السلآم عليكم ورحمة الله وبركاته
يعطيك العافية خيتو صمود الأنفس ، ماشاء الله طريقتك رائعة ومميزة بالكتابة و شدتني روايتك بقوة
استمري و نحن متابعون لك
بس عندي تعليق على رد الأخت أميرة بذوقي
أنا معها بإن رحيل شخصية انهزامية شوي ومستسلمة للظروف


أوك هي انظلمت كثير لكن اللي تسويه بنفسها أشوفه ظلم و أكبر من ظلم زيد لها كمان
اللي يمحور حياته على كلام الناس ورأيهم فيه عمره ما رح يتقدم خطوة فيها ، و أهم شي أهلها وحبايبها واثقين فيها وعارفين إنها ما غلطت وما كانت من أسباب الطلاق وهذا يكفيها حتى تتجاوز صدمتها وألمها ، أما زيد وباقي المجتمع بحريقتهم هو خسر إنسانة ما تتعوض وهم خسرو حسناتهم بكلامهم فيها وأهدوها إياها مجانا وبدون تعب


لو أشغلت نفسها بإنها بعد انقضاء العدة مثلاً و ولادتها وانقضاء الأربع أشهر الأولى الحساسة من حياة الطفل سجلت بالجامعة أو اشتغلت بأي شغلة حددت هدف وسعت له وإذا اضطرت حطت طفلها بالحضانة أو عند أمها وبدأت تعيش حياتها وتواجه الناس بقوة كان أفضل من حياة العزلة والانغلاق والخوف من كلام الناس


أما رجوعها لزيد بهالوقت و الشخصية الضعيفة المهزوزة وبهذي الطريقة الباردة اللي تقهر ولا تبرد حرة تفريطه فيها من قبل أنا ضده بقوة وأشوفه أكبر جريمة بحقها هذي وجهة نظري


وبنفس الوقت عدم رجوعها له لا يعني أهمية زواجها من غيره وتفريطها بطفلها بالذات هي لسى صغيرة والعمر قدامها حتى تعيش حياتها بطريقة ترضيها ، و لو إنها مقتنعة بأهمية رجوعها لزيد علشان ولدها لكن صبرت شوي حتى تبني شخصيتها وحياة طفلها و تخلي طليقها يعض أصابع الندم من ذكرياتها الحلوة معه من جهة و من نجاحاتها اللي يسمع فيها من جهة ثانية كان أفضل و أدعى لزيد إنه يحقق اللي جالسة تعيد و تزيد فيه على راسه وهو ولا همه




عذرا على الإطالة لكن هذا من إبداعك إنه الأحداث تثير نقاشات بين الأعضاء والكاتبة نتعرف فيها على وجهات النظر المختلفة ،


مرة ثانية يعطيك العافية وبإنتظار الأكشن بحياة رحيل و زيد وولدهم =)

مساء الخير صمود الانفس اعجبتني جدا روايتك للامانه لقيتها بالصدفه ولكن شدتني جدا جدا ماقدرت اطلع لين اكمل جميع اجزائها وفقتي جدا في اختيار العنوان وموضوع الروايه القليل من الروايات ناقشت موضوع المطلقات ومعاناتهم مع المجتمع والاجمل والاحسن اسلوب سردك لاحداث الروايه تجبر الجميع على اعادة قراتها مجددا


نجي لاحداث الروايه اعجبتني العلاقه الحميميه بين افراد عائلة ابو علي وعدم تحسيس رحيل بالنقص لان الكثير من عوائل مجتمعنا يحسسون المطلقه بالنقص ويحرمونها من اقل اقل حقوقها مابالك بكامل حقوقها ... شخصية مازن بالغ كثير في ردات فعله وانطوائه يعني المفروض يتحمس لمعرفة بلده وبلد والده ويشعر ولو بلقليل من الفظول لاستكشاف معالمه وكيفية الحياه الي عاشها والده في الرياض ... شخصية زيد شخصيه معقده لانه بشعر بداء العظمه كونه كاتب مشهور وتزوج لارضاءعائلته والمجتمع وكانت الضحيه رحيل وبعد تطليقها شعر بالندم واراد استرجاعها بحجة ابنهم يعيش بين والديه وهو ماتعانيه المطلقه في مجتمعنا ترضى بالقليل وتتنازل عن حقوقها التي اشرعها لها الدين حتى يعيشون ابنائها في سعاده والكثير منهم لا يرد لها تضحياتها الا بالجفاء والنكران ... فارس وهيفاء حلوه حياتهم ومثلت جزء كثير من الاسر السعوديه الي يرفضون عمل بناتهم وزوجاتهم وقريباتهم في مجال الطب والاجمل انه عوضها بشي تحبه وجهز لها مرسمها الخاص لتقضي فيه وقت فراغها ووقت ذهابه هو الى عمله ... شخصية عبد العزيز الى الان ماوضحت معالمها لانها جت في اخر بارت مع الاحداث ساتحدث عنها
واخيرا اتمنى اني ماغثيتك بتحليلاتي لشخصيتات الروايه ..... تقبليني عاشقه لابداعك

رواية رائعة بحق واسلوب ممتع وسلس ومشوق واتوقع رحيل تعشق زيد وجاها زي اصدمه منه لاكنها لا زالت تعشقه حتى لو انكرت

مساء الخير .. يعطيك العافية على البارت والاحداث ... عندي ملاحظات بسيطة اتمنى تتقبليها ياليت عند بداية كل مشهد توضحي مكان الحدث والتوقيت بما انك مبدعة في السرد والوصف حلو انك اذا نقلتينا من مشهد لمشهد نعرف قبل ماندخل فيه انتي وين نقلتينا بالظبط ........ وفي ملاحظة لك الحرية فيها بس هي بنظري مهمة للقراء وسلاسة فهمهم للرواية وهي انك تخلي الالفاظ في الوصف والسرد اكثر بساطة يعني كل ماكانت الكلمات خفيفة وسلسة في الطرح بدون تعقيدات كل ماوصلت لقلب القارئ مباشرة بدون توقف لاكثر من مرة عند المفردة حتى يفهمها وممكن البعض يتجاوزها لانها كانت معقدة بالنسبة له

خصوصا انو احداثك فيها الكثير من المشاعر الي تحتاج انها توصل للقارئ مثل ماانتي راسمتها سواء كانت فرح او حزن او صدمة وغيرها .. في كلمات كثيرة عندك موكل الفئات تستوعبها وخصوصا انو الرواية الخليجية صارت مرغوبة حتى للجنسيات العربية الثانية

وحلو من الكاتبة تحتوي الجميع بروايتها خصوصا اذا كانت الرواية هادفة وتحمل الكثير من القضايا مثل روايتك قضايا ماتخص بلد معين ولا مجتمع واحد انما هالاشياء موجودة بكل العالم ... ومافي مجتمع خالي من بعض هالاشياء


وخلي تعمقك يكون في وصف ردات الفعل الي تصدر من الشخصية يعني مثلا اذا الشخصية معصبة او متضايقة اكيد بتظهر علامات على ملامح وجهه او بيعبر عنها بحركاته الجسمانية بكذا بيوصلنا كل الي نحتاجه حتى نكون في الصورة مع الحدث والشخصية

نجي للبارت ومايحمل من احداث اكيد بتتصاعد مع البارتات الجاية وبيكون في اختلافات وتغيرات في حياة كل شخصية


رحيل وزيد


انا مااستغربت ولا تصرف من تصرفات زيد ولا توقعت اي شي بيكون مختلف .... بالعكس استنكرت ردة فعل رحيل يعني هي ايش كانت متوقعة من شخصية مثل زيد حتى تنهار وتبكي

مين قال لها انو تغير او مستعد يتغير علشانها ؟؟؟ هل هو وعدها او اوحى لها بهذا الشئ ؟؟ شئ واضح مثل وضوح الشمس اصلا وبيكون مستغرب وبعيد عن الواقعية لو تصرف تصرف مختلف عن الي صار


من البداية كل الي يهم زيد نفسه وكيف يرضي نفسه حتى لو على حساب ظلم غيره ...... ورحيل صدمتني بتصرفاتها وتفكيرها

على الاقل بعد الاهانة والطعنة الي تعرضت لها والي استنزفت الكثير منها كان بادرت بتغيير نفسها بالاول قبل ماترمي حالها لنفس الحياة

من طلقها هالاناني هي ايش الي سوته حتى مارممت جروحها ولا حاولت تتغلب على احزانها والي قهرني فيها اكثر تحججها بسيف حسستني انو مستحيل لاي انثى انها تبني مستقبل لها دام هي مطلقة وام


مين قال انها بتقصر بحق زيد وتربيته لو فكرت تدرس وتنور عقليتها الي تحتاج للكثير حتى تنفع حياتها وتنفع ولدها ... حسستنا انو ماصدقت انو زيد يطلبها حطت سيف عذر وحجة انها ترجع بينما الي واضح وضوح الشمس انها كانت تنتظر هاللحظة على نار

تصريحها قدام الكل انها بترجع تضحية منها عشان سيف دليل كبير انها محاولة لاخفاء عشقها الكبير لزيد رغم كل الي جاها منه بس رجعت له بسهولة حتى مااخذت وقتها في فرض شروط معينة تكون لصالحها

مستنكرة انو رعها لنفس البيت ليش هي اهتمت تسأل وين بيسكنها بعد رجوعها او اهتمت انها تبتعد عن ماضيها ابد بالعكس كان همها الرجوع له وانها تكون معاه من جديد


لو فعلا حبت تكون انسانة مختلفة غيرت روتين حياتها القديمة كلها واصرت انها تبتدي حياة جديدو مختلفة بروح جديدة وشخصية جديدة شخصية ماتناظر وراها لا شخصية متماسكة قوية غير مسموح لاي احد يكسرها ويقلل من شأنها

اول خطوة المفروض بعد احزانها ومواجعها الي عاشتها خلال الشهور الي راحت انها اهتمت كيف تبني شخصية جديدة كان قدمت على الجامعة واثبتت للناس ولزيد وغيره انها ماانهارت ولا تحولت لاشلاء لانها مختلفة عندها الي احتواها وساندها الكل بدون استثناء كان لها الصدر الحنون ومصدر قوة

الكل مستعد يعينها لو درست بالجامعة ماراح تقصر بولدها لانها مابتهاجر عنه هي ساعات بسيطة بتروح فيها الجامعة وبترجع باقي يومها لولدها الامر ماهو معقد مثل ماحسستنا هي فيه

انا درست وولدي عمره ايام مااشوف هالشي صعب ولا معقد خصوصا انها بترجع لبيت اهلها والتزاماتها بتكون محصور بولدها في غيرها عنهم ثلاثة وحوامل بالرابع ومسؤلية زوج وبيت والجامعة بعيدة عنهم ساعات طويلة لكن الارادة القوية مامنعتهم من الدراسة

هي جلستها ماكانت محصورة بسيف بالعكس كانت كل ساعة وكل دقيقة تعيد في ماضيها مع زيد لكن لو طلعت كل يوم بتتغير حياتها في اختلاطها واجتماعاتها مع بنات بعمرها وبتغير روتين ونفسية روحها بتجدد بدل الاستسلام للمواجع

ماقلنا لازم تعيش حياتها مع زوج ثاني مع انو في رجال كثير انانيين يطلقو حريمهم ويتزوجو ومايفكر بعيالهم لانو زوجاتهم يرفضو يربو عيال غيرهم يعني موضروري زيد بيهتم ياخذ ولده

انسان اناني يدور راحته ويركض وراء رغباته لو حس انو سيف بيعيق هالشئ ماراح يفكر فيه حتى ... يعني انها تحط سيف عذر شئ مومقبول ابد

لو هي عندها طموح مابتخلي هالشئ يمنعها عن تحقيق لو شئ بسيط من هالطموح بس هي شخصية انهزامية

واصلا هي عارفة الاشياء الي يبغيها زيد ومهتمة انها تلفت انتباهه ولو فعلا كانت تعني انها موجسد بس كان ماتعمدت تكشخ وتتزين وتحرص انها تسوي الاشياء الي سبق لزيد وصرح فيها وبعدين تقول انها موجسد

وحدة راجعة لرجال تكرهه وعلشان ولدها تتزين كل هالزينة وماتبغيه يفكر بجسدها .... خصوصا انها حلاله وهالشئ من حقه وهي ملزومة فيه ومومن حقها تمنعه دامها رجعت له بكامل ارادتها والشرع بصفه هو مو بصفها وهي عارفة انو هالشي بيصير وقبولها الرجوع له بدون حتى ماتحسسه حجم الجريمة الي سواها فيها تتحمل موهي حسست الكل انها مضحية بنفسها ومشاعرها علشان سيف خلاص لازم تعيش اللحظة الي اقنعت نفسها فيها


دموعها وتمنعها مابتأثر في زيد لانه من الاول مافكر فيها ولا في نفسيتها وهو ببساطة يطلقها ولا حتى خاف عليها يوم عرف انها حامل وممكن هالشئ يأثر على الجنين

بنظري دام هي رجعت خلاص لهالانسان وبكامل رضاها لازم تقهره بأنها تعامله بالمثل .. يعني تحرمه من اهتمامها ماتفكر ترضيه بالاشياء الي يحبها من لبس او ابتسامة او حتى انها تعطيه من وقتها لازم تحسسه انه اخر اهتماماتها لو كانت ذكية دخلت الجامعة وشغلت نفسها عنه بالدراسة وباقي وقتها لولدها وهو مايعنيها اذا جلست معاه او لا ... حقوقه مابيتركها لانه همه يرضي رغباته لكن مع تباعدها عنه اختلاف تعاملها القديم معاه

تحاول ماتبكي بوجوده لانه دموعها دليل على تاثرها ببعده عنها وهالشئ بيكبر راسه وبيزيد غروره لكن لما يحس انها ماهي متأثرة وعايشة حياتها بطريقتها بيحس شوي على دمه انها موجسد وانه هو الي قتل الروح الي فيها ولا بسهولة بيقدر يرجعها دامه يعاملها بالماضي ولا فكر انه يعتذر لو بالفعل عن جريمته

ننتظر من رحيل الكثير الي يحفظ لها الباقي من كرامتها بدون ماتوضح له ضعفها وتاثرها بالي قاعد يسويه


مازن

مازن يعيش حياة غريبة وفراغ بس دام في تقبل من بعض الاقارب هالشئ كفيل انو يساعده على التأقلم مع حياته واتوقع مازن بيكون فيه تصرفات وارثها من ابوه بتخلي الجدة تتذكر ولدها فيه وهي الي بتندم على تعاملها الجاف في البداية وبتحاول تعوضه وتسانده في الايام الجاية


ندى وسعود

ندى متناقضة وتحط لنفسها اعذار دامها خايفة من الذنوب والمعاصي ودامها عارفة الشرع والحلال والحرام ليش تحط مبررات لتعلقها بسعود الشرع حرم على اي شخص سواء ذكر او انثى انه يعطي مشاعره لانسان اجنبي عنه مايربطه فيه اي رابط وهي تحط مبرر لو هي ملتهية بدراستها ونفسها عن هالشي ماراح بيكون لمشاعر مجال للتفكير بسعود وامانيها انو يتزوجها ومليون بالمية لو سمعت انه تزوج من وحدة ثانية مابتكون ردة فعلها عادية والغلط منها هي سعود مااعطاها اي لمحة انو يبغيها ومااعتقد انه تعامل معاها تعامل مختلفة عن غيرها مثل ماهي متوهمة


عذرا على الاطالة لكن مااقدر اعلق تعليق عابر مع هالكم

الكبير من المشاعر والاحداث في الانتظار