تلعب وصقعت في الدولاب و

سار في اثر الصقعه عند حواجبها بس زودتها جمال تشبه بدر مممرة في كل شي بس اللهم هيا

قصيره و رموشها طويلة تبا تسوي نفسها ولد تلبس احيان ملابس اولاد وتجلس معاهم قصت

شعرها خلته ممرة قصير بس برضو باين انها بنت غصباً عنها ☺
~
ساري :مرة ما كأنه اخوهم داخل غلط ما يشبه لهم عيونو متوسطه ورموشو طوييلة بشرته برونزية وشعره نازل على جبهته ويحب زوجته سما كثير

~~~

عايلة العم سالم ..كلهم طلعو بيض على امهم ويشبهو بعض بس في اختلافات بسيطة مثل ؟

حسان و خالد يشبهو بعض بس اللهم انو خالد عيونه كبيرة و مو ناعسه : ابيض مررره العيون بني غامق وناعسه الجسم متوسط والطول برضو متوسط
~
امل :بيضه شعرها كيرلي وعيونها زي اخوها حسان
~
منال : نفسها بس دبدوبة شوية وشعرها قصير لين رقبتها
~
ارام: طويلة شوية وشعرها نازل لوجهها شكلها نعسان وتشبه اخواتها رومنسيه بشكل مو طبيعي
تحمل في قلبها حب لشخص سكن قلبها من ايام مراهقتها اعترفت بحبها له بس صد عنها وكلهم
يشوفو نظرت الحزن في عيونها ويحسبو ان شكلها كذا ذابله

~~
*عايلة العمة تهاني

سما : كانت ناعمه بس مو مره حلوه عيونها متوسطة الحجم و شفايفها صغيره شعرها بني يميل للأشقر الين كتوفها و ناعم جسمها حلو و متناسق
~
صبا:نفس سما بس شعرها اسود وعيونها اكبر منها هيا كمان تحب وتحب بجنون بس كاتمة في قلبها
~
عادل : اسمر و شعرو ناعم اسود و عيونو بني غامق جسمو حلو مو نحيف ولا دبه
~~

*العم إلياس*


ريناد : حلوه بس مو مره فمها صغير و عندها نغزة في خدها خشمها واقف و عيونها صغيره

شعرها بني جسمها حلو و مرتب بس هي و للأسف تحب محمد بدرجة فظيعة يمديها تسوي اي

شي عشانه من هيا طفلة تحبه ودايماً متوحده ما تتكلم مع احد الا بالقوة
~

سليم و مهند يقولولهم التوينز المختلف : حلوين عيونهم واسعه و لونها بني غامق شويا

اجسامهم رياضيه الفرق ان سليم شعره اسود و قصير و مهند شعره بني وشوية طويل

~~

انا وصفت لكم اروى و محمد بس بكتبهم هنا مرة تانية ..

اروى: 18سنة طالعة تشبه أمها في عيونها واسعة لونها كحلي محاوطه بالاخضر ملامحها حاده زي ابوها خشمها سيف فمها صغير و واسع مو مرااا جسمها حلو ماشالله نحيفه عندها غمازتين شعرها اسود وكثيف لونه اسود لونها برونزي على أبوها تجنن يعني وخلاص ...
_

محمد : عمره 30 وجسمه معضل عيونه ناعسه و كبيييره عسليه شفايف وخشمه طويل شويه أسمر عيونو تجنن شعره نازل لعيونه

~
جوري: جميلة جسمها حلو زي اجسام عارضات الازياء ملامحها ناعمه و هاديه عيونها واسعه شعرها اسود و طويل الين نهاية ظهرها حنونه و طيبة والكل يحبها و تحب الكل بس مو قد بدر


جود : شعرها قصير اسود مجعد و عيونها واسعه و سودا و رموشها كتير مو نحيفه و لا دبه يعني بس لو تترك اطباعها اللي تنرفز هيا طيبه وحنونه بس في حاجة فيها مو كويسة

~~~
نجي عند الاطفال ..

عماد :يحب امال و واعدها بالزواج لما يكبرو حاطط بريسز وشعره اسود مكدش بس ناعم عيونو لونها مايل للرمادي شفايفو لونها زهري ونحيف الجسم وطويل شوية (ممرة يجنن شكلو )
~
امال :قصيره شعرها لين نصف فخدها اسود وفيه خصلة ذهبية من ربي عيونها كبيره وخشمها
صغير و فمها صغير لونو احمر وتحب عماد بشكل جنننوننني ما تحب احد يطل فيه ولا يكلمه
بس هيا لحالها تباه لها طول اليوم وهيا في بيت عمتها تهاني من يوم ترجع من المدرسةة على طول هناك
~
هديل :ممرة بنت جميلة و كيوت تحب اللون الزهري و ابوها عملها غرفة لوحدها كل شي فيها لونه زهري و مسوية حائط فيه كل صورها هيا و معاذ من هو صغير لين دحين

~

معاذ :نحيف ممرة زي بدر وشعره زي جود اسود و مجعد عيونو واسعة و رموشو كثيفه حواجبه

مرسومة وخشمه واقف لما يزعل او يعصب وجهه على طول يسير احمر وعنده غمازة

احلى شي فيه ابتسامته و قلبو الكبير يحب هديل كتير كتير كتير كتتير كتير كتيييير عندو يزعل
ولا يزعلها حتى اذا زعلته يحاول يخليه انها مو مقصودة او يقول شي عادي يحاول يخليها

اسعد بنت في العالم يحب دلعها غيرتها طفولتها صوتها كل شي فيها يعجبه شايفها في عينه احلى مخلوق خلقه ربي من كثر ما يحبها **




كدا يكون خلصت من وصفهم و انتظرو البارت الخامس