<


السلام عليكم ورحمة الله وبركآآته ..


صبآح قلوب محبه ومسآآء معطر بعبق من ريآحين الأشتيآآق ...

مسآآء كريستآآلي لا يتألق ألا بكم ..

و

صبآآح حنين جآآمح يقودني لوطني وبين شعب .( قرآء الكريستآل ) ...

ككل أيآآمي .. لا أجيد فن الكتآبة ألا في صبآحآآت مختلفه ..
كأن أفكآري لا تولد من رحم الخيآل
ألا في سويعآت فجر السكون ..
أذآآن ثم صلاة وأذكآر ثم قلمي وجنونه ...
أتعلمون .. كم يلزمني من الوقت لأتهيأ لنسمة صبآآح بآآردة ..
تتسلل مع صوت عصفور رآآحل لتحتضن جسدي ..
مندفعه بسحر الأندفآع نفسه ...
أنآ أن أستسلمت يومآ لجنوني .. يلزمني وقت لا نهآية له ..
حقآآ
أعشق جنوني الذي يقودني لتلك الصبآحآآت ..!
قبل أن أكتب هذآ الفصل ... وبالتحديد في السآعه السآبعه .. من يوم الجمعه ..
أنحرف قلمي العنيد ... ليرتمي على جسد الكلمآآت ويكتب ..

(( ثمة غربآآء يصبحون أجمل في النسيآن ...
وثمة نسآآء لا يجدن فن النسيآآن ..
كيف لهن أن ينجون من سطوة النسيآن نفسه
حين يقآطعن العشق دون ذنب ..
كم يلزمهن من الوقت ليعين أنهن على مشآرف
نهآيه قصة مرهونه بالنسيآن ..
أكآن النسيآن عرق لا يهدأ ...
نبض لا يمل ...
أم أنهن حين يلجأن لقطيعه العشق ..
يدركن دومآآ أنهن يفقدن شيئآ لا يدركه بشر ...
في الوآآقع ..
دآآئمآ وأبدآ للعشق شعور يشبه السعآآدة
مضآآد للعشق نفسه ..
لذآآ ..
ثمة غربآآء يصبحون أجمل في النسيآآن ..
وثمة نسآآء لايجدن فن النسيآآن ..
.. أود فقط لو أن نسآء الكون أجمعين يعلمن ..
أننآ والغربة وجهآن لا يلتقيآن لعملة وآآحده هي النسيآن ...!!!))

أترككم مع الفصل القآآدم من روآآيتي ..



الفصل الحآدي عشر ...

الخطوة السآدسه .. خطوة الأستمرآر نحو حلم أريد منك أكثر ممآ أريد ...



ليليآن بصوت وآآطي : مآآقول ألا ألله يعطيك القرف من جد ...!!

وقفت بوسط الصآآله وبقوة رجعت لبآب الصآله وبأقوى مآعندهآآ سكرته .. تبيه يسمع
صوت هالبآآب ويفهم بعقله أي شي أقصدته من هالتصرف ...
لفت وبخطوآت متسآآرعه رآحت لغرفة الجده حتى تلقآهآ جآآلسه على السرير
وقبآلهآ أورآآق تبعثرهم بأصآبع يدهآ اليمين ومسرع مآسحبت ورقه وصآآرت تطآلع
فيهآ بحوآجب معقودة ...


ليليآآن بقهر وبنبرة طنآزة : هذآآ هالافي المغوآآر .. وش يحسب نفسه ... !!!
ألله وعآد الصيت ألي وآصلن
لأخر العآآلم مآشآآلله .. يتكلم ( فتحت عيونهآآ ) يتكلم كأني عنده حشرة .. لا لا أقل أعتقد ..
أصلن ولا شآآيفني شي ...
الجده حركت رآسهآ صوب بنتهآآ : بسم الله الرحمن الرحيييييم ... ترآ الشيطآن مآمآت
تعوذي منه وأنثبري بلا طولة اللسآن ...
ليليآآن تمد يدهآآ تتكلم من قلب وكل شي كتمته أنفجر: وقفي يآجده .. مآجآآتس
شي يآآبنت الحلال منه .. قآآلي ( قلدت صوته بأستخفآف ) أنآآ مآحب الشخص
ألي يلف ويدور وطيب لأخر حد بس لاتجربين بطش لافي ...
الجده بفخر وبثقه : وأنآآ أشهد أن هالرجآل صآآدق ..
ليليآآن أنفجرت : يوم أنه معطيني نبذه عنه ومتعبن حاله وش يبيني أسوي ...
يآآخيه يبطش .. يصير طيب .. يحترررق ... أنآآ وش علي منه ... مآآلقى أحد يعطيه
وجه قآآم يتفيخر عندي ..
الجده تهز رآآسهآ : ليه حآآسبتن الريآآجيل نفس أخوج وشروآآه .. ؟
ليليآآن بعصبيه وبكره أحتوى قلبهآآ الصغير : أيه نفسه ...
لاتنكرين أبد ولا تقعدين تمدحين عندي أي رجآآل ...!
هذآ خآآلي وش شفت منه .. قآم ورمآني على أخوي
ولحد الحين مآآبين ... وهذآ زوج أمي .. ترجيته .. تمسكت فيه .. وتركني ..
ترك صآلح يسحبني قدآآمهم كلهم ... هم كذآ الريآجيل أنجآآس .. تسمعين
يآآجده .. من رآآح أبوي مآحد يملا عيني من بعده .. ولا رآآح أحد يملاه ..
أنآآ أكره مآعندي أشوف رجآل وآقف قبآآلي .. أتمنى له الموووت عشآآن أرتآآح منه ...


ظلت تطآآلعهآآ ..
والصوت يوصل لها مشحون بغيمة حقد بآآنت ..
عآآنقت أفق الحقيقه ..
حست بمشآآعر هآآيجه مستنفره من هالمنطق العجيب ألي
لأول مرة تبوح فيه ....
نظرة عيونهآآ وهالكلام ألي قآآلته طلع من قلبهآآ ...
تكره الرجآآل ...!!!
أي سالفه عوجآآ بدت فيهآآ والجده توهآآ في بدآآية طريق مليآآن
بعثرآت كثيرة من فعآيلهآآ


الجده حمده وللحين نظرتهآآ لي ليليآآن نظرة أمتلت بعمق رآآسخ : الريآآجيل أنجآس .. !
والله يآبنيتي أصآآبعج مو سوآآ أبد ..
ليليآآن : ألا عندهم تصير سوآآ ... مآآحبهم ولا أحبببببه ... ترآ هالشي مو غصب ..
الجده بأبتسآآمة وآآثقه : بس لافي غيييير ..! تحملي ألي بتعرفينه عن الرجآآل ألي
مآتدآنينه ..
ليليآن رفعت أيديهآآ : أييييييييه .. وصلنآ خير . مآآأدآآنيييه ... وبعدين شهآدآتي
شلون وصلت له .. ؟
الجده : أنآ ألي سلمته شهآدآتج .. وأورآقج ألي لج أخذهآآ من أخووج ...شوفي .. جهزي
روحج بعد شوي بنروح لبيت خآآلج ..
ليليآآن جمدت في مكآنهآ : ....................
الجده تنزل من السرير : كلمة زيآآدة لا أخليج تقضبين البآآب .. يآ تقعدين تتقهوين
بسكآت ولا أطلعي برآآ ... من بعد مآآونسني لافي ضيقتي
خلقي أنتي ...




ظلت وآآقفه تطآآلع جدتهآآ تجلس قبآآل صينيه القهوة والشآآي وهي تزفر
هوآآ بصوت مسموع ... شآآلت هم هالبنت بزيآآدة.. مآآتدري ليش بأي حوآآر معهآآ
تحس بالهم يعآآنقهآآ في كل صوب ...
تحركت ليليآن بخطوآآت متقآربه في البطء حتى تطلع من غرفه الجده أحسن لهآ ...
رغم أن ألي قآآلته قبآل الجده خفف شوي من النآر الوآآلعه في قلبهآ
من نآآحيه هاللقآ ألي أستنفذ آخر طآقآت القهر فيهآآ ..
بس للحين تحس بصوته يتردد معآآند هالثورآن ألي عآآيشته
بينهآ وبين نفسهآآ ...
دخلت غرفتهآ وسكرت البآب ببطء ... خطوة تتبعهآ خطوآت حتى توقف
قبآل طآولتهآ وتفتح الدرج بعبث .. حركت يدهآآ ودخلتهآ حتى تحضن
السآآعه في كفهآ وتظهرهآ لنور بعيد عن ظلام ذآكرتهآآ ...
أيه تكره الرجآآل من بعد أبوهآآ .. من بعد مآمآت سندهآ في هالدنيآآ ..
ألا شخص غريب ظل في ممرآت الذآكرة يثير
فضولهآآ ...
هو ألي أنقذهآآ وأختفى مثل مآظهر بطريقهآآآ ...
تشتهي في كومة مشآعرهآ هذي لو تغيب ...
تتلاشى مآآبين عتمة غيوم ترآفقهآآ ..
فتحت يدهآ ببطء حتى تظهر لهآ سآآعة هالغريب ألي أنقذهآآ ...
أبتسمت غصب عنهآآ ...
وكيف مآآتبتسم وهو ألي قدر في غيآآبه يترك في ريحة
هالشي الجآآمد كآآئن حي ..
يتنفس فضول ويستنشق مشآعر هآآيجه ..
هو الشخص ألي يمتلك بحضورة .. رجوله وشهآآمة بتشهد له فيهآآآ ..
ضمت السآعه بكفهآآ بقوة .. حظ زوجته فيه لو متزوج ..
وحتى لو كآن مو متزوج حظ ألي بيآآخذهآ وبيختآرهآآ من بد هالبنآت كلهم ..
هي مآآتنكر كرهآ لرجآآل مستثنيه من هالكره شخصين ..
أبوهآ ألي أندفن تحت الترآآب ورجل أنقذهآ ورحل ..
في الحقيقه كل هالشخصين مآعآآد لهم وجود في حيآآتهآآ ,,
آآآه بس لو تعرف من هو ....؟
يمكن لو عرفته تطفي شمعة أحلامهآآ ...
لو عرفت أنه متزوج ويمكن عنده عيآل ...!
أو خآآطب بنته عمه أو خآآله ..
صدت بعيونهآآ .. وش هالأفكآآر الغبيه ألي تفكر فيهآآ ...
قربت السآعه أكثر من وجهآآ وغمضت عيونهآآ تحآول تتذكر صوته ...
أو حتى شكله ..
بس كل شي يملاه النسيآآن .. مآتتذكر غير بقآيآ صور مآتنفعهآ بشي ...
سحبت هوآآ بقوة أول مآآشمت ريحة سيجآرة عآآبثه ...
فتحت عيونهآآ بسرعه وركضت لشبآآك ... مآلت برآسهآ على خفيف
حتى تشوفه وآآقف عند بآب الشآآرع يدخن ... ظلت تطآلعه وهو
معطيهآ ظهره وحآط يده على خصره ... حرك رجله اليمين لورى
ومسرع مآحركهآ لقدآم حتى يرمي السيجآرة ألي توه
مشعلهآ على الأرض .. دآسهآآ برجله وهي أنعقدت حوآآجبهآ بقوة ...
وش هالبرود الغير طبيعي فيه ...!
برود يحسسك بلا مبآآلاه أبد ... أخذت نفس مرة ثآآنيه وهي تتأمل
... طوله .. جسمه النحيف .. سمآآر بشرته ...
نزلت رآسهآ تطآآلع السآآعه ...!!!
وش سوت بروحهآآ ... كيف رمت نفسهآآ لأنسآآن نفسه رآآح يتحكم فيهآآ ...
رآآح يجبرهآ على أشيآآء مآآتبيهآآ ... رصت على شفآتهآآ بقوة ..
حركت يدهآآ ورمت السآآعه لطآولة البعيده عنهآآ ...
يبي لهآ وقفه .. لازم تفكر كيف تبعد هالافي عنهآآ .. تخليه ينشغل بروحه وينسآهآآ
هي كزوجه له ..



..........: هلا والله .. هلا بالشبل .. حيآآك ...


رفعت رآسهآ وأبتسمت بسرعه من شآآفت عبدالله أخوهآآ يدخل بعد مآآسلم على فهد ..
وعلى طول رآآحت تركض طآآلعه من الغرفه ...


عبدالله بصوت عآآلي : ليليآآآآآآن .. قومي أنآآ جيت ..... أخوتس


مدت يدهآآ بفرح حتى تخونهآ دموعهآآ وهو جآهآآ يركض فآتح أيديه ..
حضنهآآ وبقوة لفت يدهآ حول كتوفه ... بكت .. مو مصدقه أنهآآ تشوفه ..
مشتآآقه له شوق أكبر من الألم ألي تحس فيه ..

عبدالله بأنزعآج : عورتيني والله .. كل هذآ مشتآقه لي ..
ليليآن بكت وهي تضمه : .........................
عبدالله : وش فيتس .. أنآآ صرت رجآآل .. خلاص .. يعني بغيب عنتس يومين ..
أو ثلاثه ...مدري .. مدري . المهم أني خلاص كبرررت ..
ليليآن أنهآرت أكثر : علموووك هالكلام تقوله لي .. عشآآن لا غبت مآآتفقدني ..
عبالهم بروح أتركهم وأترك ..!
عبدالله أبعد عنهآ وهو يطآلعهآ : أقولتس صرت رجآل كبيييييييير .. مآحد يعلمني
الكلام ..وبعدين هم من ..؟.
الجده تطلع من غرفتهآ ومن شآآفته أبتسمت : هلا والله بولدي .. هلا ..
عبدالله يتحرك ويروح لجدته : أشتقت لتس يمه .. لعبت بلاايستيشن وأخذني علي لسوق
أشتريت لي ملابس مع أمي .. ورحت الجمعيه بعد .. أكبر من جمعيتنا ..!!
الجده تبوس رآسه : هههههههههههه .. أجل مآشالله أستآنست ..
عبدالله يهز رآسه بالرضآ : أيه يمه ..
ليليآن تمسح دموعهآآ : ...............




...... : صبآآح الخير




حركت عيونهآآ صوب مصدر الصوت حتى تشوف أمهآ تدخل من بآب المدخل
وورآهآآ وقف علي ... نزلت الجوهره النقآب تآآركه الشيله حول رآآسهآآ وبخطوآت
وآآسعه قربت من ليليآن ألي ظلت جآمدة في مكآنهآآ ...


الجوهره تحضن بنتهآ : أخبآآرج يمه .. طمنيني عنج
ليليآن بملامح خآليه من أي تعبير : لا الحمدالله بنتتس ( قالتهآ متقصده ) الظآآلمه بخير ...
الجوهرة أبعدت عنهآ تطآلعهآآ : أسمعيني يمه .. أنآ أعترف أني غلطت ..
ليليآآن : غلطتي ..!! ( هزت رآسهآ بالرفض ) لالالا .. مآآيصير يآآم ليليآن ..
هذي مو تربيتتس .. تربيه أبوهآآ الخآآيس .. أبوهآآ ألي رميتي عليه بنتتس وهي توهآآ
بعمر صغير ورميتي معهآآ رضيع توه عشآن يربيه ويربيهآآ ..






ظل علي سآآكت يطآلع في بنت زوجته ... وهو من البدآآيه توقع ردة هالفعل ..
أو توقع أشد من هالكلام ..


الجده حمده : وين ميري ( طالعت عبدالله ) روح نآدآهآآ مدري شنو فيهآ اليوم مآصحت بدري ..!!



تحرك عبدالله بسرعه ومر من عند أمه طآلع من بآآب المدخل


الجوهرة : أنآ يآآيمه والله مدري كيف ...
ليليآن تقآطعهآآ : شفتي تربية أبوي الخآآيسه .. هي ألي مخليتني لحد الحين
بآآره فيتس .. أبوي كذآ ربآآني .. وصآآني لا شفتس أبتسم لأن الجنه
تحت رجولتس ... ( صدت بعيونهآآ ) لأخر مرة بقولهآ لكم ... أبوي ألله يرحمه ..
مآرآح أحد يجيب طآآريه بسوو... أنآآ عشآآن تبقى سمعة أبوي مثل الذهب ...
مآآهرجت على أخوي ولا أشتكيت منه لمآ جيت هنيآآ بينكم ...
ولا تتوقعون مني هالشي ...
الجده حمده : لاحووول .. يآآبنت الحلال ألي سويتيه مآآبين بعين هالأخو ..
هذآ ألله معمي عينه ..



مآآرديت عليهآآ وتحركت مبتعده عن أمي .. أنآآ عآآرفه أنه ولا درى عني ...
ولا عمره بيحس فيني ... دخلت غرفتي وسكرت البآب علي ...
أحس أني من دآآخل مشتته .. مبعثره ... وهالحين أقسم لكم بالله مدري أنآآ
وش سويت بعمري .. تسني رميت روحي بالنآآر وأنآ عآرفه أنهآ بتآآكلني ...
تقدمت أكثر لين وقفت بوسط الغرفه .. وينتس يآآسآآرة .. فقدتس بقوة ...
قبل هي الوحيدة ألي أفضفض لهآآ ..
أقول كل شي بخآآطري .. أحيآآن تسمعني بسكآآت وأحيآآن تهذري فوق رآآسي
تقول معلمة ريآضيآت تعيد وتزيد ...
بس مشتبتن تسبدي من هالافي .. يآآآآآآآآآآآآآآو .. ودي .. ودي أشيله من هالعآآلم
عشآآن أرتآآح ..




...........: هييييييييه .. تعآآلي أبيج ...



أنتفضت بقوة مدري من وين طلع لي .. حطيت يدي علي قلبي وأنآآ أحس أنه تحرك
من مكآآنه من الخرعه .... حركت عيوني بسرعه صوب البآآب ألا هو مسكر ...!!


.......: يالحولا .. أنآآ هنيه فتحي عيونج زين ...



حركت رآآسي صوب الشبآآك ألا رآآسه طآآلع .. وشعره كله يتحرك يمين ويسآآر
من الهوآآ القويه ...
وش يبي ذآآ ... أنآآ حولا .. أنآآ ..!!!
أنآآ عآآيفتن نفسي عشآني أحتسي ويآهآآ عنه .. يقوم يطلع لي صوت وصورة بعد ..!!
لا ذآآ مو بصآآحي أبد .. وبكل مريييح بو الشبآب
وهو يهرج معآآي .. طالعته بعصبيه وبكل قهر تحركت بخطوآت وآآسعه وسكرت الشبآك
بوجهه .. يستآهل .. أحسسسسسن ..
على باله يوم أني سآآكته خآآيفه منه .. أو محترمته .. مآآيدري أن جدتي هي
ألي غصبتني وهددتني بعد ... أخذت نفس بقوة ومن أبعدت عن الشبآآك
ألا يده دخلهآآ وحطهآ على زجآج الشبآك بقوة وسحبه ...
حركت يدي بسسرعه ومسكت طرف الشبآك عشآن مآآينفتح وأتوهق ...
صآآر يحآآول يسحبه ألا يفتحه وأنآآ بالقوة مآآسكه الطرف ..
الغرفه حررر مولعه .. ويدي قآآمت تعرق ... حسيت أنهآآ بتزلق بأي لحظة ..
أمي هنيآآ وعلي نآآسي ذآ أننآ متزوجين بالسر أمحقه من زوآآج ...
مجنون .. أقسم لكم بالله مجنون ,.. وش يحس
فيه بالله وهو وآآقف قبآآل شبآآك غرفتي .. لالالا .. هذآ محتآج حل ..
أفففف ... يآآوالله أني وهقت عمري بشين مآآنيب قده ...
صآآر يجر الزجآآج من برآآ وأنآآ أجره دآخل غرفتي ... أنحنيت بجسمي وأنآ أضغط
بكل قوتي وبيدي السليمه على طرف الشبآآك ...
مستقون علي عشآنه كآآسرن يدي ... هين يآآلافي .. ع بالك أنآ مرتن ضعيييفه ..!
والله مآآعرفت من هي زوجتك يآآالشآآيب ... ضرب الزجآج بيده وصرت أسمع
صوته يهذري برآآ بصوت مآآيبي أحد يسمعه ....
هيييين بس... تركت الشبآآآك وصرت أسمع صوته يوم يفتحه .. تقول بيكسره ..
مسكين شكله أحترق من الحركه ..
ركضت بكل قوتي للبآآب سحبته ومآآيمديني أطلع برآآ الغرفه ألا أنآآ صآآقعه جثة
رجآآل وش كبره ...


علي يمسك كتوف ليليآن بخرعه : بسم الله عليج ..



رجعت خطوتين لورى وأنآآ أرفع رآسي لفوق أطآآلعه .. شكله كآآن وآقف
عند بآب الغرفه يبي يدخل علي ..
لفيت لورى ألا شبآآك غرفتي مفتوح نصه والستآآرة الخفيفه تتحرك بقوة
من الهوآآ .. وين رآح .. وين أختفى بهالسرعه ..
أخذت نفس بهدوء وأنآ أحس قلبي قآآم يضرب طبول ...


علي يطآلع ليليآآن : ورآج طآلعه من الغرفه تركضين فيه شي ...؟
ليليآن تحط يدهآ على خصرهآ وبدون نفس : هذآآ هالافي .. كآآن يبي يفتح علي
شبآك غرفتي بالغصب ... وطلعت أركض بروح أعلم عليه جدتي كود
تلقى له حل هالي مآيستحي
علي رفع حوآآجبه لفوق : فهد ...! أكيد تمزحين ..



صديت بعيوني عنه وتحركت .. أنآآ أخذ وأعطي معه ليه ..!
بس وقفت وعلى طول جر يدي لدآخل غرفتي وسكر البآآب ..
خيييييييير .. لا حوووول ...
وش بلاهم علي .. ألا يقرفوني من هالصبح ويولعون تسبدي غصصصب ...


ليليآن تسحب يدهآ : لو سمحت .. أطلع من غرفتي ..
علي بهدوء وأبتسآآمه : أنآآ يآآي لج اليوم .. في خآآطري كلمتين ودي أقوولهم لج ..
ليليآن تأشر على روحهآ : لي ..! أكيد غلطآآن ..
علي يضم شفآته مع بعض ويتقدم يروح يجلس على كرسي طآولتهآ : تعآلي
أقعدي يآآبنتي ..
ليليآن تحرك جسمهآ صوبه : أنآآ مآآبي أسمع منك شي .. ولا أنت محتآآج تقولي شي ..
ترآآ علاقتنآ جدآ سطحيه ..





أبتسم وهو يطآآلع فيني ... مدري وش فيه ويآ هالثآني ألي مقآبلته قبل شوي ..
وآحد يضحك عشآآن معي متوسطه وأنآ عمري 16
وهذآ يوزع أبتسآمآت ..




علي ينحني وغترته البيضآ مرميه على كتوفه : شوفي الموضوع كله مآآأنكر أني غلطت فيه ...
والحق كله معج .. بس مآآكنت في يومهآآ حآآط في حسآبآتي أن أخوج بالشكل
ألي شفته فيه ..حتى يوم سحبج قدآآمي والله مدري شنو صآآر فيني .. أنصدمت
فيه .. بس أنتي هالحين في حمآآيه لافي ولد فلاح ... مآآحدن رآآح يقرب صوبج
لو شعره ..
ليليآن تهز رآسهآ تبيه يخلص بسرعه ويطلع : رآآيتك بيضآآ .. بس بصحح لك معلومة
.. جدتي هي ألي حلت
الأمور وهي ألي مآرآآح تخلي أحد يقرب مني مو العكس ..
علي يقوم ويقرب منهآآ : أنآآ أسف .. أطلبي ألي يرضيج وأنآ حآآضر بالي تآآمرين فيه ..
ليليآن رجعت خطوة : لا مشكور مآآبي من أحد شي ..
علي يمد يده ويحطهآ على كتفهآ : سوء الفهم ألي حصل أن شالله بيتعدل
ليليآن طرى على بآلهآ شي : أقدر أطلب منك طلب ( سكتت صآدة بعيونهآ عن زوج أمهآ
ومسرع مآتكلمت ) يعني هو بعيد عن هالموضوع
علي : أيه .. كلي تحت أمرج يآآبنتي
ليليآن ترفع عيونهآ له وبهدوء : أنآآ يدي توجعني . تقدر تآآخذني للمستشفى هالحين ..
علي تكلم على طول : أكيد .. ألبسي عبآيتج أيل ..
ليليآن مآآصدقت خبر : لاتروح دقيقه ..

أبعدت عنه بسرعه وطلعت من غرفتي على المجلس ألي كنت نآيمه فيه ..
أنحنيت وسحبت العبآآيه لبستهآ على السريع ورديت لغرفتي ..
وهو يطآلعني مستغرب من هالعجله ألي أنآآ فيهآآ ..
مآآيدري أن جدتي بتوهقني وتخلي الشآآيب يآخذني .. رحت لسريري
وصرت أدور الشآل والنقآآب حتى قفآزآتي مدري وين طست ..
هذآ وقته ..!!

علي يدخل يده في جيبه ويطلع مفآتيح سيآرته : بطلع وألحقيني
ليليآن تمد يدهآ : لأأ.. لاتروووح ..
علي عقد حوآجبه : شنو فيج أنتي .. بروح أشغل سيآرتي ..
ليليآن تتلفت تدور شآلهآ والنقآب ومن لمحتهم في زوآيه سريرهآ
أنحنت وسحبتهم : خلنآ نطلع مرة وحدة وبآخذ عبآدي معي



شكل ميري هي ألي رآآميتهم في هالزوآيه أدريبهآ .. تحب الحذف يمين
وشمآآل .. لفيت الشآل حول رآسي وطلعت بخطوآت وآسعه من الغرفه ..
يآآآآآآآآآآه .. الحمدالله لك يآآرب .. علي طلع بوجهي صددفه ..
نزل من السمآآ علي ..


ليليآن تطآلع علي ألي طلع من غرفتهآ : وين أمي ..!
علي وهو يمشي متوجه لبآب المدخل : بغرفة التلفزيون
ليليآن توقف : وين بتروح..
علي وقف : بطير لأسبآنيآ ..
ليليآن : تكفى نبي نطلع سوآآ ..
علي بدى الشك يلعب فيه : ليليآن أذآ بخآطرج شي قوليه .. ترآ مآحب الألغآز أنآآ
ليليآن : أيه بخآطري مآنطلع لسيآرة ألا سوآآ ...



قلت له هالكلمتين ورحت صوب غرفة التلفزيون .. ومن دخلت على جدتي
على طول طآآرت عيونهآآ ..


الجده حمده : على وين أن شالله ..


رحت أمشي لهآ بدلع وجلست قبآلهآآ معطتهآ ظهري .. مديت لهآ يدي وأنآ مآسكه
النقآآب


ليليآن : يمه لبسيني النقآب .. مآعرف ألبسه ...
الجده بقهر تسحبه : أنتي وين بتغدين ..!
علي يوقف عند البآآب : قالت لي أخذهآآ للمستشفى يدهآ توجعهآ
الجده بصوت عآآلي : وشووووو ...!!!!


مسكت ضحكتي .. خفت أضحك ثم تستلمني طلاب ... أنآآ عآآرفه
هي تبي لافي لزقة عنزروت في هالبيت .. تبيه هو ألي يآآخذني
للمستشفى بس يحلللم ...

ليليآن بهدوء : يمه يلا .. يمكن عمي علي عنده أشغآل مآآنبي نأخره
علي رفع حوآآجبه مستغرب من الأسلوب ألي تبدل 24 درجه : ...................
الجوهرة تطآلع ليليآن ومسرع مآحركت عيونهآ صوب زوجهآ : ..............
الجده تقرب من ليليآن وتضرب كتفهآ بقهر هآآمسه : تخلخلت عيون العدووو قولي آآآمين ..
ليليآن تبعد عنهآ متقصده : يمه وش بلاتس علي .. عورتيييني ..
الجوهرة بصوت وآطي : أقدر أنآ يمه ألبسه لج ..
ليليآن تقوم : خلاص بغطي وجهي بشيلتي .. بس أبيتس تروحين معي ..
يمكن أحتآج أحد ..!


مآعطيت أحد فرصه وقمت طلعت من الغرفه ... رحت لبآآب المدخل وبهدوء أنحنيت ألا
الشآيب وآآقف عند البآب ...
أييييه .. أنقع بالشمس والله مآأركب أنآ وياك سيآرة وحدة ..
سمعت صوت مفآآتيح علي وعلى طول رميت الشيله على وجهي وطلعت وقفت
عند بآآب المدخل.. وهو من سمع
صوت خطوآآتي لف لي وبنظرآت حآآرقه جآآني طآآير ...
بس وقف فجأة من طلع علي ورآآي .. على لسآآنه كلام بغى ينطقه
بس تفآجأ من علي .. مسكت عبآآيتي وطآلعته بنظره من فوق لتحت من ورى شيلتي ..
الشي ألي توقعته صآآر .. توقعت أنه مآرآح يتركني بروحي من بعد
مآصكيت الشبآك بوجهه .. ولو ركبت أنآ ويآآه بسيآرة وحدة
والله لا يستلمني ...
لميت العبآيه وبهدوء قمت أتمشى وأتميلح قبآآله أبي أحرقه ... خطوة ورآ خطوة
تقول سلحفآآة ..
ولا كأنه وآقف قبآآلي ...


لويت فمي ومريت من عنده ألا يوم غرز أصآبعه في يدي وشد عليهآ بقوة ..
سآآحبني له .. تمآآآيلت بقوة وطحت عليه بس بسرعه دفيته مع بطنه و
صرخت بصوت عآآلي ..

ليليآآن : عميييييييييييييي ...


رجع علي خطوتين لورى ووقف عند بآب المدخل منخلع من صرختي... فكيت يده من يدي
ورحت أركض
لبآب الشآآرع وعلي وقف يطآآلع فهد ...


ليليآن تأشر على فهد : شوفه ...!
علي يلف لهآ : قصري حسج .. مهبوله أنتي .. ( طالع فهد بنظرة أمتلت
عصبيه ) وأنت ورآآك .. نآآسي الأمور كلهآ تبي تودي نفسك بدآهيه .. لو شآآفك
أخوهآ أو حتى عمتك ..


حركت عيوني صوبه وعلى طول تحرك جآي لمي .. رجعت خطوتين وطلعت من بآب الشآرع وآآقفه
ورآ علي بالضبط


فهد يأشر بيده على ليليآن : وين بتروحين أنتي .. هآآآ



مديت شفآيفي ..وفتحت عيوني على الأخر .. قآم يهددني بعد ..
بس يآآآهو معصصب .. حسيته بينفجر خلاص .. ههههههههه ..
أحسن .. أحسن .. أحسن ..
رآح ودخل الديوآنيه وعلى طول لف لي علي وبصوت وآطي ..


علي : شنو مسويه له أنتي ..؟
ليليآن ببرآءة : مآسويت له شي ...
علي رفع حآجبه اليسآر : يعني جذي بلا سبب عصب ..
ليليآن : قلت لك مآسويت شي ..
علي بضيق : روحي نآدي أمج بسرعه وأنآآ بشوف شنو فيه معصب ..





وبدون أية مبآلاة تحركت دآخله من بآب الشآرع .. رحت أمشي والشمس
حرآرتهآ بدت تشتد أكثر ..
أخذت نفس بملل ودخلت من بآب الصآله .. تذكرت عبدالله وين رآآح ..؟
غريبه .. تلقينه بالشآآرع مآآفيه شك ..
رحت صوب غرفة التلفزيون ألا جدتي تسولف مع أمي بصوت وآآطي ..



الجوهرة من شآفت بنتهآ وقفت : يلا يمه بروح بس هآآ .. جمعتنآ اليوم لا تنسينهآآ
الجده حمده بعد صمت : عزمتي قوم سآلم ..!!
الجوهرة تعدل شيلتهآ : بليآ عزومة يمه .. يعرفون أن كل يمعه العصريه كلنآ
بالجآخور ...
الجده حمده : ولو .. أعزميهم يآآيمه ...



رفعت حوآآجبي وأنآ أشوف جدتي تتتكلم مع أمي بصوت هآآدي ..
عكس ردة فعلهآ قبل ..
جدتي هذي أحس الزمن مكون منهآآ حرمة قآآسيه بس دآآخلهآآ
قلب طيييب ... حنون ...
يعني أنآآ من جيت هنيآآ كآآنت قآآسيه معي بشكل مآتتخيلونه ..
وعلى بالي شآآيله علي عشآآن ألي صآآر مع الغريب ..
وطلع آخر شي كله من تحت رآس الحيه خزنه وجدتي وضحى ..
مآآقوول ألا حسبي الله ونعم الوكيل فيهم ..

ألله وكيلهم بالي قالوه علي .. تلقونهم هالحين غآآآسلين شرآآعي حش
وتسذب بين الحريم .. سمعت صوت شي طآآح وعلى طول
لفيت صوب بآب المدخل ألا وحدة منحنيه وعلى طول قآآمت ..
هذي سآآرة .. ألا هي ..
طآآلعتني ورفعت يدهآآ بحدة ..



سآآرة بقهر : هصصصصص .. أن تحجيتي أقسم لج بالله لا أعطيج كففففف ...


تحركت بجسمي مبتعده عن أطآر البآآب ..
صح أنآآ مجرووحه منهآآ .. مقهورة بالي قالته لي .. بس ..وربي
مشتآآقه لهآآ .. جتني بسرعه وحضنتني ..



سآآرة :عجججزت أقعد وأنآآ مآعرف عنج شي ... والله مو قصدي .. مدري كيف قلت لج هالكلام ...
مدري
ليليآن مسكتهآ العبرة : ...................
سآآرة : تكفييين لا تقولين شي ..
ليليآآن تحضن سآآرة : أشتقت لتس يآحمآآرة ..
سآآرة بكت : وأنآآ بعد يآ دوب ...



طلعت الجده من الغرفه وورآهآ الجوهرة ألي من شآفت بنتهآ تحضن صديقتهآ
ولا فكرت تحضنهآ ... حست بحجم برود هالعلاقة ألي تربطهم مع بعض ...


الجده بهآوش : هالحين أنتي ويآهآآ هذآ سلام أوآآدم ... يآحمآرة ويآدوب ...
أستحن ... عيييييب


سآرة تبعد عن ليليآآن وعلى طول مسحت دموعهآ ورآحت للجده : أزيك يآآطنط .. دآ انتي وآآحشآني بشكل ..
ليليآن أبتسمت ومسرع مآضحكت : ههههه ..
الجده وسآرة تبوس رآسهآ : يآآآلله لك الحمد والشكر ... هو أنتي مآتثبتين لج على كلام ..
سآرة تسلم على الجوهرة وألي بآدرتهآ السلام بسكآت : أخبآرج خآلتي ( طالعت الجده )
أنآآ متقلبة اللهجآت ...
ليليآن تنحني وتسحب سآآرة : تعآآلي .. تعآآلي عندي لج سوآآلف
سآآرة شهقت بقوة : أنتي ألي تعآآلي ... شنو سويتي فينآآآ .. شنوهببتي ياأنشتآآين زمآآنج ..
( حطت يدهآ على رآسهآ ) يآآعندي لج سوآآلف .. ألا مصآآآيب متلتله ...
ليليآن : وش سويت يآآحظي .. هو أنآ شفتتس عشآآن أهبب بشي ..
سآرة تدفهآ : قدآمي للغرفه ... مآودآنآآ بدآهيه غيرج



رآآحن ودخلن الغرفه والجده وآآقفه فآتحه عيونهآ على الأخر ..

الجده : بسم الله الرحمن الرحيم .. هو فيه نآس يتهآوشون ويتصآلحون بهالسرعه ...
والله ظنتي أنهن مخآويآآت ..!!!
الجوهرة : ................



سكرت سآرة بآآب الغرفه وهي تسحب ليليآآن .. فكت يدهآ ونزلت نقآبهآآ



سآآرة تأشر بيدهآآ : حنآ رحنآ وطي ...
ليليآن : وقفي .. وقفي ..



رآآحت تمشي صوب الشبآك وقفلته عشآن مآيقدر أحد يفتحه عليهآآ ..
سحبت الستآآرة وغطت فيهآ الشبآك



ليليآن تلف لسآرة : وش صآير أخلعتيني ...
سآآره تحط يدهآ على رآسهآآ ومسرع مآرفعتهم : يآآلهوووي يآآآلهوي .. مش فهد طلع
بيتكلم عربي ..
ليليآن ببرود وبنبرة كره : أيييه .. عرفت
سآرة فتحت عيونهآ على الأخر : هآآ .. عرفتي ...؟ تدرين أنه طردني من البيت يوم فكرت
أيي عندج .. عشآآني ضحكت عليه هو وعمر ولد خآلي حقووود .. آآآآخ ..
ورحت من الفلاحه طبقت لج خطتنآ الفولاذيه وركبت فوق الطوفة .. ألله لا يوريج
ذآآج اليوم ... طلع من هنيه فهد بحوشكم وأخوج الملسون .. وبالجهه الثآنيه
عمر وأمي ...يآآآآآآسلام سلم ..
ليليآن عقدت حوآجبهآ : عمر مييين ...؟
سآرة تروح تجلس على السرير : عمر .. عمر الي كآن مع فهد ... تذكرينه ألي كآآن
معه يوم يآآ لحد هنيه عند .. الأشيييقر ..
ليليآن رفعت حوآجبهآ : بذمتتس ... يصير ولد خآلج ..!
سآآرة بعد صمت : أي والله هو يصير ولد خآلي وفهد يصير ولد خآلج .. ههههههه ...
يآآخيه حنآ شنو نقرب لبعض ..
ليليآآن بقهر : وهالشآآيب بأي حق يطردتس .. هو من ..؟
سآآرة : أنآ قررت أيي وقلبي يضرب طبل ..ع كييييف كيفج ... دخلت من البآب
وأنآ أدعي مالقآآه بس الحظ .. ألا يوم طلع من الديوآنيه الشر بعيونه ...
ليليآن تحط يدهآ على الطآوله وتتمآيل : أيه ..
سآآرة فتحت خشتهآ : ولا كأنه شآآفني أبصرآحه أستغربت بس قالي وهو معطيني ظهره ..
أن شفتج فوق الجدآر مصعت رقبتج ... يممممه .. قسم بالله من تكلم
قمت أتنآفض .. قلت أن شالله وأنآ مآآشوف الدرب
ليليآن : وهو بأي حق يكلمتس .. وأنتي بأي حق تردين على رجآل غريب عنتس ..!!
سآرة تهز كتوفهآ : مدري .. ( قالتهآ بقهر ) تكلمت من خوفي ألله لا يلومني ..
بس هذآ ياحبيبتي لو شآآف نفسه يحق له ...
ليليآن لوت فمهآ بآستخفآف : ليه أن شالله مسوي شين مآآحد سوآآه ..
سآرة تضرب خدودهآ ::ههههههآآي .. هذآ مخترع يآآحلوة ... مخترع مشهور وتدرين
أن عمر ولد خالي يصير مدير أعمآله .. سمعت زوج أمي وأمي نفسهآ يتكلمون
قدآآمي عنه .. يقول بو مؤيد أن الفرنسيين شروآ عقله بالفلوس .. وهو تنآزل
عن جنسيته الكويتيه وأخذ الفرنسيه ...
ليليآن تطآلع سآرة بصمت وبصدمة من ألي تسمعه : ...............
سآرة تكمل : وأظن أن أبوه والقبيله كلهآ أطردته عشآن هالشي ... أنآ قمت أسولف اليوم
من الفضول مع زوج أمي وهو ألي قال لي هالشي .. بس الولد مليآردير ترآآ ..
والكل يشهد بذكآآئه يعني لو هالشي مو صحيح .. مآآظن الفرنسيين بيتعبون أنفسهم
ويدفعون ملايين له ... شروآ عقله وأخترآعآته بالفلوس .. حتى أمي تذكره يوم أنه ولد صغير ..
هذي تقوله وهي متزوجه على صغر بعد ...
ليليآن : ليه عمره كم ..؟
سآرة تلوي فمهآآ : أمممم .. يقول بو مؤيد أنه عمره جبييير .. وخمن أنه
بالثلاثين ... يعني 35 .. 34 ..حوآآلي هالشي أظن
ليليآآن صرخت : نععععم ....!
سآآرة : ورآج أنخلعتي من عمره ... مو أنتي تقولين عنه شآآيب .. هو شآيب
فعلا بس شيب على زييين .. بس الحق ينقآل .. تقول ولد ال 26 ..
أنآ بققت عيوني لين قلت بس من قال هالعمر ...



صدت بعيونهآآ عن سآرة وجلست على الطآآوله بذهول ...
عمره 35 ولا 34 وش فرق ...!
وهي عمرهآ كم 16 سنه بس .. 16 ... رجعت تطآلع سآآرة وهي تتذكر كلام
الجده ألي سمعته يوم تترجآهآآ أم سعود ترجعه لهآآ ..
تذكرت قبل شوي وش قالت لهآآ ..
أيه قالت لهآآ ( تحملي ألي بتعرفينه عن الرجآآل ألي
مآتدآنينه ..)
حست بأنفآسهآآ تزيد بمسآآفه شآآسعه أحتوت قلبهآآ
مسآفه مآآملاهآ غير الفرآآغ ..
هذي بدآآيه حرآرة النآر ألي بترمي روحهآ فيه ...
أو هي خلاص رمت نفسهآ وأنتهت ...
عمره 35 .. !!
أنفتح بآب الغرفه وعلى طول لفت تطآلع أمهآآ



الجوهرة : يمه يلا .. علي ورآه مشوآر
ليليآن بضيق : مآبي أروح ..
سآرة تقوم : ورآ مآقلتي لي أنج بتروحين ...!
ليليآن وهي تحس الضيق كتم أنفسهآ من ألي عرفته : قولي لزوجتتتس يروح .. هونت
مآبي أروح ..
الجوهرة بأستغرآب : تو تبين تمشين .. شنو غير رآآيج
ليليآن تحط يدهآ على جبهتهآ : قلت لتس مآعآد أبي أروح خلاص يمه ...
سآرة تلبس نقآبهآ : شكلي ييت بوقت غير منآسب .. أنآ بروح لبيتنآ بس متى مآفضيتي
دقي علي ..



نزلت عيونهآ بالأرض وطلعت متجآهله نظرآت الجوهرة لهآآ ,,,

الجوهرة تدخل : يمه شنو فيج .. ؟
ليليآن ترفع رآسهآ لأمهآ : فهد ولد خالي بوسعود كم عمره ..
الجوهرة : شنووو .. وأنتي شكو بعمر فهد
ليليآن وصوتهآ أختنق : قولي لي هالحين ...
الجوهرة بعد صمت : 34 سنه ...



حطت ليليآن بحركة تلقآئيه يدهآ على رآسهآآ ,,,


الجوهرة بشك : أنتي شنو فيج ... شنو قالت لج سآرة .. وقلب حالج فوق تحت
ليليآن وهي بالعآفيه تتكلم تخآف يخنقهآ الحرف : برتآآح يمه ...برتآآح .. سآرة مآقالت شي
( سكتت وبصوت وآطي ) مآقالت شي ..
الجوهرة : أنتي بتتحجين ولا شلون ..؟
ليليآن بعصبيه : قلت خليني بروحي ... روحي مع زوجتتس ..
الجوهرة : لا تقعدين تصآرخين ..
ليليآن بقهر تصد بعيونهآ : ...............
الجوهرة : خليج على هالحآآل ...



طلعت بخطوآت وآآسعه وسكرت البآآب ورآهآ ..

قآمت ليليآن من الطآآوله ألي جآلسه عليهآ ورآآحت جلست على السرير ...
هذي هي بدآآيه الغيم ..
من يقدر يوقف بوجه أقدآر مسيره ...
لازم نرضآ فيهآآ ..
من يقدر يخمد ألسنه لهب قآدرة في ثوآني تآكل حدآئق أحلامنآ ..
وقصور أمآنينآآ ..
الصمت والسكون أن مآقدرنآ في يوم نلبسه ..
قآآدرة الأيآآم تخلينآآ نستسلم لمصيرنآآ له ...!!
مرت دقآيق حست بفكرهآ عآآجز .. مو قآدرة تفكر أكثر ..


عبدالله يفتح بآب غرفتهآ : قومي بنروح الجآخور ..
ليليآن بحوآجب معقودة : وشووو
عبدالله : قومي قومي .. اليوم الكل يبي يجتمع بالجآآخور ..
ليليآن تنسدح على السرير : يآآآآألله ..
عبدالله : جدتي تقول بسرعه .. دآم أنتس تتخبلين عليهم وتقولين مآبي أروح
للمستوصف ...


ترك بآآب غرفتهآ مفتوح ورآح يركض للمطبخ ...
لازم عليهآ تقآبلهم وتكشخ عند المماليح ..
زفرت هوآآ بطفش وبصوت عالي ( أفففف )
مالهآ خلق تقآبل أحد ...
ضآيقن خلقهآ بليآ شي ..


××××××








بعد صلاة الجمعه ...


من طلعت من بيتنآ مآآشفته ...أقصد الشآيب فهد ..
مآعآد يليق فيه غير هالأسم ... ألي اخذنآ للجآخور علي .. شكله هو ألي أخذ أمي لمكآن
مآفكرت وينه ... كرهته بزيآآدة صرت خلاص مو طآيقه أشوفه قدآآمي هالشآآيب ...
ألا عمره 34 ..!!
أحس نفسي مصدومة ... مو قآآدرة أفكر بشي .. وش سويت بعمري أنآآ ...وش سووييت ...!!
رميت حالي على شآآيب .. على وآحد أكبر مني فوق مآتصورت ..
تسآندت بيدي على المركة ألي جنبي وأنآآ قآعة لحآلي بغرفه مآفيهآ أحد ..
صوت عبدالله أخوي وهو يصآرخ يلعب مع ورد يوصل لي ...
أحس أني قآآعدة أضيق ولا أحد حآآس فيني .. جدتي قآآعدة عندي بس تالي
مدري وين رآآحت ... دخلت عبير وهي لابسه تنورة قصيره جنز لونهآ سمآآوي لحد ركبهآ
على بوت .. وبلوزة صفرآآ مظهره جمآلهآ وبيآضهآآ .... جلست قبآلي وتكتفت ...
مآآقول ألا يآآصبر الأرض بسسس ...
هذي هالحين أخت زوجي ... أقصد زوج الغفله ..!
صديت بعيوني عنهآ ورفعت عيوني
لفوق السقف ... مآتلاقينآ من جيت .. أصلن من شآآفوني تقول شآيفين شيطآن ...
كل وحده أندست لهآ بغرفه ... حتى أم سالم يوم سلمت عليهآآ قآمت تطالعني بنظرآت
شكيت بروحي أصرآآحه ...

عبير : أوفففف ...
ليليآن ترفع يدهآ : هييييييه .. أذآ مو عآآجبتس المكآن قومي أطلعي
عبير تطالعهآ : شنو دخلج أنتي فيني ...!
ليليآن بدون نفس : أستغفر الله وأتوب عليه ...

دخلت مريم بنت أم سالم .. عرفت أسمهآ لأن عبدالله قالي أن الصغيرة أسمهآ
ورد فأكيد هذي مريم .. حطت يدهآ على خصرهآ وقآمت تقلب عيونهآ
فيني تقول مآني عآآجبتهآآ .. عشتوآآ ...!!


مريم تعطي ليليآن ظهرهآ : قومي أبيج ..
عبير وهي متكتفه : مآآبي .. شوفي بسبتهآ فهد مآعآد يتحجى ويآي .. حتى طلب أمي
ولا طلبني
مريم بصوت وآطي : قومي مآيصير تتكلمين عند الغرب .. قومي ...


رفعت حوآجبي لفوق وأنآ أطالع مريم وهذي وش فيهآ علي .. تقول دآآيسه
على طرفهآآ ... الحمدالله والشكر على العقل ..



الجده حمده توقف عند البآب وبضيق : قومي معي ..
ليليآن تطالع جدتهآ : أنآآ ..!!
الجده حمده : أيه بسرعه ..



قمت وأبد وجهآ مآآيطمن سحبت عبآيتي ولبستهآ
على السريع مغطيه جسمي ... لفت مريم وطالعتني من فوق لتحت وأبد مآعطيتهآ وجه ..
ولا عبرتهآآ ..
طلعت من الغرفه على صاله وسيعه مفتوحه قبآلي على الجآخور كله ...
والغرف نصهآ مسكر والحر مو تآرك أحد يطلع أبدد ..
حركت شيلتي وصغرت عيوني أول مآهبت هوآآ حآآرة ...
مدري وين عبدالله وورد رآحوآآ قبل شوي أسمع أصوآآتهم ..!!
مسكت يدي وقالت لي وهي تسحبني ..( تغطي )
مريت من عند غرفه قآآعدة فيهآ أمي والحريم البآقيآآت ...حسيت بنظرآتهم توجهت
لي .. دفتني لقدآآم وهي تمشي لين تعدينآ الغرف ألي قآعدين فيهآ الحريم ...
ووصلنآ لديوآنيه الرجآآل .. أصوآآتهم مرتفعه كأنهم يتهآوشون ...
سحبتني على الجدآر بقهر وقالت لي بدون حتى
مآتطآلعني ( وقفي هنيآ )
مرت من عندي وأنآ مثل الأطرش بالزفه ... أسمع صوت خالي يصآرخ وعلي ...
دخلت المجلس وقالت بصوت عآآلي وهي تصآآرخ ...


الجده حمده : أسألهآآ أشوف .. مآنت مصدقني .. هآآ
أبو سعود : والله أنج يآآيمه طيبه .. هذي خسيسه وهو أخس منهآآآ
علي بصوت ثآآير : فلاح أتقي الله وخلك حقآآني ...
الجده حمده : يعني هالحين تكذبني وتصدق هالسكيرر ..



يتكلمون عن أخوي .. وعني .. بس معقوله العيآل كلهم موجودين ...!!
تحركت ونويت أتكلم
بصوت مرتفع بوقف كل وآآحد عند حده ...
بس مآآشفت غير أني أنسحب بقوة دآآخله سيب طويل مآآبين ديوآنيه الرجآل
وغرف الحريم ... شهقت بقوة والسيب الشمس فوقه بالضبط ....
والترآب قآم يحرق رجولي لأني طلعت من الغرفه بدون نعآل ...
طالعته وعيوني أنفتحت على الأخر ...
هذآ الشآآيب ..
وأنآآ مدري كيف جآ من هالسيب
ولا حسيت بخطوآآته .... صرت أحآآول أفك يده ألي متمسكه
بكتفي وغآآرز أصآآبعه في جلدي بقسآوة ...
لو شآآفني أحد معه .. وش بيقولون ... وش بكون بنظرهم ... سحبني بقوة مبتعدين
عن المكآآن وطلعني للجهه الثآنيه من الجآخور ... عند مكآن كله حصآآ
وحفر ... جرني
بيد وحدة حتى يرجع بكتفي على الجدآآر الحآآر ...
مآآفيه أي ظل في هالمكآآن والحرآرة تقول ألسنة لهب ..


فهد : تسكرين الشبآك بوجهي .. ع بالج ألعب معآج أنآآ ..
ليليآن و الترآب الحآر قآم يحرقهآ من تحت : خير أن شالله .. أن مو فآآضيه لك ..
وخر عني ... أففف ..
فهد بقسآوة يسحبهآ : والله يآآ بنت النآس أن عدتي هالحركة مرة ثآنيه لا أكون
معلمج السنع .. تفهمين ..



نويت أتكلم بس مآآشفته غير يوم سحبني بقوة ودفني لدآآخل السيب ..ضربت حآآفة
الجدآر .. لفيت له بتكلم مقهورة وشيلتي طآحت مغطيه وجهي .. لكن سبقني هالصوت ...



.... : كنت متوقعه بشوفك معهآآ فهد .. سبحآن الله مآخآب ظني أبد ..



تعدلت بوقفتي وحركت عيوني صوبهآآ .. لابسه عبآية كتف مطرزة والشيله لافتهآ
بشكل مرتب حول رآسهآآ .. مغطيه وجهآ بس من وقف فهد متوجه
بكل جسمه صوبهآآ حركت يدهآ ونزلت شيلتهآ كآشفه عن وجهآآ ...ذي
من هي ... كملت ...هذآ ألي نآقصني والله ...
بس وش قصدهآآ بالحتسي ألي قالته ...!! طالعت فهد .. أبيه يحتسي أن كآن فيه خير ...
يقول شي .. يرقع للمكآن المشبوه ألي سآآحبني له .. بس
أبد مثل الصنم وآقف .. نظرة عيونه كآنت كلهآ لهآآ ... الغتره طآآحت من على رآآسه
ملامسه كتفه والشمس ألي تحرق سموم .. مآيسلم منهآ أحد ..


تغريد تتقدم أكثر : تعرفني فهد ...! أو أنك نآآسي من أكون رآميني من حسآبآتك والله..


تعرفه ..! وش هالثقه ألي تتكلم فيهآآ ... فآآسخه الحيآآآ .. كيف تكشف
وجهآ له قليله الحيآآ والتربيه ..

فهد يرفع يده : أنسآآج .. هههههه .. حلوة تغريد .. أنتي لو عندج
ذرة عقل مآوقفتي قبآلي بعد كل شي سويتيه ...




تغريد .. مآشالله حآآفظ أسمهآ ويعرفه بعد ...!!
حلو حلو


تغريد تبلع ريقهآ وهي مصغره عيونهآ من الشمس : شوف أنآآ مآقررت أيي ألا عشآنك ...!
عشآآن حب عشته أنآ ويآآك ..
فهد بذهول وبنبرة طنآزة : عشآني .. عشآن تشوفين فهد المعآآق ألي مآعآد
ينآآسبج .. فهد ألي أستخف من موت أخوه .. قوويه تغريد .. مآيصير والله
تغريد بقهر : أنآ مآآلي شغل . أقسم لك بالله ... أبوي الي طلب منك هالشي .. ( أنهآرت تبكي
) تبي تعذبني موآآفقه .. تنتقم مني موآآفقه ... بس لاتخليني
هالشكل لا مطلقه ولا متزوجه ...
فهد ضحك : هههههههههه .. زوجتي أنتي .. أطلقج ولا مآأطلقج مو شغلج ..
متى مآنويت والله لا أجرج مع شعرج وأسحبج سحب من بيت أبوج ...
وأبن أبووه ألي بيفتح فمه ... ( رفع يده بنبره غآآضبه ) بعلمج من فهد ألي مو بمستوآآج ..
وأصلن أنآ خليت أبوج يسكت بجم بيزة ... يعني شريتج بفلوسي .. وحبج
أرميه بالزباله ...

تغريد تبكي بحرقه : أنآآ مآآسويت لك شي .. أقسم لك بالله ألي صآر مو ذنبي ...
مو ذنبي ...

تحرك بخطوآت وآآسعه وسحبهآآ بقوة حتى يرميهآ على الأرض قدآآمي ..
أعترآفآت من نوع ثقيل ...
لافي زمآآن معآق .. يعني مآيتحرك ...!
وذي وش سوت فيه يآآحظي ..؟



فهد : فآآرقي لأني للحين مو طآآيق أشووفج ... وأعذآرج ذي وفريهآآ
لبعدين ... لوقت مآآأنآآ أبيج ..وللحين يآتغريد مآآشفتي شي مني .. للحين




قآآمت تبكي وهو ولا همه ... رآآح متحرك مبتعد عنهآآ .. وأنآ مآآصدقت خبر
دخلت السيب بخطوآت وآسعه ...
هذي زوجة فهد ... يعني أنآآ زوجته الثآنيه بالسررر ..!
يآآرب لك الحممد ..
اشوآآ ... الحممد الله والشكر .. قالوهآ مآآبعد الضيق ألا الفرج ...
هالحين فهد يكره تغريد ... وشكل بينهم شي قبل ...
أنآ لاقربت تغريد من فهد بفتك منه ومن شره وغثآآه ...
وخلهآآ تتهنى فيه مآآلت عليهآ وعليه ..
مآيصير أرجع لهآ ... أخآف جدتي تدورني .. بس لازم أرجع لهآ وأعرف
وش سالفتهآ مع شآيبهآ ذآآ ..؟


<


<

<


كـــــــــــــــــــــت


لقآءنآ السبت ...

ودي لكم

السلام عليكم ورحمة الله وبركآته ..

الفصل الثآلث عشر ..

الخطوة الثآمنه .. خطوة التحدي نحو حلم أريد منك أكثر ممآ أريد ..

( يتقنون فن الألتوآآء في ثنآيآ الذآكرة ..
حتى كآدت الذآكرة أن تجضهم دون رجعه ...!!)



أم سآرة : مش حنسآفر لوحدنآ .. عمر حيجي معنآآ



أتسعت عيونهآ حتى ظنت أن الذآآكرة يمكن أسقطت أسمه في هاللحظة
بالغلط .. أو يمكن تهيأ لهآآ أسم عمر ... تدآركت كل شي وأنطقت
تبي تتأكد


سآآره بصدمه : أيييه ..!! عمر حيجي معنآآ ...؟
وهو شكككووو ... لاتقولين لي
أنج أنتي ألي طلبتي منه هالشي
أم سآآرة مستغربه من أنفعآلهآ : حبيبتي هو أبن خالك ... وطيب ويمكن يقدر يسآآعدك
سآرة تقآطعهآ : قلتي له .. قلتي له كل شي ..
أم سآآرة : هو أنآآ قلتله عن أتصآل أبوك لمآ أتصل
سآره تحط يدهآ على رآسهآآ : يآآألله .. ( غمضت عيونهآ بقهر ورجعت تفتحهم تطالع
أمهآ ) لمتى يمه بتظلين تحذفيني بين علان وفلان .. لمتى بظل أسمع وأشوف وأنجرح ...
ترآآي تعبت .. تعبت
أم سآآرة بعصبيه : وأنآ عملت أيه حتآآ تتنرفزي لدرجه دي ..
سآآرة تمد يدهآ تحآول تتكلم بهدوء : دقيتي عليه ليه .. هو من عمر عشآن يعرف عن أبوي ..
غريب مآتعرفتي عليه ألا جم أسبوع ... شنو بيقول عنآ مآآصدقنآ نعرفه
حتى ندخله بمشآكلنآ ..
أم سآآرة تصد بعيونهآ عن بنتهآ : عمر طيب مفيش منه .. وأنتي سيبتي خبريه أبوكي
رحتي لعمر ..( رجعت تطالع بنتهآ ) هو أنتي شفتي عليه حآآقه .. ؟!
سآآرة ترفع رآسهآ وتشد جسمهآ بقهر : ايه .. دخلي بنتج في موآآضيع بهالشكل وأنآآ
علي أتحمل وأسكت ..
أم سآرة ثآآرت : مالك يآبنت ..!
سآآرة أنفجرت وبصوت كله ألم ..: لأني تعبت .. تعبت أقول أني مآآعرف أبوي أكذب عليهم وصورته في بالي يمه .. في بالي
وهو يرميج في الشآآرع .. صورته يوم أخذني لنآآس هم أهلي ... لنآآس زآآدوني تجريح وطق
.. أنتي عآآرفه ليش أنآآ أخبي لون عيوني .. لأني مآآحبهآآ .. أكره هاللون ألي بلون حرمآآني
وحرمآآنج .. في كل صبح ومسآ ضحك وطنآآزة على عيوني ... في كل صبح ومسآ وحدة وطق ...
( أهتز صوتهآآ وبكت ) متى رجعتي وأخذتيني .. متى يمه ..؟ لمآآ خلاص
أنتهى كل شي .. ومن رجعتي عشآآني مآآصدق يرميج للمرة الثآنيه .. بس هالمره
كنت ويآآج ... مآآنسيت شكل أبوي ولا رآآح أنسآآه ...وهالحين ( شهقت بقوة وهي تبكي) وهالحين نفس الشي
رآآيحه لعمر تحذفين عليه مشآآكلي .. أنآآ مآآبي أحد يتدخل بشي يخصني ... لمتى مو قآآدرة تفهمين
أن هالتصرفآآت تذبحني ....!
أم سآرة بصدمه تطآلع في بنتهآ : ........................
سآآرة تأشر بيدهآ : عآرفه أنج تركتيني مجبورة .. بس يوم رجعتي وأخذتيني كنت محطمة ..
كنت طفله لا ميته ولاا حيه ... شهر عنده وعند أهله أنوآع عذآآب عمري مآرآآح
أنسآآه ... هرج عنج وطنآآزة ...




أنهآآرت تبكي أكثر والجرح في هاللحظة أنكشفت عنه غيمه صبر حرة ...
بآآنت شمس الصرآآحه حتى تنشر أشعتهآ في أرض عنيده يملاهآ الدمآآر ...
صورة مآعكست غير صور لأطيآآف رآآحله ..
تحمل على كتوفهآ الألم ...
وأمهآ ظلت وآآقفه وصفحآت المآآضي تفتح أحدآثهآآ صفحه صفحه ...
يعتقدون أن الطفوله تحمل ذآآكرة نسيآنيه عنيده
وفالحقيقه ..
الذآآكرة تبدى نسج خيوطهآآ في عمر هالطفوله ..
ترسم البسمه .. الفرح .. حتى الحزن تبنيه في أحسن صورة ...
و يبقى رآآسخ في الأعمآآق قلب نآآبض ..
كآآنت في عمر 6 سنين .. وهالسآلفه كم لهآ 12 .. أكثر أو أقل ...
مآآيهم ..!
تتذكر أنهم كآآنوآآ
في ذروة مشآآكلهم ..رمآهآآ حتى يآآخذ بنتهآ منهآآ .. كآآن يبيهآ تحترق
تحس أنهآ بتفقد بنتهآآ للأبد ... يبي يذلهآ ويخليهآ ترجع له بنفسهآآ ...
بس طآآل رجوعهآآ لبنتهآ وأمتد لشهر وكم أسبوع ...
أيآآم قضتهآ في بيت جآرتهآآ ومآآتركت أحد من أهلهآ مآآدقت عليه ..
ومن محآآسن الصدف ورحمة من ألي عينه مآ تنآآم ...
زوج جآآرتهآآ كآآن محآآمي ... وهو ألي كآآن له الفضل بعد الله سبحآآنه
برجوع سآآرة لهآآ ...
غمضت عيونهآآ وهي تتذكر يوم رجعت له ومعهآ الشرطة ...
كيف سآآرة طلعت لهآآ تركض .. حضنتهآ بقوة .. لابكت ولا تكلمت ولا حتى عبرت
عن مدى فرحتهآ في شوفة أمهآآ ...
شهر ونص تركت بنتهآآ في عهدة أهلهآ .. عند أبوهآ وعمآتهآآ ...!!
كبرت بنتهآ حتى تتفآجأ فيهآ في كل مرة تطلع أو حتى تقآبل أحد ...
العدسآآت جزء أسآآسي في مظهرهآآ ..
عمرهآ مآآكآآنت تتخيل أنهآ تخفي عيونهآ حتى تلتحف النسيآآن لسآآعآآت ...
أنهآآ بهالتصرف تعتقد أنهآ تخبي ألمهآ .. تخبي ذكريآآت سودآ تخنق شرآيين قلبهآآ ....
تعيش من ورآ هالعدسآآت حزن وقهر ثآآني ...
آخذت نفس .. تبي تحس بمخرج تتنفس منه ...
من بعد مآآدق أبو سآآرة لحد هالحين وهي تفكر كيف رآآح تنحل كل هالدوآآمه ألي
رآآح تسحب بنتهآ لحالهآآ
وهالحين زآآد كل شي أضعآآف ..أضعآآف مآآتوقعت ...!!
حطت يدهآ على فمهآ ودموعهآآ نزلت غصب عنهآآ ... وش بيدهآآ تسوي هالحين ...
العمر مضى بكتمآن بنتهآآ ...
العمر رآآح ولا كتشفت هالشي ألا متأخر ...
مآآتبي تترك بنتهآآ للوآآقع .. مآآتبي تنجبر تتركهآآ تروح في طريقهآ بدون مآتتبع خطوآتهآآ ...
لفت بسرعه وبعيون دآآمعه أول مآدخل زوجهآآ بخطوآآت وآآسعه ... غآآضبه ...
وقف قبآآلهآآ والدم يفور في عروقه


أبو مؤيد : أحجزي لبنتج تذكرة وخليهآ تنقلع لأبوهآآ ..
أم سآآرة شوي يوقف قلبهآ : فيه أيه ..؟
أبو مؤيد وبصوت عآآلي : أبلشني أبوهآآ هالزززفت أتصالات وتهديد ... من أولى
يدق لابآآرك الله فيه ..
أم سآرة بخرعه وهي تحط يده على صدرهآ : أزآي عرف نمرة موبايلك..
أبو مؤيد بصرآآخ : هالحيوآآن .. والله لوأعرف من ألي عطآآه رقمي لا أكون ذآآبحه ...
شوفي يآحرمة أنآ مسؤل عنج وعن عيآآلي ... هو وبنته مآلنآ شغل فيه تفهمييين ...
بأسرع وقت تخلينهآ تسآآفر هنآآك
أم سآرة فزت :دي بنتي .. مقدرش أسلمهآ لييه
أبو مؤيد : أمسكي العلم أحسن لج .. أنآ مالي بوجع الرآآس هذآ من بدآآيتهآ قآآم يهدد ...




ركض مؤيد ووقف عند بآآب الغرفه يلمح بعيونه صورة أبوه يصآآرخ
وأمه أنهآآرت تبكي بمرآآرة .. وخطوآآت خآآيفه وقفت ورآآه ..

وسآم بصوت وآآطي : شنووو صآآير .. ليش بابا معصصب
مؤيد يهز كتوفه : مدري



صرخ بصوت عالي .. وهو يشوفهآ تبكي قبآآله


أبو مؤيد : أنآ متفق معآآج بسآآلفه بنتج من طبيتي هالبيت ,.. وبعدين ع بالج بهالطريقه
بيسكت .. هذآآ يسبني بالخط ويهدد لو مآآيآآت له بنته ... لو رآآح لسفآآرة هنآك عنده
وأشتكى علينآآ شنو بنسوي

أم سآآرة تهز رآآسهآ بالرفض : بترجآك بنتي مقدرش أعيش بدونهآآ ... بو مؤيد ..
دي وحيدة مآعندهآآش حد ...
بو مؤيد بحزم : ألي عندي قلته لج ... عندج خيآرين مآآفيه غيرهم ... يآهي .. يأأنآ وعيالج ..؟
تسمعين .. مآآبقى غير أتبهذل من ورى رآآس أبوهآآ .. هو أنآآ نآآقص ...


تركهآ بخطوآآت وآآسعه وتوجه صوب الدرج حتى يصعده .. قعدت على الكنب
بقلة حيله تآآركه لدموعهآآ المجآل تخفف من هول ألي سمعته ..
كآآنت حآآسه أن الأمور مآرآآح تعدي على خير ..
وهي ...
جآآلسه منحنيه على السرير تبكي وحآآطة كفوف أيديهآآ على
أذآآنيهآآ .. مآآتبي تسمع صرآآخ زوج أمهآآ ...
مآآتبي تسمع مصيرهآ وين رآآح يكون ...
رآآح تقدم روحهآآ على طبق من الصمت لذكريآآت سودآآ ...
كيف بتقآآبل ألي تركهآآ لأيآم نآآسي أنهآ بنته ...
كيف بتشوف أهلهآآ ألي أرتسموآ جروح مآنفكت تعبث بقلبهآآ ..
شهقت بقوووة وصورة الطفلة ألي تحتل جزء مظلم دآآخل ضلوعهآآ
تصرخ تنآآدي الرحمة ..
طفلة ضآآمة رجولهآآ لصدرهآآ وترجف خوف من طق لايجيهآآ بدون ذنب ...
خوف من سب وشتم طرف مجهول هي فيه ...
طفلة في لحظآآت فآآتت كآنت هي ..

××××××××××××××


في الجآخور ... السآعه 5 .. العصر ..



جآآلس بهدوء متسآند بكوعه على المركة ... لابس ثوب بلونه السكري والطآآقيه
على رآآسه .. غترته مرميه على كتفه بشكل فوضوي ... زفر هوآآ بملل ومسرع
مآ أنحنى حتى يميل بالمركه أكثر ويرمي ثقل ظهره عليه ... رفع أيديه
وحطهآ ورآ رآآسه وهو يطآآلع السقف بملل ... يفكر بشي أحتل جزء كبير من خيآآله


.... : خلي فهوود عندج عبوورة ...


دخلت شآآيله صينيه القهوة والشآآي بهدوء .. بخطوآآت حيل هآديه .. أنحنت قبآآله وحطت
الصينيه على الأرض ... وعلى طول تعدلت بوقفتهآ ونزلت نقآبهآآ تآآركه شيلتهآآ
حول رآآسهآآ .. ضفت عبآآيتهآ الفضفآآضه وجلست قبآآل زوجهآآ مبتسمه



منآآير : هآآ حبيبي ... سرحآآن فيني ..؟
سآآلم يتعدل جآآلس .. تربع وعلى طول تنهد: من غيرج يعيش في هالقلب ( رفع يده بضخآآمة
حجمهآ وأشر فيهآ مكآآن قلبه ) ويستآآهل التفكير فيه ...
منآير أنحنت وسحبت يده : يآآجعلني فدآك .. ( بآآستهآ بنعومه ) هآآ شفت كيف أنك محظوظ
أخذت بوسه مني بدون مقآآآبل
سآآلم سحب يده وضرب رآآسهآ بخفه : روووحي زين ...
منآير ضحكت : هههههههه ...
سآآلم : صبي صبي لي قهوة أحس رآآسي مصدددع ..
منآير تسحب الفنجآن بهدوء وباليد الثآنيه سحبت ترمس القهوة : لو شفت شنو صآآر اليوم ..؟
سآآلم يطآلعهآ بتركيز : شنو صآآر
منآآير تصب قهوة وتمد الفنجآن : هآآك ...( أول مآآأخذ الفنجآن سآآلم ... تكلمت ) تغريد وبنت الجوهرة
ليليآن لقينآهم صآآكين عليهم البآآب ومتخآنقآت مع بعض
سآلم أبتسم لا شعوريآ : كيف صآكين عليهم البآب .. مخبببل ...!
منآير تحرك يدهآ وتقدم صحن التمر لزوجهآ : ألله لايوريك .. حنآ قآآعدين في أمآآن الله ضحك وسوآآلف فجأة
مآآسمعنآ غير صوت صرآآخ وبكآ .. والله أنآ قلبي حسيته طآح في بطني
سآآلم : ..............
منآير تطالعه : ويوم وصلنآ للغرفه لقينآهن مسكرآت الغرفه عليهن .. طقت خالتي أم سعود
البآب وبدون فآآيده .. بس نسمع صوت ليليآن تصآآرخ على تغريد .. وفجأة أنفتحت الغرفة وطلعت تغريد
متقطعه من البكآآ .. شعرهآ طآآير ووجهآ مشمخ تشمييخ ..
سآآلم أنفجر ضحك : ههههههههههه ..( مسرع مآآسكت وهز رآآسه ) حريم ..!!
منآآير : أمآ ليليآآن يآآعمري قطعت قلبي ... تتألم وهي متمدده على الأرض ... شكل تغريد
ضآآربتهآ مع يدهآ المكسورة
سآآلم بعصبيه : وين عآآيشين حنآآ ...؟
منآآير تهز رآآسهآ : وأمي العودة يت حضرت السآآلفه وبس تتحسب عليهآ عز الله رآآحت ملح
سآلم بأندفآآع : لا تقولييينه ...! يوووه .. هذآ بلاه ألي خلاهآآ ترجع للبيت وعمي بو سعود على باله
ألي صآآر فالديوآآنيه ...
منآآير بعدم فهم : ليه شنو صآير بعد


حرك رآآسه لجهة اليسآآر حتى يلمح سبحه مرميه على الأرض وبسرعه
أنحنى وسحبهآ يفركهآ بين أيديه

سآآلم : تذكرين ألي قلته لج ولأمي عن بنت العمه ...!
منآير بدون أي تعآبير : قصدك ليليآن وأنهآ تدق على سآآمي ألي مدري وش يقرب لهآآ ..


..........: السلام عليكم ..


سآلم يأشر على المكآن ألي جنب المركة بالجهه الثآنيه : حيآآج يآآم سالم ... ييتي في وقتج
أم سالم تقعد جنب ولدهآ : ألله يحييك .. قالت لي منآآير أنك طآآلبني
سآآلم ينحني بجسمه متسآند على المركة وهو يطآآلع أمه : شفتي ألي قلته لج عن بنت عمتي الجوهرة ..
طلع أخوهآآ مفتري عليهآ ..
أم سالم طآآرت عيونهآ : لا تقوووله أعوذ بالله
منآير بصمت تسحب الترمس وتصب لخالتهآ قهوة : ....................
سآلم يبعد عيونه عن أمه : أي والله ... يآآصآآرت هوشه بين أمي وعمي فلاح ,,,
هي تدآآفع عنهآ وهو طآآيح فيهآ سب ... وقررت أمي قدآمنآ قلنآ تخليهآ تجي .. تدآفع عن روحهآ بنفسهآآ
منآير رفعت حوآجبهآ تطالع زوجهآ وهي تمد الفنجآن لأم سالم : دخلت عندكم..!!
سآلم : هالله الله ... بس والله أنهآ بنت رجآآآل .. أبوهآ مربيهآ تربيه أنآآ أشهد أنهآ سنعه
أم سالم بشك : ليش شنو قالت ...؟
سالم : وقفت قدآم بو سعود وقالت له .. أذآ مصدق أخوي لا تخليني أتعب فالهرج ... عآد عمي خلاهآ تتكلم ..سألته ... تعرف عن أخوي شي ولا لا .. تعآلي شوفي عمي رآح ...
لأنه أساسا مآآيعرف طينة الرجآل ولمآ قالهآ لا .. سألت علي زوج أمهآ ...
منآير : طيب
سآلم : وقالت له أن أبوهآ توفى من سوآيآ ولده وأخوهآ عبدالله يذكر هالشي ...
وأنه حآآول يقرب منهآ ...
منآير بنفور : أستغفر الله يآآآآرب ..
أم سالم : .......................
سالم أبتسم : والله لو أني أسحب مريم مآآظنتي بتسوي سوآآت بنت العم ...
والله لا تقوم تبجي قدآمنآآ ...أمآ هي أنآ أشهد تكلمت بكلام موزون
محترمة فيه خالهآآ ..
منآير بعتب : قلت لك هالكلام مآآيصير وأنتم مو عآآرفين الدليل ,,,؟
أم سالم : طيب .. شنو صآآر بسالفة ملكتهآ من هالي مآيخآف الله ..
سآآلم : هههههههه .. قعدت تخآآنقنآآ وقالت أن البنيه دآمهآ عندهآ لا أحد يتدخل بشؤنهآآ ..
بس هي قالت كلام لعمي عجزت أفهمه ..
منآير : شي بينهم خآآص يعني ..؟
سالم حرك رآسه ببطء وحآجبه اليسآر مرتفع : هذآ ألي وآآضح لأنهآ قالت ألي عندك
وحآولت تدخله برآآسي كذب ولاحد يدري فيه .. حتى طلال يآآني يسألني ..
ع باله اعرف شسالفه ..؟
أم سالم : ولافي كآن حآآضر ...؟
سالم يشرب من الفنجآن ومسرع مآبعده عن شفآته : أيه طردهآ برآآ يوم دخل ... وهو ألي
كشف نوآيآ أخوهآ لنآآ .. أظن أنه طمعآن في أخته وفي ورثهآ من أبوهآآ بس أنآ متأكد
أنه وقفهم عند حدهم ..
أم سالم : من يوم يومه لافي دمه حآآر
منآير : يآحيآآتي توهآ صغيره على هالسوآآلف ...
أم سالم : أعوذ بالله ظنينآ فالبنت ظن السووء ..
منآآير تحرك عيونهآ صوب خالتهآ : هالحين أظن السآآلفه تعقدت وتغريد شكلهآ
الغلطآآنه
أم سالم : حتى لو مآهي الغلطآآنه .. حمدة مآرآح تترك ألي يغلط على من هو في حمآيتهآآ
منآآير تطالع سالم : تخيل من رآحوآ الظهر لحد الحين مآآترد على أحد
سالم : حتى على عمتي ..؟
منآآير تهز رآآسهآآ بالرضآ : .............................
سآآآلم : لا حووول
منآآير : عفييه سالم خلنآ نروح لبيت خالتي نتطمن على ليليآآن ...
سآلم : خليهآ لبآآجر أمي لو شآآفتنآ وتقولون مآآترد على أحد والله لا تطردنآآ ..
منآآير تقوم بسرعه وتجلس جنب سالم حتى تمسك كتفه : تكفى سآآلم .. والله متقطع
قلبي على ليليآن .. وأذآ عن خالتي مآآعليك مآرآح تطردنآ بأذن الله ...
سآلم بعد صمت : مشكلتي مآآقدر أردك ...
منآير تقوم : أيل بروح أشوف فهودي أذآ بتخليه مريم عندهآآ



رفع عيونه يطآآلعهآ تمشي بخطوآآت وآآسعه لين مآطلعت من الغرفه بأثآآثهآ البسيط ...
حرك سآآلم عيونه فالديوآنيه ومسرع مآطالع المركة


سآلم يلمسهآ : مآآتقول الديوآنيه محتآآجه تنظيف من الغبآآر ..
أم سالم : ليش مآآتروح لديوآنيه الرجآآل .. هذي ديوآآنيتنآآ ...
سالم : هههههههههههه .. هذي طرده يآم سالم ....


....: عندك أحد

سآلم يطالع البآآب وألي يجي منه مصدر الصوت : أقلب وجهك أشووف .. يلاااا ..
أم سالم تطالع ولدهآ الكبير : شنو تبي فيه ( رفعت صوتهآ ) رحيم تعآل مآآفيه أحد ..
خلك منه ..
رحيم يدخل : أقعععععد قهوة وشآآي وحنآ هنآآك قآآعدين بالديوآآنيه فآآضيه ..
سآآلم : شنو خلاني أيي هنيه غير هالشي ..
أم سالم أنعقدت حوآجبهآ : ليش مآآحد طلب من البنآت شآآي وقهوة
رحييم يجلس قبآآلهم : نذآآله من بعض النآآس ....



ظل سالم يطآآلع أخوه بنظرآآت قآآتله .. وعلى طوول رفع رحيم يده حتى يمسح
على شعره الكثيف بلونه الأسود ... ملامحه يملاهآ النحيف ومسرع مآآمسك رقبته
ببشرتهآآ السمرآآ ..


رحيم : وين لافي .. أقصد فهد .. ذبحنآ أنآ وسيف قآعد يحمسنآ بنشوي ونشوي وفجأة أختفى
بسم الله ..
سالم ضحك بطنآآزة : يعطيكم على قد جوكم مآآتعرفه ...!!
رحيم طالع أخوه بعيونه الوآسعه : شنووو
سالم : قم قم خذ صينيه القهوة والشآآي لديوآنيه الرجآآل ,,
رحيم يسحب ترمس القهوة : وين مآآفيه أحد ... عمي وسيف وطلال رآآحوآآ للحلال ... وعلي
أخذه وآآحد والله أني أنسى أسمه .. هو جآرنآ ألي جآخوره بمسآآفه مآآهي بعيده
سآآلم يبيه يخلص : أيييه وبعدين ..
رحيم : رآآح معه
سآلم يطالع أخوه: هذي سالفه
رحيم يهز رآآسه : سالفه ع قدك ..


سحب سالم المسبآآح ونوى يحذفه على رحيم بس تدآآرك نفسه وطلع يركض ..

رحيم : ههههههههههههههههه
سالم يمد يده : هيييييين .. والله لا أوريك
أم سالم : أشفيك أنت ..
سالم يقوم : مآآسمعتيه شنو يقوول ...



دخلت منآآير عليهم بعبآيته السآآترة وشنطتهآ بلونهآ الرصآصي على كتفهآآ ..
رفعت يدهآ تعدل طرف من شيلتهآآ

منآآير : خالتي مآآنتي برآآيحه معنآ
أم سالم : لالالا ... بقعد أشوف شنو العشآ ..
سآلم : طبعآآ بهالاجوآآء مآآظنتي أحد بيشوي كالعآآدة
أم سالم : ظنتي عشآ من مطعم ويلا بعد ..
سآلم : خلاص أييب معآآي عشآ لا رجعنآ أنآ وحبيبة قلبي
منآير أبتسمت وهي تطآلع زوجهآ بهيآآم : ................
أم سالم تقوم :خلاص .. بس مو تنسآآه
سآآلم : هههههههه ... ( طالع منآير وتحرك مقرب منهآ ) فهودي وينه
منآير تمد يدهآ وتسحب طرف من كم ثوبه : الحمدالله لقيته نآيم ومريم قالت بتطل عليه
كل وقت والثآآني ... لأن مآفي أحد هنيه رآحوآ يتمشون
سآلم يسحب غترته من على كتفه : يلا .. مشينآآ ...




طلع بخطوآآت وآآسعه وهو منزل عيونه بالأرض ورآحت تمشي ورآآه ...
طلعت من الصآآله المفتوحه وكملت خطوآآتهآ فالرمل ..


سآآلم يوقف حتى قربت منه منآير : عمتي مو برآيحه لبنتهآ ..؟
منآير تمشي جنب زوجهآ : والله سألتهآ وقالت أنهآ بتنطر علي مآرآح تروح مع أحد غيره ..
سالم يمسك يدهآ : مآآشتقتي لي ...؟
منآير تبتسم بحيآ ومسرع مآطالعت قبآلهآ البوآبه والسيآرآت حوآليهآ وآقفه : أكيد ..( حركت عيونهآ )
عندك شك
سالم أبتسم بحب : أبد


حركت عيونهآ لفوق تطالع السمآآ بلونهآ الأزرق وألي تكتب
على صفحة وجهآ موعد رحيل شمس يآآئسه ..
حركت عيونهآ ببطء وهي مصغرتهم صوب جهة الغرب حتى تلمح السحب
ملبدة فوق بعض والشمس تظهر مآآبين هالسحب ومسرع مآتغيب ..
مثل خوآآطر تطل علينآ مآآبين لحظآتنآآ
ومثل دولاب هالعمر تغيب بلا رجعه ...



منآآير : الشمس رغم أنهآ بتغيب بس الجو أعوذ بالله ..
سالم يرفع رآآسه ويطآلع ورآ وهو يشوف ورد تلعب عند شبك الغنم : طالعي طالعي .. تقول عنز بين الغنم
منآير تلف صوب مآيطالع سالم : هههههههههههههه .. حرآآم عليك


خطوآت ثآنيه ووصلوآ لسيآآرة الجيب حتى يفتح سآآلم بآب السآآيق . أنحنى
وسحب عقآآله .. حرك غترته وحطهآ فوق الطآآقيه رآآمي أطرآفهآ على كتوفه
وعلى السريع حط العقل فوقهآ ورجع الأطرآآف لورى ...

سآلم يركب : بسم الله ...


تحركت منآير حول السيآرة متوجه للجهه الثآنيه وفتحت البآب ركبت وسكرت
البآآب ...




.............. سآآآآآلم ...........



أنحنى يبي يسكر البآب ومن سمع أسمه حرك عيونه ألا يشوف
عبدالله جآآي له يركض وورآه ورد


عبدالله يقرب منه : سالم خذني معك لبيتنآآ ...؟
سآلم وهو للحين منحني ومآسك البآب : أفآآ ليه مآآعجبتك القعده بالجآخور
عبدالله يبتسم : لا بس جدتي سمعت أمي تقول أنهآ بتقعد فالبيت ... لازم أروح عندهآ هي وأختي يمكن
فهد يبي يجي هنيآآ ...
ورد ورآه تنط : وأنآآ بروح معكم ..
سالم : مآآيصير حبيبي ... خلك هنيه جمعه ورجآآل وين تروح .
عبدالله : لا مآآبي أقعد برووح ..
منآير بصوت هآدي : حبيبي خذه دآم هو يبي يرجع ..
سالم بعد صمت : يلا أركب
ورد تقرب من سالم وتحط يدهآ على فخذه : تكفى خذذذذني ويآآكم
سآآلم يفك يده ويريح ظهره على السيت : كممملت ... ( طالعهآ ) لا مآآفيه يلا روحي عند أمي
يلااااا
ورد برجآآ وهي تتمسك بثوبه رآآفعه رآآسهآ عشآآن تطالع فيه : تكفى
سالم يهز رآآسه بالرفض : قلت لا
ورد تنحني برآسهآ تطالع منآير : منووورتي كلميييه هو يحبج أنتي أم عياله ...
منآير أتسعت عيونهآ : ........................
سآآلم مسك ورد من ورى رقبتهآ: أنآ مشتهيج من زمآآن
ورد : لالالالالا ..
منآير : ههههههههههههه .. سالم لا خلهآ عنك ...


نزل سآآلم ويقبضه من يده سحب فستآنهآ من ورى ورفعهآآ ... صرخت بصووت عالي
وهي كأنهآ ريشه عنده .. رآآح فيهآآ يمشي بخطوآآت وآآسعه صوب أمه
ألي طلعت متخرعه من صرآآخهآآ ...


ورد : لاااااااااااااااااااااا ... فكني فكني بروح معآآآك ... أنآ بصييير لزقه
سالم يحرك يده ومسرع مآدآر فيهآ : أنآ أعلمج كيف تكونين لزقه ...!
ورد بخوف : خلاااص ... منآير مآتحبهآ مو أم عيالك ,,, خلااااااااص

قرب من الصاله المفتوحه وبيد وحدة حذفهآ لين طآآحت عند رجول أمه


أم سالم بعصبيه : سااااالم شنوه اللعب المآآصخ ...
ورد أنسدحت بالترآآب ومسرع مآآبكت : شووووووفيه يمآآآآآآآآه .. ( سحبت ترآآب
ورمته بوجه سالم وهي تبكي ) أنقلع مآآآحبك ..أنقلللع ..أنققققللللللع
سآآلم تحرك صوبهآآ : قد هالحركه
أم سالم تدفه بعيد عنهآ : روووح عنهآ .. دآآم النفس عليك طيييبه
ورد تزحف وتتمسك بدرآعه أمهآ : ..............
ساالم : خليني أشوف لسآآنك يطول ... ههههههه .. خوآآفه
ورد مآده البوز : مآآحبك ...





تحرك بخطوآآت وآآسعه رآجع لسيآآرة وعلى طول ركب وتحرك ..


منآير : بجت صح ...؟
سآآلم : هههههههههههههه .. أيييه
منآير بعتب : ترآآهآآ يآهل مآآتتحمل لعبك
سآآلم : خلهآ مآآتدرين ذآآج ىاليوم عند طلال شنو قالت .. هالبنت لسآآنهآآ
طوييييل .. مشكله البزآرين لا عطيتهم ويه زيآآدة ...




طلع من الجآآخور وهي سكتت محركة عيونهآآ بعيد عن زوجهآآ ...
أكره مآآعندهآ اللعب الدفش وهو هالشي مو مقصر فيه أبد ...
حتى ولدهآ أحيآآن تخآآف عليه من هاللعب ...
ظلت سآآكته تطالع بالشآآرع وسالم أنسجم مع عبدالله يسولف
معه ويضحك ... حتى وصل لبيت أمه العودة ووقف بسيآآرته تحت المظله
بجنب العربآآنه ..
فتح عبدالله البآب بسرعه ونزل يركض لدآآخل البيت بعد مآسكر البآآب ..
طفى سالم سيآرته ونزل حتى يتبعه نزول منآآير بهدووء ...


سآآلم : أنآ بدخل الديوآآنيه أنطرج ..
منآير تمشي بخطوآتهآآ صوب بآب الشآرع : طيب ... مآرآح أطول أكيييد


دخلت الحوش وصوت عبدالله وهو ينآدي ليليآن يتردد على مسآمعهآآ ...
وصلت عند بآآب المدخل وبهدوء طقته ودخلت ...
نزلت عبآآيتهآ من على رآآسهآ تآركتهآ على كتوفهآآ ... كملت خطوآتهآ في السيب



الجده : عبدالله في أحد يطق البآآب .. تسمع .. أختك شوي
شوي عليهآآ .. يدهآ مآطآبت


أبتسمت أول مآآلمحت الجده قآآعده في الصآآله وسجآدتهآ جنبهآ والرآدو فوقه ...
شيلتهآ الخفيفه لافتهآ حول رآآسهآ وطآآيحه على كتوفهآآ ... مظهره
ملامح وجهآ القآسيه ألي يملاهآ التجآآعيد .. حوآجبهآ معقودة
وبآآين أنهآ معصبه حدهآآ


منآير تنزل نعآلهآ : مسآآء الخير يممه ..
الجده ببرود : هلا ..



قربت منهآ وأنحنت حتى تبوس رآآسهآآ


الجده : ورآك تركتي الجمعه وجيتي لحد هنيآ ...
منآير تجلس متربعه على يسآر الجده : ألله يشهد علي من خوفي على ليليآن ييت لحد عندج ..
أنآ عآرفه أنج معصبه من ألي صآآر بس مآآقدرت مآآشوف أخبآآر
وانتي يآآيمه مآآتردين على أحد ..
الجده بحد : ولانيب برآآده لين خآيبه الرجآ تطلع بكرآمتهآ من الجآخور .. أبيهآ تعرف
أن صآحبة الحلال مآعآد تبيهآآ
منآير تنزل نقآبهآ وبهدوء حطت يدهآ على يد الجده : لج مآآتبين .. أن كآآنت هي الغلطآآنه
تستآآهل ألي صآآر لهآآ
الجده تطالع منآآير : أيه هي الغلطآآنه قليلة الحيآآ ... جآآيتن تهدد بنيتي لا تقرب من ولدي فهد ..
فسخت الحيآ ... هي لو فيهآ ذرة عقل مآآظنت أن زوجهآآ رآآعي هالسوآآليف ...
نآآسيه أن زوجهآ الشيخ لافي على سن ورمح ...!!
منآير بصدمة تطالع الجده : ......................
الجده تكمل : نآآقصة عقل لابآرج الله في عدونيهآآ .. مآآبي أدعي عليهآ ثم تآخذ حسنآآتي ...
منآآير بهدآآوة : هدي يآآيمه ... مآحد يستآآهل تعصبين عشآآنه .. أهم شي صحتج ..
ولا البآقي ملحوووق عليه فديتج ..
الجده تطآلع فيهآ : أي والله أنج صآآدقه .. ( حركت رآسهآآ صوب غرفة ليليآآن ) يمي ..
زوجة سآآلم تبي تتحمد لج بالسلامه ...



ظلت سآآكته ومعهآ سكتت الجده وعم الصمت أجوآآء المكآآن ...
ومآهي ثوآآني وطلعت ليليآن لابسه قميص سمآآوي عليه رسومآت دبب ..
يدهآ على صدرهآ بالعآفيه تحركهآآ .. قآمت منآآير وتقدمت بجسمهآآ
حتى تسلم على ليليآن بحرآآرة


منآآير : حيآآآتي أخبآآرج هالحين ...؟
ليليآن وهي تبعد عنهآ وبعبث ترفع يدهآ وترجع خصلات من شعرهآ لورى أذنهآ : أشوآآ هالحين
الجده : نزلوآ الجبس عنهآ مع أن الكسر مآطآآب ..
منآير : لاااااااا ..
ليليآن : دقآآيق والقهوة بتجهز ...


أنحنت منآير وسحبتهآآ بهدوء

منآير : تعآلي أجلسي ارتآآحي ... والله مآآتسوين شي
ليليآن أبتسمت : لاتحلفين .. والمه القهوة .. مسويتهآ جدتي من أديآآتهآآ ..
منآير تهز رآسهآ تأكيد : مآآبي .. أرتآآحي حيآآتي ..



جلست ليليآن جنب جدتهآ ومنآير جلست على يسآآرهم ...


عبدالله بصوت رسمي شوي : ليليآن وأنآآآ أخوتس أطلع ...
الجده تحرك رآآسهآ لغرفتة بنتهآ : هو ورآآه...؟
ليليآن تطالع منآير : مستحي يمر من عندك ... هههههههه
الجده شهقت بطنآآزة : أطلع .. أطلع .. يآآولدي
منآآير : ههههههه ... حيآآتي ...
ليليآن تغمز لمنآير : أبلشني يقولي توهقت شلون أطلع وفي حرمة موجوده ... هههههههه
منآير سحبت شيلتهآ وتغطت : يلا .. خليه يروح
ليليآن بصوت عالي : عبدالله أطلع ..




تحرك من الغرفه وبخطوآآت وآآسعه مر من عندهم


الجده تطالع فيه : يمي شوي شوي ورآآك مطيور
عبدالله بدون أي رد يطلع من الصآله : ..............
منآير تنزل شيلتهآآ : طيب كيف هالحين يدج .. جم بتظلين تآركتهآآ
ليليآن تآخذ نفس : والله مدري من العوآآر زين أني مآآنسيت أسمي .. بس أظن قريب الموعد
ألي حددته الدكتورة ....
بترجع تركب الجبس من جديد
منآير بحزن : يآآعله بعدوينج ...
الجده تزفر هوآآ بقهر : حسبي الله ونعم الوكيل ..
منآير تقوم : يلا عن أذنكم سآآلم قآآعد بالديوآآنيه ينطرني وأنآآ قلت له أني مآرآح أطول
ليليآن : بهالسرعه والله أنتس توسعين الصدر .. خليتس شوي
منآآير تلبس نقآبهآآ : أن شالله اليآيآت أكثرر ..
الجده : فمآآن الله .. والله أنج مآآقصرتي .. غيرج مآآطق على قلبه يجي هنيآ ويشوف بنته
ليليآن بصمت : .....................
منآير :لا والله يمه .. الجوهرة تنطر علي طالع من الجآخور ... قالت لي لا رجع
بتيي عندكم
الجده بصوت وآآطي : أيييييه
منآير : مع السلامه ..
ليليآن : مع السلامه ...



تحركت بخطوآت هآآديه ووقفت في أخر الصآله ومسرع مآلبست نعآلهآآ
وطلعت من الصاله



ليليآن تطالع جدتهآ : يآآحليهآ .. والله تدخل القلب
الجده تطالع ليليآن بقهر : هو أنتي طلعتي لدنيآ وعرفتي من الطالح ومن الصآآلح..
ليليآن بثقه : الصالح بيجي لحد عندنآآ
الجده بقهر : بسسس .. بسسس .. بعدين أنتي مآآتستحين تقولين للبنيه مع السلامه
وأنتي قآآعده ..!
ليليآن : يمه هي مستعجله حدهآ
الجده : أستغفر الله ...



×××××××××



في صالة الشقه جآآلس وهو يهز رجله بقوة ويده ملتف حولهآآ شآش أبيض بشكل كبير ..
مريحهآ بهدوء على ركبته ويلا بالعآآفيه يحرك أصآآبعه .. حرك عيونه
صوب الوآآقف قبآآله بنظرآآت شرسه ...


صآآلح : شووف أنآ مآآعآآد لي حآآجه هنيآآ تفهم ولا لا .. أحمد ربك وبوس العآآفيه وخلنآ
نمشي الليله لديرتنآآ
سآآمي ونظرآآت شرسه متملكته : تبيني أتركهآآ ...
صآآلح صرخ : وش تبي أنت ... خلاص أنآ بطلت أزوجهآ لك ... قلتهآ لك بالعربي ... أختي
مو لك ... ووالله العظيم لو مآآمشيت الليله معي لا أكون رآآيح بروحي
سآآمي يقوم ويقرب منه : أنت وش فيك من سحبتني الشرطة لحد مآآطلعت وأنت مو على بعضك ...
صآآير شي بالفتره ألي كنت فيهآآ بالسجن
صآآلح تلعثم : لااا لا .. ( سكت بعدين طآآلع فيه بقهر ) أنت يآآحمآآر مآآتبت .. الرجآآل
بآآيعهآآ أطلق على يدك رصآآصه ولا همه ... مو كفآآيه أني توهقت فيك بالمستشفى ....
للحين مو مصدق أنهم صدقوآ كذبتي وعالجوك بدون مآيطلبون الشرطة
سآآمي صرخ : أذآ مآآخليته يندم مآكون سآآمي ..
صآآلح بطول صبر : شووف هالخرآآبيط مآآلي شغل أنآ فيهآآ .. مآآشالله أشوفك يوم طلع
المسدس سويت له شي ....




قطع عليه صوت جوآآله أول مآآدق وعلى طول حرك يده وحطهآ في جيبه ....
سحب الجوآآل وأول مآآطالع الشآآشه تحرك بخطوآآت وآآسعه مبتعد
عن سآآمي ورآآح صوب غرفته ...



صالح : ألو ..
خزنه : هلا بولييدي .. أخبآآرك يمه ..؟
صالح يحط يده على خصره : طيب يمه
خزنه : هآ متى بتمشي ...؟
صالح يطالع الصاله بضيق : أنتي ورآك يمه أبلشتيني كل شوي دآآقه متى بتمشي
ومتى بتمشي ... أنآآ قآآعد أسعر بيت أبوي بكم ..؟
خزنه : هآآ بشرني كم جآآب ..؟
صالح يضم شفآآته ويمشي بالغرفه : 75 ألف ...
خزنه بصدمة : بسسسسسس
صآآلح بربكة : أييه ...
خزنه بعصبيه : همآ أبوك يآمآآل ألي مآآنيب قايله كآآتب لأختك بيت وأرض ..
معقوله يوم أخذتهم هذآ سعرهم ... لايكون بيت فقر ..!!
ولا أنت تسذب علي .. لايكون ضيعت الفلوس بهالسم ألي تبلعه ( وبقهر ) حسبببببي
الله ونعم الوكييييل فيك
صالح ثآآر : لا تتحسبين علي .. هذآ ألي جآآبه وأنآ بعته وخلصنآآ
خزنه : يوه يوه يوه ... حسبي الله ونعم الوكيل .. مهبووول أنت ...
صالح بطفش : يمه لاجيت أشوفك وأفهمك يلا مع السلامه ..



سكر الخط وبقوة رمآه على السرير ألي قبآآله .. حط أيديه على خصره
وصآآر يشد بأصآآبعه على جلده



صآآلح : أجل لو تدرين أني لاحصلت لا البيت ألي من حقنآ ولا الأرض .. وأن هالفلوس
تسكيييته أنغصبت عليهآآ يوم طلع لي المسدس ولا وقعت على شي مآآعرف وش هووو
...أعوووووذ بالله ... هذ’آآ هالافي
مآآهوب أنسآآن شيطآآن أغبر .. من وين طلع لنآآ ...!!! بس أنآ أبي نفسي هالحين ...
أبعد عن الشر وغنيله ...




تحرك طالع من الغرفه ورآآح صوب سآآمي ....


صالح : أنآ مآآشي .. بتجي معي حيآآك .. مآآنت بجآآي ألله يسهل لك دربك
سآآمي : وتترك أختك لهم ...؟
صآآلح يروح له وبقوة يسحبه : أنت مآآتفهم .. شكل رآآسك فيه تنكه .. أختي أنسآهآآ أذآ تبي
العآآفيه .. هذآ شييخ الكل يحترمه وتمشي ورآآ شوره والله لايرمينآ رمي الكلاب ... أفففففففف ...



دفه بقوة ورآآح صوب غرفته حتى يسكر البآآب بأقوى مآآعنده ...
تعب من كثر الهرج والشر ألي شآآفه طالع من عيون لافي خلا الأرض
تتزلزل من تحت رجوله ...
خلاااه يوقف يحآآسب عمره قبل لايندآآس في لحظة


سآآمي : هييين .. بمشي بس والله رآآجع لك يآآلافي ...!!!






×××××××××××



( أصبحنآآ وأصبح الملك لله ... أستغفر الله أستغفر الله ...)



منسدحه على سريرهآآ بتعب وبآآب غرفتهآ فآآتحته على الأخر تسمع منه صوت
جدتهآ ألي توهآ تصحى من النوم تهلل وتسبح .... حركت رآآسهآآ صوب السقف
وظلت تطالع فيه والنوم متملك جفونهآآ ... فزت متعدله أول مآوقفت الجده
عند بآآب الغرفه ووجهآ متبلل بالمآآي وطآآويه أكمآم قميصهآ حتى أيديهآ متبلله من المآآي ...




الجده بصوت دآآفي : صبحك الله بخير ..
ليليآن وشعرهآ الطويل متنآآثر حوآآلي كتوفهآ : صبحتس الله بالرضآآ
الجده : يمي لا تتحركين كثير .. أنآ لازم أنبهج
ليليآآن تمسك يدهآ وبحوآجب معقودة : من قمت قبل شوي وأنآ أحس بعوآآر فيهآآ بس هالحين أخف ..
كل الليل أتوجع منهآ يمه ..
الجده : مآآعليه يمه تحملي .. ( سكتت بعدين تكلمت ) ترآآ أمج جت هنيآ وأنتي نآآيمه
ليليآن : والله .. أمس نمت بدري من العوآآر حتى مآتوجع أكثر
الجده : أيه دخلت عليج بغرفتج وسلمت عليج وطلعت
ليليآن : ...................
الجده ترفع يدهآ وبهدوء : أذآ برآآسج نومج تمددي على ظهرج ونآآمي يمي ..
ليليآن تمسح على شعرهآ بعبث : لا مآرآح أقدر أنآآم هالحين ..
الجده : صليتي صلاتج
ليليآن تهز رآسهآ : أيه من زمآآن ..
الجده تتحرك : ألله يكملج بالطآآعه .....





رجعت أنسدحت على ظهرهآ وهي تحس كل جسمهآ مخدر ....
غمضت عيونهآآ حتى تمر صورته في بآآلهآ ..
كل شي في ملامحه ثآآبته .. صآآرت تتخيله صوت وصورة ... زآآد نبض قلبهآآ
بقوة وقشعريرة سرت في جسمهآآ ...
نظرآآته مجهوله لهآآ رآآفضه توصل لهآ أي جوآآب ,, فتحت عيونهآآ ورفعت ظهرهآ
جالسه على السرير
.. معقوله حضنته .. كيف قدر يخليهآ تضعف قبآآله .. كيف ...؟
شلون تنآآزلت قدآآم رجولته بمبآآدئهآآ ...
المبآآدئ ألي حآآربت حتى مشآعرهآ عشآنهآآ ...!!
قدر في صمته يخليهآ تحس بالندم على ألي سوته في حقه ...
شي مآآيدري أن هي ورآآه ....!!
قآآمت وآآقفه تبي تهرب من التفكير فيه .. وبخطوآآت وآآسعه طلعت من الغرفه حتى تروح للمطبخ ...
وقفت بكل عبث تطالع في كل زآآويه ...
مآآتدري ليش رآآحت للمطبخ بالذآآت ..
أخذت نفس بملل حتى التفكير فيه صآآر يخوفهآآ .. يربكهآآ ...
ظلت وآآقفه حتى تسمع صوت بآآب الجده يفتح وتظهر من ورآآه أمهآ بخطوآتهآ البطيئه
وهي مآآسكه الرآديو بيدهآ ...

الجده : بلا مآآمن نوم معآآج
ليليآن بكسسل وصوت هآدي حيييل : أحس جسمي مخدر بس مآآفيني نوم ..
الجده تمشي حتى تحط الرآديو على المركة وتجلس جنبهآ : يلا يمه سنعي حالج
ثم روحي لديوآآنيه أقعدي مع زوجج ...
ليليآن تنحت : .................
الجده : ورآآج أنتي .. شوفي كلمة زيآآدة هالرآديو بيكون على رآآسج
ليليآن بخرعه : وشووو أروح عنده .. السآعه 5 تلقينه يشآآخر هالحين ..
الجده بتأكيد : وأذآ ... !!
عآجبج الوآحد لا قآم يلقى زوجته منسدحه جنبه ..متبطحه .. لاهي
ألي قآآمت تعدل فطورة وقهوته وشآهيه . هآآآآ ... يآآيمه .. الرجآل يبي من يرآآعيه
ويهتم فيه ...
ليليآن عقدت حوآجبه : وأنآ وش دخلني بهالمحآضرة ... ألي يسمعتس يقول بسسس
منسدح عندي بالغرفه ...!!
الجده بحده : أنتي بتسوين ألي قلته لج ولا شلون..؟
ليليآن بعنآد : لا مو برآآيحه .. وشو أدخل على الرجآل من زين الخششه أتميلح عنده
وهو نآآيم ولا قآآم مييير مآآشالله يشوفني تقول حآآرس تحت رآآسه
الجده بطنآآزة : أنتي نآآسيه أنج زوجته ...؟
ليليآن ترفع يدهآ وتمد لسآنهآ مطلعه صوت : يآآآآآآآآآآلله حسسن الخآآتمه ... زوجه على البند
الجده بعصبيه وهي ترفع صوتهآ : أقسم بالله أن مآآرحتي .........
ليليآن ترفع أيديهآآ وبثقه : لا تحلفيييييين .. شوفي أنآ وحدة أتوجع والدكتورة قالت له أني محتآآجه
عنآيه وأهتمآآم .. حتى أني أكدت عليه .. يعني وليدتس فآآهم الوضضع كلبوووه ..




أخذت نفس الجده وبطول صبر قآمت سآآحبه النعآآل معهآ ومن تعدلت بالوقفه ..
بسرعه تحركت رآآفعه يدهآ صوب ليليآآن تبي هالنعال تجي على ظهرهآ...


ليليآن تركض صوب بآآب المدخل : يمه وش بلاتس علي اليوووم .. تعوذي من الشيطآآن
ترآآه هوو ألي محرضتس علي ...
الجده جآآيه لمهآآ : أنآآ مآآعآآد أني متعآمله معج غير بالضرب ... شنو لي بالمرآآدد ويآآج ..
أقولهآ تيس تقول أحلبووه ..


ظلت ليليآن وآقفه عند بآآب المدخل والهوآآ بآآردة تهب عليهآ مندفعه ... طآلعت بسرعه
الحوش ألي بدى نور الصبح يملاه والشفق الأحمر مآزآل يعآآنق عيون السمآآ ...بس نطت
للحوش نفسه أول مآ أنمدت يده الجده بقهر صوبهآآ


ليليآن بصوت وآآطي تخآف يسمع صوتهآ : أووخص يمه والله أنتس مو بهينه
الجده تأشر على الديوآآنيه : قدآآمي روحي لزوجج ..
ليليآن تبي تكذب الطلب للمره الثآنيه : يمه من جد تتكلمين .. وش حليلتس قبل شوي
ومدلعتني .. مسرع أنقلبتي ... الشيطآآن أعوذ بالله منه .. تعوذي منه يآبنت الحلال
بسرعه عشآن أدخل والله بننفضح عند الرجآآل لا عرف وش السآآلفه ...
(حطت يدهآ على خصرهآ ) يلا ...
الجده تمسك البآب وترفع يدهآ وهي تحركه بتهديد : والله ومحمد نبي الله أن مآآسمعت لافي
يسولف لي عن قعدتج معآآه الصبح هالبيت من هالحين مآتطبينه ...
ليليآن برجآ وبصوت مكسور تحركت تبي تقرب من الجده : يمه مآآهو كل مرة .......





بس فزت بقوة أول مآآسكرت الجده البآآب بأقوى مآعندهآآ وبوجهآآ ..
شهقت بقوة ولفت صوب الديوآنيه خآفت لايسمع تسكيرة البآب
ويطلع لهآ ركض ...؟
لو شآآفهآ بهالشكل ومن صبآآح الله خير وش بيقول ...؟
الشعر طآآير في كل جهه .. على الأقل تضفه وتعدل من خشتهآ شوي .. رفعت قميصهآآ
ورآحت تمشي بخطوآت وآآسعه وبشويش عشآن مآيحس فيهآآ ..
لصقت فالبآب وحطت شفآيفهآ عند فتحه صغيره


ليليآن بصوت وآآطي حيييل : يمه خلاص خلاص أفتحي البآآب بروح له ...
بس خليني أعدل خشتي تقول هندي منحآش من كفيله .. يممه .( دفت البآب ) يمممه ..
( طقت البآب بظفرهآ الطويل وبصوت مخنوق ) يمممه أنفضضضحت ..
والله مو بحلوة بحقي ... يممه يدي قآآمت تعورني ...


ظلت سآآكته على أمل ترد عليهآ بس بدون أية فآآيدة .. رفعت عيونهآ لسمآآ والنور بدى
يتسلل معآنق أدق تفآآصيل هالكون ...أخذت نفس بقوة وزفرته حتى تمسكهآ العبره ..
مآآطلعت الجده بهالقرآآر ألا في لحظة ضعفهآآ
لحظة خذلانهآ لمبآدئهآآ ...!!
رفعت يدهآ ومسكت رآآسهآآ مجرد التفكير أنهآ رآح تدخل عليه تحس بصدآآع
يتملكهآآ .... وهي وش درآآه أنه نآآيم يمكن متكي بو الشبآآب قآآعد يسمع
كل شي بصمت .. أبعدت عن البآآب وحركت رآآسهآآ صوب الديوآآنيه ..
خطوة ورى خطوة لين وصلت عن البآب وبهدوء رفعت قميصهآ ومآلت برآسهآآ
من الحذر مآآتبيه يحس بأي
.. تمآيل شعرهآ وطآآح حتى لامس الأرض ...
ظهر لهآ نص الديوآآنيه بس .. قدمت خطوة ومآلت أكثر وعلى طول مسكت يدهآ
بالجدآآر حتى تلمحه متمدد على فرآآشه نآآيم ...
لاف البطآآنيه حول جسمه بقوة وهوآ المكيف متوجه عليه مبآآشرة
يلعب بخصلات من شعره يمين ويسآآر ...


ليليآن تحط يدهآ على صدرهآ : أشوآآ ... نآآيم ...


بس كتمت شهقه يوم لمحت صينيه القهوة والشآآي بوسط الديوآآنيه .. وعلى طول تقدمت وآقفه
عند بآآب المدخل من الصدمة ... ظل شعرهآ على كتفهآ كله ..
وألف سؤال صآآر يدور في بالهآ
من متى هالقهوة والشآآي ...؟؟
معقوله هالموآآل برآآس جدتهآ من أمس وميري قآآيمه بدري حيل ومسويه هالقهوة ورآجعه
نآيمه ..
أو يمكن قهوة أمس يوم جت أمهآآ ومآحد شالهآ من الديوآآنيه ....
غمضت عيونهآ بقهر وهي عآآرفه ومتيقنه أن جدتهآ تستخدم الحلف سلاح تهددهآ فيه..
لأن الجده دآآمهآ حلفت فهي بلاشك رآآح تطبق حلفهآ نفس مآهو ...
رصت على أسنآنهآ بقوة .. هذي ثآآني مرة تهددهآ لو مآنفذت ألي تقوله
رآح تخليهآ تروح لأمهآ ...
وهالشي من سآآبع المستحيلات عندهآآ ..
فتحت عيونهآ وبخطوآت مجبورة دخلت الديوآنيه .. تحس نفسهآ غلط في هالمكآآن ...
وش رآآح تستفيد جدتهآ من هالشي ..
تقنعهآ أنهآ تزوجت خلاص .. حيآتهآ تغيرت .. مو هالزوآآج بالسر
يعني أية أسآسيآت لزوآج الصحيح ملغيه فيه
مجرد مآآيطبقونه فهالزوآآج رآآح ينكشف ...
أنحنت بحذر وجلست بهدوء قبآل صينيه القهوة والشآآي ... لوت فمهآآ وكل شي قآآمت
تحس بسخآآفته ...
تمآآيلت وحطت يدهآ على خدهآ تنطر الشيخ لافي يصحى عشآن تشيل روحهآ وتروح
تطق البآب
بأقوى مآآعندهآآ ..
بطلع كل حرتهآ في طق البآب .. خلهآ تعرف الجده كثر وش هي مقهورة ...
عضت على شفآآتهآ وببطء حركت عيونهآآ صوبه وهو محتل الجزء الأخير
من الديوآآنيه والابتوب جنب فرآآشه مفتوح وأورآآق كثيرة حوله ...
صآرت تطالع شعره وتحرك عيونهآ على البطآنيه الورديه ألي متلحفهآ ومسرع
مآآرجعت تطالع شعره ...
تحرك بجسمه وهو كآن معطيهآ ظهره حتى يصير وجهه مقآآبل لهآآ وعلى طول هي فزت وآآقفه
من مكآآنهآآ وعيونهآ بخرعه تطالعه ... نوت تكمل طريقهآآ بس تدآركت نفسهآ ورجعت
...
عيونه مآزال مغمضهآ مآآفتحهآآ ... ضمت أصآآبعهآ بقهر ..
هي وش له قآآعدة عنده بالديوآنيه ..
وش حآآدهآآ ...
أخذت نفس تبي تقوم بس ثبتت في مكآنهآ أول مآآكح بخفه حتى يفتح عيونه...
عقد حوآآجبه وأبد مو مستوعب ألي جآآلسه قبآآله ...
شعرهآ بكثآفته مستقر على كتفهآآ ومبعثر بشكل فوضوي آآسر ,,,
قبآلهآ صينية قهوة وشآآي ...
أبعد اللحآف كآآشف عن أيديه حتى تستقر وحدة على وجهه وببطء قآآم
يفركه ..
وهي ظلت فآآتحه عيونهآ على الأخر وبلا شعور أبتسمت تبي ترقع
وجودهآ في الديوآنيه عنده ...


أبعد يده عن عيونه يبي يتأكد أنهآ فعلا هي ..
هي موجوده عنده وقبآآله في محيط غرفه من أربع جدرآآن ..
مآآآهو من كثر أحلام صآآرت ترآآوده أمس مآآبين السآعه والثآآنيه
يبي يتأكد بأرآدتهآ جت لحد عنده ...
تنحنح بصوت مسموع وحرك رآآسه للجهه الثآنيه
حتى يسحب سآآعته ويرفعهآ لفوق وهو مصغر عيونه يطآلع السآعه كم ...؟
نزل السآآعه وقآم من الفرآش حتى ينكشف قبآلهآ صدره العآآري ...
نوت تشهق .. تصآآرخ .. تبكي .. بس
الجمود كآآن محتل أول أفعالهآآ .. يسحبهآآ لجنون الصمت ...
بلعت ريقهآ وعيونهآ بدون مآآتصد ومن هول ألشي ألي تشوفه وأبد مآآتوقعت
تنحط في هالموقف ظلت تطالعه ..
وبعبث مدت يدهآ وتمسكت في الصينيه .. رمى اللحآف بعيد عنه وقآآم بنفس الصمت
ألي تعود عليه حتى يتحرك طآلع من الديوآنيه ...
مر من عندهآ ولو تجرأ ووقف عندهآ ممكن كآآنت سوت أنفجآآر لهالصمت ألي أحتوآهآآ ...
دخل الحمآآم وسكره ..
ظلت تتنفس بقوة وأيديهآ صآبتهآ رجفه .. ورجولهآ فقدت السيطرة عليهم ..
المشهد ألجمهآ حتى عجزت تركض برآآ الديوآآنيه ...
دقآيق فتح بآب الحمآآم ووقف قبآل المغسله


فهد بصوته الخشن : ليليآن .. عطيني الفوطة نسيت أخذهآآ معآآي ...



مآآزآآل يتقن فن الهروب من مشآآعره في كلمآآآت مستتره...
في لحظة صبآحيه مبآغته له ...
مآآيقدر ينكر أنهآ قدرت تفجر ينآآبيع من مشآآعر أفتقدهآآ ...
لكنه بالفعل
قدر يذبح بدآآخله مشآآعر في يوم كآآنت تظهر أهتمآمهآ لكل شي
أنبهآرهآ بأدق تفآصيل الأشيآ جماليه ...
مآآآتت بحب أرتوى بجذوره من صغره وكبر وظل هالحب يكبر...
حتى يتلاشى مخلف من ورآآه بقعه دمآر شآآمله ..
لازآآل لحد هاللحظة يتألم منهآ تدفعه لبرآآكين من غضب قآتل


فهد بتأكيد وبصوت أعلى : ليليآن .. عطيني الفوووطة بسسرعه



قآمت بخرعه ورآآحت صوب الفوطة ألي كآآنت على مركة بمسآآفه مآآهي بعيده
عنهآ .. أنحنت وسحبت الفوطة برجفه وفي بالهآ
تبي تعطيهآ الفوطة وتطلع من كل شي .. كل شي ..
حضنتهآ بين أيديهآ وألف مشآعر تعبث بروحهآآ بس ظلت وآآقفه أول مآآلمحت سآآعه
يملاهآ الكريستآل ... أنعقدت حوآجبهآ أكثر وهالسآعه شآيفتهآآ بس في موجه
هالخوف والصدمة مو قآآدرة تركز وين بالضبط شآيفتهآآ ...
حضنت الفوطة بين أيديهآ أكثر وهي تبي تتذكر هالسآآعه وين شآآيفتهآآ ...؟
لكن

في لحظة حست بأيدين تلتف حوآآليهآآ وحرآرة غريبه تحضن ظهرهآ من ورآآ ...
شهقت بقوة وهي تلمح أيدينه تشد على جسمهآآ مكتفتهآ عن الحركة ..
يرصهآ ظهرهآ على صدره العآآري ...
أبتسم وأحسآآس دآآفي يدآآعبه وهو يحس برجفتهآ ...
أنحنى أكثر ودفن وجهه في شعرهآآ ... وصآرت تحس بثقل رآآسه على كتفهآ
يستقر ..
يستمتع في ضمهآآ .. صآآر يشم ريحة شعرهآ يبيهآ تخترق أنفآآسه
في عتمة حوآآسه عشقهآآ ...
حس فجأة أنه فقد طول هالسنين هالأحسآآس الدآآفي ..
فقده في ثورة طعنآت غدر وجرح وفقد غالي ...


فهد يقرب مآآيل برآآسه على رآآسهآآ : تصدقين أنج فآآتنه بهالشكل مع تحفظي للقمصآن
ألي تلبسينهم ...!!!


كهرب صآآر يسري في جسمهآ وهي تحس بحرآآرة جسمه تآآكل ظهرهآآ .. بلعت ريقهآآ بصعوبه

وبدت تتنفس بقوة .. حس في جسمهآ ينشد وعلى طول أرخى من شدته
لهآ .. تحرك بخطوة وحدة حتى يوقف قبآلهآآ



فهد يطالعهآ بدفآ : لايكون شديت على يدج ألي تعورج...!!
ليليآن بجمود تحآول تتكلم بس مو قآآدرة : ...................
فهد يلف يده حول كتوفهآ وعلى طول حضنهآ بخوف : بسم الله عليج .. ورآآج شآدة جسمج
بهالطريقه ... أكيد أخلعتج أنآآ ...
ليليآن ترفع رآآسهآ لهآ وبصوت مخنوق : تكفى لاتسوي فيني شي ...!




ظل يطآلعهآ وشفآتهآ قالت كلام أصآآبه في غمرة أحآسيسه الدآآفيه ...
معقوله بيظل طول عمره يعيش الفرحة مقسومة لنصفين ...؟
نصف ميت ونصف يجآآهد يبقى على قيد شفآه عطشى ...
ظل سآآكت وبصمت أبعد خطوة عنهآآ ...



فهد يأشر للبآب : ومن قال أني أبسوي فيج شي ... تبين تطلعين أطلعي ...


قال هالكلمتين وتحرك معطيهآ ظهره .. أنحنى ولبس تي شيرته الرصآآصي
بحركة سريعه ... دق جوآآله وعلى طول سحبه من الفرآآش
وهي تحركت بسرعه رآآميه فوطته على الأرض ...
حرك عيونه صوبهآ لين أختفت من قباله
تلاشت ببسآآطه ..
وكأن هالمشآآعر ألي بدآآخله وحيدة من بعد عشقه المزعوم ...
بيظل يشآآطر السرآب بكل شي ..
فتح الخط وحط الجوآآل عند أذنه


فهد بنبرة حآآزمه : ألو
طلال وكأن في هوآ تضرب سمآعته بقسآوة : أبوي خطب بنت عمي سالم لي ..
خطبهآ أمس قدآآم الكل بدون مآآيشآآورني ... وحدة لو مآآبقى في هالكون ألا هيط
مآآفكرت فيهآآ .

<

<

<


كـــــــــــــــــــت

لقآئنآ يوم السبت القآدم
أستودعكم الله الذي لا تضيع ودآئعه