كاتب الموضوع :
مس ميلانو
المنتدى :
الروايات المغلقة
رد: روايتي الثانيه :عابـرات فوق ألسنة النيران
صحت العصر يادوب اخذت شورعلى السريع جففت شعرها
واستشورته طرفت لها فستان تايقر وقاعده تتمكيج
بدخول لميس اللي رفعت حاجب:على وين ان شاء الله؟
ليلى بهدوء:وحده من صديقاتي عندها حفله وعزمتني
لميس بعدم تصديق:اهاا ترا امي راحت لخالتي وماراح ترجع الا متأخر
"ابتسمت وهذا المطلوب بدخول ريان اللي خبص الدنيا اخذ الكحله السائلة
وحطها على وجهه"
رمت القلوس وبأستهجان:ياولد ارحممممممممني آآه ياربي
لميس بضحكة:هههههه الزمي حدك تراه امير
بوزت:امححق بس ..شالته للحمام "وانتم بكرامه" غسلت وجهه بعد صعوبة
دخلت الغرفه ودفته على لميس:لبسي هالقلق
ليمس ضمته بقوه :ههههه والله ماطلع على احد غريب امي تقول نسختك
وانتي صغيرة أذيه
طنشتها ليلى وقامت تلبس اللبس الفرنسي الكامل وفوقه الفستان
تنحت لميس لفت ليلى:اربطيه لي
ربطت لفت عليها:وش فيك مسطله؟
لميس خقت غمزت:جسمك خطييييييير اذا انا بنت وخقيت وش بيصر
فيه هالجسار بيذوب والله
كشرت ورجعت تكمل لبسها نثرت شعرها على كتوفها
وتعطرت اخذت عبايتها قربت من ريان وباسته بفمه:طعممه ولدي فديته
لميس:هههه واللي قبل شوي تهاوشه وبغت تصكه كف وش نقول
عنها
ليلى قلبت عينها:اخرجي منها انا وولدي نتفاهم صح يابطل؟
هز راسه باسته مره ثانيه:انتبهي له وعشيه الساعه
دفتها لميس:الساعه 8 ويكون عشاه خضار مسلوق يحب البطاطس
اكثر واعطيه مويه بس ما اكثر لأن بعطيه حليب قبل لاينام الساعه 9
والساعة 8 ونص احط له توم وجيري وربي حفظتها
ضحكت ليلى حضنتها وبممنونيه:انا من دونك وش اسوي يلا باي
ابتسمت لميس:باي
طلعت وقفلت الباب لقت سيارة مظلله تنتظرها بأخر الحارة اكيد
مرسوله منهم مشت لها فتحت الباب اللي ورى وركبت تنفست بهدوء
:السلام عليكم
رد بصوته الجهوري:وعليكم السلام
رفعت عينها وجات بعينها انصدمت :انت!!
:
وقفت عند الشباك تكلم اختها جات عينها عليها وهي تزرع وتحفر
ولابسه قفازات بنيه ولامه شعرها كله ذيل حصان
ريم:ياهووو وينك؟
روز بفهاوه:معك خائفه
ريم بأستنكار:من وشو خائفه؟
روز بخوف باطني:منها صار لها اسبوعين هادئه واغلب يومها
تزرع
ريم بضحكة:يمكن العقال له مفعول هههه
روز شافت سلمان قرب منها جنت بسرعه:بكلمك بعدين باي
قفلت بسرعه وتراقب الموقف
سلمان بهدوء:احممم
"سلمان"
رفعت راسها لم تنحنحت الشمس عكست نحرها الصافي
ابتسمت من ورى النظارة الشمسه ولبسها مثل الفلاحين
وشعرها الملموم كله لفوق صايره مو طبيعيه ابدا ابدا
مو ندى صرت اخاف من هالهدوء قلبي يقبضني كل شوي انتظر متى راح
تقوم الدنيا وتقعدها
بكلمة منها عند ابوي قلبت الموازيين كلها وخلته يرضى علي
الغريب بالامر انها رضخت وتقبلت وجود روز قدامنا وقالت بالفم المليان
عينهم فيهم لما دخلوا يترقبون ردة فعل سعود اللي بيتكلم
سبقته:عمي انا جايه اعتذر
عقد حواجبه سعود:من من تعتذرين؟
ندى وعينها فيه:من زوجي وابو عيالي حقك علي ياسلمان انا غلطت
عليك واجد وعرفت خطأي واتمنى تقبل عذري
بلم مو مستوعب مثل الباقين"
لفت عليها وحضنتها:"
وآسفه اذا سببت لك اذى "ابتسمت" انتي مثل اختي
سعود برضى:طول عمرك عاقله ياندى شفت "يوجه الكلام لسلمان"
قايل لك ماراح تلقى وحده مثلها بنت اصل وفصل الله يهدي سركم
هالمره سماح عشان خاطر بنت خالد المره الثانيه ماني متقبل أي شيء
وبقولها بالفم المليان انا مازلت عليه ماني راضي بزواجك منها ياسلمان
"نزل راسه سلمان" لكن بعد ماني بغاضب ربي واجبرك تطلقها لكن
اللي لها القدر والحشيمه بنت خالد وغيرها لااا
انصفقت وجيه البنات كمل بضحكة:انتم بناتي من قبل خذيتوا دوركم
فوزية:ههههه الله يهديك ياعمي نشفت مكاني قلت ندوي خذت الغلا كله
سعود وعينه عليها تشبهها مو ملامح لا بحيويتها اللي تضج ضحكتها
كل شيء:تستاهل كل خير بنت خالد
عقدت حواجبها ورجعت تكمل تحفر وترمي البذر وتدفن التراب
احتار وش يقول انا شاك باللي تسوينه انا خائف من هالهدوء
:متى بتنامين بغرفتنا؟
تكمل تحفر ومو معه ابدا مسكها من عضدها وهي بتقوم شهقت
بخفه مو قادر يتحمل صدها عنه جفاها تحسسه كأنه اخ كأنه غريب
مو زوج الوضع بينهم بعد اخر مره رسمي حتى اخر موقف جمعهم
صحت مفزوعه وخرجت بدون ماتنطق حرف واحد
بجية البنات شافوا سلمان عدلوا حجابهم قربوا
بصوت واحد:السلام عليكم
ترك يدها ورد:وعليكم السلام ياهلا
انحرجوا انهم قطعوا عليهم
منال برحمة:ندى مايصير حرام عليك من الضحى لين اللحين وانتي تزرعين؟
عقد حواجبه:من الضحى!
سحر بتأييد:ايه مو زين لها التعب هي حامل بعدين الشمس بتضربها لاسمح الله
سلمان :ندى خلاص وقفي
ما اهتمت لكلامهم بالاحرى ماعاد تحس بوجودهم فصلت نفسها وعالمها
عنهم وعن عالمهم جلست على ركبها على الارض وترمي بالبذور
سلمان بأمر:ندى قوووومي
تكمل اللي بيدها شات التراب بقوة على وجهها وقفت وبيدها بذور
عصب:لما اقولك تقومين قومي راح تتعبين
نثرت البذور من يدها وطنشته اخذت بيدها التراب ودفنت البذور
البنات بلموا من حركته وبلموا اكثر من سكوتها له
سلمان بتعب منها:خلاص ياندى ارحميني وربي ماعاد فيني طاقه
راح تجننيني هذا اللي تبغينه هاا ؟
"نزل مستواها وهي ماسكه التراب
نفظ التراب وشد على يدها "
بنبرة حنونه:يكفي اللي تسوينه بنفسك حرام
والله حرام فكري اللي ببطنك
ندى بسرعه:نسيت زهرة البنفسج عمي يحبها ايه صح فوزيه
زرعت ريحان اعرفك تحبينه
قام من عندها شات البذور ودخل داخل
البنات رحموها عرفوا انها تبغى تفرغ غضبها وانكسارها بهالطريقه
فوزيه نزلت لمستواها:حبيبتي ندى تعالي نروح نتقهوى وبرجع اساعدك
ندى :وعد
فوزيه بحنيه:وعد يلا تعالي
قاموا وراحوا لجهة الكراسي عند المسبح
ندى:بروح اغسل يدي واجي..فسخت القفاز ورمته
وراحت تغسل يدها
سحر بحزن:ماتستاهل اللي يصير فيها كذا
منى:ماوصلت لهالمرحله الا انها تحبه ومتعلقه فيه كثير
منال بتعجب:بصراحة انا مصدومه منها ندى اللي عن قبيله يصير
فيها كذا
فوزيه برحمه:وش عاد تسوي لا الصياح فادها ولا ندب الحظ فادها
دخلت القصر طلعت الدرج نسيت بوجود فواز اللي ماراح
مع اخوانه للقنص
نازل يدندن ويشيك على جواله
تمشي بسرحان وعينها بالأرض اصطدموا ببعض
فواز بسرعه:آسف ..رفع عينه وهي طاحت النظارة ونزلت
الارض تشيلها رفعت راسها عقد حواجبه ماعرفها همس:ندى انتي ندى؟
دب الخوف بقلبها بسرعه مرت من جنبه وطلعت الدرج وعينه عليها
ضحك بخفه :طول عمرك ياسلمان رافس النعمه بيدك
"ابتسم بخفه اللحين عرف ليه سلمان رافض انها تفتش عليهم"
رفع صوتك:ما الومك ياسلمان
:وش اللي ماتلومه عليه؟
لف وكشر:شيء مايخصك اهتمي بشؤونك وبس
عادله بكرهه له وتعرف انه يبادلها نفس الشعور:
متى ناوي ترجع كأنك طولت؟
ابتسم بسخرية :لايكون جالس ببيت ابوك وان امو داري مالك خص
اهتمي بشؤونك يالساحرة
عادله بعصبيه:قلة حياء
رفع حاجب:عجييب لايكون نسيتي من اللي واقف قدامه
بلعت ريقها وبكرهه:مصير هالقصر بكره لي وراح ارميكم ياعيال
سعود واحد ورى الثاني برا
طلع درجة عقد حواجبه:ماسمعت عيدي من اللي راح ترمينه "رفع صوته"
تخسين وتعقبين مو انتي اللي بتطردينا هه اصلا نسيت ماضيك
المشرف يالمصونه
عادله بقهر:أي ماضي؟
ضحك بخبث:انتي ادرى ماضي لو فاح طار رقاب واولها انتي
وسكوتي لهالحظه مو عشان سواد عيونك لا عشان المغلوب على امره
"يقصد سلمان" اخوي اللي من لحمي ودمي ينصدم بعد كل هالعمر من وحده
حطها بمقام امه وانتي تخسين وتعقبين ماتطولين ظفر مضاوي بنت محمد
فخليك بخيرك والا اقسم لك ماني راجع الا وقد حضرت عزاك
..نزل وسفهها
وهي حاقده بقوه عليه طلعت لجناحها وتخطط على هدفين هالمره
"ندى&فواز"
:
:
*فوق+ 18*
أي حياة عادلة تنصفنا من من احببناهم ؟
أي قدر يغير الاحوال ويبعثرها؟
أي تعزية تستطيع ان تجبر قلوبنا
عن اناس سيرحلون من هذه الحياة ويقتلون دون سبب!!
أي ظلم يفرق اب عن ابنائه وزوجته
أيا عقلا سيتحمل فكرة الفقدان
شعور مرير دميم يذبح من الصميم
احكيت لكم عن فتاة اصبحت بيوم وليلة امرأة
مختلفه عن غيرها فقط لأنه تزوجت (اميرها)
الذي لم يعثر على فردة حذائها ولم يقم بتقبيلها امام الجموع
اختيرت لتسلب عقله قبل قلبه من امرأة اخرى
ايا انثى تستطيع ان تتحمل قرب رجل منها وتعلم بأنه
عندما يهطل القبلات على نحرها وصدغيها يتخيلها امرأة اخرى ..
قلتوا عنها انها مجنونة وانها انانية بعض ما..
هل جربتم ذلك الشيء الذي يجبركم ان تكونوا مالستم عليه
تتحلون بالقوة وتربونها بداخلكم وبأعماقكم انتم اخف من الريشة
ولكن من اجل ان تعيشون في كوكب يعيش فيه
"المجنون,الساذج,الخبث,الطيب ..وووو الخ
تجدون انفسكم في امتحان لامثيل له بالصعوبة
كنت هنا عابرة فوق السنة النيران واعلم بأنني سأعبر
اكثر واجهل ان كانت هذه النيران ستحرقني ام سأخمدها !!
لبست لبس النوم الفرنسي رفعت شعرها وضعت دهن العود
على اماكن النبض وخط الصدر تركت شعرها منسدل
عدلت القلوس اللحمي وعينها على الشموع اللي تملأ الغرفه وتتمايل بخفه
مع هواء البلكونه قشعريره سرت بجسدها وتسمع صوت البومه المزعج
وكلاب الحراسه تتمالك اعصابها قدر الأمكان اسبوعين مرت وهي هادئه
بدخوله رفعت راسها ورسمت اجمل ابتسامة
توسعت ابتسامته وعينه على الشموع:تأخرت عليك؟
رفعت كتوفها بدلع واغراء وانتثر شعرها على نحرها بلع ريقه
قرب منها مسك يدها وعينه بعينها ويمسح على شعرها:ندى ماني مصدق
رجعتي لي رجعتي ندى الاولى
لمعت عينها قربت منها وهمست قرب شحمة اذن:رجعت لأخر مره
ما اهتم بعد مبسوط تكلم بهدوء:سلمان احضني
ابتسم بهدوء وحضنها ويده على خصرها وشاد عليها تكلمت وهي بين
حضنه:انا جنتك والا نارك؟
بعدها عنها عقد حواجبه:وش تقصدين؟
ندى بترجي:جاوب على سؤالي
سلمان بصراحة:انتي ناري اللي تكويني وتحرقني
نزلت راسها بحزن رفع دقنها بطرف يده وبحب:على انك تحرقيني
وتوجعيني لكن تدفيني ومستحيل استغني عنها لو كان معي
الف جنه
:
:
صفق بخفه:برافوووووو والله برافوو على عميلتنا المصونه
ليلى بغيظ :اذلف عن وجهي كل ماشفتك الا ماتطلع لي مصيبه
ضحك بأستخفاف:لأني اكبر مصيبة راح تواجهينها بحياتك وماراح تقدرين عليها
ليلى بغيظ:الحمدلله والشكر عرفت نفسك
استشاط غضب بتنزل قفل السيارة من عنده صاحت
:نزلننننننني ياكللب
لف ورفع يده بيضربها بسرعه غمضت عيونها ومدت يدها لقدام
تحمي نفسها ضحك بخفه:جبانه انزلي ولاعاد اشوف رجولك توطوط برا
هالبيت لين موعد لقائنا ياحلوه
ليلى بصرخه فجرت ضحكته :كل تراااااااااااااااب
جسار صفر وبخبث ويشوف شعرها طالع من تحت شيلتها
:الا اذا كنتي مشتاقه كثييير وقتها نقدر نقدم الموعد ونخليه بكره
كرهت نظراته تحس بغثيان كلهم يفكرون فيها سلعه مجرد جسد
بكت بخنقه:خلني اروح
استغرب بكائها رفع حاجب:ليه البكاء لايكون تبغين اقدم الموعد
اليوم
انفجرت بكي :اهىىى اهىىى اهىى
ضحك بأستمتاع لبكيتها وكأنها مقطوعه موسيقيه يعشقها
وقف ضحك:استغفر الله بس يلا انزلي اشوف وبطريقك هاتي ريان باخذه
صاحت بفجع:مستحييييييل
لف ورفع حاجب:يابنت انتي الا تبغين تتصفقين ذي الليلة جيبيه
ليلى بكرهه:ماراح اجيبه واللي براسك اسويه
جسار بخبث:اللي براسي هو .............
غمضت عينها بخوف وقرف وهو يضحك:هههههههه
ههههههههههههههه الحمدلله والشكر انزلي وهالشغل تنسيه
ليلى بكرهه واضح:مو بيدي هم يجبروني
جسار بثقه:وانا اجبرهم وتحت يدي سمعتي اصلا مهمتك اليوم
برا الرياض واكبر تجار مخدرات واسلحه وقوادين فيها
"فتحت عيونها بوسع وعدم تصديق"
كمل:بأقذر مكان ممكن تتصورينه حي دعارة امريكا حوله
ولأنك بتكونين حرمنا المصونه ماسمحت لهالشيء يصير
"مو مصدقه كلامه بس فعلا لما كلموها قالوا اصعب مهمه
وبتكون اخر مهمه بس ليه يسوي كذا معها فعلا عشانه بيملك عليها"
تأمل جدران البيت من برا ضحك:متحمسه لي ياروحي
جات عينها على المكان اللي يطالعه لكن اللي لفت نظرها
خروج لميس ومعها ريان راقبتهم شافت سيارتين سوداء تتبعهم
صاحت بهلع:رجبببببب
بلع ريقه ويشوف المكان اللي تطالعه بسرعه نزل من السيارة وجرى لهم
شافوه بسرعه نزلوا بياخذون ريان لكن لميس سحبته وجرت
طمرت لقدام ونزلت ومو مهتمه للثمتها اللي طاحت بالها بس عند
اختها وولدها صاحت بفزع:لميييييييس رياااااااان
"ماعاد شافتهم نشف دمها ثقلت رجولها وتشوف رجب يهرب لما شاف جسار يلحقه
ركب سيارته رجب واختفى وقف مفحوم من الجري
دارت عيونها بكل مكان وهي تبحث عنهم نزلت دموعها بخوف
قرب منها جسار ماعاد تقدر تتحمل كل هالثقل والخوف طاحت عند
رجوله بكت بحرقه والم
انصدم من منظرها عمره ماتوقعها تنكسر مثل كذا صحيح يعرفها ضعيفه
مثل الورقة يحركها الهواء لكن مو مثل هالخفه"
ليلى ببكاء وصوتها متقطع:راحوااا اهىى اهىى
مد يده يقومها لكن كرهه لبنات حواء اكبر من انه يتجاهل قلبه الممتلىء
بالحقد ويساعدها
بخروج لميس من ورى الزباله المختبئين فيها
هي وريان زفر براحه:قومي شوفيهم
مو مصدقه عينها بالارض رفعتها شافتهم والا ماشافتهم ضحكت بين دموعها
وقفت بتعب وجرت لهم حضنت ريان وتمسكت فيه بقوة
لميس بدموع:ليلى من هذولا انا خفت
ليلى تصرفها:انتم بخير؟
بكت:لا مو بخير ليلى هم نطقوا اسمك بالتحديد وعطوني هالورقة
بعدت عن ريان وبهمس:ادخلوا البيت
بتتكلم صاحت بوجهها:ادخلوا البيت
رضخت لها لميس ودخلت مع ريان اللي عينه بجسار ويبكي بخوف
فتحت الورقة وقرأت المكتوت بالدم
"يغفر لكل الخطايا الا الخيانة لاغفران لها"
تنهدت بضيق غمصت عينها بتعب حست باليد اللي سحبت منها الورقة بقوة
ويقرأها ضحك بأستخفاف:يهددونك!
ليلى نيران بصدرها :بكره راح نملك
"فتح عيونه بصدمه كملت وهي تعرف هالشيء ينقص من قيمتها
وراح يتفنن فيه جسار بالايام القادمه ويذكرها انها هي اللي عرضت عليه"
ابتسم بخبث:موافق ..عطاها ظهره بيمشي لف وغمز
:على فكره البني مطلعك غيييييير ههههه ولف ركب سيارته
وعينها تراقبه كرهته من كل قلبها مع انها ماتعرف تحقد لكن
كان لجسار مكانه كبيرة بقلبها لحقدها عليه
:
بقصر الامير سعود..
فتحت عينها تحلم اكييييد تحلم لا لا كل خطتها اللي سوتها
راحت هباء منثورا شافته غاط بنوم عميق ومستمتع بالنومه
بعدت اللحاف بقرف سحبت الديشنبور وربطته على جسدها الذي بدأ بالنحول
دخلت الحمام فتحت الماء الفاتر ليمتلى الجاكوزي ذو الحواف الذهبيه رغم حملها
لتدع رغوة الصابون الفاخرة والعطور الساحرة تحتضن بشرتها
عينها على بطنها الذي بدأ بالبروز تأففت من غبائها وسذاجتها
عندما يكون حاضرا معها
جميع خططها تنتهي بالفشل ..كل الكلام الذي تجهزه لترميه قذيفه
بوجهه يختفي عندما يقبلها ..
كل نظرات الحقد والعتب واللؤم تتلاشى عندما تنظر له
دخلت بين رغوة الصابون ورائحة العطور تنعشها من جديد
فتح عينه ابتسم على جنب وعينه على قميص النوم المرمي على الارض
بأهمال استطاع ان يروضها رغما عنها
اخيرا كسب جولة الحرب وانتهت لصالحه ..كان يخطىء عندما ظن
بأن شخصيتها الاستفزازيه القوية تمحى ان قابلت خصم يشابهها
ارادته نارا وكان لها جنة بدل من نارا &نارا
طاحت عينه على الساعه شهق بخفه تشير الى 11 صباحا
اختفى من امس وهو يوم روز مشكلة جديدة سيواجهها
فتح باب الحمام بدون ان ينتبه انها داخل طاحت عينه
عليها مغمضه عينها و مرجعه راسها على الفوطة المصفطه بعناية
خلف شعرها البني ورغوة الصابون تغطي جسدها
ابتسم على شكلها المتعب وكأنها خاضت بالأمس اشد المعارك بحياتها
قاطع نظراته صوت جواله فتحت عينها بسرعه وطاحت بعينها
انفجعت تكهربت كل خلية بجسدها حمدت ربي ان الرغوة تغطيها
اشر بيده تكمل خرج وسكر وراه الباب ورفع صوته:ندى جهزي نفسك
راح نتعشى برا اليوم
بلعت ريقها تنفست تنفس الصعداء لما سمعت صوت خروجه
راح لجناحه الثاني بخروج روز من الحمام ولافه على شعرها
الفوطه مر من جنبها وبهدوء:جهزي لي ملابس عندي شغل
روز بسخرية:ليش ماخليتها تجهزها لك
"لف رفع حاجب"
كملت بقهر:مو حضرتك نائم بالعسل عندها واكيد هالنومه
كانت غييييييير
فهم اللي تقصد قرب منها بعد خصلات شعرها المبلله الطايحة
من الفوطة :اهتمي باللي يخصك وبس "همس بأذنها"
ومالك حق تحاسبيني على حقوقها مثل مالك حق هي لها حق
وانا بعد لاتحديني اسوي معك مثلها وقتها ماراح يعجبك وجهي
الثاني ..دخل الحمام رمت الفوطة بقهر وعضت اظافرها بقهر
:
:
واقفه خلف الباب وتسمع صوت اخواته مع لميس قدروا ينسجمون
ياترى هي بتقدر بعد قاطع سرحانها صوت امها
اللي تستعجلها دخلت برؤوس اصابعها سلمت على امه
اللي يبين عليها العز والرفاهه رغم انها مثل كبر امها لكن الاهتمام
له دور كبير
ابتسمت امه:ماشاء الله تبارك الله اجل ما الومه جسار لما عجل
بالموضوع
ابتسمت بمجامله دقائق حتى سمعت امها تأمر تستعجل
راح ياخذها
بلعت ريقها بتوتر وتشوف امها تسلم على ام جسار وتودعها
للآن مو مستوعبه انها بتروح معهم يعني خلاص بتترك هالبيت
وبتروح معه بتكون معه تحت سقف واحد مع الوحش اللي
ياما تفنن بتعذيبها ليالي وليالي نومها مع الفئران حرمها من الاكل
والشرب حرمها من ابسط حقوقها "تدافع عن نفسها"
قاطعت سرحانها امها:ليلى باقي واقفه خلصي بسرعه الرجال برا
ينتظرك
لا لا هنا حست بالجد بطنها مغصها بقوة ماتقدر تنطق بحرف واحد"
الاحبال الصوتيه انقطعت عندها "
رحمتها لميس وجابت عبايتها وشنطتها وشنطة ريان
لبست عبايتها بسرعه ووادعت امها واختها بالبكاء
تأُثروا ريم وقمر وسط نظرات استغراب امه اللي حست وابصمت
ان هالزواج بألاكراه رددت بداخلها"الله يهديك ياجسار"
خرجت معهم واسماعيل اخذ الشنط وحطها بالسيارة
وركبوا اهله بالسيارة الثانيه بتركب معهم
اسماعيل:السيارة الثانيه مع طويل العمر
بلعت ريقها فعلا هو شكله طويل عمر بتعذيبها مشت بخفه وتشوفه معطيها ظهره
ويكلم ومبين على ملامحه الضيق وكأنه بمشادة
ركبت ورى بخوف دقائق حركت سيارة اسماعيل متوجهه للقصر
لف وركب السيارة استغرب عدم وجودها
دق على اسماعيل:ليلى معكم؟
تبغى تتكلم ماتقدر تحس لسانها
يخونها رفع عينه على المرايه
وشافها:خلاص هم بأمانتك هالشهر يا اسماعيل
رجف قلبها شهر راح يستفرد فيها شهر ياربي ما اعظمك "
ارحمني من جبروته"
قفل رفع حاجب بعصبيه: لايكون سواق عند ابوك انا اركبي قدام
لا اراديا انصاعت له وركبت قدام يبغى يشحن جواله ماركب زين
رماه بقوة عند رجولها صاحت بفزع وساده اذنها:آآآآ
لف مفجوع من صرختها ابتسم بنذاله:خفتي يابابا باقي ياعمري
رددت بداخلها"وجعلنا من بين ايديهم سدا ومن خلفهم سدا
فأغشيناهم فهم لايبصرون"
:
:
"رحلة عائلية"
سكتوا واعينهم ببعض من القرار الجديد اللي اصدر سعود
فواز بأندهاش:رحلة عائلية!
سعود بأبتسامة:ليش مصدومين ايه رحله عائليه عندي اسبوع اجازه
وابغى اقضيه مع عيالي واحفادي فيها شيء ؟
محمد بسرعه:لا بس اول مره نسويها بحياتنا
ابتسم سعود وعينه بعين ندى:الفضل كله بعد الله لأم عبدالعزيز
سلمان ابتسم بخفه وبداخله"كنت حاس"
روز بهمس:يعني ماراح نروح لجزر المالديف؟
سلمان بقهر منها عرفت كيف تعطل رحلتهم:لا بنروح للرحلة العائليه
وااااو
ضحكت بخفه وتعرف انه بهاللحظه يغلي خلت مخططهم لشهر العسل
العظيم يفشل
الساعه 1 الظهر حركت كل السيارات
ندى ركبت مع سعود اللي كان يوريها مقاطع لأشهر سياسين
وياخذ رأيها عنهم..
سعود:بوش
قبضت حواجبها بكرهه:اغبى سياسي
سعود:صدام
ندى بعد تفكير:للأسف ذكائه في السياسة كان محدود
واكبر دليل على فشله حرب الخليج لما خليت العالم كله ضده ووقفت
الدول حلفاء مع الكويت رغم انك خليت العالم قبلها معه بالحرب مع ايران
وراها صوره ثانيه:بلادن
سكتت وبعد تحليل:اشك بموته
ابتسم بخفه:لكن القوات الامريكيه داهمته ببيته وقتلته
ندى برفعة حاجب:لكن وحده من زوجاته نفت مقتله وان الصور كانت
مفبركه
سعود:اذا كان رأيك ليش ماقتلوه ؟
ندى:لأن فيه اشياء اهم لهم من موته
وراها صورة:شارون
بانت على ملامحها القرف:سبحان من خلا جثته تتعفن كان اقذر سياسي
بالعالم وحتى يجرب متعة القتل جابوا له طفلة فلسطينية وحطوها
بين حضنه وقتلها بكل دم بارد بس عشان يحس بدمها
سعود ابتسم:لكن انتقام العزيز الجبار اكبر منه
وراها مقطع اخير له وهو بمؤتمر اصدقاء فرنسا وكان من بين الحضور
اوردغان ووزير خارجية اسرائيل
لمعت عينها بالفخر:هالأنسان لو وقف كل واحد وحب فوق راسه
ماراح يوفي حقه هو العمود الفقري لهالوطن يكفي فخر انه رفض يجلس
مع الصهيون بمكان واحد وهو الوحيد اللي اجبر الفرنسين يعقدون اجتماعين
بنفس اليوم حتى مايصافح يد تلوثت بدماء ناس برئيين
لمعت عينه حب واعجاب لذكائها وشغفها بالسياسة وكأنه ولدت
ودمائه تجري فيها ذكية لدرجة انه يخاف فقدانها بعد ماتعب مجاهدة
يلقى مثلها انثى محنكة قوية وضعيفه بآن معا لاتفقد قوتها وايضا لاتنسى انوثتها
تستغل كل شاردة ووارده لصالحها مستفزه بدرجة فظيعه مهما كان الخصم الذي امامها
عندما تقع عينها على شيء ترغبه حتما ستجلبه لها مهما كلفها الوقت
بأي مكان وزمان ..فخر انها زوجة ابنه الذي انجبه من احب النساء الى
قلبه رغم ماضيه الممتلىء بالنساء لكي يجلب من يخلفه بالكرسي
وفخر انها ام لحفيد يبصم انه سيخلف العرش والكرسي من بعد والده
او احدى اعمامه ..وضع يده التي ترتعش على يدها وبنبرة تجهلها
وهو وحده يعلمها:لو الموت يقرب ماراح اخاف يابنت خالد لأني تركت
بذاك القصر واحد يشبهني "يقصدها"
غصت وبسرعه:من غير يارب في عدوينك يارب انت ابونا
مالنا قوه من بعدك
على الساعة 4 ونص وصلوا
حجزوا افخم الشاليهات نزلوا الصغار يجرون
سعود :شوي شوي ياعيال لاتطيحون وتتأذون
ابتسمت فوزيه رغما عنها ابوهم اللي عوضهم عن يتمها هي واختها
عند الريسبشن والمدخل الاساسي للشاليهات
فواز تخصر:يعني شلون كل واحد بيحجز شاليه مع عياله وانا؟
:انا معك
لف وتوسعت ابتسامته:حي هالشوف
سعود ابتسم:ياعيالي عندي اقتراح اذا يعجبكم كان به واذا لا
نلغيه رغم اني ودي فيه
محمد بسرعه:انت تأمرنا يبه
سعود:ودي الحريم يكون مع بعضهم والرجال مع بعضهم
والخدم نوزعهم
سلمان انزعج من هالاقتراح عطل شهر عسله واللحين بيفصلونهم
سعود بضحكة:ماعجبك ياسلمان؟
سلمان بهدوء:اللي تشوفه
الشمس تشارف على الغروب منظر جميل جدااا
حيث الالوان النارية تغطي السماء وتحلق فوقها سرب من الطيور
وتلاطم الامواج على الصخور ونسمات البحر وصراخ الاطفال
يبعث بالصدر الانشراح
خرجت للبلكونه وقفت على السور حلقت بعيدا عن هذا
العالم غمضت عيناها اللوزيه لتبحر لوحدها..
فتحت عينها على اليد اللي ماسكتها من خصرها
فوزيه بضحكة:تظنيني سلمان؟
ندى:ههههه لا حسيت فيك
صرخت بقوة فوزية خلت ندى تسد اذنها:ياااااولد لاتغرق اخوك
والله لأعلم ابوك دينا تعالي ماما
منال خرجت:فوزية شفتي دينا؟
فوزية:ايه مع العيال وين الشغالات ماينتبهون لهم
رفعت حاجب بأستغراب راح تكون مثلهم بيوم تطارد ورى عيالها
ضحكت بخفه على هالتخيل
تخصرت منال:وش عندها الاخت تتبسم ترا سلمان ماهو هنا؟
ضحكت من قلب:ههههه لابس تخيلت نفسي اطارد ورى عيالي مثلكم
فوزيه بتعب وتصيح على عيالها:عيني من الله خير بتجربين مثلنا
بخروج سحر اخذت شهيق وزفير :آآه لبى قلبك ياندوي كنت فعلا
اخرج من جو الرياض
منال:امحق رطوبه
سحر بنص عين:المهم بحر قدام عيني "بهمس" وين الساحرة
حقتنا؟
فوزية لوت فمها وهي تتحلطم:مارضت ست الحسن والدلال
تقعد معنا حجزوا لها شاليه لحالها مع عائشه وابشركم بعدنا
بخمس شاليهات
صفرت من وراهم منى:لعن اووم الفله
البنات:ههههههههههههههههههههههه
بالجهه الاخرى..
لبس شورت رصاصي وقميص طويل ابيض
رفع شعره لفوق بالجل ولبس نظاره شمسيه رصاصيه
نزل يسبح عيال محمد الصغار لفت انتباهه ضحكاتهم
ابتسم مثل خواته لكن وحده منهم غير عن البقيه مميزه
جات عينه بعين سلمان اللي يمشي بالبحر وماسك بيده روز ويضحك
سبه الف مره رفع صوته:ام حسين
منال بسرعه رفعت راسها وابتسمت:هلا بك
ندى بسرعه رجعت لورى بحيث مايشوفها هم عليهم حجاباتهم مافصخوها
لكن هي بفوزنها المشجر وبدي سادة احمر
فواز بأنحراج:اذا ماعليكم امر جهزوا لنا القهوة والشاهي
منال بحب له:ابشر نص ساعه وهي عندكم
دخلت ومعها منى وفوزية..تنهدت سحر من قلب
مافاتت هالتنهيده ندى قربت وبنظرة خبث:كنتي تحبينه؟
سحر فزت:لا لا جنيتي لا احد يسمعك بس يعني "فركت اصابعها بتوتر"
كان مفروض اخذه لولا تدخل فوزيه
عقدت حواجبها:فوزيه!
سحر ابتسمت:يعني قالت مهما كان طيب وحنون لكن مو حق
مسؤوليات ونايف اولى
كشرت ندى تحس ان نايف نظامي درجة اولى يمكن من عمله العسكري
عكس فواز اللي مايشابهه اخوانه ابدا فيه حنيه لو تتوزع على هالعالم
يمكن تكفيه وزود غيييير عنهم
بالجهه الاخرى من البحر..
ماسك يدها ويتمشون عند البحر حكت شعرها بقوة
وقف سلمان وبأستغراب:صار لك اسبوع وانتي تحكين
روز تحك:مدري وش فيني
سكت سلمان بعد:انا بروح للعيال ..وتركها
روز تحك شعرها تحس ينهشها تفشلت وبداخلها "اكيد
انقرف مني بس وش اسوي يحكني"
طلعت للشاليه شافتها رافعه رجولها فوق الطاولة وحاطه السماعات
باذنها منسجمه
اما هي كانت داخله جو مع محاضرة للدكتور ابراهيم الفقي
عن قوة الثقة بالنفس "رائع جدا جدا جدا "
*لحظة* "بعضكم بيقول مضيعة للوقت وسخافة
وطفش بس انا اقولكم مو القاعده تقول العين تشبع قبل الاكل
وانا اقولكم الاذن تشبع قبل الدماغ يعني شيء يفيدكم ويفيد
حياتكم بكره وممكن بعد شهر وممكن سنه لاتترددون تسوونه
لأن الذاكرة تبدأ تضعف بعد عمر 25 سنة وشيء حلو ان يكون
عندكم ثقافه واستطلاع ما اتفلسف عليكم كثير لكن فيه كتاب قبل
كل شيء ان قرأتموه لن تخسروا وهو كتاب الله"
رفعت عينها وضحكت بخبث وتشوفها تحك قلبت عينها
روز ودخلت راحت لفوزية :احمم
فوزية بطيبه:هلا قلبي
روز تحك شعرها:مدري وش صايبني صار شعري يحكني
من اسبوع بقوة
سحر ومنى انفجروا ضحك:ههههههههههه
قلبت عينها تعرف انهم مايحبونها وانهم بصف ندى
لكن فوزية محايده تماما اما منال تتجاهلها علاقتها مو قويه ذاك الزود
فوزية تركت اللي بيدها :تعالي اشوف وش فيك
جلست على الكنبه وروز حطت راسها على فوزيه اللي بدأت تشوف
وش فيها فتشت انفجعت طار عقلها بلعت ريقها:امم
روز
وقفت روز وتحك:وش فروتي حمراء صح اكيد حساسية
فوزية بلعت ريقها:لا قمل
صاحت بأعلى صوتها:ايييييييييش
البنات:هههههههههههههههههه
منال عطتهم نظرة دمعت روز:بس انا اهتم بنظافتي دائما
فوزية بعدت عنها:يمكن عدوه
روز نزلت دموعها :مستحيل ...وجرت داخل
|
27-09-16, 02:42 AM
جديد مواضيع قسم الروايات المغلقة
العرض العادي
