روايتي الثانيه :عابـرات فوق ألسنة النيران

09-05-14, 02:55 PM

المشاركة رقم: 1

المعلومات
الكاتب:	مس ميلانو
اللقب:

البيانات
التسجيل:	Oct 2013
العضوية:	259798
المشاركات:	5
الجنس	أنثى
معدل التقييم:
نقاط التقييم:	15

االدولة

مدونتي

الإتصالات
الحالة:
وسائل الإتصال:

المنتدى : الروايات المغلقة

روايتي الثانيه :عابـرات فوق ألسنة النيران

روايتي الثانيه :عابـرات فوق ألسنة النيران

بسم الله الرحمن الرحيــم ..

يسعد لي مسائكم اعضاء وعضوات ليلاس..

صار لي فترة كبيرة غبت عن المنتدى ونزلت اول رواية لي"اقداري المجهلوة سترسمها بضحكتك
المجنونة"
ومالقيت تفاعل لكن
ان شاء الله راح انزل روايتي الثانيه "عابــــرات فوق ألسنو النيران"

واتمنى القى تفاعل منكم ...
وراح يكون اول بارت الليلة بأذن الله الساعه 7 مساء

دمتـــــم بود "مـــس ميلانو"

09-05-14, 03:00 PM

المشاركة رقم: 2

المعلومات
الكاتب:	مس ميلانو
اللقب:

البيانات
التسجيل:	Oct 2013
العضوية:	259798
المشاركات:	5
الجنس	أنثى
معدل التقييم:
نقاط التقييم:	15

االدولة

مدونتي

الإتصالات
الحالة:
وسائل الإتصال:

كاتب الموضوع : مس ميلانو المنتدى : الروايات المغلقة

رد: روايتي الثانيه :عابـرات فوق ألسنة النيران

اعتذر بشدة على الاخطاء الاملائية ..
روايتي الاولى"اقداري المجهولة سترسمها بضحكتك المجنونة"

روايتي الثانيه"عابرات فوق ألسنة النيران"

09-05-14, 07:36 PM

المشاركة رقم: 3

المعلومات
الكاتب:	مس ميلانو
اللقب:

البيانات
التسجيل:	Oct 2013
العضوية:	259798
المشاركات:	5
الجنس	أنثى
معدل التقييم:
نقاط التقييم:	15

االدولة

مدونتي

الإتصالات
الحالة:
وسائل الإتصال:

كاتب الموضوع : مس ميلانو المنتدى : الروايات المغلقة

رد: روايتي الثانيه :عابـرات فوق ألسنة النيران

بسم الله الرحمن الرحيــــــم...
بعد روايتي الاولى "اقداري المجهولة سترسمها
بضحكتك المجنونة"

حنيت وبقوة الى عالم الكتابة وأردت ان اقدم لكم
مولودتي الثانيه ...معزوفتي سموها كما تشاءون

"عابــــرات فوق الســنة النيران"

بالبداية اريد انوه على عدة نقاط...

/1لاتلهيكم الرواية عن الصلاة ...
2/نحن بشر لسنا معصومون عن الخطأ
فأن حصل مني تقصير دون قصد فسامحوني
3/ روايتي واقع لكن لايعيشه الكثيرون
من اراد ان ينتقد فقلبي مفتوح له ولكن
اتمنى يكون نقد هادف
4/اتمنى ان تنال على اعجابكم ولاتنسوني
من دعواتكم وتقييمكم ودعمكم
"مــــــس ميــــلانو"

فقـــــــــــط في موطنـــــــــــــي يتم العشق بالسر
والبوح به بالســـر
والفراق ايضا بالـــسر
فقط في موطنـــــــي لايحق لي اختيار من اراده قلبي يوما!!
في موطــــني فقط لايعاب الرجل ان اخطأ فهو رجل بل يطبطب عليه
لأنه يحمل عيبه..والفتاة عار يجب غسله!!
فقط في موطنــــي لايمكننـــي الحصـــول على حريتي حتى لا اقع ضحية
لقــــب "مطلـــــلقـه"
فقـــــط في موطنـــــي فـــارق الطبقــات يقضي علينا وعلى استحقاقاتنا وطموحاتنا
فقــــط في موطنـــي نعيــش تحت جلباب او"بشــوت" الكبار
فقــــــط في موطنـــي عندما اكتب هذه الكلمات فسأجد الجميع يقفوا بوجهي
فقـــط في موطنــــي لايحق لي الاختيــار وسأدفع ثمن اخطائي للأبد
ويجهلون ان الله كان ارحم منهم وفتح بابا للتوبة !!

تمهلوا ....
فكل تلك السطور ماهي الا البداية لمرورهم على السنة النيران
اسيسقطون ويختنقون بهــا؟
ام سينتشلون منها؟

**أنظر الأم وتزوج الابنة**

بعد اصرار من صديقتها قامت مكرهه
وبدأت تتمايل بخصرها المنحوت وشعرها البندقي الطويل الكثيف
المتمايل مع رقصاتها

^^^^^^^^^^^^^^^^^^^^^^^^^
دنيـــــا ملاهي والكل ســــاهي !!
بالمكــــان الاخـــر
على انغام اغنية ((حلاوة روح))
مسحت دمعه يتيمه بفستانها الدانتيل اوف وايت طويل الاكمام وحافيه القدمين
تتمايل بخصرها ببطء مع الموال امام الجموع من نساء ورجال من طبقات مختلفه
مجونxفسوق
وقف احد الرجال وبيده كأس واليد الثانيه يرمي فوقها الفلوس

اوعى الجمال يغرك او تنخدع فيه
اصل الجمال لو غرك يكويك بـ نار لياليه
ده مهما كان الجمال مسيره بكرا يروح
ده عشق الجسد مش دايم لكن اللى دايم حلاوة روح

رفعت شعرها بيدها وتحرك كتفها وسط صرخات مسوخ بشرية

^^^^^^^^^^^^^^^^^^^^^^^^^^^^^^
بالمكـــان الثـــالث
رافعه قميصها وتمسح دروج المطبح
بصوت عالي:انا ما ماعاد اقدر اتحمل كلام الناس
بصوت واطي:وطي صوتك لاتسمعك البنت
رفعت صوتها:خلها تسمعك اسمع حبيبي انا مو مكلفه بأختك روح ارميها
عند امك اللي عايشه حياتها ومو هامها شيء اجل كل مادخلت مجلس
الحريم تسألني عن اختك وش اقول لهم طلقها من غير مايدخل عليها
وانه لقى بالبيت معها واحد
رمت المنشفه بقوة بألارض وخرجت وبحمق:كذب كلامه كذب
صفقت بيدها :ياروح امك والله مو انا اللي طلعت هالكلام اللي حاربتي الدنيا
عشانه ووقفتي بوجيهنا ورفضتي اخوي عشانه هو اللي قال هالكلام
بغيظ قربت:انا عارفه ما احد طلع هالكلام غيرك
اشتبكت معها فصلهم ولف وبصيحه:خلااااااص
راح اقعد دائما على هالحاله
رفعت صوتها:روح ربي اختك مالومه يوم طلقها هه وكشتها مالت عليك
وعلى اخوك اللي ماعرف يربيك ويقطع لسانك ياقليلة الحياء ودخلت غرفتها
لف عليها:عاجبك؟
نزلت اكمامها المشمره وعدته دخلت غرفتها صفقت الباب بقوة
جلست على طرف السرير زفرت بقوة رفعت راسها:يارب متى تاخذ روحها
وتفكني منها
فتحت الدرج اخذت صورة زواجها وهي لابسه الفستان الابيض ومبتسمه وماسكه
بيدها المنقشه يده بقهر اخذت مقص وقصتها من النص
رمتها بالزباله لفت ورجعت اخذتها مره ثانيه فيه شيء اجبرها ترجع
وتلصقها من جديد رمتها على مفرش السرير وانسدحت وعينها عليها
وبغصه:ليه مو قادره اكرهك على كل اللي سويته فيني الله اعلم الكلام
اللي يطلع علي بسببك او لا؟

_بالمكــان الاول _
انصدمت بالمرأتين السمورتين بتطويقها
ومسك يدها والرقص معها دب الخوف قلبها
وامها تنظر بخوف وحذر
بعد ما انتهت رجعت شعرها لورى:الله يحفظك
احنا من حاشية الاميرة عادله بنت....

^^^^^^^^^^^^^^^^^^^^^^^^^
المكـــان الاخــر

تهز خصرها بسرعه وتحرك يدها
انا اللى كان شاغلنى واللى كان ألمنى
اديتهم كل حاجة وهما استغنوا عنى
هما استغنوا عنى

والفلوس تتناثر من كل مكان حست بغصه
يما ناس تلاقي النعمة علي الارض و تدوسها
و ناس غلابة تلم النعمة من على الأرض و تبوسها

وقفت منزله راسها قرب منها احدى مرتادين الكباريه
مسك دقنها بعدت ثبتها بقوة وبنظرات تفحص
لف على المسؤول على البنات:جهزوها لي الليلة اشر بيده
للحارس الضخم عطاه حزمة فلوس رماه تحته توسعت ابتسامته
كمل وبخبث :جيبوها للقصر وخرج
وقفت بوجهه ليلى:ماراح اروح؟
مط اذنه:عيدي ماسمعت
بخنقه:ماراح اروح
مسكها من زندها وبقوة:لاتنسين انا اللي لميتك من الشارع
وسويتك راح تروحين عنده غصبا عنك طيب ويضرب خدها بأستهتار
وتعداها نظرت للفراغ اللي قدامها طلعت الدرج دخلت
غرفتها المشتركه مع ثلاث بنات
الاولى بسخرية:ليش الحلو زعلان؟
الثانيه:كالعاده جات القرعه من نصيبها وراح تروح عند ...
شهقوا
الاولى بسخرية:فيه وحده تجيها النعمه وترفسها بيدها
لفت وبقرف:انا لكن شيء طبيعي تقولون هالكلام
لأنكم ولدتوا بهالمكان عكسي
بيتهجمون عليها فتح الباب بعدهم وبحذر:
اذا احد راح يقرب منها راح اكسر يدها
الثانيه يدها على خصرها وبتهكم:ليش ان شاء الله صاير محامي دفاع عنها
يارجب
بسخرية:تكسبني ذهب عكسكم تماما ماشفت من وجيهكم غير النحس يلا
لولي
طالعت فيهم بسخرية قلبت عينها وخرجت معه
ويوصيها وعينها قدام

_بالمكـــان الاول_

حست قلبها يدق بقوة انقذها وقفت امها جنبها
وبعد ماصافحتهم
تكلمت الاولى:احنا من حاشية الاميرة عادله...
شفنا بنتك وعجبتنا وناوين نخطبها لولد الاميرة رجال وله اسمه
بكذب مسكت يدها:بس بنتي متزوجه وعليها ولد
الثانيه بشك:مو واضح
امها بقوة:جاكم اللي عندي الله يوفقه مع وحده ثانيه البنات ماشاء الله كثير
استغربوا حمقها بالأحرى تهجمها
الاولى:آسفين على الازعاج والله يوفقها مع زوجها ونصيحه دسي بنتك من عيون الناس
ترا صاروا مايرحمون
امها:تسلمين ..مشوا وعدوها
طالعت بأمها برعب اشرت عليها:يلا امشي راحوا جلسوا على الطاولة
وعلمتهم
اختها الكبيرة بشهقه:اهىى ليش يمه رفضتي امير من جدك؟
بنهر:ما ابغا بنتي تعيش متعذبه طول عمرها اما ترجع لي مطلقه بعد شهرين اوسنه
او تنغبن بين الحريم قالت امير الوحده لاترفع راسها فوق وتنكسر قربتها
وتمد رجلها على قد حالها قالت ايش امير يارب رحمتك ولا وحده تتحرك خصوصا انتي
وتأشر عليها:مو لامسكوك مره ثانيه تكذبيني قدامهم سمعتي وقامت
حست بتحطم ماتنكر بداخلها حلم أي بنت تتزوج واحد منصب وجاه ومال!!
فما بالها بأميــــر!!

همست بأذنها:تبغينه؟
طلعت عينها :جنيتي انتي لا اكيد انا ما ابغا اعيش حياتي بعذاب ناقصه
غمزت :شوفي وقامت وينهم ؟
اشرت عليهم بعيد بتروح مسكت يدها:امي لو تدري
قاطعتها:وامي وش عرفها اتركيها علي؟

قربــــت وتشوفهم ماسكين ام وحده وبنتها ضحكت بخفيف مابقت وحده الا مسكوها
:احمممم
لفوا طالعوها بأستغراب صافحتهم وبهبال:ماشاء الله طلعتوا خطابات
الثانيه بقوة:وش لك شغل؟
سكتتها الاولى واشرت بيدها:نعم يابنتي؟
لفت وشافت اختها :انا اختها
الاولى وعينها على اختها ورجعت نظرها فيها:والمطلوب؟
ضحكت بخفه :ان شاء الله هالأميرا اختار وحده
الاولى بأبتسامه وعارفه لوين بتوصل:لا باقي
هزت راسها :همم بالأذن ورجعت جلست على الكرسي حطت رجل على رجل
وعينها قدام وتبتسم جات اغنية قامت ومشت بثقه
وشاده صدرها ورافعه راسها

الثانيه:وين سرحتي؟
الاولى ولازالت عينها عليها:ولاشيء خلاص خلينا نرجع للقصر
اللي كلمناهم يكفون
الثانيه:ان شاء الله ترضى فيهم
الاولى:ان شاء الله

انتـــــــهى اليـــــوم على خير

2صبـــاحـــا
ماجاها نوم تحس بفضول مو طبيعي لفت ناحيتها:بنت ندى
:هممم
بغيظ:ادري مو نايمه قولي لي وش قلتي لهم؟
مغمضه عينها ضحكت
نطت عدلت جلستها :اللحين بديتي تخوفيني؟
حطت يدها تحت راسها:مو واثقه فيني؟
طالعتها بطرف عين:طبعا مو واثقه لأنك مجنونة ماينضمن لك
ارسلت لها بوسه بالهواء ولفت للجهه الثانيه:تصبحين على خير
بقهر:نامي نومة اهل الكهف
ابتسمت بخفه وغمضت عينها لتسلم نفسها للنوم...

بجهـه اخــــــــــرى..

وصفتهم كل اللي كلمتهم لها سكتت
وحده تسوي لها مساج برقبتها:ليش سكتي كملي؟
تكلمت:بس فيه وحده مثل المواصفات اللي طلبتيها حلوة وصغيرة وناعمه
لما شافتنا امها عصبت وتضايقت وصرفتنا انها متزوجه
رفعت حاجب:مين اللي يكره نسبنا هه هي الخسرانه بالنهاية خلي بنتها
تنفعها بنات الديرة كثير
الثانيه بسرعه:بس لو شفتي اختها
طالعت فيها الاولى وخزتها لاحظت:وش القصة؟
الثانيه بكره:بعد ما رفضتنا ام البنت جات اختها لعندنا بالطاولة
وتسأل اذا اخترنا للأمير او باقي تعرض نفسها بكل وقاحه
ضحكت:ههههههههههههه يحق لها تنفتن مو حي الله اللي راح تاخذه
بس ليتها ماحاولت لأنها ماراح تطوله بالعربي المختصر ما ازوج عيالي
لوحده ترخص نفسها مثلها ابغى وحده معتزه بعمرها
الاولى بقهر عليها ماتدري ليه:بس هي ماعرضت نفسها سألت بس
رفعت حاجبها بأستنكار:كأنك تدافعين عنها ؟
نزلت راسها:حشى ومن حدي
اشرت للي تسوي لها مساج :خلاص ابغى انام قامت من الكنبه
ربطت الديشنبور الذهبي بيطلعون:خديجة
لفت:سمي
بأنزعاج:بكره تواصلوا مع اهل البنات خلاص مليت ابغى اشوف عياله
اخوانه اللي اصغر منه خلفوا الا هو ماقدرت هالبنت تعطيه ولد او بنت استغفرك يارب
هزت راسها:آمرك

********************************************

بمكـــان اخر وليس ببعيد من المكان الاول
سحبت الشرشف الابيض على صدرها
قام ودخل الحمام "وانتم بكرامه"
دموعها تنزل على المخده مثل الصيب خرج وبأبتسامه فتح درج الكومدينه وخرج
حزمتين فلوس ورماها:لا تطلع الشمس وانتي هنا زوجتي واولادي راح يوصلون
لايشوفونك وتخربين بيتي لبس وخرج من الغرفه
دخلت تحت الدش وقطرات الماء تتساقط على وجهها فركت جسمها بيدها
تحس بوسخ مهما نزلت عليها مويه ماراح تنظف

قبــــل 6 سنـــوات
عينها على فستان زفافها الابيض
مسكته بفرحه وشدته على صدرها رفعت راسها:يارب متى تجمعني فيه
بدخول اختها الصغيرة:هانت باقي اسبوع
سكرت الدولاب الخشبي المهتري
لفت ومنزله راسها مسكت يدها وسحبتها للسرير تربعت وهي قدامها
وبتساؤل:ارفع شعري كله لفوق وترفعه وقفت قدام المراية
ها ارفعه كله والا اترك خصل تنزل

عودة للواقع
واقفه قدام المراية وشاده بيدها الديشنبور

قبل 6 سنـــوات
دق تلفون البيت بسرعه:سامي وجرت انا راح ارد
امها هزت راسها وبضحكة :الله يصلحك
رفعت السماعه وبسرعه:الوو
سامي:الوو ..اخبارك وش مسويه؟
بسرعه وبهمس:مشتاقه لك متى راح ترجع طولت كثير
بحضنه بنت وتشرب بعدها :راجع بعد يومين
بفرحه:جد احللف
سامي بنفخه:سمعتيني
سكتت وبفرحه:ترجع بالسلامه
سامي:الله يسلمك يلا راح اقفل وبهمس راح تصيرين بحضني بعد اسبوع يابنت
خجلت وقفلت التلفون راحت لغرفتها انسدحت على السرير وتدخل يدها بشعرها
لفت:بيبي راح اشتاق لك
شدها على صدرها وبهمس:خلينا نسهر اليوم للصبح وغمز
:
نزلت دموعها بغزارة مع فتحة الباب بقوة شافت رجال ضخم قرب منها
رجعت لورى:مين سمح لك تدخل علي؟
عينها على ساقها المكشوفه شدت الديشنبور على صدرها وترجع لورى
قرب:يلا خلص وقتك وبخبث:حسافه كنا نتمنى جلستك ياحلوة
قلبها يدق بخوف :بعد عني بيقرب منها دفته خرجت من الغرفه وجرت
نزلت الدرج لفت راسها اصطدمت بكتفها صاحت بتوجع:آآآآآ
بتطيح مسكها من يدها بخروجه لما شافه وقف ونزل راسه
:الحمدلله على سلامتك طويل العمر
احتمت فيه عينه تتنقل عليه وعليها وبأستغراب:مين هاذي يا اسماعيل؟
نزل راسه لف عليها وعينها على شعرها اللي يقطر مويه:مين انتي؟
منزله راسها ودموعها تنزل
قرب اسماعيل خافت ورجعت ورى ظهره اشر بعين غاضبه:اطلعي من هنا بيمسكها
رفع يده بأمتناع :اتركها
اسماعيل :طال عمرك لازم تخرج من هالمكان بسرعه بيقرب
مسكها من ذراعها ودموعها تنزل بسخرية:يا..دموع التماسيح ماراح تمشي علي
طلعت عينه من كلمته نفظ يده ودفه :انت كيف تتجرأ وتكسر كلمتي
بيتكلم رفع يده :وضح لي الوضع بسرعه

السيطرة ضارة إلا سيطرتك على نفسك ..!!

رومانيا ...

بوخارست مدينة المتناقضات ... و براشوف المدينه البهيه

وتحديدا بقصر البرلمان الروماني

يمشون وقفوا والتفت واشر:هذا البرلمان الروماني
هز راسه:سمعت عنه
عقد حواجبه:وش اللي عرفت عنه؟
ضح بخفه يعرف يختبر معلوماته المحدودة بالمقابل فيض المعلومات والمعرفه الواسعه
كمل: دمر جزء كبير من مدينة بوخارست من أجل بناء هذا المشروع. بني هذا القصر ليعبر عن قوة وسطوة الديكتاتور تشاوتشيسكو
ولكن بعد انهيار الحكم الشيوعي أصبح رمزا للديموقراطية في رومانيا
تظن ليش؟
حك ذقنه وبعد تفكير:اذا كان هالقصر بنى في وقت الشيوعيه وبعد ما انهارت صار رمز
لرومانيا بدون ادنى شك حركة سياسيه
حرك راسه :بالظبط
كملوا مشيهم وبأعجاب:معناته مافي خوف علي تدخل ساحة السياسه
وقف مشي وابوه يمش يلف وقرب:ليش وقفت؟
بعد سكوت:بس هالمجال مايناسبني
مشى وعطاه ظهره زفر بقوة وبصوت اشبه بالعالي:يبه ماراح اصير مثل ماتبغى
ماراح تشكلني على ميولك
لف وبقوة:هالميول اللي تتكلم عنها ابا عن جد ورثناها
لف وجهه وبهدوء:عيالك 12 ماشاء الله روح اختار واحد منهم
بعدم رضا:لو اعرف انهم كفو وقد هالشيء صدقني ماترددت لحظه
بعدين تعال انت وش تبغى تصير بعدين ها رسام لا احد يضحك عليك بس
سعود ... كبر عياله حتى يصيرون رسامين وتعداه

:

وقف وبعدم استيعاب:انت عارف خطورة الكلام اللي تقوله؟
نزل راسه قرب منه وبغيظ
:وانتوا وش شغلتك ها؟
اسماعيل منزل راسه:انا عبد مأمور بالنهاية

جالسه بالصاله وعبايتها عليها وعينها على ديكور القصر والثريات
خرج بسرعه من الغرفه خذا فلوس ورماها تحت رجولها
ومعطيها ظهره وبقرف:انا ما اعرفك ولا اعرف الحاله اللي خلتك توصلين نفسك لهالمكان
لكن مهما كان السبب مافي شيء يشفع لك تسوين هالشيء انتي اغضبتي ربك قبل كل شيء
روحي الله يستر عليك يابنت الناس
حست بغصه وعينها على الفلوس وبسخرية:
متى تبغى دورك؟
لف وبذهول:نعم!!
برفعة حاجب:سمعتني متى تبغين اجيك؟
طلعت عينه :فهمتي غلط وبنظرة ازدراء ويحرك اصبعه مو انا اللي انزل نفسي لهالمستوى
وبعصبيه :انتي ماتخافين على سمعتك وسمعة اهلك ابوك وش راح يصير فيه
لما يعرف بنته بنت استغفر الله

ابـــــوك هالكلمة رجعتها لسنين عدت..
وبأحدى الاحياء القديمه وبالبيت الشعبي

بصوت هادي:وطي صوتك البنات لايسمعونك
رفع صوته وبرنحه:ماراح اوطي صوتي خليهم يسمعوني
اصلا انا راح اخذهم واربيهم
بغيظ :بالأول ربي نفسك بعدين تعال ربيهم
ضحك:ههههههه لا راح ازوجهم
طلعت عينها:تزوجهم !!
برنحه:صديقي عادل شاف ليلى وعجبته وخطبها مني وبضحكة راح
يدفع 15 الف
طلعت عينها:تبيع بنتك
برنحه ولسانه ثقيل:اوووف كيف راح نعيش
امها بدموع:قصدك كيف تجيب قيمة الخبيث اللي تشربه
صفقها كف وتصيح
اختها الصغيرة بخوف:ليه بابا يضرب ماما؟
سدت اذنها وحضنتها وهي بنت 12 سنة الا اللي شافته خلاها تكبر 12 سنة قدام
طلع من البيت وصفق الباب جروا لها
رفعت راسها مسحت دموعها حتى مايشوفونها بس كانت تعرف
كل شيء مهما كذبت امها عليها

ضحكـــت بخفيف وقربت منه :وانا ماسويت هالشيء الا لانزل راسه
طلعت عينه من كلمتها انحنت وخذت الفلوس قطعت الحزمة
ونثرتها فوقه شد على قبضة يده بعصبيه
قربت منه وههمست بأذنه
:لاتحكم على الناس من مظاهرها العيشه في هالدنيا صعبه كثير
اما تعيش بفقرك وتموت بشرفك او تعيش مثل الناس وشرفك بح
ماراح تفهم كلامي لأني متأكده من وعيت على هالدنيا وانت تاكل بملعقة من ذهب وغيرك
حتى يشبع جوعه يغمس الخبز الناشف بالمويه حتى يسد جوعه
بعدت عنه اخذت الظرف اللي على الكنبه ونزلت الدرج

بأحدى المنتزهات طفلتان تركضان بين العشب الاخضر ماسكين طيارتهم الورقية
مسكهم من الخلف بضحكة:بابا
حمل الاولى على اكتافه والثانيه ماسك يدها وشادها لكي لاتفلت منه
صاحت الصغيرة:آسكريم
ابتسم نزل الاولى من ظهره وانحنى لمستواهم باس يدهم بحب :راح يوجعكم
الاثنتين:لا لا ضحك:خلاص راح ناخذه
ومضوا ليلتهم من اجمل الاوقات...

حقا هل اعجبتكم تلك الحكاية!!
انها من تأليفي فأنا واختي كبرنا ولم نعيش من تلك الحكاية فقط
نسمع عنها..احيانا كنت الوم والدتي على مايحدث لنا
نتيجة اختيارها كنت طفلة آنذاك عندما اراه تلك العينان الجاحظتان
التي تجعلني ارتعد من الخوف في مكاني
تلك النظرات التي اتحلم بها وعندما اصحى من نومي اجد ملابسي مبلله
كانت اختي الصغيرة تصحى وتسأل عن سبب غرق ملابسي
كنت اجيبها انه ماء فقط انتثر وبللني رغم ذلك كانت تحتضني
وكانت تلعن كأٍس الماء لأنه يجعلني اصحو من نومي ههه..
تنام على فخذي وابقى طيلة الليل مستيقظة للصباح حتى انتظر
العصا اللي سوف تمزق ظهري مع بداية شروق الشمس..
لأنني بللت فراش رث وانا طفلة !!

وقفت قدام البيت الشعبي المتهالك و اصوات نباح الكلاب يعلا اكثر فأكثر
ومجموعة سكيرين يترامونها بالكلام
نزلت الظرف عند عتبة الباب دقت الباب بقوة مرتين
وبسرعه اختبأت خلف الجدران المتهالك ...
لتفتح الباب امرأة كبيرة بالسن وتغزو التجاعيد يدها انحنت لتأخذ الظرف المعتاد
كل شهر من 6 سنوات رفعت يدها ودعت لفاعل الخير ولم تعلم ان هذا الفاعل كانت ابنتــهــا!!

كتمت بيدها النحيلة شهقاتها وعينها تفارق والدتها التي اغلقت الباب
بأبتسامه وعينها على الظرف:كالعاده فاعل الخير
اؤمات براسها ورفعت يدها وبدعوة صادقه نابعه من الاعماق:يارب توفقه وتيسر له من وين ماراح
وتجير عينه من النار وتوسع رزقه مثل ما جبر بقلوبنا

لفت سندت ظهرها للجدار الطيني طاحت من طولها بالارض وبكت بحرقه
وتضرب راسها بالجدار وببحه:ليش اهىى ليش وبحده الله لايوفقك
ياسامي اهىى الله لايوفقك

جات عينها على الجزمة السوداء "وانتم بكرامه"
رفعت راسها بشويش والدموع متحجره بعينها
وبعدم استيعاب:..............

بالطرف الاخر

مشت بمكان مجهول عينها تتفحص المكان بخوف وحذر
رفعت راسها النجوم تغني ونور القمر الساطع يعكس المكان المظلم
ابتسمت بخفه
صوت زمجرة خلفها اجبرها بالألتفات بسرعه عينها على الأسد اللي واقف قدامها وقفت بخوف بلعت ريقها
شدت يدها غمضت عينها من اقترابه منها
فتحت عينها على المرأة العجوز المبتسمه وبيدها ظرف مسكت يدها وضعته بيدها
وقفلتها وبعدت عنها عنها لفت بخوف اختفى كل شيء فجأة
صاحت:لااااااااااااااا
صحت اختها :ندى وش فيك؟
بلعت ريقها وبخوف:بسم الله
بنوم:تعوذي من ابليس ونامي ورجعت كملت نومتها
اخذت كاس المويه ويدها ترتجف شربته دفعه وحده خرجت
من الغرفه جلست على كنبه منفرده بالصاله وتفاصيل الحلم لاتفارقها
رفعت عينها على الشباك مشت ببطء وقفت قدامه وعينها على القمر
المكتمل ليلة 14 هزت راسها تطرد الافكار رجعت لسريرها
ولكن ابى النوم ان يزورها مره اخرى..

انتهــــى
ملاحظاتكم &تقيـــمكم لاتحرموني من تواجدكم
"مــــس ميــلانو"

12-08-15, 02:38 PM

المشاركة رقم: 4

المعلومات
الكاتب:	bluemay
اللقب:

البيانات
التسجيل:	Jul 2014
العضوية:	271387
المشاركات:	11,112
الجنس	أنثى
معدل التقييم:
نقاط التقييم:	13814

االدولة

مدونتي

الإتصالات
الحالة:
وسائل الإتصال:

كاتب الموضوع : مس ميلانو المنتدى : الروايات المغلقة

رد: روايتي الثانيه :عابـرات فوق ألسنة النيران

دعوه لزيارة موضوعي

إلى كل من يرغب بإستكمال نقل الروايات المهملة .. أرجو الدخول

تغلق إلى حين عودة الكاتبة

25-08-16, 11:04 PM

المشاركة رقم: 5

المعلومات
الكاتب:	~FANANAH~
اللقب:	القلب الجريء

البيانات
التسجيل:	Oct 2011
العضوية:	230810
المشاركات:	1,937
الجنس	أنثى
معدل التقييم:
نقاط التقييم:	2391