كاتب الموضوع :
مس ميلانو
المنتدى :
الروايات المغلقة
رد: روايتي الثانيه :عابـرات فوق ألسنة النيران
البارت السادس عشر
اوقات جميلة ..
اموت واعشقـكـ
وارجع اعشقك
واموت واحيا من آلموت لأجل
اعشقك ثاني..
بعد ما افطرت مع امها وخواتها دخلت المطبخ تجهز للسمره
وتسوي حلا ومعها ناديه
دق جوالها طلعته من جيب البنطلون استغربت رقم مها
عقدت حواجبها وردت:هلا والله
مها وعينها على سعود اللي يأشر تكمل:هلا حبيبتي
لايكون اشغلتك
ندى:لاشغل ولاهم يحزنون
مها:ندوي بغيت اسألك عن سلمان
طاح قلبها ببطنها كملت بخوف:وش فيه؟
مها بسرعه:لا مافيه الا كل عافيه بس من سافر ماكلمني
عتبانه عليه
ندى بترقيع:اكيد انشغل اصلا امس ماكلمني ولا اليوم بس يراسلني
مها تطمنت جزئيا:اها اوكي على خير تأمريني بشيء
ندى بسرعه:أي تعالي انتي والاميره هيا البنات بيجون عند اهلي
مها:مره ثانيه حبيبتي توصيني شيء
ندى :سلامتك..قفلت منها
ناديه بأستغراب:وش عندها؟
رفعت كتوفها ندى :مدري عنها..
مها فركت يدها بخوف:ما اتصل عليها بس تقول يراسلها
سعود لايكون صاير له شيء؟
سعود يحاول يبعد الشك عنه:لا مافيه الا كل خير بس مومتطمن
نزل عينه بالارض:ندى لاتشك بشيء راح اكلم عباس حتى هو مايرد
مها بخوف:سلمان فيه شيء حتى محمد سافر بعد الفطور امس
مباشره
بفرنســا ..
جالس وحاط رجل على رجل ابتسم بخفه ويلعب الشطرنج
مع اخوه اللي مبين عليه نظرات الحقد
رمى الملك:كش ملك ربحت للمره السابعه
محمد لف وجهه ضحك بسخرية:طول عمرك تاخذ كل شيء
عقد حواجبه سلمان:ممكن تفهمني وش سبب هالزيارة المفاجئه كل هذا
شوق لي؟
محمد بعصبيه رمى طاولة الشطرنج بالارض الرخاميه
وعينه تقدح شرار:لا جاي حتى انبهك ياسلمان الكرسي ماراح
اخليك تاخذه من بعد ابوك ياولد مضاوي مايستحقه الا ولد اميرة مثلي
سلمان طلعت عينه:محمد لاتخلي ابليس يدخل بيني وبينك احنا
اخوان واكبر من نتعادى عشان كرسي ووسخ دنيا
محمد بسخرية:سعود بن .. يفضلك علينا لأنك دخلت السياسه وطاوعته
ولا بعد صارت حرمكم المصون ماشاء الله صرتم حاكمين ذاك القصر
سلمان بصوت عالي:لاتجيب طاريها على لسانك
محمد بصوت اعلى:وش بتسوي؟
وقف سلمان وبنبره سخرية:مابسوي شيء لأنك اخوي الكبير عن اذنك
عندنا شغل عباس الحقني ..مشى رجع له
خرج سلاح عباس اللي يشله دائما ورماه عنده
وبضيق:يلا ياولد ابوي يا اخوي الكبير ياسندي ياعضيدي
خذ روحي يمكن تسهل عليك المهمه ويصير الكرسي
والقصر بكبره لك انتي وعيالك
عباس طالعهم بخوف ويشوف نظراتهم المتبادله
شرار على حسد على عتب
ابتسم بخفه سلمان:مثل ماتوقعت جبان وراح تصير طول عمرك
جبان بقولها بوجهك ولاعلي منك الرجال اللي يتبع شور وكلام الحريم
اللي يحرضونه على اخوانه مامنه خير"يقصد حريم محمد"
صحيح ماطلعنا 11 من نفس البطن وكل واحد امه غير اللي امه
من العائلة واللي من الشعب واللي اجنبيه لكن تربينا مع بعضنا
بذاك القصر للأسف الطمع بسط على قلبك وماعاد صرت تفرق بين
اخوك وعدوك ..مشى ضايق وترك محمد مصدوم مذهول
عباس خذا سلاحه ولحقه..اما هو من الضيق
واللي صار بينه وبين محمد ماقدر يتحمل خرج برا
يشم هواء مخنوق
فتحت باب مجلس الحريم وحطت المبخره وعليها العوده
ورتبت الخداديات الصغيرة جابت صحن الفناجيل وحطته على الطاولة
اللي تتوسط المجلس ..
دق جوالها ردت بسرعه مبتسمه:ياهلا
جاها صوته المتعب:ندى
اختفت ابتسامتها من نبرة صوته همست بخوف:سلمان وش فيك؟
سلمان بكذب:مافيني شيء
جلست على الكنب :ٍسلمان اعرف نبرة صوتك لاكنت متضايق
سلمان ماسك دموعه لاتنزل يحس روحه بتطلع:مافي شيء
لاتخافين بس ضغط العمل
ندى ارتاحت نسبيا ابتسمت:على هالحاله راح اصور لك الحلا والفطائر
اللي سويتها عشان اجاكرك البنات بيجوني شوي فوزية ومنى وسحر ومنال
عجبته عفويتها وهبالها:عليكم بالعافيه يعني اللحين انتي مو بالقصر؟
ندى:نوو ببيت اهلي
سلمان :باقي يومين وارجع ندى خليك ببيت اهلك لاترجعين
القصر
استغربت:ليش؟
سلمان بنرفزه:من غير ماتسألين فهمتي
كرهت تقلبه عبست:طيب
سلمان:اخبار اللي ببطنك؟
ندى بدلاخه:من؟
سلمان:ولدنا
ضحكت ندى:بخير بس مشتاق لأبوه يبغاه
سلمان:ان شاء الله يومين وراجع وراح اوديك تفتحين ملف بالمستشفى
لازم تتابعين مع دكتوره
ندى سمعت صوت امها ترحب بالبنات بسرعه تكلمت:اوكي حبيبي
جوا البنات تأمرني بشيء
سلمان بضيق:ابيك لاجبتيهم تكون قلوبهم على بعض
استغربت ندى كمل:يلا روحي انتبهي لنفسك اوكي
ندى:اوكي باي
راحت وقفت عند راس الدرج:يالله حيهم
فوزيه تطلع الدرج:الله يسلمك آآه فحمت لازم اسوي رجيم
ندى:هههههههه ترا مسويه كنافه
فوزيه عبست:لاخلص رمضان سويته
ندى ضحكت من قلب:هههههههههههه حياكم ..
^^^^^^
بالقــرية
فراشين بالحوش وجالسين يتقهوون
العنود تمد الفنجان لمتعب اللي ملاحظه عليه الضيق
خذا منها:اسلمي
العنود :ابوي متعب وش قومك يابعد عيني حالك ماعاد هوب
عاجبني؟
متعب ابتسم وبكذب:ولا شيء يالغاليه
بجية مناير متكشخه على الاخر:هاي
متعب بنرفزه:قولي السلام جعل فمتس اللواء
الجازي فجرت ضحكتها:هههههههههههه
طالعوها رقعت:ايه وش عاد سوت ياصالحه قسم اني قايله لتس
انهم مصفين؟
صالحه طالعتها بأستفسار همست الجازي:رقعي معي
الا جرى ولد صالحه:خاله خاله جوالتس يدق
عطاها حطت الشاشه عند امها:شوفي من متصل اذبحتني قسم
ردت وبتغلي:نعم وش عندتس ذبحتيني؟
فاطمة بقهر:ما ابيك ابغى خالتي العنود
الجازي بأستغراب:وش تبين بأمي؟
فاطمة بسرعه:بلا لقافه عطيني اياها بسرعه
الجازي مدت الجوال لأمها وبهمس:ذي فاطمة تبيتس
مناير زفرت بقوة ومتعب عدل جلسته
امها خذت الجوال وبالغلط حطته سبيكر:هلا ابوي
فاطمة بأبتسامة:مساك الله بالخير
العنود بفرحه:مساتس الله بالنور والسرور وشلونك يا ابوي؟
فاطمة:والله بخير مشتاقين لكم ورمضان مبارك عليك ادري
جات متأخره كل ماكلمت الجازي تقول انك مانتي جنبها
العنود:علينا وعليتس ياحبيبتي أي والله اني ماصرت افظى
من هالشغل
فاطمه:الله يعين خاله طالبتك
العنود بسرعه:عيوني لتس قولي
فاطمة بخجل:تسلم عيونك ودي تزورونا والله اشتقت لكم وللجازي
نزل راسه وابتسم بداخله على طلبها
نقزت الجازي:اييه شوفي يافطيم اقول لها وهي تعيي
طالعها متعب بنص عين رجعت مكانها
العنود :والله يا امي ماهيب زاينه
بعدين لحظه الجازي وش فيه جوالتس ذا
الجازي نست انه سبيكر ومتعب فيه نقزت وحطته عادي
بغى متعب يذبحها طالعها بقهر سولفت فاطمة شوي مع العنود
وسكرت
الجازي ببكيه:يمه تكفين خلينا نروح للمدينه منها نزور
خالتي مزنه ونزور فطيم تكفين
صالحه :أي والله حتى انا ابغى السوق
الجازي ماصدقت:حتى انا ناقصني اشياء كثيره يمهه تكفين اقنعي
ابوي
العنود سكتت تكلم متعب بعد تفكير:بتروحون
الجازي صرخت ونطت من الفرحه باست خده وراسه
:فديتك يا ابو مشاري
مناير بطرف خشمها:انا ماراح اروح لذيك اللي ماتتسمى
صالحه بسرعه:عندها اسم بعدين البنت وش سوت لتس عشان
تقولين عنها ماتتسمى؟
الجازي بقهر:الغيره احرقت قلبتس
مناير نست على نفسها:اشوا ان افتكينا منها وطلعت
نسيتوا كلام الحريم عنها بكل المجالس
العنود بنهر:مناير وش هالحتسي ماعمر حكوا عنها الحريم الا بكل
خير واللي تكلم بالشينه قليل اصل
اعتدل بجلسته لف عليها وبنظرة:الحقيني للغرفه
قام ومشى هي بلعت ريقها وقفت ولحقته
الجازي بقهر:شوفي نتيجة اختياركم الله والكشخه
اذبحت عمرها
صالحه:هههههههه اهم شيء نفخة البف اللي مسويتها بشعرها
وهي بالبيت
الجازي تسدحت ضحك:هههههههههههههههههههههههه
العنود بهمس:بس عيب عليكم لاتسمع وتزعل البنت الله يهديها
لنفسها
فتحت باب الغرفه شافته واقف ويده ورى ظهره
ومعطيها ظهرها:ادخلي وسكري الباب وراتس
سكرت الباب لف عليها وعينه عليها:تدرين اللي مثلتس مفروض
يحط عينه بالارض ولايرفعها لكن انتي وصلت فيتس الدنائه والحقاره
انتس عايشتن حياتس بالطول والعرض ولاكأنتس مسويه شيء
بتتكلم نفخ بوجهها:ولا كلمه لا اسمع صوتس بعدين وش هاللبس
ترا قطعتي عمرتس وانتي تتلبسين وتحطين كيلو هالمكياج
لتلفتين نظري ترا انا ماني يمتس ماني يم وحده باعت دينها وعرضها
عشان ابن كلب خدعها لو انك صغيره كان عذرناتس
نزلت دموعها وبقوة:مانت يمي صح اجل تفكر فيها
تفكر بذيك
متعب ابتسم وعشان يقهرها:عليتس نور واصلا موافقتي لروحة
المدينة عشان تتكحل عيوني بشوفتها واسمها فاطمة
ماهي بذيك اسمعي يابنت الناس انا واضح معتس قلبي وعقلي
ماهو معك ولابيكون ومهما لبستي من خلاقينك المتفصخه تغريني ترا
ماحركتي فيني شعره بالمختصر العربي وحده مفرطه بشرفها ماتزين
بعين المرأة لتزين بعين الرجال تقعدين هنا بأحترامتس والا بيت ابوتس
يتعذرتس وما احد يقدر يلومني على اللي بسويه وسكوتي لهالحظه
عشانك بنت عمي وعرضي"نطقها بسخريه"
واحمدي ربتس بس ان اخوانتس ماعندهم خبر والا كان اذبحوتس وابوتس
المسكين كل ماشفته لقيته منزل راسه بالارض بسببك لكن ما اقول غير حسبي
الله ونعم الوكيل
خرج وتركها بصدمتها كلامها ضرب بالصميم عندها
وكل شوي كلامه ينعاد بأذنها همست:يعني كل اللي اسويه حتى اغريه
مايبان بعيونه ..
^^^^^^^
عند ليلــى ..
جالسه عند التلفزيون غلبها النعاس ونامت
ريان استغل الفرصه وفتح الباب وخرج..
بجية امها من برا مسيرة شافته خارج يركض
راحت له بسرعه ومسكته وبنهر:وش مخرجك ياولد وين امك عنك؟
دخلت فسخت برقعها وبصوت عالي:يالميس يالميس
نزلت لميس بسرعه:هلا يمه جيتي؟
امها وماسكه ريان بيدها:ايه ولقيته طالع الشارع
شهقت لميس
رفعت صوتها :قولي لها اذا ماهي كفو تربيه ليه جابته؟
ليلى صحت من سمعت امها تنادي ليمس سمعت كلامها زفرت بضيق
لميس برجاء:يمه لاتسمعك
امها بصوت اعلى :خليها تسمع انا بروح اقرأ لي قرآن انتبهي له
طلعت الدرج بجية ليلى اللي ميلت على الجدار:شكلنا ثقلنا عليها
ماصارت طايقتني ابدا
لميس :ماعليه هي ماخذه بخاطرها شوي
ليلى بتعب:مو لهالدرجه يالميس ولاكأنها شايفتني
وانت"توجه كلامها لريان اللي يمص حلاوته"
ماراح تريحني يعني لازم عيني عليك كل شوي
نفخت:يا اخي ارحمني ماني ناقصتك
لميس مسكت يد ريان:هيي ليلى انهبلتي تراه بزر
طنشتها راحت للصاله جلست زفرت بضيق
لميس برجه:اشتقتي لأبوه
رفعت راسها وبسرعه:الله لايرد لاهو ولا "سكتت وجاء صورته ببالها
نفظت الافكار من راسها"
ميلت راسها بتعب:احس مخنووقه "نزلت دموعها عشوائيا"
ريان ترك يد لميس وراح لها وقف عندها
ويطالعها بأستغراب مسح دموعها بيده الصغيرة :لاتبكين
عيب
ليلة تذكرت جسار وكلمته صرخت بوجهه:لا ماهو عيييييب
يعني اللي بكي يبعد عنه الضيق حراااام
بكى ولدها خوف لفت وجهها كانت بحاله يرثى لها
لميس خذته وتهديه وبخوف:من طلعتي اليوم وانتي مو عاجبتني
ليــلى وتتذكر اللي صار لها بالظهر لما خرجت
تجيب اغراض من البقاله
خرجت وبيدها المحفظه فتحتها يادوب تكفيهم لأخر الشهر
رفعت عينها على السيارة السوداء اللي واقفه بعيده ومغيمه
وعين واحد عليها طالعت فيه لف وجهه بسرعه
مشت بسرعه دخلت البقاله اخذت الاغراض بتحاسب بمدة
يد واحد رفعت عينها عليه
كان
كان
كان
رجب شهقت بأعلى صوتها اشر لها بالسكوت:اشش ياحلوه
ليلى بخوف:انتم كيف عرفتوا مكاني وش تبغون مني؟
رجب برفعة حاجب:انتي اللي بلغتي علينا
طلعت عينها خوف منهم:لا والله مو انا
قرب منها رمى ورقة :هالمره راح امشيها لك لأنك كنتي تدخلين لنا
ذهب ياشهرزادي هذا عنواننا الجديد مشتاقين لك خلينا نشوفك
بيخرج لف:ايي الحمدلله على سلامة ابنك
ليلى بحقد:ياكلب يا
اشر بيده:اشش لاتنسين اذا ماجيتي راح اضيع عمرك وابلشك
بالفيديو لايكون نسيتي انتي اللي ذبحتي .. و..
صاحت ليلى:كذب انتم لؤي بن هو اللي ذبحها
ضحك رجب:لاتنسين الموعد ياحلوه شطوره
ركب مع اللي كان يراقبها بالسيارة ..حست بكمية خوف
مو على نفسها على امها اختها ولدها
^^^^^^^^
اليــوم الثاني ..
صحت من الأرق والقلق شافت الساعه 9 الصباح
طلت على لميس اللي متكشفه غطتها وعينها على ريان
نائم بكل برآة نزلت لمستواه باست خده وبهمس:كل اللي بسويه عشانك
دخلت توضت صلت ركعتين قرأت لها شوي من القرآن شافت الساعه
10 تشجعت لبست عبايتها وتغطت اخذت شنطتها ونزلت تحت
البيت هادي جدا كلهم نايمين خرجت شافت اسماعيل واقف ينتظرها
نزل راسه لما شافها قربت :السام عليكم
اسماعيل منزل راسه:وعليكم السلام
ليلى:اعذرني تعبتك معي
اسماعيل:تعبك راحه تفضلي ..
ركبت ورى ومشى عينها على الطريق وزحمة السيارات
وصلت للمكان المعني قصر الامير جسار
اللي رتبت موعد معه بعد ماطلبت اسماعيل
نزلت زفرت بخوف تشجعت وقفت عند الباب فتحت لها خدامه
فلبينيه مبتسمه واشرت على مكتبه
مشت معها وقفت عند باب مكتبه تحس قلبها بيطيح من مكانه
دقت الباب جاها صوته الرجولي اللي يرهب كل عظمه بجسدها
:تفضل
فتحت الباب الخدامه ودخلت ودخلت معها
عينه على اوراق كثيره مبعثره بالمكتب ومحيوس فوق حدر
وتحفه مكسوره بالارض وزجاجها متناثر بشكل العام المكتب بفوضى
وشكلها جاته بوقت غلط..
اشر بيده للخدامه تخرج سكر الملف بقوة عض شفته السفليه
من القهر حركته اربكتها بلعت ريقها نزلت راسها بالارض وتفرك يدها
ببعض ضحك بسخرية:والله شكلك تعلمتي كورسات تمثيل بالحياء يامريم
الطاهره
تأففت اذا كذا من البداية لقائه كيف نهايته رفعت راسها:انا جايه
اشر لها تجلس عندت:شكرا
جسار بأستهزاء:مو عشان سواد وجهك واقفه قدامي كأنك شيطان
رجيم اجلسي
ليلى بداخلها" الله واعلم من الشيطان بصورة انسان"
ليلى بسرعه:ابغى اوصل للؤي
ضحك جسار بقوة:ههههههههههههه
هههههههههههههههه لؤي هاا لؤي بحح خلاص
عقدت حواجبها:وش تقصد؟
جسار فتح درجه طلع ورقة طلاقها ورماها بوجهها:لؤي كعادته
يغلط غلطه ويهرب واحنا نتحمل
ليلى بقهر قطعت ورقة الطلاق ورمتها بوجهه:ماهمني ولا انت هميتني
جيت هنا حتى اذكر لؤي ان عنده ولد لكن طلع مو كفو وانت بما انك
عمه فصرت ملزوم تحميه
فور من حركتها بس استغرب كلمتها "تحميه"
حك ذقنه:احميه من من؟
ليلى بعد تشجع:رجب امس اكتشفت ان مراقب بيتنا وهددني بريان
جسار مايدري ليه طقت فيه حميه على ريان:والله من امه الشريفه
صاحت ليلى بوجهه:كافي خلااااااااااااص تتهمني بشرفي وانت
ماتعرف شيء انا مالمسني غير اخوك وغصبا عني
تنح جسار من كلامها ضحك بسخرية:ووكر ال***** همم؟
ليلى قربت منه:ابوك قبل لايموت ماحللوا دمه
جسار بغيظ من ذكر ابوه:منشطات
ليلى بضحكة:ههه غيره
جسار بدون استيعاب:مستحيل مستحيل هو ياخذ حبوب مهدئه
ليلى بتألم:لا ابدا انا كنت احط بعصيرهم منوم واخليهم يتوهمون
انهم "سكتت ماعرفت وش تقول" لكن انتبه انا مو لحالي
يا الغراب الاسود
طلعت عينه من لقبه السري اللي يستخدمونه بعملياتهم
متعاونين مع المباحث
تكلم بصدمه:من انتي؟ وش اللي عرفك عني؟
"رفعت عينها فوق وتحاول تمنع دموعها لاتنزل"
ليلى:انا وحده
عفيفه قبلت اكون بمكان قذر ووسخ عشان تراب الارض اللي انا
عايشه فيها ماني بنت ليل وهوى واذا مو مصدقني اسأل رئيسك
وراح يعلمك بالحقيقه اللي كتمتها طول هالست السنين
واللي انجبرت اقولها لك لأن نظراتك وكلامك ماتخليني اذوق النوم
ولا اعرف طعم للراحه
جسار بعدم تصديق:معناته هذا كلام لؤي عنك بس ابوي ليه
طالعت فيه بعمق هز راسه بشك:لا لا كذب ابوي فنوا روحه لهالارض
ليلى :صحيح لكن بالنهاية غدر وكان يخطط لأنقلاب بهالعائلة
وكان موصيني عليه من زمان حتى ادخل فلته واقدر ادخل
مكتبه بالفترة اللي بيكون فيها نائم لأوصل الاشياء اللي مخبيها
حس الدنيا تدور فيه مو مستوعب ان العمليه الاخيرة اللي استبعدوه
منها وزارة الدفاع متعاونه مع المباحث عشان ابوه غطوا على الامر
واوهموه انه بحاجة لأجازه مفتوحه مكافآة له والسبب الحقيقي حتى يبعدونه عن العملية
ضحك بعدم تصديق:ههه ابوي انا يخطط لأنقلاب
تقدم ناحيتها وهي ترجع كتف يده وبحركه سريعه سحبها ناحيته"
فتح غطاها رمشت بخوف من قربه وعيونه المحمره تكلم بغضب
:مين انتي حتى تقولين عن الانسان اللي كان يغيب شهور عن عياله عشان
يخدم هالوطن
ليلى تتصنع القوة وهي بتموت بداخلها:انا اللي كشفت خيانته
رفع يده غمضتها بسرعه لايصفقها سحبها لصدره همس بأذنها
:ريان راح يرجع بين اهله غصبا عنك اما انتي عندك خيارين
ياتكونين معه مع اهلي بصفتك مربيه ولا يعرفون انه ولدك
او تكونين معه بصفتك امه اللي ترعاه لكن تحت عيوني لأني ما اضمنك
ليلى بخوف رمشت اكثر من مره وعينها متعلقه بعينه :انت
وش تقصد؟
جسار وانفاسه تلفح انفاسه:قصدي هو
بفتحة الباب وبفرحه:سبرايز
لف لخواته اللي واقفين مصدومين وعينهم على منظره
ليلى قريبه منه وجسمها ملاصق لصدر جسار اللي مساك عضدها
بقوة ووجهه بوجهها
قمر وريم بذهول:جسار !!
^^^^^
ومرت الايام سريعه دون شيء يذكر
طالعه من المبطخ وبيدها صحن فيه عصيرين برتقال
حطته بالارض ونزلت للسرداب كان المكان مظلم يتوسطه اناره
صفراء خفيفه فوق الباب اللي عليه سلسله
فضول راح يذبحها لتفتح هالباب اللي متأكده ان وراه شيء كبييييير
والا ماكان الامير سعود مقفله البقيه يظنونه مستودع وماعطوه
أي اهتمام لكن هي قدرت تستوعب من تحركات عائشة له كل يوم
ونزول الامير سعود من فترة لفترة له يدخل
قربت من الباب وماصار يفصلهم غير السلسله
حطت يدها عليها ومسكتها امنيتها تدخل هالمكان اللي كان محيط اسرار
وفعلا ماكان ظن ندى خايب ..
بداخل السرداب امرأة بالعقد 60 من العمر مربطه يدها
وتبتسم بخفه وتهز راسها وبيدها لفة طفل رضيع بيضاء
كانت بحالة يرثى لها قابعه بهالمكان المظلم من سنوات
بعدت يدها من السلسله وبصوت واطي:راح ادخلك واعرف
الاسرار اللي مخبينها داخل
لفت مشت وطلعت الدرج اخذت الصحن وطلعت من طابق الخدم
والسرداب كان اخر طابق..
طلعت الحديقه اللي كان جالس فيها سلمان وعينه على
القمر جلست وما انتبه عليها ابتسمت وناولته العصير:يحق له
القمر تسرح فيه
لف عليها وابتسم ذيك الابتسامه اللي تولع شرارة الحب في ندى
وتخليها سرحانه وبداخلها سؤال واحد
وينكـ من زمان عني ياسلمان؟
اخذ العصير وشرب شوي رفع الكاس ويأشر للقمر:تدرين
تأثيره كبير على الرجال
ندى تعرف لكن حبت تستغبى قدامها بالاحرى تبغاه يسولف معها
ومايسكت:مافهمت شلون؟
سلمان بضحكة:يعني مو بس الحريم اللي تجيهم ال تعرفين
"حمر وجهها ونزلت راسها"
ضحك:حتى الرجال يعني مو مثلكم لا طريقه ثانيه يعني يتأثر مزاجهم
ونفسياتهم بيوم 13 و 14 و15 ويصيرون اما سالب او موجب
ندى بذكاء:يعني بالعربي الفصيح يامروقين يا رافعين خشومهم
ضحك :هههههه بالظبط وهنا يجي دور الحريم الذكيات
اما تكسبه لها طول هالشهر اذا فهمته او بيكون ناشف معها لأنها تدخلت
بمزاجيته وتجهل هالشيء ويبدأ يفسر عقله الباطني بأنها مصدر لتعبه
مو راحته
ندى بأعجاب:وااو ان شاء الله انا من اللي يكسبون طول هالشهر
نزل كاسة العصير وقف جلس جنبها بالكرسي اللي يتسع نفرين
وعينه تتفحصها
"لابسه فستان ابيض علاق قصير وحزام ذهبي دقيق يتوسطه
وشعرها اللي صار تحت كتوفها بشوي منسدل ومكياجها
البرونز "
قلبها دق بقوة واطرافها بردت ورجفت اعصابها من قربه اولا
ومن نظراته ثانيا بلعت ريقها بصعوبه لاحظ حركة بلع ريقها
حط يده على يدها البارده وشد عليها:
مهرتن صعبة على كل خيال
لكن تسهل عليك يابن سعود
لفت وجهها بأعراض:عز الله بهاذي ماصدقت هالمهره ان طال بك
الزمان وان قصر مابتتروض
ضحك على ردة فعلها:ههههه ليش هالانفعال كله مو فاهم همم؟
لفت وجهها ناحيته:اجل اسمع ذا البيت يقولك
ويل قلبه لامن شاف رمش عيني
بطوله وعرضه تضيع علومه..يا ابن سعود
مالك بالطويلة مهرتك ماهي عندك وديعه
:احممم
لفوا سوا ابتسمت ندى:هلا فوزيه تعالي معنا
فوزيه بأحراج:لا كثر خيركم بس كنت اسقي الوورد نسيت عنه
عن اذنكم ..ودخلت
سلمان بغمزه:مانتي بهينه
حطت رجل على رجل وبغرور:ابدا لاتشك بهالشيء
كل يوم ينجذب لها وكأنها مغناطيس
فوزيه جمعت البنات عندها..
سحر:هيي فوفو وين رحتي من جمعتينا وسرحانه
فوزيه بحزن:صار لي بهالقصر "نظراتها تتنقل على الغرفه"
20 سنه وبعمري ماسمعت كلمة طيبه والا جلست مع محمد بالحديقه
ونسولف لحالنا والا قال فيني بيت شعر
منى بأستغراب:وش صار لك هيي؟
فوزيه بسرحان وتتذكر شكل ندى وسلمان وهم جالسين مع بعض
ونظراته لها وضحكت ندى اللي كانت ملأ الحديقه مبسووطه
فوزيه بدموع:ماكنا زوجات الا بوقت فراغهم وطفشهم ونجيب بهالامراء لهم
حتى صرت اشوف هالوصيفات احسن منا لهم الدلال واحنا
مالنا غير نطالع ببعض كل وحده تواسي الثانيه ونحط راسنا
ومانقدر ننام من الضيق والتفكير بحالنا محبوسات بهالقصر ومحشورين
لو شفتوت اللي شفته اليوم كنت راح تحسون بضيق
"وقالت لهم عن كل شيء شافته"
فوزيه:ماني حاسدتهم والله يزيدهم حب لبعض لكن ربي خلق وفرق
منال بسخرية:حبيبتي اطيب واحد وكفو من عيال الامير سعود هو
الامير سلمان مايبغالها أي كلام
منى:أي والله رغم انه تربية عادله
البنات:هههههههه
فوزيه بنص عين:ومن قالك ان عادله اللي ربته جدته ام امه
هي اللي تكفلت بتربيته لين صار عمره 9 سنين وخذاه الامير سعود
بس علمته من صغره الرحمه والانسانيه اللي مفتقدينها ازواجنا
بجنــاح ندى
منسدح على السرير جاته رساله فتحها
"اذا تبغى تعرف الحقيقه قابلني بالمزرعه ..روز"
تنهد بضيق زفر بقوة ورمى الجوال لمحته ندى
لكن تفكيرها مو معه لا مع ثامر اللي مازال يرسل لها رسائل
وصور فاضحه بالواتس رغم انه رقم سلمان هنا بس عرفت
انه مرسول من عادله
هالمره قررت انها تعطي خبر لسلمان قامت وجلست على طرف
السرير وبتردد:سلمان
طالعها بضيق مدت له الجوال:افتح الواتس واقرى الرسائل
استغرب يظن احد ازعجها من طرفه فتحها طلعت عينه
عدل جلسته بسرعه وكأنه مقروص طلعت عينه وبهدوء
:من ذا؟
ندى بخوف باطني:ماغيره سلمان انا مو عارفه كيف قدر يوصل لرقمك
سلمان يده على فمه وبتفكير رفع راسه:من يعني يكون؟
بلعت ريقها وبتردد :مدري
قرب منها :رديتي عليه؟
ندى بسرعه:ابدا
سلمان بسرعه:خير ان شاء الله
استغربت هدوئه بالاحرى خافت منه كثييييير
سلمان بسرعه:افتحي الدولاب بتلقين كيسه جيبيها
قامت وفتحته جابته له طلع كرتون ابتسمت:لبى جالكسي فايف
مده لها:نسيت عنه هذا لك جبته معي وشكل الخدم رتبوه
والشريحه بكره راح تجيك لكن هالكلب ما انقرص فصلناه من دوامه
وماافتهم
ندى فتحت عينها على وسعها:فصلته من دوامه لييييش؟
سلمان برفعة حاجب:خايفه عليه؟
ندى بقوة:مو خوف عليه لكن قطع ارقاب ولاقطع ارزاق
قامت من عنده بضيق منه وهو ارسل لروز
"مايحتاج خلي البير مطمور لأن ماعاد صار يفرق عندي
ورجاءا لاترسلين"
روز غصت وهي تقرأ كلمات رسائله عادته مره ثانيه وثالثه
بكت بقوة
اليــوم الثــاني
ندى""
بعد الفطور طلعنا نريح اما هو كان جالس يتابع التلفزيون
وسرحان وواضح عليه ان وراه شيء
قام بسرعه دخل اخذ له شور سريع وطلع لبس ثوبه وشماغه
وظبطه قدام المراية تردد يحط له دهن عود وبالاخير حطه
رفع عينه وبجمود:انا طالع اخليك تعيشين مع خوفك على
الحبيب
ندى ببرود:خير ان شاء الله
"لفيت وعطيته ظهري واشغل نفسي بالتسريحه وعينه علي هاللي ناقص
بعد اقدم له اعتذارات بكيفه عساه مايصدق كل شيء الا الثقة خط احمر
اذا مو واثق من نفسه لاينتظر مني ابرر له واقوله انه مافي احد بحياتي
غيره صحيح ملت له لكن اشوف عيونه باقي ماحبني يكذب على نفسه
وعلي"
سمعت صوت صفقة الباب وانا متأكدة انه بيموت من القهر
"سلمان"
ياهالندى اللي اذبحوني فيها قالوا وقالوا وماشفت غير وحده متبري
منها لسانها وعنيييدة وداهيه كانت نار مو مثل روز اللي كانت مثل الجنة
قمت امشي بالسيب وانا عقلي مو معي مو مستوعب الحركة اللي سويتها
قبل ما اسافر اعترفت لها اني احبها ياناس احس لساني تبرى مني
ندى احترمها واي رجال ينفت فيها بس قلبي انا مع روز
روزي اللي عشت اجمل ايام عمري معها ووقف بوجهي ابوي وعماتي
رغم توسلاتي وهي بكل بساطه تركتني ليشم اوقفت ذاك اليوم
وسمعتها ليش احس ان اللي حولي سبب بأنهم بعدوني عنها خرجت
من القصر اللي صار يكتم نفسي وتوجهت للمزرعه "
بمكان ثاني ..
جالسه مع اختها ريم وتشوف مزرعتهم اللي رجعت تدريجيا لحالتها
كانت مرزعتهم بسيطه وميسورين الحال عكس المزرعة اللي جنبهم
أي مزرعه ماخذه مساحة الطريق كله كانت مثل البراري جنة الله
على الارض
ريم بشك:ليه اصريتي نجي للمزرعه؟
روز بكذب:كذا نغير جو
ريم وتشوف انوار المزرعه ولعت جهة قسمهم :شوفي يمكن
احد جاي
فزرت روز بسرعه"لا مو معقوله جاي عشاني انا فقدت الامل وجاء
يارب يارب اكتب لي اشوفه لو اخر مره قابله"
سلمان..
بعد جهد طويل وطريق مظلم وصلت للمرزعه انا صايبني جنون"
استخفيت وش اللي جابني هنا مو معقوله اللي اسويه
بس لازم اعرف كل شيء منها لازم "
نزلت من السيارة وكان ابو جود بأستقبالي رحب فيني
ودخلت معه المجلس وتقهويت ومشى الوقت وانا عيني بالساعه
كيف اقدر اشوفها واللي عرفته انهم هنا كيف ياروز؟"
على الساعه 2..
قدرت روز تدخل للمزرعه بعد ماطلبت تقابل سلمان
واستغلت نوم ابوها وانشغال ريم مع عيالها..
خرج بثوبه الابيض وشماغه طوله وقفته رزته
تخليني مجبوره اطالع فيه بلعت ريقي واشوفه جاي لي
سلمان:احمم "وبثقل" طلبتي تشوفيني ؟
روز "ضاع مني الكلام ياناس هذا سلمان اللي كنت احبه
واعشقه بشحمه ولحمه واقف ماني اتخيل"
روز :ممكن اكلمك على انفراد؟
سلمان بسرعه:آسف وقتي مايسمح لازم ارجع للمدينة
روز بضيق:انا احبك ومانسيتك
لف بسرعه ضحك بأستخفاف:بذمتك لاتضحكيني
روز بدموع:مو ذنبي ياسلمان وربي عماتك اللي وقفوا بوجهي
عمتك هيا اللي استغلت الوضع اللي كنا فيه وعطت ابوي الفلوس
غرقتنا بفلوسها وما اكتفت بطريقة قدرت تكسب فارس وتزوجني
ابوي غصبني عليه والا عمتك مها اللي كانت تحرص انها تبعدني عنك
وكانت تقول عنك اشياء لابالعقل ولا بالخاطر حتى ابعد عنك وابوك
لف عليها وصرخ:بسسس "مو مستوعب اللي قاعد يسمعه
كل اللي فرقه عنها اهله عماته !!
ابتسم بسخرية:وليه ماجيتي وقلتي لي همم ليه ؟
روز ببكاء وانفعال:سلمان انا مو قد ابوك وعماتك احنا ناس على قد
حالنا
"اول مره يكرهه حياته لهالدرجة الناس لعبه عند اهله"
روز ببكاء:تحبها ياسلمان!!
سلمان بين نارين نار حبه وعشقه روز روزه وردته
ونار ندى اللي كان يستمد منها قوه وقت ضعفه ندى اللي مسكت
يده ووثقت فيه وكنت كان ابوه يشك فيه زوجته اللي راح
تجيب بنته والا ولد يشيل اسمه تذكر نظراتها وكلامها
ليش يجرحها وهي مالها ذنب طيب وش ذنبه حتى هو يرتبط فيها
لا لا ياسلمان انت جيت تبغى تستغنى عن ندى عشان روز
انجنيت"
لف عليها وابتسم:ما احبها ايه بس متولع فيها
ماعشقتها ايه بس استحاله هذا يبعد عنها "اشر على عقله"
روز بغصه:شلون تقدر تكمل حياتك معها وانتم اتحبها
ضحك بخفه:ياروز مو شرط كل من تزوج لازم يحب الحب
والكرهه بيد العالمين ايه ماحبيتها لكن احترمها واقدرها تاج
على راسي راح تصير ام عيالي هي الانسانه اللي مسكت يدي
واوثقت فيني الانسانه اللي قدرت تملكني دون ما احس
ماعاد ابغى وقتي يمر وهي مو معي ولا اتخيلها بعيدة عني
روز بنحيب:بس انا احبك تطلقت عشان اكون معك
"مسكت يده وشدت عليها غصت" :ابيك لي لوحدي
رفع يده مسح دمعه من عينها وبهمس:آسف ياروز هالمره
مالي حيله ..لف بيمشي انصدم انصعق انصرع من اللي شافه!!
ندى""
خروجه من القصر بذيك الطريقة ماكانت مريحتني ابدا
لحقته مع السواق ولاني شايفه احد بس ابغى اعرف
وين رايح؟
تفاجأت بالمرزعه اللي دخلها خليت السواق
يوقف على جنب دخل وطول انتظرت ساعه ساعتين ثلاث
لين صار الساعه 2 ..
طفشت وانا انتظر احس نار بصدري قررت ادخل واللي فيها فيها
لما شافوا السواق وعرفوه وعرفوا اني زوجة سلمان دخلوني دون تردد
مشيت بهالمزرعه وعيوني تدوره بكل مكان احس نار بصدري
اصعب شيء انك تختبر الثقه بهاذيك اللحظه خربت كل شيء
وكدافع احمي مملكتي الصغيرة اللي تعذبت لأبني اول طوبه فيها
لقيت نفسي غير مو ندى لا
شفت واقف معها ويمسح دموعها يآآآآآه ياحسيت روحي طلعت من مكانها
كأن من نزع قلبي بقوة تمنيت اني مت بهاللحظه اندفنت
وصرت تحت التراب ولا اشوف هالمنظر حسيت الدنيا انصكت
بوجهي وعيوني تحيط بها غشاوة ودخلت دوامه مالها بداية ولا نهاية
ولما التفت لي وقتها عرفت اني اخطيت بهالزواج وان اللي قدامي
مجرد رجل اسم والا الرجوله وينها عنه وهو بين احضان عشيقته
ويخون زوجته !!
|
27-09-16, 02:34 AM
جديد مواضيع قسم الروايات المغلقة
العرض العادي
