*






بتردد -: يمه انا موافقة
-: موافقة على وشو ؟
-: على وشو بعد
بفرحة -: على الخطوبة !!!!
نهضت وهي تزغط .. لللللللووووووووللللللوووووووش
قبلتها في خدها
عبير بحياء -: ذا كله فرح يمه
-: واكثر بعد يلا يلا بروح ابشر ابوك
ابتسمت لفرح امها وحينما رأت ظل امها الذي اختفى
تنهدت واصبحت تنظر في الفراغ بلا معنى
سمعت صوت الباب الخارجي يُفتح
نظرت للشخص الذي دخل وابتسمت لابتسامته
-: وش وراك انت وش مهبب فيه
ضحك وذهب ليجلس بجانبها -: الا قولي وش اللي صار
وَوش اللي ماصار
-: ايه ع طاري صار ماصار وش سويت بشيول
للحين تعطيني مشغول
صخب بضحكته -: هههههههههههههههههههههههههههههههههههههههههههههههههه هههههههههههههههههههههههههههههههه
اتسعت ابتسامتها -: وش صار الله يستر
-: ابد جزاة اللي يروح يفطرها في فندق
-: لا السالفة مو كذا اعترف وش سويت بعد
-: ابد طقطقت عليها اني حاجز بفندق عاد البنت اختبصت واخترعت
وطلعت مفحطة عاد انتِ ادرى وش قصدي .. وضحك
احمر وجهها -: وانت ماتترك قلة الادب
-: ياخ زوجتي اسوي فيها اللي ابي
كتمت ضحكتها وبحياء -: بس هذا انت قلت انها
وبصعوبة قالتها .. مفحطة
-: اصلاً مفحطة ولا مي مفحطة ماكنت حاجز تخيلي
احجز وش ذي الشفاحة المهم انها خلاص بكل قوة ضاعت يوم وقفت عند الفندق وصنمت وعيت تنزل عاد انا نذل حجم كبير الله يحفظني
طفيت السيارة ونزلت ومشيت بدربي للفندق ودخلت اللوبي
تدرين فيها هي وعنادها ذا عاد اشوه عنادها تنازل .. نزلت بعد ثلث ساعة انتظار وصعدنا اللفت وشافتني ضغطت على دور المطاعم
ضحكت -: عاد الحين اكيد تطمنت
-: لا عاد بيجيك الحكي الحين
اصلاً هي كانت ساكتة من اول ينقال انها تكتم عصبيتها
فلمن دخلنا المطاعم مسكت يدها وقلت لها ماعليه ناكل
ونصعد السويت البنت بدت يدها تعرق وقالت اصلاً ع الفاضي حاجز ومخسر روحك .. المهم خليتها على اعصابها حتى ما اكلت زين
بعد ما شبعت قلت لها ترا سالفة السويت مقلب كلي لا تسوين مستحية
وقمت علشان ما احصل كم صحن على وجهي
عبير لم تتمالك نفسها -: ههههههههههههههههههههههههههههه
ياقلبي هي والله حرام عليك لا وياليتك اكتفيت بكذا
ضيعت عليها المحاضرة
-: هي السبب كانت تسوي يعني زعلانة ولمن رحنا الفندق مانزلت سريع
حتى وحنا نازلين كانت تزحف
-: اجل يبي لك تراضيها
-: اشك الحين تشوف وجهي تتذكر جهنم
-: هههههههههههههههههههههههههههههههههههه
ليه وهيّن تنكتب آبسنت
-: لا تسجلت حضور دبرت عمرها
-: يمكن وحدة من قروبها حضرتها













*













كانت تقلّب في المجلة فاستقرت على صفحة
خاصة بملابس ومستلزمات الأطفال
تأملتها وهي تبتسم بألم
خرج من الحمام وهو ينشف شعره
طوت الصفحة واغلقت المجلة سريعاً ووضعتها جانباً
ولفت عليه -: جهزت لك ملابسك
ابتسم -: الله يسعدك
-: يلا خذ راحتك انا بنزل للبنات واشوف تالا بعد شتسوي
-: لا عادي خليك
نهضت -: لا لا لازم اروح اشوف وش مهببين في المطبخ
ضحك -: الله يعينك
خرجت من الغرفة واقفلت خلفها الباب
سقط نظر سطام على المجلة وتذكر انها اغلقتها سريعاً
وبفضول وغرابة اخذها وفتحها ..
تقلبت ملامح وجهه فجأة ..
اعاد المجلة مكانها ..
تنهد وهو يتمتم ..
هذا الشيء كان مشترك بينا وما زال ! ..











*












-: يلا كلي تكفين
-: لا مابي
-: امجاد وبعدين معك ترا امي بنفسها مسويته لك
-: ماني مشتهية وبعدين اكلت اصلاً
وسام -: كذابة والله حتى الغذا ما تغذت
لمى تنهدت -: ياربي كيف عنيدة تراك بتموتي من الجوع
افراح -: اقول معاي فكرة
وسام -: وش
افراح نهضت -: تعالين معي اقولكن وش هي
امجاد -: خططن لين بكرة مراح اكل
نهضتا وسام ولمى وجلستا على الكنب واصبحن ثلاثتهن يتهامسن
-: التناجي حرام ع فكرة
افراح نظرت لها -: مالك شغل .. ومدت لسانها
وسام ضحكت -: طيب ايه كملي
بعد لحظات نهضن .. وسام وقفت بجانب امجاد وابتسمت ابتسامة عريضة
-: وش وراك من بلا
-: ابد احبك تصدقين
لمى باغتتها من الجانب الاخر ومسكت ذراعيها
وشدتهما للخلف وراء ظهرها
وافراح اخذت لقمة كبيرة من المرقوق ووضعته داخل فمها
لتبلعه بقوة وبعدها كحت -: ياكلبين يا .... يا ..... يا ...... ويا يا يا
ثلاثتهن -: ههههههههههههههههههههههههههههههههههههههه
افراح اخذت لقمة اخرى
-: والله لأذبحك وانتِ يا لمى فكي
-: ادري مايهون عليّ لكن لمصلحتك والله
وسام ذهبت مع لمى لتشدا ذراعيها اكثر
-: عمى بتكسرن يدي .. ولم تكمل من الملعقة التي استقرت بفمها














*












خرج من المحاضرة واخذ جواله ليتصل عليه
-: صباح الخير
-: مساء النور
-: ههههههههههههههههههههه لسا ماغربت شمسكم
-: خلاص نعتبر مساء
-: طيب يالناس المسائية عاملين ايه
-: ابد جالس امشي
-: كيف جالس وتمشي
-: ياخ انت لازم تدقق الا صادق شلون جالس امشي
لا صراحة لازم احدد وحدة جزاك الله خير ع التنبيه
-: تنبيه ولا تحذير
-: لا تبذير
-: شدخل تبذير انت ووجهك ذا
-: ههههههههههههههههههههههههههههههههه
مادري المهم ما اخذت اخبارك يا الذيب
-: والله كويس قدا قدا
بنبرة لن يفهمها سواه -: متأكد
-: ايه خلاص صار ثلاثة اشهر على الموضوع
ماعدت مهتم ..
-: زين اجل تبي صاروخ امريكي
-: لا صاروخ ولا طيارة
-: اجل مدفع
-: جواد حل عن سماجتك ياشيخ
-: شف شف مين يتكلم عن السماجة
ابتسم -: الا انت ماقلت شهي اخبارك
-: ابد توني طالع من المحاضرة انغثيت لما خلاص
-: حد قالك تكمل كان رضيت بالشغل وانتهى
-: انت انسان ماعندك طموح ابد
-: اقول طير عني يا ابو طموح انت
-: ههههههههههههههههههه لا شكل الاخلاق مزفتنه
-: بلعكس كنت عايش في جو الروئان لكن لمن دقيت
طار كل ابو شيء
-: اسف عاد اول مرة ادري ان صوتي يشرح الصدر
لكن ماعليك بدق عليك كل يوم
-: جواد اشوف المحاضرة ذي سوت شيء بمخك
-: جهاد اسمعني زين
-: لا صوتك تغير اكيد الموضوع قوي
-: وحساس بعد
تغيرت ملامح وجهه -: ان قصدك على ..
قاطعه -: ايه قصدي عليه شف لك حل يارجل
مهو معقول تظل طول حياتك عزاب بعدين البنت كانت عندها ضغوط نفسية على كلام ام سعود وماكانت تبي تتعبك معها
بعدين علها خيرة
بسخرية -: أي ضغوط ذي اللي تجي في يوم العقد
ع العموم ماني ميّت عليها اللي يجيبها يجيب غيرها
-: بالضبط قلتها يجيب غيرها ومتى بتجي غيرها
-: والله شقالوا لك الحريم مسوين حولي دايرة وأأشر للي تعجبني
بصباعي وتجيني ركض
-: جهاد انا اتكلم بجد اترك عنك هالتمسخر
تنهد -: خلاص ياجواد اخوك عاف الحريم













*












بعد صلاة المغرب ..
جلستا بجانب جدتهما
-: يمه وين ابوي مطلق ؟
-: بمكتبه . تبين شيء ؟ محتاجة شيء
بحرج -: لا مابي ولاشيء سلامتك
نظرت لأختها بنظرة " السواة ؟ "
الجوهرة التفتت بنظرها في الانحاء -: وين امي ؟
-: بغرفتها
علامكن في شيء لا تخبين عليّ وانا امكن
-: لا بس استغربنا محد في عاد سويت قهوة مراح يندم اللي يشرب منها
-: ماعليك الحين جهاد وعمار جايين نذوّقهم منها
عقدت حاجبيها -: شمعاهم ذولي
ضحكت -: هاو بيت جدهم مايسيرون يعني
-: لا مهو قصدي كذا بس غريبة محد متجمع ولا شيء
-: لا يابنيتي العيال وحتى البنات فيهم الخير يجون بأي يوم يسلمون علينا
ويلجسون يسولفون معنا وعاد تدرين اذا أي واحد من العيال بالذات ضايق خلقه او يبي شيء وامه وابوه ماسمعوا له يجي لجدك
المار -: جد يمه ؟ اول مرة ادري
-: لا جد يابنيتي عاد انتن حارمنني منكن ماتجين الا نهاية الاسبوع
وعاد في مرات ماتجين ..
المار والجوهرة نهضتا وسلمتا على رأسها
الجوهرة -: ماعليه سامحينا علشان الشغل والدراسة كانت هالكتنا
المار -: ايه صح ع طاري الشغل يمه نبي نرجع نشتغل
-: هاو وش تشتغلن فيه عاد الحين أي شيء تبونه عندكن انا ومطلق مراح يقصر بشيء اهتمين بدراستكن والشغل لاحقات عليه
المار نظرت للجوهرة بنظرات مستفهمة
وقابلتها الجوهرة بنظرات غير راضية
سمعتا صوت عمار وجهاد -: دددرررررب
نهضتا -: خلاص حنا بندخل
دخلتا داخل ومازال لسان الجدة يدعو لهما بكل خير
دخل جهاد -: الله شهالريحة زينة
-: ايه ذوقوا هالقهوة من يدين الجوهرة
على قولتها اللي بيذوقها مراح يندم واهي الصادقة طعمها يهببل
عمار ضحك -: لا بنت العمة واثقة حيل اجل لازم نجربها













*













سلّم من عمله وعاد الى شقته ..
وضع رأسه على مخدته بتعب
رنّ هاتفه فالتقطه ورأى رقم والدته
رد عليها بانشراح متجاهلاً ذاك التعب -: هلا بالغالية هلا بست الحبايب
-: ياهلا فيك ياوليدي
ابتسم -: كيف احوالك ان شاء الله زينة
-: ايه زينة الا انت شحالك تاكل زين تنام زين ؟
-: ايه الحمدلله يمه
-: عاد الحين عندي لك اخبار زينة
-: بشري يمه وش
-: عبير وافقت
ونسى ان الذي فُتن بها تدعى عبير -: من عبير !
-: هاو مسرع مانسيت اسم خطيبتك
ضحك -: اعذريني يمه التعب ماخذ وضعيته عدل
-: ياقلبي هالتعب في العدو ولا فيك يارب
ضحك بتعب -: امين
الا ايه جد وافقت ؟
-: ايه الحمدلله وعاد قلت اقولك متى تبي الملكة علشان ابوك يحدد معهم
-: خير البر عاجله
ضحكت -: شقصدك
-: والله عاد هي عندك وانتِ افهم
-: خلاص اجل الملكة بعد رمضان
اتسعت عينيه -: وش بعد رمضان لا لا خلاص الاسبوع الجاي
-: ههههههههههههههههههههههههههههههه
قول كذا من البداية
المهم حبيبي ما اطول عليك انت الحين نام بس هاه لاتنسى تعدل المنبه على صلاة العشا ..
-: اكيد يمه اكيد
-: يلا اجل وداعة الله
-: في حفظه يا الغالية
وضع الهاتف جانباً وكانت على شفتيه ابتسامة عريضة
صاحبة الشامة تلك التي بعثرت مبادئ كياني
كان واجباً عليّ ان امحي تفاصيلها من ذاكرتي
لكن لم استطع تجاهلتها كثيراً فانشغلت بعملي
ولكن كانت تطل على زوايا عقلي من جميع النواحي
حتى انفجرت جميع طاقاتي فبحت بسري لأمي
بأن قلبي وعقلي وجميع مافيّ يريدها
كان صعباً عليّ حينها عندما علمت بأنها على ذمة رجل اخر
وانصدمت اكثر عندما علمت انها زوجة صقر الشميسي !
فانشغلت بعملي اكثر واقفلت موضوع الزواج
حتى يجعل الله لقلبي مخرجا
وفجأة بعد فترة سمعت اختي تقول لأمي وهما لايعلمان بأني استمع لهما
..
-: يمه مو صح عبدالعزيز يبي عبير تراها تطلقت
-: شقصدك !
-: خلاص يعني نخطبها له بعد م تخلص عدتها
-: لا مستحيل اخطب لولدي مطلقة ..وصمتت لتردف بعد لحظات ..
بقايا رجال ثاني
حينها لم اشعر بنفسي الا مقاطعاً لهما
-: يمه انا ابي البنت وقلبي مرتاح لها وبعدين انتِ عارفة
هي كانت زوجة مين
صمتت ..
-: انتِ عارفة ان صقر هذا صار في السجن يعني اكيد بتطلق منه
يعني العيب مهو منها العيب من الرجال وبعدين خلاص انا راضي
-: صح يمه بعدين انتِ تعرفين عبير زين شحلاتها وشحلاة اخلاقها
-: عارفة ما اقول بحقها الا كل خير بس سالفة انها متطلقة ماهي جايزة لي
-: يمه لحظة تخيلي لا قدر الله انا تطلقت مثلاً بعيد الشر عني وعن ركوني
المهم وكان الغلط على راكان يعني بتظلين على نظريتك هذي
بانفعال -: لا اكيد
-: شفتي اجل
تنهدت -: خلاص خلوها تخلص عدتها واخطبها
....
حقاً ان القدر متقلب لا يبقى على حال ابداً
من كان يصدق بعد ان يأست عنها تسهّلت كل الطرق الآن لأن تصبح لي
حينما اتذكر تعثرها بعمار ووقوعها امامي
كانت بها لمحة طفولية تتخللها تفاصيل انثوية فاتنة
فتنت بها قلبي العاجز عن الحب ..
لا اعلم كيف ولمَ احببتها عند تلك اللحظة
ومن تلك اللحظة ايضاً نصبت تذكاراً لها في رفوف عقلي
واقامت عرشها على اراضي قلبي الخاوية ..











*











فتح القرآن وبدأ يقرأ اواخر سورة القيامة فبكى ..
طبطب عليه ذاك الرجل المسنّ ، كانت الانجليزية لغتهم الوحيدة للتخاطب
فقال له -: لا اعلم ان كان الله سيقبلني
-: ان الله تواب رحيم يا اخي
نظر له وهو يمسح دموعه -: لكني اذنبت كثيراً
نظر للأعلى وهو يشير بإصبعه -: ان الله غفور رحيم
-: اتعلم وان غفر الله لي لن يغفر الناس لي
شد على كتفه -: انا لا اعلم ماذا فعلت ولكن افعل الذي يريح ضميرك
ببحة البكاء -: سأعود للسعودية واسلّم نفسي للقانون لكي يرتاح ضميري
فقد افسدت كثيراً من الناس ..
بأسى التزم الصمت وهو يدعو له في داخله ..

_____________



انتهى ..


سبحان الله ولا اله الا الله
اللهم صل وسلم على سيدنا محمد


- كفارة المجلس ..
سبحانك اللهم وبحمدك اشهد ان لا اله الا انت استغفرك واتوب اليك





والمفاجآة
انو في بارت ثاني ")

هههههههههههههههههههههههههههههه ادري توقعتوا شيء اعظم
بس يلا برضو مفاجآة حلوة اياني واياكم حدا يئول مهي حلوة >> لأبو خربطتك في الحكي