كاتب الموضوع :
لَحنْ
المنتدى :
ارشيف خاص بالقصص غير المكتمله
رد: لا تشرق الروح إلا من دجى ألم هل تزهر الأرض إلا إن بكى المطر , بقلمي: لَحنْ
لا تشرق الروح إلا من دجى ألم هل تزهر الأرض إلا إن بكى المطر , بقلمي: لَحنْ
البآرت الـ3
جَهَلَت عيونُ الناسِ ما في داخلي
فوجدتُ ربّي بالفؤادِ بصيرا
يا أيّها الحزنُ المسافرُ في دمي
دعني , فقلبي لن يكون أسيرا
ربّي معي , فمَنْ الذي أخشى إذا
مادام ربّي يُحسِنُ التدبيرا
وهو الذي قد قال في قرآنه
وكفى بربّك هاديًا ونصيرا
بعد أسبوع
لآ تملك الوقت الكافي لنسيانهم , فنسيانهم باتاً شيء مستحيلا , اصبحت هشه كأوراق الخريف تأتي الريح فتنثرها على بساط الارض ؛ فتمطر السماء وتأخذ منها رائحتها الجميله ؛ هي فتاة سئمت من فكره ان الاشياء الجميله تدوم , واصبحت ترا الحياه من ثقب ضيق وتقول: لو ان الاحلام تمشي على قدميها , حتما لن تصلني.. تلك هياً سُندس الآن .
الجوهره تقرب لسندس الأكل: ياسندس ابد مايصير اللي تسوينه بنفسك
سندس والسكوت يملكها :.........
الجوهره تأخذ الملعقه وتمدها لها: عشاني الله يخليك بس وحده يمكن تنفتح شهيتك تكفين ياسندس
سندس بعدت الملعقه وقالت بصوت يكتسيه الحزن : انتي ماتعرفين حجم قهري وبالنار الشابه جواتي احس مو انا سندس صار همي الانتقام وكل همي اعرف من اللي سوا فيهم كذا ماهمني قاصد او لا انا ماعندي الاهم اغلى ما املك راحوووو ياجوهره تفهممييين كيف تبيني اكل وانا مع كل لقمه احس بالغصه وتوقف بحلقي (وبكت بحرقه)
الجوهره ضممتها والعبره خانقتها : الله يريح قلبك ياسندس والله لو بيد تقاسمت معك حزنك
سندس برجفه صارت تنطق يمه يبه مثل الاطفال وعادت فيها ذاكرتها للوراء
صحت من نومها مبسوطه انها حصلت اتصال من السعوديه وردت سندس بلهفه: هلا وغلا بأحلى ام واب بالدنيا يعني يهون عليكم خمسه ايام ماتطمنتو علي
..... : انا خالك مشعل ياسندس
سندس اختفت ابتسامتها: هلا خالي , شلونك؟
مشعل : انا وانا خالك داق اكلمك وانا ابيك تجين الرياض بأسرع وقت ممكن
سندس بلاشعور: امي فيها شيء ولا ابوي
مشعل : امك وابوك راحو لربك واليوم اخر عزاهم وقلنا مانخبرك عشان تكملين دراستك
سندس:..........
مشعل: هم صار لهم حادث والشخص الثاني ماجاه شيء والصدمه جت باهلك وانتي كملي دراستك وماله داعي ترجعين الرياض بالاساس خلص العزاء وماله لزمه جيتك
سندس صرخت : انت تممممززح ولا تتتسسهبلل لللححظظه استوعب كلامك عزاء واخر يوم وحادث وماتو انت وش تخربط
مشعل : كملي دراستك واذا على بيتكم ان لقيت شراي علمتك
سندس سكرت بوجهه وصارت تدور بالغرفه من غير وعيها وتحس باحد يخنقها بيده ومخها عجز يستوعب اي كلمه
الجوهره صحتها: من بكرا نداوم بالجامعه خلاص سندس الاحباط هذا اتركيه وصدقيني انا اختك صدق مو من دم واحد بس يشهد الله اني ماحب اشوفك متضايقه
سندس ابتسمت بحزن والدموع تملا عينها: الحمدلله ان ربي رزقني باخت مارزقني الله فيها من لحمي ودمي
طبطبت الجوهره على كتفها وابتسمت وقالت بمرح :خلاص يلا عاد لاتخلين راسي يكبر عليك بقوم احمي لك هالشوربه اللي بردت وصدقيني بتاكلين منها غصب
في مكان ثاني
في داخله يصرخ بصوت حاد , كان مختليا بنفسه, وبلحظه تفوه احدهم بكلمه تمنى الموت تمنى الموت بهذا الزمن الموبوء؛ وهو بداخله يلملم بعثره احلامه ..
حمد بمزحه ثقيله : ترا فهد ماهو بقوي لأنه عاجز عن طفل يجيبه يشيل اسمه
فهد رفع راسه من على جواله وناظر فيه بحده
تركي: حمد وش الكلام اللي تقوله قدامنا هذي حكمه ربنا واترك عنك الكلام هذا
فهد وقف والشرار بعينه : انا احسن من واحد يلعب ببنات خلق الله ياصغير العقل ويوهم نفسه بأسم الحب
طلع فهد من الديوانيه وركب سيارته وهو يسوق بقمه قهره والدموع على رمشه جرت : هيا ياعالم وصلت للمرجله يعايروني بسبه طفل
نزلت دمعته وقال بصوت مبحوح : ربي وعدني بفرجه
دخل بيته والغبنه باينه بعيونه
قابلته العنود بأبتسامه مرحه : تبي عشاء
فهد بصراخ : مابي عشاء
العنود تلاشت ابتسامتها وقالت بقمه جهل: وش فيك يافهد
فهد بحده :مافيني شيء
العنود بحب : تخبي عن غلا روحك
فهد مسكها من كتفها وبكى بلا رحمه : ابي مولود ؛ ابي خلفه ؛ ابي اصحى يالعنود على ازعاجه؛ ابي شكله بالرسم يشبهني ؛ ابي يعطل اشغالي عشان ارتب اللعابه ؛ واللبسه مثل ما اللبس ثيابه تشبه ثيابي؛ يروح المدرسه ويرجع يكلمني عن اصحابه
بكت العنود من غير صوت :قولي وش حيلتي انا عشان ابشر بالفرح قلبك قولي وش بيدي ؟
فهد وحالته صعبه بعدها عنه بعد ماغرس بكتفه اظافره وبنفس الوقت غرس الشوك بقلبها تمنت الموت ولاتسمع هالكلام منه
تركها بسرعه وراح لغرفته يخبي مدامع عيونه
جلست العنود على الكنب تبكي بألم
في مكان آخر
كآن يخطط للأنتقام من رجل آخر ليعيد له الصفعه مره اخرى
سيف بغضب: وكيف الحرس محاوطين البيت بكل مكان أقولكم مايعدي هالشهر الاوبنته عندي ان مادفعته الثمن غالي ماكون سيف
يعقوب واقف بجانبيه: ياطويل العمر راح نجيبها بأذن الله بس عطنا مهله
سيف ناظر فيه بحده: هالشهر بس ارجع من سفرتي احصلها عندي واحرق قلبه عليهها واخليه يجي يترجااني
يعقوب :إن شاء الله ,وابشر باللي تبيه
سيف بضجر :بطلع وباقي الملفات توصلني البيت قبل العصر
يعقوب بخضوع: سم ياطويل العمر,العصر عندك
سيف اخذ نفس عميق وطلع وهو يفكر بالأنتقام.
أسيل بعد ماطلعت من العمليه
اسيل ناظرت بالدكتور : دكتور خلاص الرحم راح
ام اسيل : يايمه خلاص هذا شيء مكتوب من رب العالمين
الدكتور ابتسم ابتسامه امل: اسيل انتي من اقوى المريضات عندي اللي لهم عزيمه وامل برب العالمين بعضهم من يطلعون من العمليات يحتاجون لطبيب نفسي لعتبون هذي المرحله وانا من الاسئله اللي طرحتها عليك اشوفك انا ماتحتاجين ولا جلسه علاجيه مع طبيب نفساني
اسيل مسحت دموعها بسرعه : طيب انا ماراح يجوني عيال ولا بنات
ام اسيل مسكت يد بنتها: قال تعالى :( واصبر فإن الله لايضيع اجر المحسنين )
اسيل وهي تناظر مكان العمليه: والنعم بالله
ولفت على امها : طيب يمه وش حكم التبني يجوز يمه صح
الدكتور كان يناظر في اسيل بدهشه ع مرضها المتعب الا انها تفكر بالمستقبل وتفكر بالاولاد ومايأست
ام اسيل :التبني ياماما حرام بس تكفلين يتيم يجوز
ناظرت لدكتور بأبتسامه امل متفائله : خلاص دكتور ما احتاج دكتور نفسي وياليت اطلع لبيتنا اسرع وقت
الدكتور :بإذن الله قريب
طيف حست بنغزات حولها فزت مرعوبه: مين هينا
طيف ضمت نفسها بنفسها : اتكللم انا مين هينا عمتي وش تسوين
...: انا ولد عمك
طيف صرخت : اطططلللع برااا ياححيوان اطلع
مسك فمها وهي تعض ايده : واذا ماطلعت وصرخي محد بيسمعك
طيف ودموعها تنزل
تكلم بخبث: الموعد بعدين اللحين ابوي جاي واشوفك على خير ياحلوه
طلع مسكر الباب معه
وطيف تمسك شعرها بقوة وتبككي :يارب فكني من العذاب اللي انا فيه يارب خذني للمكان اللي اخذت له اهلي
محمد يتكلم لميعاد: مدري وش اسوي اللحين
ميعاد بخوف : قلبي ناغزني منهم
محمد ناظرها: وش ممكنن يسوون
ميعاد بنفس الخوف: مدري محمد اي شيء لان طلباتهم غريبه كيف ياخذون اختراعك ويبونك تجيهم امريكا وتغير اسمك ويعطونك الجنسيه الامريكيه محمد انا خايفه من هالموضوع
محمد: بس المبلغ مغري وهينا مافي احد شجعني قدمت اختراعي ومعروضي ومحد عندي
ميعاد : لا لا محمد لاتتهور ابوي مستتتحححيل يوافق وامي بتخاف زياده تصدق احس احنا مراقبين ويسمعون كلامنا اللحين
محمد ضحك: ههههههههههه لامو لهدرجه قومي بس خلينا نطلع شوي لعند جدتي نشوفها ولكل حادث حددديث
ميعاد وقفت: الله يستر يارب يلا انتضرني شوي
وسرح محمد بالعرض اللي تقدم عليه وكيف يفتح الموضوع لاهله
نصفه مفقود ؛ والنصف الاخر موجود ؛ كان قويا بشكل كافي من الخارج ؛ في حين انه متهالك من الداخل ؛ وكل شيء بنظره اصبحا باهتا.
سعود :خلاص عاد وانا اخوك لاتشيل هم
عبدالعزيز تنهد : الحمدلله على كل حال
سعود نزل جواله : الذيبه عند طاريها توني بتصل عليها
عبدالعزيز لف يناظر من يقصد وصار يناظر فيهم وهم يتقدمون لطاوله
الجوهره ابتسمت : السلام عليكم
سعود وعبدالعزيز : وعليكم السلام
سعود ناظر في سندس : عظم الله اجرك الله يرحمهم ويغفرلهم
سندس ناظرت فيه والدمعه في عيونها: الله يجزاك خير
الجوهره تغير الموضوع : انا ابي فلوس مامعي
سعود :امس ماخذه مني امداهم تخلص
الجوهره نبي نروح نتسوق انا وسوسو
سندس : انتي قلتي الفلوس لك انا مابي شيء
سعود اخذ اخته على جنب
عبدالعزيز ناظر فيها : عظم الله اجرك مع اني مادري من المتوفي
سندس خنقتها العبره: امي وابوي
عبدالعزيز والشك بدا يسري بداخله :وش صار لهم ؟؟
آنتهى ..
واتمنى توقعاتكم الجميله
*واعذروني على الاخطاء لأن الكيبورد صراحه معذبني =)
|
19-04-14, 01:08 PM
جديد مواضيع قسم ارشيف خاص بالقصص غير المكتمله
العرض العادي
